စိတ်ကျန်းမာရေး

လူအများစုရဲ့ ဘဝမှာ တစ်ခါလောက်တော့ စိုးရိမ်ပူပန်တာမျိုး ဖြစ်တတ်ကြပါတယ်။ ကျွန်တော်တို့နေ့စဉ်ဘဝမှာ ကြုံတွေ့နေရတဲ့ ပြဿနာတွေ၊ အခက်အခဲ၊ အတားအဆီးတွေ၊ စိတ်ညစ်စရာကိစ္စတွေ ကြုံလာတဲ့အခါ တစ်ခါတလေတော့ တောင့်ခံထားတဲ့ စိတ်တွေဟာလည်း ယိုင်လဲပြီး ပြိုကျသွားတတ်တာ သဘာဝပါပဲ။ ဒီလိုပုံမှန်ဖြစ်တတ်တဲ့ စိတ်ဝေဒနာကိုမှ တခြားသူတွေထက် ပိုပြီး ဆိုးဆိုးရွားရွား ခံစားနေရတဲ့အခါ ပုံမှန်မဟုတ်တဲ့ စိုးရိမ်မှုလွန်ကဲခြင်းလို့ သတ်မှတ်လို့ ရနိုင်ပါတယ်။ သင့်မှာရော စိုးရိမ်ပူပန်လွန်ကဲတဲ့ စိတ်ဝေဒနာ (Anxiety Disorder) ရှိတယ်လို့ သံသယရှိလား။ ခုပြောပြပေးမယ့် လက္ခဏာတွေထဲက အနည်းဆုံး ၃မျိုးလောက် ကိုယ်တိုင်ခံစားနေရပြီလား။ ဒါဆိုရင်တော့ အမြန်ဆုံး ကုသမှုခံယူဖို့ အကြံပေးလိုက်ချင်ပါတယ်။ စိုးရိမ်ပူပန်လွန်ကဲခြင်းရဲ့ ရောဂါလက္ခဏာများ ပုံမှန်လူတွေ ခံစားနေရတာထက် ပိုပြင်းထန်တတ်ပြီး ကိုယ်တိုင်လည်း ဒီစိုးရိမ်မှုကို ထိန်းချုပ်လို့မရတော့တဲ့အထိ အသိစိတ်လွတ်သွားတဲ့ အခြေအနေမျိုးကို ဆိုလိုခြင်းဖြစ်ပါတယ်။ ဒီစိတ်ဝေဒနာရှိတဲ့သူတွေမှာ အဖြစ်များတဲ့ လက္ခဏာတွေကတော့ ၁။ […]

ဒီနေ့ပြောပြပေးမယ့် အကြောင်းအရာကတော့ လူငယ်တွေမှာ အရမ်းလည်းအဖြစ်များပြီး အချစ်ရေး၊ မေတ္တာရေးမှာ နောက်ကွယ်ကနေ ကောင်းကောင်းဒုက္ခပေးနေတဲ့ Borderline Personality Disorder – BPD လို့ခေါ်တဲ့ စိတ်ခံစားချက်ပုံမှန်မဟုတ်တဲ့ ရောဂါအကြောင်းပဲ ဖြစ်ပါတယ်။ BPD ဆိုတာ ဘယ်လိုရောဂါမျိုးလဲ။ ဆယ်ကျော်သက်အရွယ်နဲ့ အသက်ငယ်သေးတဲ့ အချိန်မှာ အစပျိုးလာတတ်တဲ့ စိတ်ရောဂါတစ်မျိုးဖြစ်ပါတယ်။ ဆက်တိုက်ဆိုသလို စိတ်ခံစားချက် ပုံမှန်မဟုတ်တာ၊ စိတ်က တည်ငြိမ်မနေဘဲ အနိမ့်အမြင့် အတက်အကျ မြန်လွန်းတာ၊ စိတ်လိုက်မာန်ပါလုပ်တတ်တဲ့ အမူအကျင့်တွေ၊ စိတ်ခံစားချက် ပြင်းထန်လွန်းတာ၊ ပုံမှန်မဟုတ်တဲ့ အတွေးတွေ ခေါင်းထဲ ခဏခဏ ဝင်လာတဲ့ လက္ခဏာတွေ တွေ့ရပါတယ်။ ဒီစိတ်ရောဂါဟာ အချစ်ရေးကိစ္စတွေမှာ နှစ်ဦးနှစ်ဖက် ပဋိပက္ခဖြစ်စေသလို ကိုယ့်ရဲ့အမူအကျင့်တွေကြောင့်လည်း ကိုယ့်ချစ်သူရဲ့ အထင်အမြင်လွဲမှားတာ ခံရနိုင်တယ်။ သိမ်ငယ်စိတ်ေတွ၊ စိုးရိမ်စိတ်တွေ၊ ထားသွားမှာ ကြောက်တဲ့စိတ်တွေ၊ ဖြစ်မလာသေးတဲ့ […]

