အတက်ရောဂါ (Seizure) ရှိသူကို စောင့်ရှောက်နည်းလမ်းညွှန်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

အတက်ရောဂါ (Seizure) ဆိုတာ

တက်တယ်ဆိုတာက ဦးနှောက်ထဲမှာ ရုတ်တရက် ထိန်းချုပ်လို့မရတော့တဲ့ အနေအထားတစ်ရပ်ဖြစ်ပေါ်ပြီး ကြွက်သားတွေထဲမှာ ထိန်းချုပ်လို့မရတဲ့ အခြေအနေတစ်ရပ်ဖြစ်ပေါ်လာတာပါ။ ဒီလိုဖြစ်တဲ့အခါ လူကရုတ်တရက်မြေပြင်ပေါ်ကိုလဲကျသွားတာမျိုးဖြစ်နိုင်ပါတယ်။ တက်တဲ့အခါ ခန္ဓါကိုယ်ရဲ့ အမူအရာ၊ လှုပ်ရှားမှုနဲ့ စိတ်ပိုင်းဆိုင်ရာခံစားမှုပြောင်းလဲတာမျိုးဖြစ်နိုင်ပါတယ်။ အရမ်းပြင်းထန်တဲ့အခါ သတိလစ်သွားတာမျိုးအထိဖြစ်နိုင်ပါတယ်။ ခဏခဏတက်နေမယ်ဆိုရင်တော့ ဝက်ရူးပြန်ရောဂါရှိနေတာမျိုးဖြစ်နိုင်တာကြောင့် သတိထားဖို့လိုပါမယ်။

တက်တယ်ဆိုတာ စတင်ဖြစ်ပေါ်တဲ့ ဦးနှောက်အစိတ်အပိုင်းပေါ်မှာမူတည်ပြီးပြင်းထန်မှုအတိုင်းအတာကွားခြားနိုင်ပါတယ်။ တက်တာအများစုက စက္ကန့် ၃၀ ကနေ ၂ မိနစ်လောက်အထိပဲကြာမြင့်နိုင်ပါတယ်။ တကယ်လို့တက်တဲ့ကာလအပိုင်းအခြားက ၅ မိနစ်ကျော်အထိကြာမယ်ဆိုရင် ကျန်းမာရေးအတွက် စိုးရိမ်ရတဲ့အခြေအနေဖြစ်တာကြောင့် အမြန်ဆုံးကုသမှုခံယူဖို့လိုပါမယ်။

အချို့ရောဂါလက္ခဏာတွေရဲ့နောက်ဆက်တွဲအနေနဲ့ တက်တာကိုခံစားရနိုင်ပါတယ်။လေဖြတ်တာရဲ့နောက်ဆက်တွဲအနေနဲ့ တက်တာကိုခံစားရနိုင်သလို ဦးခေါင်းမှာထိခိုက်ဒဏ်ရာရတာ၊ ဦးနှောက်အမြှေးရောင်ရောဂါ (Meningitis) နဲ့ အခြားသောအဖျားရောဂါတွေရဲ့နောက်ဆက်တွဲအနေနဲ့ အတက်ရောဂါကိုခံစားရလာနိုင်ပါတယ်။

အတက်ရောဂါ ခံစားနေရသူတစ်ဦးကိုတွေ့တဲ့အခါ

မိသားစုဝင်ထဲမှာဖြစ်ဖြစ်၊ သူငယ်ချင်းမိတ်ဆွေတစ်ဦးဦး ဒါမှမဟုတ် သွားရင်းလာရင်းတွေ့တဲ့သူတစ်ဦးဦးမှာ အတက်ဝေဒနာခံစားနေရတာမျိုးနဲ့ကြုံခဲ့မယ်ဆိုရင် အခုလိုလုပ်ပေးလိုက်ပါ။

  • တက်နေတဲ့လူကို တံထွေးသီးတာမျိုး နင်တာမျိုးမဖြစ်စေဖို့အတွက်ဘေးစောင်းအနေအထားဖြစ်အောင်စောင်းပေးလိုက်ပါ။
  • လည်ပင်းမှာရှိနေတဲ့ အသက်ရှုကျပ်စေနိုင်တဲ့အရာတွေကိုဖြုတ်ပေးလိုက်ပါ။
  • အသက်ရှုနေသေးလားဆိုတာကိုသေချာစစ်ဆေးပေးပါ။
  • တက်နေသူရဲ့ ပါးစပ်ထဲကို တစ်ခုခုထည့်တာမျိုးမလုပ်မိအောင်သတိထားပါ။
  • တက်နေတဲ့သူကို တစ်ယောက်တည်းထားခဲ့တာမျိုးမလုပ်ပါနဲ့။
  • တက်နေတဲ့သူအနားမှာရှိနေတဲ့ ချွန်ထက်တဲ့အရာတွေနဲ့ အန္တရာယ်ဖြစ်စေနိုင်တဲ့အရာတွေကိုဝေးဝေးကိုဖယ်ထားပါ။ ထိခိုက်မိတာမျိုးမဖြစ်စေဖို့အတွက်ပါ။
  • အရေးပေါ်ဌာနကို အကြောင်းကြားပါ။ဆေးဘက်ဆိုင်ရာဝန်ထမ်းတွေ မလာခင်အထိ အတက်ဝေဒနာခံစားနေရသူ အနားမှာနေပေးပါ။
  • ကူညီသူကိုယ်တိုင်က စိတ်လှုပ်ရှားနေလို့ မဖြစ်တာကြောင့် စိတ်ငြိမ်အောင်ထားပေးပါ။
  • တက်တဲ့ အချိန်အတိုင်းအတာကို မှတ်ထားပေးပါ။
  • တက်နေတဲ့သူကို မတက်အောင်ဆိုပြီး အတင်းချုပ်ထားတာမျိုးမလုပ်ပါနဲ့။ ဒီလိုလုပ်တာက ဝေဒနာကို မသက်သာစေဘဲဝေဒနာခံစားနေရသူကို ပိုပြီး ပင်ပန်းစေနိုင်တာကြောင့်ပါ။
  • အတက်ဝေဒနာကို ခံစားရသူက အပြည့်အဝပြန်ကောင်းမလာခင်အထိသောက်စရာတစ်ခုခုတိုက်တာ၊ဆေးတိုက်တာ၊ တစ်ခုခုကျွေးတာမျိုးမလုပ်ပါနဲ့။
  • အတက်ရောဂါခံစားရသူကို သက်တောင့်သက်သာထိုင်နိုင်အောင်စီစဉ်ပေးလိုက်ပါ။
  • အတက်ရောဂါခံစားရသူကရုတ်တရက်လဲကျသွားတဲ့အခါ အနီးမှာရှိတဲ့သူကို အကူအညီတောင်းပြီးဝေဒနာခံစားနေရသူကို သက်တောင့်သက်သာဖြစ်အောင်ထားပေးပါ။
  • အတက်ရောဂါခံစားနေရသူရဲ့ ဦးခေါင်းကို ကြမ်းပြင်နဲ့တိုက်မိတာမျိုးမဖြစ်စေဖို့အတွက်ခေါင်းကို တစ်ခုခုနဲ့ကာကွယ်တာမျိုးလုပ်ပေးလိုက်ပါ။

