ဆေးပညာကုထုံးနှင့် ခွဲစိတ်ကုသမှုများ

ချက်ကနေ အူကျွံတယ်ဆိုတာဘာလဲ။ ချက်အနောက်ဖက် ကပ်ရပ်မှာရှိတဲ့ ဝမ်းဗိုက်ကြွက်သားအလွှာတွေ အားနည်းတာကြောင့် ချက်ကနေအူကျွံတာ ဖြစ်လာနိုင်ပါတယ်။ မိခင်ဗိုက်ထဲရှိနေစဉ်ကာလမှာ ကလေးအားလုံးရဲ့ ချက်ထဲကနေအူတွေအပြင်ကိုကျွံထွက်နေပါတယ်။ ဒါဟာသဘာဝပါ။ မိခင်ဗိုက်ထဲကနေအပြင်ကိုထွက်မလာခင်မှာ အူကျွံတဲ့အပေါက်ပိတ်သွားရမှာဖြစ်ပေမယ့် နေ့စေ့လစေ့အချိန်ရောက်တဲ့အထိ ကလေးငါးယောက်မှာ တစ်ယောက်လောက်ဟာ ဆက်ပြီးအူကျွံနေနိုင်ပါတယ်။ တကယ်လို့သင့်ကလေးမှာအူကျွံနေတယ်ဆိုရင် ဝမ်းဗိုက်မှာဖောင်းနေတာကို မြင်ရမှာ ဖြစ်ပါတယ်(အထူးသဖြင့်ငိုနေတဲ့အချိန်မျိုးမှာပေါ့)။ ကျွံထွက်နေတဲ့အူတွေ ဒါမှမဟုတ် တခြားအရာတွေဟာ ဗိုက်ထဲမှာ ပိတ်မိနေပြီးညှစ်ခံထားရသလို ဖြစ်ကာ သွေးကောင်းကောင်းမရနိုင်တော့တဲ့အခြေအနေဖြစ်လာနိုင်တာမို့အူကျွံတာဟာအန္တရာယ်ရှိပါတယ်။ ဒီလိုအန္တရာယ်ရှိတဲ့အခြေအနေမျိုးဟာ ကလေးဘဝမှာ ဖြစ်ပေါ်လေ့မရှိပေမယ့် အရွယ်ရောက်တဲ့အခါမှာတော့ ဖြစ်လာနိုင်ပါတယ်။ ဘာလို့ခွဲစိတ်သင့်တာလဲ။ သင့်ကလေးမှာ အူကျွံနေတာမျိုးမရှိသင့်ပါဘူး။ ခွဲစိတ်မှုခံယူလိုက်မယ်ဆိုရင် သင့်ကလေးအနေနဲ့အရွယ်ရောက်လာတဲ့အခါ အူကျခြင်းရဲ့ဆိုးရွားလှတဲ့နောက်ဆက်တွဲ ပြဿနာတွေကိုခံစားရတော့မှာမဟုတ်ပါဘူး။ ဒီခွဲစိတ်မှုရဲ့နောက်ဆက်တွဲ ပြဿနာတွေကဘာတွေရှိနိုင်မလဲ။ အူကျွံတဲ့အပေါက်ဟာ ကလေးအသက်တစ်နှစ်မပြည့်ခင်မှာ အများအားဖြင့်ပိတ်သွားလေ့ရှိပါတယ်။ တကယ်လို့အသက်သုံးနှစ်ပြည့်ချိန်ထိ မပိတ်သေးဘူးဆိုရင်တော့ ခွဲစိတ်ဖို့လိုလာပါပြီ။ ခွဲပြီးရင်လည်း အူကျွံတာဟာ ပြန်ဖြစ်လာနိုင်ပါတယ်။ ခွဲစိတ်မှုကြောင့် ဖြစ်လာနိုင်တဲ့နောက်ဆက်တွဲ ပြဿနာတွေ၊ အန္တရာယ်တွေအကြောင်းကို ခွဲစိတ်ကုသမှုမခံယူခင်မှာ သင့်အနေနဲ့ကောင်းကောင်းနားလည်သဘောပေါက်ထားဖို့လိုအပ်ပါတယ်။ တကယ်လို့သင့်အနေနဲ့မရှင်းလင်းတာ၊ မေးချင်တာတွေရှိတယ်ဆိုရင် သင့်ဆရာဝန် […]

အစာအိမ်နဲ့အူလမ်းကြောင်းမှန်ပြောင်းကြည့်တယ်ဆိုတာဘာလဲ။ ပျော့ပြောင်းတဲ့မှန်ပြောင်းပိုက်လေးကိုသုံးပြီး အစာရေမြို၊ အစာအိမ်နဲ့အူသိမ်အရှေ့ပိုင်းတို့ရဲ့အတွင်းပိုင်းကိုကြည့်ရှုစစ်ဆေးတာကို ဆိုလိုပါတယ်။ အစာအိမ်မှန်ပြောင်းကြည့်တာလို့လည်း အလွယ်ခေါ်တတ်ကြပါသေးတယ်။ အစာအိမ်မှန်ပြောင်းကြည့်ဖို့ဘယ်အချိန်မှာ လိုအပ်သလဲ။ အစာရေမြိုပြွန်၊ အစာအိမ်နဲ့အူသိမ်အစပိုင်း အပါအဝင် အစာခြေလမ်းကြောင်းအပေါ်ပိုင်းမှာ ဖြစ်ပွားတတ်တဲ့ ပြဿနာ၊ ရောဂါတွေကို ရှာဖွေဖော်ထုတ်နိုင်ဖို့နဲ့တစ်ခါတစ်ရံမှာ ကုသပေးနိုင်ဖို့အတွက်ပါ မှန်ပြောင်းကြည့်လေ့ရှိပါတယ်။ သင့်ဆရာဝန်အနေနဲ့အောက်ပါအခြေအနေတွေမှာ အစာအိမ်မှန်ပြောင်းကြည့်ဖို့ညွှန်ကြားပါလိမ့်မယ်။ • ရောဂါလက္ခဏာတွေကို ရှာဖွေဖော်ထုတ်ရန်။ ပျို့အန်ခြင်း၊ ဗိုက်နာ/အောင့်ခြင်း၊ အစာ/ရေ မြိုရခက်ခြင်း၊ အူလမ်းကြောင်းသွေးယိုစီးခြင်းအစရှိတဲ့ အစာချေလမ်းကြောင်းဆိုင်ရာ ရောဂါလက္ခဏာတွေရဲ့ မူလဇစ်မြစ်အကြောင်းရင်းကိုသိရှိနိုင်ဖို့အတွက် မှန်ပြောင်းကြည့်ခြင်းက ကူညီပေးပါလိမ့်မယ်။ • ရောဂါစမ်းသပ်စစ်ဆေးရန်။ သွေးအားနည်းခြင်း၊ သွေးယိုစီးခြင်း၊ ရောင်ရမ်းခြင်း၊ ဝမ်းလျှောခြင်း၊ အစာအိမ်အူလမ်းကြောင်းကင်ဆာဖြစ်ခြင်း အစရှိတဲ့ ရောဂါအခြေအနေတွေကို စစ်ဆေးစမ်းသပ်ဖို့အသားစနမူနာယူတဲ့ နေရာမှာလည်းမှန်ပြောင်းကို အသုံးပြုနိုင်ပါတယ်။ • ကုသပေးဖို့။ သွေးယိုစီးနေတဲ့ သွေးကြောကိုမီးရှို့လောင်ကျွမ်းစေပြီးသွေးတိတ်စေခြင်း၊ ကျဉ်းနေတဲ့ အစာရေမြိုလမ်းကြောင်းကို ချဲ့ပေးခြင်း၊ အသားပိုဖယ်ရှားခြင်းအပြင်က ပစ္စည်းတစ်ခုခုမြိုချမိတာကို ဖယ်ရှားပစ်ခြင်းအစရှိတဲ့ အစာအိမ်အူလမ်းကြောင်း ပြဿနာတွေကို ကုသပေးဖို့အတွက်မှန်ပြောင်းထဲကတဆင့် အမျိုးမျိုးသောကိရိယာတွေကို ထည့်သွင်းကုသပေးနိုင်ပါတယ်။ အစာအိမ်မှန်ပြောင်းကြည့်တာဘာအန္တရာယ်တွေရှိသလဲ။ မှန်ပြောင်းကြည့်ရင်း အစာရေမြို […]

အဓိပ္ပါယ်ဖွင့်ဆိုချက်ဆီးလမ်းကြောင်းချဲ့တယ်ဆိုတာဘာလဲ။ ဆီးလမ်းကြောင်း (ဆီးအိမ်ကဆီးတွေကိုလိင်တံထိပ်ထိပို့ပေးတဲ့လမ်းကြောင်း)ကျဉ်းတာကိုကုသဖို့အတွက်ဒီခွဲစိတ်မှုကို ပြုလုပ်ပါတယ်။ ဆီးလမ်းကြောင်းရောင်ရမ်း၊ပိုးဝင်တာဒါမှမဟုတ်ထိခိုက်ဒဏ်ရာရတာတွေကြောင့်အမာရွတ်တစ်သျှူးဖြစ်ပေါ်ပြီးဆီးလမ်းကြောင်းကျဉ်းလာရပါတယ်။ နောက်ဆက်တွဲအနေနဲ့ဆီးခဏခဏသွားခြင်း၊ဆီးမအောင့်ထားနိုင်ခြင်း၊ဆီးသွားတဲ့အရှိန်နည်းခြင်း၊ဆီးလုံးသေးခြင်းနဲ့ဆီးသွားတာအားမရတဲ့ခံစားမှုမျိုးဖြစ်ခြင်းစသည်တို့ကိုခံစားရစေပါတယ်။ ဘာကြောင့်ဆီးလမ်းကြောင်းချဲ့ဖို့လိုတာလဲ။ အမာရွတ်တစ်သျှူးတွေကြောင့်ဆီးလမ်းကြောင်းကျဉ်းလာတဲ့လူနာတွေမှာဆီးကောင်းကောင်းသွားနိုင်ဖို့အတွက်ဒီခွဲစိတ်မှုကို ပြုလုပ်ရပါတယ်။ သင့်အနေနဲ့ဆီးအလွယ်တကူသွားနိုင်ဖို့၊ဆီးမကျန်စေဖို့နဲ့ညဖက်ဆီးခဏခဏထမသွားရစေဖို့ဒီခွဲစိတ်မှုကကူညီပေးမှာ ဖြစ်တဲ့အပြင်ပိုးဝင်တာမျိုးကိုလည်းနည်းပါးသွားစေမှာပါ။ အန္တရာယ်ဆီးလမ်းကြောင်းချဲ့တဲ့ ခွဲစိတ်မှုက ဘာအန္တရာယ်တွေရှိသလဲ။ ဆီးလမ်းကြောင်းမချဲ့ခင်မှာ အောက်ဖော်ပြပါနည်းလမ်းတွေနဲ့အရင်ကုသထားနိုင်ပါသေးတယ်။ • ဆီးပိုက်ထည့်ခြင်း။ သင့်ဆီးအိမ်ထဲကို ဆီးပိုက်တိုက်ရိုက်ထည့်ထားမယ်ဆိုရင် ဆီးသွားရတာအဆင်ပြေစေမှာပါ။ လမ်းကြောင်းတိုတိုလေးပဲ ကျဉ်းတယ်ဆိုရင်တော့ ဆီးပိုက်ကို မိမိဖာသာထည့်နိုင်ပါတယ်။ • ဆီးပိုက်အမြဲထည့်ထားခြင်း။ လမ်းကြောင်းအရမ်းကျဉ်းနေရင် ဒါမှမဟုတ် ခွဲစိတ်မှုမလုပ်ချင်ဘူးဆိုရင် ဆီးလမ်းကြောင်းပွင့်နေစေဖို့အတွက် stent လို့ခေါ်တဲ့ ပြွန်လေးထည့်ထားတာ ဒါမှမဟုတ် ဆီးပိုက်အမြဲထည့်ထားတာမျိုးကို ပြုလုပ်နိုင်ပါတယ်။ ဒါပေမယ့် ဒီလိုလုပ်ထားတာတွေဟာ (ဆီးအိမ်ကို ထိခိုက်တာ၊ဆွနေသလို ဖြစ်တာ၊ နေရထိုင်ရအဆင်မပြေတာ၊ ဆီးလမ်းကြောင်းပိုးဝင်တာအစရှိတဲ့) ဆိုးကျိုးများစွာကို ဖြစ်ပေါ်စေပါတယ်။ တခြားကုသမှုတွေနဲ့အဆင်မပြေတော့မှသာ stent ပြွန်ထည့်တာကို ပြုလုပ်လေ့ရှိပြီး အင်မတန်အသုံးပြုခဲပါတယ်။ • ဘောလုံးထည့်ပြီး လမ်းကြောင်းချဲ့ခြင်း။ ဆီးလမ်းကြောင်းကိုချဲ့ဖို့အတွက် ဘောလုံးကိုလည်း အသုံးပြုနိုင်ပါတယ်။ ဆီးလမ်းကြောင်း အတော်ကျဉ်းပြီး တခြားပြဿနာတွေလည်းရှိနေသေးတဲ့ လူနာတွေဆိုရင်တော့ ပလတ်စတစ်ဆာဂျရီနည်းကို အသုံးပြုပြီး ခွဲစိတ်ကုသမှုအကြီးစား […]