"မုသားမပါ လင်္ကာမချော" ဆိုတဲ့စကားအတိုင်း တစ်ခါတလေမှာ အဖြူရောင်မုသားလေးတွေ သုံးရတာမျိုးရှိပေမယ့် အချစ်ရဆုံးသူတွေပေါ်မှာတော့ အတတ်နိုင်ဆုံးရိုးသားစေချင်ပါတယ်။ ရိုးသားမှုက ကိုယ်ကျင့်တရားကောင်းမွန်ခြင်းကိုဖော်ပြပေးနေတဲ့ပြယုဂ်တစ်ခုဆိုလည်းမမှားပါဘူး။ ရိုးသားမှုက စိတ်ရောကိုယ်ပါ ကျန်းမာစေဖို့အကောင်းဆုံးထောက်ပံ့ပေးနိုင်မှာပါ။ ဒါကြောင့် မဖြစ်မနေအနေအထားကလွဲလို့ ကျန်တဲ့အခြေအနေတိုင်းမှာရော ချစ်ခင်ရတဲ့သူတွေအပေါ်မှာပါ ရိုးသားကြဖို့ Hello ဆရာဝန်ပရိသတ်ကြီးကိုပြောပါရစေ။ ရိုးသားမှုက စိတ်ရောကိုယ်ပါကျန်းမာစေနိုင်ပါတယ် အရာရာတိုင်းကို အမှန်အတိုင်း ရိုးသားပွင့်လင်းစွာပြောဆိုမှုက စိုးရိမ်မှုကင်းစေနိုင်ပြီး စိတ်ရောကိုယ်ပါကျန်းမာစေဖို့ အကောင်းဆုံးထောက်ပံ့ပေးနိုင်မှာပါ။ ဖုံးကွယ်ထားမှုမရှိတာကြောင့် ကိုယ့်ကိုကိုယ်ယုံကြည်မှုရှိရှိနဲ့ အခြေအနေတိုင်းကို အကောင်းဆုံးဖြေရှင်းနိုင်မှာပါ။ စိတ်ပိုင်းဆိုင်ရာပေါ့ပါနေမှုကြောင့် အကောင်းဆုံးအိပ်ပျော်စေနိုင်သလို လုပ်ငန်းဆောင်တာတွေကိုလည်းစွမ်းဆောင်ရည်ကောင်းစွာနဲ့ လုပ်ဆောင်နိုင်မှုကြောင့် အလုပ်ကြောင့်ဖြစ်တဲ့ စိတ်ဖိစီးမှုကင်းစေမယ်ဆိုတာ အသေအချာပါ။ စိတ်ဖိစီးမှု၊ စိုးရိမ်မှုကင်းစင်တဲ့ လူနေမှုဘဝကခေါင်းကိုက်တာ၊ ဖျားနာတာ အပါအဝင် နာတာရှည်ရောဂါတွေကနေပါ ကင်းစင်စေမှာပါ။ ဒါကြောင့်ဖြစ်ရပ်တိုင်း အခြေအနေတိုင်းပေါ်မှာ ရိုးသားမှုရှိနေတာက အကောင်းဆုံးဖြစ်မှာပါ။ မရိုးသားမှုက ဘာတွေဖြစ်လာစေမှာလဲ......... မရိုးသားမှုကြောင့် ဒီလိုတွေ ဖြစ်လာနိုင်ပါတယ်။ စိတ်ပူပန်မှုများလာမယ် တစ်ခုခုဖုံးကွယ်ထားရတာက အချိန်တိုင်းလိုလိုစိတ်ပူပန်မှုကိုဖြစ်နေစေနိုင်ပါတယ်။ စိတ်ပူပန်မှုက စိတ်ကျန်းမာရေးအတွက် မကောင်းသလို […]

