အခြားအာဟာရဆိုင်ရာနည်းလမ်းကောင်းများ

နေမကောင်းဖြစ်ပြီဆိုရင် အရမ်းစိတ်ညစ်ရတယ်နော်။ ကလေးတွေဆိုရင်လည်း ကျောင်းပျက်ရတယ်၊ အပြင်ထွက်ပြီး သူငယ်ချင်းတွေနဲ့လည်း မကစားရဘူး။ လူကြီးတွေဆိုရင်လည်း အလုပ်ပျက်ရတော့ ကိုယ့်ရဲ့ တာဝန်တွေ လစ်ဟင်းကုန်တယ်။ မိသားစုဝင်တွေဆိုရင်လည်း ကိုယ့်ကို ပြုစုစောင့်ရှောက်ဖို့ သူတို့မှာ နဂိုရှိတဲ့ အလုပ်ထက် ပိုလုပ်ပြီး ဂရုစိုက်ပေးရတာပေါ့။ ဒါကြောင့် အကောင်းဆုံးကတော့ မဖျားမနာအောင် ကိုယ့်ဘက်က ကြိုတင်ကာကွယ်ပေးဖို့ပါပဲ။ ဒါပေမယ့်လည်း ဘယ်လောက် ကျန်းမာနေတဲ့ လူပဲ ဖြစ်နေပါစေ၊ အနည်းဆုံး တစ်နှစ် တစ်ကြိမ်၊ နှစ်ကြိမ်လောက်တော့ ဖျားကြတာပါပဲ။ အပြင်မှာက လူပေါင်းစုံ၊ အရာဝတ္ထုပေါင်းစုံနဲ့ ထိတွေ့ဆက်ဆံနေရတဲ့အခါ ကိုယ့်ကို ရောဂါပိုး ကူးစက်နိုင်ဖို့ အခွင့်အရေး များတာပေါ့။ နေမကောင်းဘူးဆိုရင် ရေများများသောက်ဖို့၊ အာဟာရပြည့်ဝဖို့ လိုအပ်တာလဲဆိုတာ  တွေးမိနေမယ်ဆိုရင် ဒီဆောင်းပါးက နားလည်နိုင်ဖို့ ကူညီပေးပါလိမ့်မယ်။ ရေဓာတ်နဲ့ အာဟာရဓာတ်ဆိုတာ လူတစ်ယောက် ကျန်းမာလာစေဖို့ လိုအပ်တဲ့ […]

သိပ်မကြာခင်မှာ ရုံးတွေ ပြန်ဖွင့်တော့မှာဆိုတော့ ကိုယ်စီကိုယ်ငှ ရုံးပြန်တက်ကြရတော့မယ်။ Stay homeမှာ ညဘက်ကို နောက်ကျတဲ့ထိ နေပြီး မနက်ကို နောက်ကျမှ ထခဲ့တော့ ခုဆို တော်တော်အကျင့်ပျက်နေပါပြီ။ ဒီတစ်ခါ ရုံးပြန်ဖွင့်ရင် အရင်လိုပဲ ရုံးကို အချိန်မီရောက်ဖို့ ရုန်းကန်ရဦးမှာပါ။ မနက်ကလည်း မထချင် ရုံးကိုလည်း အချိန်မီသွားချင် ကြားထဲက မနက်စာ လွတ်တာတွေ ရှိလာတော့မှာပါ။ တခြားအချိန်ဆို မပြောလိုပေမယ့် ကိုဗစ်ကာလမှာတော့ ကိုယ်ခံအား ကောင်းနေမှ ဖြစ်မှာ မို့လို့ မနက်စာကိုတော့ သေသေချာချာလေး စားစေချင်ပါတယ်။ ဒီတော့ နည်းလမ်းလေးတွေ ကြည့်လိုက်ရအောင်။ မနက်စာ စားခြင်းရဲ့ ကျေးဇူးများ တစ်နေ့တာရဲ့ ပထမဆုံးအစားအစာဖြစ်တဲ့ မနက်စာက လူ့ခန္ဓာကိုယ်အတွက် တော်တော်အရေးကြီးပါတယ်။ ဘာလို့လဲဆိုတော့ မနက်စာက တစ်ညလုံး ဆာလောင်သမျှကို ပြေပျောက်စေပါတယ်။ သကြားဓာတ်ကို ပြန်သိုလှောင်ပေးပါတယ်။ […]

