ရှေးဦးသူနာပြုစုခြင်း

ခွေးကိုက်ခံရရင် လူတွေအစိုးရိမ်ဆုံးက ခွေးရူးရောဂါပါ။ ဘာလို့လဲဆိုတော့ ခွေးရူးရောဂါက လူ၁၀၀ဖြစ်ရင် ၉၉ယောက်က သေနိုင်လို့ပါ။ ဒါကြောင့် ခွေးကိုက်ခံရ ပြီးရင်ဘာလုပ်ကြမလဲ။ ခွေးရူးရောဂါမဖြစ်အောင်ဘယ်လိုကာကွယ်ကြမလဲဆိုတာ ပြောပြပေးသွားပါမယ်။ ခွေးကိုက်ခံရ တယ်ဆိုပေမယ့် ကြောင်ကုတ်တာကနေလည်း ခွေးရူးပြန်နိုင်တယ်ဆိုတာကို မမေ့ပါနဲ့။ ဒါကြောင့် ခွေးရူးရောဂါမဖြစ်အောင် လိုက်နာရမယ့် ဆောင်ရန် ရှောင်ရန်တွေကို ပြောပြပေးပါမယ်။ ခွေးကိုက်ခံရရင် ဘာဆက်လုပ်ကြမလဲ။ ခွေးကိုက်ခံရရင် ကိုက်ခံရ ပြီးတာနဲ့ လုပ်စရာ ၃ ခုရှိပါတယ်။ အနာကို သန့်ရှင်းရေးလုပ်တာ ခွေးကိုစောင့်ကြည့်တာ ကာကွယ်ဆေးထိုးတာ စတာတွေပါ။ အနာသန့်ရှင်းရေးလုပ်တာ ခွေးကိုက်ခံရပြီးပြီးချင်း အရင်ဆုံးလုပ်ရမှာ အနာကို သန့်ရှင်းရေးလုပ်ရမှာပါ။ အနာကို ဒီအတိုင်းပစ်ထားရင် ခွေးရူးမပြန်ရင်တောင် ပိုးဝင်ပြီး အသက်အန္တရာယ်ရှိပါတယ်။ ဒါကြောင့် ကိုက်ခံရတဲ့ နေရာကို ရေနဲ့ ဆပ်ပြာနဲ့ သေချာဆေးကြောပါ။ သွေးတိတ်သွားအောင် အဝတ်သန့်သန့်နဲ့ ဖိထားပါ။ ပြီးရင် ပိုးသတ်ထားတဲ့ ပတ်တီးနဲ့ […]

အိမ်မှာပဲဖြစ်ဖြစ် လမ်းသွားရင်ပဲဖြစ်ဖြစ် ရုတ်တရက် တဆတ်ဆတ်တုန်ပြီး လဲကျသွားတဲ့သူမျိုးကို တွေ့ဖူးပါသလား။ သူ့ကို ဘာလုပ်ပေးလိုက်လဲ။ တကယ်တော့ ကျန်းမာရေးဝန်ထမ်းမဟုတ်တဲ့သူအနေနဲ့ အတက်လူနာ ကို အတက်ကျအောင်တော့ မလုပ်ပေးနိုင်ပါဘူး။ ဒါပေမယ့် တက်နေတဲ့အချိန်အတွင်းမှာ သူအန္တရာယ်မဖြစ်အောင်တော့ စောင့်ရှောက်ပေးနိုင်ပါတယ်။ ဒီတော့ ရုတ်တရက် အတက်လူနာ နဲ့ တွေ့ခဲ့ရင် ဘာလုပ်ပေးနိုင်မလဲဆိုတာ ကြည့်ကြည့်ရအောင်။ တက်နေမှန်းဘယ်လိုသိမလဲ။ အများစုမြင်ဖူးတဲ့ပုံစံကတော့ တစ်ကိုယ်လုံး တဆတ်ဆတ်တုန်ပြီးတက်တဲ့ generalized tonic clonic seizureပါ။ သူကတက်တော့မယ်ဆိုရင် လူက စကားပြောလည်း ပြန်မပြောပါဘူး။ မျက်နှာရှေ့လက်လှုပ်ပြလည်း ပြန်မတုံ့ပြန်ပါဘူး။ ရုတ်တရက် လဲကျသွားပါမယ်။ ပြီးရင် တစ်ကိုယ်လုံးတောင့်သွားပါတယ်။ ပြီးတာနဲ့ တစ်ကိုယ်လုံးတဆတ်ဆတ်တုန်သွားပါတယ်။ နောက်ဆုံးကျရင်တော့ အတက်ကျပြီး စကားပြန်ပြောလာပါမယ်။ ခေါင်းကတော့ မကြည်သေးပါဘူး။ တက်နေချိန်မှာ ပတ်ဝန်းကျင်ကို မသိတော့တဲ့အတွက် သူ့အတွက် အမြင့်ကနေပြုတ်ကျတာ၊ တခြားအက်စီးဒင့်တွေဖြစ်နိုင်တဲ့အတွက် အန္တရာယ်များပါတယ်။ နောက်တမျိုးကတော့ focal […]

အိပ်ရာထဲမှာ တစ်ချိန်လုံးလှဲနေရတဲ့ နာတာရှည်ရောဂါရှိသူတွေက ရောဂါအပြင်နောက်ထပ်ခံစားရနိုင်တဲ့ ပြဿနာတစ်ခုရှိနေပါတယ်။ ဒါကတော့ အိပ်ရာနာလိုပခေါ်ကြတဲ့ အနာတစ်မျိုးပါ။ ဒီအနာကြောင့် လူနာက ရောဂါဖိစီးမှုကိုရော အနာဖိစီးမှုကိုပါခံရပြီး နလန်ထူဖိုပခက်ခဲတာမျိုးတွေရှိနိုင်ပါတယ်။ ဒီတစ်ခေါက်တော့ အိပ်ရာနာဖြစ်နေသူတွေကို ပြုစုပေးနေသူတွေအတွက် အသုံးဝင်မယ့်အိမ်တွင်းကုထုံးလေးတွေအကြောင်းပြောပြပေးမယ်နော်။ အိပ်ရာနာကို သက်သာစေနိုင်မယ့် အိမ်တွင်းကုထုံး အိပ်ရာနာက သေချာမကုသဘဲထားမိရင် ရောဂါပိုးတွေဝင်ပြီး ကျန်းမာရေးကို ထိခိုက်စေနိုင်ပါတယ်။ ဒါကြောင့် အိပ်ရာနာဖြစ်တဲ့အခါ သေချာလေး ကုသစောင့်ရှောက်ပေးဖို့လိုပါမယ်။ ရှားစောင်းလက်ပပ် အရေပြားပြဿနာတော်တော်များများကို ဖြေရှင်းပေးနိုင်စွမ်းရှိပါတယ်။ ဘက်တီးရီးယားတွေကို တိုက်ဖျက်ပေးနိုင်သလို နာကျင်ရောင်ရမ်းမှုကို သက်သာစေနိုင်ပါတယ်။ အိပ်ရာနာကို ကာကွယ်ဖိုပအတွက် သုံးလို့ရသလို ကုသဖို့အတွက်လည်း အသုံးပြုပေးလို့ရပါတယ်။ ရှားစောင်းလက်ပပ်ကိုရေစင်အောင်ဆေးလိုပ အသားလေးလွှာပြီး ဂျယ်လီသားသန့်သန့်လေးနဲ့ အနာဖြစ်နေတဲ့နေရာကိုပွတ်ပေးပါ။ အရေးပြားကိုအေးမြစေနိုင်တဲ့ ရှားစောင်းလက်ပပ်က