လူတစ်ဦးဦးကို စိတ်ဆိုးဒေါသထွက်တဲ့အခါ ဘာလုပ်တတ်လဲ။အော်ဟစ်ပေါက်ကွဲတတ်လား။ တနုံ့နုံ့နဲ့ဒေါသထွက်နေတတ်လား။ တစ်ယောက်တည်းကြိတ်ပြီး စိတ်မကောင်းဖြစ်တတ်လား။ ဒီအဆင့်တွေကိုကျော်လွန်ပြီးရင်ကော ဘာလုပ်တတ်လား။ ခွင့်လွှတ်ပေးလိုက်လား၊ ခွင့်မလွှတ်ဘဲ အမြဲလိုလိုပိုက်ထားတတ်တာလား။ ဒါဆိုရင်တော့ အကောင်းဆုံးဖြစ်စေမယ့် နည်းလမ်းတစ်ခုပြောပြပါ့မယ်။ ဒါကတော့ ကိုယ့်အပေါ်အမှားလုပ်ထားတဲ့သူကို ခွင့်လွှတ်ပေးလိုက်ပါ။ ခွင့်လွှတ်တာက နည်းလမ်းကောင်းလား......... ပြဿနာတိုင်းကို ခွင့်လွှတ်နိုင်ဖို့က ခက်ခဲမယ်ဆိုတာအမှန်ပါ။ ဒါပေမယ့် ခွင့်လွှတ်မှုက ကိုယ့်အပေါ်အမှားကျူးလွန်တဲ့သူအတွက် ကိုယ့်ဘက်ကပေးဆပ်မှုမဟုတ်ပါဘူး။ ကိုယ့်ရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာကျန်းမာစေဖို့အတွက်လုပ်ဆောင်လိုက်တဲ့ ရင်းနှီးမြှုပ်နှံမှုပါ။ ဒီနေရာမှာ သိထားဖို့လိုမယ်အချက်တစ်ခုက ခွင့်လွှတ်ပေးတယ်ဆိုတာက သူ့ကိုနောက်ထပ်နာကျင်အောင်လုပ်ဆောင်ခွင့်ပြုလိုက်တာမဟုတ်ဘဲ ကိုယ့်ရဲ့ စိတ်ထဲက ဝန်ထုပ်ဝန်ပိုးကိုလျှော့ချလိုက်တာပါ။ ခွင့်လွှတ်ပေးမှုရဲ့နောက်မှာ အရင်ကအတိုင်းဆက်ဆံခွင့်ပြုတယ်ဆိုတဲ့ ခွင့်ပြုချက်ပါမလာတာကို သူသိအောင်တော့ လုပ်ဆောင်ရမှာပေါ့။ ခွင့်လွှတ်ပေးမှုကို စိတ်ဓါတ်ခွန်အားကောင်းသူတွေပဲ လုပ်ဆောင်နိုင်ကြတာပါနော်။ တကယ်တော့ ခွင့်လွှတ်မှုက ရုပ်ပိုင်းဆိုင်ရာအတွက်ရော စိတ်ပိုင်းဆိုင်ရာအတွက်ပါ အမှန်တကယ်ကောင်းကျိုးရှိပါတယ်။ ခွင့်လွှတ်ပေးမှုကနေရရှိမယ့် ကျန်းမာရေးအကျိုးကျေးဇူးတွေက ဘာတွေများလဲ...... လူတစ်ယောက်ကို ခွင့်လွှတ်ပေးလိုက်တဲ့အခါ အခုလိုကောင်းကျိုးတွေရရှိလာနိုင်ပါတယ်။ ကိုယ်ခံအားကောင်းလာမယ် ခွင့်လွှတ်ပေးမှုက ခန္ဓါကိုယ်ထဲမှာ ပဋိဇီဝပစ္စည်းတွေထွက်ရှိမှုကို တိုးမြှင့်ပေးနိုင်တာကြောင့် […]

