မျှစ်ကြိုက်တဲ့သူလေးတွေရှိလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

ကြော်ပဲစားစား၊ သုပ်ပဲစားစား၊ ဟင်းရည်ပဲချက်စားစား၊ပြုတ်ပြီးတော့ အတို့အမြှုပ်အနေနဲ့ပဲစားစား စားလို့ကောင်းတဲ့ မျှစ်ကလေးက စားကောင်းရုံမှာတင်ပြီးမသွားပါဘူး။ ကျန်းမာရေးအတွက်လည်း အထောက်အကူပြုပေးနိုင်ပါသေးတယ်နော်။ စားလိုက်ရင် ခံတွင်းထဲမှာ ခပ်ရှိန်းရှိန်းလေးဖြစ်သွားတာကြောင့် မျှစ်စားရတာကို ကြိုက်တဲ့သူတိုင်း ဒီဆောင်းပါးေးလကို ဖတ်ကြည့်သင့်တယ်နော်။

မျှစ်ဆိုတာ

မြက်မျိုးရင်းဝင်အပင်တစ်မျိုးဖြစ်ပြီး အကြီးဆုံးနဲ့အရှည်ဆုံးသောမြက်မျိုးရင်းဝင်အပင်တစ်မျိုးပါ။ ဝါးပင်နုနုလေးပေါ့။ ရက်သတ္တပတ်နှစ်ပတ်အရွယ်မတိုင် အမြင့် တစ်ပေအရွယ်မပြည့်ခင်မှာ ခူးဆွတ်ထားတဲ့ ဝါးပင်ရဲ့ သားတက်လေးတွေပေါ့။ စားလိုက်ရင် ခပ်ကြွပ်ကြွပ်လေးနဲ့စားကောင်းလှပါတယ်။ အရွယ်ရောက်လာတဲ့အခါမှာလည်းဆောက်လုပ်ရေးနဲ့ အခြားသောအရာတွေအတွက် အသုံးဝင်တဲ့ ဝါးပင်ဖြစ်လာတာပါ။ အာရှနိုင်ငံအများစုမှာ ပေါက်ရောက်ပြီး အာရှဒေသခံတွေအတွက်တော်တော်လေးအသုံးဝင်တဲ့ အပင်တစ်မျိုးပေါ.။

ဘယ်လိုအာဟာရဓါတ်တွေရရှိနိုင်လဲ……….

မျှစ်က ပရိုတင်းကြွယ်ဝသလို ကယ်လ်လိုရီပါဝင်မှုနည်းပါတယ်။ ကာဗိုဟိုက်ဒရိတ်လည်းပါဝင်နေပါတယ်။ သကြားဓါတ်ပါဝင်မှုနည်းသလို အဆီဓါတ်လည်းပါဝင်မှုနည်းပါတယ်။ ဒါတွေအပြင် အမျှင်ဓါတ်နဲ့ ဗီတာမင် A၊ ဗီတာမင် B အုပ်စု၊ ဗီတာမင် E၊ အမိုင်နိုအက်ဆစ်၊ ကယ်လ်ဆီယမ်၊ မဂ္ဂနီဆီယမ်၊ ပိုတက်ဆီယမ်၊ ဆိုဒီယမ်၊ ဇင့်၊ မဂ္ဂနိ၊ ဆီလီယမ်၊ သံဓါတ်တို့ပါဝင်နေပါတယ်။

ကျန်းမာရေးအတွက် ဘယ်လိုအထောက်အကူပြုလဲ………

အာရှနိုင်ငံအများစုမှာ နှစ်နှစ်ခြိုက်ခြိုက်စားသုံးတတ်ကြတဲ့ မျှစ်က အခုလိုကျန်းမာရေးအကျိုးကျေးဇူးတွေရရှိစေနိုင်ပါတယ်။

ကိုယ်အလေးချိန်ကျစေနိုင်တယ်

ကယ်လ်လိုရီ၊ ကာဗိုဟိုက်ဒရိတ် နဲ့ သကြားဓါတ်ပါဝင်မှုနည်းတာကြောင့် ဝိတ်တက်တာမျိုးကို မဖြစ်စေနိုင်ပါဘူး။ အမျှင်ဓါတ်လည်းကြွယ်ဝစွာပါဝင်နေတာကြောင့် အဆာခံနိုင်စေတဲ့အတွက် ဝိတ်ချနေသူတွေနဲ့ အထူးသင့်တော်မှာပါ။

နှလုံးကျန်းမာစေနိုင်တယ်

မျှစ်မှာသွေးတွင်းက အကျိုးမပြုကိုလက်စထရော (LDL)တွေကိုချေဖျက်ပေးနိုင်တဲ့phytosterolsနဲ့phytonutrients တို့ပါဝင်နေတာကြောင့်သွေးတွင်းကိုလက်စထရောကိုကျစေပြီးသွေးကြောတွေထဲမှာသွေးစီးဆင်းမှုကိုကောင်းမွန်စေမှာအသေအချာပါ။ ခန္ဓါကိုယ်မှာသွေးစီးဆင်းမှုကောင်းစေနိုင်ပြီး နှလုံးအပါအဝင် ခန္ဓါကိုယ်တစ်ခုလုံးကို ကျန်းမာစေနိုင်မှာပါ။

သွေးတွင်းကိုလက်စထရောကို ထိန်းညှိပေးနိုင်တယ်

သုတေသနပြုလေ့လာမှုတွေအရ မျှစ်ကိုစားသုံးပေးတာကသွေးတွင်းက အကျိုးမပြုကိုလက်စထရောတွေကို ကျဆင်းစေနိုင်ပြီး ကိုယ်တွင်းအဆီတွေကိုချေဖျက်ပေးနိုင်ပြီး အူမကြီးလှုပ်ရှားမှုကိုကောင်းမွန်စေနိုင်ပါတယ်။

ကင်ဆာကာကွယ်ပေးနိုင်တယ်

မျှစ်မှာပါဝင်နေတဲ့phytosterols က ကင်ဆာကာကွယ်ပေးနိုင်တဲ့ အာနိသင်ရှိပြီး အဆုတ်ကင်ဆာ၊ အစာအိမ်ကင်ဆာ၊ သားအိမ်ကင်ဆာ၊ ရင်သားကင်ဆာတွေမဖြစ်အောင်ကာကွယ်ပေးနိုင်သလို အမျှင်ဓါတ်ကြွယ်ဝမှုကြောင့် အူမကြီးကင်ဆာဖြစ်နိုင်ခြေကိုလည်း အထိရောက်ဆုံးလျှော့ချပေးနိုင်ပါတယ်။

ကိုယ်ခံအားကောင်းစေနိုင်တယ်

မျှစ်မှာပါဝင်နေတဲ့ ဗီတာမင် နဲ့ သတ္တုဓါတ်တွေက ကိုယ်ခံအားကိုကောင်းစေနိုင်ပြီး ခန္ဓါကိုယ်တွင်းကိုယ်ပမှာရောဂါကင်းနေစေဖို့ အထိရောက်ဆုံး အားဖြည့်ပေးမှာဖြစ်ပါတယ်။

ဝမ်းမှန်စေနိုင်တယ်

အမျှင်ဓါတ်ကြွယ်ဝတာကြောင့် အစာကြေစေနိုင်ပြီး ဝမ်းမှန်စေနိုင်ပါတယ်။ ဝမ်းချုပ်မှုကို ကင်းစေတာကြောင့် အစာခြေစနစ်ကျန်းမာစေဖို့ စားပေးသင့်တဲ့ အစားအစာတစ်ခုပါ။

နာကျင်ရောင်ရမ်းမှုကို သက်သာစေနိုင်ပါတယ်

မျှစ်က အရောင်ကျစေနိုင်သလို နာကျင်ကိုက်ခဲမှုကိုလည်း သက်သာစေနိုင်ပါတယ်။ အနာကျက်စေနိုင်တဲ့အာနိသင်လည်းရှိတာကြောင့် ခန္ဓါကိုယ်ပြင်ပကအနာတွေအတွက် အသုံးပြုလို့ရသလို ကိုယ်တွင်းမှာဖြစ်တဲ့ အနာတွေကျက်စေဖို့လည်း မျှစ်ကို စားပေးလို့ရပါတယ်။

အသက်ရှုလမ်းကြောင်းကို ကျန်းမာစေနိုင်တယ်

အသက်ရှုလမ်းကြောင်းဆိုင်ရာပြဿနာတွေအတွက် မျှစ်ပြုတ်ရည်ကိုသောက်သုံးပေးလို့ရပါတယ်။ လတ်လတ်ဆတ်ဆတ်ချိုးထားတဲ့ မျှစ်ကိုရေစင်အောင်ဆေးပြီး အိုးတစ်ခုထည့်လို့ရေအသင့်အတင့်ထည့်ပြီး ၅ မိနစ်ကြာပြုတ်ပါ။ ခဏ အအေးခံပြီးနောက်ထပ် ၁၀ မိနစ်ကြာထပ်ပြုတ်ပေးပါ။ ရလာတဲ့ပြုတ်ရည်ကို ပျားရည်နဲ့ရောစပ်လို့သောက်ပေးလို့ရပါတယ်။

အဆိပ်ပြေစေနိုင်တယ်

ရှေးအစဉ်အဆက်ကတည်းက အသုံးပြုခဲ့ကြတာပါ။ မျှစ်က အဆိပ်အတောက်ပြေစေနိုင်ပါတယ်။ မျှစ်ကို ကြိတ်ပြီးရလာတဲ့အရည်ကို အဆိပ်ရှိတဲံအကောင်ကိုက်ခံရတဲ့နေရာမှာ စွတ်ပေးလို့ရပါတယ်။ အဆိပ်ပြင်းလွန်းတဲ့အကောင်ကိုက်ခံရရင်တော့ ဆရာဝန်နဲ့ အမြန်ဆုံးပြသတာက အကောင်းဆုံးဖြစ်မှာပါ။

သွေးပေါင်ကျစေနိုင်တယ်

ပိုတက်ဆီယမ်ပါဝင်မှုကြောင့်သွေးပေါင်ကျစေနိုင်ပြီးသွေးပေါင်ချိန်ကို အကောင်းဆုံးထိန်းညှိပေးနိုင်ပါတယ်။သွေးတိုးရှိသူတွေ စားသုံးပေးလို့ရပါတယ်။

မျှစ်ကကျန်းမာရေးအတွက် အကျိုးကျေးဇူးများပေမယ့် ကိုယ်ဝန်ဆောင်မေမေတွေနဲ့တော့ မသင့်တော်ပါဘူး။ ဒါကြောင့် ကိုယ်ဝန်ဆောင်ချိန်မှာ မျှစ်ကို လုံးဝမစားသင့်ပါဘူး။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ကိုယ်သုံးနေတဲ့ သွားပွတ်တံက ကိုယ်နဲ့ အဆင်ပြေရဲ့လား ဘယ်လိုသိနိုင်မလဲ………..

သွားတွေ ခံတွင်းနံ့ သွားတိုက်ဆေး သွားပွတ်တံ သွားချေး ခံတွင်းကျန်းမာဖို့ သွားနဲ့ခံတွင်းကျန်းမာရေး စားကြွင်းစားကျန်တွေ သွားဖုံး သွားပိုးစား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

နုနယ်လှတဲ့ မျက်ဝန်းအစုံကို ဂရုစိုက်ကြမယ်

ခန္ဓာကိုယ် အစားအစာ မျက်လုံးမှုန် မျက်စိစမ်းသပ် အတွင်းတိမ် ကွန်ပျူတာ ဆေးလိပ်ဖြတ် နေကာမျက်မှန် ကိုယ်အလေးချိန် မျက်လုံးခြောက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

၂၄ နာရီ ဟိုလ်တာနှလုံးစောင့်ကြည့်ကိရိယာ(24-Hour-Holter Monitor)ဆိုတာ ဘာလဲ

နှလုံး နှလုံးခုန်မမှန်ခြင်း အီးစီဂျီ အသက်ရှူမဝတာ ရင်ဘတ် လက္ခဏာတွေ သံလိုက်ဓာတ်မှန် ရင်ဘတ်အောင့်တာ နှလုံးရောဂါ အစားအစာ ခေါင်းမူး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

အုန်းဆီကို သွားကျန်းမာရေးအတွက် ဘယ်လိုအသုံးပြုမလဲ

အုန်းဆီ သွားကျန်းမာရေး ခံတွင်း သွားဖုံး ရောဂါ အနံ့ဆိုး သွားပိုးပေါက် ဘက်တီးရီးယား သွားကြား သွားချေးကျောက် အုန်းသီး အုန်းဖတ် သွားတိုက် သဘာဝအဆီ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

အသက်ရှင်နှုန်းများတဲ့ ကင်ဆာရောဂါ များ

အသက်ရှင်နှုန်းများတဲ့ ကင်ဆာရောဂါ များ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇွန် 2, 2020
အရပ်ရှည်ဖို့ လေ့ကျင့်ခန်းလုပ်စို့။

အရပ်ရှည်ဖို့ လေ့ကျင့်ခန်းလုပ်စို့။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 2, 2020
Mulberries ကပေးတဲ့ ကျန်းမာရေး

Mulberries ကပေးတဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 2, 2020
ဆိုဒီယမ် (ဆား) ကို လျှော့စားလွန်းရင် ဘာတွေဖြစ်တတ်လဲ

ဆိုဒီယမ် (ဆား) ကို လျှော့စားလွန်းရင် ဘာတွေဖြစ်တတ်လဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin
ရေးသား ထုတ်ဝေခဲ့သည် ဇွန် 1, 2020