ဆေးပညာကုထုံးနှင့် ခွဲစိတ်ကုသမှုများ

အဓိပ္ပါယ်ဖွင့်ဆိုချက်အမျိုးသားများသားကြောဖြတ်ရန် ခွဲစိတ်ခြင်းဆိုတာဘာလဲ အမျိုးသားများသားကြောဖြတ်ခြင်းဆိုတာအမြဲတမ်းကလေးမရနိုင်တော့အောင် ခွဲစိတ်ကုသပေးခြင်းပဲ ဖြစ်ပါတယ်။ ဒီခွဲစိတ်ခြင်းဟာ ဝှေးစေ့မှာရှိတဲ့ သုက်ပိုးများကိုယောက်ျားတန်ဆာဆီပို့ဆောင်ပေးတဲ့ သုက်ပို့ပြွန်၂ခုကို ဖြတ်တောက်ပေးလိုက်ခြင်းပဲ ဖြစ်ပါတယ်။ ဒါကြောင့် သုက်ပိုးများဟာသုက်ရည်ထဲမရောက်နိုင်တော့ပါဘူး။ သုက်ရည်ထဲသုက်ပိုးမပါတဲ့အခါ မမျိုးဥနဲ့ မပေါင်းနိုင်တော့တာမို့ ဒီနည်းကိုကလေးမရဖို့ သုံးနိုင်ပါတယ်။ ဆောင်ရန်ရှောင်ရန်များအမျိုးသားများသားကြောဖြတ်ရန် ခွဲစိတ်ခြင်းကိုဘယ်အချိန်မှာခံယူသင့်သလဲ သင်နဲ့ သင့်အိမ်ထောင်ဖက်ဟာတခြားသားဆက်ခြားနည်းတွေ မသုံးချင်တော့ရင် ဒီနည်းကိုအသုံးပြုနိုင်ပါတယ်။   အမျိုးသားများသားကြောဖြတ် ခွဲစိတ်ခြင်းမခံယူခင် ဘာတွေသိထားသင့်သလဲ ဒီခွဲစိတ်မှုကြောင့် လိင်ပိုင်းဆိုင်ရာစွမ်းဆောင်ရည်နဲ့ ခံစားမှုမှာကျဆင်းမသွားပါဘူး။ သုက်ရည်ထွက်မှုလည်းကျမသွားပါဘူး။ ဒီခွဲစိတ်မှုဟာဘေးကင်းတာများပေမယ့် ဖြစ်နိုင်ခြေပြသနာတွေကိုအရင်သိထားဖို့ လိုပါတယ်။ ဒီခွဲစိတ်မှုကိုမခံယူခင်မှာသတိပြုရမယ့်အချက်တွေနဲ့ သတိပေးချက်တွေကိုနားလည်သိရှိထားဖို့ လိုပါတယ်။ သိလိုတဲ့အချက်တွေရှိရင် သင့်ရဲ့ခွဲစိတ်ဆရာဝန်နဲ့ တွေ့ဆုံဆွေးနွေးပါ။ လုပ်သင့်သည်များသားကြောဖြတ် ခွဲစိတ်မှု မလုပ်ခင် ဘာတွေလုပ်သင့်သလဲ ခွဲစိတ်မှုကိုမေ့ဆေးပေးပြီးလုပ်ဆောင်မှာ ဖြစ်ပါတယ်။ မခွဲခင်မှာ ဆရာဝန်ရဲ့ ညွှန်ကြားချက်နဲ့အညီဆီးခုံမွေးတွေကိုရိတ်သင့်ပါတယ်။ ပြီးရင် သန့်ရှင်းအောင် ဆေးကြောထားရပါမယ်။ သင်ဆန္ဒရှိရင် အစားနည်းနည်းစားနိုင်ပါတယ်။ ရေခဲအိတ်လုပ်ပြီးယူဆောင်သွားဖို့လည်းလိုပါတယ်။ ဆေးရုံကိုသွားရင် အဖော်တယောက်ယောက် ခေါ်သွားသင့်ပါတယ်။ သားကြောဖြတ်ခွဲစိတ်မှုရဲ့ ပုံမှန်အဆင့်တွေကဘာတွေလဲ ခွဲစိတ်မှုမှာမေ့ဆေးပေးခြင်း ပါဝင်ပြီး ၁၅မိနစ်ကနေ မိနစ်၂၀ထိ ကြာနိုင်ပါတယ်။ […]

