တုပ်ကွေးကာကွယ်ဖို့ တစ်ကိုယ်ရေသန့်ရှင်းရေး ဂရုစိုက်စို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇွန် 23, 2020 . 2 mins read
Share now

မိုးလေးအေးပြီး တုပ်ကွေးဖြစ်လွယ် ဖျားနာလွယ်တဲ့ မုတ်သုံကာလကို ရောက်လာပြီနော်။ မုတ်သုံရောက်ပြီဆိုရင် အအေးမိ တုပ်ကွေး ဖြစ်နိုင်ခြေက အခြား ရာသီတွေထက် ပိုများနေပါတယ်။

ဒီကာလမှာ မဖြစ်မနေ တုပ်ကွေးဖြစ်မှာလားဆိုတော့ မဟုတ်ပါဘူး။ ကိုယ့်ကိုယ်ကိုယ် ဘယ်လောက် ဂရုစိုက် စောင့်ရှောက်နိုင်လဲ ဆိုတာကလည်း လိုပါသေးတယ်။ ဒီတော့ တုပ်ကွေး အဖြစ်များတဲ့ မုတ်သုံမှာ တုပ်ကွေး ကင်းစေဖို့ လိုက်နာသင့်တဲ့ အရာတစ်ခုအကြောင်း ပြောပြပေးပါရစေ။

တုပ်ကွေး မဖြစ်စေဖို့ လိုက်နာသင့်တဲ့ အရာတစ်ခု

တုပ်ကွေးကလည်း အခြားရောဂါတွေလိုပါပဲ။ မဖြစ်ခင်က ကြိုတင် ကာကွယ်တာ အကောင်းဆုံးပါ။ ဒီတော့ ကိုယ့်ကိုယ်ကိုယ် တုပ်ကွေးရောဂါကနေ ကာကွယ်ဖို့ဆိုရင် မဖြစ်မနေ လိုက်နာဖို့ လိုမှာက တစ်ကိုယ်ရေ သန့်ရှင်းရေး ဂရုစိုက်ဖို့ပါ။

တစ်ကိုယ်ရေ သန့်ရှင်းရေး ဂရုစိုက်တာက တုပ်ကွေးကိုတင် မဟုတ်ဘဲ လတ်တလောမှာ ကမ္ဘာ့နိုင်ငံအသီးသီးမှာ ဖြစ်ပွားနေတဲ့ COVID_19 ကိုလည်း ကာကွယ်ရာ​ရောက်ပါတယ်။ ဒီတော့ နေ့စဉ် ဘဝမှ ရောဂါပိုး ကူးစက်ခံရမှု ကင်းစေဖို့ တစ်ကိုယ်ရေ သန့်ရှင်းရေးကို လိုက်နာကြဖို့ ပြောပါရစေ။

တုပ်ကွေး ကာကွယ်ဖို့ တစ်ကိုယ်ရေ သန့်ရှင်းရေး ဂရုစိုက်ပါလို့ ပြောရတဲ့ အကြောင်းအရင်း

တစ်ကိုယ်ရေ သန့်ရှင်းရေး ဂရုစိုက်တာက စိတ်ရော ကိုယ်ပါ ကျန်းမာစေတဲ့အပြင် ခန္ဓာကိုယ်ကို ရောဂါပိုးတွေ အန္တရာယ်ကနေ ကာကွယ်ရာလည်း ရောက်ပါတယ်။ ကိုယ်ခံအားကို အကောင်းဆုံး အားဖြည့်ပေးနိုင်သေးတာကလည်း တစ်ကိုယ်ရေ သန့်ရှင်းရေး ဂရုစိုက်မှုရဲ့ အားသာချက်ပါ။

လက်ဆေးပါ

တစ်ကိုယ်ရေ သန့်ရှင်းရေး ဂရုစိုက်ပေးတဲ့အထဲကမှ အလွယ်ဆုံး နည်းလမ်းဖြစ်တဲ့ လက်ဆေးတာက ရောဂါ တော်တော်များများ ကနေ ကာကွယ်ပေးနိုင်ပါတယ်။ ဒီလိုပြောရတာက လက်ဆေးလိုက်တဲ့အခါ လက်ချောင်းမှာ  ကပ်တွယ်နေတဲ့ ဘက်တီးရီးယားတွေ ဗိုင်းရပ်စ်တွေကို အထိရောက်ဆုံး ဖယ်ရှား လိုက်နိုင်တာ​ကြောင့် လက်ချောင်းတွေ ကနေတဆင့် မျက်လုံး၊ နှာခေါင်း၊ ပါးစပ်တွေဆီ ပိုးဝင်ရောက် ကူးစက်တာကနေ ကာကွယ်လိုက်နိုင်လို့ပါ။

ခန္ဓာကိုယ် အစိတ်အပိုင်းတွေထဲမှာ ပိုးမွှားအများဆုံး ရှိနေနိုင်တာက အရာရာကို ကိုယ်တွယ် ထိတွေ့နေရတဲ့ လက်ချောင်းတွေ ပါ။ ဒါကြောင့် အပြင်က ပြန်လာတိုင်း၊ အစားမစားခင်၊ ညစ်ပေတဲ့ အရာတွေကို ကိုယ်တွယ်ပြီးတိုင်း လက်ကို ရေနဲ့ ဆပ်ပြာ အသုံးပြုလို့ စက္ကန့် ၂၀ ကြာ ဆေးကြောပေးပါ။ ဒါမှ ရောဂါပိုးတွေကို အထိရောက်ဆုံး တိုက်ဖျက်ပေးနိုင်မှာပါ။

