17 ပတ်သားကလေး

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. K Zin Thwe

ဖွံ့ဖြိုးတိုးတက်မှုနှင့် အပြုအမူ

ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။

သုတေသနပညာရှင်များက ယခုအချိန်တွင် သင့်ကလေးသည် သူ၏ မိခင်ဘာသာစကားဖြစ်လာမည့် အခြေခံအသံအားလုံးကို နားလည်ပြီဟု ယုံကြည်ကြသည်။
ယခုမှ ၆ လ ကြားအချိန်တွင် ကလေးသည် သင်ကြားရန်စောင့်မျှော်နေသော ဖေဖေ၊ မေမေ ကဲ့သို့သောအသံများဖန်တီးနိုင်နေပြီဖြစ်သည်။ ကလေးဖွံ့ဖြိုးတိုးတက်မှုကျွမ်းကျင်သူများက သင့်ကလေးသည် ထိုအသံများကိုသုံးပြီး သင်နှင့်ဆက်သွယ်ရန်စောလွန်းနေသေးသည်ဟု ပြောကြသော်လည်း မိဘများက စိတ်မပူကြပါ။ သင့်ကလေး၏ ဆက်သွယ်မှုစွမ်းရည်ကို တိုးတက်စေရန် သူပြောသော အသံများကို လိုက်ပြောပေးခြင်းဖြင့် သူ့ကို ကူညီအားပေးနိုင်သည်။ ကလေးမှလည်း သင်ပြောသည်ကို လိုက်ပြောနိုင်သည်။

သင့်ကလေးမှအသံပြုသည့်အခါ၊တစ်ခုခု ပြောသည့်အခါ သူ့ကို ဘာသာစကားလေ့လာမှုနှင့် အကြောင်းအကျိုးကို သေချာနားလည်ရန် ပြန်လည်တုံ့ပြန်ပြောပေးပါ။ ထိုအရာသည် ကလေး၏ မိမိကိုယ်ကို ယုံကြည်မှုအတွက် အလွန်ကောင်းပါသည်။ ကလေးသည် သူပြောလိုက်သည့်အတွက် ပြောင်းလဲမှုတစ်ခုခုလုပ်နိုင်သည်ဆိုသည်ကို သဘောပေါက်လာပါသည်။
လေးလမြောက်၏ ပထမပတ်တွင် သင်၏ ကလေးသည်-

• သူ၏ခေါင်းကို အိပ်နေချိန်တွင် ၉၀ ဒီဂရီထောင်ထနိုင်သည်။
• အသံကျယ်ကျယ်ရီမောနိုင်သည်။
• သူ၏ မိခင်ဘာသာစကား၏ အခြေခံ အသံများအားလုံးကို သိနိုင်သည်။
• အဓိပ္ဗာယ်ကို နားမလည်သော်လည်း ဖေဖေ၊ မေမေ ဆိုသော အခြေခံ စကားလုံးများကို ပြောနိုင်သည်။
• ၁၅ စင်တီမီတာမှ ပစ္စည်းဆီကို ရောက်နိုင်ပြီး ဘယ်ညာ ၁၈၀ ဒီဂရီ ပြောင်းနိုင်သည်။

ကျွန်ုပ်၏ ကလေးကို မည်သို့ ကူညီပေးသင့်ပါလဲ။

ကလေးကို ကူညီနိုင်ရန်၊ ကလေးကို မှန်ရှေ့တွင် ထိုင်ခိုင်းပြီး သူလုပ်သော အသံများ၊ အမူအရာများကို လုပ်ရန်အားပေးကူညီနိုင်ပါသည်။ ကလေးစကားပြောသည့်အချိန်တွင် တုံ့ပြန်ခြင်းအားဖြင့် ဘာသာစကား၏ အရေးပါပုံနှင့် ကျွန်ုပ်တို့ အချင်းချင်းဆက်သွယ်ပြောဆိုသည်များကို နားလည်စေနိုင်သည်။

ကျန်းမာရေးနှင့် ဘေးကင်းစိတ်ချရမှု

ဆရာဝန်နှင့် ဘာတွေ ဆွေးနွေးသင့်ပါသလဲ။

ဆရာဝန်တိုင်းမှာ ကလေးငယ်ရဲ့ကျန်းမာရေးကို စစ်ဆေးဖို့ သူ့နည်းလမ်းနဲ့သူ ရှိကြပါတယ်။ စစ်ဆေးမှုတွေဟာ ကလေးရဲ့ လိုအပ်ချက်ပေါ်လည်း မူတည်ပါတယ်။ ဒါပေမယ့် ကလေးကို စစ်ဆေးပြီးလျင် ဘာကျန်းမာရေးပြဿနာရှိလဲဆိုတာကို ဆရာဝန်နဲ့ ဆွေးနွေးပါ။
သင့်ဆရာဝန်မှ –
• သင့်ဆရာဝန်ကို သင်နှင့်သင်၏ကလေး၏ နေထိုင်မှု၊ စားသောက်ခြင်း၊ အိပ်ခြင်း နှင့် ဖွံ့ဖြိုးတိုးတက်မှုအခြေအနေများကို ပြောပြပါ။ သင်အလုပ်ပြန်လုပ်လျှင် သင့်ကလေးကို မည်သို့ စောင့်ရှောက်ရမည်ကို လည်းဆွေးနွေးပါ။
• သင့်ကလေး၏ ကိုယ်အလေးချိန်၊ အရပ်၊ခေါင်းလုံးပတ်၊ နှင့် ဖွံ့ဖြိုးတိုးတက်မှုကို တိုင်းတာပြီး မွေးစမှ ယခုအထိ အခြေအနေများကို ပြန်လည်သုံးသပ်ပါလိမ့်မည်။

သင်ဘာတွေ သိထားသင့်ပါလဲ။

အောက်ပါတို့သည် သင်သိထားသင့်သော အကြောင်းအရာအချို့ဖြစ်ပါသည်။

နားရောဂါ

နားရောဂါသည် နားစည်နောက်တွင် ဗိုင်းရပ်စ် သို့မဟုတ် ဘက်တီးရီးယားဝင်သောအခါ ဖြစ်သော နားစည်ရောင်ခြင်းဖြစ်သည်။ နားရောဂါတွင် ရောင်ရမ်းခြင်း၊နာကျင်ခြင်းနှင့် တစ်ခါတရံ ဖျားနာနိုင်ပါသည်။ အလွန်အဖြစ်များပြီး မွေးကင်းစ ကလေးများ၏ တစ်ဝက်ကျော်ကျော်လောက်တွင် အသက်တစ်နှစ်မတိုင်ခင် ဖြစ်တတ်ကြသည်။

ရောဂါလက္ခဏာများမှာ-
• အစာစားချင်စိတ်ပျက်ခြင်း
• နားကိုက်ခြင်း
• ဖျားခြင်း။ (၃၈-၄၀ ဒီဂရီ)
• အအေးမိသောအခါ အခြေအနေသည် ရုတ်တရက် ပြောင်းလဲသွားနိုင်ပါသည်။ နားအတွင်းမှ ဖိအားကြောင့် ကလေးတွင် နာကျင်မှုကို ခံစားရပြီး သူတို့အတွက် စိတ်တိုစရာဖြစ်နိုင်သည်။
• နားအတွင်းမှ အဝါရောင်၊ အဖြူရောင် အရည်များထွက်ပြီး သွေးလည်းထွက်နိုင်သည်။
• ဝမ်းပျက်ဝမ်းလျှောခြင်း။ နားရောဂါပိုးသည် အစာလမ်းကြောင်းကိုလည်း ထိခိုက်စေသော ဗိုင်းရပ်စ်ပိုးကြောင့် ဖြစ်သည်။

အခြားထူးခြားသော အရာများမှာ နားရောဂါသည် အချိန်တစ်ခုကြာလျှင် ပျောက်သွားသည်။ သို့သော် ဆရာဝန်မှပိုပြီးပြင်းထန်သော ရောဂါများဆက်မဖြစ်စေရန် ပိုးသတ်ဆေးပေးပြီး သက်သာအောင်လုပ်ပေးနိုင်သည်။ သင့်ဆရာဝန်မှ အဖျားနှင့် ကိုက်ခဲနာကျင်ခြင်းအတွက် အကိုက်အခဲပျောက်ဆေးများပေးနိုင်ပါသည်။ ဆေးပေးပြီး နှစ်ရက်လောက်နေလျှင် ကလေး၏ ဝေဒနာများသက်သာသွားနိုင်ပါသည်။

နားရောဂါကို ကာကွယ်ရန်

• သင့်ကလေးကို ဆေးလိပ်များရှုမိစေလျှင် ခုခံအားကျစေသောကြောင့် ဆေးလိပ်သောက်နေသူများအနားတွင် မထားပါနှင့်။
• မိခင်နို့တိုက်ခြင်းကို ဆက်တိုက်ပါ။ သုတေသနများတွင် မိခင်နို့ရရှိသော ကလေးများသည် နားရောဂါဖြစ်နိုင်ချေနည်းသည်ဟု ပြထားသည်။
• သင့်ကလေးသည် ကာကွယ်ဆေးများအားလုံးထိုးပြီးသင့်သည်။ နမိုးနီးယားနှင့် တုပ်ကွေးကာကွယ်ဆေးများသည် နားရောဂါကို သက်သာစေသည်။
• ကလေးကို ငြိမ်အောင် ပေးထားတတ်သော အရာများသုံးခြင်းကို ကန့်သတ်ပါ။ အချို့သောလေ့လာမှုများတွင် ထိုအရာများကို သုံးခြင်းသည် နားရောဂါကို ဖြစ်နိုင်ချေပိုများစေသည်ဟု ပြဆိုထားသည်။
• သင့်ကလေးကို နေ့ကလေးထိန်းကျောင်းသို့ ပို့လျှင် ကလေးနည်းနည်းရှိသော ကျောင်းကို ပို့ခြင်းသည် သင့်ကလေးကို ရောဂါပိုးများကူးစက်ခြင်း လျော့နည်းစေသည်။