မျက်ရစ်ဖော်ရန် ခွဲစိတ်ခြင်းဆိုတာဘာလဲ မျက်ရစ်ဖော်ရန် ခွဲစိတ်ခြင်းဆိုတာအပေါ်မျက်ခွံဖြစ်စေ၊ အောက်မျက်ခွံဖြစ်စေ၊ ၂ခုစလုံးဖြစ်စေ ကြည့်ကောင်းအောင် ပြုပြုင်ခြင်းပဲ ဖြစ်ပါတယ်။ အသက်ကြီးလာတာနဲ့အမျှ မျက်ခွံများဟာပိုရှည်လာပြီးမျက်ခွံကြွက်သားများအားနည်းလာပါတယ်။ အကျိုးဆက်အနေနဲ့ အဆီဓါတ်ဖြစ်စေတဲ့ တစ်သျှူးတွေ စုလာပြီးမျက်ခွံတွေ မို့လာစေပါတယ်။ အသက်ကြီးလာခြင်းကြောင့် ရင့်ရော်လာရုံသာမကမျက်ခွံတွေဖောင်းမို့လာတဲ့အခါ မြင်ကွင်းကိုပါ ကျဉ်းလာစေပါတယ်။ အထူးသဖြင့် အပေါ်ပိုင်း မြင်ကွင်းဟာကျဉ်းလာပါတယ်။ မျက်ရစ်ဖော်ခွဲစိတ်ခြင်းကြောင့် မြင်ကွင်းကျဉ်းလာတဲ့ ပြဿနာကိုဖြေရှင်းပေးတဲ့အပြင် သင့်မျက်လုံးကိုပိုမိုနုပျိုသွားစေပြီးဆွဲဆောင်မှုရှိလာစေပါတယ်။   မျက်ရစ်ဖော်ရန် ခွဲစိတ်ခြင်းဘယ်အချိန်မှာခံယူသင့်သလဲ သင့်မျက်ခွံတွေဟာမျက်လုံးကောင်းကောင်းမပွင့်နိုင်အောင် ပိတ်လာရင်၊ အပေါ်မျက်ခွံတွဲကျလာရင် မျက်ရစ်ဖော်ခွဲစိတ်ခြင်း ပြုလုပ်သင့်ပါတယ်။ မျက်ခွံတွေဆီကနေပိုနေတဲ့ တစ်သျှူးတွေကိုဖယ်ထုတ်လိုက်ရင် သင့်မြင်ကွင်းပိုကောင်းသွားပြီးမျက်လုံးဟာ နုပျိုပြီးဆွဲဆောင်မှုရှိလာမှာ ဖြစ်ပါတယ်။ ဒီခွဲစိတ်မှုကိုအောက်ပါအခြေအနေတွေမှာ ပြုလုပ်သင့်ပါတယ်။ အပေါ်မျက်ခွံများငိုက်ကျပြီးဖောင်းနေခြင်း အပေါ်မျက်ခွံမှ အရေပြားဟာသင့်ဘေးဘီမြင်ကွင်းကိုပိတ်ဆို့နေခြင်း အောက်မျက်ခွံများတွဲကျလာပြီးသူငယ်အိမ် အောက်ပိုင်းကို မြင်နေရခြင်း အပေါ်မျက်ခွံတွင် အရေပြားများပိုနေခြင်း မျက်လုံးအောက်ဝန်းကျင်တွင် ဖောင်းမို့နေခြင်း မျက်ရစ်ဖော်ရန် ခွဲစိတ်ခြင်းမခံယူခင် ဘာတွေသိထားသင့်သလဲ ဤ ခွဲစိတ်မှုသည်ပလတ်စတစ်ဆာဂျရီတမျိုးပါပဲ။ ဆိုးရွားပြီး ကြာရှည်တဲ့ ပြဿနာတွေ သိပ်မရှိပေမယ့် တခါတလေနောက်ဆက်တွဲပြသနာတချို့ ရှိပါတယ်။ […]

Bunion Surgery(ဘူနီယွန် ခြေမရိုးခွဲစိတ်မှု) ဆိုတာဘာလဲ Bunion Surgery ဆိုတာ Bunion ကြောင့် ဖိအားတွေ၊ နာကျင်မှုတွေဖြစ်တဲ့အခါ ဖယ်ပစ်ဖို့လုပ်တဲ့ ခွဲစိတ်မှုတစ်ခုပါ။ Bunion ဆိုတာ ခြေထောက်အပေါ်ဘက်၊ ခြေမအောက်ခြေမှာ ခြေမရိုးပုံယိုယွင်းသွားပြီး ရောင်ရမ်းနာကျင်နေခြင်းကိုခေါ်ပါတယ်။ ထိုခွဲစိတ်မှုက ခြေမကိုပြန်ဆန့်ပေးပြီး ခြေချောင်းတွေကိုသာမန် ရှူးဖိနပ်တွေနဲ့တော်အောင် ပြန်လုပ်ပေးနိုင်ပါတယ်။ Bunions များဖြစ်ရခြင်းအဓိကအကြောင်းကတော့ ရှူးဖိနပ်တွေက ခြေမအတွက်လုံလောက်အောင် မကျယ်တာကြောင့်ဖြစ်တယ်။ ဒါကြောင့်ခြေမကပုံမှန်နေရာမှာမနေနိုင်တော့ဘဲ ရောင်ရမ်းလာခြင်းဖြစ်တယ်။ တခါတရံမှာ ထိုရောဂါက ခြေမအခြေမှာ အရိုးအဆစ်ရောင်ခြင်းနဲ့ပါတွဲဖြစ်တတ်ပါတယ်။ ဘာကြောင့်ထိုခွဲစိတ်မှုလုပ်ရတာလဲ ထို Bunion ခြေမရိုးပုံယွင်းခြင်းအများစုဟာ ခွဲစိတ်စရာမလိုပဲ ကုသလို့ရပါတယ်။ ဒါပေမယ့် မခွဲစိတ်ဘဲမသက်သာဘူးဆိုရင်တော့ နာကျင်မှုပျောက်ဖို့နဲ့ ခြေထောက်ပုံယွင်းနေမှုကိုပြင်ဖို့ ခွဲစိတ်ရပါလိမ့်မယ်။ ခွဲစိတ်မှုကိုများသောအားဖြင့်- မခွဲစိတ်ဘဲနာကျင်မှုမသက်သာတော့တဲ့အခါ လမ်းလျှောက်ခြင်း ၊ ပုံမှန်လှုပ်ရှားမှုတွေမှာ ခက်ခဲနေပြီဆိုရင် လုပ်လေ့ရှိပါတယ်။ ဖြစ်လာနိုင်တဲ့အန္တရာယ်တွေ ထိုခြေထောက်ခွဲစိတ်မှုလုပ်ဖို့လေ့လာရင် ရိုးရှင်းတဲ့ခွဲစိတ်မှုနဲ့ ခြေထောက်ကိုလုံးဝအကောင်းပကတိဖြစ်အောင် ခွဲပေးနိုင်တယ်ဆိုတဲ့ ကြော်ငြာတွေကိုသတိထားပါ။ ဒါတွေကမှားပါတယ်။ ခွဲစိတ်မှုရဲ့အဓိကရည်ရွယ်ချက်က နာကျင်မှုသက်သာပြီး […]

အဓိပ္ပါယ်ဖွင့်ဆိုချက်ဝမ်းဗိုက်အတွင်း မှန်ပြောင်းဖြင့် ရောဂါရှာဖွေကုသခြင်းဆိုတာဘာလဲ။ ဝမ်းဗိုက်အတွင်းမှန်ပြောင်းဖြင့်ရောဂါရှာဖွေကုသခြင်းဆိုတာဟာဝမ်းဗိုက်နဲ့တင်ပါးဆုံရိုးအတွင်းပိုင်းကကိုယ်တွင်းအင်္ဂါတွေကိုမှန်ပြောင်းနဲ့စစ် ဆေးပြီးရောဂါကုသတဲ့ နည်းလမ်းပဲ ဖြစ်ပါတယ်။ မှန်ပြောင်းကြည့်ချိန်မှာပြဿနာတစုံတရာတွေ့ရင် တချိန်တည်းမှာပဲအသေးစားခွဲစိတ်မှုတွေ ပြုလုပ်ပါတယ်။ ဒီနည်းဟာ ဝမ်းဗိုက်နဲ့ တင်ပါးဆုံရိုးအတွင်းပိုင်းကနာကျင်ခြင်းနဲ့ အမျိုးသမီးများဓမ္မတာလာစဉ် ပြဿနာများ၊ မြုံခြင်းကိစ္စတွေမှာအကြောင်းရင်းများရှာဖွေရန် အသုံးဝင်ပါတယ်။ ဒါ့အပြင်သားအိမ်တစ်ရှူးသားအိမ်ပြင်ပရောက်ခြင်း (Endometriosis)ရောဂါ၊ ရောဂါပိုးဝင်ခြင်း၊ မျိုးပွားအင်္ဂါများတစ်ခုခုနှင့် တစ်ခုတွဲကပ်သွားခြင်း၊ မျိုးဥပြွန်ထိခိုက်ခြင်း၊ သားအိမ်ပြင်ပသန္ဓေတည်ခြင်း၊ မျိုးဥအိမ်အရည်အိတ်တည်ခြင်းစတဲ့ပြသနာတွေကိုရှာဖွေအတည်ပြုရာမှာလည်း အသုံးဝင်ပါတယ်။     လက္ခဏာများဝမ်းဗိုက်အတွင်း မှန်ပြောင်းဖြင့် ရောဂါရှာဖွေကုသခြင်းဘာကြောင့် ပြုလုပ်သလဲ။ တခြားစစ်ဆေးမှုတွေနဲ့ ရောဂါရှာဖွေရာမှာမထိရောက်တဲ့အခါ ဆရာဝန်ဟာ ဒီနည်းကိုအသုံးပြုပါတယ်။ ဒီနည်းနဲ့ အသားစရယူပါတယ်။ သင့်ရဲ့ဆရာဝန်ဟာ အောက်ပါ ကိုယ်တွင်းအင်္ဂါတွေကိုစစ်ဆေးဖို့မှန်ပြောင်းကြည့်တဲ့နည်းကိုညွှန်ပါလိမ့်မယ်။ အူအတက် သည်းခြေအိတ် အသည်း မုန့်ချိုအိတ် အူသိမ်နှင့်အူမ ဘေလုံး အစာအိမ် တင်ပဆုံရိုးအတွင်းပိုင်း