စိတ်ဖိစီးမှုဖြေလျှော့ခြင်း

လူတိုင်းက ဘဝရှင်သန်ရပ်တည်နိုင်ရေးအတွက်အလုပ်ကိုယ်စီလုပ်ကိုင်ကြရပါတယ်။ ပညာတတ်တဲ့သူက ဉာဏ်အားကိုသုံးပြီးလုပ်ရတာ သက်သာတယ်၊ ပညာသင်ယူခွင့်မရခဲ့သူတွေက ကျရာနေရာမှာ ကိုယ်တတ်နိုင်တဲ့ ခွန်အားနဲ့ ကာယအားကို သုံးပြီးလုပ်ရတာက ပိုပင်ပန်းတယ်ဆိုတာတော့ပြောနေစရာမလိုအောင်မြင်သာမှာပါ။ ဒါပေမယ့် ဘယ်အလုပ်မျိုးကိုပဲလုပ်လုပ် စိတ်ညစ်စရာ စိတ်ဖိစီးစရာကတော့ ရှိစမြဲပါ။ ဒီလိုစိတ်ညစ်တဲ့အခါ ငါတစ်ယောက်တည်းများဖြစ်နေတာလားလို့မတွေးပါနဲ့။ ဒါကအလုပ်ခွင်ဝင်နေသူတိုင်းတွေ့ကြုံရနိုင်တဲ့ပြဿနာတစ်ခုပါ။ အလုပ်ခွင်က အမြဲပျော်ရွှင်နေဖို့ မလွယ်ပါဘူး။ ဒီတော့ အလုပ်ခွင်မှာ ဖိအားနည်းပြီးပေါ့ပါးလွတ်လပ်စွာနဲ့ ဖန်တီးနိုင်စွမ်းကောင်းတဲ့သူတစ်ယောက်ဖြစ်ချင်တယ်ဆိုရင် စိတ်ညစ်စရာတွေကိုသေချာကိုင်တွယ်ဖြေရှင်းနိုင်မယ့်နည်းလမ်းကိုတော့သိထားဖို့လိုမှာပေါ့နော်။ အလုပ်ခွင်ဖိအားတွေကနေ့စဉ်ဘဝကို အများကြီးထိခိုက်စေနိုင်ပါတယ်။ပေါင်းသင်းဆက်ဆံရေးမှာဖြစ်ဖြစ်၊ အလုပ်လုပ်တဲ့နေရာမှာဖြစ်ဖြစ် ထိခိုက်စေတဲ့အပြင်နောက်ထပ် ထိခိုက်စေနိုင်တာတစ်ခုက လူတိုင်းအတွက် တန်ဖိုးမဖြတ်နိုင်တဲ့ ကျန်းမာရေးပါ။ ဒီတော့ကောင်းကျိုးမဖြစ်တဲ့ စိတ်ညစ်စရာတွေကိုဖြေရှင်းကြရအောင်နော်။ ဒီအချက်တွေကြောင့် အလုပ်ခွင်မှာ စိတ်ညစ်စရာတွေဖြစ်နိုင်ပါတယ် လစာနည်းတာ အလုပ်တာဝန်တွေများလွန်းတာ တိုးတက်နိုင်မယ့် အခွင့်အလမ်းနည်းပါးတာ အလုပ်ကနေ အတွေ့အကြုံအသစ်တွေမရနိုင်တာ လုပ်ပိုင်ခွင့်တွေ ထိန်းချုပ်ခံထားရတာ လုပ်ငန်းခွင်ပတ်ဝန်းကျင်က မျှတမှုမရှိတာ အလုပ်ခွင်ထဲမှာ အချင်းချင်းရိုင်းပင်းကူညီမှုမရှိတာ ဝါဿနာမပါတာကို လုပ်နေရတာ အလုပ်ခွင်ဖိအားတွေကိုသေချာမထိန်းချုပ်နိုင်တဲ့အခါ ကျန်းမာရေးကိုထိခိုက်စေနိုင်ပါတယ် အလုပ်ခွင်ဖိအားက လူတိုင်းကြုံရနိုင်တယ်ဆိုပေမယ့် […]

