ဆံသားနှင့် ဦးရေပြားကျန်းမာရေး

ကုတ်လိုက်တိုင်း ဗောက်တွေက ဖွေးဖွေးလှုပ်။ ခေါင်းဖြီးလိုက်တိုင်း ဆံပင်တွေကျွတ်နဲ့ စိတ်ကိုညစ်နေတာပဲ။ ဗောက်ထတာက ဆံပင်ကျွတ်စေနိုင်လား.... ဘာလုပ်လို့လုပ်ရမလဲသိဘူးဆိုတဲ့သူတွေများရှိလား.... ဒါဆိုရင်တော့ ဒီဆောင်းပါးလေးက သင့်အတွက်ပါ။ ဗောက်ဆိုတာ ကမ္ဘာ့လူဦးရေ ၅၀ ရာခိုင်နှုန်းလောက်က ဗောက်ပြဿနာကိုခံစားနေရပါတယ်။ ဒါကြောင့် ဗောက်ပြဿနာခံစားနေရတာ သင်တစ်ယောက်တည်းလို့ မထင်စေချင်ပါဘူး။ ဗောက်က ဦးရေပြား ပြဿနာတစ်ခုပါ။ ဦးရေပြားခြောက်သွေ့မှုကနေဖြစ်ပေးလာတဲ့ အရေပြားပြဿနာတစ်ခုပေါ့။ ဗောက်က ဘာတွေဖြစ်စေနိုင်လဲ..... ဗောက်ဖြစ်တဲ့အခါ ဦးရေပြားက ယားယံမယ် ခြောက်သွေ့မယ် နီမြန်းရောင်ရမ်းမယ်။ ဗောက်ဖြစ်စေတဲ့အကြောင်းအရင်း ဗောက်ဖြစ်စေနိုင်တဲ့ အကြောင်းအရင်းက တစ်ခုမကရှိနေပါတယ်။ ဦးရေပြားက အဆီပြန်တာ ခေါင်းသေချာမလျှော်တာ မှိုပိုးကူးစက်ခံရတာ အသားအရေခြောက်သွေ့တာ ဆံသားသုံး ပစ္စည်းတွေနဲ့ မတည့်တာ အရေပြားပြဿနာတစ်ခုခု ခံစားနေရတာ အသက်အရွယ်ကြောင့်ဖြစ်တာ ရောဂါအခံတစ်ခုခုရှိနေတာကြောင့် ဗောက်ထနိုင်ပါတယ်။ ဗောက်ထတာက ဆံပင်ကျွတ်စေနိုင်လား.... ဗောက်ထတာက ဆံပင်ကျွတ်စေနိုင်လား.... ဆိုတော့ တိုက်ရိုက်ကျွတ်စေတာမျိုးတော့ မဟုတ်ပါဘူး။ ဆိုလိုတာက ဗောက်ရှိတိုင်း ဆံပင်ကျွတ်တာတော့ မဟုတ်ပါဘူး။ ဒါပေမယ့် ဗောက်ဖြစ်တဲ့အခါ ဦးရေပြားက ယားယံတယ်။ […]

ဆံပင် ဖြောင့်တဲ့အခါ ဘာတွေ သိထားရမလဲ ပြောပြပေးချင်ပါတယ်။ အမျိုးသမီးတစ်ယောက်ရဲ့ ဆံကေသာ အလှ ဟာ နဂိုကောင်းတာကြောင့်ဆိုတာထက် ဆံပင် ကို သူဘယ်လိုစောင့်ရှောက်ပေးသလဲ ဆိုတာနဲ့ ပိုသက်ဆိုင်ပါတယ်။ ဆံပင် ဖြောင့်တဲ့အခါ ဆံပင်ဆိုတာ ဘာအရေးကြီးလို့လဲ ဆိုသူတွေကိုပြောချင်တာက ဆံပင်ဟာ လူတစ်ယောက်အတွက်တော့ ဒုတိယ မျက်နှာပါပဲ။ ဆံကေသာ အလှ လို့ဆိုတဲ့နေရာမှာ ဆံသားရဲ့ ကျန်းမာသန်စွမ်းလှပမှု အပြင် ဆံပင်ပုံစံကိုလည်း ထည့်စဉ်းစားကြရပါတယ်။ ကမ္ဘာအနှံ့က တချို့သောအမျိုးသမီးတွေက