မျိုးပွားအင်္ဂါများ အထက်ပါနေရာတွေကိုမှန်ပြောင်းကြည့် စစ်ဆေးပြီးချိန်မှာ ဆရာဝန်ဟာ အောက်ပါပြဿနာတွေရဲ့ အကြောင်းရင်းကိုရှာဖွေနိုင်ပါတယ်။ ဝမ်းဗိုက်အောင့်ခြင်း ဝမ်းဗိုက်အတွင်းမှ အကျိတ် ဝမ်းဗိုက်အတွင်း အရည်များစုခြင်း အသည်းရောဂါ အချို့ကုထုံးများ၏ ထိရောက်မှု ကင်ဆာရောဂါပြန့်ပွားမှုပမာဏ အကြောင်းရင်းများဝမ်းဗိုက်အတွင်း မှန်ပြောင်းဖြင့် ရောဂါရှာဖွေကုသခြင်းပြုလုပ်တဲ့အခါ ဖြစ်နိုင်ခြေအန္တရာယ်တွေကဘာတွေလဲ။ ရောဂါပိုးဝင်ခြင်း ဖြစ်ပွားနိုင်ပါတယ်။ ဒါကို ပဋိဇီဝဆေးနဲ့ ကာကွယ်နိုင်ပါတယ်။ အူရောင်ခြင်း၊ ရေဖျဉ်းစွဲခြင်း၊ ယခင်က ဝမ်းဗိုက်ခွဲစိတ်ဖူးခြင်းများရှိရင် မှန်ပြောင်းကြည့်ခြင်းမပြုလုပ်နိုင်ပါဘူး။ အတွေ့ရအများဆုံးနောက်ဆက်တွဲ ပြသနာကတော့ သွေးထွက်ခြင်းနဲ့ ပိုးဝင်ခြင်းပဲ ဖြစ်ပါတယ်။ […]

အစာအိမ်အူလမ်းကြောင်းနံရံရောင်ရမ်းသော Crohn ရောဂါအတွက် ခွဲစိတ်ကုသမှု ဆိုတာဘာလဲ။ အစာအိမ်အူလမ်းကြောင်းနံရံရောင်ရမ်းသော Crohn ရောဂါအတွက် ခွဲစိတ်ကုသမှု ကို ရောဂါလက္ခဏာတွေသက်သာစေဖို့ ပြုလုပ်ကြတာဖြစ်ပါတယ်။ ဒီခွဲစိတ်မှုမှာတော့ အစာခြေလမ်းကြောင်းရဲ့ အစိတ်အပိုင်းတွေကို ဖယ်ရှားခြင်း၊ ပြောင်းလဲခြင်းတွေ ပါဝင်ပါတယ်။ ခွဲစိတ်မှုကို ဆေးကုသမှုနဲ့ အခြားကုသမှုတွေ မအောင်မြင်ရင် အသုံးပြုနိုင်ပါတယ်။ Crohn ရောဂါ အစာအိမ်အူလမ်းကြောင်းနံရံရောင်ရမ်းခြင်း ဖြစ်ပါတယ်။ သူဟာ အူနံရံကို ထူလာစေပြီး အစာဖြတ်သန်းသွားလာခြင်းကို ပိတ်ဆို့စေနိုင်ပါတယ်။ အူရဲ့ ထိခိုက်သွားတဲ့နေရာမှာ အစာတွေကိုစုပ်ယူနိုင်မှုကျဆင်းနိုင်ပါတယ်။ များသောအားဖြင့် အူသေးကို ထိခိုက်တတ်ပြီး အူဘယ်နေရာမှာ မဆို ရောင်ရမ်းနိုင်ပါတယ်။ လက္ခဏာ အချို့ကတော့ ဗိုက်နာခြင်း ဝမ်းလျှောခြင်း ကိုယ်အလေးချိန်ကျဆင်းခြင်း ပင်ပန်းခြင်း ဖျားနာခြင်း ဆေးကုသမှုမရှိရင် လက္ခဏာတွေဟာ ပိုဆိုးလာပြီး ဆိုးကျိုးတွေကို ဖြစ်စေနိုင်ပါတယ်။ သင့်အတွက် မှန်ကန်တဲ့ ကုသမှုကို ရရှိဖို့ ဆရာဝန်နဲ့ […]