အခုလိုအခြေအနေမျိုးဆိုရင်တော့ နီးစပ်ရာဆေးခန်းကို သွားဖို့လိုအပ်မှာပါ

  • တက်တာက ၅ မိနစ်ကျော်တဲ့အထိ မသက်သာတာ၊ ခဏခဏတက်နေတာ
  • အတက်ဝေဒနာခံစားရပြီး ( ၁၀ မိနစ် ကနေ ၁၅ မိနစ်) အထိ စိတ်အခြေအနေပုံမှန်ပြန်မဖြစ်သေးတာမျိုး
  • အတက်ဝေဒနာခံစားရမှု ပြီးဆုံးသွားသည့်တိုင် တုံ့ပြန်မှုမရှိတာ
  • အသက်ရှုရခက်နေတာ
  • တက်နေစဉ်အတွင်း ထိခိုက်ဒဏ်ရာတစ်စုံတစ်ရာခံစားခဲ့ရမယ်ဆိုရင်
  • ပထမဆုံးအကြိမ် အတက်ဝေဒနာကိုခံစားရတာဖြစ်မယ်ဆိုရင်
  • နှုတ်ခမ်း၊လျှာနဲ့ မျက်နှာတွေပြာနှမ်းနေမယ်ဆိုရင်
  • အတက်ရောဂါခံစားရပြီး မိနစ်အနည်းငယ်ကြာတဲ့အထိ သတိမရဘဲဖြစ်နေမယ်ဆိုရင်တော့ နီးစပ်ရာဆေးခန်းကို အမြန်ဆုံးသွားရောက်ပြသဖို့ လိုပါမယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဝက်ခြံနဲ့ဝက်ခြံအမာရွတ်တွေ သက်သာစေဖို့ ပူဒီနံရဲ့ အသုံးဝင်ပုံက

ဝက်ခြံနဲ့ဝက်ခြံအမာရွတ်တွေ ကြောင့် စိတ်ညစ်နေတယ်။ သက်သာအောင်လုပ်ဖို့ကလည်း သဘာဝပစ္စည်းလေးတွေကိုပဲ စိတ်ချတယ်ဆိုသူလေးတွေရှိလား......

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဦးနှောက်နဲ့ ကျောရိုးအာရုံကြောမကြီး မှာ အဖြစ်များတဲ့ ရောဂါများ

ဦးနှောက်နဲ့ ကျောရိုးအာရုံကြောမကြီးက ဖွဲ့စည်းပုံတင် ရှုပ်ထွေးတာမဟုတ်ပါဘူး။ ဖြစ်နိုင်တဲ့ ရောဂါတွေကလည်း များပြားလှပါတာကို တွေ့ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

မှတ်ဉာဏ်ချို့ယွင်းတာလား၊ အယ်ဇိုင်းမားလား။

အယ်ဇိုင်းမားက မှတ်ဉာဏ်ချို့ယွင်းတတ်ပေမယ့် မှတ်ဉာဏ်ချို့ယွင်းတိုင်း အယ်ဇိုင်းမားလို့ ယူဆလို့ မရပါဘူး။ သေချာအောင် ဆေးစစ်ကြည့်ဖို့ အကြံပြုလိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အတက်ရောဂါ ဆိုတာ

အတက်ရောဂါပဲ ဖြစ်ဖြစ်၊ သာမန်တက်တာပဲ ဖြစ်ဖြစ် သေသေချာချာ ကုသသင့်ပါတယ်။ ညွှန်ကြားတဲ့ဆေးတွေကို သေသေချာချာသောက်ပြီး ရောဂါကို ထိန်းချုပ်သင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
နှလုံးရောဂါနှင့် ဆီကြော်အစားအစာ များ

နှလုံးရောဂါနှင့် ဆီကြော်အစားအစာ များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
ဆံသားနဲ့ဦးရေပြားကို ထိန်းသိမ်းပါ

ဆံသားနဲ့ဦးရေပြား ကို ထိန်းသိမ်းပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
အသားအရေကို သန့်စင်ထိန်းသိမ်းမယ်

အသားအရေကို သန့်စင်ထိန်းသိမ်းမယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 8, 2021 . 2 mins read