Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ)

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

အဓိပ္ပါယ်ဖွင့်ဆိုချက်

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) ကဘာလဲ။

အရိုးများနှင့်အရိုးနုများ ပုံပျက်သည့်ရောဂါဆိုတာဟာ ရှားပါးပြီး ဆိုးရွားတဲ့ မျိုးရိုးဗီဇချို့ယွင်းတဲ့ ရောဂါဖြစ်ပါတယ်။ ကိုယ်ခန္ဓါတိုတောင်းပြီး ခြေလက်များသေးခြင်း၊ ရင်ဘတ်ကျဉ်းခြင်း တွေ့ရပါတယ်။ ဖွံ့ဖြိုးကြီးထွားစေတဲ့ ဟော်မုန်းတွေ အလုံအလောက် မထွက်ရင် ဖြစ်တတ်ပါတယ်။ ရလာဒ်အနေနဲ့ အရိုးနုနဲ့အရိုးတွေ ကောင်းစွာ မဖွံ့ဖြီုးဘဲ အရိုးငြမ်းအဖွဲ့အစည်းမှာ ပုံစံမမှန်တာတွေ ဖြစ်တတ်ပါတယ်။

သင်နဲ့သင့်ရဲ့အိမ်ထောင်ဖက်ဟာ ဒီရောဂါဖြစ်စေတဲ့ မျိုးရိုးဗီဇကို သယ်ဆောင်လာတယ်ဆိုရင် သင့်ကလေးမှာ ဖြစ်နိုင်ခြေများပါတယ်။ ဒီရောဂါရှိတဲ့ ကလေးအများစုဟာ အသက်ကောင်းစွာ မရှူနိုင်တာကြောင့် မွေးဖွားခြင်းမပြုမီနဲ့ မွေးကင်းစအရွယ်မှာ သေဆုံးတတ်ကြပါတယ်။ ဒီရောဂါအတွက် ကုသဖို့ နည်းလမ်း မရှိပါဘူး။ သူ့ရဲ့ ကျန်တဲ့သက်တမ်းကို အသက်သာဆုံးဖြစ်အောင် လုပ်ပေးဖို့ပဲ တတ်နိုင်ပါတယ်။

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) က ဘယ်လောက်အဖြစ်များသလဲ

စာရင်းဇယားများအရ ဒီရောဂါနဲ့ တခြားပုံစံတူရောဂါဖြစ်တဲ့ အရိုးများနှင့်အရိုးနုများ ဖွံ့ဖြိုးမှုနှေးကွေးတဲ့ပြသနာ နှစ်မျိုးစလုံးဟာ ကလေးပေါင်း ၄သောင်းကနေ ၆သောင်းမှာ တယောက်တွေ့ရတတ်ပါတယ်။

ဒါပေမယ့် ဖြစ်နိုင်ခြေမြင့်တဲ့ အချက်တွေကို လျှော့ချပြီး ကာကွယ်နိုင်ပါတယ်။

ပိုသိရအောင် ဆရာဝန်နဲ့ တိုင်ပင်ဆွေးနွေးပါ။

လက္ခဏာများ

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) ရဲ့လက္ခဏာတွေကဘာတွေလဲ

ခြေလက်များ တိုတောင်းပြီး ရင်ခေါင်းကျဥၤးတာဟာ ဒီရောဂါ အမျိုးအစားများ အားလုံးမှာတွေ့ရပါတယ်။ တခြား လက္ခဏာတွေကတော့ အမျိုးအစားပေါ် မူတည်ပြီး ကွဲပါတယ်။ တမျိုးချင်းစီကို အတိအကျ သိရအောင် မျိုးရိုးဗီဇ စစ်ဆေးဖို့ လိုအပ်ပါတယ်။

အမျိုးအစား 1A လက္ခဏာများ

  • ဦးခေါင်းခွံပျော့ခြင်း
  • ကျောရိုးနှင့်တင်ဆုံရိုးကွင်းပျော့ခြင်း
  • နံရိုးများတို၍ ကျိုးလွယ်ခြင်း

အမျိုးအစား 1B လက္ခဏာများ

  • ဝမ်းဗိုက်လုံးခြင်း
  • ချက်အနီးတွင် အိတ်ကဲ့သို့ဖောင်းနေခြင်း
  • ခြေချောင်းလက်ချောင်းများတိုခြင်း
  • ခြေထောက်များ အတွင်းဘက်သို့ ခွင်ခြင်း