ခွဲစိတ်မှုပြုလုပ်ပြီးတဲ့လူနာတစ်ယောက်လုပ်ဖို့လိုအပ်တာကသူ့ကိုယ်သူသေချာဂရုစိုက်တာပါဘဲ။ ဒါကသင့်ရဲ့ကျန်းမာရေးပြန်လည်ကောင်းမွန်လာဖို့ကိုအထောက်အကူပြုတဲ့အပြင်ဒဏ်ရာကိုရောဂါပိုးဝင်ခြင်းမှလည်းကာကွယ်ပေးပါတယ်။   ခွဲစိတ်မှုပြီးတဲ့အခါ သင်ဘာတွေခံစားရနိုင်သလဲ ။ ခွဲစိတ်မှုပြီးတဲ့အခါမှာသင်ဟာ မေ့ဆေးအရှိန်ကြောင့်အားနည်းပြီးရီဝေဝေခံစားရနိုင်ပါတယ်။ ဆရာဝန်ကသင့်ကို ပိုက်နဲ့ဲပဲဖြစ်ဖြစ်နှာခေါင်းအုပ်နဲ့ပဲဖြစ်ဖြစ် အောက်ဆီဂျင်ထောက်ပံ့ပေးပါမယ်။ မေ့ဆေးရှိန်ကြောင့်ဖျားနာခြင်း၊အန်ခြင်းတွေလည်းဖြစ်နိုင်ပါသေးတယ်။ သင့်ကိုဒါတွေကနေသက်သာစေဖို့ဆရာဝန်ကဆေးပေးပါလိမ့်မယ်။ ဒါ့အပြင်သင်ဟာနှုတ်ခမ်းခြောက်ခြင်း၊လည်ချောင်းနာခြင်းတို့လည်းဖြစ်နိုင်ပါတယ်။ သင့်ရဲ့သူနာပြုကခွဲစိတ်မှုအပြီးသင်ကျန်းမာမှုရှိမရှိသေချာဖို့အတွက်သင့်ရဲ့သွေးဖိအားနဲ့အပူချိန်ကိုလာတိုင်းမှာပါ။ ခွဲစိတ်ထားတဲ့ဒဏ်ရာကသင့်ရဲ့ပုံပန်းသွင်ပြင်ကိုပြောင်းလဲစေတဲ့အတွက်သင်ဂရုစိုက်မိနေပါလိမ့်မယ်။ သင့်အနေနဲ့ သေချာဂရုစိုက်မယ်ဆိုရင်လုံးဝပျောက်ကင်းနိုင်ပါတယ်။ ခွဲစိတ်ဒဏ်ရာကအများသောအားဖြင့်နှစ်ပတ်ဆိုကောင်းပါပြီ။ တကယ်လို့သင်က စတီးရွိုက်လိုမျိုးဆေးတွေသောက်နေရတာမျိုး၊တခြားကျန်းမာရေးအခြေအနေရှိတာပဲမျိုးမျိုးဆိုရင်တော့နှစ်ပတ်ထက်ပိုကြာနိုင်ပါတယ်။   ဘယ်လိုဂရုစိုက်ရမလဲ ။ သွေးခဲခြင်းမဖြစ်ပါစေနဲ့။ သွေးမခဲစေဖို့အရေးကြီးပါတယ်။ ဒါ့ကြောင့်ဖြစ်နိုင်ရင်သင့်အနေနဲ့နည်းနည်းလှုပ်ရှားနေပေးပါ။ အိပ်ရာပေါ်မှာပဲလှဲနေခြင်းကသင့်ကိုအနာမြန်မြန်မကျက်စေပါဘူး။ ဒါကသင့်ကိုသွေးခဲနိုင်ချေတောင်များစေပါတယ်။ ခြေထောက်လေ့ကျင့်ခန်းတွေလုပ်နေပေးတာကသင့်ကိုသွေးမခဲစေတော့ပါဘူး။ ခြေထောက်လေ့ကျင့်ခန်းဆိုတာကဘာမှခက်ခက်ခဲခဲမဟုတ်ပါဘူး။ ဒူးကိုကွေးလိုက်ဆန့်လိုက်ဒါမှမဟုတ် ခြေကျင်းဝတ်ကိုလှည့်လိုက်ဒါတွေပဲဖြစ်ပါတယ်။ သင်ခွဲစိတ်မှုအပြီးမှာဆရာဝန်ကသင့်ခြေထောက်သွေးလည်ပတ်မှုကိုအထောက်အကူပြုတဲ့ အထူးခြေအိတ်ကိုပေးချင်ပေးပါလိမ့်မယ်။ ဘယ်လိုအသုံးပြုရမလဲဆိုတာတော့နားလည်အောင်လုပ်ပါ။ ရောဂါပိုးဝင်နိုင်ခြေကိုလျှော့ပါ။ ခွဲစိတ်ပြီးအနာမကျက်ခင်အချိန်မှာသင်ဟာရောဂါပိုးကူးစက်ဖို့လွယ်ကူနေပါတယ်။ ရောဂါပိုးကူးစက်နိုင်ချေနည်းဖို့အတွက်သင်ဟာဆရာဝန်နဲ့အနာကိုဘယ်လောက်ကြာအောင်ခြောက်သွေ့စေရမလဲမေးပြီးဆရာဝန်ပြောတဲ့အတိုင်းလိုက်နာသင့်ပါတယ်။ နေ့စဉ်ဒဏ်ရာကို ရောဂါပိုးဝင်နေလားဆိုတာစစ်ဆေးဖို့လည်းမမေ့ပါနဲ့။ ဒါ့အပြင်သင်မလုပ်သင့်တာတစ်ခုရှိပါသေးတယ်။ သင့်ရဲ့ဒဏ်ရာကိုကုတ်တာပဲဖြစ်ဖြစ် ၊ပွတ်တာပဲဖြစ်ဖြစ်လုပ်တာကအနာအတွက်မကောင်းပါဘူး။ ကပ်ထားတဲ့ပတ်တီးပြားတွေကိုဆရာဝန်မပြောဘဲမခွာပါနဲ့။ ဆရာဝန်ရေချိုးခွင့်မပေးမချင်းရေပတ်ဘဲတိုက်ပါ။ ဒါပေမယ့် ရေပတ်ပဲတိုက်တိုက်၊ ရေပဲချိုးချိုးသင့်ဒဏ်ရာကိုပလတ်စတစ်နဲ့အုပ်ထားရပါမယ်။ သင့်ရဲ့ခွဲစိတ်ထားသောချုပ်ရိုးကိုဂရုစိုက်ပါ။ ချုပ်ရိုးကိုချုပ်ကြိုး၊တွဲစက်ဒါမှမဟုတ်ခွဲစိတ်ခန်းသုံးကော်တွေနဲ့ပိတ်ထားပါလိမ့်မယ်။ တွဲစက်နဲ့တွဲထားတာဆိုရင်အနာကျက်တာနဲ့ဆရာဝန်ကတွဲစက်တွေကိုဖြုတ်ပေးပါမယ်။ ဒဏ်ရာကအများသောအားဖြင့်၅ရက်ကနေ၁၀ရက်အတွင်းကျက်ပါတယ်။ ချုပ်ကြိုးနဲ့ဆိုရင်တော့အချိန်ကြာလာလို့ချုပ်ကြိုး ပျောက်သွားတာပဲဖြစ်ဖြစ်ဆရာဝန်ကဖြည်ပေးတာပဲဖြစ်ဖြစ်လုပ်ပါလိမ့်မယ်။ ချုပ်ကြိုးစတွေ၊တွယ်စက်တွေ၊ ကော်တွေကိုလက်နဲ့ဆွခြင်းမပြုရပါဘူး။ တကယ်လို့ဒဏ်ရာကယားလာတယ်ဆိုရင်အယားပြေဖို့ဆရာဝန်ဆီကဆေးတောင်းနိုင်ပါတယ်။ တကယ်လို့ ချုပ်ရာကသွေးထွက်လာတယ်ဆိုရင်ပုဝါသန့်သန့်ကိုယူပြီး၅မိနစ်ခန့်ဖိအုပ်ထားနိုင်ပါတယ်။ တကယ်လို့အဲဒါကအလုပ်မဖြစ်ဘူးဆိုရင်ဆရာဝန်ခေါ်ပြီးဆေးရုံအရေးပေါ်ခန်းသွားပါ။   Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

အဓိပ္ပါယ်ဖွင့်ဆိုချက်Amputation (ခြေလက် ခွဲစိတ်ဖြတ်တောက်ခြင်း) ကဘာလဲ။ ခွဲစိတ်ဖြတ်တောက်ခြင်း ဆိုသည်မှာ ခြေလက်တစ်ခုလုံး (သို့) ခြေလက်အစိတ်အပိုင်းများ ၊ လက်ချောင်း၊ခြေချောင်းများ ခွဲစိတ်ဖယ်ရှားခြင်းပဲဖြစ်ပါတယ်။ ဒီလိုကုသမှုမျိုးကို ထိခိုက်ဒဏ်ရာ နဲ့ရောဂါဝေဒနာ၊ ရောဂါပိုးကူးစက်မှုတွေကို ကုသဖို့နဲ့ အရိုး၊ကြွက်သားတွေကနေ အကျိတ်တွေကို ဖယ်ရှားဖို့အတွက် နောက်ဆုံးနည်းလမ်း တစ်ခုအနေနဲ့သာ အသုံးပြုကြပါတယ်။ Amputation (ခြေလက် ခွဲစိတ်ဖြတ်တောက်ခြင်း) က အဖြစ်များသလား။ ဒီလိုဖြတ်တောက်ပစ်ရခြင်းတွေဟာ အလွန် အဖြစ်များပါတယ်။ အမျိုးသမီးတွေထက်အမျိုးသားတွေမှာ ပိုတွေ့ရပါတယ်။ ဒီလိုမျိုးပြုလုပ်ရခြင်းဟာ အသက်အရွယ်မရွေးဖြစ်နိုင်ပါတယ်။ အထူးသဖြင့်တော့ အသက်၇၀နဲ့ အထက်တွေမှာ ပိုဖြစ်တတ်ပါတယ်။ ဒါပေမယ့် ဖြစ်ပွားနိုင်ချေ မြင့်မားစေတဲ့ အကြောင်းတွေကို လျော့ချပြီးတော့ ရောဂါကို စီမံနိုင်ပါတယ်။ ပိုမိုသိရှိလိုသည်များအတွက် သင့်ဆရာဝန်နဲ့ဆွေးနွေးတိုင်ပင်နိုင်ပါတယ်။ အန္တရာယ်နဲ့ နောက်တွဲဆိုးကျိုးများAmputation (ခြေလက် ခွဲစိတ်ဖြတ်တောက်ခြင်း) ရဲ့ နောက်ဆက်တွဲဆိုးကျိုးတွေက ဘာတွေလဲ ခြေလက်များ ခွဲစိတ်ဖြတ်တောက်ခြင်းဟာအောက်ပါ နောက်ဆက်တွဲဆိုးကျိုးများကိုဖြစ်စေနိုင်ပါတယ်။ • နှလုံးရောဂါ။ ခန္ဓါကိုယ် […]

