စိတ်ဖိစီးမှုဖြေလျှော့ခြင်း

တစ်နေ့လုံးအရမ်းပင်ပန်းထားတယ်၊ ကိုယ့်ကိုယ်ကိုမောင်းထားတယ်၊ အိမ်ပြန်ရောက်မှ နားပစ်လိုက်မယ်ဆိုတဲ့ စိတ်ထဲကကြိမ်းဝါးသံက ညအိပ်ချိန်မှာ ဘယ်ပျောက်သွားမှန်းမသိတော့ပါဘူး။ ပင်ပန်းထားတဲ့ဦးနှောက်ကို အနားပေးဖို့လိုနေပါပြီဆို အိပ်လို့ကမရတော့ဘူး။ အိပ်ရေးမဝရင်လည်းနောက်ထပ်အလုပ်တွေ ဆက်မလုပ်နိုင်ဘဲနေပါလိမ့်မယ်။ ဒီတော့ ပင်ပန်းနေလျက် မျက်စိကြောင်ရင် ဘယ်လိုလုပ်ရမလဲ၊ ရတဲ့အချိန်လေးအေးဆေးနှပ်ချင်ရင် ဘယ်လိုလုပ်ရမလဲ အကြံနည်းနည်းပေးမယ်နော်။ (၁) မအိပ်ချင်သေးဘူးလား ...ထထိုင်ပါ နောက်နေတာမဟုတ်ဘူးနော်။ ညတိုင်းအချိန်မှန်အိပ်သင့်တယ်ဆိုပေမယ့် ကိုယ့် ဦးနှောက် ကပြေးနေတာအရှိန်မကုန်သေးဘဲ အိပ်ဖို့အသင့်မဖြစ်သေးတဲ့အချိန်တွေရှိတယ်။ ဒီလိုဖြစ်လာရင် အတင်းကြီးလှိမ့်အိပ်မနေပါနဲ့။ အိပ်မပျော်တဲ့အတွေးပေါင်းသောင်းခြောက်ထောင်က ဖိစီးလာလိမ့်မယ်။ အဲ့တော့ သင့်ခန္ဓါကိုယ်ကို ပင်ပန်းလာ၊ပျင်းရိလာစေတဲ့အထိ မပင်ပန်းတဲ့အလုပ်တစ်ခု ထလုပ်ပါ။ ဥပမာ ပျင်းစရာကောင်းတဲ့စာအုပ်(ကိုယ်နှစ်သက်လေ့မရှိတဲ့အမျိုးအစား)ဖတ်တာမျိုး၊ရေနွေးနဲ့ရေထချိုးတာမျိုး၊ ကိုယ်တခြမ်းမှီပြီး သီချင်းအေးအေးလေးနားထောင်နေတာမျိုး။ အိပ်ရာထဲလှိမ့်ရင်း မျက်စိကြောင်နေတာထက် အပြင်မှာခဏအချိန်ဖြုန်းပြီး အိပ်ငိုက်လာတာနဲ့ ချက်ချင်းဝင်အိပ်ပါ။ (၂) အာရုံတွေ အရင်ရှင်းပါ အလုပ်ကိစ္စ သို့မဟုတ်ငွေရေးကြေးရေးကိစ္စ တို့လို စိတ်ဖိစီးစေနိုင်တဲ့အကြောင်းအရာတွေကြောင့် အတွေးတွေများနေတတ်ပါတယ်။ အိပ်ချိန်နီးတဲ့အခါ ဒီအတွေးတွေကိုဖျောက်သင့်တယ်၊ စိတ်လှုပ်ရှားရတဲ့ရုပ်ရှင်တွေလည်း ပိတ်ပါ၊ အွန်လိုင်းလည်း […]

