ဓာတ်မတည့်ရောဂါများ

သင်ကလေးဘဝက ငုံဆေးတမျိုးမျိုးကြောင့် လည်ချောင်းနာပျောက်သွားဖူးတာကို မှတ်မိပါသလား။ ဒါပေမယ့် အခုတော့ ဒီလည်ချောင်းနာဟာ သင်ဘယ်လိုပဲဆေးသောက်သောက် ရက်တွေတော်တော်ကြာအောင် အကင်းမသေဘဲဖြစ်နေနိုင်ပါတယ်။ တကယ်လို့ သင့်လည်ချောင်းဟာ ဝတ်မှုန်တွေလို လေထဲမှာပါလာတဲ့ အမှုန်လေးတွေကိုရှူမိလို့ ဓါတ်မတည့်ဘဲ ရောင်နေတာဆိုရင်တော့ ကုသဖို့ဟာ သိပ်မရိုးရှင်းတော့ပါဘူး။ ဓါတ်မတည့်ရတဲ့ အကြောင်းရင်းကို တိကျစွာရှာဖွေနိုင်မှ လည်ချောင်းနာသက်သာအောင် ကုသနိုင်မှာဖြစ်ပါတယ်။   လည်ချောင်းနာဖြစ်စေသော ဓါတ်မတည့်ခြင်း အတွင်းပိုင်း နှာရည်ယိုခြင်းဟာ ဓါတ်မတည့်လို့ဖြစ်ရတဲ့ လည်ချောင်းနာခြင်းရဲ့ အဓိကအချက်ပါပဲ။ ဓါတ်မတည့်စေတဲ့ ပစ္စည်းတခုခုနဲ့ထိတွေ့တဲ့အခါ နှာခေါင်းအတွင်းပိုင်းကနေ လည်ချောင်းထဲ နှာရည်ကျပြီး ယားနာတဲ့ခံစားမှုကို ဖြစ်ပေါ်စေနိုင်ပါတယ်။ နှာရည်ယိုတာကြောင့် - • ချောင်းဆိုးခြင်း • အစာမျိုချရန်ခက်ခြင်း • လည်ချောင်းတွင်းကသိကအောက်နေရခက်ခြင်း • စကားပြောရန်ခက်ခြင်း စတဲ့ ဝေဒနာတွေ ဖြစ်ပေါ်စေပါတယ်။   ဝတ်မှုန်မတည့်သလိုမျိုး ဓါတ်မတည့်မှုများစွာကတော့ ရာသီပေါ်မူတည်ပါတယ်။ အကယ်၍ မိမိရောဂါလက္ခဏာဟာ တနှစ်ပတ်လုံးဖြစ်တတ်တယ်ဆိုရင် လေထမှာ အမှုန်တွေများတတ်တဲ့ ဝတ်မှုန်ကူးချိန် နွေဦးရာသီမှာ ပိုဆိုးလာတတ်ပါတယ်။ အခြား အဖြစ်များတဲ့ ဓါတ်မတည့်ခြင်းတွေကတော့ ● ဆေးလိပ်ငွေ့ ● ကြမ်းပိုး၊ […]

မိဘတယောက်အနေနဲ့ မိမိကလေးကို ဘယ်အရွယ်ရောက်ရောက် အမြဲစိတ်ပူနေတတ်ပါတယ်။ မိမိကလးမှာ အစာမတည့်တာမျိုးရှိရင် ပိုပြီး ကြောက်ရွံ့စိုးရိမ်တတ်လေ့ရှိပါတယ်။ များသောအားဖြင့် လူတိုင်းဟာ မိမိမထိန်းချုပ်နိုင်တဲ့အရာတွေကို စိုးရွံ့တတ်ကြပါတယ်။ အထူးသဖြင့် မိမိရဲ့ကလေးတွေဟာ အစားမတည့်တဲ့ ပြဿနာကြီးကြီးမားမားရှိရင် ဒီသဘောဟာ ပိုမှန်ကန်တတ်ပါတယ်။ သင့်ရဲ့ကလေးဟာ ကျောင်းအစီအစဉ်နဲ့ ခရီးထွက်နေရင်၊ ဒါမှမဟုတ် သူငယ်ချင်းတယောက်အိမ်ကို ညဘက်သွားလည်နေရင်၊ ဒါမှမဟုတ် အတန်းဖော်တယောက်ရဲ့ မွေးနေ့ပွဲကိုသွားတယ်ဆိုရင် သူ့မှာ အစာပြဿနာရှိမှန်းမသိတဲ့ လူကြီးတွေကြားထဲ ရောက်နေနိုင်ပါတယ်။ ဒါဟာ အသက်အန္တရာယ်နဲ့ဆိုင်တဲ့အတွက် ကြောက်စရာကောင်းပါတယ်။ ဒါကြောင့်မို့ သင့်ရဲ့ကလေးကို သူ့ကိုယ်သူဘယ်လိုဂရုစိုက်မလဲဆိုတာ သင်ကြားပေးဖို့ အရေးကြီးပါတယ်။ သင့်ရဲ့ကလေးဟာ သူ့ရဲ့ဓါတ်မတည့်ဖြစ်တတ်ပုံကို လူကြီးတွေကို ပြောပြတတ်ဖို့၊ မစားခင်မှာ မေးစမ်းတတ်ဖို့ကို ငယ်ရွယ်စဉ်ကတည်းက စသင်ပေးထားရပါမယ်။ တဖြည်းဖြည်းကြီးပြင်းလာတာနဲ့အမျှ သူ့ပြသနာကို ဘယ်လိုကာကွယ်မလဲဆိုတာ နောက်ထပ်သိသင့်တာတွေ သင်ပေးရပါမယ်။ အခုဖော်ပြပါအချက်တွေကတော့ သင့်ကလေးရဲ့ အစာမတည့်မှုပြဿနာကို ဖြေရှင်းဖို့ အထောက်အကူုပြုနိုင်ပါတယ်။   သင်ရဲ့ကလေး […]

သင့်ရဲ့ကလေးမှာအစာဓါတ်မတည့်တာတစ်မျိုးမျိုးရှိနေပြီဆိုရင် သင်လည်းစိတ်ညစ်ညူးရပါတယ်။ ပထမဆုံးလုပ်ရမှာကတော့ အဲဒီအစာကိုသင့်ကလေးစားနေကြအစားအစာထဲကဖယ်ထုတ်ဖို့ပါပဲ။ ဒါပေမယ့် ဒီလိုလုပ်ခြင်းဖြင့် မိမိကလေးအတွက် အာဟာရဓါတ်ရစရာတွေ အများကြီးလျော့နည်းသွားနိုင်ပါတယ်။ မျှတတဲ့၊ အာဟာရများတဲ့ အစားအစာဟာကလေးတစ်ယောက်ကြီးထွားဖွံ့ဖြိုးဖို့ အင်မတန်အရေးပါပါတယ်။ သင့်ကလေးရဲ့ ကိုယ်ခန္ဓါဟာကျန်းမာသန်စွမ်းစွာဖွံ့ဖြိုးလာဖို့ အာဟာရဓါတ်တွေ လိုအပ်ပါတယ်။ တချို့အစားအစာတွေကိုခဏလောက်ပဲ ဖြတ်လိုက်တာအတွက်တော့ စိုးရိမ်စရာမလိုပါဘူး။ ဒါပေမယ့် နှစ်ပတ်ကျော်လောက်ဆိုရင်တော့ မိမိကလေးစားလို့မရတာကြောင့် ဖြတ်လိုက်ရတဲ့ အစားအစာတွေနေရာကို ဖြည့်ဆည်းပေးနိုင်ဖို့ စိတ်ချရတဲ့ အာဟာရအစာတွေကို ရှာဖွေရပါမယ်။ အခုဆက်လက်ဖော်ပြမယ့် နည်းလမ်းတွေကတော့ အစာဓါတ်မတည့်ဖြစ်တတ်တဲ့ ကလေးရဲ့ အာဟာရဓါတ်ကို မျှတအောင် ထိန်းညှိပေးမယ့် နည်းလမ်းတွေပါပဲ။   နို့မတည့်ခြင်း နွားနို့ဟာကလေးငယ်တွေမှာအစာမတည့်မှုဖြစ်ပွားနှုန်းအများဆုံးအစာပါပဲ။ နွားနို့ဟာအရိုးတွေဖွံ့ဖြိုးကြီးထွားဖို့ မရှိမဖြစ် လိုအပ်တဲ့ အာဟာရဓါတ်တွေရဲ့ ရင်းမြစ်တခုပါပဲ။ အထူးသဖြင့် ဖွံ့ဖြိုးမှုအကောင်းဆုံးအချိန်တွေမှာပိုအရေးကြီးပါတယ်။ ပါဝင်တဲ့ အာဟာရဓါတ်တွေကတော့ ပရိုတိန်း၊ ကယ်လ်စီယမ်၊ ဗီတာမင်ဒီ၊ ဗီတာမင်အေ၊ ဗီတာမင်ဘီ ၁၂ နဲ့ riboflavin၊ phosphorousစတဲ့ဓါတ်တွေ ဖြစ်ပါတယ်။ ဒါပေမယ့် […]

