စိတ်ဖိစီးမှုဖြေလျှော့ခြင်း

အဓိပ္ပါယ်ဖွင့်ဆိုချက်Stress (ကြောင့်ကြဖိစီးစိတ်) ကဘာလဲ။ ကြောင့်ကြဖိစီးစိတ်ဟာ အန္တရာယ်ရှိတဲ့အခြေအနေတွေကို သဘာဝအလျောက် စိတ်ပိုင်းဆိုင်ရာအရ၊ ရုပ်ပိုင်းဆိုင်ရာအရ တုံ့ပြန်တဲ့တုံ့ပြန်မှုဖြစ်တယ်။ တနည်းဆိုရရင် မိမိကိုအန္တရာယ်ပြုနိုင်တဲ့ စိုးရိမ်စရာကောင်းတဲ့ အခြေအနေတွေကို ခန္ဓါကိုယ်ရဲ့ တုံ့ပြန်တဲ့ပုံစံလည်းဖြစ်တယ်။ စိုးထိတ်စရာအခြေအနေ ကြုံရတဲ့အခါ ခန္ဓါကိုယ်ကနေ stress hormones လို့နာမည်ပေးထားကြတဲ့ ဟော်မုန်းတွေထုတ်ပါတယ်၊ adrenaline၊ cortisol စသည်တို့ဖြစ်ပြီး ကြုံလာရမယ့် ထိခိုက်မှုကို နိုးကြားသိရှိစေပါတယ်။ နှလုံးခုန်တွေမြန်လာမယ်၊ ကြွက်သားတွေတောင့်တင်း တင်းရင်းလာမယ်၊ သွေးပေါင်ချိန်တွေတက်မယ်၊ အသက်ရှူနှုန်းတွေမြန်မယ်၊ အာရုံတွေပါးလျလာမယ်။ ထိုတုံ့ပြန်မှုအခြေအနေကို တိုက်မလား၊ ပြေးမလား လို့တင်စားခေါ်ဝေါ်ထားကြပါတယ်။ ကြောင့်ကြပူပန်စိတ်ဟာ သင့်ကိုကာကွယ်နိုင်ဖို့ စွမ်းအားတွေလည်း ပေးနိုင်ပါသေးတယ်၊ ထိခိုက်မှုမတိုင်ခင် ဘရိတ်အုတ်ဖို့သတိပေးလိုက်သလိုပေါ့။ စိန်ခေါ်မှုတွေကို ရင်ဆိုင်ဖို့လည်း ကူညီသေးတယ်။ အလုပ်ကတင်ပြမှုတွေမှာ အာရုံအပြည့်အဝင်စေတယ်၊ ကစားပွဲတစ်ခုမှာ နိုင်ဖို့အားသန်နေစဉ် စိတ်အာရုံတွေအကုန် စူးရှတက်ကြွနေစေတယ်၊ ဒါမှမဟုတ် စာမေးပွဲနီးစဉ် တီဗွီကြည့်နေတာထက် စာကျက်ဖို့အားပေးတာတွေဟာ ကြောင့်ကြစိုးရိမ်စိတ်တွေကြောင့်ဖြစ်တယ်။ ဒါပေမယ့် ထိုကဲ့သို့အကူအညီဖြစ်နိုင်တာတွေထက် ကျော်လွန်ပြီး […]

ဘောလုံးပွဲကြည့်တာက ကျန်းမာရေးအပေါ် ဘယ်လို သက်ရောက်မှုရှိသလဲ ဆိုတာကို သိချင်တယ်ဆိုရင်တော့ ဆောင်းပါးလေးထဲမှာ ဖတ်ကြည့်လိုက်နော်။ နိုင်ငံတကာမှာ အားကစားပွဲစဉ်တွေ အများအပြား ကျင်းပနေကြပြီး အရင်ကနဲ့မတူဘဲ ကမ္ဘာအရပ်ရပ်မှာ ယှဉ်ပြိုင်ကစားနေတဲ့ အားကစားပွဲစဉ်တွေကို တီဗွီတွေ၊စမတ်ခ်ဖုန်းတွေ၊ ကွန်ပျူတာနဲ့ တက်ဘလက်ခ်တွေ ကနေတဆင့်လည်း ဖမ်းယူကြည့်နိုင်နေပြီ ဖြစ်ပါတယ်။ အားကစားပွဲတွေကို ကြည့်ရှုအားပေးတာက ကျွန်တော်တို့ကို နေ့စဉ်တွေ့ကြုံနေရတဲ့ ဘဝအခြေအနေတွေထဲကနေ လွတ်မြောက်ခွင့် ရစေနိုင်တဲ့ အခွင့်အလမ်းတစ်ရပ်ပါ။ ဘောလုံးပွဲကြည့်တာက ကျန်းမာရေးအပေါ် ဘယ်လို