ဆောင်းရာသီမှာ လည်ချောင်းမနာဖို့ ဒီလိုကာကွယ်ကြမယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ဆောင်းရာသီလိုမျိုး ခြောက်သွေ့အေးစက်တဲ့ ကာလဆိုတာ ရောဂါပိုးမွှားတွေ ပျံ့နှံ့ပေါက်ဖွားဖို့ အရမ်းလွယ်ကူတဲ့ အချိန်ကာလပါ။ အဲ့ဒါကြောင့်လည်း ဒီလိုမျိုး အေးတဲ့အချိန်ဆို ခဏခဏ ဖျားနာတာ၊ နှာစေးအအေးမိ၊ လည်ချောင်းနာနေကြတာပေါ့။ ဒါ့အပြင် ပါးစပ်ကို လက်ကိုင်ပဝါနဲ့ မအုပ်ဘဲ နှာချေ၊ ချောင်းဆိုးလိုက်တဲ့အခါမျိုးမှာဆို သူတို့ကိုယ်ခန္ဓာထဲမှာ ရှိနေတဲ့ ရောဂါပိုးမွှားပေါင်းများစွာက လေထဲကို အလွယ်တကူ ပျံ့နှံ့သွားပြီး တခြားသူတွေဆီကို ကူးစက်ဖို့ ပိုလွယ်တာပေါ့။

လည်ချောင်းနာတယ်ဆိုတာ ပုံမှန် ရိုးရိုးဖျားနာတာ၊ ရာသီအပြောင်းအလဲကြောင့် ဓာတ်မတည့်ဖြစ်တာ စတဲ့ကျန်းမာရေးပြဿနာအနေနဲ့ ရင်ဆိုင်ရတဲ့အခါ တွေ့နေကျ လူတွေနဲ့လည်း သိပ်မစိမ်းတော့တဲ့ လက္ခဏာတစ်မျိုးပါပဲ။ အရမ်းကြီး စိုးရိမ်စရာမဟုတ်ပေမဲ့ လည်ချောင်းနာတဲ့ ဝေဒနာကြီးကို ဒီအတိုင်းနေရင်လည်း ခံစားနေရတယ်။ အစာစားလိုက်တဲ့အချိန်၊ ရေသောက်လိုက်တဲ့အချိန်ဆိုရင်လည်း လည်ချောင်းက ပူစပ်ပူလောင်နဲ့ နာနေတော့ နေရတာ အဆင်မပြေတော့ဘူးပေါ့။

ဒါဆို ဘာကြောင့် လည်ချောင်းနာတာလည်း။

• ရိုးရိုး အအေးမိဖျားနာတာ
• ဗိုင်းရပ်စ်ပိုးဝင်ပြီး လည်ချောင်း၊ လေပြွန်ရောင်ရမ်းခြင်း
• ရေကျောက်၊ ဝက်သက်ပေါက်ခြင်း
• လေထဲမှာရှိတဲ့ ဖုန်တွေ၊ အမှုန်အမွှားတွေနဲ့ ဓာတ်မတည့်ဖြစ်ခြင်း
• ကျနေတဲ့ နှာရည်တွေကို အထဲပြန်ရှူသွင်းပြီး မျိုချခြင်း
• ပါးစပ်ဖွင့်ပြီး အသက်ရှူသွင်း ရှူထုတ်လုပ်ခြင်း
• ရင်ပူခြင်း စတဲ့ ကျန်းမာရေးပြဿနာတွေကြောင့် လည်ချောင်းနာနိုင်ပါတယ်။

အဓိကကတော့ လူများလွန်းတဲ့ နေရာတွေကို သွားတာ၊ ရောဂါပိုးရှိတဲ့လက်နဲ့ မျက်လုံး၊ နှာခေါင်း၊ ပါးစပ်အုပ်တာ၊ ဘာကိုင်ကိုင် ကိုင်ပြီးတိုင်း လက်မဆေးတာတွေကြောင့်လည်း ရောဂါပိုးတွေ ပျံ့နှံ့ဖို့ ပိုလွယ်ကူသွားတာပါပဲ။

ဒါဆို လည်ချောင်းမနာရအောင် ဘယ်လိုကာကွယ်လို့ ရမလဲ။

လည်ချောင်းနာတာကို ရာနှုန်းပြည့် ကာကွယ်လို့မရပေမယ့် တတ်နိုင်သလောက် ဖျားနာခြင်းနည်းစေဖို့အတွက် ကိုယ့်ရဲ့ နေထိုင်စားသောက်မှုပုံစံကို ပြင်ကြည့်လို့ရပါတယ်။ ဘာတွေပြုပြင်ဖို့ လိုအပ်သလဲဆိုရင်

၁။ အပြင်ကနေ ပြန်လာရင်၊ အိမ်သာတက်ပြီးတိုင်း၊ အစာမစားခင်၊ အစာစားပြီးတိုင်း လက်ကို ဆပ်ပြာနဲ့ သေချာဆေးကြောဖို့ လိုပါတယ်။

၂။ အပြင်မှာ လက်ဆေးဖို့ နေရာမရှိရင် လက်သန့်စင်ဆေးရည် ဆောင်ထားပါ။ လိုသလောက် ပမာဏကို လက်ဖဝါးပေါ်ထည့်ပြီး လက်နေရာအနှံ့ကို လိမ်းပေးပါ။

၃။ လက်မဆေးဘဲ မျက်နှာ၊ ပါးစပ်၊ နှာခေါင်းကို မပွတ်ပါနဲ့။

၄။ ချောင်းဆိုး၊ နှာချေတော့မယ်ဆိုရင် ပါးစပ်ကို လက်ကိုင်ပဝါနဲ့ အုပ်ပါ။ တခြားသူတွေ စည်းမဲ့ကမ်းမဲ့ နှာချေချောင်းဆိုးနေရင်လည်း ကိုယ့်နှာခေါင်းကို တစ်ခုခုနဲ့ လုံအောင်အုပ်ထားပါ။

