မိန်းကလေးတိုင်း သတိမူသင့်တဲ့ သားအိမ်ကင်ဆာလက္ခဏာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မိန်းကလေးတွေမှာအဖြစ်များတဲ့ကျန်းမာရေးပြဿနာကတော့သွေးသားနဲ့သက်ဆိုင်တာတွေပါပဲ။ ရာသီစက်ဝန်းနဲ့ပတ်သက်တဲ့ဝေဒနာတွေ၊ ကိုက်ခဲတာတွေကတစ်မျိုး၊ သွေးဆုံးပြန်တော့သွေးဆုံးကိုင်တာ တွေရောပေါ့။

ခြုံကြည့်ရရင် သားအိမ်နဲ့ပတ်သက်တဲ့ရောဂါဝေဒနာတွေက အများဆုံးပါ။ ဖြစ်လေ့ဖြစ်ထရှိတဲ့ပြဿနာတွေနဲ့ရောနေနိုင်တာက အမျိုးသမီးတွေအတွက် အန္တရာယ်ကြီးတဲ့ သားအိမ်ကင်ဆာပါပဲ။ သားအိမ်ခေါင်းကင်ဆာအကြောင်း အသိပညာပေးတာတွေ ကျယ်ကျယ်ပြန့်ပြန့် လုပ်ဆောင်နေကြချိန်မှာ သားအိမ်ကင်ဆာကိုလည်း မေ့လျော့ထားဖို့မသင့်ပါဘူး။

သားအိမ်ကင်ဆာဟာ အမျိုးသမီးတွေအတွက် လက်နက်ပုန်းတစ်ခုလို တစ်ခါတလေမှာ တခြားကိုယ်တွင်းအင်္ဂါတွေဆီ ပျံ့သွားတဲ့အချိန်ထိကို လက္ခဏာမပြဘဲနေတတ်ပါတယ်။ ဒါပေမယ့် သားအိမ်ကင်ဆာကို များသောအားဖြင့် စဖြစ်ကာစအချိန်မှာ မိန်းမကိုယ်သွေးဆင်းခြင်းလို လက္ခဏာတွေနဲ့ စတင်သိရှိနိုင်ပါတယ်။ အဖြစ်များဆုံး လက္ခဏာတွေကတော့ –

  • ပုံမှန်မဟုတ်တဲ့ သွေးဆင်းခြင်း သို့မဟုတ် မိန်းမကိုယ်ကနေ အရည်၊အချွဲဆင်းခြင်း (သွေးမဆုံးခင်အမျိုးသမီးတွေမှာ ပုံမှန်နဲ့မတူတဲ့ သွေးဆင်းများခြင်း ဒါမှမဟုတ် အကြိမ်ရေခဏခဏ သွေးဆင်းခြင်း၊ သွေးဆုံးပြီးအမျိုးသမီးတွေမှာ သွေးဆင်းခြင်း)
  • ပုံမှန်မဟုတ်တဲ့ အဖြူဆင်းခြင်း (မိန်းမကိုယ်မှ ပန်းရောင်ဖျော့တဲ့အရည်ကျဲကျဲ ဆင်းခြင်းကနေ အနံ့ဆိုးတဲ့ အညိုရောင်ပျစ်ပျစ် ဆင်းခြင်းအထိ အမျိုးမျိုးရှိနိုင်ပါတယ်။)
  • ဆီးသွားရခက်ခဲခြင်း သို့မဟုတ် ဆီးသွားရနာကျင်ခြင်း၊
  • လိင်ဆက်ဆံချိန်မှာ နာကျင်ခြင်း၊
  • ရုတ်တရက် ကိုယ်အလေးချိန်ကျဆင်းခြင်း၊
  • ဝမ်းဗိုက်အောက်ပိုင်း၊ ခါး၊ ခြေထောက်တို့မှာ အားနည်းခြင်း၊ နာကျင်ခြင်း (ကင်ဆာက တခြားကိုယ်တွင်းအင်္ဂါတွေအထိ ပျံ့နှံ့သွားတဲ့အခါ ဖြစ်လာနိုင်တယ်)။

သားအိမ်ကင်ဆာကို ဘယ်လိုနည်းလမ်းတွေနဲ့ စစ်ဆေးနိုင်မလဲ

သားအိမ်ကင်ဆာရှိမရှိကို ဒီနည်းလမ်းတွေနဲ့ စစ်ဆေးအတည်ပြုနိုင်ပါတယ်။

မမျိုးပွားအင်္ဂါများအား စမ်းသပ်စစ်ဆေးခြင်း

ဆရာဝန်က လူနာရဲ့လိင်အင်္ဂါအပြင်ဘက်ကို ဦးဆုံး စမ်းသပ်စစ်ဆေးမှာဖြစ်ပါတယ်။ နောက်တဆင့်အနေနဲ့ မိန်းမကိုယ်ထဲ လက်ချောင်း ၂ချောင်းထည့်ပြီး ကျန်လက်တစ်ဖက်က ဝမ်းဗိုက်ပေါ်ဖိခြင်းအားဖြင့် ခန္ဓာကိုယ်တွင်းက သားအိမ်နဲ့ သားဥအိမ်တွေကို စစ်ဆေးမှာဖြစ်ပါတယ်။ ဒါ့အပြင် သားအိမ်ခေါင်းကို ကောင်းစွာမြင်ရဖို့ မိန်းမကိုယ်ထဲ ပစ္စည်းတစ်မျိုးထည့်ပြီး စမ်းသပ်စစ်ဆေးဖို့ လိုအပ်နိုင်ပါတယ်။