လှပသန်စွမ်းပြီး နူးညံ့တဲ့ ဆံပင် အပြင် သူတို့နဲ့ လိုက်ဖက်မယ်ထင်တဲ့  ရှည်ပြီးဖြောင့်တဲ့ ဆံပင်ရဖို့ စိတ်ကူးယဉ်ကြပါတယ်။ ဘာကြောင့် ဆံပင်အဖြောင့်ကို ကြိုက်တာလဲ ကြည့်ကြည့်ရအောင်။ အမျိုးသမီးတွေက ဆံပင်ပုံစံအမျိုးမျိုးနဲ့ မွေးဖွားလာကြတာပါ။ အကောက်၊ လှိုင်းတွန့်၊ အရှည်၊ အတို အစုံပေါ့။ ဒါပေမဲ့ တချို့အမျိုးသမီးတွေရဲ့အဆိုအရ ဆံပင်အဖြောင့်ထက် ကောင်းတာ […]

ဆံသား နဲ့ မာလကာရွက် မာလကာရွက်က ဆံသားအတွက် တော်တော်လေးသင့်တော်တဲ့ သဘာဝ ပစ္စည်းတစ်ခုပေါ့။ မာလကာရွက်ကို ရေနွေးထဲထည့်ပြီးသောက်သုံးပေးလို့ရသလို မာလကာရွက်ပြုတ်ရည်ကို ဆံသားနဲ့ ဦးရေပြားကျန်းမာစေဖို့အတွက်လည်း အသုံးပြုလို့ရပါတယ်။ မာလကာရွက်ကို ဆံသားနဲ့ဦးရေပြားအတွက်တင်မဟုတ်ဘဲ ဝမ်းလျှောတာ၊ ချောင်းဆိုးတာနဲ့ သွားဖုံးရောဂါ၊ နားဝေဒနာတွေအတွက် အသုံးပြုလို့ရပါတယ်။ မာလကာရွက်ကို ဗောက်သက်သာစေဖို့ သုံးလို့ရသလို အရွယ်မတိုင်ခင် ဆံပင်ဖြူတာမျိုး မဖြစ်စေဖို့အတွက်လည်းအသုံးပြုလို့ရပါတယ်။ (၁) မာလကာရွက်က ဆံပင်ကျွတ် သက်သာစေနိုင်တယ် ဆံပင်တွေကျွတ်ပြီး ဆံပင်ပါးလာလို့ စိတ်ညစ်နေတာလား လေဒီ။ ဓာတ်တိုးဆန့်ကျင်အာနိသင်ကြွယ်ဝစွာပါဝင်တဲ့ မာလကာရွက်က Oxidative stress တွေကြောင့် ဆံပင်ကျွတ်တာကို သက်သာစေပါလိမ့်မယ်။ သုတေသနတွေအရ မာလကာရွက်မှာ ရောင်ရမ်းမှုကို သက်သာစေနိုင်တဲ့ ဖလေဗာနွိုက် ပါဝင်ပြီး ဆံသားမွေးညှင်းအိတ်လေးတွေကို ကျန်းမာစေပြီး ဆံပင်တွေကို ပေါက်စေပါတယ်။ မာလကာရွက်ကို စားသုံးပေးမယ်ဆိုရင် ကင်ဆာကြောင့် ဓာတ်ရောင်ခြည်ကုထုံးခံယူနေရတာကြောင့် ဆံပင်ကျွတ် တာတွေကို လျော့ပါးသက်သာစေနိုင်ပါတယ်။ ဘယ်လိုသုံးရမှာလဲ […]

ဆံသား ပြန်ကျန်းမာစေမယ်လို့ ဆိုကြတဲ့ Hair Rebonding အကြောင်း လေ့လာလိုက်ရအောင်နော်။ ဆံပင်ပုံစံပြောင်းကြမယ်ဟေ့ဆိုတာနဲ့ မတ်မတ်တို့ရဲ့ဆံပင်ကို အရင်က ဟိုခေတ်ကဆို ကောက်ကောက်ကွေးကွေးလေး၊ နောက်တော့ ဖြောင့်စင်းစင်းလေး၊ နောက်ပိုင်းမှာ အောက်နား ကောက်တဲ့ အလိပ်လိပ်လေးနဲ့ စုံလို့ပါပဲ။ ဒါတွေ အကုန်လုံးကို တစ်ချက်တည်း ရိုက်ချလိုက်နိုင်တဲ့ နည်းကတော့ hair rebonding ပါပဲ။ ဆံသားပြန်ကျန်းမာစေမယ် လို့ဆိုကြတဲ့ Hair Rebonding ကောက်လိုက်၊ ဖြောင့်လိုက်၊ ဆေးဆိုးလိုက်နဲ့ အမျိုးစုံ ပြင်ဆင်ထားခဲ့ဖူးတဲ့ ဆံသားတွေဟာ တဖြည်းဖြည်းနဲ့ အဖျားတွေ နှစ်ခွ ကွဲလာမယ်၊ ခြောက်သွေ့လာမယ်၊ အရောင်အဆင်း ပျက်လာမယ်၊ ဖြီးမရ ဖြည်မရ ရှုပ်ထွေးလာမယ်၊ ပြတ်ထွက်လာမယ်၊ ဆံပင် ကျွတ်မယ် စတဲ့ ပျက်စီးမှုပေါင်းစုံ ကြုံလာရနိုင် ပါတယ်။ ဒီလို အချိန်မှာ ဆံသား ပြဿနာတွေကို […]

ဆံကေသာအလှဟာ ပျိုမေတိုင်းအတွက် အရေးပါလှပါတယ်။ ဆံပင်ပုံစံလေးပြောင်းလိုက်တာနဲ့ တအားဆွဲဆောင်မှုရှိသွားတာမျိုး၊ ဆံပင်တွေ ကပိုကရိုနဲ့လှတဲ့သူတွေရှိပေမယ့် တချို့မှာတော့ ဆံပင်မသပ်ရပ်လို့ အလှတွေမြုပ်သွားတာမျိုး။ ဒီလိုအရေးပါတဲ့ ဆံကေသာရဲ့ ကျန်းမာရေးအတွက် သေချာဂရုစိုက်သင့်တာ လက်ခံတယ်မလား။ ဆံသားပြဿနာအမျိုးမျိုးကို အမြန်ဆုံးဖြေရှင်းပေးနိုင်တဲ့နည်းအဖြစ် hair rebonding treatment ဆိုတာ ပေါ်ထွက်လာခဲ့ပါတယ်။ hair rebonding လုပ်ရင် ဆံသားကို ဖြောင့်စင်းပြီး အိသွားစေတယ်၊ အရောင်တောက်ပစေတယ်၊ လေတိုက်ရင်တောင်ဆံပင်မရှုပ်စေတဲ့အထိ ထိန်းသိမ်းရလွယ်စေမယ်။ ဒါ့ကြောင့် ဆံပင်က ကောက်နေလား၊ ဆံသားခြောက်ပြီး ပွနေလား၊ ရှုပ်ထွေးနေလား ဘာလာလာ ဖြေရှင်းပေးနိုင်ပါလိမ့်မယ်။ အရေးကြီးတာက rebonding လုပ်ပြီးတဲ့အခါ - ၃ ရက်အတွင်း ခေါင်းမလျှော်ပါနဲ့။ ဒါ အရေးကြီးဆုံးအချက်ပါ။ rebonding လုပ်ထားတဲ့ ဆံပင်ကို ပုံသွင်းထားတာမပျက်စေဖို့  ၃ ရက်အတွင်း ရေမထိအောင် သတိထားရပါမယ်။ ဆံပင်မစည်းပါနဲ့။ ဆံပင်စည်းတာ၊ ကလစ်တွေနဲ့ညှပ်တာ၊ ထုံးတာတွေ မလုပ်ပါနဲ့။ […]

