အစားအစာကို ချက်ပြုတ်ပင်ဆင်ဖို့ အချိန်မပေးနိုင်တဲ့အခါ စည်သွတ်စားစရာတွေဟာ သင့်တော်တဲ့ ရွေးချယ်စရာပါပဲ။ နှစ်နဲ့ချီခံတဲ့ အစားအသောက်တွေ ဖြစ်တာမို့ ယုံကြည်စိတ်ချစွာ စားသုံးနိုင်ပါတယ်။ အသားငါး၊ ပဲအမျိုးမျိုးအပြင် အသီးအနှံတွေကိုလည်း စည်သွတ်စားစရာအနေနဲ့ ရနိုင်ပါတယ်။ တခါတရံမှာ ဈေးကွက်ကနေ ချက်ချင်းဝယ်ယူချက်ပြုတ်တဲ့ အစားအစာတွေထက် ဈေးနှုန်းချိုသာနေတာကို မြင်တွေ့နိုင်ပါတယ်။
စည်သွတ်ဘူးတွေမှာ BPA ပါဝင်ပါတယ်။
BPA ဆိုတာကတော့ bisphenol-A ကို ညွှန်းဆိုခြင်းဖြစ်ပြီး စည်သွတ်ဘူးပြင်ဆင်ရာမှာ ပါဝင်တဲ့ ဓာတုပစ္စည်းတမျိုးကို ဆိုလိုခြင်း ဖြစ်ပါတယ်။ အဆိုပါ BPA ဟာ သံဘူးနံရံတွေကနေ အစားအစာတွေထဲ ရောက်သွားနိုင်ပါတယ်။ သုတေသနတခုမှာ စည်သွတ်ဘူးပေါင်း ၇၈ ဘူးကို လေ့လာခဲ့ပြီး ၉၀% ခန့်မှာ BPA ကို တွေ့ရှိခဲ့ရပါတယ်။ နောက်ထပ်လေ့လာမှုတခုမှာတော့ စည်သွတ်စားစရာကို နေ့စဉ်တဘူးနှုန်းနဲ့ ၅ရက်ဆက်တိုက် စားသုံးသူတဦးရဲ့ ဆီးထဲမှာ BPA ဟာ မြင့်တက်နေတာကို တွေ့ရပါတယ်။
အဆိုပါ BPA ဟာ နှလုံးရောဂါ၊ အမျိုးအစား ၂ ဆီးချို၊ အမျိုးသားများ ပန်းသေပန်းညှိုးခြင်း စတဲ့ကျန်းမာရေးပြဿနာတွေနဲ့ ဆက်စပ်မှုရှိနေတယ်လို့ သိရပါတယ်။
စည်သွတ်ဘူးမှာ အန္တရာယ်ပေးနိုင်တဲ့ ဘက်တီးရီးယားတွေ ပါဝင်နိုင်ပါတယ်။
ဒီအခြေအနေဟာ ရှားပါးပေမယ့် စည်သွတ်တဲ့ လုပ်ငန်းစဉ်ကို စနစ်တကျမပြုလုပ်ရင် ဘက်တီးရီးယားပိုးတွေ ပေါက်ပွားနေတတ်ပါတယ်။ Clostridium botulinum လို ဘက်တီးရီးယားတွေဟာ အစာအဆိပ်သင့်ခြင်းလိုမျိုး အန္တရာယ်ဖြစ်စေတတ်ပါတယ်။ ဒီအချက်ကို ရှောင်ကြဉ်နိုင်အောင် စည်သွတ်ဘူးကို ရွေးချယ်ရာမှာ ဘူးဟာ မလုံဘဲ ယိုစိမ့်မှုရှိနေသလား၊ ကွဲအက်နေသလား စစ်ဆေးရပါမယ်။ စည်သွတ်ဘူးတခုကို ဖောက်ပြီး စားသုံးရင် တကြိမ်တည်းနဲ့ စားသုံးသင့်ပါတယ်။ တရက်နှစ်ရက်ချန်ထားရင် ဘက်တီးရီးယားတွေ ပေါက်လာတတ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။