ပရိုတင်းပြည့်ဝစေဖို့ဘာကိုရွေးမလဲ…. အစားအသောက်လား….ပရိုတင်းဖြည့်စွက်စာတွေလား…..

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 16, 2020 . 2 mins read
Share now

အခုနောက်ပိုင်းဈေးကွက်ထဲမှာ ပရိုတင်းဖြည့်စွက်စာတွေကအရင်ကထက်ပိုများလာတယ်နော်။ ခန္ဓာကိုယ်အားပြည့်နေစေဖို့တင်မဟုတ်ဘဲ ကြွက်သားတွေသန်မာစေဖို့အတွက်ပါ ပရိုတင်းဖြည့်စွက်စာတွေကိုအသုံးပြုလာကြပါတယ်။ ဒီနေရာမှာပြောစရာတစ်ခုရှိလာတာက ခန္ဓာကိုယ်ကျန်းမာနေစေဖို့နဲ့ ကြွက်သားတွေ သန်မာစေဖို့အတွက် ပရိုတင်းဖြည့်စွက်စာတွေက တကယ်ပဲ လိုအပ်လားဆိုတာပါ။

ခန္ဓာကိုယ်က ပရိုတင်းကို ဘယ်လိုအသုံးပြုလဲ………..

ပရိုတင်းက ခန္ဓာကိုယ်မှာရှိတဲ့ ဆဲလ်တိုင်းမှာရှိနေတာပါ။ ခန္ဓာကိုယ်ကျန်းမာနေစေဖို့အတွက်လည်း ပရိုတင်းကိုတော်တော်လေးလိုအပ်ပါတယ်။

ပရိုတင်းမှာ ခန္ဓာကိုယ်အတွက် မဖြစ်မနေလိုအပ်တဲ့ အမိုင်နိုအက်ဆစ်ပါဝင်နေပါတယ်။ ပရိုတင်းစားလိုက်တဲ့အခါ ခန္ဓာကိုယ်က ဆဲလ်အဟောင်းတွေနေရာမှာအစားထိုးနိုင်မယ့် ဆဲလ်အသစ်တွေဖြစ်ပေါ်စေဖို့၊ တစ်ရှူးတွေဖြစ်ပေါ်စေဖို့၊ ဆံပင်နဲ့ လက်သည်းခြေသည်းတွေအသစ်ဖြစ်ပေါ်စေဖို့ လိုအပ်တဲ့ အမိုင်နိုအက်ဆစ်အဖြစ်ဖြိုခွဲအသုံးပြုမှာဖြစ်ပါတယ်။

အမျိုးသားနဲ့အမျိုးသမီး ပရိုတင်းလိုအပ်ချက်ကွာခြားမှုရှိလား……….

အမျိုးသားနဲ့ အမျိုးသမီးတို့ရဲ့ အာဟာရလိုအပ်ချက်ကကွာခြားမှုရှိနိုင်ပါတယ်။ အမျိုးသားတွေက ခန္ဓာကိုယ်ဖွဲ့စည်းပုံအရကြောင့်ရော ကြွက်သားတွေကြောင့်ပါ အမျိုးသမီးတွေထက် ပရိုတင်းပမာဏပိုမိုလိုအပ်နိုင်ပါတယ်။ ပုံမှန်အားဖြင့်ကတော့ အမျိုးသားတစ်ယောက်ကတစ်နေ့ကို ပရိုတင်းပမာဏ ၅၆ ဂရမ်လိုအပ်ပြီး အမျိုးသမီးတစ်ယောက်က တစ်နေ့ကို ပရိုတင်းပမာဏ ၄၆ ဂရမ်နီးပါးလိုအပ်မှာပါ။ ဒါပေမယ့် ပုံမှန်အားဖြင့် အမျိုးသားတစ်ဦးက တစ်နေ့တာမှာ ပရိုတင်း ၁၀၀ ဂရမ်နီးပါးလောက်စားသုံးနေကြပြီး အမျိုးသမီးတွေကတော့ တစ်နေ့တာမှာ ပရိုတင်းပမာဏ ၇၀ ဂရမ်လောက်ကိုစားသုံးနေကြပါတယ်။

နည်းလည်းမကောင်းသလို များလည်းမကောင်းတဲ့ ပရိုတင်း

ပရိုတင်းလုံလောက်စွာမစားသုံးမှုက ကျန်းမာရေးပြဿနာအမျိုးမျိုးကိုဖြစ်စေနိုင်ပါတယ်။ ပရိုတင်းလုံလောက်စွာမစားသုံးမှုက ခန္ဓာကိုယ်အတွက်လုံလောက်တဲ့ အမိုင်နိုအက်ဆစ်မရရှိတာမျိုးကိုဖြစ်စေနိုင်ပါတယ်။ ပရိုတင်းနည်းလာတဲ့အခါ ခန္ဓာကိုယ်မှာ ကြွက်သားတွေအားနည်းလာမယ်။ နှလုံးအပါအဝင် အခြားကိုယ်အင်္ဂါအစိတ်အပိုင်းတွေမှာပါထိခိုက်လာစေမှာဖြစ်ပါတယ်။