စိတ်ကျခြင်း က အဖြစ်များတဲ့ပြဿနာတစ်ခုဖြစ်ပေမယ့် ကိုယ့်မှာရှိနေသလားဆိုတာ သိပ်မသိကြပါဘူး။ လက္ခဏာကလည်း သိပ်မဆိုးရင် င် ပုံမှန်ဖြစ်လေ့ရှိတဲ့အပြုအမူတွေနဲ့ သိပ်မကွာလှတာကြောင့် အမှုမဲ့အမှတ်မဲ့ပါပဲ။ စိတ်ဓါတ်ကျနေသူဟာ ဝမ်းနည်းလွယ်တာ၊ စိတ်ဆိုးလွယ်တာ၊ အားကုန်လွယ်တာ စတဲ့လက္ခဏာတွေကို အချိန်အတော်ကြာခံစားနေရလေ့ရှိပါတယ်။တော်တန်ရုံလက္ခဏာတွေက စိတ်ဖိစီးမှုများနေတဲ့အချိန်မှာဖြစ်တတ်တဲ့အရာတွေဆိုတော့နေရင်းထိုင်ရင်းသက်သာသွားနိုင်ပါသေးတယ်။ ဒါပေမယ့် စိတ်ဖိစီးမှုတာရှည်လာတာ၊ အအိပ်အစားမမှန်တာ၊ စိတ်ကိုမပြင်ဆင်မကုသတာတွေကြောင့် မသိလိုက်ဘဲ လက္ခဏာ အဆင့်မြင့်လာရင် မကောင်းပါဘူး။စိတ်ကျဝေဒနာပြင်းထန်လာရင် အစာစားချင်စိတ်မရှိတော့တာ၊ ပိန်ကျသွားတာ၊ အိပ်မပျော်တော့တာ၊ သတ်သေချင်စိတ်တွေဖြစ်လာတာတွေအထိဖြစ်လာတဲ့အခါ အန္တရာယ်ရှိပါတယ်။ ဒီအဆင့်ကိုမရောက်ခင် ကိုယ့်မှာ အန္တရာယ်ရှိတဲ့လက္ခဏာအဆင့်တွေဖြစ်နေပြီလားဆိုတာ အချိန်မီသိဖို့လိုပါတယ်။ ကိုယ်တိုင်မဟုတ်လည်း ချစ်ခင်ရင်းနှီးရသူတွေမှာလည်း ဒီလက္ခဏာတွေ ရှိနေပြီလားဆိုတာ ပြန်ဆန်းစစ်ပါနော် ။ စိတ်ကျလက္ခဏာ ပြင်းထန်လာရင် ညအိပ်မပျော်ဘူး သို့မဟုတ် အရမ်းအိပ်လွန်းတယ် ဆတ်ဆတ်ထိမခံ စိတ်တိုလွယ်တယ် ကိုယ်အမြဲနှစ်သက်နေကျအရာတွေ၊ အလုပ်တွေကို စိတ်မဝင်စားတော့ဘူး မကောင်းတာတွေဖြစ်လာတော့မယ်လို့ ခံစားနေရတယ် မျှော်လင့်ချက်မဲ့သလို ခံစားလာရတယ် (လမ်းပျောက်နေတယ်) […]

ရယ်သောသူအသက်ရှည်၏ ဆိုတဲ့ ဆိုရိုးစကားက ဘဝရဲ့အတွေ့အကြုံမှန်သမျှကို ပျော်ပျော်ပဲရင်ဆိုင်နေထိုင်သွားတတ်ဖို့ကို ဆိုလိုချင်တာပါ။ မရပ်မနားရယ်နေဖို့လည်းမဟုတ်သလို လူတကာနဲ့ ဟီးဟီးဟားဟားလုပ်နေဖို့ကိုပြောတာမဟုတ်ပါဘူး။ ရယ်လွန်းလို့မေးရိုးလွဲသွားတာ၊ ပါးစပ်စိမရလို့ဆေးရုံတင်လိုက်ရတာတွေလည်းရှိတယ်နော့။ တကယ်တမ်းတွေးကြည့်ရင်လည်း ဒီစကားကဖြစ်နိုင်မဖြစ်နိုင် ကိုယ်တိုင်သိနိုင်တာပဲလေ။ စိတ်တအားမွန်းကြပ်တဲ့အခါ ဟာသရုပ်ရှင်တွေကြည့်လိုက်ရင် ဒါမှမဟုတ် အပေါင်းအသင်းတွေနဲ့ဆုံလိုက်ရင် ရယ်ရင်းမောရင်း နည်းနည်းတော့ပေါ့ပါးသွားတယ်မလား။ ဒီလိုမရယ်နိုင်တာတောင်ကြာပြီ လို့ ပြောတတ်ကြသေးတယ်။ ရယ်လိုက်ရတာ စိတ်ညစ်တာတောင်ဘယ်ပျောက်သွားလဲမသိဘူး တို့ဘာတို့။ ပျော်ပျော်နေတာ၊ စိတ်ညစ်စရာတွေ ပင်ပန်းဒုက္ခတွေကိုတောင် ရယ်စရာအဖြစ်ပြောင်းလဲကျော်လွှားလိုက်တာတွေက အားဆေးသောက်တာ၊ဆေးခန်းပြတာတွေထက် စရိတ်ပိုသက်သာတယ်မလား။ ရယ်မောခြင်းက ကျန်းမာရေးအတွက် ဘယ်လိုအကျိုးပြုနေလဲ ကြည့်ရအောင်။ (၁) သွေးကြောတွေရဲ့လုပ်ဆောင်ချက်ပိုကောင်းစေတယ် ရယ်လိုက်ရင်သွေးကြောအတွင်းနံရံတစ်ရှူးတွေကို ပိုကျယ်စေပြီးသွေးလည်ပတ်မှုပိုကောင်းစေပါတယ်။ ဒါ့ကြောင့်ပဲ နှလုံးသွေးကြောကျဉ်းရောဂါဖြစ်နိုင်ခြေကိုပိုနည်းစေပါတယ်။ (၂) စိတ်ကျန်းမာရေးအတွက်ကောင်းတယ် ရယ်မောခြင်းနဲ့ ဟာသတွေက စိတ်ပျော်ရွှင်မှုကိုလက်ခံတုံ့ပြန်လာအောင် ဦးနှောက်ကိုကူညီပေးတဲ့ dopamine ဟော်မုန်း၊ စိတ်ကိုမြှင့်တင်ပေးတဲ့serotoninဟော်မုန်း၊ နာကျင်မှုနဲ့စိတ်ဖိစီးမှုကိုထိန်းညှိပေးတဲ့endorphinsဟော်မုန်း တို့ကို ဦးနှောက်ကထုတ်ပေးပါတယ်။ (၃) လူချစ်လူခင်ပေါတယ် ပျော်ပျော်နေတတ်တဲ့သူကို လူတိုင်းချစ်ခင်ပါတယ်။ အကောင်းမြင်တတ်လာမှပျော်ျေပျာ်နေနိုင်တာမို့ပျော်ပျော်နေတတ်သူနားမှာနေချင်ကြတာပေါ့။ စိတ်ညစ်စရာတွေကိုတောင် အရွှန်းလေးဖောက်ပြီး အားပေးတတ်တဲ့သူဆိုတာ မိတ်ဆွေအပေါင်းအသင်းတွေကြားမှာ […]

ဂီတသံစဉ်ဆိုတာ လူ့စိတ်ကိုဖမ်းစားနိုင်တယ်။ သီချင်းမကြိုက်ဘူး၊ တစ်ခါမှလိုက်မဆိုခဲ့ဖူးဘူး ဆိုတဲ့သူတွေတောင် အမှတ်တရဟောင်းနဲ့ ဒါမှမဟုတ် လက်ရှိအဖြစ်နဲ့ တိုက်ဆိုင်မှုရှိခဲ့ရင် သီချင်းနဲ့မျောပါသွားမှာ ၈၀% သေချာပါတယ်။ လူတော်တော်များများက ဆူညံသံနဲ့ ဂီတသံကို ခွဲခြားသိနိုင်စွမ်းကို ပင်ကိုပိုင်ဆိုင်ထားပါတယ်(လော်အသံနဲ့မတရားနှိပ်စက်တဲ့သူတွေမပါ)။ ထားပါတော့။ ဆက်ပြောရရင် ဂီတသံက သိပ်မြန်နေရင် နားထောင်ရသူမှာ နှလုံးခုန်မြန်လာတယ်၊ အသက်ရှူမြန်လာတယ်၊သွေးခုန်နှုန်းမြင့်လာတယ်။ သီချင်းအေးအေးလေးတွေကျတော့ စိတ်တွေငြိမ်းချမ်းလာတယ်ပေါ့။ သုတေသနတွေအရတော့ ကိုယ်နှစ်သက်တဲ့သီချင်းကိုနားထောင်နေရတဲ့အချိန်မှာ ဦးနှောက်က dopamine ဆိုတဲ့ဓါတ်တစ်မျိုးကိုထုတ်ပေးလို့ စိတ်ခံစားချက်ကို ကောင်းစေတာပါတဲ့။ သီချင်းသံတွေက ပျော်ရွှင်မှု၊ကြည်နူးမှု၊ ဝမ်းနည်းမှု၊ လွမ်းဆွေးမှု၊ ပေါက်ကွဲမှု စတဲ့ ခံစားချက်တွေအမျိုးမျိုးပေးစွမ်းနိုင်တယ်ဆိုတာ လက်ခံတယ်ဟုတ်။ စိတ်ပိုင်းဆိုင်ရာကတော့ ဟုတ်ပါပြီ။ လူ့ကျန်းမာရေးမှာရော ဂီတသံစဉ်တွေက ဘယ်လိုအကျိုးသက်ရောက်မှုရှိသလဲဆိုတာ သိရင် သီချင်းချစ်သူတွေ အရမ်းပျော်မှာပဲနော်။ သံစဉ်တွေက - စိတ်ကိုပျော်ရွှင်စေတယ်။စိတ်ညစ်၊ ဒေါသထွက်၊ စိတ်ဖိစီးနေရင်တောင်မှ တချို့သီချင်းလေးတွေကြောင့် ကိုယ့်အပူတွေကို မေ့သွားစေတဲ့အထိ နစ်မျောသွားစေနိုင်ပါတယ်။ […]

အတွေးများနဲ့ ချာချာလည်နေရတဲ့ စိတ်ပင်ပန်းမှုမျိုးက တော်တော်ဆိုးပါတယ်။ ငါအလုပ်မှာအဆင်ပြေပါ့မလား၊ အပြစ်များမြင်ခံရမလားဆိုတဲ့ စိတ္တဇ၊ လူတွေက ငါ့ကိုမခင်ကြတော့ဘူးလား ဆိုတဲ့ ဝမ်းနည်းစိတ်၊ လက်ထဲမှာ ပိုက်ဆံပြတ်တော့မယ် ဘယ်ကရှာရပါ့ ဆိုတဲ့ ရတက်မအေးစိတ်၊ လုပ်စရာတွေကများနေပြီး လူကမလိုက်နိုင်တော့တဲ့အခါ ပင်ပန်းနေတဲ့ စိတ်ကလေး .... ပြီးတော့ရှိသေးတယ်၊ ကိုယ့်ကိုယ်ကို အတင်းခိုင်းလွန်းလို့ ဦးနှောက်က ဂျမ်းဖြစ်သွားတဲ့အခါ တစ်ချက်တစ်ချက် လွတ်သွားတတ်တဲ့ အသိစိတ်...ဟိုဟာမေ့၊ ဒီဟာမေ့နဲ့ စကားတွေမှားပြောလိုပြော၊ သိနေကျအရာတွေကိုလည်း သိပ်နားမလည်တော့သလိုလို၊ စကားသံတွေလည်း ကြားတစ်ချက် မကြားတစ်ချက်၊ အလုပ်မှာလည်း အမှားတွေချည်းလုပ်မိနေတာ။ ဒါတွေဟာ ကိုယ့်အတွက် ခေတ္တအနားယူခွင့်ကို ခန္ဓာကိုယ်ကတုံ့ပြန်တောင်းဆိုနေတာဖြစ်ပါတယ်။ ခိုင်းလာတာကြာပြီ၊ ခိုင်းတာတွေလည်း များသွားခဲ့တဲ့အတွက် ဒီဦးနှောက်နဲ့ စိတ်အခြေအနေကို ပြန်လည်ကုစားပေးရပါမယ်။ ဒါကြောင့် ဒီလက္ခဏာတွေဖြစ်လာပြီဆို သိလိုက်ပါတော့။ အော်..