သက်ရောက်မှုရှိသလဲ ဘောလုံးပွဲကြည့်တာကက နေရရှိနိုင်တဲ့ အကျိုးကျေးဇူးများ ကတော့ ဘောလုံးပွဲ ကြည့်ရှုတာက တက်ကြွစေတယ်။ အားကစားသမားတွေက ရယ်ရင်းမောရင်း ပြေးရင်းလွှားရင်း ယှဉ်ပြိုင်စားနေတာကို ကြည့်ပြီး သူတို့လုပ်နိုင်သလို ငါလည်းလုပ်နိုင်ရမယ်ဆိုတဲ့ အတွေးမျိုး ရရှိသွားတဲ့အခါ စိတ်အားတက်ကြွမှုကို ရရှိခံစားရမှာ ဖြစ်ပါတယ်။ အားကစားပွဲတွေအားပေးတာကလေ့ကျင့်ခန်းလုပ်ပြီးသားဖြစ်စေတယ်။ လေ့လာမှု တစ်ရပ်အရ အားကစားပွဲတွေကို အားစားကွင်းထဲမှာပဲဖြစ်ဖြစ် တီဗွီဖန်သားပြင် ကနေပဲဖြစ်ဖြစ် အားပေးတဲ့အခါ […]

စိတ်ဖိစီးခြင်းဟာ မကုသရင် ကျန်းမာရေးပြဿနာ အတော်များများကို ဖြစ်စေနိုင်ပါတယ်။ စိတ်ဖိစီးမှုကို ဖြေရှင်းဖို့ နည်းလမ်းကတော့ ကိုယ်တိုင် ကြိုးစားကိုင်တွယ်ဖြေရှင်းခြင်းပဲ ဖြစ်ပါတယ်။ စိတ်ဖိစီးမှုကို လျှော့ချဖို့ သင့်ရဲ့ စိတ်နဲ့ ခန္ဓါကိုယ်ကို ဘယ်လို ကိုင်တွယ်မလဲဆိုတာ ကြည့်ကြရအောင်။   စိတ်ကို တည်ငြိမ်အောင်ထားပါ။ ပထမဦးစွာ စိတ်ဖိစီးမှုဟာ စိတ်ပိုင်းဆိုင်ရာ ပြဿနာဖြစ်တယ်ဆိုတာကို အာရုံပြုထားပါ။ အောက်ပါအချက်တွေကို ပြုလုပ်နိုင်ပါတယ်။ ပြဿနာတွေကို ချရေးပါ။ အလုပ်၊ စာ၊ မိသားစု၊ သူငယ်ချင်း၊ အချစ် အစရှိတာတွေရဲ့ စိုးရိမ်ပူပန်မှုတွေကို ချရေးပါ။ စိတ်ဖိစီးစေတဲ့ အချက်အလက်တွေအကြောင်းကို ရေးနိုင်ပြီး ဒီအခြေအနေတစ်ခုချင်းစီမှာ ဘယ်လိုခံစားရသလဲဆိုတာပါ ရေးနိုင်ပါတယ်။ ပြီးရင်တော့ စိတ်ဖိစီးမှုကို ဘယ်လိုထိန်းချုပ်မလဲဆိုတာ ရေးနိုင်ပါတယ်။ ဒါဟာ စိတ်ဖိစီးမှုကို ကောင်းစွာ ထိန်းချုပ်နိုင်စေဖို့ သင့်ကို ကူညီပေးနိုင်ပါတယ်။ စိတ်ခံစားချက်တွေကို သိမ်းမထားပါနဲ့။ ဖွင့်ထုတ်ပါ။ ငိုခြင်း၊ ရယ်ခြင်းတွေကို […]

Stigma ဆိုတာကသင့်မှာသူများနဲ့မတူတဲ့ပင်ကိုလကဏာတွေရှိတဲ့အခါတစ်စုံတစ်ယောက်ကသင့်ကိုမကောင်းတဲ့အမြင်နဲ့ကြည့်ခြင်းကိုဆိုလိုတာပါ။ ကံမကောင်းစွာနဲ့ဘဲစိတ်ကျန်းမာရေးပြသနာရှိနေတဲ့သူတစ်ယောက်ကတခြားသူတွေအပေါ်ကောင်းတဲ့အမြင်နဲ့မကြည့်နိုင်တာ၊ ကောင်းတဲ့စိတ်မထားနိုင်တာကဖြစ်လေ့ရှိပါတယ် Stigma ကခွဲခြားခံရခြင်းကိုဖြစ်စေနိုင်ပါတယ်။ ခွခြားခံရခြင်းကသိသာပါတယ်။ဥပမာ - တစ်စုံတစ်ယောက်ကသင့်ရဲ့စိတ်ပိုင်းဆိုင်ရာချို့ယွင်းမှုအခြေအနေနဲ့ကုသမှုတွေအပေါ်အပျက်သဘောဆန်ဆန်အတွေးအမြင်ရှိခြင်းဘဖြစ်ပါတယ်။ ဒီလိုခွခြားမှုတွေကသိမ်မွေ့နိုင်သလိုတစ်ခါတစ်လေလည်းတမင်ရည်ရွယ်တာမျိုးဖြစ်နိုင်ပါတယ်။ဥပမာ - တစ်စုံတစ်ယောက်ကသင့်ဟာသင့်ရဲ့စိတ်ပိုင်းဆိုင်ရာပြသနာကြောင့်သင်ဟာမတည်ငြိမ်ဘူး၊ဘေးဖြစ်နိုင်တယ်၊ကြမ်းတမ်းနိုင်တယ်လို့ယူဆပြီးသင့်ကိုရှောင်နေတာမျိုးဖြစ်ပါတယ်။ တတစ်ခါတစ်လေမှာသင့်ကိုသင်လည်းဒီလိုထင်မိပါလိမ့်မယ်။   Stigma ရဲ့ဘေးဖြစ်စေနိုင်တဲ့အချက်တွေကတော့ - သူငယ်ချင်း၊ ဆွေမျိုး၊လုပ်ဖော်ကိုင်ဖက်တွေရဲ့နားလည်မှုမရခြင်း။ အကူအညီနဲ့ကုသမှုရှာဖွေဖို့တွန့်ဆုတ်ခြင်း။ အနိုင်ကျင့်ခြင်း၊ရုပ်ပိုင်းဆိုင်ရာစော်ကားခြင်း၊အရှက်ခွခြင်း။ တချို့သောစိန်ခေါ်မှုတွေမှာသင်လုံးဝမနိုင်နိုင်ဘူးလို့စိတ်ထဲစွခြင်း၊သင့်အခြေအနေကိုမတိုးတက်နိုင်လောက်ဘူးလို့စိတ်ထဲစွခြင်း။ အလုပ်ရနိုင်ချေည်းခြင်ူ၊ ကျောင်းဝင်ခွင့်ရနိုင်ချေနည်းခြင်း၊လူမှုရေးလှုပ်ရှားမှုတွေမှာပါဝင်ခွင့်ရနိုင်ချေနည်းခြင်းဒါမှမဟုတ် နေထိုင်ဖို့နေရာရှာဖွေဖို့ခက်ခခြင်း။   အောက်မှာဖော်ပြထားတာက Sigma ကိုထိန်းချုပ်ဖို့နည်းလမ်းတွေပါ။ Stigma ကြောင့်သင့်ကိုယ်သင်သံသယဝင်မှုတွေ၊ရှက်ရွ့မှုတွေမဖြစ်စေပါနဲ့။ သင့်အခြေအနေကသင့်ရဲ့အားနည်းချက်ဖြစ်တယ်ဒါမှမဟုတ်အကူအညီမလိုဘဲသင်ကိုယ်တိုင်ထိန်းချုပ်နိုင်တယ်လို့သင်ယုံကြည်ချင်ယုံကြည်နေပါလိမ့်မယ်။ တကယ်တော့ဒါကမှားပါတယ်။ စိတ်ကျန်းမာရေးဆရာဝန်ရဲ့အကူအညီကုယူုခင်း၊သင့်ရဲ့ပြသနာအကြောင်းကိုသင်ကိုယ်တိုင်သိအောင်လုပ်ပြီးတခြားစိတ်ကျန်းမာရေးပြသနာခံစားနေရတဲ့လူတွေနဲ့ဆက်သွယ်ခြင်းကမိမိကိုယ်ကိုမိမိယုံကြည်မှုပြန်ရပြီးသင့်ကိုယ်သင်မကောင်းမြင်တာကနေလွတ်မြောက်မှာပါ။   သင့်ကိုယ်သင်သီးသန့်ခွဲမထားပါနဲ့။ သင့်ရဲ့စိတ်ကျန်းမာရေးအခြေအနေကိုတစ်စုံတစ်ယောက်ကိုပြောပြသင့်ပါတယ်။ မိသားစုဝင်တွေကိုဖြစ်ဖြစ်၊သူငယ်ချင်းတွေကိုဖြစ်ဖြစ်၊စိတ်ကျန်းမာရေးဆရာဝန်ကိုဖြစ်ဖြစ်၊သင့်အဖွဲ့အစည်းကလူတွေကိုဖြစ်ဖြစ် ပြောပြသင့်ပါတယ်။ သင်ယုံကြည်နိုင်တဲ့၊သင့်ကိုအထောက်အကူပေးနိုင်မယ့်သင့်ကိမဝေဖန်မယ့်သတွေကိုရှာပြီးပြောပြပါ။ အထောက်အကူပြုအဖွဲ့အစည်းထဲပါဝင်ပါ။ အထောက်အကူပြုအဖွဲ့အစည်းကစိတ်ကျန်းမာရေးပြသနာတွေကြုံနေတဲ့သူတွေအတွက်ရွေးချယ်စရာတစ်ခုပါ။ ဒီအထောက်အကူပြုအဖွဲ့အစည်းတွေကပုံစံလေးတွေကွဲနိုင်ပေမယ့်အခြေခံကတော့တူတူပါဘဲ။ တစ်ဦးချင်းစီရဲ့ကြုံနေရတဲ့အတွေ့အကြုံတွေကိုပြောပြပြီးတစ်ဦးချင်းစီကအားပေးနှစ်သိမ့်ပေးပါတယ်။ ကျောင်းမှာလည်းအကူအညီယူပါ။ စိတ်ကျန်းမာရေးအခြေအနေကြောင့် ကျောင်းသားအချင်းချင်းခွခြားဆက်ဆံပြီး သွေဖယ်ထားတာကဥပဒေနဲ့ဆန့်ကျင်ပါယ်။ မူလတန်းကနေ ကောလိပ်အထိဆရာဆရာမတွေက ကျောင်းသားတွေကိုသူတို့အတတ်နိုင်ဆုံးအသင့်တော်ဆုံးနေရာချပေးကြပါတယ်။ ဒါကြောင့်သင့်ဆရာဆရာမတွေနဲ့ ကျောင်းကတာဝန်ရှိသူတွေကိုသင်အကူအညီလိုရင်တောင်းဖို့ဝန်မလေးပါနဲ့။ Stigma ကိုဆန့်ကျင်ပါ။ Support group တွေမှာသင့်ရဲ့အမြင်တွေကိုဝင်ပြောပါ။ အယ်ဒီတာတွေဆီဖြစ်ဖြစ်၊အင်တာနက်မှာဘဖြစ်ဖြစ်ပြောပါ။ ဒီလိုစိတ်ပိုင်းဆိုင်ရာပြသနာတွေကိုရင်ဆိုင်နေရတဲ့သူတွေအတွက်သင့်အမြင်တွေကအကူအညီပေးနိုင်သလိုလူထုကိုလည်းဒီအကြောင်းသတိပြုမိစေပါတယ်။       Hello Health Group does not provide medical […]

သင်ချစ်တဲတစ်စုံတစ်ယောက်ကိုဆုံးရှုံးရတာကလုံးဝမလွယ်ကူပါဘူး။ ဒီဆုံးရှုံးမှုကြောင့်သင်ပြောင်းလဲသွားနိုင်သလိုဒီဆုံးရှုံးမှုကြောင့်ဘဲသင်ဘယ်လိုဆက်လက်ှငသန်ရမလဲဆိုတာကိုသိနိုင်ပါတယ်။ ဝမ်းနည်းပူဆွေးခြင်းကသင်တစ်စုံတစ်ယောက်သို့မဟုတ်အရေးကြီးတဲ့တစ်စုံတစ်ခုကိုံးရှုံးတဲ့အခါပုံမှန်ဖြစ်လေ့ရှိတဲ့ကျန်းမာတဲတုံ့ပြန်မှုတစ်ခုပါ။ သင်ချစ်တဲ့တစ်စုံတစ်ယောက်ကိုဆုံးရှုံးတဲ့အခါတုန်လှုပ်မှုနဲ့ဝမ်းနည်းပူဆွေးခြင်းကသင့်ကိုလွှမ်းမိုးသွားပါတယ်။ ဒီလိုဆုံးရှုံးတဲ့အခါသင့်စိတ်ခံစားချက်တွေကအဆင့်လိုက်ဖြစ်ပေါ်ပါတယ်။ ဆရာဝန်တွေကဝမ်းနည်းပူဆွေးခြင်းကိုအဆင့်ငါးဆင့်သတ်မှတ်ထားပါတယ်။ ငြင်းကွယ်ခြင်း၊ ဒေါသထွက်ခြင်း၊ထိန်းညှိခြင်း၊စိတ်ဖိစီးခြင်းနဲ့လက်ခံခြင်းတို့ဖြစ်ပါတယ်။ လူတိုင်းကဒီအဆင့်တွေကိုဘဲသူတို့နည်းသူတို့ဟန်နဲ့ကြုံတွေ့ကြရပါတယ်။   လူတိုင်းဟာသူတို့ရဲ့ခံစာူချက်တွေကိုထိန်းချုပ်ပုံချင်းမတူပါဘူး။ အောက်ဖော်ပြပါအကြံပြုချက်တွေကသင့်ခံစားချက်တွေကို ကောင်းစေဖို့နည်းလမ်းတွေပါ။ သတိမှတ်နေပါ - အချိန်တိုင်းဖြစ်ပျက်နေတာတွေကိုဖြစ်ပျက်နေတယ်လို့သတိထားနေပြီးနားခါးလွန်းတဲ့အမှန်တရားကိုလည်းလက်ခံပြီးသင့်ကိုယ်အကူအညီနိုင်ဆုံးဖြစ်မယ့်တုံ့ပြန်မှုနဲ့တုံ့ပြန်ပါ။ တရားထိုင်းခြင်းနဲ့စိတ်ငြိမ်စေတဲ့နည်းလမ်းများဥပမာ - အသက်ရှူသွင်းရှူထုတ်စတဲ့နည်းလမ်းတွေကသင့်ကိုသတိကပ်စေပြီးဝမ်းနဲပူဆွေးခြသ်းတွေနဲ့လွှမ်းမိုးတာမခံရတော့ပါဘူး။   ရင်ဖွင့်ပါ - သင်ခံစားနေရတာတွေကိုအသိအမှတ်ပုခံရခြင်းကသင့်ကိုအများကြီးကူညီပါတယ်။ သင်ဘယ်လိုခံစားနေရလဲဆိုတာတစ်ပါးသူတွေဆီရင်ဖွင့်ပြီးမိမိကိုယ်ကိုအသိအမှတ်ပြုပါ။   စိတ်ရှည်ပါ - သင်ပြန်ကောင်းလာဖို့ကအချိန်ယူရပါတယ်။ သင့်ဝမ်းနည်းပူဆွေးမှုတွေကိုထိန်းချုပ်နေရချိန်မှာဆုံးဖြတ်ချက်ချရတာခက်ပါတယ်။ အကောင်းဆုံးကအရေးကြီးတဲဆုံးဖြတ်ချက်တွေကိုသင်ပုံမှန်ပြန်ဖြစ်တဲ့ထိရွှေ့ထားသင့်ပါတယ်။   သင့်ကိုယ်သင် ပျော်အောင်ထားပါ - ရီမောခြင်းကသင့်ကိုကုသပေးပါလိမ့်မယ်။ ဒါပေမယ့်လည်းငိုတာကလည်အဆင်ပြေပါတယ်။ လူမှုရေးလှုပ်ရှားမှုတွေထဲပါဝင်နိုင်သလောက်ပါဝင်ပါ။   သင့်ကိုယ်သင်ဂရုစိုက်ပါ - ကျန်းမာစွာနေပြီးစားနိုင်သလောက်စားပါ၊ လေ့ကျင့်ခန်းလုပ်နိုင်ရင်လုပ်ပါ။ အရက်နဲ့တခြားမူးရစ်ဆေးတွေကိုရှောင်ပါ။ သူတို့ကသင့်ခံစားချက်တွေကိုထိန်းချုပ်ရာမှာပိုဆိုးစေပါတယ်။   သင့်ကိုနှစ်သိမ့်ပေးမယ့်သူတွေရှာပါ - သင်လိုအပ်နေချိန်မှာသင့်အတွက်ရှိပေးနေတဲ့သူတွေရှိတာသိဖို့အရေးကြီးပါတယ်။ သူငယ်ချင်းတစ်ယောက်ဒါမှမဟုတ်မိသားစုဝင်တစ်ယောက်ဒါမှမဟုတ်ျဆးဘက်ဆိုင်ရာကျွမ်းကျင်သကိုရင်ဖွင့်လိုက်တာကလည်းသင့်ကိုသက်သာစေပါတယ်။ နှစ်သိမ့်ပေးတဲ့အဖွဲ့အစည်းလိုမျိုးကလည်းတစ်ယောက်ချင်းစီရဲ့အတွေ့အကြုံတွေခံစားနေရတာတွေကိုနားလည်ပေးကြတဲ့အတွက် ရွေးချယ်သင့်ပါတယ်တစ်ယောက်ယောက်ကိုဆုံးရှုံးပြီးပူဆွေးနေရတာကရိုလာကိုစတာကိုအပေါ်တက်လိုက် အောက်ဆင်းလိုက်စီးနေရတာနဲ့တူပါတယ်။ သင်ဆုံးရှုံးရတာအတွက်ခံစားရတာကတော်ရုံနဲ့မပျောက်ပါဘူး။ ဒါပေမယ့်အချိန်ကြာလာတာနဲ့ပြန်ကောင်းစပြုလာပါလိမ့်မယ်။ တကယ်လို့သင့်ပူဆွေးမှုကတဖြည်းဖြည်းမပျောက်ဘူးဆိုရင်ကျွမ်းကျင်သူတွေရဲ့အကူအညီတောင်းပါ။     Hello Health Group does not provide medical advice, diagnosis or treatment.