မိန်းမကိုယ်မှတဆင့် အာလ်ထရာဆောင်းရိုက်ခြင်း

ဒီနည်းလမ်းကတော့ မိန်းမကိုယ်ထဲကို အသံလှိုင်းအာရုံခံ ကိရိယာတစ်မျိုးထည့်ပြီး သားအိမ်အတွင်းပိုင်းနံရံရဲ့ မျက်နှာပြင်အခြေအနေကို ပုံဖော်စစ်ဆေးတဲ့နည်းလမ်း ဖြစ်ပါတယ်။

သားအိမ်မှန်ပြောင်းကြည့်ခြင်း

သင့်သားအိမ်အတွင်းပိုင်းနံရံကို မှန်ပြောင်းအသုံးပြုပြီး ကြည့်ရှုစစ်ဆေးခြင်းဖြစ်ပါတယ်။

သားအိမ်အသားစယူခြင်း

သားအိမ်ကင်ဆာဟုတ်မဟုတ် ရောဂါရှာဖွေအတည်ပြုနိုင်တဲ့ နောက်ထပ်နည်းလမ်းတစ်ခုကတော့ သားအိမ်အတွင်းပိုင်းနံရံက တစ်ရှူးနမူနာ အနည်းငယ်ကိုယူပြီး ဓါတ်ခွဲခန်းမှာ စစ်ဆေးခြင်းပဲ ဖြစ်ပါတယ်။ အသားစယူခြင်းကို မေ့ဆေးထုံဆေး အသုံးမပြုဘဲ ပြုလုပ်နိုင်ပါတယ်။

သားအိမ်ခေါင်းချဲ့ပြီး သားအိမ်ခြစ်ခြင်း

အသားစယူရုံနဲ့ ဓါတ်ခွဲခန်းမှာစစ်ဆေးဖို့ လုံလောက်တဲ့တစ်ရှူးပမာဏ မရရှိဘူးဆိုရင်တော့ ဒီနည်းလမ်းကို အသုံးပြုနိုင်ပါတယ်။ ဆရာဝန်က လူနာရဲ့သားအိမ်အတွင်းပိုင်းနံရံက တစ်ရှူးတွေကို ခြစ်ယူပြီး ကင်ဆာဆဲလ်တွေရှိမရှိ စစ်ဆေးမှာဖြစ်ပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေး အစာမကြေဖြစ်နေလား ဘယ်လိုသိနိုင်မလဲ ..ဘယ်လိုကာကွယ်ကြမလဲ

ကလေး အစာမကြေတဲ့ ပြဿနာ ဒီလို ကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သိထားဖို့ လိုမယ့် ခွေးရူးပြန် ရောဂါပိုးအကြောင်း

ခွေးရူးရောဂါပိုးက ရာနှုန်းပြည့်ကာကွယ်လို့ ရတဲ့ အရာပါ။ သိရှိမယ်။ ကာကွယ်ဆေးထိုးမယ်ဆိုရင် ထိခိုက်မှု လုံးဝမရှိဘဲ ကာကွယ်နိုင်မယ့် ကျန်းမာရေး ပြဿနာတစ်ခုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မဖြစ်မနေ သိထားရမယ့် COVID-19 လက္ခဏာများ

COVID-19၊ ရောဂါလက္ခဏာ၊ ကွာရန်တင်း၊ Positive၊ ဖျားနာ၊ ခရစ္စမတ်၊ Swab၊ အအေးမိ၊ ဆံပင်၊ ပင်ပန်းနွမ်းနယ်၊ နှလုံးဆိုင်ရာပြဿနာ၊ အစာခြေစနစ်၊ တုပ်ကွေး၊ Antibody Test

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

COVID-19 ရောဂါပိုး ဆံပင်မှာ ကပ်ငြိရှင်သန်နိုင်သလား

COVID-19၊ ကမ္ဘာတစ်လွှား၊ မာကျောတဲ့မျက်နှာပြင်၊ ချောင်းဆိုး၊ Mask၊ ဆံပင်၊ အမျိုးသမီး၊ ပိုးသယ်ဆောင်သူ၊ ခေါင်းလျှော်၊ ဦးရေပြား၊ အဆီလွှာ၊ antimicrobial effect

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

COVID အစ ဝူဟန်ကဆိုတာ တကယ် မှန်ကန်ရဲ့လား

COVID အစ ဝူဟန်ကဆိုတာ တကယ် မှန်ကန်ရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 15, 2020 . 2 mins read
အဖြစ်များသော အစာအိမ်အူလမ်းကြောင်းပြဿနာများ

အဖြစ်များသော အစာအိမ်အူလမ်းကြောင်းပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 13, 2020 . 2 mins read
သီးသီးအကြောင်း သိကောင်းစရာ

သီးသီးအကြောင်း သိကောင်းစရာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 2, 2020 . 1 min read