အဓိပ္ပါယ်ဖွင့်ဆိုချက်မိန်းမကိုယ်မှတဆင့် သားအိမ်ထုတ်ခြင်းဆိုတာဘာလဲ။ သင့်ရဲ့သားအိမ်နဲ့သားအိမ်ခေါင်းတို့ကို ဖယ်ထုတ်တဲ့ခွဲစိတ်မှုကို ဆိုလိုတာဖြစ်ပါတယ်။ ဒီခွဲစိတ်မှုကနေ မမျိုးဥအိမ်ကိုပါ ဖယ်ထုတ်နိုင်ပေမယ့် အများအားဖြင့်တော့ ဖယ်ထုတ်လေ့မရှိဘဲ ဒီအတိုင်းပဲထားခဲ့လေ့ရှိပါတယ်။ သားအိမ်ကျွံခြင်း၊ ဓမ္မတာသွေးဆင်းများခြင်း၊ ဓမ္မတာလာစဉ် နာကျင်ကိုက်ခဲခြင်းနဲ့သားအိမ်အလုံးတည်ခြင်းအစရှိတဲ့အခြေအနေတွေကြောင့် သားအိမ်ထုတ်ပစ်ရတတ်ပါတယ်။ ဘာလို့ဒီခွဲစိတ်မှုကို ပြုလုပ်သင့်တာလဲ။ သားအိမ်ထုတ်လိုက်မယ်ဆိုရင် သင့်ရောဂါလက္ခဏာတွေ သက်သာပျောက်ကင်းသွားပါလိမ့်မယ်။ ဓမ္မတာလာတာမျိုးရှိမှာမဟုတ်တော့ပါဘူး။ ကုသမှုဒီခွဲစိတ်မှုအစားပြုလုပ်နိုင်တဲ့ ကုသမှု နဲ့ ခွဲစိတ်မှု အန္တရယ်တွေက ဘာတွေလဲ တင်ပါးဆုံအောက်ပိုင်းကြွက်သားတွေ သန်စွမ်းလာစေဖို့လေ့ကျင့်ခန်းလုပ်ပေးမယ်ဆိုရင် သားအိမ်ကျွံကျတဲ့ လက္ခဏာတွေကို သက်သာလာစေမှာပါ။ ဆေးသောက်ခြင်း၊ သားအိမ်တွင်းထည့်ပစ္စည်းအသုံးပြုခြင်း ဒါမှမဟုတ် သားအိမ်ရဲ့အပေါ်ယံအလွှာကိုပဲ ဖယ်ရှားပစ်ခြင်းစတဲ့ ကုသမှုတွေလုပ်ပေးခြင်းအားဖြင့်လည်း ဓမ္မတာသွေးအဆင်းများတာကို သက်သာစေနိုင်ပါတယ်။ သားအိမ်အလုံးရဲ့ အရွယ်အစားနဲ့တည်နေရာတို့အပေါ် မူတည်ပြီး ရောဂါလက္ခဏာတွေကို လျော့ပါးသက်သာလာစေဖို့အတွက် သောက်ဆေးတွေသောက်နိုင်ပါတယ်။ သားအိမ်အလုံးကိုပဲ ဖယ်ရှားတာမျိုး ဒါမှမဟုတ် အလုံးကိုသွေးထောက်ပံ့ပေးနေတဲ့ သားအိမ်သွေးကြောကိုပိတ်ဆို့ပစ်တာမျိုးတွေလည်း လုပ်နိုင်ပါတယ်။ ခွဲစိတ်မှုကြောင့် ဖြစ်လာနိုင်တဲ့နောက်ဆက်တွဲ ပြဿနာတွေ၊ အန္တရာယ်တွေအကြောင်းကို ခွဲစိတ်ကုသမှုမခံယူခင်မှာ သင့်အနေနဲ့ကောင်းကောင်းနားလည်သဘောပေါက်ထားဖို့လိုအပ်ပါတယ်။ တကယ်လို့သင့်အနေနဲ့မရှင်းလင်းတာ၊ မေးချင်တာတွေရှိတယ်ဆိုရင် […]

အဓိပ္ပါယ်ဖွင့်ဆိုချက်ခြေချောင်းလေးတွေမှာ ဘာပြဿနာတွေ ဖြစ်လာနိုင်သလဲ။ အဖြစ်များဆုံး ပြဿနာသုံးခုက ခြေချောင်းလေးတွေပုံမမှန်တာ၊ အဆစ်တွေနာတာနဲ့ခြေဖဝါးနာကျင်တာတို့ပဲ ဖြစ်ကြပါတယ်။ သင့်ခြေချောင်းလေးတွေကို လှုပ်ရှားအောင်လုပ်ပေးတဲ့ အရွတ်ကြောလေးတွေတင်းလွန်းတာ ဒါမှမဟုတ် အနေအထားမမှန်တာမျိုးကြောင့် ခြေချောင်းလေးတွေ ပုံမမှန်တာမျိုး ဖြစ်နိုင်ပါတယ်။ ခြေချောင်းအချင်းချင်း ပွတ်တိုက်တာ ဒါမှမဟုတ် ရှူးဖိနပ်အတွင်းပိုင်းနဲ့ပွတ်တိုက်တာတွေကြောင့်လည်း ဒဏ်ဖြစ်ပြီး နာလာစေပါတယ်။ rheumatoid arthritis လို အဆစ်အမြစ်ရောင်ရောဂါတွေကြောင့် သင့်ခြေဆစ်တွေကို ထိခိုက်စေ၊ ဒဏ်ဖြစ်စေပြီးပုံသဏ္ဍာန် မမှန်တာမျိုးတွေ ဖြစ်လာနိုင်ပါတယ်။ ခြေချောင်းလေးတွေ ခွဲစိတ်မှုကဘာတွေအကျိုးဖြစ်စေသလဲ။ သင့်ခြေချောင်းလေးတွေ ပိုပြီးဖြောင့်လာမှာဖြစ်တဲ့အတွက် ရှူးဖိနပ်ထဲမှာ ပိုပြီးနေသားတကျဖြစ်လာတာကြောင့် နာကျင်ရောင်ရမ်းတာတွေကို သက်သာပျောက်ကင်းစေမှာပဲ ဖြစ်ပါတယ်။ ပြင်ဆင်မှုခြေချောင်းခွဲစိတ်မှုက ဘာအန္တရာယ်တွေရှိနိုင်သလဲ။ ရေမြှုပ်ပျော့ပျော့လေးတွေကို ခြေချောင်းလေးတွေကြားထဲ ခံထားမယ်ဆိုရင် နာကျင်တာတွေကို သက်သာစေမှာ ဖြစ်ပါတယ်။ အရည်အသွေးကောင်းပြီး နူးညံ့တဲ့ရှူးဖိနပ်တွေကို အသုံးပြုမယ်ဆိုရင်လည်း အဆင်ပြေသွားနိုင်ပါတယ်။ တကယ်လို့ ဒါတွေနဲ့မလုံလောက်ဖူးဆိုရင်တော့ ဆရာဝန်နဲ့မေးမြန်းတိုင်ပင်ပါ။ အထူးစီမံထားတဲ့ ဖိနပ်အခံပြား ဒါမှမဟုတ် ဖိနပ်တွေကို အသုံးပြုဖို့သင့်ဆရာဝန်ကအကြံပေးပါလိမ့်မယ်။ ခွဲစိတ်မှုကြောင့် ဖြစ်လာနိုင်တဲ့နောက်ဆက်တွဲ […]

ဂရင်ဂျီနာခွဲစိတ်ကုသခြင်းဆိုတာ ဘာလဲ မည်သည့်ဂရင်ဂျီနာမဆို ရောဂါပိုးဝင်ပြီး နာကျင်မှု ရှိနိုင်ပါတယ်။ ဒီရောဂါဟာ ခွဲစိတ်မှုမလုပ်ရင် ပိုဆိုးလာနိုင်ပါတယ်။ ဂရင်ဂျီနာအများစုဟာ စအိုလမ်းကြောင်းအတွင်း ပြည်တည်နာ ဖြစ်လာခြင်းကြောင့် ဖြစ်ပွားနိုင်ပါတယ်။ ပြည်တည်တဲ့လမ်းကြောင်းဟာ အရေပြားပေါ်ထိရောက်ပြီး အနာအပေါက်ဖြစ်သွားတဲ့အခါ ဂရင်ဂျီနာဖြစ်နိုင်ပါတယ်။ ပြည်များဟာ အရေပြားပေါ်က အနာပေါက်မှာ သူ့ဖာသာဖြစ်ဖြစ်၊ ခွဲစိတ်ပေးလို့ပဲဖြစ်ဖြစ် စီးထွက်နိုင်ပါတယ်။ ခွဲစိတ်ကုသခြင်းရဲ့ ရည်ရွယ်ချက်ဟာ နောက်ထပ်မနာကျင်စေဖို့၊ ရောဂါပိုးဝင်ခြင်း မရှိဖို့ ဖြစ်ပါတယ်။ ဂရင်ဂျီနာခွဲစိတ်မှုကို ဘယ်အချိန်မှာ ခံယူသင့်သလဲ လက်ရှိကာလမှာတော့ ဂရင်ဂျီနာအတွက် ဆေးပေးရုံနဲ့ ကုသမှုမပြုနိုင်သေးပါဘူး။ ခွဲစိတ်မှုနဲ့ပဲ ကုသနိုင်ပါတယ်။ ခွဲစိတ်မှုကို စအိုနားက အရေပြားမှာ ပြုလုပ်ပေးခြင်းဖြင့် ပြည်များကို