ငါ့ရဲ့ စိတ်ကလေး သိပ်ပင်ပန်းနေရှာပြီပဲလို့။ ပင်ပန်းနေတဲ့ စိတ်ကလေး ဘယ်လိုအနားပေးမလဲ ပင်ပန်းနေတဲ့ စိတ်ကလေး […]

သူများတွေ စိတ်ဓါတ်ကြံ့ခိုင်သူ အဖြစ် ရပ်တည်နေတာကိုကြည့်ပြီး အားကျနေတာလား။ ကိုယ်တိုင်ကော စိတ်ဓါတ်ကြံ့ခိုင်သူ မဖြစ်ချင်ဘူးလား။ စိတ်ဓါတ်ကြံ့ခိုင်မှုကမွေးရာပါအရည်အချင်းမဟုတ်ပါဘူး။မွေးမြူရတာပါ။ စိတ်ဓါတ်ကြံ့ခိုင်သူအဖြစ်ရပ်တည်ဖို့ စိတ်အားထက်သန်နေပေမယ့် ဘယ်လိုလုပ်ရမှန်းမသိဖြစ်နေတယ်ဆိုရင် ဒီဆောင်းပါးလေးက သင့်အတွက် အထောက်အကူဖြစ်မှာပါ။ စိတ်ပိုင်းဆိုင်ရာ ကြံ့ခိုင်သူ တစ်ဦး ဖြစ်လာစေဖို့ ပျိုးထောင်သင့်တဲ့ အကျင့်တွေက တစ်နေ့ကို ၁၅ မိနစ်လောက် တိတ်ဆိတ်တဲ့နေရာမှာနေပေးပါ -ကိုယ်တကယ်ဖြစ်ချင်နေတဲ့ဆန္ဒတွေကို အကောင်းဆုံးအကောင်အထည်ဖော်ဖို့ဆိုရင် အရင်ဆုံးအကောင်းဆုံးဖြစ်မယ့်နည်းလမ်းကိုစဉ်းစားရမှာပါ။ တိတ်ဆိတ်မှုက အကြံဉာဏ်ကောင်းတွေကိုဖြစ်ပေါ်စေပါတယ်။ ဒါကြောင့် တစ်နေ့ကို ၁၅ မိနစ်လောက် တိတ်ဆိတ်တဲ့နေရာမှာ အချိန်ကုန်ဆုံးပေးပါ။ တစ်ပတ်မှာ ကိုယ့်အတွေးတစ်ခုလောက်တော့ အကောင်အထည်ဖော်ပေးပါ - တစ်ပတ်မှာ ကိုယ်ဆန္ဒရှိတဲ့ကိစ္စရပ်တစ်ခုလောက်ကို အကောင်အထည်ဖော်ပေးပါ။ ဒါမှလည်း ကိုယ်ရဲ့ စိတ်ရှိတာကို လက်တွေ့အကောင်အထည်ဖော်နိုင်တယ်ဆိုပြီး စိတ်ခွန်အားရလာမှာပါ။ ကိုယ်လက်လှုပ်ရှားမှုရှိပါစေ -နေ့စဉ် ၁၅ မိနစ်လောက် ကိုယ်လက်လေ့ကျင့်ခန်းလုပ်ပေးပါ။ ကိုယ်လက်လှုပ်ရှားမှုက စိတ်ဓါတ်ကြံ့ခိုင်ဖို့ အထောက်အပံ့ဖြစ်စေပါတယ်။ ဒါကြောင့် ကိုယ်ရော စိတ်ပါကျန်းမာကြံ့ခိုင်စေဖို့နေ့စဉ်ကိုယ်လက်လေ့ကျင့်ခန်းလုပ်ပါ။ စာအုပ်တွေဖတ်ပါ […]