မျိုးရိုးလိုက်သော ဓါတ်မတည့်မှုကြောင့် အရေပြားဖောရောင်ခြင်း (Hereditary Angioedema) ဆိုတာ ကိုယ်ခံအားစနစ် ပြဿနာကြောင့် ဖြစ်ပေါ်တတ်တဲ့ အခြေအနေတစ်ခုပါ။ အရေပြားအောက်တွင် ရောင်ရမ်းခြင်းဖြစ်ပြီး ခန္ဓါကိုယ် နေရာအနှံ့မှာ ဖြစ်နိုင်ပါတယ်။ မိသားစုမှာ မျိုးရိုးလိုက်တတ်ပြီး ရှားပါးတဲ့ရောဂါ ဖြစ်ပေမယ့် သင်နဲ့ သင့်မိသားစုကို ကာကွယ်ပေးနိုင်ရန်အတွက် အကြောင်းတရားတွေကို သိထားဖို့ လိုအပ်ပါတယ်။ မျိုးရိုးလိုက်သော ဓါတ်မတည့်မှုကြောင့် အရေပြားဖောင်ရောင်ခြင်း (Hereditary Angioedema) ဖြစ်စေသော အကြောင်းရင်းများ မျိုးရိုးလိုက် Angioedema ဆိုတာ အရေပြားမျက်နှာပြင်အောက်မှာ ရောင်ရမ်းခြင်း၊ ဖောခြင်းဖြစ်ပြီး ကိုယ်ခံအားစနစ်ကြောင့် ဖြစ်လာတတ်တဲ့ ပြင်းထန်တဲ့အခြေအနေတစ်ခုဖြစ်တယ်။ C1 inhibitor လို့ခေါ်တဲ့ ပရိုတင်းတစ်မျိုးကို ထိန်းချုပ်တဲ့ ဗီဇမှာပြဿနာရှိတဲ့အခါ ထိုပရိုတင်း ပမာဏ မလုံလောက်ခြင်း၊ ဒါမှမဟုတ် အလုပ် ကောင်းကောင်း မလုပ်ခြင်းတို့ ဖြစ်လာနိုင်ပါတယ်။ ထိုအခါသွေးကြောတွေကို ထိခိုက်လာတယ်။ မျိုးရိုးလိုက် […]

အဓိပ္ပါယ်ဖွင့်ဆိုချက်။ Stevens-Johnson syndrome (ဆိုးရွားပြင်းထန် ဓါတ်မတည့်ရောဂါ) ဆိုတာဘာလဲ။ Stevens-Johnson syndrome ဟာ အရေပြားနဲ့ အမြှေးပါးတွေဖြစ်တဲ့ ရှားပါးပြီး ပြင်းထန်တဲ့ ဓါတ်မတည့်ရောဂါတစ်ခုဖြစ်ပါတယ်။ သူဟာ များသောအားဖြင့် ဆေးတစ်ခုခု (သို့) ရောဂါပိုးတစ်ခုခုကို တုန့်ပြန်ခြင်းကြောင့် ဖြစ်တာဖြစ်ပါတယ်။ တုတ်ကွေးလို လက္ခဏာတွေ စစချင်း ဖြစ်ပြီးတော့ နာကျင်တဲ့ အနီရောင် (သို့) ခရမ်းရောင်အကွက်တွေ ဖြစ်လာပြီး အရည်ကြည်ဖုတွေ ပေါက်လာတတ်ပါတယ်။ အရေပြားရဲ့ အပေါ်ဆုံးလွှာက ဆဲလ်တွေဟာ သေဆုံးသွားပြီး