စီးထွက်သွားစေပါတယ်။ ဂရင်ဂျီနာကို ခွဲစိတ်ပြီးအပြီးသတ် မကုသနိုင်သေးခင်ထိ လူနာအများဟာ နာကျင်ခြင်း၊ ပြည်ထွက်ခြင်း၊ ခဏတာသက်သာသလိုဖြစ်ပြီး ပြန်ဖြစ်ခြင်းစတဲ့ အခြေအနေတွေ ကြုံနိုင်ပါတယ်။ ဂရင်ဂျီနာမခွဲခင် ဘာတွေသိထားသင့်သလဲ ပြည်ထုတ်နေချိန်မှာပဲ ခွဲစိတ်ကုသမှုကို တချိန်တည်း ပြုလုပ်နိုင်ပါတယ်။ တခါတရံမှာ […]

Benign Scrotal Lump Surgery (ကင်ဆာမဟုတ်သော ကပ်ပယ်အိတ်ကြီးခြင်းအား ခွဲစိတ်ကုသခြင်း) ကဘာလဲ။ ကင်ဆာမဟုတ်သော ကပ်ပယ်အိတ်ကြီးခြင်းဆိုတာ ကပ်ပယ်အိတ်ထဲမှာ ကင်ဆာမဟုတ်တဲ့ အဖုအကျိတ် ဖြစ်ပေါ်လာခြင်းကို ဆိုလိုပါတယ်။ များသောအားဖြင့် လက္ခဏာမပြတတ်လို့ ခွဲစိတ်ကုသဖို့ မလိုပါဘူး။ ဒါပေမယ့် တချို့အကျိတ်တွေဟာ လက္ခဏာတွေ ပြလာတတ်ပြီး ကုသမှုခံယူဖို့ လိုအပ်ပါတယ်။ အကျိတ်နှစ်မျိုး ရှိတတ်ပါတယ်။ • ရေမုတ်။ ဝှေးစေ့ကိုဖုံးထားတဲ့ အလွှာမှာ အရည်စုပြီး ကြီးလာခြင်း ဖြစ်ပါတယ်။ • သုတ်လွှတ်ပြွန်အရည်အိတ်ဖြစ်ခြင်း။ သုတ်ရည်ထွက်လာတဲ့ လမ်းကြောင်းမှာ အရည်များစုလာခြင်း ဖြစ်ပါတယ်။ ဘာကြောင့် ကင်ဆာမဟုတ်သော ကပ်ပယ်အိတ်ကြီးခြင်း ခွဲစိတ်ကုသခြင်း လုပ်ဆောင်သလဲ အကျိတ်ကြီးလာတဲ့အခါ ခွဲစိတ်ကုသမှသာ နေထိုင်ရတာ သက်တောင့်သက်သာရှိမှာ ဖြစ်ပါတယ်။ ယေဘုယျအားဖြင့် ကပ်ပယ်အိတ်ကြီးခြင်းဟာ ဒီအတိုင်းထားနိုင်ပေမယ့် အောက်ပါ အခြေအနေတွေကြောင့် ခွဲစိတ်ခြင်း၊ ပြုပြင်ခြင်း ပြုလုပ်ကြပါတယ်။ • နေရထိုင်ရခက်ခြင်း၊ နာကျင်ခြင်း • […]

အဓိပ္ပါယ်ဖွင့်ဆိုချက်Laparoscopic gastric bypass ဆိုတာဘာလဲ? Gastric bypass ကသင့်ကိုတစ်သက်စာ ကိုယ်အလေးချိန်ကျအောင် ကူညီပေးနိုင်ပါတယ်။ Gastric bypass ကို Roux-en-Y လို့လည်းခေါ်ပြီး အဲဒီခွဲစိတ်မှုမှာ သင့်ရဲ့အစာအိမ်ကို အိတ်အသေးလေးဖြစ်သွားအော င်ကျန်ရှိနေတဲ့အစာအိမ်နဲ့ အူမကြီးတွေကိုရှောင်ပြီးညှပ်ချုပ်ခြင်းပဲ ဖြစ်ပါတယ်။ ဒီလိုလုပ်ခြင်းက အစားစားတဲ့အခါ စောစောဗိုက်ပြည့်စေခြင်းဖြင့် အစားနည်းစေတဲ့အပြင် သင့်ရဲ့အစာထဲက တချို့ကယ်လိုရီတွေနဲ့အာဟာရတွေကို စုပ်ယူခြင်းမှ ကာကွယ်ပါတယ်။ ဒီခွဲစိတ်မှုအောင်မြင်ခြင်းက