တစ်နေ့တာ လုပ်ငန်းဆောင်တာတွေကို လုပ်ကိုင်ရင်းတွေ့ရတဲ့ ပြဿနာတွေကတော့ အများကြီးပါ။ ဒီပြဿနာတွေထဲမှာမှ လူတိုင်းရှောင်လွှဲလို့မရဘဲ မဖြစ်မနေ ကြုံတွေ့ရနိုင်တာက စိတ်ဖိစီးမှုပေါ့။ စိတ်ဖိစီးမှုက လူ့ဘဝရဲ့ ဖယ်ချန်ထားလို့မရတဲ့ အစိတ်အပိုင်းတစ်ခုပါ။ ဒီလိုမျိုး ရှောင်လွှဲမရတဲ့ ပြဿနာ တစ်ခုအနေနဲ့ နေ့စဉ်ဘဝမှာ နေရာယူထားတဲ့ Stress(စိတ်ဖိစီးမှု) ကို ပြုံးပြုံးလေးနဲ့ အန်တုနိုင်ဖို့ ဒီနည်းလေးတွေ လုပ်ကြည့်နော်။ ရှောင်လွှဲမရတဲ့ ပြဿနာ စိတ်ဖိစီးမှု (Stress) လူတိုင်း စိတ်ဖိစီးမှုကို ခံစားဖူးမှာပါ။ အရွယ်တိုင်းလိုလို စိတ်ဖိစီးမှုကို ခံစားရနိုင်ပါတယ်။ ကလေးမှာလည်း သူ့အတိုင်းအတာနဲ့သူ စိတ်ဖိစီးမှုရှိပါတယ်။ ကျောင်းနေအရွယ်၊ တက္ကသိုလ်တက်တဲ့အချိန်၊ အလုပ်ခွင်ဝင်တဲ့အချိန်တွေမှာလည်း စိတ်ဖိစီးမှုက ကိုယ်တွေနဲ့ အမြဲတစ်တွဲတွဲပဲနော်။ စိတ်ဖိစီးတာက စိတ်ပိုင်းဆိုင်ရာအရ ပူပန်၊ စိတ်ညစ်ရတဲ့ ခံစားမှုတစ်ခုပေါ့။ စိတ်ဖိစီးမှု (Stress) က အဆိုးတွေချည်းပဲဖြစ်စေတာတော့ မဟုတ်ပါဘူး။ အသေးအဖွဲ စိတ်ဖိစီးမှုလေးတွေက တစ်ခါတစ်လေမှာ […]

ကမ္ဘာ့လူဦးရေထက်ဝက်ကျော်လောက်ကမြို့ပြတွေမှာနေထိုင်ကြသူတွေပါ။ ဒီလိုမြို့ပြကြီးမှာနေထိုင်မှုတွေက လူသားတွေကို သဘာဝ ပတ်ဝန်းကျင်နဲ့ထိတွေ့ခွင့်ကို ကန့်သတ်လိုက်ပါတယ်။ သဘာဝပတ်ဝန်းကျင်က လူသားတွေရဲ့ ရုပ်ပိုင်းဆိုင်ရာရော စိတ်ပိုင်းဆိုင်ရာ ကိုပါ ကျန်းမာစေနိုင်စွမ်းရှိနေပါတယ်။ လေ့လာမှုရလဒ်တွေအရပြောရမယ်ဆိုရင်ဖြင့် သစ်ပင်စိုက်တာက စိတ်ကျန်းမာရေးကိုတော်တော်လေးအထောက်အကူပြုပေးပါတယ်။ သစ်ပင်ပန်းမန် တွေကို စိုက်ပျိုးမှုက စိတ်ဓါတ်ကျတာ၊ စိတ်ဖိစီးတာလိုမျိုး စိတ်ကျန်းမာရေးပြဿနာတွေကိုလျော့ပါးသက်သာစေနိုင်သလိုသွေးတိုးတာကိုလည်း သက်သာစေနိုင်ပါတယ်တဲ့။ ကိုယ်လက်လှုပ်ရှားမှုလည်း လုပ်ဖြစ်စေနိုင်တာကြောင့် ရုပ်ပိုင်းဆိုင်ရာကို ကျန်းမာစေနိုင်ပါတယ်။ သစ်ပင်ပန်းမန် စိုက်တာကနေရရှိလာမယ့် ကျန်းမာရေး အကျိုးကျေးဇူးတွေက သစ်ပင်ပန်းမန် စိုက်တဲ့သူတွေမှာ တာဝန်ခံစိတ်ကိန်းအောင်းလာတယ် သစ်ပင်စိုက်တဲ့အခါ ကိုယ်စိုက်ပျိုးထားတဲ့ အပင်လေးတွေကောင်းကောင်းမွန်မွန် ကြီးပြင်းလာစေဖို့အတွက်ရေလောင်း၊ပေါင်းသင်၊မြေသြဇာထည့်တဲ့အလုပ်ကို မဖြစ်မနေလုပ်ရပါတယ်။ ဒီလိုလုပ်ပေးရတဲ့အခါ တာဝန်ယူတတ်တဲ့ စိတ်လေးကဖြစ်လာတော့တာပေါ့။ ဒါကြောင့် ကိုယ့်ရဲ့ကောင်းကျိုးဆိုးပြစ်ကိုတာဝန်ခံနိုင်တဲ့ စိတ်လေးဖြစ်ပေါ်လာပြီး