အဆုတ်ကင်ဆာ

သင်သည် အဆုတ်ကင်ဆာ ခံစားနေရပြီဆိုလျှင် ဆရာဝန်ကသင့်တွင်ဖြစ်နေသော ကင်ဆာ အဆင့်ကို သတ်မှတ်ပေးပါလိမ့်မည်။ လူအများ၏အမြင်တွင် ကင်ဆာအဆင့်မြင့်လာလေလေ ရောဂါ ကျွမ်းလာလေလေ ဟု မြင်တတ်ကြပါသည်။ ထိုထင်မြင်ချက်သည် အတိုင်းအတာတစ်ခု အထိမှန်ကန်ပါသည်။ အဆုတ်ကင်ဆာတွင် သတ်မှတ်ထားသော အဆင့်များသည် အဆုတ်တွင် ကင်ဆာဘယ်လောက်ထိ ရှိနေပြီလဲ၊ ဘယ်အပိုင်းတွေကို ပြန့်နှံ့သွားပြီလဲ ဖော်ပြခြင်းဖြစ်ပါသည်။ ဘာကြောင့် အဆုတ်ကင်ဆာ အဆင့်များခွဲရန် လိုအပ်သလဲ။ ကင်ဆာ အဆင့်များကို ကြည့်ခြင်းဖြင့် ကင်ဆာ၏ အရွယ်အစား၊ ပြန့်နှံ့မှုတို့ကို သိနိုင်ပါသည်။ ထို့ပြင် ကင်ဆာနှင့် ပတ်သက်ပြီး ဆရာဝန်နှင့် လူနာကြားထဲတွင် အကောင်းဆုံး နားလည်အောင် ရှင်းပြနိုင်မည့်နည်း ဖြစ်သလို ကင်ဆာကြောင့် လူနာ၏ အခြေအနေကို ခန့်မှန်းနိုင်ရန် ကောင်းသော နည်းလည်းဖြစ်ပါသည်။ ထို့ကြောင့် ဆရာဝန်သည် ထိုအဆင့်များကို ကြည့်ပြီး လူနာအတွက် အကောင်းဆုံးဖြစ်စေမည့် ကုသမှုများကို […]

သင့်ထံတွင် အဆုတ်ကင်ဆာ၏ရောဂါလက္ခဏာများခံစားနေရသည်ဟု သံသယရှိပါက ဆရာဝန်နှင့် ရက်ချိန်းယူကာပြသပါ။ ထိုအခါ ဆရာဝန်က သင့်ရောဂါရာဇဝင်၊ ရောဂါဖြစ်နိုင်ချေနှင့် စစ်ဆေးမှုများပြုလုပ်ပြီး လိုအပ်သော စစ်ဆေးမှုများထပ်လုပ်ရန်လိုအပ်ပါက အထူးကုဆရာဝန်ထံလွှဲပေးလိမ့်မည်။ အဆုတ်ကင်ဆာကို အဖြေရှာသော စစ်ဆေးမှုများသည် နက်နဲနိုင်သော်လည်း ယေဘူယျစစ်ဆေးမှုများက အကျိုးရှိမရှိဆေးပညာအသိုင်းအဝိုင်းတွင် စဉ်းစားစရာ တခုဖြစ်နေသည်။ အချို့ကရောဂါသည်းနေသည့်တိုင် လက္ခဏာမပြသူများရှိသည်။ ထိုသူများအတွက် စစ်ဆေးမှုများပြုလုပ်ခြင်းသည် ရောဂါကိုစောလျင်စွာသိနိုင်ပြီး ကုသနိုင်သည့်အတွက် လူနာအတွက် အကျိုးရှိစေနိုင်သည်။ ထို့ကြောင့် သင့်တွင် အဆုတ်ကင်ဆာဖြစ်နိုင်ခြေများလျှင် သင့်ဆရာဝန်က ဆေးစစ်ချက်များပြုလုပ်ရန် ထောက်ခံလိမ့်မည်။ စစ်ဆေးခြင်း သင့်ဆရာဝန်က သင့်ကို အသက်ရှုသံ၊ နှလုံးခုန်သံနားထောင်ခြင်း၊ နှလုံးခုန်နှုန်းစစ်ဆေးခြင်း၊ အသည်းနှင့် ပြန်ရည်ကြောဖုများရောင်ရမ်းခြင်းကို စစ်ဆေးခြင်း စသည်တို့ ကိုပြုလုပ်ပြီး အဆုတ်ကင်ဆာ၏ရောဂါလက္ခဏာများခံစားနေရသည်ဟု သံသယရှိပါက အထူးကုဆရာဝန်ထံလွှဲပေးလိမ့်မည်။ စစ်ဆေးနိုင်သောနည်းလမ်းများစွာရှိပါသည်။ ကွန်ပျူတာဓါတ်မှန်ရိုက်ခြင်း ကွန်ပျူတာဓါတ်မှန်သည် သင့်ခန္ဓါကိုယ်ပတ်ပတ်လည်တွင် စက်ဖြင့်ပုံရိပ်များစွာကို ရိုက်ကူးနိုင်သောစက်ဖြစ်သည်။ ထိုဓါတ်မှန်သည် သင့်တွင်ဖြစ်နေသော အကြိတ်၏ ပုံစံ၊ အရွယ်အစားနှင့် တည်နေရာတို့ကို […]

အဆုတ်ကင်ဆာ ကနဦးအဆင့်များတွင် ရောဂါလက္ခဏာပြလေ့မရှိဘဲ ကင်ဆာဆိုးလာမှ ပြလေ့ရှိကြသည်။ သင်သည် အဆုတ်ကင်ဆာလက္ခဏာများ ကို သိထားပါက ပိုကောင်းပြီး ထိရောက်သော ကုသမှုများကို ပြုလုပ်နိုင်ပါသည်။ အောက်ပါတို့သည်အဆုတ်ကင်ဆာ ၏ရောဂါလက္ခဏာများ ဖြစ်သည်။ မောပန်းနွမ်းနယ်ခြင်းသည် အဆုတ်ကင်ဆာ၏ အဖြစ်များသော လက္ခဏာတခုဖြစ်သည်။ အခြားသော လက္ခဏာများလည်း ဖြစ်နို င်ချေရှိပါသည်။ ချောင်းဆိုးမပျောက်ဘဲ ရက်ကြာနေခြင်းနှင့် ပိုဆိုးလာခြင်းတို့သည် အဆုတ်ကင်ဆာ ၏ရောဂါလက္ခဏာများ ဖြစ်သည်။ အက ယ်၍ ချောင်းဆိုးသွေးပါခြင်း၊ သလိပ်တွင်သွေးပါခြင်းဖြစ်လျှင် စစ်ဆေးမှုများပြုလုပ်သင့်သည်။ သွေး သို့မဟုတ် သံချေးရောင်အရည်များ အန်ခြင်း အသက်ပြင်းပြင်းရှုခြင်း၊ ချောင်းဟန့်ခြင်းနှင့် ရယ်ခြင်းတို့ပြုသောအခါ ရင်ဘတ်အောင့်ခြင်း အသံအိုးရောင်ခြင်းနှင့် အာရုံကြောများထိခိုက်ခြင်းကြောင့် အသံပြောင်းသွားခြင်း ကိုယ်အလေးချိန်ကျဆင်းခြင်းနှင့် ကင်ဆာကြိတ်သည် အစာရေမျိုပြွန်ပေါ်ကို ဖိခြင်းကြောင့် အစားအသောက်ပျက်ခြင်း ကင်ဆာကြိတ်နှင့် အဆုတ်ပတ်လည်ရှိအရည်များ၏ ဖိအားကြောင့် အသက်ရှုမြန်ခြင်း၊အသက်ရှုမဝခြင်း အဆုတ်လေပြွန်များရောင်ခြင်း၊ နမိုးနီးယားအဆုတ်ရောင်ရောဂါတို့ […]