အရေပြားကျိန်းစပ်တာ၊ ယားယံတာမျိုးမဖြစ်အောင် ကာကွယ်ပေးနိုင်မှာပါ။ သစ်မွှေးပင်ရဲ့ သစ်စေး သစ်မွှေးပင်ကရတဲ့ သစ်စေးအဆီကို နနွင်းမှုန့်လေးနဲ့ရောလို့ အနာဖြစ်နေတဲ့နေရာကို ပွတ်လိမ်းပေးပါ။ သွေးလည်ပတ်မှုကိုကောင်းစေပြီး အနာကျက်စေဖို့ အကောင်းဆုံးအားဖြည့်ပေးနိုင်မှာပါ။ ကိုယ်တွင်းက […]

အနာတစ်ခုခုဖြစ်တဲ့အခါ သေချာစောင့်ရှောက်ပေးမှုကမဖြစ်မနေလိုအပ်ပါတယ်။ အနာတွေကို သေချာဂရုမစိုက်ပေးမှုက အနာပိုးဝင်စေတာကနေတဆင့် နောက်ဆက်တွဲ ပြင်းထန်တဲ့ ကျန်းမာရေးပြဿနာတွေရှိလာနိုင်ပါတယ်။ ဒီတစ်ခေါက်တော့ အိမ်မှာ ဒါမှမဟုတ် ဆေးရုံမှာ နာတာရှည်ရောဂါတစ်ခုခုခံစားနေတာကြောင့် အချိန်ကြာမြင့်စွာလှုပ်ရှားမှုမရှိဘဲ နေရသူတွေမှာ ဖြစ်တတ်တဲ့ အိပ်ရာနာအကြောင်းပြောပြပေးချင်ပါတယ်။ အိပ်ရာနာ ဆိုတာဘာလဲ... အိပ်ရာနာကို ဖိအားကြောင့်ဖြစ်တဲ့ အနာလို့လည်းခေါ်ပါတယ်။ အကြောင်းကတော့ အရေပြားကို အချိန်ကြာမြင့်စွာ ဖိအားဖြစ်စေတာကနေ ဖြစ်လာတဲ့အနာဖြစ်နေတာကြောင့်ပါ။ ဘယ်သူတွေမှာ အဖြစ်များလဲ........ အိပ်ရာနာက လူတိုင်းမှာဖြစ်နိုင်တာတော့မဟုတ်ပါဘူး။ ရောဂါတစ်ခုခုကြောင့် အိပ်ရာပေါ်မှာ အချိန်ကြာမြင့်စွာလှဲနေရသူတွေ မတော်တဆမှုတစ်ခုခုကြောင့် လှုပ်ရှားမှု မလုပ်နိုင်ဘဲ အိပ်ရာထဲမှာ လှဲနေရသူတွေ သက်ကြီးရွယ်အိုတွေ ကျောရိုးထိခိုက်ဒဏ်ရာရထားသူတွေ လေဖြတ်ထားသူတွေ ကိုမာ ဝင်နေသူတွေ ခွဲစိတ်မှုတစ်ရပ်ရပ်ကြောင့် အိပ်ရာထဲလှဲနေရသူတွေ ဆီး၊ဝမ်းပြဿနာရှိသူတွေ အာဟာရချို့တဲ့သူတွေ အသားအရမ်းခြောက်တဲ့သူ ဆီးချိုလိုမျိုုး အနာကျက်နှေးတဲ့ ကျန်းမာရေးပြဿနာတစ်ခုခုခ့စားနေရသူတွေမှာ အဖြစ်များပါ။ ဘယ်နေရာတွေမှာ အဖြစ်များလဲ........... အိပ်ရာနာအများစုက အရိုးအမာခံတွေရှိနေတတ်တဲ့ ဖနောင့် ခြေချင်းဝတ် တင်ပဆုံ မြီးညှောင်ရိုးတို့မှာ အဖြစ်များပါတယ်။ အိပ်ရာနာဖြစ်ပေါ်ပုံအဆင့်ဆင့် အိပ်ရာနာဖြစ်လာတဲ့အခါ အရေပြားကနီရဲပြီး […]