လူမှုပတ်ဝန်းကျင်မှာ ပိုအဆင်ပြေလာပါလိမ့်မယ်။ သစ်ပင်စိုက်ပျိုးတာက သဘာဝတရားကိုခံစားမိစေတယ် တစ်နေ့တာလုံးခေတ်မီတိုးတက်လာတဲ့ နည်းပညာတွေနဲ့ ထိတွေ့နေရမှုကကောင်းတာလေးတွေရှိပေမယ့် စိတ်အပန်းပြေစေမှုကိုတော့ပြည့်ပြည့်ဝဝမရရှိစေနိုင်ဘူးပေါ့။လေ့လာတွေရှိချက်တွေအရ စိမ်းစိုမှုရှိနေတဲ့ သဘာဝ ပတ်ဝန်းကျင်က လူတွေကို စိတ်ဖိစီးမှုသက်သာစေပြီး စိတ်အပန်းပြေစေတယ်လို့ဆိုပါတယ်။ ဒါကြောင့် အားလပ်ချိန်လေးတွေမှာ သစ်ပင်လေးတွေ […]

မိုက်ကယ်ဆိုနာ အမည်ရှိ အော်ရီဂွန်တက္ကသိုလ်၏ ကထိကပေါမောက္ခ သည် အာရုံစူးစိုက်မှုကိုလေ့လာသည်။ ကျွန်တော်တို့၏ဦးနှောက်များသည် အလုပ်ကြာမြင့်စွာ လုပ်ပြီးနောက်ပင်ပန်းလာကြပြီး အထူးသဖြင့် လုပ်ရသောအလုပ်မှာ အာရုံစူးစိုက်မှုလိုအပ်ကာ ထပ်ကာထပ်ကာလုပ်ဆောင်နေရသောအရာဖြစ်လျှင် ပိုဖြစ်တတ်သည်။ အရမ်းဖိအားများတဲ့အချိန်တွေမှာ နားခြင်းသည် စိတ်ဖိစီးမှုကို ကူညီဖြေရှင်းပေးနိုင်စွမ်းရှိကောင်းရှိနိုင်သကဲ့သို့မရှိသည်လည်းဖြစ်နိုင်သည်။ အရေးကြီးဆုံးအချက်မှာ အနားယူပုံယူနည်းဖြစ်သည်။ ဝေါလ်စရိဂျာနယ်အရ ပန်းခြံထဲကော်ဖီသောက်ရင်းလမ်းလျှောက်ခြင်းသည်ပို၍ စိတ်ဖိစီးမှုနည်းစေသည်ဟုဆိုသည်။ မကြာသေးမီမှပြုလုပ်သော စစ်တမ်းကောက်ချက်များအရ သဘာဝပတ်ဝန်းကျင်ပုံစံထဲတွင် လမ်းလျှောက်ခြင်းသည် သင်၏အာရုံစိုက်နိုင်စွမ်းကို မြှင့်တင်ပေးနိုင်သည်ဟုဆိုသည်။ သဘာဝကို ကြည့်ရှူနားဆင်ခံစားခြင်းသည် အကျိုးရှိသောစိတ်ဖြစ်လာစေနိုင်သည်။ အမှန်ဆိုရလျှင် ဒေါက်တာ မာ့ခ်ဘားမန်းနှင့် သူ၏အဖွဲ့ဝင် များဖြစ်သည့် မီချီကန် တက္ကသိုလ်မှ သုတေသီများသည် သစ်ရိပ်ဝါးရိပ်ရှိ၍စိမ်းစိုကာ သဘာဝအတိုင်းဖြစ်နေသည့် ခြံထဲတွင် လမ်းလျှောက်သော စမ်းသပ်ခံသူများတွင် မှတ်ဉာဏ်စွမ်းဆောင်ရည် နှင့် အာရုံစူးစိုက်မှုများ 20ရာခိုင်နှုန်းခန့်ပိုမိုတိုးတက်ကောင်းမွန်လာကြောင်းတွေ့ရှိရသည်။ ထိုသူများကို ရှုပ်ထွေးသော မြို့လမ်းမများအပေါ်လမ်းပေးလျှောက်ကြည့်သောအခါ ထိုကဲ့သို့တိုးတက်မှုများမရှိကြောင်းတွေ့ရှိခဲ့ရသည်။ တိတ်ဆိတ်သောအခန်းထဲတွင် သဘာဝအလှဓါတ်ပုံများကို ကြည့်ရှူခြင်းသည်ပင်လျှင်ရှုပ်ထွေးသောမြို့လယ်ကောင်တွင် လမ်းလျှောက်ရမှဖြစ်ပေါ်သည့် ဉာဏ်ရည်ထက်ပိုမိုကောင်းမွန်နေကြောင်းသိရှိရသည်။ ထပ်မံလေ့လာမှုတွင်ကား သုတေသီများသည် တိတ်ဆိတ်သောအခန်းထဲတွင် […]

တရားထိုင်ခြင်းနှင့် ကျန်းမာရေး တရားထိုင်ခြင်းကို ဗုဒ္ဓဘာသာဝင်တွေအနေနဲ့ ဘာသာရေး အမှုကိစ္စတခုအဖြစ် ရင်းနှီးကြသလို အခြားဘာသာဝင်တွေအနေနဲ့ဆိုရင်လည်း စိတ်တည်ငြိမ်မှု၊အေးချမ်းမှုကို ပေးစွမ်းနိုင်တဲ့ လုပ်ဆောင်မှုတခုအဖြစ် နားလည်ထားကြပါတယ်။ မှန်ပါတယ်။ တရားထိုင်ခြင်းဟာ ဘာသာရေးအရ ယုံကြည်ထားတဲ့ နောင်တမလွန်အကျိုးတရားတွေကို ပေးကောင်းပေးနိုင်မှာဖြစ်တဲ့အပြင် မျက်မှောက်ကာလမှာကိုပဲ ကျန်းမာရေးအကျိုးကျေးဇူးတွေ များစွာ ဖြစ်ထွန်းစေမှာပါ။ တရားထိုင်ခြင်းဟာ ကိုယ်စိတ်ဖြေလျှော့စေခြင်း၊စိတ်ပိုင်းဆိုင်ရာတည်ငြိမ်မှုကိုရစေခြင်း၊နာကျင်မှုဝေဒနာတွေကို ကြံ့ကြံ့ခံစေနိုင်ခြင်း အစရှိတဲ့ ကောင်းကျိုးတွေကို ရရှိစေနိုင်ပါတယ်။ ဒီဆောင်းပါးလေးမှာတော့ တရားထိုင်ခြင်းနဲ့ ကျန်းမာရေး ဘယ်လိုဆက်နွယ်မှုတွေ ရှိနေတယ်ဆိုတာကို ဆွေးနွေးဖော်ပြသွားမှာဖြစ်ပါတယ်။   ၁။ ကင်ဆာဝေဒနာရှင်များ တရားထိုင်ခြင်းကြောင့် ကင်ဆာရောဂါကို အရှင်းပျောက်စေတယ်လို့ ဆိုလိုတာတော့ မဟုတ်ပါဘူး။ ဒါပေမယ့် ကင်ဆာရောဂါကြောင့် ခံစားရတဲ့ စိတ်ပင်ပန်းထိခိုက်မှုတွေ၊ခန္ဓါကိုယ်နာကျင်မှုတွေ၊သုံးစွဲရတဲ့ ဆေးတွေကြောင့် ဖြစ်ပေါ်လာတဲ့ ဘေးထွက်ဆိုးကျိုးတွေကိုတော့ တရားထိုင်ခြင်းက အထိုက်အလျောက်သက်သာစေပါလိမ့်မယ်။ ခန္ဓါကိုယ်ကြီးတခုလုံးကို စိတ်ကမောင်းနှင်တယ်လို့ အရှေ့တိုင်းက ယူဆထားတဲ့အတိုင်း စိတ်ကိုတည်ငြိမ်စေတဲ့ တရားထိုင်ခြင်းဟာ ခန္ဓါကိုယ်အပေါ်လည်း သိသာထင်ရှားတဲ့ […]

သီချင်းဆိုခြင်း၏ကောင်းကျိုးများ လောကကြီးမှာ သီချင်းမဆိုဖူးတဲ့ လူဆိုလို့ မရှိသလောက်ပါပဲ။ ဆရာတော်ဘုရားတွေတောင် အနည်းနဲ့အများတော့ သီချင်းလေး ညည်းဖူးကြမှာပါ။ သီချင်းဆိုတာဟာ စိတ်ရောကိုယ်ရော အပန်းပြေစေသလို ဘဝအမောတွေကိုလည်း သက်သာစေပါတယ်။ သီချင်းကို ပုံစံအမျိုးမျိုးနဲ့ သီဆိုနိုင်ပါတယ်။ ရေချိုးခန်းထဲမှာ၊အိမ်မှာ အော်ဆိုလို့ရသလို၊ကာရာအိုကေဆိုင်တွေမှာလည်း သွားဟဲနိုင်ပါတယ်။ ဒါမှမဟုတ် ဒီခေတ် အတော်များများ သုံးကြတဲ့ Smule app လေးကို အသုံးပြုပြီးတော့လည်း သီဆိုနိုင်ပြန်ပါတယ်။ မိတ်ဆွေအပေါင်းအသင်းတွေနဲ့ ပေါင်းစုသီဆိုတဲ့အခါ အပျော်တွေတိုးပြီး ရင်းနှီးချစ်ခင်မှုပိုလာနိုင်သလို စိတ်လက်ကိုလည်း ပေါ့ပါးစေပါတယ်။ ဒီဆောင်းပါးလေးမှာတော့ လူတိုင်းမကင်းနိုင်ကြတဲ့ သီချင်းဆိုခြင်းရဲ့ ကျန်းမာရေးအကျိုးပြုချက်လေးတွေကို မျှဝေပေးသွားမှာပါ။   ၁။ သီချင်းဆိုခြင်းဟာ သင့်ရဲ့ ခုခံအားစနစ်ကို ဒေါင်ဒေါင်မြည်စေပါတယ်။ ဒါဟာ ရုတ်တရက်ကြည့်လိုက်ရင် မဆိုင်သလို ထင်ရပေမယ့် ဂျာမဏီနိုင်ငံ ဖရန့်ဖွတ်တက္ကသိုလ်က ပြုလုပ်ခဲ့တဲ့ သုတေသနတခုအရ သီချင်းဆိုပြီးချိန်မှာ ခန္ဓါကိုယ်အတွင်းရှိ ပရိုတင်းဓါတ်တမျိုးရဲ့ ပမာဏဟာ တိုးပွားလာတယ်လို့ […]

ခုခေတ်မှာ စိတ်ဖိစီးမှု ဆိုတာ လူတော်တော်များများ ရင်ဆိုင်ကြုံတွေ့နေရတဲ့ ပြဿနာပါ။ စိတ်ဖိစီးမှု ဆိုတာ နည်းနည်းရှိရင် တော့ အောင်မြင်မှုဆီကိုအရောက်ပို့ပေးနိုင်တဲ့ တွန်းအားကောင်း တစ်ခု ဖြစ်ပေမယ့် … များရင်တော့ သင့်စိတ်ရော ခန္ဓာကိုယ်ကိုပါ ဆိုးကျိုးတွေပေးနိုင်ပါတယ်။ စိတ်ဖိစီးမှုကို ချက်ချင်းလျှော့ချပေးနိုင်မယ့် နည်းလမ်းဆယ်ခု နဲ့ သင့်စိတ်ဖိစီးမှုတွေကို ချက်ချင်း တိုက်ထုတ်လိုက်ပါ။ စိတ်ဖိစီးမှုကို ချက်ချင်းလျှော့ချပေးနိုင်မယ့် နည်းလမ်းဆယ်ခု စိတ်ဖိစီးမှုကို ချက်ချင်းလျှော့ချပေးနိုင်မယ့် နည်းလမ်းဆယ်ခု ကတော့ (၁) ရေးချပါ သင်လုပ်စရာရှိတဲ့ အလုပ်တွေကို မေ့သွားမှာစိုးတဲ့ စိတ်ဖိစီးမှု မဖြစ်ရအောင် သင်လုပ်ဖို့ရှိနေတဲ့အလုပ်တွေကို စာရွက်ပေါ် မှာ.. ဒါမှမဟုတ် တယ်လီဖုန်းမှတ်စုထဲမှာ ချက်ချင်းရေးချပါ။ (၂) ဦးစားပေးစာရင်း ငါးခုလုပ်ပါ သင့်ရဲ့ဦးစားပေးစာရင်းထဲမှာ သင်လုပ်ဖို့ ကိစ္စအကုန်ပါဖို့ဆိုတာ မဖြစ်နိုင်ပါဘူး။ ဒါကြောင့် ထိပ်ဆုံးထားလုပ်သင့်တဲ့ ဦးစား ပေးစာရင်း ငါးခုသတ်မှတ်ထားလိုက်ပါ။ (၃) အလုပ်တွေအများကြီးကို တပြိုင်နက်တည်းလုပ်တာထက်စာရင် တစ်ဆင့်ပြီးမှတစ်ဆင့်လုပ်ပါ သုတေသနပြုချက်တွေအရ […]