ကွာကျလာပါတယ်။ Stevens-Johnson syndrome ဟာ ဆေးရုံတက်ပြီး ကုသဖို့လိုအပ်တဲ့ ပြင်းထန်တဲ့ အရေးပေါ် အခြေအနေတစ်ခုဖြစ်ပါတယ်။ Stevens-Johnson syndrome (ဆိုးရွားပြင်းထန် ဓါတ်မတည့်ရောဂါ) ဟာ ဘယ်လောက်ထိ အဖြစ်များသလဲ။ Stevens-Johnson syndrome ဟာ ကမ္ဘာအနှံ့မှာ လူမျိုးစု အစုံမှာဖြစ်ပွားနိုင်ပါတယ်။ အဖြူတွေမှာတော့ […]

နည်းလမ်းများဓါတ်မတည့်မှုများသည်အချိန်မရွေးဖြစ်ပွားတတ်ပြီးအလုပ်ခွင်အတွင်းတွင်ဖြစ်ပါက လုပ်ငန်းခွင်ထိခိုက်မှုကိုဖြစ်စေပါသည်။ နှာရည်ယိုခြင်း၊ နှာစေးခြင်း၊ မျက်စိနီရဲယားယံခြင်းတို့ခံစားရပြီးအလုပ်အာရုံ စူးစိုက်မှုကိုထိခိုက်စေပါသည်။ သင့်အနေဖြင့် ထိုဓါတ်မတည့်မှုများကို လျှော့ချနိုင်ရန်(သို့မဟုတ်) လုံးဝရှောင်ရှားနိုင်ရန် အောက်ပါတို့ကိုသိရှိရန် လိုအပ်ပါသည်။ သို့မဟုတ်ပါကအလုပ်ပျက်ပြီးသင်၏ လုပ်ငန်းခွင်စွမ်းအားကိုလည်း လျော့ကျစေမည်ဖြစ်ပါသည်။ လုပ်ငန်းခွင်ဆိုင်ရာ ဓါတ်မတည့်မှုအတွက်အကောင်းဆုံးကုသမှုမှာဓါတ်မတည့်မှုဖြစ်စေ သောအရာများမှရှောင်ရှားခြင်း ဖြစ်သည်။ ထို့ကြောင့်သင့်အနေဖြင့်မိမိနှင့် ဓါတ်မတည့်သောအခြေအနေရှိနိုင်သော အလုပ်အကြောင်းသိသင့်သကဲ့သို့ မည်သည့်အလုပ်က မိမိအတွက်သင့်တော်မည်ကိုလည်း ရွေးချယ်နိုင်စွမ်းရှိရပါမည်။ အောက်ပါအလုပ်များသည်ဓါတ်မတည့်ရောဂါရှိသူများအတွက် မသင့်တော်သောအချက်များဖြစ်သည်။ (၁)ဥယျာဉ်ခြံမြေစိုက်ပျိုးခြင်းလုပ်ငန်းများ ပန်းဝတ်မှုန်နှင့်ဓါတ်မတည့်သူများ အနေဖြင့် ဥယျာဉ်ခြံစိုက်လုပ်ငန်းများ၊ မြေယာလုပ်ငန်းများကိုမပြုလုပ်သင့်ပါ။ သို့မဟုတ်ပါက ဥယျာဉ်ခြံမြေဆိုင်ရာ ကျွမ်းကျင်ဆေးပညာရှင်နှင့်တိုင်ပင်သင့်ပါသည်။ အဓိက ဓါတ်မတည့်မှုဖြစ်စေသောအရာများမှာ အပင်များ၊ မြက်ပင်များ၊ ရေညှိနှင့်မှိုတို့ဖြစ်ပါသည်။ (၂)အလှပြင်ဆိုင်(Spa)လုပ်ငန်းများ ဓါတ်မတည့်နှာစေးခြင်းရောဂါ၊ပန်းနာရင်ကျပ်ရောဂါရှိသူများ သည ်အလှပြင်ဆိုင်များတွင် အလုပ်လုပ်သောအခါ အမွှေးရနံ့များ၊ အလှပြင်ဆေးရည်များကို