ဘာလို့မှန်းမသိဘူး။ အော့အန်နေတယ်၊ ဝမ်းတွေလည်းသွားနေတယ်။ ကိုယ်လည်း နည်းနည်းနွေးချင်သလိုလို ဖြစ်နေတယ်ဆိုရင် ဒါက အစာအဆိပ်သင့်နေတာဖြစ်နိုင်ပါတယ်။ အစာအဆိပ်သင့် တာက ရောဂါကြီးကြီးမားမားမဟုတ်ပေမယ့် လူတော်တော်များများမှာ ဖြစ်နိုင်သလိုနောက်ဆက်တွဲအကျိုးဆက်ကြီးတဲ့ရောဂါအခြေအနေတစ်ခုပါ။ ဒါကြောင့်ဖြစ်လာရင်သေချာကုသဖို့လိုသလို သက်သာသွားပြီးရင်လည်းသေချာလေးဂရုစိုက်ဖို့လိုပါမယ်။ အစာအဆိပ်သင့် တာကနေ ပြန်လည်နလန်ထူလာတဲ့အခါ အစာအဆိပ်သင့်တဲ့အခါ အော့အန်တာ၊ ဝမ်းသွားတာတွေကြောင့် ခန္ဓာကိုယ်က တော်တော်လေးအားအင်ကုန်ခမ်းနေနိုင်ပါတယ်။ ရေဓာတ်လည်း တော်တော်လေး ကုန်ဆုံးနေနိုင်ပါတယ်။ ဒါကြောင့် လိုအပ်တဲ့ အာဟာရဓာတ်တွေနဲ့ ရေဓာတ်တွေကို အမြန်ဆုံးပြန်ဖြည့်နိုင်တာက အကောင်းဆုံးဖြစ်မှာပါ။ ဒါကြောင့် နာလန်ထူစမှာသေချာလေးဂရုစိုက်မိဖို့လိုပါမယ်။ အာဟာရပြည့်ဝအောင် စားပေးပါ နေကောင်းခါစ လူတစ်ယောက်အဖို့ အာဟာရပြည့်ဝအောင်စားသုံးဖို့က မဖြစ်မနေလိုအပ်တဲ့အချက်တစ်ခုပါ။ ဒါ့ကြောင့် အစာအဆိပ်မိတာကနေပြန်ကောင်းလာချိန်မှာ အာဟာရပြည့်ဝအောင် စားသုံးပေးပါ။ ရေဓာတ်ပြည့်ဝအောင်နေပါ အော့အန်တာ၊ ဝမ်းသွားတာတွေကြောင့် ရေဓာတ်တော်တော်လေးဆုံးရှုံးသွားတဲ့ အခြေအနေမှာ ရေဓာတ်ဖြည့်ပေးဖို့က မဖြစ်မနေလိုအပ်မယ့်အချက်တစ်ခုပါ။ ဒါ့ကြောင့် ဆုံးရှုံးသွားတဲ့ရေဓာတ်ကို ပြည့်ဝအောင် ပြန်လည်ဖြည့်တင်းဖို့မမေ့ပါနဲ့။ ပြည့်ပြည့်ဝဝ အနားယူပါ ခန္ဓာကိုယ်က အားအင်ကုန်ခမ်းနေချိန်မှာ အကောင်းဆုံးက ပြည့်ပြည့်ဝဝအနားယူခြင်းပါ။ ဒါကြောင့် သက်သောင့်သက်သာနဲ့ […]