အဓိပ္ပါယ်ဖွင့်ဆိုချက်။ဆိုတာဘာလဲ။ ထိခိုက်မှုအပြီးဖြစ်သော စိတ်ပိုင်းဆိုင်ရာရောဂါ(ပီတီအက်ဒီ) ဆိုသည်မှာစိတ်ပိုင်းဆိုင်ရာအခြေအနေတစ်ခုဖြစ်ပြီး အရင်ဖြစ်ခဲ့သော ဆိုးဝါးသည်အ့တွေ့အကြုံများကြောင့်ဖြစ်သည်။ ထိခိုက်မှုဖြစ်စေသောအခြေအနေသည် မျိုးစုံနှင့်လာနိုင်သည်။ သို့သော် လူအချို့တွင် ထိခိုက်မှုအပြီးဖြစ်သော စိတ်ပိုင်းဆိုင်ရာရောဂါ(ပီတီအက်ဒီ) သည် အရမ်းနာကျင်သို့မဟုတ်လန့်သွားပြီး ဥပမာ ကားတိုက်ခြင်းသို့မဟုတ် စစ်ပွဲအပြီးတွင်မှဖြစ်တတ်သည်။ ထိုထိခိုက်မှုအကြောင်းအချိန်ပြည့်တွေးနေခြင်းဖြစ်တတ်ပြီးသင့်ဘဝကိုထိခိုက်နိုင်သည်။ ပြန်ပြောင်းလဲမှုလုပ်ရန်ခက်သော်လည်းစိတ်သက်သာစေရန်နည်းလမ်းများတော့ရှိသည်။         ထိခိုက်မှုအပြီးဖြစ်သော စိတ်ပိုင်းဆိုင်ရာရောဂါ(ပီတီအက်ဒီ) ဟာဘယ်လောက်ထိအဖြစ်များသလဲ။   ဒီရောဂါဟာအဖြစ်များပါတယ်။ အမျိုးသားတွေထက် အမျိုးသမီးတွေမှာပိုအဖြစ်များပါတယ်။ အဘယ်ကြောင့်ဆိုသော် မိန်းကလေးများကပြောင်းလဲမှုကိုပိုစိတ်ခံစားမှုပြင်းခြင်းနှင့် စိတ်ခံစားမှုများခြင်းတို့ကြောင့်ဖြစ်သည်။ အသက်အရွယ်မရွေးဖြစ်နိုင်ပါတယ်။ ကလေးများတွင်ပင်ဖြစ်နိုင်သည်။ ရောဂါဖြစ်ပွားနိုင်တဲ့အချက်အလက်တွေကိုလျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ ရောဂါလက္ခဏာများ။ထိခိုက်မှုအပြီးဖြစ်သော စိတ်ပိုင်းဆိုင်ရာရောဂါ(ပီတီအက်ဒီ) ရဲ့ ရောဂါလက္ခဏာတွေကဘာတွေလဲ။ ထိခိုက်မှုအပြီးဖြစ်သော စိတ်ပိုင်းဆိုင်ရာရောဂါ(ပီတီအက်ဒီ) ရဲ့ အဖြစ်အများဆုံးရောဂါလက္ခဏာတွေကတော့ ပီတီအက်ဒီဖြစ်စေသော အကြောင်းအရာတစ်ခုကိုမတွေးပဲမနေနိုင်အောင်ဖြစ်လိမ့်မည်။ ပီတီအက်ဒီရှိပါက ဖြစ်ခဲ့သောထိခိုက်မှုကို စိတ်ထင်ယောင်ထင်မှားဖြစ်ခြင်း အိမ်မက်ဆိုးများမက်ခြင်းဖြင့်ထပ်ခါထပ်ခါပြန်ခံစားနေရတတ်သည်။ ပတ်ဝန်းကျင်နှင့်ဆက်ဆံရခြင်းကိုရှက်လာမည်။ သင့်အားထိခိုက်စေခဲ့သော သူများကိုမတွေ့ခြင်တော့ခြင်း လူတွေ နေရာတွေ အတွေးများ ဖြစ်နေသောလက်ရှိအခြေအနေများကိုရှောင်ခြင်းတို့ပြုလုပ်လာလိမ့်မည်.။ ထိုသို့ရှောင်ခြင်းက မိသားစုသူငယ်ချင်းများနှင့်ခွဲနေလိုခြင်း ကိုစိတ်ဝင်စားဖူးသော လှုပ်ရှားမှုများကိုပါစိတ်မဝင်စားတော့ခြင်းတို့ဖြစ်တတ်သည်။ အရင်ကထက်စိတ်ခံစားမှုပြင်းနေသည်ကိုတွေ့ရသည်။ ဆိုလိုသည်မှာ သင်ခံစားလွယ်ခြင်း ပိုစိတ်ဓါတ်ကျလွယ်ခြင်း နှင်စိတ်အပြောင်းအလွှဲမြန်ခြင်းတို့ဖြစ်တတ်သည်။ အခြားသူနှင့်ဆက်ဆံရာတွင်လည်းပြသာနာဖြစ်တတ်သည်။ စိတ်အရမ်းကြွခြင်း ခစားချက်များအကုန်ထုတ်ဖော်ခြင်း ပြန်ကောင်းသွားခြင်းစသည်ဖြင့်ပါဝင်နိုင်သည်။ အိပ်ပျော်ရန်ခက်ခဲခြင်း […]