စားသောက်မှုအစီအစဉ်အသစ်နဲ့ လေ့ကျင့်ခန်းတွေအပေါ်မှာလည်း မူတည်ပါတယ်။ ဘာကြောင့် Laparoscopic bypass ကိုလုပ်ကြလဲ ? တကယ်လို့သင့်ရဲ့ BMI က၄၀ ကျော်နေရင်ဒီခွဲစိတ်မှုက တစ်သက်တာကိုယ်အလေးချိန်ကျစေပါတယ်။ တကယ်လို့သင့်ရဲ့ BMI က၃၅ ကျော်နေတာပဲ ဖြစ်ဖြစ်၊သင့်မှာဆီးချို type 2 ရှိနေတာပဲဖြစ်ဖြစ် သင့်ကို ဒီခွဲစိတ်မှုကကူညီပါလိမ့်မယ်။ သင့်ရဲ့ BMI နဲ့တခြားသော စစ်ဆေးမှုတွေအပေါ် မူတည်ပြီး ဒီခွဲစိတ်မှုကသင့်အတွက်သင့်တော်မှုရှိ၊ မရှိဆုံးဖြတ်မှာဖြစ်ပါတယ်။ သင့်အနေနဲ့ ခွဲစိတ်မှုအပြီး […]

အဓိပ္ပါယ်ဖွင့်ဆိုချက်Retinal Detachment Surgery (မြင်လွှာကွာခြင်း ခွဲစိတ်ကုသမှု) ကဘာလဲ။ မျက်စိထဲဝင်လာတဲ့ အလင်းတန်းတွေကို ပုံရိပ်အဖြစ်ပြောင်းပြီး ဦးနှောက်ကိုပို့ပေးတဲ့ မျက်စိအနောက်ဖက်ပိုင်းက အတွင်းပိုင်းအလွှာလေးကို မြင်လွှာ (retina) လို့ခေါ်ပါတယ်။ တစ်ခါတစ်ရံမှာ ဒီမြင်လွှာလေးဟာ ကွာကျပြီး အမြင်ဝေဝါးတာ ဒါမှမဟုတ် ကြည့်တဲ့အခါ အရိပ်တွေထင်နေတာမျိုးတွေ ဖြစ်လာတတ်ပါတယ်။ မျက်စိရဲ့အလယ်ခေါင်နေရာမှာရှိတဲ့ ဂျယ်လီလိုခပ်ပျစ်ပျစ်အရည်လေးတွေကျုံ့ပြီး မြင်လွှာပေါ်ရောက်လာကာဆွဲခွာသလိုဖြစ်တာကြောင့် မြင်လွှာကွာတာအများဆုံးဖြစ်တတ်ပေမယ့် မျက်လုံးကို ထိခိုက်မိတာ ဒါမှမဟုတ် အရင်ကလုပ်ခဲ့ဖူးတဲ့ မျက်စိခွဲစိတ်မှုကြောင့်လည်း ဖြစ်နိုင်ပါတယ်။ မြင်လွှာကွာတာကို ခွဲစိတ်ပြုပြင်ဖို့ဘာလို့လိုအပ်တာလဲ။ တကယ်လို့သင့်မြင့်လွှာကွာနေရင် ဒါကိုပြုပြင်ဖို့အတွက် ခွဲစိတ်မှု ပြုလုပ်ဖို့လိုပါတယ်။ လေဆာနဲ့ပစ်ပြီးဒါမှမဟုတ်အေးခဲပစ်ပြီးခွဲစိတ်ပြုပြင်လေ့ရှိကာ ခွဲစိတ်ဆရာဝန်အနေနဲ့ဘယ်လိုအကြံပြုမလဲဆိုတာကတော့ သင့်ရောဂါရဲ့ အသေးစိတ်အနေအထားပေါ်မူတည်ပြီး ကွာခြားပါလိမ့်မယ်။ ဒီခွဲစိတ်မှုကဘာအန္တရာယ်တွေရှိနိုင်သလဲ။ ခွဲစိတ်တယ်လို့ယေဘုယျသုံးနှုန်းပေမယ့် တကယ်တမ်းကျတော့ လေဆာနဲ့ပစ်ပြီး ဒါမှမဟုတ် အေးခဲပစ်ပြီး ပေါက်နေတဲ့နေရာ၊ စုတ်ပြဲနေတဲ့နေရာကို ဖာထေးတာဖြစ်တဲ့အတွက် ဘယ်လိုလှီးဖြတ်ခွဲစိတ်မှုမျိုးကိုမှ ပြုလုပ်တာမဟုတ်ပါဘူး။ တစ်ခါတစ်ရံ ကုသမှုအောင်မြင်ဖို့အတွက် ဒုတိယအကြိမ်ထပ်မံခွဲစိတ်ဖို့တော့ လိုကောင်းလိုတတ်ပါတယ်။ ဒီနေရာမှာသိထားသင့်တဲ့အချက်တွေက […]