မင်္ဂလာပါ Hello Sayarwon စာမျက်နှာကနေ ကြိုဆိုပါတယ် ။ ဒီတစ်ခေါက်မှာ ဆွေးနွေးပေးမယ့် အကြောင်းအရာကတော့ အရင် post တွေလို တစ်နိုင်ငံလုံးက ‌လူတွေအတွက် ဦးတည်ထားတာ မဟုတ်ပါဘူး ။ မြွေအန္တရာယ် အများဆုံး ရှိနေနိုင်တဲ့ ဆင်ခြေဖုံးနဲ့ နယ်ဘက်က ပြည်သူတွေကို ဦးတည် ရည်ရွယ်ထားပါတယ် ။ ဒါပေမဲ့ ဒီနှစ်တွေမှာ မြို့ပေါ်မှာလည်း မြွေတွေ့ရတဲ့အသံတွေ ပိုကြားလာရတာကိုလည်း သတိပြုမိပါတယ် ‌ဒီဆောင်းပါးမှာတော့ မြွေကိုက်ခံရတဲ့အခါ ဘယ်လိုလုပ်ဆောင်ရမယ်ဆိုတာနဲ့ မြွေအကိုက် မခံရအောင် ဘယ်လိုကာကွယ်မလဲဆိုတာကို ဆွေးနွေးပေးသွားမှာပါ ။ လက်ရှိ မြန်မာနိုင်ငံမှာ တစ်နှစ်ထက်တစ်နှစ် မြွေကိုက်ခံရသူတွေ ပိုများလာတာကိုလည်း သုတေသနစစ်တမ်းတွေအရ တွေ့ရပါတယ် ။ မြွေကိုက်ခံရပြီးပြီးချင်းမှာ အကိုက်ခံရတဲ့နေရာကို အဝတ်ထူထူခေါက်တင်ပြီး ပတ်တီးနဲ့ ဖွဖွ စည်းထားပါ။ (မစည်းလည်းရပါတယ်။) မြွေကိုက်ခံရတဲ့ ခန္ဓာကိုယ်အစိတ်အပိုင်းကို […]

ကိုယ်ခန္ဓာ ထိခိုက်တာတွေထဲမှာမှ ခေါင်းကို ထိခိုက်တာဟာ အစိုးရိမ်ရဆုံးနဲ့ အရေးအကြီးဆုံး သတိထားရမယ့် အရာဆိုတာ အားလုံသိကြမှာပါ။ တစ်ခြားနေရာတွေသ ာသွေးထွက်သံယိုဖြစ်ရင် တန်းသိရပေမယ့် ခေါင်းဆိုတဲ့ မာလာခွံထဲမှာ ဘာတွေဖြစ်နေလဲ ဘယ်သူမှ မြင်နိုင်တာမဟုတ်ဘူးလေ။ ပြီးတော့ ဦးနှောက်ဆိုတာ လုံးဝကို အနုစိတ် အကျဆုံး ကိုယ်တွင်း အစိတ်အပိုင်းဆိုတော့ သူ့မှာ တစ်ခုခု ဖြစ်တာနဲ့ ကျန်းမရေးကိ ုတောက်လျှောက်ထိမှာလေ။ ဒဏ်ရာရသွားတဲ့သူက သတိမေ့သွားတာမျိုး လုံးဝ ခေါ်လို့ မရတော့တာမျိုးတွေက များတယ်ဆိုတော့ သူတို့ ခံစားနေရတာကိုလည်း ပြောမပြနိုင်။ ဘာဖြစ်နေမှန်းလည်းမသိဆိုတော့ သူတို့ရဲ့ အသက်က ဘေးပတ်ဝန်းကျင်က လူတွေ အပေါ်မှာပဲ မူတည်နေတော့တာပေါ့။ ကဲဒီတော့ကိုယ့်အနီးအနားတစ်ဝိုက်မှာ ဖြစ်ဖြစ် မိသားစုသူငယ်ချင်း တစ်ယောက်ယောက်ပဲ ဖြစ်ဖြစ် ခေါင်းကို ပြင်းပြင်းထန်ထန် ထိခိုက်တဲ့ ဒဏ်ရာရလာပြီဆိုရင် ဘယ်လို […]