ကျွန်တော်တို့ ဘာလို့ရယ်မောကြတာလဲ။ ပျော်လို့ရယ်တာပေါ့၊မဟုတ်ဘူးလား။ စိတ်ကျေနပ်ပျော်ရွှင်တဲ့အခါ၊ဝမ်းသာအားရတဲ့အခါ ကျွန်တော်တို့ရယ်မောတတ်ကြပါတယ်။ အကယ်၍များ ရယ်မောနိုင်တဲ့ စွမ်းရည် လူတွေမှာ မရှိဘူးလို့ တွေးကြည့်လိုက်စမ်းပါ။ တွေးတာနဲ့တင် ပျင်းဖို့ကောင်းနေပါပြီ။ ဖြစ်ကို မဖြစ်နိုင်ပါဘူး။ ရယ်မောခြင်းဟာ ကျွန်တော်တို့ဘဝရဲ့ အစားထိုးလို့မရတဲ့ အစိတ်အပိုင်း တစ်ခုဖြစ်ပြီး သူသာမရှိတော့ဘူးဆိုရင် ကျွန်တော်တို့ရဲ့ ဘဝဟာ အရင်ကနဲ့ ဘယ်လိုမှ တူညီနိုင်တော့မှာ မဟုတ်ပါဘူး။ ရယ်မောခြင်းကနေ ပျော်ရွှင်ခြင်းကိုပဲ ပေးတာမဟုတ်ပါဘူး၊တခြားသော ကျန်းမာရေးဆိုင်ရာ အကျိုးကျေးဇူးတွေကိုလည်း ပေးနိုင်ပါသေးတယ်။ ရယ်မောခြင်းကြောင့် ရရှိတဲ့ ရုပ်ပိုင်းဆိုင်ရာ အကျိုးကျေးဇူးတွေကို မြင်သာအောင် သက်သေပြဖို့ နည်းနည်းခက်ပေမယ့် စိတ်ကျန်းမာရေးအတွက် အကျိုးရှိစေတာကိုတော့ လူတိုင်းသေချာပေါက် ခံစားမိကြမှာပဲ ဖြစ်ပါတယ်။     ရယ်နေတဲ့အချိန်ဆို မငိုဘူးလေ။ ဒီထက်ရှင်းတာတောင် ဒီလောက်မရှင်းဖူးလို့ သင့်အနေနဲ့ တွေးကောင်းတွေးနေပါလိမ့်မယ်။ ဟုတ်ပါတယ်၊ဒါဟာ အခြေခံအကျဆုံး၊အရိုးရှင်းဆုံး အချက်ပါ။ တမျိုးပြန်စဉ်းစားရအောင်။ သင်ငိုနေတဲ့ အချိန်တွေဆိုရင် မရယ်နိုင်ပါဘူး။ အင်းပေါ့လေ ရုတ်တရက် […]

"ရယ်မောခြင်းသည် အသက်ရှည်စေ၏" တဲ့။ စကားပုံလေး လူတိုင်းကြားဖူးမှာပါ။ ပျော်တဲ့အခါ၊စိတ်ထဲမှာ နေလို့ထိုင်လို့ ကောင်းတဲ့အခါ ကျွန်တော်တို့ ရယ်မောတတ်ကြပါတယ်။ ရယ်မောခြင်းဟာ တဦးနဲ့တဦးကို နီးကပ်စေပါတယ်။ ရင်ဘတ်ချင်း နီးစေပါတယ်။ သူစိမ်းတရံဆံတွေနဲ့တောင် ပျော်ပျော်ပါးပါးကြီး အတူတကွ ရယ်မောလို့ ရပါတယ်။ ရယ်မောခြင်းက သင့်ကို ပျော်ရွှင်စေရုံသာမက ကျန်းမာရေးအတွက်လည်း ကောင်းကျိုးတွေ အများကြီး ဖြစ်စေပါတယ်လို့ ကျွမ်းကျင်သူတွေက ဆိုပါတယ်။   ရုပ်ပိုင်းဆိုင်ရာ အကျိုးကျေးဇူးတွေ တကယ်လို့ ကျွန်တော်တို့ရယ်မောနေတဲ့ အချိန်မှာ ဖြစ်ပေါ်ပြောင်းလဲနေတဲ့ ဇီဝဗေဒဖြစ်စဉ်တွေကို လေ့လာကြည့်မယ်ဆိုရင် အင်မတန်အံ့ဩဖွယ်ကောင်းတဲ့ အဖြစ်အပျက်တွေ ခန္ဓါကိုယ်ထဲမှာ ဖြစ်ပေါ်နေတာကို တွေ့မြင်ရမှာပဲ ဖြစ်ပါတယ်။ ရယ်မောခြင်းဟာ ကြွက်သားတွေကို ပြေလျော့စေပြီး ခန္ဓါကိုယ်ရဲ့ တင်းကြပ်မှုတွေကို သက်သာလျော့ပါးစေပါတယ်။ မကောင်းတဲ့ ဟော်မုန်းတွေ ထွက်ရှိမှုကို နည်းသွားစေပြီး ခုခံအားစနစ်မှာ ပါဝင်တဲ့ ဆဲလ်တွေထုတ်လုပ်မှုကို မြင့်တက်စေပါတယ်။Endorphins ဓါတ်တွေလည်း အများအပြား […]

