ကလေးအစာခြေစနစ်ပြဿနာများ

ရင်သွေးလေးတွေဟာ တစ်ခါတစ်ရံမှာ အကြောင်းပြချက် ရေရေရာရာမရှိပဲ အော့အန်တာမျိုးဖြစ်တတ်ပါတယ်။ ဒီလိုဖြစ်လာပြီဆိုရင် မိဘတွေမှာ ခြေမကိုင်မိ လက်မကိုင်မိနဲ့ ပြာယာခတ်တတ်ကြတာ သဘောဝပါပဲ။ တကယ်တော့ ကလေးတွေ အော့အန်ရတဲ့အကြောင်းအရင်းတွေဟာ အမျိုးမျိုးဖြစ်နိုင်ပြီး ဘယ်လိုပြဿနာကြောင့် အော့အန်နိုင်လဲဆိုတာကို သိနားလည်ထားမယ်ဆိုရင် တည်တည်ငြိမ်ငြိမ်နဲ့ ဖြေရှင်းကုစားပေးနိုင်ဖို့ အခွင့်အလမ်းများပါတယ်။ အဖြစ်များတာကတော့ အစာအိမ်ဗိုင်းရပ်စ်တွေကြောင့် ဒါမှမဟုတ် အစာအဆိပ်သင့်တာမျိုးတွေကြောင့်ပါ။ ဒါပေမယ့် တခြားအကြောင်းအရင်းကြောင့်လည်းဖြစ်နိုင်ပါတယ်။ ရေဓာတ်ချို့တဲ့တာပါပဲ။ ဘယ်လိုအကြောင်းကြောင့်ပဲ ဖြစ်ပါစေ အော့အန်တာကို သက်သာအောင် ကူညီနိုင်ပါတယ်။ ရေဓာတ်ချို့တဲ့တာဟာ အဖြစ်များတဲ့ပြဿနာဖြစ်ပါတယ်။ ကလေးတွေကို ကိုယ်တိုင်ဂရုတစိုက်နဲ့ အစားအစာမပြင်ဆင်ပေးနိုင်ရင် ရေဓာတ်ချို့တဲ့တာဖြစ်ဖို့ အလွန်နီးစပ်ပါတယ်။ အော့အန်တာအပြင် ပင်ပန်းနွမ်းနယ်နေတာ၊ ပါးစပ် အာခေါင်ခြောက်တာ၊ ငိုကြွေးချိန်မှာ မျက်ရည်သိပ်မကျတာ၊ အရေပြားအေးစက်နေတာ၊ ပုံမှန်အတိုင်း ဆီးမသွားတာ၊ ဆီးအရောင်ရင့်လွန်းနေတာတွေပါဖြစ်နေပြီဆိုရင် သင့်ကလေး ရေဓာတ်ချို့တဲ့တာသေချာနေပါပြီ။ ရင်သွေး အော့အန်ခြင်းကို သက်သောစေမယ့် နည်းလမ်းများ အော့အန်ရတဲ့အကြောင်းအရင်းတွေထဲက အဓိကအချက်တစ်ခုက ရေသောက်နည်းပြီး ရေဓာတ်ချို့တဲ့လို့ဖြစ်နိုင်ပါတယ်။ ရေဓာတ်ပြန်ပြည့်အောင် […]

လူကြီးတွေလို ရောဂါလက္ခဏာ တိတိကျကျ မပြောပြတတ်တဲ့ ကလေးတွေရဲ့ ကျန်းမာရေးနဲ့ ပတ်သက်ရင် သူတို့ရဲ့ အပြုအမူနဲ့ ပြင်ပလက္ခဏာလေးတွေကို အမြဲသတိထားမိဖို့ အရေးကြီးပါတယ်။ ကလေးက အစာမစားချင်ဘူးဘဲ ပြောနေပြီ ဆိုရင် ကလေးမှာ အစာမကြေတာများ ဖြစ်နေလားလို့ စတင် သံသယ ရှိသင့်ပါပြီ။ အစာမကြေတာက ဝမ်းချုပ်တာ လိုပဲ ကလေးတွေမှာ အဖြစ်များတဲ့ ကျန်းမာရေး ကိစ္စ တစ်ခုပါ။ လူကြီးတွေမှာ လိုပဲ ကလေးတွေမှာလည်း ဖြစ်နိုင်ခြေများပါတယ်။ ကလေး အစာမကြေဖြစ်နေလား ဘယ်လိုသိနိုင်မလဲ ..