လူတစ်ယောက်ရဲ့ နေ့စဉ်ဘဝမှာ စိတ်ပျော်ရွှင်မှုဟာ အလွန်အရေးပါပါတယ်။ စိတ်ပျော်ရွှင်တဲ့အခါမှာ ဘဝကြီးက နေရတာ ပျော်လာတယ်။ အရာရာကို အကောင်းမြင်လာမယ်။ အလုပ်ခွင်မှာရော လူမှုပတ်ဝန်းကျင်မှာပါ ပိုပြီး အောင်မြင်လာမယ်။ ကျန်းမာရေးဘက်က ကြည့်ရင်လည်း စိတ်ချမ်းသာ ကိုယ်ကျန်းမာ ဆိုသလို ကိုယ့်ရဲ့ ကျန်းမာရေးဟာလည်း အရင်ကထက် ပိုပြီး ကောင်းလာနိုင်ပါတယ်။ ဒါဆိုရင် ဒိုပါမင်ဟော်မုန်းနဲ့ စိတ်ပျော်ရွှင်မှုဟာ ဘယ်လိုသက်ဆိုင်မှု ရှိသလဲ။ ဒိုပါမင် - dopamine ဆိုတာ ဦးနှောက်ကနေ လွှတ်ထုတ်လိုက်တဲ့ ဟော်မုန်းတစ်မျိုးပါ။ ဒီဟော်မုန်းဟာ ကျွန်တော်တို့ နေ့စဉ် သွားလာလှုပ်ရှားတဲ့ နေရာမှာ၊ မှတ်ဉာဏ်၊ သတိပြုမိခြင်းနဲ့ ခန္ဓါကိုယ်တွင်း အင်္ဂါတွေ ကောင်းစွာ လည်ပတ်အလုပ်လုပ်နိုင်စေဖို့ ကူညီပေးပါတယ်။ ဦးနှောက်က ဒိုပါမင်ဓါတ်တွေ ပုံမှန်ထုတ်လုပ်ပေးနေပြီး အာရုံကြောစနစ်ထဲမှာ ပုံမှန် လည်ပတ်နေပါတယ်။ ဒိုပါမင်ဟော်မုန်းတွေ အများအပြား ထုတ်လွှတ်လိုက်တဲ့အခါ စိတ်က […]

… စိတ်ဖိစီးမှုဆိုတာ လူသားအားလုံး နေ့စဉ်ရင်ဆိုင်နေရတဲ့ အရာဖြစ်ပါတယ်။ တစ်ဦးနဲ့တစ်ဦး ရင်ဆိုင်ရတဲ့ စိတ်ဖိစီးမှုအတိုင်းအတာ ကွာခြားပါတယ်။ ဒါ့အပြင် ခံနိုင်ရည် ရှိပုံချင်းလည်း မတူပါဘူး။ တစ်စုံတစ်ယောက်အပေါ် စိတ်ဖိစီးမှုကြီးစွာ ဖြစ်လောက်စေတဲ့အရာဟာ တခြားတစ်ဦးအတွက် ပြောပလောက်တဲ့အရာ ဖြစ်ချင်မှလည်း ဖြစ်နေတတ်ပါတယ်။ ဘယ်လိုပဲဖြစ်ဖြစ် စိတ်ဖိစီးမှုများခြင်းဟာ မကောင်းတဲ့အချက်ဖြစ်ပါတယ်။ စိတ်ထောင်းရင်ကိုယ်ကြေ ဆိုသလို စိတ်ပိုင်းဆိုင်ရာ ထိခိုက်မှုတွေကနေ ရုပ်ပိုင်းဆိုင်ရာ ကျန်းမာရေးကိုပါ ထိခိုက်လာစေနိုင်ပါတယ်။ အောက်ပါပြသနာများကတော့ စိတ်ဖိစီးမှုနဲ့ ဆက်စပ်နေတဲ့ ကျန်းမာရေးပြသနာတွေပဲ ဖြစ်ပါတယ်။ ၁။ နှလုံးရောဂါ သုတေသီတွေရဲ့ အဆိုအရ ကိုယ်ရည်ကိုယ်သွေးမြင့်မားပြီး