အဆုတ်ကင်ဆာကုသမှုသည် ရောဂါဝေဒနာကို ရင်ဆိုင်ဖို့ ပိုခက်ခဲစေသော ဘေးထွက်ဆိုးကျိုးများကို ဖြစ်စေနိုင်ပါတယ်။ အဆုတ်ကင်ဆာကုသမှု ဘေးထွက်ဆိုးကျိုးများကို ဘယ်လိုထိန်းချုပ်စီမံနိုင်သလဲဆိုတာကို လေ့လာကြည့်လိုက်ပါ။ လူနာ တစ်ဦးချင်းစီ၏ ကျန်းမာရေး၊ ကင်ဆာအဆင့်နှင့် ဖြစ်ပွားသော နေရာပေါ်တွင် မူတည်ပြီး အဆုတ်ကင်ဆာကုသမှုသည် တစ်ဦးနှင့် တစ်ဦး ကွဲပြားပါတယ်။ သို့သော် ခွဲစိတ်မှု ၊ ဓါတ်ရောင်ခြည် ကုထုံး နဲ့ ကင်ဆာဆေးသွင်းကုသမှုတွေပဲ ခံယူယူ၊ အခြား သောကင်ဆာကုသမှုတွေပဲ ခံယူယူ၊ သင်သည် ဘေးထွက်ဆိုးကျိုးများကိုတော့ ကြုံတွေ့ရမှာဖြစ်သည်။ ထိုဘေးထွက်ဆိုးကျိုးများသည် သင် ပြန်လည်နာလန်ထူနိုင်ဖို့ စိန်ခေါ်မှုတစ်ရပ်လိုပဲ ဖြစ်ပါတယ်။ သင့်ဆရာဝန်၏ ကုသမှုထဲမှာ ထိုဘေးထွက်ဆိုးကျိုးများကို လျော့နည်းစေသည့် အစီအစဉ်များပါဝင်မှုရှိတာ သေချာပါစေ။ သို့မှသာ သင်သည် အဆုတ်ကင်ဆာ ကို တိုက်ခိုက်တွန်းလှန်နေစဉ်မှာ တတ်နိုင်သမျှ သက်သာကာ နေထိုင်ကောင်းမည်ဖြစ်သည်။ အဆုတ်ကင်ဆာခွဲစိတ်ကုသမှု ဘေးထွက်ဆိုးကျိုးများ ခွဲစိတ်မှု၏ ဘေးထွက်ဆိုးကျိုးများသည် အဆုတ်ကင်ဆာကို ဖယ်ရှားဖို့ […]

အဆုတ်ကင်ဆာသည် သေစေနိုင်သော ရောဂါတစ်ခုဖြစ်ပါတယ်။ သို့သော် ၎င်းကို ဖြစ်ပွားစေသော အကြောင်းရင်းများနှင့် ဖြစ်ပွားနိုင်ချေ အန္တရာယ်များကိုတော့ ထိန်းချုပ်လို့ ရပါတယ်။ အဆုတ်ကင်ဆာ ဖြစ်ပွားစေသော အကြောင်းရင်းများကို တားဆီးလိုက်ခြင်းအားဖြင့် ကင်ဆာ ပိုမဆိုးလာအောင် ကာကွယ်နိုင်ပါတယ်။ အဆုတ်ကင်ဆာ ဖြစ်ပွားစေသည့် အကြောင်းရင်းများက အဘယ်နည်း။ ဆေးလိပ်သောက်ခြင်း၊ ဓါတုပစ္စည်းအချို့နှင့် ထိတွေ့ခြင်းသည် အဆုတ်ကင်ဆာကို အဓိက ဖြစ်ပွားစေသည့်အကြောင်းရင်းများ ဖြစ်ပါတယ်။ သုတေသနသမားများအဆိုအရ အဆုတ်ကင်ဆာအားလုံး၏ ၉၀ ရာခိုင်နှုန်းနီးပါးသည် ဆေးလိပ်သောက်ခြင်းကြောင့် ဖြစ်သည်ဟု သိရသည်။ ဆေးရွက်ကြီးနှင့် ဆေးရွက်ကြီးဆေးလိပ်တွင် နိုင်ထရိုဂျင် အောက်ဆိုက် ၊ ကာဗွန်ဒိုင် အောက်ဆိုက်ကဲ့သို့သော ဓါတုပစ္စည်း အမျိုးပေါင်း ၇,၀၀၀ ကျော် ပါဝင်နေပြီး အများစုမှာ ကင်ဆာဖြစ်စေနိုင်ပါတယ်။ အဆုတ်ကင်ဆာရောဂါဖြစ်ဖို့ သင်ကိုယ်တိုင် ဆေးလိပ်သောက်မှ မဟုတ်ပါဘူး။ ဆေးလိပ်ငွေ့ရှုရှိုက်မိခြင်းသည်လည်း ကိုယ်တိုင်ဆေးလိပ်သောက်သလို အန္တရာယ်ကြီးမားပါတယ်။ စီးကရက်ဆေးလိပ်၊ ကျောက်ဂွမ်း၊ […]

အကောင်းမြင်စိတ်ရှိခြင်းသည် ကင်ဆာသာမက မည်သည့်ရောဂါခံစားနေရပါစေ သင့်ကျန်းမာရေးအတွက် ကုထုံးတစ်ခုပဲဖြစ်ပါတယ်။ တစ်ခါတစ်ရံ ၎င်းသည်ဆေးဝါးထက်တောင် ပိုပြီး အကူအညီဖြစ်ပါသေးတယ်။ အောက်ပါနည်းလမ်းများသည် သင်အကောင်းမြင်စိတ် လွယ်လွယ်ကူကူနှင့် ရရှိအောင် ကူညီပေးမည့် နည်းလမ်းအချို့ပဲ ဖြစ်ပါတယ်။ အကောင်းမြင်ပတ်ဝန်းကျင် တစ်ခု ဖန်တီးပါ။ သင့်ပတ်ဝန်းကျင်မှာ အကောင်းမြင်တတ်သူများ ဝန်းရံနေဖို့ အလွယ်ကူဆုံးနည်းလမ်းကတော့ အုပ်စုဖွဲ့ ပြောဆိုဆွေးနွေးဖို့ပဲ ဖြစ်ပါတယ်။ သင်နဲ့ နီးစပ်ရာ သင့်ကို လက်တွေ့ကျသော အကြံဉာဏ်ကောင်းတွေ ပေးနိုင်သော သူများသည် သင်အကောင်းမြင်စိတ်ဖြစ်ပေါ်လာဖို့ ကြီးမားသော အကူအညီဖြစ်နိုင်ပါတယ်။ အကယ်၍သင်သည် တစ်ချိန်လုံးညည်းညူနေသောသူတွေနဲ့သာ နေနေလျှင် သင်ကိုယ်တိုင်လည်း အဆိုးတွေပဲ မြင်တတ်လာမှာ ဖြစ်ပါတယ်။ အကောင်းမြင်တတ်သူများနဲ့ များများနေပေးခြင်းဖြင့် သူတို့၏ အကောင်းမြင်အတွေးများသည် သင့်ကိုယ်ပိုင် အလေ့အကျင့်ဖြစ်လာနိုင်ချေ မြင့်မားလာမှာဖြစ်ပါတယ်။ အကယ်၍ သင့်ပတ်ဝန်းကျင်မှာ အကောင်းမြင်တတ်သူတွေချည်းဖြစ်နေလျှင် သင်ကိုယ်တိုင် အဆိုးမြင်မိဖို့ဆိုတာ ခက်ခဲတဲ့ အရာတစ်ခုဖြစ်သွားမှာပါ။ သင့်အပြုအမူအတွက် […]