ဘယ်လိုကာကွယ်ကြမလဲ ...... အစာမကြေတာက ကြီးကြီးမားမား ကျန်းမာရေး ပြဿနာလို့ မဆိုသာပေမယ့် သေချာလေး ဂရုစိုက် စောင့်ရှောက်ဖို့တော့ လိုပါတယ်။ အစာမကြေခြင်းက နောက်ဆက်တွဲ ကျန်းမာရေးပြဿနာတွေ ဖြစ်လာစေနိုင်သလို သားသားမီးမီးတို့ရဲ့ ပျော်ရွှင်စရာ အချိန်လေးတွေကို ထိခိုက်စေနိုင်လို့ပါ။ https://hellosayarwon.com/parenting/school-age-children/school-age-children-nutrition/healthy-food-for-childs/ ကလေးက […]

ကလေးက ဝမ်းပုံမှန်မသွားလို့ မေမေတို့ စိတ်ညစ်နေရပြီလား။ ဝမ်းသွားဖို့ တည်လည်း အကြောက်အကန် ငြင်းနေပြန်တော့ အခက်တွေ့ရပြန်ရော။ ဝမ်းချုပ်ပြီဆို ဝမ်းသွားချင်လည်း မသွားနိုင်လို့ ငိုနေရတဲ့မျက်နှာလေးရယ်၊ လေထိုးလေအောင့် ဖြစ်လာလို့ ခံစားရတာတွေရယ်၊ ဝမ်းသွားတဲ့အချိန် မျက်ရည်လည်ရွှဲနဲ့ ဖြစ်ရတာတွေရယ် မေမေတို့ မြင်တွေ့ချင်မှာမဟုတ်ပါဘူး။ ကလေးတွေမှာ ဝမ်းချုပ်ဝေဒနာခံစားရတဲ့အခါမှာ ကလေးက - အစားကောင်းကောင်းမစားဘူး၊ တစ်ပတ်ကို အများဆုံး သုံးကြိမ်လောက်ပဲဝမ်းသွားတာ၊ သွားတဲ့ဝမ်းက မာကျစ်ပြီး စမြင်းတုံးခံနေတာ၊ ဗိုက်အောင့်တာ၊ အိမ်သာတက်ဖို့တောင် မကြိုးစားချင်တော့တာတွေ ဖြစ်လာတတ်ပါတယ်။ ဘာလို့ဝမ်းချုပ်ရတာလဲ အစာခြေစနစ်နဲ့ အူလမ်းကြောင်း မကျန်းမာလို့ အစာခြေစနစ်ဆိုတာ အစာကိုချေဖျက်ပြီး အူလမ်းကြောင်းတလျှောက် အာဟာရစုပ်ယူ၊ စနစ်တကျစွန့်ထုတ်ပေးတဲ့ အစာအိမ်နဲ့အူလမ်းကြောင်းရဲ့လုပ်ဆောင်ချက်တစ်ခုလုံးကို ဆိုလိုပါတယ်။ အစာခြေစနစ်နဲ့ အူလမ်းကြောင်းမှာ ပြဿနာတွေရှိနေရင် ဝမ်းချုပ်နိုင်ပါတယ်။ အကျိုးပြုဘက်တီးရီးယားတွေ မလုံလောက်လို့ အစာခြေစနစ်ထဲမှာ သဘာဝအလျောက်ရှိနေတဲ့ အကျိုးပြုဘက်တီးရီးယားလေးတွေကို Probiotic လို့ခေါ်ပါတယ်။ သူတို့လေးတွေက အစာခြေစနစ်နဲ့ ကိုယ်ခံအားစနစ်ရဲ့လုပ်ဆောင်ချက်တွေကို […]