ရေချိုးပါ

ရေချိုးတာက ခန္ဓာကိုယ် အရေပြားပေါ်မှာ ကပ်တွယ်နေတဲ့ ပိုးမွှားတွေကို အထိရောက်ဆုံး ဖယ်ရှားပေးနိုင်တဲ့ နည်းလမ်းပါ။ မိုးရေတွေစိုလာတဲ့အခါ မိုးရေနဲ့အတူ မမြင်ရတဲ့ အရေပြားကို ထိခိုက်စေနိုင်တဲ့ ဘက်တီးရီးယားတွေ ပါလာနိုင်ပါတယ်။ ဒီအခြေအနေမှာ  ဆပ်ပြာတိုက်ပြီး ရေသေချာ ချိုးလိုက်တာက မမြင်ရတဲ့ ဘက်တီးရီးယားတွေကြောင့် အသားအရေ ထိခိုက်တာ၊ အရေပြား ပြဿနာနဲ့ ကိုယ်ခံအားကို ထိခိုက်စေနိုင်တဲ့ ပိုးမွှားတွေကို ကာကွယ်ရာ ရောက်ပါတယ်။

သွားတိုက်ပါ

သွားတိုက်တာက ခံတွင်းနံ့ကိုတင် ကောင်းမွန်စေတာ မဟုတ်ဘဲ။ အသက်ရှူလမ်းကြောင်းကို ကျန်းမာစေပြီး အသက်ရှူလမ်းကြောင်း ကနေတဆင့် ရောဂါပိုးတွေ ဝင်ရောက် ကူးစက်နိုင်ခြေကို လျှော့ချပေးနိုင်ပါတယ်။ ပါးစပ်ထဲမှာ ဘက်တီးရီးယားတွေ ပေါက်ဖွားနိုင်ခြေကို လျှော့ချပေးပြီး ကိုယ်ခံအား ကောင်းစေဖို့ အကောင်းဆုံး အားဖြည့်ပေးပါတယ်။

ခံတွင်းသန့်ရှင်း ကျန်းမာမှုက နှလုံးရောဂါ ဖြစ်နိုင်ခြေကို လျှော့ချပေးသလို ခန္ဓာကိုယ်ကို အာဟာရပြည့်ဝအောင် ဖြည့်တင်းရာမှာရော ကိုယ်ခံအား ကောင်းစေဖို့ပါ အကောင်းဆုံး အားဖြည့်ပေးနိုင်ပါတယ်။ ကိုယ်ခံအား ကောင်းမှတော့ တုပ်ကွေး ကာကွယ်ဖို့ အများကြီး စစ်ကူရတာပေါ့။

လက်သည်းညှပ်ပါ

လက်သည်းတွေရှည်နေတဲ့အခါ လက်သည်းတွေအောက်မှာ ဘက်တီးရီးယားတွေ အလွယ်တကူ ပုန်းအောင်းနေနိုင်ပါတယ်။ ဒီဘက်တီးရီးယားတွေက လက်ကနေတဆင့် ကိုယ်ခန္ဓာထဲ ရောက်ရှိမယ်ဆိုရင် ဝမ်းပျက်ဝမ်းလျှောတာအပြင် ကိုယ်ခံအားကို ထိခိုက်စေတာကြောင့် အအေးမိ၊ တုပ်ကွေး အလွယ်တကူ ဖြစ်နိုင်ပါတယ်။ ဒါကြောင့် မုတ်သုံကာလမှာ တုပ်ကွေး ကင်းစေဖို့ဆိုရင် လက်သည်းခြေသည်းတွေကို ပုံမှန်ညှပ်ပေးပါ။

ဒါတွေအပြင် အာဟာရပြည့်ဝအောင်စားမယ်။ နေ့စဉ် ကိုယ်လက်လှုပ်ရှားမှု လုပ်မယ်။ အိပ်ရေးဝအောင် အိပ်မယ်ဆိုရင် မုတ်သုံကာလမှာ တုပ်ကွေးကင်းစင်ပြီး ပျော်ရွှင်နေနိုင်မှာ အသေအချာပါပဲ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

နှလုံးရောဂါနှင့် ဆီကြော်အစားအစာ များ

နှလုံးရောဂါရှိနေပြီဆိုရင် သင်နေ့စဉ် မှီဝဲစားသုံးတဲ့ အစားအသောက်တွေဟာ သိပ်အရေးကြီးလာမှာပါ။ ဥပမာပြောရရင် ဆီကြော်အစားအစာ တွေ စားတာက မသင့်လျော်တာမျိုးပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

စိုးရိမ်ပူပန်မှုလွန်ကဲနေချိန် အသုံးတည့်စေမယ့် လေ့ကျင့်ခန်းလေးများ

စိုးရိမ်ပူပန်မှုလွန်ကဲနေချိန် မှာ သက်သာစေဖို့ လုပ်ပေးသင့်တဲ့လေ့ကျင့်ခန်းလေးတွေ ရှိပါတယ်။ ဒါကတော့ အသက်ရှူလေ့ကျင့်ခန်းနဲ့ကြွက်သားပြေလျော့စေမယ့်လေ့ကျင့်ခန်းပါ။

ရေးသားသူ Aye Thi Mon

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

တစ်နေကုန် နေပူထဲမှာ သွားလာရတယ်ဆိုရင် ရေသောက်ဖြစ်ဖို့က အခွင့်အလမ်း နည်းသွားသလို ရေဓာတ်ပြည့်ဝဖို့ကလည်း အတော်လေး ခက်ခဲ သွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 19, 2021 . 2 mins read
အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read