လမ်းဘေးခွေးတွေ ပေါများလာတဲ့ ယနေ့ခေတ်မှာ မကြာခဏ ခွေးကိုက်ခံရတတ်ပါတယ် ။ အစိုးရဆေးရုံ dog bite center မှာလည်းတစ်နေ့တစ်နေ့ တန်းစီနေရတဲ့ လူနာတွေ များနေဆဲ ဖြစ်တဲ့အတွက် ခွေးကိုက်ခံရရင် ဘာတွေ လုပ်သင့်လဲဆိုတာကို ပြောပြေပေးသွားမှာပါ ။ ခွေးကိုက်ဒဏ်ရာရလျှင် အရင်ဆုံး အကိုက်ခံရတဲ့နေ့ရာကို သန့်စင်အောင် ဆပ်ပြာနဲ့ ရေဆေးရပါမယ်။ အနာကို သဲမှုန့်တွေ မဝင်အောင် သန့်စင်တဲ့ towel လေးသုံးပြီးတော့ ပတ်တီးစည်းပါ။ ပြီးရင် နီးစပ်ရာ ဆေးခန်း ဆေးရုံကိုသွားသင့်ပါတယ် ။ ဆရာဝန်နဲ့ပြပြီးတော့ ခွေးရူးပြန်ရောဂါ ကာကွယ်ဆေးကို ထိုးရပါမယ် ။ လက်ရှိကျင့်သုံးနေတဲ့စနစ်အရ ခွေးရူးပြန်ရောဂါ ကာကွယ်ဆေးကို ခွေးကိုက်ခံရပြီး ၂၄နာရီအတွင်း ထိုးသင့်ပါတယ် ။ လက်မောင်းကို ကာကွယ်ဆေးထိုးရမှာ ဖြစ်ပြီး ဆေးထိုးရမယ့်နေ့တွေကတော့ ကာကွယ်ဆေး စထိုးတဲ့နေ့ ၊ နောက် ၃ရက်မြောက် ၊ […]

ကလေးတွေဆိုတာ လူကြီးလစ်တာနဲ့ မြင်မြင်ကရာ ပါးစပ်ထဲကောက်ထည့်လိုက်ရမှ။ ဒါ့ကြောင့် ကလေးရဲ့ပါးစပ်ထဲအန္တရာယ်ဖြစ်စေနိုင်တဲ့ အရာဝတ္ထုတွေ မဝင်စေဖို့ မိဘတွေက မျက်ခြေမပြတ်စောင့်ကြည့်သင့်ပါတယ်။ ကလေးက တခုခုနေလို့မကောင်းတာကို မိဘတွေ သတိထားမိဖို့က အရေးကြီးဆုံးပါပဲ။ မဟုတ်ရင် ကလေးနေလို့မကောင်းတာကို တခြားကျန်းမာရေးပြဿနာ တွေနဲ့ ထင်မှတ်မှားကြမယ်၊ အချိန်မီမကုသနိုင်တာကြောင့် မလိုအပ်ဘဲ ကလေးရဲ့အသက်ဆုံးရှုံးရနိုင်ပါတယ်။ အိမ်မှာပဲ ရှိနေတဲ့ အန္တရာယ်တစ်ခုက နာရီဓာတ်ခဲလို့ခေါ်တဲ့ battery လေးတွေပါ။ သကြားလုံးလေးလိုလို အရွယ်အစားမို့ ကလေးတွေကောက်စားမိတတ်တယ်။ သိပ်ကိုအန္တရာယ်ကြီး တဲ့ အရာဝတ္ထုဖြစ်ပါတယ်။ အရွယ်အစားတူတခြားအရာဝတ္ထုတွေဆိုရင် အသက်ရှူလမ်းကြောင်းပိတ်ဆို့မှုကြောင့် အန္တရာယ်ရှိတာမှန်ပေမယ့် နာရီဓာတ်ခဲဆိုရင်တော့  