ပြုပြင်အစားအသောက်တွေဆိုတာဘာလဲ၊ ဘယ်လိုအစားအသောက်တွေကို ပြုပြင်အစားအသောက်တွေလို့ သတ်မှတ်သလဲ၊ ပြုပြင်အစားအသောက်တွေစားရင် ကျန်းမာရေးအပေါ် ဘယ်လိုထိခိုက်လာမလဲဆိုတာ ပြောပြသွားပါ့မယ်။ တကယ်တမ်းပြောရရင် ဒီနေ့ခေတ် ကျွန်တော်တို့စားသုံးနေတဲ့ အစားအစာ အားလုံးနီးပါးက အလုံးစုံမဟုတ်တောင် နည်းနည်းတော့ ပြုပြင်ထားတာချည်းပါပဲ။ လုံးဝပြုပြင်ထားခြင်းမရှိတဲ့ အစားအစာလိုချင်ရင်တော့ ကိုယ့်အိမ်မှာပဲ စိုက်ပျိုးမွေးမြူပြီး ထုတ်လုပ်မှရတော့မှာပါ။ ဒါပေမဲ့လည်း စားသောက်ဖို့အတွက်နဲ့ လူတိုင်းက ဒီလောက်အချိန်မပေးနိုင်တာကြောင့် ပြုပြင်အစားအသောက်တွေနဲ့ မလွတ်ကင်းနိုင်ဘူးလို့ပဲ ဆိုရမှာဖြစ်ပါတယ်။ အစားအစာတွေကို ပြုပြင်မှုအဆင့်အမျိုးမျိုးရှိပါတယ်။ ထုတ်လုပ်တဲ့လုပ်ငန်းစဉ်မှာ  အစားအစာတွေသန့်ရှင်းရေး လုပ်တာ၊ ကြာရှည်ခံအောင် လေထုနဲ့ ပတ်ဝန်းကျင်အနေအထားတွေကို ပြုပြင်ယူပြီး ထိန်းသိမ်းတာ၊ စားသုံးဖို့ မသင့်တဲ့အစိတ်အပိုင်းတွေ ဖယ်ပစ်တာ (ဥပမာ ကော်ဖီစေ့ကို မကြိတ်ခင် အပြင်လွှာကိုဖယ်ပစ်တာမျိုး) ၊ ထုတ်လုပ်တဲ့နေရာတစ်ခုကနေ နောက်တစ်ခုကို အကူးအပြောင်းမှာ ကြာရှည်ခံ အောင်အအေးရိုက်ပစ်တာ၊ အချဉ်ဖောက်တာ၊ လေလုံမယ့်အိတ်နဲ့ ထည့်သွင်းထုတ်ပိုးပစ်တာ စတာတွေအကုန်လုံးက အစားအစာပြုပြင်တဲ့ အဆင့်တွေချည်းပါပဲ။ အစားအစာထုတ်လုပ်မှုအဆင့်တိုင်းမှာ […]

ဒီတစ်ခေါက်တော့ ကူးစက်ရောဂါတွေကနေ ပြန်လည်သက်သာလာချိန်မှာ မှီဝဲသင့်တဲ့ အစားအစာ တွေအကြောင်းကို ပြောပြပေးချင်ပါတယ်။ ကူးစက်ရောဂါဆိုတာက ဗိုင်းရပ်စ်တွေ၊ ဘက်တီးရီးယားတွေ၊ မှိုတွေ၊ ပါရာဆိုက်တွေကနေတဆင့် ကူးစက်ကပ်ငြိပြီး ဖြစ်ပွားတဲ့ရောဂါတွေပါ။ လက်ရှိကမ္ဘာတစ်လွှားမှာ ကပ်ဘေးအသွင်နဲ့ ပျံ့နှံ့နေတဲ့ COVID-19 ကနေစလို့ တုပ်ကွေး၊ ငှက်ဖျား၊ ရိုးရိုးအဖျားနဲ့ ဝမ်းပျက်ဝမ်းလျှောတွေဟာလည်း ကူးစက်ရောဂါအမျိုးအစားတွေပါပဲ။ တုပ်ကွေး၊ အဖျားစတဲ့ ကူးစက်ရောဂါတွေကနေ ပြန်လည်သက်သာလာချိန်မှာ အစားအသောက်ပျက်တာ၊ ချက်ချင်းပြန်လည် အင်အားပြည့်ဖြိုးလာဖို့ အချိန်ကြန့်ကြာတာတွေ ရင်ဆိုင်ရတတ်ပါတယ်။ ဒီလို အခြေအနေတွေကို ကျော်ဖြတ်ဖို့ဆိုရင် လူ့ရဲ့ ခန္ဓာကိုယ် ခုခံအားစနစ်ကို အားဖြည့်ပေးပြီး ပုံမှန်အခြေအနေကို အလျင်အမြန် ပြန်ရောက်အောင် ကူညီပေးမယ့် အစားအစာမျိုးတွေကို မှီဝဲစားသုံးပေးဖို့ လိုအပ်ပါတယ်။ ကိုယ်ခံအားစနစ်ကို မြှင့်တင်ပေးပြီး ကူးစက်ရောဂါတွေကနေ သက်သာကာစ လူနာတွေကို recovery မြန်မြန်ပြန်ဖြစ်အောင် တွန်းအားပေးတဲ့အစားအစာတွေဟာ နာလန်ထူကာစလူနာတွေအတွက်တော့ အလိုအပ်ဆုံးအရာတွေပါပဲ။ ဒါပေမယ့် နာလန်ထခါစလူနာတွေတိုင်း အစားအသောက်ပျက်တဲ့ […]

နေ့ရက်တိုင်းမှာ ကျန်းမာပျော်ရွှင်နေဖို့အတွက် ရောဂါပိုးတွေ ကင်းဝေးနေဖို့လိုတာပေါ့။ ဒါဆိုရင် ဒီရောဂါပိုးမွှားတွေကို ရှေ့တန်းကနေ တိုက်ထုတ်ပေးနေတဲ့ ကိုယ်ခံအားစနစ် ကောင်းဖို့ဆိုတာ အရေးကြီးပါတယ်။ ကိုယ်ခံအားကောင်းလို့ ဘာတွေများထူးသွားလဲ.............. ကိုယ်ခံအားက နားလည်လွယ်အောင် ပြောပြရရင် ခန္ဓာကိုယ်ထဲကို ရောဂါပိုးတွေ ဝင်ရောက်မလာအောင် တိုက်ထုတ်ပေးတဲ့ ခံတပ်ကြီးပါ။ အအေးမိဖျားနာတာကစလို့၊ ပြင်းထန်တဲ့ ကူးစက်ရောဂါတွေ ကူးစက်ခြင်းကို ခံနိုင်ရည်စွမ်းရှိအောင် မြှင့်တင်ပေးပါတယ်။ ကုသဆေး ကာကွယ်ဆေးမရှိသေးတဲ့ လတ်တလော အဖြစ်များနေတဲ့ COVID_19 ကမ္ဘာ့ကပ်ရောဂါကြီးကို ကာကွယ်ဖို့အတွက်ဆိုရင်တော့ သဘာဝတရားကဖန်တီးပေးထားတဲ့ ရောဂါကာကွယ်ခုခံမှုစနစ် ကိုယ်ခံအားကောင်းနေဖို့ပါပဲ။ ကိုယ်ခံအားကပဲ ကုသဖို့ခက်တဲ့ရောဂါတွေ အန္တရာယ်ကနေ ကာကွယ်ပေးမှာပါ။ ကိုယ်ခံအားစနစ်ကို ကိုယ်တိုင် ကောင်းအောင် လုပ်လို့ရသလို ကိုယ်ကိုယ်တိုင်က မသိလိုက်ပဲ အားနည်းသွားအောင် လုပ်မိနိုင်ပါတယ်။ ဒီနေရာမှာ ကိုယ်ခံအားအကြောင်းမပြောခင် ကိုယ်ခံအားကောင်းအောင် ထောက်ပံ့ပေးနေတဲ့ အရာလေးတစ်ခုအကြောင်း အရင်ပြောပြပါရစေ။ ဒါကတော့ Antioxidants လို့ ပြောပြောနေတဲ့ […]