ကျန်းမာတဲ့ လူတစ်ယောက်ဖြစ်ဖို့အတွက်က စိတ်ရောကိုယ်ပါကျန်းမာဖို့လိုအပ်မှာပါ။ ဒီတစ်ခေါက်တော့ စိတ်ကျန်းမာရေးပြဿနာနဲ့ ပတ်သက်လို့ ကိုယ်တိုင်တောင် မသိလိုက်ဘဲ လုပ်မိနေတဲ့ အပြုအမူလေးတွေအကြောင်းပြောပြပေးချင်ပါတယ်။ တစ်ခါတလေမှာ အမှုမဲ့အမှတ်မဲ့လုပ်မိနေတဲ့ အပြုအမူအချို့ကနောက်ပိုင်းမှာ စိတ်ရောဂါခံစားရနိုင်ခြေရှိတယ်ဆိုတာကိုဖော်ပြနေတဲ့ အစောပိုင်း လက္ခဏာတွေဖြစ်နေတတ်ပါတယ်။ ဒီဆောင်းပါးလေးကိုဖတ်ရင်း ကိုယ်တိုင်ရော လုပ်မိနေလားဆိုတာ ဆန်းစစ်ကြည့်လိုက်ပါဦး။ စိတ်ရောဂါခံစားရနိုင်ခြေရှိနေတဲ့ လက္ခဏာတွေက ဘာတွေများလဲ တစ်ခါတလေမှာ ကိုယ်တိုင်တောင်မသိလိုက်ဘဲ အသေးစားစိတ်ရောဂါလေးတွေခံစားနေရတာမျိုးရှိနိုင်ပါတယ်။ ဒါကြောင့် ဆန်းစစ်ကြည့်ရအောင်လား။ အစားတွေ အရမ်းစားမယ် အစားလုံးဝမစားသလောက်ဖြစ်မယ် တစ်ချိန်လုံးအိပ်နေမယ် လုံးဝမအိပ်သလောက်ကိုနေမယ် လုပ်နေကျအလုပ်တွေကို မလုပ်ဘဲနေမယ် ခြေကုန်လက်ပမ်းကျနေသလို အမြဲခံစားနေရမယ် လူက ထိုင်းထိုင်းမှိုင်းမှိုင်းဖြစ်နေမယ် ဆေးလိပ်တွေအရမ်းသောက်မိနေမယ် အရက်တွေအလွန်အကျွံသောက်မိနေမယ် အခြားဆေးဝါးတွေကို သုံးစွဲနေမယ် အမြဲလိုလို စိတ်ရှုပ်ထွေးနေမယ် ခန္ဓါကိုယ်က အမြဲလိုလို နာကျင်ကိုက်ခဲနေမယ် အကူအညီမဲ့သလိုခံစားနေရမယ် မျှော်လင့်ချက်မဲ့သလို ခံစားနေရမယ် အမြဲလိုလိုမေ့နေမယ် အကြောင်းမဲ့ စိုးရိမ်ပူပန်မှုများနေမယ် အကြောင်းအရင်းမရှိဘဲ အမြဲလိုလိုကြောက်နေမယ် ကိစ္စတစ်ခုခုကြုံတဲ့အခါအော်ဟစ်မိတယ် […]

မိုးအေးအေးလေးမှာ ကော်ဖီလေးသောက်လိုက်ရတာကတော်တော်လေးအရသာရှိတယ်နော်။ မနက်ခင်းမှာ ကော်ဖီမွှေးမွှေးလေးတစ်ခွက် သောက်လိုက်ရရင်ကို တစ်နေ့လုံးတက်တက်ကြွကြွ အလုပ်လုပ်နိုင်တယ်။ မနက်ခင်းကော်ဖီမသောက်ရရင် စိတ်တိုလာတယ်၊ ခေါင်းကိုက်လာတယ်ဆိုတာမျိုးတွေ ဖြစ်နေပြီလား။ ဒါဆိုရင်တော့ သင်ဟာကော်ဖီကို လိုတာထက်ပိုပြီး စွဲလမ်းနေပါပြီ။ ဒါက ကော်ဖီစွဲလမ်းမှု က ကြီးကြီးမားမား ကိစ္စမဟုတ်ပေမယ့် ကျန်းမာရေးကို ထိခိုက်လာနိုင်တဲ့ အခြေအနေဆိုရင်တော့ မွေးမထားတာကတော့ အကောင်းဆုံးဖြစ်မှာပါ။ ကော်ဖီက