ပရိုတင်းမလုံလောက်ရင်ပြဿနာရှိနိုင်သလို ပရိုတင်းများလွန်းတာကလည်း ခန္ဓာကိုယ်အတွက်မကောင်းပါဘူး။ ပရိုတင်းကလိုအပ်တဲ့ ပမာဏထက်များလာတဲ့အခါ ခန္ဓာကိုယ်ကပိုလျှံနေတဲ့ပရိုတင်းတွေကို အဆီအဖြစ်နဲ့ သိမ်းထားလိုက်ပါတယ်။ ဒီအဆီတွေက ကိုယ်အလေးချိန်တက်စေနိုင်သလို အစာခြေစနစ်ဆိုင်ရာပြဿနာတွေကိုလည်းခံစားရနိုင်ပါတယ်။ ဒါ့အပြင့် ပရိုတင်းလိုအပ်တဲ့ ပမာဏထက်ပိုများနေတာက ကျောက်ကပ်ကို အလုပ်ပိုစေပြီးရေရှည်မှာကျောက်ကပ်ထိခိုက်လာစေနိုင်ပါတယ်။

ပရိုတင်းရရှိစေမယ့် အစားအစာတွေက ဘာတွေဖြစ်မလဲ…………

ပရိုတင်းရရှိစေမယ့် အစားအစာတွေကို ပုံမှန်စားသုံးပေးတာက လိုအပ်တဲ့ ပရိုတင်းပမာဏကို အလုံအလောက်ရရှိစေမှာပါ။ ဒီတော့ ဘာတွေစားကြမလဲ။

  • ဆယ်လ်မွန်ငါး
  • တူနာငါး
  • ကြက်သား
  • ကြက်ဆင်သား
  • အမဲသား
  • ဝက်သား
  • ဥအမျိုးမျိုး
  • အခွံမာသီး
  • အစေ့အဆန်
  • ပဲအမျိုးမျိုး
  • ကုလားပဲ
  • ပဲပြား
  • မြေပဲ
  • မြေပဲထောပတ်
  • နို့နဲ့ နို့ထွက်ပစ္စည်းတွေကို စားသုံးပေးသင့်ပါတယ်။

ဘယ်လိုအခြေအနေမှာ ပရိုတင်းဖြည့်စွက်စာလိုအပ်မလဲ……………..

အစာအာဟာရတွေကနေ ပရိုတင်းတွေရတာမှန်ပေမယ့် ဒီလိုအခြေအနေမျိုးမှာဆိုရင်တော့ ပရိုတင်းဖြည့်စွက်စာတွေက အဆင်ပြေဆုံးဖြစ်မှာပါ။

  • နာလန်ထလူနာတွေ
  • ထိခိုက်ဒဏ်ရာရထားသူတွေ
  • ကြွက်သားတက်အောင်လေ့ကျင့်ခန်းလုပ်နေတဲ့သူတွေ
  • ကြီးထွားဖွံ့ဖြိုးစ လူငယ်တွေ
  • သက်သတ်လွတ်စားသုံးနေသူတွေကတော့ ခန္ဓာကိုယ်ကျန်းမာကြံ့ခိုင်စေဖို့အတွက် လိုအပ်တဲ့ ပရိုတင်းပမာဏကိုပြည့်ပြည့်ဝဝရရှိစေဖို့ အစားအသောက်တွေစားသုံးတာအပြင် ပရိုတင်းဖြည့်စွက်စာတွေကို မှီဝဲဖို့လိုအပ်မှာပါ။

နိဂုံးချုပ်အနေနဲ့ပြောရမယ်ဆိုရင်တော့ ပရိုတင်းက လိုရင်မကောင်းသလို ပိုရင်လည်း မကောင်းတာကြောင့် အစားအစာကနေပဲ အဓိကရယူစေချင်ပါတယ်။ အပေါ်မှာပြောခဲ့သလို အခြေအနေတစ်ရပ်ရပ်ဖြစ်နေမယ်ဆိုရင်တော့ လိုအပ်တဲ့ ပရိုတင်းပမာဏပြည့်ဝစွာရရှိစေဖို့အတွက် ပရိုတင်းဖြည့်စွက်စာတွေကို စားသုံးပေးဖို့ပြောပါရစေနော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အမျိုးသားတွေရော ချဉ်ခြင်းတပ် ကြသလား

အရမ်းထူးခြားတဲ့အချက်တစ်ခုကတော့ ဒီလို ချဉ်ခြင်းတပ် တာဟာ ယေင်္ကျားရင့်မကြီးတွေမှာလည်း ဖြစ်တတ်တယ်လို့ ဆိုတာပါပဲ။ ဒါပေမယ့် ဘာလို့ ဒီလိုဖြစ်ကြတာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သေနတ်ထိ ပေမယ့် အသက်ရှင်အောင် လူတွေကို ဘယ်လိုကူညီနိုင်မလဲ

သေနတ်ထိ လို့ကျည်ဆန်က ဖောက်ထွက်သွားတဲ့ ဒဏ်ရာ အမျိုးအစား တစ်မျိုးပါ။ ဒီဒဏ်ရာက တတ်ကျွမ်းနားလည်သူတွေနဲ့ ကုသဖို့ လိုတယ်ဆိုပေမယ့်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

အသက်အရွယ် ကြီးရင့်မှုက သွားတွေ၊ နှလုံး၊ အသည်းကစလို့ မှတ်ဉာဏ်ပိုင်းဆိုင်ရာတွေမှာရော အသားအရေတွေ အပေါ်မှာပါ  သက်ရောက်မှု ရှိတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

how-hope-affects-your-health မျှော်လင့်ချက်ထား

မျှော်လင့်ချက်ထား ခြင်းက ကျန်းမာပျော်ရွှင်စေပါတယ် စိတ်ဓာတ်မကျပါနဲ့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
blurry-vision-causes အမြင်မကြည်

အမြင်မကြည် ရသည့် အကြောင်းတရားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
ကြောက်ရွံ့နေတာတွေ ကို သက်သာစေဖို့

ကြောက်ရွံ့နေတာတွေ ကို သက်သာစေမယ့် အစားအသောက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read