ဝမ်းချုပ်တဲ့ ပြဿနာက ကလေးတွေမှာ အတွေ့ရများတဲ့ ပြဿနာ တစ်ခုပါ။ ကံကောင်းတာက ခဏပဲ ဖြစ်ပြီး ကြီးလာရင် အလိုလို ပြန်ကောင်းသွားတတ်ပါတယ်။ ဒါပေမယ့် ဒီမတိုင်ခင်မှာတော့ ဝမ်းမချုပ်အောင် အစားအသောက်တွေ သတိထားပြီး ကျွေးတာ၊ ရေများများ သောက်ခိုင်းတာ၊ ဆရာဝန်နဲ့ ညွှန်ကြားချက်နဲ့ ဝမ်းပျော့ဆေး ပေးတာတွေ လုပ်ကြပါတယ်။ ဘာပဲဖြစ်ဖြစ် ကလေးတွေ ဝမ်းချုပ်ရင် နာကျင်ပြီး ငိုကြွေးကြတဲ့အခါ မိဘတွေလည်း စိတ်ညစ်တာပဲ မို့လို့ ကလေးတွေ ဘာကြောင့် ဝမ်းချုပ်ကြတာလဲ။ ဝမ်းမချုပ်အောင် ဘာတွေ လုပ်ပေးလို့ရလဲ စတဲ့ နည်းလမ်းတွေကို ပြောပြပေးမှာပါ။ ကလေးတွေ ဘာကြောင့် ဝမ်းချုပ်တာလဲ။ • ဝမ်းအောင့်ထားတာ ကလေးတွေရဲ့ သဘာဝက တစ်ခုခုကို စိတ်ဝင်စားနေရင် ကျန်တာတွေ မေ့သွားတတ်ပါတယ်။ ဥပမာ သူတို့ဆော့နေရင် အဆော့ပျက်မှာစိုးလို့ ဝမ်းကို အောင့်ထားတတ်ပါတယ်။ […]

ဝမ်းတစ်လုံး မကောင်းရင် သိပ်ခေါင်းခဲရတယ်လို့ အဆိုရှိတယ်မဟုတ်လား။ လူကြီးတွေတောင် ခက်ခဲလှတဲ့ ဒီလို အစာခြေစနစ်နဲ့ အစာအိမ်ပြဿနာမျိုးတွေဟာ သားသားမီးမီးတွေ အတွက်ဆို ဘယ်လောက်တောင် ဆိုးရွားလိုက်မလဲနော်။ ငယ်ရွယ်သေးတဲ့ သားသားမီးမီးတွေရဲ့ အစာအိမ်နဲ့အူလမ်းကြောင်း ကျန်းမာစေဖို့ ဘယ်လို ပံ့ပိုးပေးရကြမလဲ။ သားသားမီးမီးတွေ အသက် ၂ နှစ်ခွဲအရွယ်မတိုင်ခင်မှာ အစာအိမ်ထဲက Microbiota တွေစတင် ဖြစ်ပေါ်လာပါတယ်။ အဆိုပါကာလအတွင်း ကလေးရဲ့ အစာအိမ်ကျန်းမာရေးအခြေအနေဟာ သူ့ရဲ့ ကြီးပြင်းလာမယ့် ဘဝတလျှောက်လုံးအပေါ် သက်ရောက်မှုရှိသွားလိမ့်မယ်ဆိုတာကို သင်နားလည်ထားဖို့ လိုမှာဖြစ်ပါတယ်။ အရွယ်ရောက်ပြီး လူကြီးတစ်ယောက်ရဲ့ အစာခြေစနစ်ထဲမှာ ဘက်တီးရီးယားပေါင်း ၁၀၀ ထရီလီယံကျော် ရှိနေမှာဖြစ်ပြီး ပိုးမွှားမျိုးစိတ်ပေါင်း ၄၀၀ ကျော်အထိရှိနေမှာဖြစ်ပေမယ့် မွေးဖွားပြီးကာစ ဖွံ့ဖြိုးဆဲ သားသားမီးမီးတွေရဲ့ အစာအိမ်ထဲမှာတော့ ဒီလိုအကျိုးပြုပိုးမွှားလေးတွေ အမြောက်အများ ရှိမနေသေးပါဘူး။ အစာအိမ်အတွင်းက အစာခြေဘက်တီးရီးယားလေးတွေရဲ့ ဟန်ချက်ညီညွတ်မှုဟာ ရေရှည်မှာ ကလေးအတွက် အဝလွန်ရောဂါ၊ […]