မနက်ခင်း အိပ်ရာကနိုးတဲ့အချိန်ပဲဖြစ်ဖြစ်၊ မနက်ခင်း လေ့ကျင့်ခန်း လုပ်ပြီးရင်ပဲဖြစ်ဖြစ် ရေခဲရေသောက်ရင် ခန္ဓာကိုယ် ထိခိုက်မှာစိုးတယ်ဆိုပြီး ရေကျက်အေး  နွေးနွေးလေး တစ်ခွက် သောက်တတ်သူလေးတွေ ရှိလား......... ဒါဆိုရင်တော့ သင့်အနေနဲ့ အခုလို ကျန်းမာရေး အကျိုးကျေးဇူးလေးတွေရမှာပါတဲ့နော်။ ရေနွေးနွေးလေး သောက်ပေးခြင်း နဲ့ ကျန်းမာရေး အကြောင်း လေ့လာလိုက်ပါဦး။ ရေကျက်အေး ရေကျက်အေးဆိုတာက လက်ဖက်ခြောက်ခတ်မထားဘဲ ဆူနေအောင်တည်ထားတဲ့ ရေနွေးပါ။ အဖြူရောင် ရေနွေးပေါ့။ ကော်ဖီ ဖျော်သောက်တဲ့ ရေနွေးမျိုးပါ။ ရေနွေးနွေးလေး သောက်ပေးခြင်း နဲ့ ကျန်းမာရေး မနက်ခင်းမှာ ရေနွေးနွေးလေး တစ်ခွက် သောက်ပေးမယ်ဆိုရင် မနက်ခင်း အိပ်ရာနိုးနိုးချင်းမှာ ကြွေခွက်လေးထဲကို ရေနွေးလေးထည့် ပြီးရင် ၁၅ မိနစ် ကနေ နာရီဝက်လောက် လေ့ကျင့်ခန်းလုပ်။ အကြောတွေဘာတွ လျှော့ပြီးချိန်ဆို ရေနွေးက သောက်လို့ အဆင်ပြေတဲ့ ခပ်နွေးနွေးအခြေအနေပါ။ လေ့ကျင့်ခန်း လုပ်ပြီးချိန်မှ […]

သံဓာတ်ဟာ အရေးကြီးတဲ့လုပ်ငန်းတာဝန်များကို ထမ်းဆောင်ပေးတဲ့ သတ္တုဓာတ်တစ်မျိုးဖြစ်ပါတယ်။ သွေးနီဥရဲ့ တစိတ်တပိုင်းအနေနဲ့ ပါဝင်ပြီး ကိုယ်ခန္ဓာတစ်လျှောက်ကို အောက်ဆီဂျင်သယ်ယူပို့ဆောင်ပေးနေခြင်းလည်း ပါဝင်ပါတယ်။ အစားအစာများကနေ အာဟာရဓာတ်အနေနဲ့ ရယူနိုင်ပြီး တစ်နေ့တာလိုအပ်ချက်ကတော့ ၁၈ မီလီဂရမ် ဖြစ်ပါတယ်။ သံဓာတ်နည်းပါးတဲ့အခါ မောပန်းလွယ်ခြင်း၊ သွေးအားနည်းခြင်း စတာတွေ ဖြစ်တတ်ပါတယ်။ ယခုဆက်လက်ဖော်ပြမှာကတော့ သံဓာတ်ကြွယ်ဝတဲ့ အစားအစာများအကြောင်း ဖြစ်ပါတယ်။ ၁။ အခွံမာရေသတ္တဝါများ ခရု၊ ကမာ၊ ဂုံး၊ ယောက်သွား စတဲ့ အခွံမာရေသတ္တဝါများဟာ သံဓာတ်ကြွယ်ဝတဲ့ အစားအစာတွေပဲ ဖြစ်ပါတယ်။ ဥပမာအားဖြင့် ဂုံးကောင် ၁၀၀ ဂရမ်မှာ သံဓာတ် ၃ မီလီဂရမ် ပါဝင်ပါတယ်။ ဒါဟာ တစ်နေ့တာလိုအပ်ချက်ရဲ့ ၁၇% ဖြစ်ပါတယ်။ ၂။ ဟင်းနုနွယ် ဟင်းနုနွယ်အစိမ်း ၁၀၀ ဂရမ်မှာ သံဓာတ် ၂.