ရှုရှိုက်မိပြီး ဓါတ်မတည့်မှုဖြစ်စေနိုင်ပါသည်။ ဓါတု မွှေးရနံ့များ၊ ဆေးရည်များသည် ဓါတ်မတည့်ရောဂါအခံရှိသူတွင် ဓါတ်မတည့်မှုကို ဖြစ်စေနိုင်သောကြောင့်ဖြစ်သည်။ (၃) ဘား နဲ့စားသောက်ဆိုင် လုပ်ငန်းများ သင့်အနေဖြင့်စားသောက်ဆိုင်တွင်အလုပ်ဝင်မည်ဆိုလျှင်ဆေးလိပ်ငွေ့ကင်းစင်သောပတ်ဝန်းကျင်ဖြစ်/မဖြစ်စုံစမ်းပါ။ အခြားသူများသောက်သော ဆေးလိပ်ငွေ့ကိုရှုမိပါက လည်းဓါတ်မတည့်ခြင်း၊နှာစေးချောင်းဆိုးဖြစ်ခြင်း၊အဆုတ်လေပြွန် ရောင်ရမ်းခြင်းတို့ဖြစ်နိုင်ပါသည်။ (၄)အိမ်အကူလုပ်ငန်းများ အိမ်တွင်း ထိန်းသိမ်း […]

အစားအစာနှင့် ဓါတ်မတည့်မှုကိုဖြေရှင်းနည်းသင့်တွင်အစာနှင့်ဓါတ်မတည့်မှုကိုမကြာသေးမီကမှဖြစ်နေမှန်းသိရှိရခြင်း (သို့မဟုတ်) သင့်အနေဖြင့် အစာဓါတ်မတည့်မှုအတွက် အစားအသောက်ကိုမိမိဘာသာရွေးချယ်မှုပြုနေရခြင်းမျိုးအခြေအနေ ဆိုပါကလုပ်ငန်းခွင်တွင် အစာဓါတ်မတည့်မှုသည် သင့်အတွက် ရင်ဆိုင်ဖြေရှင်းစရာ ဖြစ်လာသည်။ အောက်ပါနည်းလမ်းအဆင့်(၄)ခုမှာ သင်၏ အလုပ်သစ်တွင် ဓါတ်မတည့်မှုကို ဖြေရှင်းနည်းများဖြစ်သည်။ နည်းလမ်းအဆင့် (၁) – အလုပ်ရှင်ကိုတင်ပြဆွေးနွေးပါ သင်သည်လခစားဝန်ထမ်းဖြစ်ပါက သင်၏ လုပ်ငန်းကြီးကြပ်သူကို သင်၏ အစာဓါတ်မတည့်မှုအကြောင်း ပြောပြပြီးလုပ်ငန်းခွင်အတွင်းလိုအပ်သော ပြင်ဆင်မှုများအတွက် ဆွေးနွေးပါ။ သင်၏ လိုအပ်ချက်များအတွက် လူ့စွမ်းအားအရင်းအမြစ်ဌာန( HR ) နှင့် ဆက်သွယ်အကြံဉာဏ်ရယူနိုင်သည်။ သင့်တွင်လုပ်ဖော်ကိုင်ဖက်သစ်များ ၊ အဖွဲ့ဝင်များ၊ မိတ်ဆွေများ၊ အလုပ်အပ်သူများရှိလိမ့်မည်။ သူတို့ကိုသင်၏ အစာနှင့်ဓါတ်မတည့်သောအနေအထားကိုပြောပြထားပါ။ ထိုသူတို့၏အကူအညီကိုရယူ၍ အောက်ပါအကြံဉာဏ်တို့ကိုလိုက်နာပါ။ • သင်နှင့်မည်သည့်အစားအစာကမတည့်သည်ကိုပြောပြထားပါ။ • ဓါတ်မတည့်မှုဖြစ်စဉ်၏ပြင်းထန်မှုကိုအသိပေးပါ။ အရေးပေါ်အခြေအနေတွင် ဖြစ်ပေါ်လေ့ရှိသောရောဂါလက္ခဏာများနှင့် အရေးပေါ်ထိုးဆေးမည်သည့်နေရာတွင်ထားသည်ကိုပါပြောပြထားပါ။ • ဓါတ်မတည့်မှုဖြစ်စဉ်ကိုရှောင်ရှားနိုင်သည့်နည်းလမ်းအချို့ကို ပြုလုပ်ထားပါ။ ဥပမာ – လုပ်ငန်းခွင်တွင်တည်ခင်းသောနေ့လည်စာတွင် မည်သည့်အစားအစာများပါဝင်သည်ကိုတိုင်ပင်ပါ။ ထုတ်ပိုးပြီးအစားအစာများဖြစ်ပါကမည်သည်တို့ပါဝင်သည်ကို ပါကင်ဘူးတွင် ဖတ်ရှုပါ။ ထိုသူတို့တွင်လည်းအစားအစာနှင့် […]

ဓါတ်မတည့်ခြင်းနှင့် နောက်ဆက်တွဲပြဿနာဓါတ်မတည့်ခြင်းဆိုသည်မှာ ခန္ဓါကိုယ်၏ခုခံအားစနစ်က အန္တရာယ်မရှိသော ပန်းဝတ်မှုန် ၊ မှို ၊ တိရစ္ဆာန်အမွှေးများနှင့် အချို့သောအစားအစာတို့ကို ပြင်းထန်စွာပြန်လည်တုန့်ပြန်သည့် အခြေအနေတစ်ခုဖြစ်သည်။ အချို့သောဖြစ်စဉ်များတွင် အသက်အန္တရာယ်ရှိသည်အထိဆိုးရွားတတ်ပြီးနောက်ဆက်တွဲ ပြဿနာများကိုလည်း ဖြစ်စေနိုင်သည်။ (၁) သာမန်နောက်ဆက်တွဲပြဿနာများ လူအများစုသည် သူတို့၏ဘဝတွင်သာမန်ဓါတ်မတည့်မှုကို ကြုံဖူးတတ်ကြသည်။ နှာရည်ယိုခြင်း ၊ နှာစေးခြင်းတို့သည်အဖြစ်များသောဓါတ်မတည့်မှု၏အကျိုးဆက်များဖြစ်သည်။ နှာရည်ယိုခြင်းသည် နှာခေါင်းတွင်ရောင်ရမ်းခြင်းကြောင့် ဖြစ်ရသည်။ နှာခေါင်းပိတ်ခြင်း ၊ နှာရည်ယိုခြင်းအပြင် မျက်ရည်ပူများကျခြင်းပါ ဖြစ်ပွားတတ်သည်။ နှာခေါင်းဘေးရှိ Sinusဟုခေါ်သောကလိုဏ်ခေါင်းလေးများရောင်ရမ်းခြင်းလည်း ဖြစ်တတ်သည်။ အသက်ရှူလမ်းကြောင်းပိတ်ခြင်း၊ အစိမ်း (သို့မဟုတ်) ညိုပုပ်ပုပ်နှပ်ချေးများကျခြင်း ၊ နှာရည်များ လည်ချောင်းထဲစီးကျခြင်းနှင့် မျက်နှာတွင် ပူရှိန်းရှိန်းစပ်တပ်တပ် ဖြစ်ခြင်းတို့ ခံစားရတတ်သည်။ ခေါင်းအဆက်မပြတ်ကိုက်ခြင်း ၊ ဖျားခြင်းနှင့် ချောင်းဆိုးခြင်းတို့လည်း ဖြစ်ပွားတတ်သည်။ ဆေးဆိုင်တွင် အလွယ်တကူ ဝယ်ယူရရှိနိုင်သောဆေးများက သာမန်အားပျော့သော ရောဂါလက္ခဏာများကို သက်သာစေနိုင်သော်လည်း အချို့လူများတွင် […]