ဆောင်းရာသီ နဲ့ ဗောက်ပြဿနာ အကြောင်းလေး နည်းနည်းလောက် ပြောပြပေးချင်ပါတယ်။ ဆောင်းရာသီက အေးမြပြီး နေရထိုင်ရ အဆင်ပြေပေမယ့် ဆောင်းရာသီမှာ အရေပြား၊ဆံသားနဲ့ ဦးရေပြားတွေကိုတော့ ဂရုစိုက်ရပါမယ်။ဆောင်းရာသီမှာ အသားအရေခြောက်သွေ့တာ ဖြစ်နိုင်သလို၊ ဆံသား ခြောက်သွေ့ကြမ်းတမ်းတာနဲ့ ဦးရေပြားမှာ ဗောက်ဖြစ်တာတွေ ခံစားရနိုင်ပါတယ်။ ဗောက်ဆိုတာ ဗောက်ဆိုတာက ဦးရေပြားမှာ အဖြူရောင် အဖတ်အဖတ်လေးတွေဖြစ်ပေါ်တာပါ။ဗောက်ဖြစ်တာက အလှပျက်စေသလို ဦးရေပြားမှာ ယားယံမှုကိုဖြစ်စေနိုင်ပါတယ်။ဗောက်က စိတ်အနှောင့်အယှက်ဖြစ်စေတဲ့ ပြဿနာတစ်ခုဖြစ်ပြီး ကုသဖို့လည်း မလွယ်ကူပါဘူး။ ဆောင်းရာသီလိုမျိုး အေးမြတဲ့ရာသီမှာ ပုံမှန်ထက် ဗောက်တွေပိုဖြစ်နိုင်ပါတယ်။ ဗောက်ဖြစ်ရတဲ့ အကြောင်းအရင်းကို သေသေချာချာမသိရပေမယ့် ဗောက်မဖြစ်အောင်ကာကွယ်လို့တော့ရပါတယ်။ ဒီအချက်တွေကြောင့် ဗောက်ထနိုင်ပါတယ် ဆံပင်ကို ဖြီးသင်မှု သိပ်မရှိတာ - ဆံပင်ကို မှန်မှန်လေးဖြီးပေးတာက ဗောက်တွေကို သက်သာစေနိုင်ပါတယ်။ မှိုပိုးတွေကြောင့် - မှိုပိုးတွေကြောင့်ထိခိုက်လွယ်တဲ့ အသားအရေပိုင်ရှင်တွေမှာဗောက်ဖြစ်လွယ်ပါတယ်။ ဗောက်တွေက ဆောင်းရာသီမှာပိုဆိုးပြီး နွေရာသီလိုမျိုးရာသီမှာတော့ နည်းနည်းသက်သာပါတယ်။နေရောင်ခြည်မှာပါတဲ့ UVA က […]

ဆံသားကို သေချာဂရုမစိုက်တာ၊ နေရောင်ခြည်နဲ့ထိတွေ့မှုများတာနဲ့ ဓာတုပစ္စည်းတွေသုံးတာတွေ များလာရင် ဆံကေသာကို ထိခိုက်ပျက်စီးစေတာပေါ့။ ဆံသားကို ပြုပြင်ထိန်းသိမ်းပေးမှ ပြန်လည်ကျန်းမာစေပြီး ပုံကျလှပနိုင်မှာပါ။ အပူဒဏ်၊ ဆံပင်ပုံသွင်းခြင်း၊ ဂရုစိုက်ထိန်းသိမ်းမှုမရှိခြင်း၊ နေရောင်ခြည်နဲ့ထိတွေ့မှုလွန်ကဲခြင်းနဲ့ ဓာတုပစ္စည်း ထိတွေ့မှုတွေကြောင့် ဆံသားကို ထိခိုက်ပျက်စီးစေပါတယ်။ ဆံပင်ပျော့ဆေးသုံးလိုက်တဲ့အခါ ဖြီးရလွယ်ကူပြီး ဆံသားခြောက်သွေ့ခြင်းကိုကာကွယ်ပေးတာကြောင့် ရှုပ်ပွနေတဲ့ ဆံပင်တွေကို ပုံကျလှပစေမှာဖြစ်ပါတယ်။ ဒါပေမယ့် ဆံပင်ပျော့ဆေးကို တံဆိပ်အမျိုးမျိုးနဲ့တွေ့ရတတ်တာကြောင့် အရည်အသွေးမကောင်းတဲ့ ဆံပင်ပျော့ဆေးတွေကြုံခဲ့ရင် ကောင်းကျိုးထက် ဓာတုပစ္စည်းတွေကြောင့် ဆံသားပျက်စီးတာသာအဖတ်တင် ပါလိမ့်မယ်။ ဒီလိုမဖြစ်ရအောင် အိမ်မှာပဲ လွယ်လွယ်ကူကူ ကိုယ်တိုင်ပြုလုပ်လို့ရတဲ့ သဘာဝဆံပင်ပျော့ဆေး လေးတွေ ဖော်ပြပေးလိုက်ပါတယ်။ ငွေကုန်လည်းသက်သာ၊ ဆိုင်သွားဖို့ ပေးရတဲ့အချိန်ကုန်လည်း သက်သာစေပါလိမ့်မယ်။ (၁) ကြက်ဥအနှစ်နဲ့ ဗီနီဂါ ကြက်ဥက ဆံသားထဲမှာအစိုဓာတ်ထိန်းပေးနိုင်တဲ့ lecithin ကြွယ်ဝပါတယ်။ ဗီနီဂါက သန်း၊ ဗောက်နဲ့ တခြားဦးရေပြားပြဿနာတွေကိုပျောက်ကင်းစေနိုင်တယ်။ ဒီပစ္စည်းနှစ်မျိုးပေါင်းစပ်တဲ့ ဆံပင်ပျော့ဆေး ပြုလုပ်နည်းကတော့ […]

အသားအရေကို ထိန်းသိမ်းတဲ့အိမ်သုံးပစ္စည်းတွေထဲမှာ ပျားရည်ဟာလည်း အလွန်နာမည်ကြီးပါတယ်။ အရေပြားအတွင်းထဲထိ စိမ့်ဝင်မှုအားကောင်းသလို အသားအရေအတွက်လိုအပ်တဲ့ အာဟာရဓာတ်တွေကိုလည်း ပေးစွမ်းနိုင်တယ်။ လုပ်ရတာလည်း လွယ်ကူသလို အချိန်မကုန် အလုပ်မရှုပ်တဲ့အတွက် ကိုယ့်အိမ်မှာပဲ အချိန်ခဏလေးပေးပြီး အသားအရေထိန်းသိမ်းလို့ရတယ်။ ပျားရည်ကို အများစုက မျက်နှာပေါင်းတင်တဲ့နေရာမှာ သုံးတဲ့ သဘာဝ Mask အဖြစ်အသုံးပြုကြပါတယ်။ အချိန် ၁၀ မိနစ်လောက်ပေးပြီး မျက်နှာမှာ ကပ်ထားရုံနဲ့ ဝက်ခြံအဖုအပိမ့်တွေကို သက်သာစေပြီး အမည်းစက်တွေကို ဖယ်ရှားပေးတယ်။ အဆီပြန်ခြင်းကင်းပြီး နူးညံ့ချောမွေ့တဲ့ မျက်နှာအသားအရေကို ရစေတယ်။ အိုမင်းရင့်ရော်ခြင်းကို တားဆီးပေးပြီး အသားအရေကိုလည်း ဖြူစင်ဝင်းပလာစေပါတယ်။ အရင်ဆောင်းပါးတွေတုန်းက ပျားရည်ကို အသုံးပြုပြီး မျက်နှာအသားအရေထိန်းသိမ်းလို့ရတဲ့ နည်းလမ်းတွေအကြောင်း ပြောပြခဲ့ပြီးပြီဆိုတော့ ဒီဆောင်းပါးလေးမှာ ဆံကေသာအတွက် ပျားရည်ကို ဘယ်လိုအသုံးပြုနိုင်မလဲဆိုတာနဲ့ သူ့ရဲ့ အားသာချက်တွေကို ပြောပြပေးသွားပါမယ်။ ပျားရည်နဲ့ ဆံသားပေါင်းတင်ခြင်း ကောင်းကျိုး ဆံကေသာကို ခေါင်းလျှော်ရည်နဲ့ လျှော်ပြီးတဲ့နောက် […]

