ထမင်းကျွေးရင်လည်း တစ်ခါတည်းနဲ့ အများကြီး ကျွေးတာထက် နည်းနည်းစီ ကျွေးတာ ကလေးကို စားချင်စိတ် ပိုဖြစ်စေပါတယ်။
ရုပ်ရှင်ကြည့်နေတဲ့အချိန်၊ စာလုပ်နေတဲ့အချိန်မှာ မုန့်ပဲသရေစာ ကျွေးတာမျိုး မလုပ်သင့်ပါဘူး။ အထူးသဖြင့် အချိုဓာတ်များတဲ့ မုန့်တွေဟာ ကလေးတွေကို ပိုစားစေချင်လာအောင် တွန်းအားပေးတဲ့အပြင် အဝလွန်ရောဂါ၊ ဆီးချိုရောဂါတွေ ဖြစ်စေနိုင်ပါတယ်။ အဆီများတဲ့ မုန့်ပဲသရေစာ၊ ကလေးအများစု စားတတ်ကြတဲ့ အာလူးကြော်လို မုန့်တွေဟာ သွေးတိုးရောဂါ၊ အဝလွန်၊ နှလုံးရောဂါတွေကို ဖြစ်စေနိုင်တဲ့အပြင် အာဟာရဓာတ်တွေကိုလည်း သိပ်မပေးနိုင်တာကြောင့် မကြာခဏ မစားသင့်ပါဘူး။
ကလေးတွေဟာ အာဟာရဓာတ်နဲ့ ကျန်းမာရေးအကြောင်းကို လူကြီးတွေလောက် နားလည်နိုင်မှာမဟုတ်တဲ့အတွက် သူတို့ကို ဘာကြောင့်စားသင့်လဲဆိုပြီး ပြောပြတာထက် လူကြီးတွေကိုယ်တိုင် စံပြအနေနဲ့ ကလေးတွေရှေ့မှာ စားပြတာက ပိုကောင်းပါတယ်။ ကလေးတွေဟာ လူကြီးတွေလုပ်သမျှကို အတုမြင် အတတ်သင်လွယ်တဲ့အတွက် ကိုယ့်ရဲ့ ကလေးကို အာဟာရဖြစ်အောင် စားစေချင်ရင် ကိုယ်တိုင်က အာဟာရဖြစ်စေတဲ့ စားသောက်မှုပုံစံနဲ့ နေပြဖို့ အရေးကြီးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။