-နေ့တစ်နေ့တွင်သင်နိုးထလာပြီး နှာချေခြင်း ၊ နှာခေါင်းယားခြင်း၊ချောင်းဆိုးခြင်း ၊ မျက်စိနီရဲ၍မျက်ရည်ကျခြင်းတို့ခံစားနေရပါကသင်သည်ရာသီကိုလိုက်၍ဖြစ်တတ်သော ဓါတ်မတည့်မှုကိုခံစားနေရခြင်းဖြစ်နိုင်ပါသည်။ ထိုအချင်းအရာသည်အဖြစ်များသော ကျန်းမာရေးပြဿနာဖြစ်သည်။ ရာသီအလိုက် ဓါတ်မတည့်မှုများအတွက် သင်စားနေသောအစားအစာကလည်းအကျိုးသက်ရောက်မှု ရှိသည်ကိုသင်သတိပြုသင့်ပါသည်။   ရာသီအလိုက်ဓါတ်မတည့်မှုများဆိုသည်မှာ -ရာသီအလိုက်ဓါတ်မတည့်ခြင်းတို့သည် ကောက်ရိတ်သိမ်းချိန်ဖြစ်သောအဖျားရောဂါနှင့် ရာသီအကူးအပြောင်းတွင်ဖြစ်တတ်သော နှာခေါင်းယားယံခြင်းတို့ကိုအဓိကဆိုလိုပါသည်။ နှစ်တစ်နှစ်၏အချို့အချိန်များတွင် ထိုရောဂါတို့၏လက္ခဏာများ ဖြစ်ပေါ်လေ့ရှိသည်။ အဓိကအကြောင်းရင်းမှာ ပြင်ပမှမှိုပိုးများ၏ ပိုးမှုန်များနှင့် ပေါင်းပင်မြက်ပင်တို့၏ဝတ်မှုန်တို့ကြောင့် ဖြစ်ရသည်။ ဓါတ်မတည့်ခြင်းအခံရှိသူတို့၏ ခုခံအားစနစ်ကထိုပြင်ပအမှုန်များကိုရှူမိသောအခါ ပြန်လည်တိုက်ထုတ်ရန်ဓါတုပစ္စည်းများကို ထုတ်လွှတ်တတ်သည်။ ထိုထုတ်လွှတ်သောပစ္စည်းများကဓါတ်မတည့်သောအောက်ပါလက္ခဏာများကို ဖြစ်စေပါသည်။ -နှာစေးခြင်း၊ -နှာခေါင်းနှင့်လည်ချောင်းယားယံခြင်း၊ -ချောင်းဆိုးခြင်း၊ -နှာရည်ယို၍နှာခေါင်းနီခြင်း၊ -နှာပိတ်ခြင်းတို့ဖြစ်ပါသည်။ -ထိုလက္ခဏာများသည် မျက်လုံးနီရဲယားယံခြင်းနှင့် မျက်ရည်ကျခြင်းတို့နှင့် တွဲဖက်ဖြစ်တတ်ပြီးဓါတ်မတည့်မှုေ ကြာင့်ဖြစ်သော မျက်စိရောင်ရမ်းခြင်းဟုခေါ်ပါသည်။ ရာသီအလိုက်ဓါတ်မတည့်မှုကိုဖြစ်စေသောအစားအစာများ -ရာသီအလိုက်ဓါတ်မတည့်မှုကိုဖြစ်စေသောအစားအစာများရှိပါသည်။ ထိုဝေဒနာခံစားရလေ့ရှိသူများက အောက်ပါအစားအစာတို့ကိုရှောင်ကြဉ်ရန်လိုအပ်ပါသည်။ အရွက်စားမုန်လာ -အရွက်စားမုန်လာသည် အပြန်အလှန်ဓါတ်ပြုတတ်သည့်သဘာဝရှိသည်။ အပင်များ၏ဝတ်မှုန်ကိုဓါတ်မတည့်သူများ စားသုံးပါကဓါတ်မတည့်မှုကိုပိုမိုဆိုးရွားတတ်သည်။ ခရမ်းချဉ်သီး -ဓါတ်မတည့်ခြင်းအခံရှိသူများတွင် ဝင်ရောက်လာသောအရာဝတ္ထုများကိုတုန့်ပြန်ရန်ခန္ဓါကိုယ်ကဟစ်စတမင်း(Histamine)ကိုထုတ်လွှတ်ပေးသည်။ ခရမ်းချဉ်သီးတွင်ဟစ်စတမင်းဓါတ်များ ပါဝင်ပြီးအရွက်စားမုန်လာကဲ့သို့ဓါတ်တုန့်ပြန်တတ်သည့် သဘာဝရှိသည်။ ထို့ကြောင့် ရာသီအလိုက်ဓါတ်မတည့်မှုဖြစ်တတ်သူများသည် ခရမ်းချဉ်သီးကိုမရွေးချယ်သင့်ပါ။ အပြာရောင်မှိုကြောင်းများတက်နေသည့်ဒိန်ခဲ -ဟစ်စတမင်းကြွယ်ဝစွာပါဝင်သောအစားအစာဖြစ်ပြီးမျက်စိနီရဲယားယံခြင်း ၊ မျက်ရည်ကျခြင်းတို့ကို ဖြစ်စေနိုင်သည်။ ဗာဒံစေ့ -အပင်များ၏ဝတ်မှုန်များကို ဓါတ်မတည့်သူများသည် ဗာဒံစေ့အပါအဝင် အစေ့အဆန်များကိုစားသုံးခြင်းဖြင့် ဓါတ်မတည့်သည့်လက္ခဏာပိုဆိုးစေနိုင်သည်။ ဗာဒံစေ့ပါဝင်သောနွားနို့နှင့် ကွတ်ကီးမုန့်များသည်လည်းအတူတူပင်ဖြစ်သည်။ […]

ဖြစ်ပွားမှုဓါတ်မတည့်မှုများသည် အချိန်မရွေး ဖြစ်ပွားတတ်ပြီး အလုပ်ခွင်အတွင်းတွင်ဖြစ်ပါက လုပ်ငန်းခွင်ထိခိုက်မှုကို ဖြစ်စေပါသည်။ နှာရည်ယိုခြင်း၊ နှာစေးခြင်း၊ မျက်စိနီရဲယားယံခြင်းတို့ ခံစားရပြီး အလုပ်အာရုံစူးစိုက်မှုကို ထိခိုက်စေပါသည်။ သင့်အနေဖြင့် ထိုဓါတ်မတည့်မှုများကို လျှော့ချနိုင်ရန် (သို့မဟုတ်) လုံးဝရှောင်ရှားနိုင်ရန် အောက်ပါတို့ကို သိရှိရန် လိုအပ်ပါသည်။ သို့မဟုတ်ပါက အလုပ်ပျက်ပြီးသင်၏ လုပ်ငန်းခွင် စွမ်းအားကိုလည်း လျော့ကျစေမည်ဖြစ်ပါသည်။ လုပ်ငန်းခွင်ဆိုင်ရာဓါတ်မတည့်မှုအတွက် အကောင်းဆုံး ကုသမှုမှာ ဓါတ်မတည့်မှု ဖြစ်စေသော အရာများမှ ရှောင်ရှားခြင်း ဖြစ်သည်။ ထို့ကြောင့် သင့်အနေဖြင့် မိမိနှင့် ဓါတ်မတည့်သော အခြေအနေရှိနိုင်သော အလုပ်အကြောင်း သိသင့်သကဲ့သို့ မည်သည့်အလုပ်က မိမိအတွက်သင့်တော်မည်ကိုလည်း ရွေးချယ်နိုင်စွမ်းရှိရပါမည်။ အောက်ပါအလုပ်များသည်ဓါတ်မတည့်ရောဂါရှိသူများအတွက် မသင့်တော်သောအချက်များဖြစ်သည်။ (၁)ဥယျာဉ်ခြံမြေစိုက်ပျိုးခြင်း လုပ်ငန်းများ ပန်းဝတ်မှုန်နှင့်ဓါတ်မတည့်သူများ အနေဖြင့် ဥယျာဉ်ခြံစိုက်လုပ်ငန်းများ၊ မြေယာလုပ်ငန်းများကိုမပြုလုပ်သင့်ပါ။ သို့မဟုတ်ပါက ဥယျာဉ်ခြံမြေဆိုင်ရာ ကျွမ်းကျင်ဆေးပညာရှင်နှင့်တိုင်ပင်သင့်ပါသည်။ အဓိက ဓါတ်မတည့်မှုဖြစ်စေသောအရာများမှာ အပင်များ၊ မြက်ပင်များ၊ ရေညှိနှင့်မှိုတို့ဖြစ်ပါသည်။ […]