စွဲလမ်းစေတတ်လား............. ကော်ဖီမှာပါတဲ့ ကဖင်းက စွဲလမ်းစေတတ်ပါတယ်။ တက်ကြွလန်းဆန်းစေနိုင်တဲ့ အာနိသင်ရှိတာကြောင့် မနက်ခင်းမှာ ကော်ဖီလေးသောက်တတ်ကြသလိုနေ့ခင်းနေ့လယ် ပျင်းတဲ့အခါမျိုး၊ အိပ်ငိုက်တဲ့အခါမျိုးမှာလည်း စိတ်လန်းသွားအောင်ဆိုပြီး ကော်ဖီကို သောက်တတ်ကြပါတယ်။ တစ်ရက်နှစ်ရက်က ပြဿနာမရှိပေမယ့် တစ်ပတ်ကနေ နှစ်ပတ်၊ နှစ်ပတ်ကနေ ၁ လလောက်ကြာလာတဲ့အခါ ကော်ဖီကို အချိန်ကျရင် မသောက်ရမနေနိုင် ဖြစ်လာပါတယ်။ ဒီအခြေအနေကကော်ဖီစွဲလမ်းတဲ့အခြေအနေပါ။ ကော်ဖီစွဲလမ်းမှု ကို ဘယ်လိုဖြေရှင်းမလဲ............ ကော်ဖီကို စွဲနေတာကို ချက်ချင်းဖြတ်ဖို့က ခက်ပါတယ်။ ဖြည်းဖြည်းချင်းပဲ […]

လူရယ်လို့ဖြစ်လာရင်နေ့စဉ်ဘဝမှာ အကောင်းအဆိုးဒွန်တွဲမှုတွေကို အမြဲလိုလိုရင်ဆိုင်နေရမှာပါ။ တစ်နေ့တာရဲ့ အချိန်အတိုင်းအတာအတွင်းမှာ စိတ်ချမ်းမြေ့စရာတွေ ကြုံရနိုင်သလို စိတ်အနှောင့်အယှက်ဖြစ်စရာ စိတ်ထိခိုက်စရာတွေကိုလည်း ကြုံရနိုင်ပါတယ်။ စိတ်ချမ်းမြေ့စရာကိစ္စကတော့ စိတ်ပျော်ရွှင်မှုကိုတောင် ရစေသေးလို့ ကိစ္စမရှိပေမယ့် စိတ်ထိခိုက်စရာ၊ စိတ်အနှောင့်အယှက်ဖြစ်စရာကြုံတဲ့ အခါ စိတ်မထားတတ်ရင်ဖြစ်လာနိုင်တဲ့နောက်ဆက်တွဲအကျိုးဆက်တွေက အများကြီးပါ။ ဒီအခြေအနေကို အကောင်းဆုံးကျော်လွှားရအောင်လား Hello ဆရာဝန်ပရိသတ်ကြီးရေ......... စိတ်အနှောင့်အယှက်ြဖစ်စေတဲ့အရာတွေကို အကောင်းဆုံးကျော်လွှားခြင်း စိတ်အနှောင့်အယှက်ဖြစ်တဲ့အခါ အရင်ဆုံးလုပ်ရမှာက ကိုယ့်ကို စိတ်အနှောင့်အယှက်ဖြစ်စေတဲ့အရာက ဘာလဲဆိုတဲ့ အကြောင်းအရင်းအတိအကျကို ရှာဖို့ပါ။ စိတ်အနှောင့်အယှက်ဖြစ်စေနေတာက လူလား၊ အခြေအနေတစ်ရပ်ရပ်လား၊ လုပ်ငန်းစဉ်တစ်ခုခုကလားဆိုတာပါ။ ဒီအဆင့်အဖြေထွက်လာပြီဆိုရင်တော့ ဘယ်လိုရင်ဆိုင်မလဲဆိုတဲ့နည်းလမ်းကို စဉ်းစားရမှာပါ။ ထိပ်တိုက်ရင်ဆိုင်မလား၊ ဒီအတိုင်း ထားလိုက်မှာလား။ ဘာကိုရွေးသင့်လဲဆိုတာကတော့ အနေအထားအလိုက်ပြောင်းလဲနိုင်ပါတယ်။ တစ်ခါတလေမှာ ထိပ်တိုက်ဖြေရှင်းလိုက်မှုကကောင်းပေမယ့် တစ်ခါတလေမှာ ဒီအတိုင်းလေးကျော်သွားလိုက်တာကလည်း အဆင်ပြေပါတယ်။ အဓိကထားစဉ်းစားရမှာက ကိုယ့်ရဲ့ စိတ်အခြေအနေကိုပါ။ ထိခိုက်မှုကကြီးမယ်၊ အကျိုးလည်းမရှိလောက်ဘူးဆိုရင်တော့နောက်တစ်ကြိမ်ထပ်ဖြစ်မလာဖို့ ကိုယ့်ကိုယ်ကို ကာကွယ်တဲ့အနေနဲ့ ထိခိုက်စေတဲ့ လူ၊ […]

စိတ်ဖိစီးနေတဲ့အချိန်ဆို ဘာလက္ခဏာ၊ ညာလက္ခဏာ သိဖို့မပြောနဲ့၊ ကိုယ့်မျက်နှာတောင် မှန်ထဲကြည့်ချင်တာမဟုတ်၊ သေချာ ကြည့်ဖြစ်တာမဟုတ်တော့ ဒါတွေဘယ်သိမလဲ။ တကယ်တော့ ဖိစီးမှုတအားများလာရင် လူ့ခန္ဓါကိုယ်မှာ ထင်သာမြင်သာတဲ့ပြောင်းလဲမှုလက္ခဏာတွေရှိတတ်ပါတယ်။ အထူးသဖြင့် အသားအရေပေါ့။ အသားအရေစိုစိုပြည်ပြည်မရှိတော့ဘူး။ အသားတွေမည်းလာသလိုလိုနဲ့။ တကယ်တော့ အသားမည်းတာမဟုတ်ဘဲ မွဲခြောက်ခြောက်နဲ့ အရောင်ညစ်နေတာဖြစ်ပါတယ်။ ဒီလိုဖြစ်နေပြီဆို " ကြည့်ရတာတမျိုးပဲနေမကောင်းလို့လား" လို့ဘေးလူတွေကမေးတတ်ကြတယ် မဟုတ်လား။ ကိုယ်ကနေကောင်းတယ်ထင်ပေမယ့် စိတ်ကနေမကောင်းတာကြောင့် ခန္ဓါကိုယ်ထဲမှာ အဆင်မပြေဖြစ်နေတာတော့ အမှန်ပါပဲ။ စိတ်ဖိစီးမှုကြောင့်ဖြစ်လာတာမဟုတ်ရင်တောင် ဒီအခြေအနေတွေအတွက် ခန္ဓါကိုယ်ရဲ့သဘာဝခုခံကုသနိုင်စွမ်းကို စိတ်ဖိစီးမှုက အဟန့်အတားဖြစ်စေနိုင်ပါတယ်။ အရေးအကြောင်း စိတ်ဖိစီးမှုကြောင့်ဖြစ်လာတဲ့cortisolဟော်မုန်းမြင့်တက်မှုကြောင့် အသားအရေမှာ အရေးအကြောင်းတွေဖြစ်လာစေနိုင်တယ်။ စိတ်ဖိစီးမှုနဲ့ အသားအရေကျန်းမာရေးက ဆက်နွှယ်နေတာ အရင်တည်းက သိထားကြပါတယ်။ အစားအသောက်နဲ့ အသားအရေထိန်းပစ္စည်းတွေကြောင့် သက်ရောက်မှုရှိနိုင်သေးတယ်ဆိုပေမယ့် စိတ်ဖိစီးမှုကတော့ ပင်မတရားခံဖြစ်နေနိုင်တာ မမေ့ပါနဲ့။ စိတ်ပင်ပန်းနေရင် ရုပ်ရင့်ပါတယ်။ ရောင်ရမ်းတာ၊ ယားတာ၊ စပ်တာ ရေယုန်၊ ယားနာ၊ ဆိုရီရေးစစ် စတဲ့ ပြဿနာတွေက […]