၉ လလွယ် ၁၀ လဖွားထားတဲ့ကလေးတစ်ယောက် ပျော်ရွှင်စွာနဲ့ကြီးပြင်းလာဖို့က မေမေတိုင်းရဲ့ မျှော်လင့်ချက်တစ်ခု ဟုတ်။ မမွေးခင်က အစားအသောက်ဂရုစိုက်သလို နို့တိုက်နေချိန်မှာလည်း ကလေးကို ထိခိုက်မယ်ဆိုတာနဲ့ နှစ်ခါမစဉ်းစားဘဲ ရှောင်လိုက်တာ မေမေတိုင်းရဲ့ ကြီးမားတဲ့မေတ္တာပါ။ ဒီလိုကနေ အရွယ်ရောက်လို့ အစားစစားချိန်မှာ အာဟာရပြည့်ဝအောင် ပါဝင်စေဖို့ကိုလည်း မေမေက အကောင်းဆုံးစီစဉ်ပေးတတ်ပါသေးတယ်။ ကလေးတစ်ယောက် ပျော်ရွှင်စွာကြီးပြင်းစေဖို့ ဘာတွေများလိုအပ်မလဲ....... ကလေးတစ်ယောက် ပျော်ရွှင်စွာကြီးပြင်းစေဖို့ဆိုရင် အာဟာရပြည့်ဝပြီး ကျန်းမာဖို့က မဖြစ်မနေလိုအပ်မှာပါ။ ဒီတော့ ကျန်းမာဖို့က အဓိက အာဟာရပြည့်ဝဖို့က ပထမဆိုပါတော့။ အာဟာရပြည့်ဝမှ ကျန်းမာမှာပါ။ ကျန်းမာမှလည်း ပျော်ပျော်ရွှင်ရွှင်ကြီးပြင်းနိုင်တော့မှာပေါ့။ ဒီတော့ အာဟာရပြည့်ဝစေဖို့ ဘာတွေများပြင်ဆင်ပေးဖို့လိုမလဲ။ ကလေးအတွက် မရှိမဖြစ်လိုအပ်မယ့် အာဟာရ ကြီးထွားဖို့ အရှိန်ယူနေတဲ့ ကလေးတစ်ယောက်အတွက် အရေးပါတဲ့ ဇာတ်လိုက်လေးတွေ ရှိပါတယ်။ ဒါတွေကတော့ ပရိုတင်း - ခန္ဓာကိုယ် ကောင်းမွန်စွာကြီးထွားဖွံ့ဖြိုးစေဖို့အတွက် အရေးပါ ပါတယ်။ ကြွက်သားတွေ […]

ကလေးများ ဝမ်းလျှောတဲ့အခါ မိဘတွေအနေနဲ့ ခြေမကိုင်မိ လက်မကိုင်မိ ဖြစ်တတ်ကြပါတယ်။ ဒီလို အခြေအနေကို ဘယ်လို ဖြေရှင်းရမလဲဆိုတာနဲ့ ဘယ်လို ကာကွယ်ရမလဲဆိုတာကို မသိချင်ကြဘူးလား! ဒါဆိုရင်တော့ ဆောင်းပါးလေးကို ဖတ်ကြည့်လိုက်ပါလို့ ပြောချင်ပါတယ်။ ဘယ်လို အခြေအနေမှာ ကလေးက ဝမ်းလျှောနိုင်လဲ! ကလေးတွေ အစားစုံတဲ့အခါ၊ အစားမှားတဲ့အခါမှာ ဝမ်းပျက်ဝမ်းလျှော ဖြစ်တတ်ပါတယ်။ ကလေးတွေရဲ့ အစာခြေစနစ်က လူကြီးတွေလိုမျိုး ပြည့်ပြည့်ဝဝ မဖွံ့ဖြိုးသေးတာကလည်း ကလေးတွေမှာ ဝမ်းပျက်ဝမ်းလျှော အဖြစ်များရတဲ့ အကြောင်းအရင်းပါပဲ။ ကလေးတွေဆိုရာမှာ ငယ်တဲ့ ကလေးတွေမှာ ဝမ်းလျှောတာက ပိုအဖြစ်များပါတယ်။ ဒါဆိုရင်  ဘယ်လို ရောဂါအနေအထားက အရေးကြီးလဲ ၊ အိမ်မှာ ဘယ်လိုသက်သာအောင် လုပ်ရမလဲဆိုတာကို ဆက်ဆွေးနွေးပေးသွားပါမယ်။ ကလေးများ ဝမ်းလျှောတဲ့အခါ အရင်ဆုံး ဝမ်းပျက်ဝမ်းလျှောဖြစ်ရင် ရေဓါတ် ဆုံးရှုံးမှုပေါ်လိုက်ပြီး ရောဂါကုသမှု ကွဲပြားပါတယ် ။ ရေဓါတ် မဆုံးရှုံးရင် […]