စိတ်တိုခြင်းက ပုံမှန်ကျန်းမာတဲ့စိတ်ခံစားချက်တစ်ခုဖြစ်ပါတယ်။ မထိန်းချုပ်နိုင်တော့အောင်ဖြစ်နေပြီဆိုရင်ဆော့ သင့်ဆက်ဆံရေး၊ သင့်ကျန်းမာရေးနဲ့ သင့်စိတ်အခြေအနေကိုနဲ့ပတ်သက်ပြီး ပျက်စီးစေတဲ့ပြဿနာတွြေဖ်စ်လာနိငါပတယ်။ သင့်ဒေါသကိုထိန်းချုပ်ဖို့ဆိုတာ စိန်ခေါ်မှုတစ်ရပ်ဖြစ်နိုင်ပေမယ့် အကူအညီပေးနုငိတဲ့ရိုးရှင်းတဲ့နည်းလမ်းတချိုပရှိပါတယ်။ သင့်ဒေါသကိုသင်နားလည်စေပြီး ဘယ်လိုကိုင်တွယ်ရမယ်ဆိုတာကို ပြောပြထားပါတယ်။ ဒေါသက မကောင်းတဲ့စိတ်ခံစားချက်မဟုတ်ပါဘူး။ ဒေါသထွက်ခြင်းခံစားချက်က မကောင်းသလိုမဆိုးလည်းမဆိုးပါဘူး။ မှားနေတဲ့အချိန်မှာ ဒေါသကပုံမှန်ဖြစ်ပါတယ်။ ဒေါသသက်သက်ကြောင့်မဟုတ်ဘဲ ဒေါသနဲ့ပြုလုပ်လိုက်တဲ့အရာတွေက ပြဿနာပေးခြင်းဖြစ်ပါတယ်။ ဒေါသသထွက်တဲ့အခါမှာ သင်ကသင့်ကိုယ်သင်ရောဒါမှမဟုတ်အခြားသူတွေူကို ထိခိုက်စေတာကြောင့်ဖြစ်ပါတယ်။ သင်ကသွေးဆူတတ်သူဆိုရင် အခြားသူတွေကိုမထိခုက်မနာကျင်စေပဲ သင့်ခံစားချကတွေကိုပေါက်ကွဲနိုင်မယ့်နည်းလမ်းတွေကို သင်ယူသင့်ပါတယ်။ ဒီလိုပြုလုပ်ခြင်းက သင်ခံစားချက်ကိုပိုမိုကောင်းမွန်စေရုံတင်မကဘဲ အခြားသူတွေပါ သင့်ကိုပိုမိုနှစ်သက်လာစေနိုင်ပါတယ်။ ဒါ့အပြင် ဒေါသကိုနည်းမှန်လမ်းမှန်ဖွင့်ပြခြင်းက သင့်ကိုပိုမိုကောင်းမွန်တဲ့ဆက်ဆံရေး၊ သင့်ပန်းတိုင်ကိုရောက်ရှိဖို့နဲ့ ပိုပြီးကျန်းမာပြိးစိတ်ကျေနပ်စရာကောင်းတဲ့ဘဝကိုရရှိစေမှာ ဖြစ်ပါတယ်။ သင့်ဒေါသကိုထိန်းချုပ်ဖို့ပိုပြီးလေ့ကျင့်လေလေ ဒေါသကိုစီမံရာမှာ စီမံခြင်းအနုပညာမှာ သင်ပိုပြီးလွယ်ကူသွားပါလိမ့်မယ်။ သင့်ဒေါသကိုထိန်းချုပ်ဖို့အတွက် အချို့သောသိသင့်သည်များ သင့်ဒေါသကိုလျှော့ခြင်း သင့်နှလုံးခုန်သံမြန်လာပြီး သင့်အသက်ရှူမြန်လာတဲံအခါမှ ဒါမှမဟုတ် သင့်ပခုံမှာတင်းအားများလာတာမျိုး လက်သီးကျစ်ကျစ်ဆုပ်ထားမျိုးတွေဟာ ဒေါသထွက်ခြင်းလက္ခဏာတွေဖြစ်ပါတယ်။ ဒေါသကိုကိုင်တွယ်ခြင်းနဲ့ပတ်သက်တဲ့ အချို့သောလေ့ကျင့်ခန်းတွေကို လေ့ကျင့်ပေးသင့်ပါတယ်။ သင့်ခန္ဓကိုယ်တင်းအားတွေကို ဖြေလျော့ဖို့နဲ့ သင့်နှလုံးခုန်သံနှေးသွားစေဖို့ အသက်ပြင်းပြင်းရှူသင့်ပါတယ်။ ခွန်အားသုံးရတဲ့လမ်းလေတျှာက်ခြင်းမျိုးကလည်း အကူအညီပေးန်ုငပါတယ်။ အခြားကောင်းတဲ့နည်းလမ်းကတော့ ၁၀အထိဖြည်းဖြည်းရည်ပြီး သင့်ခံစားကတေါကိုအသေးစိတ်အထိသိနိုင်အောင် အာရုံစိုက်ထားရပါမယ်။ […]

အဓိပ္ပါယ်ဖွင့်ဆိုချက်Acute stress reaction (စိတ်ဖိစီးမှုကြောင့်ဖြစ်ပေါ်လာသော လတ်တစ်လော သက်ရောက်မှုများ ) ကဘာလဲ။ ထိုသက်ရောက်မှုများဟာ စိတ်ဖိစီးမှုများခံစားနေရတဲ့အခါ ဖြစ်ပေါ်လာပါတယ်။ လတ်တလောဆိုတဲ့အဓိပ္ပါယ်ဟာတော့ လျင်လျင်မြန်မြန်ဖြစ်ပေါ်လာပြီး အကြာကြီးရှိမနေပါဘူး။ ထိုသို့သက်ရောက်မှုများဟာပြင်းထန်လေ့ရှိပြီး မမျှော်လင့်ထားတဲ့ဘဝအပြောင်းအလဲများကြောင့် ဖြစ်ပေါ်လာတတ်ပါတယ်။ ဥပမာ ယာဉ်မတော်တဆဖြစ်ခြင်း ၊ မိသားစုဝင်တစ်ယောက်ယောက်သေဆုံးသွားခြင်း သို့ ဒဏ်ရာရရှိတဲ့ ဖြစ်စဉ်များကြောင့်ဖြစ်တတ်ပါတယ်။ ယာဉ်တိုက်မှုများဟာ နှစ်စဉ်ဖြစ်ပေါ်နေလေ့ရှိပြီး သင်ဟာလည်း ဒီလိုဖြစ်ရပ်များကြောင့် တိုက်ရိုက်ဖြစ်စေ ၊ သွယ်ဝိုက်၍ဖြစ်စေခံစားရတတ်ပါတယ်။ စိတ်ဖိစီးမှုကြောင့်ဖြသ်ပေါ်လာတတ်လတ်တလောသက်ရောက်မှုများဟာ မဒိန်းကျင့်ခံရခြင်း ၊ အိမ်တွင်းပြသနာများ စသည်တို့ကြောင့်လည်းဖြစ်ပေါ်လာတတ်ပါတယ်။ Acute stress reaction (စိတ်ဖိစီးမှုကြောင့်ဖြစ်ပေါ်လာသော လတ်တစ်လော သက်ရောက်မှုများ ) က ဘယ်လောက်အဖြစ်များသလဲ ကြောက်စရာကောင်းလောက်သော မတော်တဆမှုများ သို့မဟုတ် သဘာဝဘေးအန္တရာယ်ခံစားနေကြရသူများတွင်တွေ့ရပါတယ်။ ပြည်တွင်းစစ်ပွဲများဖြစ်ပေါ်နေသော နိုင်ငံရှိလူများတွင်လည်းတွေ့ရတတ်ပါတယ်။ စစ်သားတွေဟာလည်းစစ်ပွဲအတွင်းများခြောက်ခြားစရာများကြုံတွေ့ရသောကြောင့်သူတို့ဟာလည်းရောဂါဖြစ်နိုင်ချေပိုများပါတယ်။ အသေးစိတ်သိရှိရဖို့ဆရာဝန်နှင့်တိုင်ပင်ဆွေးနွေးသင့်ပါတယ်။ လက္ခဏာများAcute stress reaction (စိတ်ဖိစီးမှုကြောင့်ဖြစ်ပေါ်လာသော လတ်တစ်လော သက်ရောက်မှုများ ) […]