ဝမ်းနည်းခြင်းဆိုတာ လူသားတိုင်း တစ်နေ့မဟုတ် တစ်နေ့ ကြုံတွေ့ရမယ့်၊ ခံစားရမယ့် ခံစားချက်တစ်မျိုးပါ။ စိတ်ဓါတ်ကျတယ်ဆိုတာတော့ ကျွန်တော်တို့ ယနေ့ခေတ် စိတ်ကျန်းမာရေးပြဿနာတွေထဲမှာ အဖြစ်အများဆုံး စိတ်ရောဂါတစ်မျိုးပါ။ ဒီအခြေအနေ နှစ်ခုဟာ ဆက်စပ်နေပေမယ့် လုံးဝတူနေတာမျိုးတော့ မဟုတ်ပါဘူး။ ဒီတော့ ကိုယ့်ကိုယ်ကိုယ်ရော ဝမ်းနည်းတာနဲ့ စိတ်ဓါတ်ကျတာ သဲသဲကွဲကွဲ သိရဲ့လားဆိုတာ ဒီဆောင်းပါးက အဖြေရှာပေးမှာပါ။ ဝမ်းနည်းခြင်း (Sadness) လူသားတိုင်းမှာ ခံစားရလေ့ရှိတဲ့ စိတ်အခြေအနေဖြစ်ပါတယ်။ ချစ်ရသူနဲ့ ဝေးကွာရတာ၊ အလုပ်အကိုင်၊ ငွေကြေး ဆုံးရှုံးမှု၊ မျှော်လင့်ထားတာတွေ ဖြစ်မလာတာ၊ ဝမ်းနည်းစရာ အရာရာတစ်ခုခုကို ကိုယ်တိုင်မြင်လိုက်ရတာ၊ တွေးတောမိသွားတာ၊ စိတ်ဖိစီးပြီး ပင်ပန်းနေတဲ့အချိန်၊ အထီးကျန်နေတဲ့အချိန်မှာ ဝမ်းနည်းတဲ့ စိတ်ခံစားချက်ကို ခံစားရပါတယ်။ ဘဝဆိုတာ အကောင်းပဲ အမြဲလာတာမဟုတ်တဲ့အတွက် ပျော်ရွှင်ရတဲ့ အချိန်တွေလည်း ရှိသလို၊ ဝမ်းနည်းရတဲ့ အခြေအနေတွေလည်း ရှိတတ်တာ […]

စွဲလမ်းခြင်းဆိုတာ ဘာလဲ။ လူတွေတော်တော်များများက စွဲလမ်းခြင်းကို လူတစ်ယောက်ကို အမှန်တကယ်စိတ်ဝင်စားမိသွားတဲ့အခါမှာ ဖြစ်ပေါ်လာတဲ့ ခံစားချက်တစ်မျိုးဖြစ်တယ်လို့ အဓိပ္ပါယ်ဖွဲ့ထားတတ်ကြပါတယ်။ လုံးဝမှားတာမျိုးတော့မဟုတ်ဘူးပေါ့။ ချစ်ခြင်းမေတ္တာတရားရဲ့ အနောက်မှာ စွဲလမ်းမှုဆိုတဲ့ စိတ်က အလိုလိုကပ်ပါလာတတ်ပါတယ်။ ဒီလိုစွဲလမ်းမှုက သိပ်ကိုများလွန်းသွားပြီဆိုရင် လူတစ်ယောက်ကို ချစ်တယ်ဆိုတာထက် ကိုယ့်အသိစိတ်ထဲမှာ သူ့အကြောင်းတွေက အချိန်ပြည့်လွှမ်းမိုးသွားတော့တာပေါ့။ အဲ့တော့ ဘာဆက်ဖြစ်မလဲ။ ချစ်ခြင်းမေတ္တာကြောင့် ရတဲ့ ပျော်ရွှင်မှုမဟုတ်ဘဲ စွဲလမ်းစိတ်ကြောင့် ရင်ထဲမှာ သောကမီးတွေပဲ ကျန်ရစ်နေတော့တာပေါ့။ ဒီစွဲလမ်းစိတ်ကို စိတ်ကျန်းမာရေးအရ Obsessive Love Disorder – OLD ရောဂါလို့ ခေါ်ပါတယ်။ စွဲလမ်းစိတ်ကြောင့် အခြေခံလာတဲ့ ရောဂါ Obsessive Compulsive Disorder – OCD ရဲ့ ရောဂါပုံစံတစ်မျိုးပါ။ ငယ်ငယ်လေးတုန်းက ကျန်ရစ်ခဲ့တဲ့ အထီးကျန်စိတ်ေတွ၊ သိမ်ငယ်စိတ်တွေ၊ လူတွေနဲ့ သဟဇာတမဖြစ်တဲ့ နေပုံထိုင်ပုံတွေ၊ […]