ငွေပိုရှာလိုပါသလား။ တစ်ချိန်တည်းမှာပဲ အလုပ်နဲ့အားလပ်ချိန်ကြား ရွေးရခက်တဲ့အနေအထားကြုံနေရပါသလား။ သည်မေးခွန်းတွေကစဉ်းစားရကြပ်စေပါတယ်။ ဘယ်သူမှ သည်ဆုံးဖြတ်ချက်ကို လွယ်လွယ်ကူကူ မချမှတ်နိုင်ပါဘူး။ အလုပ်ကိုကြိုးကြိုးစားစားလုပ်တဲ့အခါ ဝင်ငွေများလာပေမယ့် အပန်းဖြေချိန်နည်း သွားပါတယ်။ တစ်ဖက်ကကြည့်ရင် အပန်းဖြေချိန်များသွားရင်လည်း သင့်ကို အရေးကြီးတဲ့ လုပ်ငန်းတာဝန်တွေကို မပြီးမြောက်စေနိုင်ပါဘူး။ ဘဝပြည့်စုံရေးအတွက် သင်သိထားသင့်တဲ့ အရေး ကြီးဆုံးအချက်က အလုပ်နဲ့အပန်းဖြေ ချိန် သင့်တင့်မျှတဖို့ပဲဖြစ်ပါတယ်။ အလုပ်နဲ့ အပန်းဖြေချိန်မျှတအောင် ဘယ်လိုလုပ်ရမလဲဆိုတဲ့ နည်းလမ်းတွေကို ကြိုးကြိုးစားစားရှာဖွေပါ။ အပန်းဖြေအနားယူတဲ့အခါ အလုပ်တွေကို ခဏဘေးမဖယ်ထားဘဲ အနားယူဖို့ဆိုတာ ခက်ပါတယ်။ ပထမဆုံးအနေနဲ့ အလုပ်နဲ့အနားယူတာ နှစ်ရပ်စလုံးအတွက် အဆင်ပြေစေဖို့ လုပ်ငန်းဆောင်ရွက်မှုပိုင်းဆိုင်ရာ အရည်အချင်း တွေတိုးတက်စေမယ့် နည်းလမ်းတွေကို ရှာဖွေရပါမယ်။ လူတော်တော်များများက တစ်နေ့လုံးရုပ်ရှင်ကြည့်နေတတ်ပေမယ့် စိတ်ဝင်စားလို့ကြည့်နေတာမျိုးတော့ မဟုတ်ပါဘူး။ ဒီအနေအထားက သူတို့မှာ သင့်တော်ပြီး စိတ်ပါဝင်စားစွာနဲ့လုပ်ဆောင်ရမယ့် အပန်းဖြေ စရာမရှိဘူးဆိုတာကိုဖော်ပြနေပါတယ်။ သူတို့အနေ […]

စိတ်ခံစားမှုဆိုင်ရာ ကျန်းမာရေးဟာ ဘဝပေါ်မှာ အကျိုးသက်ရောက်မှု ရှိပါတယ်။ လူတွေဟာ စိတ်ခံစားမှုပိုင်းဆိုင်ရာ ကျန်းမာနေတယ်၊ ကျေနပ်ဖွယ်ကောင်းနေတယ်ဆိုရင် ကောင်းမွန်စွာအလုပ်လုပ်နိုင်ပြီး လုပ်ဆောင်ရည်လည်း ပိုမိုကောင်းမွန်နိုင်ပါတယ်။ ဒီလိုပဲ ဘဝရဲ့ အခြားအစိတ်အပိုင်းတွေကို ခံစားချက်တွေက လွှမ်းမိုးနိုင်ပါတယ်။ ဒါကြောင့် သင့်ခံစားမှုတွေကို ကောင်းမွန်စေဖို့ အကျင့်ကောင်းတွေ လိုအပ်ပါတယ်။   သူငယ်ချင်းကောင်းတွေ ရှိပါစေ။ ဘယ်သူကမှ တစ်ယောက်တည်းနေဖို့ မထိုက်တန်ပါဘူး။ သူငယ်ချင်းတွေရှိခြင်းဟာ ဘဝကို ပိုမို ရှင်သန်စေပါတယ်။ သိသာထင်ရှားစွာပဲ သူငယ်ချင်းတွေ အများကြီးရှိသူတွေဟာ ပျော်ရွှင်ကြပါတယ်။ ဒါပေမယ့် သူငယ်ချင်းကောင်းတွေ ရှိသူတွေဟာ ပိုမိုပျော်ရွှင်ကြပါတယ်။ ပြဿနာတွေကို နားထောင်ပေးပြီး ကူညီမှုပေးနိုင်တဲ့ ဒုက္ခရောက်ချိန်တွေမှာ အမြဲဘေးမှာ ရှိနေပေးတဲ့ လူတွေကို လိုအပ်ပါတယ်။ နောက်တစ်နည်း ပြောရရင် ကိုယ့်ကိုဂရုစိုက်ပြီး ဘေးနားမှာ ရှိနေပေးတဲ့လူတွေကို လိုအပ်ကြပါတယ်။ ဒါမှသာ ဒုက္ခရောက်ခါနီးရင် သူတို့ဆီပြေးသွားပြီး စကားပြောလို့ရမှာဖြစ်ပါတယ်။ […]

ချစ်တင်းနှောတာဟာ ခံစားလို့ကောင်းတဲ့အာရုံတစ်ခု ဖြစ်တယ်ဆိုတာ လူတိုင်းသိပါတယ်။ ဒါ့အပြင် ချစ်တင်းနှောခြင်းဟာ စိတ်ကျန်းမာရေးကိုပါ အများကြီးအထောက်အကူပြုနိုင်တယ်လို့ဆိုပါတယ်။ ဘာလို့လဲ။ သိချင်ရင် ဒီဆောင်းပါးလေးကို ဆက်ပြီးဖတ်ကြည့်လိုက်ပါဦး... မိမိကိုယ်ကို တန်ဖိုးထားတတ်စေမယ်။ မကြာခဏ ချစ်တင်းနှောလေ့ရှိတာဟာ လူတိုင်းအတွက် အင်မတန်အဖိုးတန်ပြီး အရေးပါလှတဲ့အချက်တွေဖြစ်တဲ့ မိမိကိုယ်ကိုယုံကြည်မှု၊ တန်ဖိုးထားမှုတို့ကို ပိုပြီးမြင့်တက်များပြားစေပါတယ်။ လုပ်ငန်းခွင်မှာ စွမ်းဆောင်ရည်ကောင်းဖို့၊ အရာရာကိုအကောင်းမြင်တတ်ဖို့နဲ့ စိတ်ဓာတ်တက်ကြွနေဖို့အတွက် မိမိကိုယ်ကို တန်ဖိုးထားယုံကြည်ဖို့လိုအပ်လှပါတယ်။ မကြာခဏ ချစ်တင်းနှောခြင်းအားဖြင့် စုံတွဲတွေကြားမှာ ချစ်ခင်မြတ်နိုးရင်းနှီးမှု ပိုလာစေပြီး စိတ်လုံခြုံမှုလည်း ပိုရှိလာစေပါတယ်။ ဒါတွေအားလုံးဟာ မိမိကိုယ်ကိုယုံကြည်မှု မြင့်တက်လာစေပါတယ်။ စိတ်ဖိအားတွေ လျော့ကျစေမယ်။ ချစ်တင်းနှောခြင်းကနေရရှိတဲ့ သာယာမှုဟာ ရုပ်ပိုင်းဆိုင်ရာသာယာမှုဆိုတာထက် ပိုပါတယ်။ စုံတွဲတစ်တွဲအနေနဲ့ ချစ်တင်းနှောခြင်းအမှုကို ပြုလုပ်နေပြီဆိုရင် သာယာခြင်းကိုခံစားနိုင်တဲ့ အာရုံကြောတွေကို နှိုးဆွလို့ပေးပါတယ်။ ဒါကြောင့် ချစ်တင်းမနှောခင်က ကြုံတွေ့ရင်ဆိုင်နေရတဲ့ စိတ်ရှုပ်စရာပြဿနာတစ်ခုကို ကိစ္စအပြီးမှာ တစ်ခါပြန်စဉ်းစားသုံးသပ်ရင် သိပ်ကြီးစိတ်ညစ်စရာမကောင်းတော့တာကို တွေ့ရပါလိမ့်မယ်။ ဒီစုံတွဲဟာ […]