လမ်းလျှောက်တတ်စ ကလေးတစ်ယောက်က ခံစားရတဲ့ ဝေဒနာတွေကို သေချာ တိတိကျကျ မပြောနိုင်သေးပေမယ့် မအီမသာ ဖြစ်နေတဲ့နေရာလေးကို ကိုင်ပြီးတော့တော့ နာတယ်လို့ ပြောတတ်နေပါပြီနော်။ ဒီလိုပြောတတ်တဲ့ ကလေးက ဗိုက်ကလေးကို ကိုင်ပြီး နာတယ်ပြောနေပြီဆိုရင် လေထိုးလေအောင့် ဖြစ်နေတာ ဖြစ်နိုင်ပါတယ်။ ဒီလို အခြေအနေမှာ ကလေးတွေမှာဖြစ်တဲ့ လေထိုးလေအောင့် သက်သာစေဖို့ဘယ်လို လုပ်ပေးရမလဲ ဆိုတာကို ဒီ ဆောင်းပါးလေးကနေတဆင့် ပြောပြပေးပါရစေ။ ကလေးတွေက လေထိုးလေအောင့်ဖြစ်နိုင်လား........ အသက် တစ်နှစ်အောက် ကလေးတွေမှာတော့ လေနာဖြစ်နိုင်ပါတယ်။ ဒီလိုကနေမှ အရွယ်လေးရောက်လို့ လမ်းစလျှောက်တတ်ပြီ ဆိုရင်တော့ အစားတွေလည်း စားတတ်နေပြီ ဖြစ်တာကြောင့် လေထိုးလေအောင့်က ဖြစ်လာနိုင်ပြီပေါ့။ လေထိုးလေအောင့်က ဘယ်အရွယ်မို့လို့ မဖြစ်ဘူးဆိုတာ မရှိပါဘူး။ ဒါကြောင့် ဘေဘီလေးတွေလည်း လေထိုးလေအောင့် ဖြစ်နိုင်ပါတယ်။ ဘာကြောင့် လေထိုးလေအောင့် ဖြစ်ရတာလဲ.......... လေထိုးလေအောင့် ဖြစ်ရတာက လေပွစေတဲ့ […]

ဝမ်းချုပ်တယ်ဆိုတာ ကလေးတွေမှာ အဖြစ်များတဲ့ပြဿနာတစ်ခုပါ။ ကိုယ်တွေငယ်ငယ်ကတောင် ဝမ်းချုပ်လို့ ဝမ်းချူခံရတိုင်း ငိုယိုခဲ့ရတာ မှတ်မိကြတယ်မလား။ ဝမ်းချုပ်တယ်၊ ဝမ်းလျှောတယ်၊ ဝမ်းကိုက်တယ်ဆိုတာတွေက အဖြစ်များဆုံး အစာအိမ်နဲ့အူလမ်းကြောင်းပြဿနာတွေပါ။ ကလေးက ဝမ်းချုပ်ပြီဆိုရင် - ပုံမှန်ထက် ဝမ်းသွားတာနည်းမယ်၊ ဝမ်းသွားတဲ့အကြိမ်ရေ၊ ပမာဏ ပိုနည်းတာ၊ ရက်ပိုင်းအတွင်း ဝမ်းလုံးဝမသွားတာ၊ သုံးလေးရက်တစ်ခါမှ ဝမ်းသွားတာမျိုးပေါ့၊ ဝမ်းသွားဖို့တိုက်တွန်းတိုင်း၊ ငိုယိုငြင်းဆန်မယ်၊ ဝမ်းသွားတဲ့အခါ ကလေးက နာကျင်ရတယ်၊ ဝမ်းက မာပြီးကျစ်နေတယ်၊ စအိုမှာ တစ်ဆို့နေတယ်ဆိုတာမျိုးတွေ ကြုံတွေ့ရမှာပါ။ ကလေးတစ်ယောက်ဝမ်းချုပ်တဲ့အခါ အတော်ပင်ပန်းရှာပါတယ်။ မိဘတွေမှာ ကြည့်ရတာ စိတ်မကောင်းဖြစ်ရ၊ ဝမ်းချူဖို့ကျတော့လည်း ခဏခဏမသုံးသင့်တာကြောင့် ဘာလုပ်ပေးရမှန်းမသိဖြစ်တတ်ကြပါတယ်။ ဝမ်းမသွားတော့ဗိုက်အောင့်ရတယ်၊ဝမ်းသွားရင် နာကျင်ရတယ်ဆိုတော့ ကလေးက ညှစ်ရမှာကိုကြောက်လာမယ်။ ဝမ်းခဏခဏချုပ်တတ်တဲ့ကလေးမှာ မဖြေရှင်းနိုင်ရင် ကြာလာတာနဲ့အမျှ အူလမ်းကြောင်းမှာ အညစ်အကြေးတွေစုပုံလာပြီး ဒုက္ခများနိုင်ပါတယ်။ ဘယ်အချိန်မှာ ဆရာဝန်ပြသင့်လဲ ကလေးတွေဝမ်းချုပ်တာကရောဂါကြီးကြီးမားမားမဟုတ်ပေမယ့် ခဏခဏဝမ်းချုပ်တယ်၊ ဝမ်းချုပ်တာရက်ကြာလာတယ်ဆိုရင်နောက်ဆက်တွဲပြဿနာတွေဖြစ်လာနိုင်တယ် ဒါမှမဟုတ်နောက်ခံရောဂါအကြောင်းရင်းတစ်ခုခုကိုဖော်ပြနေတာဖြစ်နိုင်တယ်။ […]

"မေမေရေ ဗိုက်အောင့်တယ်" ဆိုတဲ့အသံလေး ကြားလိုက်ရရင် မေမေတို့မှာ ပျာယာခတ်ရတော့တာပဲ။ စိတ်လှုပ်ရှားလို့အောင့်တာ၊ အစာမကြေလို့အောင့်တာ၊လေထိုးလေအောင့်ဖြစ်တာ ဒါမှမဟုတ်ကျောင်းမသွားချင်လို့ဘေဘီတို့ဉာဏ်ဆင်တာလည်းဖြစ်နိုင်ပါတယ်။ အများအားဖြင့်တော့ အစာကြေဆေး၊လေဆေးလောက်နဲ့သက်သာတတ်ပေမယ့် တကယ်တမ်းအမြန်ကုသဖို့လိုတဲ့အခြေအနေသာဆို ဘယ်လိုလုပ်မလဲ။ အန္တရာယ်မရှိတဲ့ ဗိုက်အောင့်ခြင်းနဲ့ အူအတက်ရောင်တာလိုမျိုး ဗိုက်အောင့်တဲ့လက္ခဏာတွေကို ဘယ်လိုခွဲခြားမလဲ။ အကောင်းဆုံးက ကလေးရဲ့နာကျင်မှုအခြေအနေကို ဆန်းစစ်ပါ။ကလေးက ဗိုက်အောင့်တယ်တော့ပြောတယ်၊ဆော့နိုင်သေးတယ်၊ ရယ်နိုင်သေးတယ်၊ အစားစားနိုင်သေးတယ်ဆိုရင် သိပ်စိုးရိမ်ဖို့မလိုပါဘူး။ ကလေးကအောင့်တယ်ပြောတယ်၊ ပုံမှန်လုပ်နေကျတွေ ဘာမှမလုပ်နိုင်တော့ဘူးဆိုရင် ဆရာဝန်အမြန်ပြသင့်ပါတယ်။ အူအတက်ရောင်တာဖြစ်ခဲ့ရင်နောက်ကျလို့ အန္တရာယ်ရှိပါတယ်။ အမြန်ခွဲစိတ်ကုသဖို့လိုတဲ့ဝေဒနာဖြစ်ပါတယ်။ ကလေး ဗိုက်အောင့်တဲ့အခါ ဒီလက္ခဏာတွေဖြစ်လာရင် ဆရာဝန်အမြန်ပြပါ - ချက်နားကနေ စပြီးအောင့်ရာက ဝမ်းဗိုက်ညာဘက်အောက်နားထိအောင့်လာတာမျိုး။ ဒီလက္ခဏာဆို အူအတက်ရောင်တာဖြစ်နိုင်လို့ အရေးပေါ်ကုသမှုခံယူသင့်တယ်။ အန်တဲ့အထဲ ဒါမှမဟုတ် ဝမ်းသွားတဲ့အထဲသွေးပါနေတာ။ အစိမ်းရောင်အရည်တွေအန်တာ။ သည်းခြေရည်ဖြစ်နိုင်တယ်။ အစာအိမ် သို့မဟုတ် အူမှာ ပိတ်ဆို့တာ၊ခေါက်တာကြောင့် ဒဏ်ဖြစ်တဲ့လက္ခဏာပါ။ အမြန်ကုသမှုခံယူသင့်ပါတယ်။ ဗိုက်က ပူဖောင်းနေတာ။ ပိတ်ဆို့မှု […]