အမျိုးအစား 2 လက္ခဏာများ

  • နံရိုးများတိုခြင်း
  • အဆုတ်များဖွံ့ဖြိုးမှုအားနည်းခြင်း
  • အာခေါင်ကွဲခြင်း
  • မေးစေ့သေးခြင်း
  • နဖူးနှင့်ဝမ်းဗိုက်ကြီးခြင်း

အမျိုးအစား 1A

ဒီအမျိုးအစားမှာ ကလေးရဲ့ ဦးခွံရိုးဟာ အလွန်ပျော့ပြီး ခြေလက်တွေ တိုပါတယ်။ ကျန်အမျိုးအစားတွေမှာလိုပဲ ရင်ခေါင်းကျဉ်းပြီး အသက်ကောင်းစွာ မရှူနိုင်ပါဘူး။ ကျောရိုးနဲ့ တင်ဆုံရိုးကွင်း ကောင်းစွာ မဖွံ့ဖြိုးပါဘူး။ ကျိုးပဲ့လွယ်တဲ့ နံရိုးတွေလည်း ရှိပါတယ်။

အမျိုးအစား 1B

အမျိုးအစား 1A နဲ့ တူပါတယ်။ ခွဲခြားဖို့အတွက် မျိုးရိုးဗီဇ စစ်ဆေးမှု လိုအပ်ပါတယ်။ ခြေလက်တိုပြီး ရင်ခေါင်းကျဉ်းတဲ့အပြင် ဝမ်းဗိုက်လုံးပါတယ်။ တခါတလေ ပေါင်ခြံနဲ့ ချက်အနားမှာ အိတ်လိုမျိုး ဖောင်းနေတတ်ပါတယ်။ ခြေထောက်များဟာ အတွင်းဘက်ကို ခွင်နေတတ်ပါတယ်။ ခြေချောင်းလက်ချောင်းတွေ အလွန်တိုပါတယ်။

အမျိုးအစား 2

တခြား အမျိုးအစားတွေလိုပဲ ခြေလက်တိုပြီး ရင်ခေါင်းကျဉ်းပါတယ်။ နံရိုးများတိုပြီး

အဆုတ်များဖွံ့ဖြိုးမှုအားနည်းပါတယ်။ ကျောရိုးနဲ့ တင်ဆုံရိုးတွေ ကောင်းကောင်း မဖွံ့ဖြိုးပါဘူး။

အာခေါင် ကွဲနေတတ်ပါတယ်။

မေးစေ့သေးပြီး နဖူးနဲ့ဝမ်းဗိုက်ကြီးပါတယ်။ တချို့ကလေးတွေမှာ မမွေးခင်မှာ သူတို့ခန္ဓါကိုယ်ထဲ အရည်တွေ အများကြီး ရှိနေတတ်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

စောစီးစွာ ရောဂါရှာဖွေကုသခြင်းဟာ အခြေအနေပိုဆိုး မသွားအောင် ကာကွယ်ပေးနိုင်ပါတယ်။ ဆရာဝန်နဲ့ မြန်နိုင်သမျှ မြန်အောင် ပြသပါ။

သိလိုတာတွေရှိရင် ဆရာဝန်နဲ့တိုင်ပင်ပါ။ တယောက်နဲ့ တယောက်ဖြစ်ပျက်ပုံတော့ မတူနိုင်ပါဘူး။ ကိုယ့်အတွက် ဘယ်အရာက အကောင်းဆုံးဖြစ်မယ်ဆိုတာကို ဆရာဝန်နဲ့ တိုင်ပင်ပါ။

အကြောင်းရင်းများ

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) ကိုဘာတွေကဖြစ်စေသလဲ

မျီုးရိုးဗီဇပြသနာဖြစ်ပါတယ်။ သင်နဲ့ သင့်အိမ်ထောင်ဘက်ဟာ ဒီမျီုးရိုးဗီဇကို သယ်ဆောင်ရင် သင့်ကလေးမှာ ဖြစ်နိုင်ခြေ ၂၅%ရှိပါတယ်။ ဒီပြသနာဟာ ငုပ်လျှိုးဗီဇဖြစ်တာကြောင့် သယ်ဆောင်သူမိဘများမှာ လက္ခဏာမပြတတ်ပါဘူး။

ဖြစ်နိုင်ခြေများ

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) ဖြစ်နိုင်ခြေကိုဘာတွေက မြင့်တက်စေသလဲ

အောက်ပါအခြေအနေမှာ ဒီရောဂါဖြစ်နိုင်ခြေ ပိုများပါတယ်။

  • မိသားစုရာဇဝင်ရှိခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) ကို ဘယ်လိုအတည်ပြုပါသလဲ

ဒီရောဂါရှိတယ်လို့ ဆရာဝန်က သံသယရှိရင် စစ်ဆေးမှုဗတွ သေချာပြုလုပ်ပါလိမ့်မယ်။ ရောဂါကို ပိုမိုတိကျစွာသိဖို့၊ ခွဲစိတ်မှုအတွက် ပြင်ဆင်ဖို့ စစ်ဆေးမှုဗတွလည်း ပြုလုပ်ပါလိမ့်မယ်။ အောက်ပါ စစ်ဆေးခြင်းူတွေ ပါဝင်ပါတယ်။

  • အရိုးများကို စစ်ဆေးရန် ဓါတ်မှန်ရိုက်ခြင်း
  • အာထရာဆောင်းရိုက်ခြင်း
  • CT scan ရိုက်ခြင်း
  • MRI ရိုက်ခြင်း

များသောအားဖြင့် ဒီပြသနာဟာ သာမန်မျက်စိနဲ့တောင် အလွယ်တကူ သိနိုင်ပါတယ်။

Achondrogenesis (Achodrongenesis အရိုးများနှင့်အရိုးနုများ ပုံပျက်သည့်ရောဂါ) ကို ဘယ်လိုကုသပါသလဲ

ကုသဖို့နည်းလမ်း မရှိပါဘူး။ ကလေးကို တတ်နိုင်သလောက် သက်တောင့်သက်သာဖြစ်အောင် ထားဖို့ပါပဲ။ ဆေးရုံမှာ ကလေးအခြေအနေကို စောင့်ကြည့်ပြီး အသက်ရှူတဲ့ ကိရိယာတွေ တပ်ထားနိုင်ပါတယ်။ နာကျင်မှုတွေ သက်သာအောင် ဆေးဝါးတွေ ပေးနိုင်ပါတယ်။

ဒီရောဂါရှိတဲ့ ကလေးအများစုဟာ အသက်ရှူရခက်ခဲတာကြောင့် မြန်မြန်ဆန်ဆန်ပဲ သေဆုံးကြပါတယ်။ မိခင်ဝမ်းတွင်းမှာလည်း သေကြပါတယ်။

နေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများ

ဘယ်လို နေထိုင်မှုပုံစံနဲ့ အိမ်တွင်းကုထုံးတွေက အရိုးများနှင့်အရိုးနုများ ပုံပျက်သည့်ရောဂါခြင်းအတွက် အထောက်အကူ ပြုသလဲ

သင့်မိသားစုထဲမှာ ကြုံဖူးရင် မျိုးရိုးဗီဇနဲ့ ပတ်သက်ပြီး နှစ်သိမ့်ဆွေးနွေး အကြံပေးဖို့ လိုအပ်ပါတယ်။ ဒီလုပ်ငန်းစဥၤအတွင်းမှာ ဆရာဝန်ဟာ သင်ပရဲ့ ရောဂါရာဇဝင် မေးမြန်းခြင်း၊ မိသားစုနှစ်ဖက်စလုံးက ကျန်းမာရေးအကြောင်း မေးမြန်းခြင်း စတာတွေ ပါဝင်ပါတယ်။ သင် ဒါမှမဟုတ် သင့်အိမ်ထောင်ဘက်က ဒီရောဂါ သယ်ဆောင်ထားခြင်း ရှိမရှိ စစ်ဆေးပါလိမ့်မယ်။ စုံတွဲတွေမှာ မိသားစု ရာဇဝင်ရှိခဲ့ရင် ကလေးယူမယူ ဆုံးဖြတ်နိုင်ပါတယ်။

သိလိုတဲ့အချက်တွေရှိရင် ဆရာဝန်နဲ့ တိုင်ပင်ဆွေးနွေးတာ အကောင်းဆုံးပါပဲ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

မျှဝေမည်

တည်းဖြတ်သည့်နေ့ ဖေ‌ဖော်ဝါရီ 2, 2018 | နောက်ဆုံးတည်းဖြတ်ခြင်း ဖေ‌ဖော်ဝါရီ 14, 2018

ရင်းမြစ်များ