အဓိပ္ပါယ်ဖွင့်ဆိုချက်ပေါင်ရိုးအစားထိုးမှုထပ်လုပ်တယ်ဆိုတာဘာလဲ။ သင့်ရဲ့အစားထိုးထားတဲ့ပေါင်ရိုးအဟောင်းကို ထုတ်ပြီး ပေါင်ရိုးအသစ်နဲ့အစားထိုးလဲလှယ်တဲ့ ခွဲစိတ်မှုလုပ်ငန်းစဉ်ပဲ ဖြစ်ပါတယ်။ အောက်ပါအချက်တွေကြောင့် ပေါင်ရိုးအစားထိုးတာ မအောင်မမြင် ဖြစ်တတ်ပါတယ်။ • အစားထိုးထားတဲ့ ပေါင်ရိုးအဆစ်နေရာပျက်စီးခြင်း • အစားထိုးထားတဲ့ ပေါင်ရိုးမှာပိုးဝင်ခြင်း • အစားထိုးထားတဲ့ ပေါင်ရိုး နေရာရွေ့ခြင်း၊လွဲခြင်း • ပေါင်ရိုးကျိုးခြင်း ဒီခွဲစိတ်မှုရဲ့ ကောင်းကျိုးတွေက ဘာတွေလဲ။ သင့်အနေနဲ့ပိုပြီးလမ်းကောင်းကောင်း လျှောက်နိုင်မယ်။ နိစ္စဓူဝလုပ်ငန်းဆောင်တာတွေကို ပိုလုပ်လာနိုင်မယ်။ ဒီခွဲစိတ်မှုကဘာနောက်ဆက်တွဲ ပြဿနာအန္တရာယ်တွေရှိသလဲ။ အချိန်ကြာလာတာနဲ့အမျှ ပြန်ပြီးပျက်စီးသွားနိုင်ပါတယ်။ ခွဲစိတ်မှုအပြင်တခြားရောဘာတွေလုပ်လို့ရသေးလဲ။ တကယ်လို့ ရောဂါလက္ခဏာတွေက မပြင်းထန်ဖူးဆိုရင် အချိန်အနည်းငယ် စောင့်ကြည့်နိုင်ပါတယ်။ တကယ်လို့ပိုးဝင်တာမျိုးရှိတယ်ဆိုရင် ခွဲစိတ်မှုအောင်မြင်နိုင်ဖို့အတွက် ပဋိဇီဝပိုးသတ်ဆေးတွေသုံးစွဲဖို့လိုပါလိမ့်မယ်။ တကယ်လို့ခွဲစိတ်ထားတဲ့ ပေါင်ရိုးအဆစ်ကအပြင်ကို ပြန်ပြန်ပြီး ထွက်လာနေတယ်ဆိုရင် ပေါင်ကိုထောက်ပံ့ပြီး ပတ်စည်းပေးထားဖို့အပတ်(brace) လိုပါလိမ့်မယ်။ တကယ်လို့သင့်ပေါင်ရိုးကျိုးနေတယ်ဆိုရင် ခဲဆွဲထားဖို့လိုကောင်းလိုပါလိမ့်မယ်။ ခွဲစိတ်မှုကြောင့် ဖြစ်လာနိုင်တဲ့ နောက်ဆက်တွဲ ပြဿနာတွေ၊ အန္တရာယ်တွေအကြောင်းကို ခွဲစိတ်ကုသမှုမခံယူခင်မှာ သင့်အနေနဲ့ကောင်းကောင်းနားလည်သဘောပေါက်ထားဖို့လိုအပ်ပါတယ်။ တကယ်လို့သင့်အနေနဲ့ မရှင်းလင်းတာ၊ မေးချင်တာတွေရှိတယ်ဆိုရင် သင့်ဆရာဝန် ဒါမှမဟုတ် ခွဲစိတ်ဆရာဝန်နဲ့ဆွေးနွေးတိုင်ပင်မေးမြန်းနိုင်ပါတယ်။ ပြင်ဆင်မှုခွဲစိတ်မှုမခံယူခင် ဘာတွေကြိုတင် ပြင်ဆင်ထားရမလဲ။ သင့်ရဲ့ လတ်တလောသောက်နေတဲ့ ဆေးတွေ၊ ဓါတ်မတည့်တာတွေရှိမရှိနဲ့ရောဂါတစ်ခုခုရှိတာမျိုးစတဲ့ အခြေအနေတွေကို ဆရာဝန်နဲ့ […]