အဓိပ္ပါယ်ဖွင့်ဆိုချက်မေးရိုးအောက် တံတွေးဂလင်းတွေဆိုတာ ဘာတွေလဲ။ သူတို့ဟာ တံတွေးထုတ်ပေးနိုင်တဲ့ ဂလင်းတွေပဲ ဖြစ်ကြပါတယ်။ သင့်ရဲ့ မေးရိုးအောက်ဘယ်ညာတစ်ဖက်တချက်စီမှာ ဂလင်းတစ်ခုစီနဲ့စုစုပေါင်းဂလင်းနှစ်ခုရှိပါတယ်။ ပိုးခဏခဏဝင်ခြင်း ၊ တံတွေးလမ်းကြောင်းပိတ်ခြင်း၊ အကြောင်းရင်းခံမသိရဘဲ ဂလင်းကြီးလာခြင်း ဒါမှမဟုတ် တံတွေးအလွန်အကျွံထုတ်ခြင်းတို့ကြောင့် မေးရိုးအောက်တံတွေးဂလင်းကို ဖယ်ရှားပစ်ဖို့လိုလာတတ်ပါတယ်။ ဘာလို့ မေးရိုးအောက်တံတွေးဂလင်းကို ဖယ်ရှားပစ်ဖို့လိုတာလဲ။ မေးရိုးအောက်ဂလင်းမှာ ပြဿနာတစ်ခုခုရှိရင် ရောင်ရမ်းနာကျင်တာနဲ့ သင့်ပါးစပ်ထဲမှာ မူမမှန်ဆိုးရွားတဲ့ အရသာကြီးရနေတာမျိုး ဖြစ်လာတတ်ပါတယ်။ မေးရိုးအောက် တံတွေးဂလင်းကို ဖယ်ရှားလိုက်မယ်ဆိုရင် အဆိုပါလက္ခဏာတွေ သက်သာပျောက်ကင်းသွားမှာဖြစ်သလို ဂလင်းဘာလို့ကြီးရတာလဲဆိုတဲ့အကြောင်းရင်းကိုပါ ရှာဖွေဖော်ထုတ်နိုင်မှာ ဖြစ်ပါတယ်။ ပြင်ဆင်မှုခွဲစိတ်မှုမပြုလုပ်ခင် ဘာတွေသိထားသင့်သလဲ။ တစ်ခါတလေ ခွဲစိတ်မှုလုပ်စရာမလိုဘဲ ပိတ်ဆို့မှုတွေကို ဖယ်ရှားကုသပေးနိုင်တာမျိုးလည်းရှိပါတယ်။ တံတွေးတွေအများကြီးထွက်နေမယ်ဆိုရင် ဆေးဝါးတွေကို သုံးစွဲပေးခြင်းအားဖြင့်လည်း သက်သာစေနိုင်ပါတယ်။ ခွဲစိတ်မှုကြောင့် ဖြစ်လာနိုင်တဲ့ နောက်ဆက်တွဲ ပြဿနာတွေ၊ အန္တရာယ်တွေအကြောင်းကို ခွဲစိတ်ကုသမှုမခံယူခင်မှာ သင့်အနေနဲ့ကောင်းကောင်းနားလည်သဘောပေါက်ထားဖို့လိုအပ်ပါတယ်။ တကယ်လို့သင့်အနေနဲ့ မရှင်းလင်းတာ၊ မေးချင်တာတွေရှိတယ်ဆိုရင် သင့်ဆရာဝန် ဒါမှမဟုတ် ခွဲစိတ်ဆရာဝန်နဲ့ဆွေးနွေးတိုင်ပင်မေးမြန်းနိုင်ပါတယ်။ ခွဲစိတ်မှုမခံယူခင် […]

Termination Of Pregnancy (ကိုယ်ဝန်ဖျက်ချခြင်း) အကြောင်းလေး လေ့လာလိုက်ရအောင်နော်။ Termination Of Pregnancy (ကိုယ်ဝန်ဖျက်ချခြင်း) ဆိုတာဘာလဲ။ Termination Of Pregnancy (ကိုယ်ဝန်ဖျက်ချခြင်း) ဆိုတာက ကိုယ်ဝန်ကို စောစီးစွာဖျက်ချခြင်းကို ဆိုလိုပါတယ်။ တစ်နည်းအားဖြင့် ပြောရရင် တရားဝင်ကိုယ်ဝန်ဖျက်ချခြင်းပါ။တရားဝင်ကိုယ်ဝန်ဖျက်ချခွင့်ရှိတဲ့နိုင်ငံတွေမှာ အမျိုးသမီးတိုင်းဟာ ကိုယ်ဝန်၂၄ ပတ်မတိုင်ခင်မှာ ဖျက်ချခွင့်ရှိပါတယ်။ ၂၄ပတ်နောက်ပိုင်းမှာ ဖျက်ချတာမျိုးက ရှားတယ်ဆိုပေမယ့် ဒီလိုလုပ်ဖို့လိုအပ်လာပြီဆိုရင် (သင့်ရဲ့လက်ရှိကျန်းမာရေးအခြေအနေ၊ နောက်ပိုင်းမှာကြုံတွေ့လာရမယ့် ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ လူမှုရေးဆိုင်ရာ အခက်အခဲ ပြဿနာတွေအပေါ် အခြေခံပြီး) ဆရာဝန်နှစ်ဦးရဲ့ ထောက်ခံချက်နဲ့ဖျက်ချနိုင်ပါတယ်။ (မှတ်ချက်။ မြန်မာနိုင်ငံတွင် တရားဝင် ကိုယ်ဝန်ဖျက်ချခွင့် မရှိပါ။) ဘယ်လိုနည်းလမ်းတွေနဲ့ ဖျက်ချနိုင်သလဲ။ ကိုယ်ဝန်နုစဉ်မှာ ဆေးသောက်တဲ့ နည်းလမ်း (ကိုယ်ဝန် ၉ပတ်အထိ) ဒါဟာ သဘာဝအလျောက် ကိုယ်ဝန်ပျက်ကျတဲ့ ပုံစံကိုတုပထားတာ ဖြစ်ပါတယ်။ ဒီနည်းလမ်းကို ကိုယ်ဝန် ၉ပတ် ဒါမှမဟုတ် […]

သိုင်းရွိုက်ဂလင်းဆိုတာ ဘာလဲ။ သင့်လည်ပင်းမှာရှိပြီး ခန္ဓါကိုယ်ရဲ့ဇီဝကမ္မ ဖြစ်စဉ်တွေကို ထိန်းညှိပေးတဲ့ သိုင်းရွိုက်ဟော်မုန်းကို ထုတ်ပေးနိုင်သောဂလင်းကို သိုင်းရွိုက်ဂလင်းလို့ ခေါ်ပါတယ်။ ဒီဂလင်း ကြီးလာတာကို လည်ပင်းကြီးတယ်လို့ခေါ်ပါတယ်။ သိုင်းရွိုက်ဂလင်း ဖြတ်ထုတ်ခြင်းဟာ ဘယ်လိုအကျိုးကျေးဇူးတွေ ရှိသလဲ။ သိုင်းရွိုက်ဂလင်းဖယ်ထုတ်ခြင်းအားဖြင့် လည်ပင်းကြီးခြင်းကြောင့် အရုပ်ဆိုးနေတဲ့ အသွင်အပြင်ကိုပြောင်းလဲတိုးတက်စေပြီး ရောဂါနောက်ဆက်တွဲ ပြဿနာတွေဖြစ်တဲ့ အသက်ရှုရခက်ခြင်း၊ မျိုချရခက်ခြင်းအစရှိတာတွေကိုလည်း ကာကွယ်၊ ပျောက်ကင်းစေနိုင်ပါတယ်။ သိုင်းရွိုက်ဂလင်းကို ဖြတ်ထုတ်လိုက်တာ ဘာအန္တရာယ်တွေများရှိနိုင်သလဲ။ အဖုအလုံးအများကြီးပေါ်လာပြီး ဂလင်းရဲ့လုပ်ငန်းဆောင်တာတွေ ပုံမှန်အတိုင်းသာပြုလုပ်တဲ့ (euthyroidmultinodular goiters) လည်ပင်းကြီးရောဂါအများစုအတွက် ခွဲစိတ်ခြင်း ဒါမှမဟုတ် ဆေးသောက်ခြင်းတွေ ပြုလုပ်ဖို့မလိုပါဘူး။ အဖုအလုံးတစ်ခုချင်းစီရဲ့အရွယ်အစားကို မျက်ခြေမပြတ်သိရှိနေစေဖို့အတွက် သိုင်းရွိုက်ဂလင်းကို အာထရာဆောင်း မကြာခဏရိုက်ရပါမယ်။ အဖုအရွယ်အစား အလွန်ကြီးမားရင်တော့ လေပြွန်ကိုဖိပြီး ပိတ်ဆို့တာမျိုးရှိမရှိ သိနိုင်ဖို့နဲ့ သိုင်းရွိုက်ဂလင်းရဲ့ အရွယ်အစားကိုသိရှိနိုင်ဖို့အတွက် သံလိုက်ဓါတ်မှန် ဒါမှမဟုတ် ကွန်ပျူတာဓါတ်မှန် ရိုက်ရပါမယ်။ အဖုအလုံးတွေ အများကြီးရှိပြီး ဟော်မုန်းတွေပုံမှန်ထက် အများကြီးပိုထုတ်ကာ ရောဂါအရမ်းကြွနေတဲ့ […]