အသက်ရှူလေ့ကျင့်ခန်းတွေဟာ စိတ်ရောကိုယ်ပါ ကျန်းမာစေရုံသာမက သွေးပေါင်ကို ထိန်းပေးပြီး စိတ်တည်ငြိမ်စေတာ စိတ်ဖိစီးမှုကို လျော့ကျစေနိုင်ပါတယ်။ အသည်းကင်ဆာရှိသူ အတော်များများ (သို့) အဆုတ်ကို ပြန့်လာတဲ့ ကင်ဆာရှိသူတွေဟာ မောခြင်းကို ခံစားရတတ်ပါတယ်။ သင့်မှာ ဒီလက္ခဏာ ရှိနေပြီဆိုရင် အသက်ရှူခြင်းကို ဘယ်လို ထိန်းချုပ်သင့်တယ်ဆိုတာ သိသင့်ပါတယ်။   ပြင်ဆင်ခြင်း အသက်ရှူခြင်းကို မလေ့ကျင့်မီ စိတ်ပိုင်းဆိုင်ရာ ပြင်ဆင်သင့်ပါတယ်။ စိတ်ကို လျှော့ထားနိုင်စေတဲ့ စိတ်တည်ငြိမ်ရာ နေရာကို ဖန်တီးသင့်ပါတယ်။ သင့်ကို သက်တောင့်သက်သာ ရှိစေတဲ့ အဝတ်အစားကို ဝတ်ဆင်သင့်ပြီး ကြွက်သားတွေကို လျှော့သင့်ပါတယ်။ အမှန်တကယ် အသက်ရှူ လေ့ကျင့်ခန်းများ ညီမျှတဲ့ အသက်ရှူခြင်း ဒီနည်းဟာ ရိုးရှင်းပြီး နေရာတိုင်း အချိန်တိုင်းမှာ ပြုလုပ်နိုင်တဲ့ နည်းလမ်းတစ်ခု ဖြစ်ပါတယ်။ ဒီနည်းကို တည်ထွင်ခဲ့တဲ့ ယောဂနည်းပြဆရာက ဒီလေ့ကျင့်ခန်းဟာ အာရုံကြောစနစ်ကို တည်ငြိမ်စေပြီး၊ အာရုံစူးစိုက်မှုကို မြင့်တက်စေကာ၊ […]

အဓိပ္ပါယ်ဖွင့်ဆိုချက်Bronchial Cancer (လေပြွန်ကင်ဆာ) ကဘာလဲ။ တံတွေးဂလင်းနဲ့လေပြွန်တွေမှာ ဖြစ်တဲ့ တွေ့၇နည်းတဲ့ကင်ဆာတစ်မျိုး ဖြစ်ပါတယ်။ လေပြွန်ကင်ဆာအများစုက အခြားအစိတ်အပိုင်းတွေကို ပြန့်နှံ့သွားတတ်ပါတယ်။ တဖြည်းဖြည်းရင့်သန်လာပြီး ကုသလို့ရတာကြောင့် သင့်မှာဖြစ်ခဲ့မယ်ဆိုရင် မျှော်လင့်ချက်ကျန်သေးတယ်ဆိုတာ စိတ်ထဲထားပါ။ ဒီကင်ဆာအမျိုးအစးားကို ၃ခုခွဲထားပါတယ်။ ကင်ဆာကျိတ်- ဟော်မုန်းထုတ်ပေးတဲ့ဆဲလ်တွေနဲ့ အာရုံကြောဆဲလ်တွေကို သက်ရောက်ပါတယ်။ အဆုတ်၊ အစာအိမ်နဲ့ အူတွေမှာလည်း ဖြစ်နိုင်ပါတယ်။ လည်ချောင်းပသိကင်ဆာကျိတ် – ပါးစပ်နဲ့လည်ချောင်းအတွင်းမှာရှိတဲ့ တံတွေးဂလင်းတွေမှာ စဖြစ်ပါတယ်။ လည်မျိုနဲ့ မျက်ရည်ဂလင်း၊ ချွေးဂလင်း၊ မိန်းမသားအိမ်၊ အမျိုးသမ်းအင်္ဂါနဲ့ ရင်သားတွေမှာလည်း ဖြစ်နိုင်ပါတယ်။ အပေါ်ယံလွှာ ကင်ဆာကျိတ်- တံတွေးဂလင်းတွေမှာ ဖြစ်ပါတယ်။ ဒီအမျိုးအစားအများစုက နားအရှေ့မှာရှိတဲ့ပါးကျိတ် တွေကို သက်ရောက်ပါတယ်။   Bronchial Cancer (လေပြွန်ကင်ဆာ) က ဘယ်လောက်အဖြစ်များသလဲ ဒီရောဂါဟာ အလွန်အဖြစ်များပါတယ်။ အမျိုးသားတွေမှာ ပိုအဖြစ်များပါတယ်။ အသက်အရွယ်မရွေးဖြစ်နိုင်ပါတယ်။ ရောဂါဖြစ်ပွားနိုင်တဲ့အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ လက္ခဏာများBronchial […]

ကင်ဆာဆိုးရွားလာသည်နှင့်အမျှ ကင်ဆာသည် ခန္ဓါကိုယ်၏အခြားနေရာများသို့ပြန့်သွားလျှင် နောက်ဆက်တွဲဆိုးကျိုးများလည်း ဆိုးလာနိုင်သည်။ အချို့သော နောက်ဆက်တွဲဆိုးကျိုးများသည် ကုသမှုများကြောင့်ဖြစ်ရသည်။ အဆုတ်ကို သက်ရောက်ခြင်း အဆုတ်ကင်ဆာပြန့်သွားလျှင် ပင်မအသက်ရှုလမ်းကြောင်းကို ပိတ်သွားခြင်း၊ အဆုတ်ရေဝိုင်းခြင်းတို့ကြောင့် အသက်ရှုမဝဖြစ်ကာမောပန်းလာနိုင်သည်။ အချိန်ကြာလာသောအခါ အောက်ဆီဂျင်လုံလောက်စွာမရသောကြောင့် နှလုံးရောဂါကဲ့သို့မောလာနိုင်သည်။ အဆုတ်တွင်အရည်များ ကြာရှည်စွာစုပုံလာသောအခါ နမိုးနီးယားအဆုတ်ရောင်ရောဂါဖြစ်လာနိုင်သည်။ ထိုအခါ ဖျားခြင်း၊ ရင်ဘတ်အောင့်ခြင်း နှင့် ဆေးရုံတက်ရနိုင်သည်။ အဆုတ်ကင်ဆာရှိသောသူများသည် အသက်ရှုလမ်းကြောင်းတွင် သွေးထွက်ခြင်းကြောင့် သွေးအန်နိုင်သည်။ သွေးထွက်သော အကြောင်းများအပေါ်မူတည်ပြီး ထိန်းချုပ်နိုင်ရန် နည်းများရှိပါသည်။ အာရုံကြောများထိခိုက်ပျက်စီးခြင်း အဓိကအားဖြင့် လက်နှင့် ခြေဖဝါးရှိ အာရုံကြောများထိခိုက်ပျက်စီးခြင်းဖြစ်သည်။ အကြောင်းမှာ အဆုတ်ကင်ဆာသည် လက်မောင်းနှင့် ပခုံးနားရှိအာရုံကြောများကို ပျက်စီးစေသောကြောင့်ဖြစ်သည်။ ထို့ပြင် ကင်ဆာကုသမှု အချို့ကြောင့် ထိုအာရုံကြောများထိခိုက်ပျက်စီးသွားသောအခါ ထိုနေရာများတွင် ထုံကျဉ်ခြင်း၊ အားနည်းခြင်း၊ နာကျင်ခြင်း တို့ခံစားရနိုင်ပါသည်။ အာရုံကြောများထိခိုက်ပျက်စီးသွားခြင်းကို ဆေးသောက်ကာ သက်သာအောင်ကုသနိုင်ပါသည်။ အဆုတ်ကင်ဆာသည် မျက်နှာနှင့် လည်ပင်များရှိအာရုံကြောများကို ပျက်စီးစေသောအခါ ဟော်နာလက္ခဏာစု (မျက်စိသူငယ်အိမ်ကျဉ်းခြင်း၊ မျက်ခွံကျခြင်း၊ မျက်နှာတခြမ်းချွေးမထွက်ခြင်း)ဖြစ်စေနိုင်သည်။ အဆုတ်ကင်ဆာသည် […]

အဆုတ်တွင် အစက်အပြောက်များတွေ့ရခြင်းကို မည်သို့ကောက်ချက်ချနိုင်သလဲ။ထိုအရာကို ကင်ဆာဟု ယူဆနိုင်ပါသလား။ သင့်ဆရာဝန်က ရင်ဘတ်ဓါတ်မှန်တွင် အစက်အပြောက်များတွေ့သည်ပြောသောအခါ ထိုသို့ဖြစ်စေသောအကြောင်းများက ဘာပါလဲ။ ထိုသို့ အဆုတ်တွင်အစက်အပြောက်များတွေ့လျှင် သင်သည် အဆုတ်ကင်ဆာဖြစ်နိုင်ကြောင်းသတိထားရမည်ဖြစ်သည်။ တခါတရံတွင် ထိုအစက်အပြောက်များသည် ကင်ဆာမဟုတ်ပါ။   အစက်အပြောက်များကို စစ်ဆေးခြင်း ရင်ဘတ်ဓါတ်မှန်သည် အဆုတ်ရှိ အစက်များနှင့် အကြိတ်များကို တွေ့ရှိနိုင်သော ပထမစစ်ဆေးမှုဖြစ်သည်။ ရင်ဘတ်ဓါတ်မှန်ကို ဆေးရုံ သို့မဟုတ် ဓါတ်မှန်ဌာနတွင်ရိုက်နိုင်သည်။ အဆုတ်ကင်ဆာတိုင်းကို ရင်ဘတ်ဓါတ်မှန်ဖြင့်မမြင်နိုင်သော်လည်း ရင်ဘတ်ဓါတ်မှန် ပုံမှန်ဖြစ်လျှင် အဆုတ်ကင်ဆာဖြစ်နိုင်ချေနည်းပါးသည်။ အကယ်၍ ဆရာဝန်က ရင်ဘတ်ဓါတ်မှန်တွင် အစက်အပြောက်များတွေ့လျှင် အောက်ပါ စစ်ဆေးမှုများထပ်လုပ်ရန် လိုအပ်နိုင်သည်။ ကွန်ပျူတာဓါတ်မှန်ရိုက်ခြင်း သံလိုက်ဓါတ်မှန်ရိုက်ခြင်း ပိုစီထရွန်ဓါတ်မှန်ရိုက်ခြင်း ကင်ဆာမဟုတ်သော အလုံးများ ရင်ဘတ်ဓါတ်မှန်တွင် ကင်ဆာမဟုတ်သော အလုံးများကြောင့်အစက်အပြောက်များတွေ့ရသည်ကများပါသည်။ ထို အလုံးများသည် အောက်ပါအဆုတ်ရောဂါများ ဖြစ်ရာမှ အနာရွတ်ကျန်ခဲ့ခြင်းဖြစ်သည်။ Histoplasmosis,Coccidomycosis ကဲ့သို့သော မှိုရောဂါ ဘက်တီးရီးယားကြောင့် ဦးနှောက် အမြှေးရောင်ခြင်းနှင့် နမိုးနီးယားအဆုတ်ရောင်ရောဂါဖြစ်ခြင်း တီဘီရောဂါဖြစ်ခြင်း […]