၇ မီလီဂရမ်ပါဝင်ပြီး တစ်နေ့တာလိုအပ်ချက်ရဲ့ ၁၅% ဖြစ်ပါတယ်။ […]

သိုင်းရွိုက်ဟော်မုန်းနှစ်မျိုးဖြစ်တဲ့ triiodothyronine (T3) နဲ့ thyroxine (T4) ဟော်မုန်းများ လျော့နည်းနေရင် ဖြစ်တတ်ပါတယ်။ စားသောက်မှုပုံစံ ပြောင်းခြင်းသက်သက်နဲ့ သိုင်းရွိုက်အလုပ်လုပ်နည်းခြင်းကို ပြန်လည်မကုစားနိုင်ပေမယ့် အစားအစာတချို့ကို ရှောင်ကြဉ်ခြင်း၊ အစားအစာတချို့ကို ပိုမိုစားသုံးခြင်း စတာတွေဟာ အထောက်အကူ ပြုပါလိမ့်မယ်။ ရှောင်ကြဉ်သင့်သည့် အစားအစာများ အစားအစာတချို့နဲ့ အားဖြည့်ဓာတ်စာတချို့ဟာ သိုင်းရွိုက်ရဲ့လုပ်ငန်းတာဝန်ကို အနှောင့်အယှက်ပေးပါတယ်။ အောက်ပါ အစားအစာများကို ရှောင်နိုင်ရင် အကောင်းဆုံးပါပဲ။ ပဲပိစပ် သုတေသနအချို့အရ ပဲပိစပ်မှာပါဝင်တဲ့ phytoestrogens ဟာ သိုင်းရွိုက်ဟော်မုန်းကို ထုတ်လုပ်စေတဲ့ အင်ဇိုင်းတွေကို အတားအဆီးဖြစ်စေပါတယ်။ ပဲပိစပ်အစားများသူ အမျိုးသမီးများဟာ သိုင်းရွက်အလုပ်လုပ်နည်းခြင်းပြဿနာဖြစ်ဖို့ သုံးဆပိုမိုတယ်လို့ သိရပါတယ်။ အိုင်အိုဒင်းကြွယ်ဝသော အစားအစာများ သိုင်းရွိုက်ပြဿနာအချို့ဟာ အိုင်အိုဒင်းမလုံလောက်လို့ ဖြစ်ပွားတတ်ပါတယ်။ အဲဒီပြဿနာတွေမှာ အိုင်အိုဒင်းကို သုံးစွဲပေးရပါတယ်။ ဒါပေမယ့် အိုင်အိုဒင်းဆားဟာ သုံးစွဲမှုများလာရင်လည်း ဆန့်ကျင်ဖက် အာနိသင်ဖြစ်ပေါ်စေပြီး သိုင်းရွိုက်ကို အတားအဆီးဖြစ်စေပါတယ်။ […]

အခုနောက်ပိုင်း မှာ အရက် ကို လူကြီး၊ လူငယ်မရွေး သောက်လာကြတာကို ပိုပြီးတွေ့ရပါတယ်။ လူငယ်တွေမှာဆိုရင် ယောကျ်ားလေးတွေရော၊ မိန်းကလေးတွေပါမကျန်  နောက်ပိုင်းမှာ အရက်ကို ဘား၊ ကလပ်တွေသွားပြီး ခေတ်မီအောင်ဆိုပြီး သောက်ကြတာ၊ အသည်းကွဲလို့သောက်တာ၊ စိတ်ညစ်လို့ သောက်တာ၊ ကြိုက်လို့သောက်တာ၊ သူငယ်ချင်းတွေ ခေါ်လို့ သောက်တာ စတဲ့ အကြောင်းပြချက်တွေ အမျိုးမျိုးနဲ့ သောက်လာကြပါတယ်။ စာရေးသူကလည်း အရက်သောက်တတ်တဲ့ လူငယ်တစ်ယောက်ပါ။ ဒါပေမယ့် အရက်အလွန်အကျွံသောက်ခြင်းဟာ အသက်အန္တရာယ်နဲ့ လူငယ်တွေရဲ့ ဘဝကိုပါ ပျက်စီးစေတဲ့အထိဖြစ်စေနိုင်တဲ့အတွက် အရက် သောက်မယ်ဆိုရင် ဘာတွေဖြစ်နိုင်တယ်၊ ဘယ်လိုတွေ ဖြစ်တတ်တယ် ဆိုတာလေးတွေကို သိထားပြီး အလွန်အကျွံမဖြစ်စေဖို့နဲ့ ကျန်းမာရေးမထိခိုက်မိစေဖို့အတွက် အရက်သောက်တဲ့အခါ ဖြစ်လာနိုင်တဲ့ ဆိုးကျိုးလေးတွေကို မျှဝေပေးသွားချင်ပါတယ်။ အရက် သောက်မယ်ဆိုရင် အရက် သောက်မယ်ဆိုရင် ဒါတွေ ဖြစ်တတ်တယ်ဆိုတာ သိပြီးပြီလား...... ၁။ ဦးနှောက်ထိခိုက်မယ်။ အရက်သောက်ပြီး […]

ရေသောက်တယ်ဆိုတာဟာ နေ့စဉ် အသက်ရှင်သန်ဖို့အတွက် လိုအပ်ချက်တစ်ခုဖြစ်ပါတယ်။ လူ့ခန္ဓာကိုယ်ရဲ့ ၆၀% ကျော်က ရေဓာတ်နဲ့ ဖွဲ့စည်းထားတာဖြစ်တာမို့ နေစဉ် ရေဓာတ်လိုအပ်ချက်ကို ဖြည့်ဆည်းပေးဖို့ မဖြစ်မနေလိုအပ်ပါတယ်။ ပူပြင်းခြောက်သွေ့တဲ့ ကာလတွေမှာ ရေဓာတ်ဆုံးရှုံးနိုင်သလို၊ လေ့ကျင့်ခန်းလုပ်ချိန်၊ အားကစား ကစားချိန်တွေမှာ လူတွေဟာ ချွေးအရမ်းထွက်တာကြောင့်လည်း ရေဓာတ်ဆုံးရှုံးနိုင်ပါတယ်။ ဒါကြောင့် ဒီလိုအချိန်တွေမှာ ရေ၊ ဒါမှမဟုတ် အချိုရည်တစ်မျိုးမျိုးကို မှီဝဲကြတာက ထုံးစံပါပဲ။ ဒါပေမယ့် လူတွေအကြားမှာ ရေသောက်ခြင်းနဲ့သက်ဆိုင်တဲ့ လွဲမှားနေတဲ့ အယူအဆတွေ အများအပြား ရှိနေကြပါတယ်။ နေ့စဉ် ရေဘယ်လိုသောက်သင့်တယ်၊ ဘယ်လောက်ပမာဏ သောက်သင့်တယ်၊ ဘာကြောင့်ရေဆာတယ်ဆိုတာမျိုးတွေနဲ့ ပတ်သက်လို့ပေါ့။ အောက်မှာ လူတွေ အထင်အမြင်လွဲမှားနေတဲ့ ရေသောက်ခြင်းနဲ့သက်ဆိုင်တဲ့ အယူအဆမှားတချို့ကို ဗဟုသတအဖြစ် ဖော်ပြပေးလိုက်ပါတယ်။ ယုံတမ်း ၁ - ရေဆာနေရင် ရေဓာတ်ဆုံးရှုံးနေတာပဲ ရေဆာတယ်ဆိုတာက ခန္ဓာကိုယ်ထဲက ရေဓာတ်ပမာဏ အနည်းအများနဲ့ သက်ဆိုင်တဲ့ ကိစ္စဖြစ်ပါတယ်။ […]