ကလေးရဲ့အစာလမ်းကြောင်းထဲမှာ ဓာတ်ပြုတုံ့ပြန်မှုကြောင့် နှစ်နာရီအတွင်း ပျံ့နှံ့လောင်ကျွမ်းစေနိုင်ပါတယ်။ တချို့မိဘတွေဆို ကလေးက အစားသိပ်မစား၊ ရေသိပ်မသောက်၊ ပုံမှန်ထက်မှိုင်နေတာ၊ ငိုတာ တို့လို ထူးခြားတဲ့လက္ခဏာတွေရှိလာရင် လည်ချောင်းနာတာလား၊ အစာအိမ်ကပဲဖြစ်သလား အထင်မှားတတ်ကြပါတယ်။ အဲဒီမှာ အရေးပေါ်ကုသမှုကို မမီတော့ဘဲ […]

လမ်းလျှောက်ရင်းဖြစ်ဖြစ်၊ အထိုင်အထမှာဖြစ်ဖြစ် ရုတ်တရက် ခြေသလုံးကြွက်တက်တာ အတော်နာကျင်ရပါတယ်။ ခပ်မြန်မြန် ခပ်သွက်သွက်လမ်းလျှောက်ရင်းလည်း ဖြစ်တတ်ရဲ့။ ကြွက်သားထဲက လိပ်တက်လာသလို တောင့်တင်းနာကျင်မှုကြောင့် တစ်ခါတလေ မျက်ရည်ပါကျတဲ့အထိပါ။ ဒီလိုဖြစ်လာတဲ့အချိန် ဘယ်လိုသက်သာအောင်လုပ်ရမလဲဆိုတာလေး အကြံပေးချင်ပါတယ်။ အရင်ဆုံး - ကြွက်သားကို ဆန့်ပြီး နှိပ်နယ်ပေးပါ။ ကြွက်သားကိုပြေလျော့စေဖို့ရေနွေးနွေးနဲ့လောင်းပေးပါ။ရေနွေးဝတ်ကပ်ပေးတာလည်းကောင်းပါတယ်။ ရေခဲတုံး သို့မဟုတ်ရေအေးဝတ်ကပ်ပေးတာကလည်း တစ်နည်းပါ။ ဒီလိုကပ်တဲ့အခါမှာတော့ အရေပြားနဲ့ရေခဲ ကြားမှာ အဝတ်တစ်ခုခုခံထားဖို့တော့ မမေ့ပါနဲ့။ acetaminophen(Tylenol), ibuprofen (Advil, Motrin), ဒါမှမဟုတ် naproxen (Aleve) တို့လို အလွယ်တကူဝယ်ယူနိုင်တဲ့ ဆေးဝါးတွေသောက်နိုင်ပါတယ်။ ကြွက်တက်ခြင်းအတွက် ဆရာဝန်ကသောက်ဆေးညွှန်ကြားတဲ့အခါ အတိအကျသောက်ပါ။ တစ်ခုခုအကြောင်းရှိရင် ဆရာဝန်ထံ ဆက်သွယ်ပါ။ အရည်များများသောက်ပါ။ ဓါတ်ဆားအချိုရည်တွေကလည်းြေခထောက်ကြွက်တက်ခြင်းအတွက် အထောက်အကူပေးပါတယ်။ ခြေထောက်မှာကြွက်တက်ချင်သလိုလိုဖြစ်လာပြီဆိုရင် လုပ်ဆောင်နိုင်တာက - ဟိုလျှောက်ဒီလျှောက်လုပ်ပါ။ ခြေသလုံးကြွက်သားတွေကို ဆန့်ပါ။ ထိုင်နေရင်းဖြစ်ဖြစ်၊ မတ်တပ်ရပ်နေရင်းဖြစ်ဖြစ် […]