၅။ ရေများများသောက်ပါ။ အေးနေတဲ့အချိန်ဆိုရင် ရေသောက်ဖို့ တော်တော်များများ ပျင်းတတ်ကြပါတယ်။ ဒီလိုအချိန်တွေဆိုရင် ကိုယ်ခန္ဓာက ရေဓာတ်ခမ်းခြောက်လွယ်တဲ့အတွက် လွယ်လွယ်နဲ့ ဖျားနာနိုင်ပါတယ်။ ဒါကြောင့် ရေကို အနည်းဆုံး ၃လီတာထက်မနည်း သောက်ပေးဖို့လိုပါတယ်။

၆။ ဟင်းသီးဟင်းရွက်၊ အသီးအနှံ များများစားပေးပါ။

၇။ မနက်ပိုင်းမှာ ဗီတာမင် စီ အားဆေးတစ်လုံး သောက်ပေးပါ။

၈။ ညအိပ်ချိန် တစ်နေ့ ၈နာရီရှိအောင် အိပ်ပေးပါ။ ပိတ်ရက်တွေမှာ ပိုအိပ်စက်အနားယူပါ။

၉။ ဖျားနာနေတယ်လို့ သံသယရှိတဲ့သူနဲ့ ဝေးဝေးမှာနေပါ။ အဲ့ဒီလူရဲ့ အသုံးအဆောင်ပစ္စည်းတွေနဲ့ ထိတွေ့မိရင် လက်ကို ဆပ်ပြာနဲ့ ပြောင်စင်အောင် ဆေးပေးပါ။

ခုပြောပြခဲ့တဲ့ နည်းလမ်းတွေနဲ့ လည်ချောင်းမနာအောင်၊ အလွယ်တကူ မဖျားနာအောင် လိုက်နာကြည့်ဖို့ ထပ်မံအကြံပေးလိုက်တယ်နော်။ ကိုယ့်ရဲ့ ကျန်းမာရေးကောင်းခြင်း၊ မကောင်းခြင်းသည် ကိုယ့်ရဲ့ နေထိုင်စားသောက်မှုပုံစံနဲ့ အများကြီးဆက်နွယ်နေတာကြောင့် သတိလက်လွတ်မနေဖို့ သေချာ ဂရုစိုက်ပေးပါ။

Hello ဆရာဝန်ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ နေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

တံတွေးဂလင်းပိုးဝင်ခြင်း

ဘက်တီးရီးယား၊ ဗိုင်းရပ်စ်ပိုးတမျိုးမျိုးဟာ တံတွေးဂလင်း ဒါမှမဟုတ် တံတွေးထွက်ရာလမ်းကြောင်းအတွင်းကို ဝင်ရောက်ကူးစက်ခြင်းကို တံတွေးဂလင်းပိုးဝင်တယ်လို့ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ကိုဗစ်ကာကွယ်ဖို့ရာ ဗီတာမင်ဒီ ကို မဖြစ်မနေ သောက်သင့်လား

ဗီတာမင်ဒီဟာ ကိုဗစ် ကာကွယ်ရေးမှာရော ကုသရေးမှာပါ ကောင်းကျိုးရှိတယ်လို့ လုံလောက်တဲ့ သက်သေပြချက် မရှိသေးပါဘူး။ ဒါကြောင့် ချိန်ဆပြီး သောက်ဖို့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 21, 2020 . 2 mins read

အသက်ရှူလမ်းကြောင်းရောဂါတွေကို ဘယ်လိုကုသလို့ရသလဲ။

အသက်ရှူလမ်းကြောင်းမှ ဖြစ်တဲ့ ရောဂါတွေက အများကြီးရှိပါတယ်။ ရောဂါအခြေအနေ၊ လူနာအခြေအနေပေါ်မူတည်ပြီး ကုသနည်းတွေ ကွဲပြားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

COVID-19 ကြောင့် အနံ့ပျောက်ရင် ဘာလုပ်ရမလဲ။

အခု ကိုဗစ်ဒုတိယလှိုင်းမှာ အတွေ့ရအများဆုံးက အနံ့ပျောက်တာပါ။ နေ့စဉ် အနံ့ပျောက်လို့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 16, 2020 . 2 mins read

သင့်အတွက် ရွေးချယ်ထားသည်

Glass skin လေးဖြစ်အောင် အခြေခံအချက်တွေကို ဂရုစိုက်ကြမယ်။

Glass skin လေးဖြစ်အောင် အခြေခံအချက်တွေကို ဂရုစိုက်ကြမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ခြေဖနောင့်အက်ကွဲ ခြင်း ပြဿနာ

ခြေဖနောင့်အက်ကွဲ ခြင်း ပြဿနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
အဝတ်အထည်၊ ပိုက်ဆံနဲ့ အိမ်မွေးတိရစ္ဆာန်တွေပေါ်မှာ ကိုရိုနာဗိုင်းရပ်စ် ဘယ်လောက်ကြာကြာ အသက်ရှင်နိုင်သလဲ

အဝတ်အထည်၊ ပိုက်ဆံနဲ့ အိမ်မွေးတိရစ္ဆာန်တွေပေါ်မှာ ကိုရိုနာဗိုင်းရပ်စ် ဘယ်လောက်ကြာကြာ အသက်ရှင်နိုင်သလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 23, 2020 . 1 min read
လေထုထဲမှ ကူးစက်နိုင်သော ရောဂါများ

လေထုထဲမှ ကူးစက်နိုင်သော ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read