ဗောက်ပျောက်စေတဲ့ ခေါင်းလျှော်ရည်တွေ ဘယ်လောက်သုံးသုံး ယားယံတဲ့ ပြဿနာတွေက ကင်းဝေးမသွားဘူးမဟုတ်လား။ ပိုက်ဆံတွေလည်း အကုန်အကျများ အကျိုးသက်ရောက်မှုကလည်း မရှိနဲ့ ဘယ်လောက်တောင်စိတ်ညစ်စရာကောင်းလိုက်သလဲ။ ပြီးတော့ ဦးရေပြားခြောက်သွေ့ယားယံတယ်ဆိုတာကလည်း ရာသီမရွေး၊ အသက်အရွယ်မရွေးဖြစ်နေတာဆိုတော့ လူသိများတဲ့ ဝေဒနာတစ်ခုပဲလေ။ ဒီလို ခြောက်သွေ့ယားယံတဲ့ပြဿနာကို သဘာဝနည်းလမ်းတွေနဲ့ ဖြေရှင်းလို့ရတယ်ဆိုတာ သင်သိပါသလား ။ ။ သဘာဝနည်းလေးတွေ အရင်မပြောခင် လိုက်နာသင့်တဲ့ လူနေမှု ပုံစံတွေ အကြောင်းအရင်ပြောပြချင်ပါတယ်။ ခေါင်းယားလွန်းလို့ဆိုပြီးခဏခဏ ခေါင်းမလျှော်လိုက်ပါနဲ့။ Yeast ခေါ် တစေးပါတဲ့ အစားအစာတွေကို ရှောင်ပါ။ ( ချိုတဲ့အစားအစာတွေ၊ ပေါင်မုန့်၊ မှိုပွင့်၊ မြေပဲ ) စတာတွေပါတာပေါ့။ ကိုယ်သုံးတဲ့ ဆံသားထိန်းသိမ်းပစ္စည်းတွေထဲမှာ အရက်ပြန်တို့ SLS (sodium lauryl suphate) တို့ မပါအောင်ရှောင်ပါ။ သုံးနေတဲ့ ဘီးကို ခေါင်းလျှော်တိုင်း […]

အသက်ကကြီးလာပြီဆိုရင် ဆံပင်တွေ ကျွတ်မယ်၊ ပါးရေတွေတွန့်မယ်၊ သဘာဝကိုတော့ လွန်ဆန်လို့မရဘူးဆိုပေမယ့် လူတိုင်းကတော့ အသက်ငယ်ငယ်လေးနဲ့ အဘိုးကြီးအဘွားကြီးလို ပုံစံမျိုး ဖြစ်ချင်ကြမယ်မထင်ပါဘူး။ ခုခေတ်မှာ မိန်းကလေးတွေသာမက ယောက်ျားလေးတွေပါ ဆံပင်ကို မျိုးစုံပုံသွင်းတာ၊ ဖြောင့်လိုက်၊ ကောက်လိုက်လုပ်တာ၊ နေရောင်ခြည်ဒဏ်ကြောင့် ဆံသားတွေပျက်စီးပြီး ဆံပင်တွေ ခဏခဏကျွတ်လာတယ်နော်။ ကြာလာရင် ငယ်ငယ်လေးနဲ့ ထိပ်ကဆံပင်တွေပြောင်ပြီး လေယာဉ်ကွင်းလို့ အလှောင်မခံရအောင် ဆံပင်မြန်မြန်သန်ချင်ရင် ဒါတွေကို စားပေးဖို့ ပြောပြချင်ပါတယ်။ ဆံပင်မြန်မြန်သန်ချင်ရင် ဒါတွေကို စားပေးဖို့ မမေ့ပါနဲ့ ၁။ ကြက်ဥ ဆံပင်သန်စွမ်းစေဖို့ ပရိုတင်းနဲ့ ဘိုင်အိုတင်ဓာတ်တွေအပြင် ဆံသားအတွက် မရှိမဖြစ်အာဟာရဓာတ်တွေ ဖြစ်တဲ့ ဇင့်ဓာတ်၊ ဆယ်လီနီယမ်ဓာတ်တွေလည်း ပါဝင်ပါတယ်။ ၂။ ဘယ်ရီသီး သစ်သီးအလုံးသေးသေးလေးတွေဆိုပြီး အထင်တော့ မသေးလိုက်ပါနဲ့။ စတော်ဘယ်ရီ၊ ဘလူးဘယ်ရီသီးတွေလို အသီးအနှံတွေမှာ အိုမင်းရင့်ရော်ခြင်းကို တားဆီးပေးနိုင်တဲ့ ဓာတ်တိုးဆန့်ကျင်ပစ္စည်းတွေအပြင် ဗီတာမင် စီတွေလည်း ပါဝင်ပါတယ်။ ဓာတ်တိုးဆန့်ကျင်ပစ္စည်းတွေဟာ […]