ယှဉ်ပြိုင်ကြိုးစားချင်စိတ်များသူတွေမှာ သွေးတိုးခြင်းနဲ့ နှလုံးရောဂါအဖြစ်များတယ်လို့ သိရပါတယ်။ အကြောင်းအရင်းကို အတိအကျမသိရပေမယ့် စိတ်ဖိစီးမှုဟာ အကြောင်းအရင်းခံလို့ ယူဆရပါတယ်။ စိတ်ဖိစီးခြင်းကြောင့် နှလုံးခုန်နှုန်းနဲ့ သွေးလည်ပတ်မှု ပိုမိုမြန်ဆန်လာပြီး ကိုလက်စထရောနဲ့ triglyceride ကို သွေးကြောတွေထဲ ရောက်လာစေပါတယ်။ ဒါ့အပြင် စိတ်ခံစားမှုဆိုင်ရာရုတ်တရက် […]

တစ်နေ့တစ်နေ့ အလုပ်တွေနဲ့လုံးပန်းရင်း မခေါ်ဘဲရောက်လာတဲ့ ဧည့်သည်ကိုလည်းမောင်းထုတ်ရခက်နေတတ်တယ်နော်။ ဒါကတော့ ကိုယ်က မတောင့်တတောင် ကိုယ့်ဆီရောက်လာတတ်တဲ့ စိတ်ဖိစီးမှုလေ။ စိတ်ဖိစီးမှုက သိမ်းထားလို့ကောင်းတဲ့အရာမဟုတ်ပါဘူး။ ကြာကြာသိမ်းလေ ကိုယ့်မှာထိခိုက်ရတာတွေ များလာလေလေပါပဲ။ စိတ်ဖိစီးမှုများရင် ဒီရောဂါတွေဖြစ်နိုင်တယ် ဆိုတော့ စိတ်ဖိစီးမှုကို သေချာ ကိုင်တွယ်တတ်ဖို့ လိုပါတယ်။ စိတ်ဖိစီးမှု စိတ်ဖိစီးမှု ဆိုတာက ရုပ်ပိုင်းဆိုင်ရာ ဒါမှမဟုတ်  စိတ်ပိုင်းဆိုင်ရာ ပြောင်းလဲမှုတွေဖြစ်လာတဲ့အခါ ဖြစ်ပေါ်တတ်တဲ့ သာမန်တုံ့ပြန်မှုတစ်ခုပေါ့။ ဒီပြောင်းလဲမှုကို ခန္ဓာကိုယ်က ရုပ်ပိုင်းဆိုင်ရာ အရသော်လည်းကောင်း၊ စိတ်ပိုင်းဆိုင်ရာအရသော်လည်းကောင်း ပြန်ပြီး တုံ့ပြန်တတ်ပါတယ်။ စိတ်ဖိစီးမှု ဆိုတာမျိုးက နေ့စဉ်ဘဝရဲ့ အစိတ်အပိုင်းတစ်ခုလိုတောင် ဖြစ်နေတတ်ပါသေးတယ်။ နေ့စဉ်ထိတွေ့ဆက်ဆံနေတဲ့ ပတ်ဝန်းကျင်ကြောင့်၊ ကိုယ်ရဲ့အတွေးတွေနဲ့ ကိုယ့်ရဲ့ အပြုအမူတွေကြောင့် စိတ်ဖိစီးမှုဝင်နိုင်ပါတယ်။ စိတ်ဖိစီးမှုများရင် ဒီရောဂါတွေဖြစ်နိုင်တယ် လူတွေရဲ့ ခန္ဓာကိုယ်က စိတ်ဖိစီးမှုကို ခံစားတုံ့ပြန်နိုင်စွမ်းရှိကြပါတယ်။ ဒါပေမယ့် ဘယ်လောက်ကြာကြာသိမ်းထားမလဲဆိုတာကတော့ ကိုယ့်ရဲ့ စိတ်ဆုံးဖြတ်ချက်ပေါ်မှာ မူတည်နေမှာပါ။ လူတစ်ယောက်ဟာနေ့စဉ်နဲ့အမျှ စိတ်ဖိစီးမှုကို […]