သင့်ကလေးကို ထနိုင်အောင် ကူညီခြင်း

သင့်ကလေးသည် ထရန်ကြိုးစားနေစဉ် ချော်ကျခြင်း။ လဲပြိုခြင်းများဖြစ်လျှင် သူထနိုင်ရန်သင့်အကူအညီလိုအပ်ပါသည်။ သင့်ကလေးငယ်၏ လည်ပင်းနှင့် နောက်ကျောသည် သန်မာမှုမရှိသေးသောကြောင့် ၃လ-၄လ ကလေးများအတွက် ခေါင်းကို မတ်မတ်ထောင်ထနိုင်ရန် ဘယ်နေရာမှမဆို ထရန်သင်ကူညီသင့်သည်။
ပုံစံပြောင်းပေးခြင်းအပြင် ကလေးကို ထိုင်နိုင်အောင်လုပ်ပေးခြင်းဖြင့် သူသည် ကောင်းကင်ကို သာကြည့်နေခြင်းထက် ဖြတ်သွားဖြတ်လာများ၊ စတိုးဆိုင်များ၊အိမ်များ၊ သစ်ပင်များ၊ အိမ်မွေးတိရိစ္ဆာန်များ၊ဘတ်စ်ကားများ၊မော်တော်ကားများနှင့် အခြားစိတ်ဝင်စားစရာများကို သူ့ပတ်ဝန်းကျင်တွင် မြင်ရနိုင်ပါသည်။ အိပ်နေရခြင်းထက်စာလျှင် စိတ်ဝင်စားစရာများနှင့် ပို၍ ပျော်ရွှင်နိုင်သည့်အတွက် သင်လည်း ကလေးထိန်းရတာသက်သာပါလိမ့်မည်။

ကလေးက ဝလွန်းနေခြင်း

လူကြီးများတွင် အဝလွန်နေခြင်းနှင့် မတူဘဲကလေးတွင် ဝခြင်းသည် အစားအသောက်ကြောင့် ဖြစ်သည် မဟုတ်ပေ။ ကလေးကို ကိုယ်အလေးချိန်ချပေးမည့်အစား ကလေး၏ အလေးချိန်တိုးလာခြင်းကို ထိန်းသိမ်းပေးသင့်သည်။ ကလေးသည် အရပ်ရှည်လာသည့်အခါ ပို၍ လှုပ်ရှားသွက်လက်လာသောကြောင့် ဝသည့်ကလေးများ တဖြည်းဖြည်းနှင့် အလေးချိန်ကျသွားနိုင်ပါသည်။ သင့်ကလေးဝနေခြင်းနှင့် စိုးရိမ်နေလျှင် အောက်ပါတို့က အကူအညီဖြစ်နိုင်သည်။
• သင့်ကလေးဆာလောင်သည့်အခါ နို့တိုက်ခြင်းသာ ပြုလုပ်ပါ။
• လိုအပ်လျှင် အစားအသောက်ကို ထိန်းညှိပါ။
• သင့်ကလေးကို အခြား ကယ်လိုရီများသည့် အရည်များအစား ရေ ကို သာတိုက်ပါ။
• သင့်ကလေးကို ညဘက်တောက်လျှောက်အိပ်ရန် လေ့ကျင့်ပေးနေစဉ် ဖြည့်စွက်စာ မကျွေးပါနှင့်။ ထိုသို့ လုပ်လျှင် အကျိုးရှိသော်လည်း ကလေးကို ကိုယ်အလေးချိန်တိုးစေသည်။
• ကလေး၏ အာဟာရကို စစ်ဆေးပါ။
ကလေးသည် ငြိမ်နေလျှင် လှုပ်ရှားအောင် ပြုလုပ်ပေးပါ။

ကျွန်ုပ်၏ စိုးရိမ်ပူပန်မှု

အောက်ပါတို့သည် သင်စိုးရိမ်ပူပန်နေနိုင်သော အကြောင်းအရာတစ်ချို့ဖြစ်ပါသည်။

သင့်ကလေးသည် နို့စို့ရန်ငြင်းဆိုသည်။

နို့တိုက်ခြင်းသည် ပုံမှန်မဟုတ်သည့်အခါ ကလေးသည် နို့စို့ရန်ုငြင်းဆိုနိုင်သည်။ အကြောင်းရင်းများသည်
• အမေ၏ အာဟာရ၊ အမေစားသော အစားအသောက်ထဲတွင် ကလေးမနှစ်သက်သော အရာတစ်ခုခုပါနိုင်သည်။ ကလေးကို ဖြည့်စွက်စာကျွေးသည့် အချိန်အထိ ထိုအစားအစာကို ထပ်မစားပါနှင့်။
• ကလေးတွင် အအေးမိရောဂါဖြစ်နေလျှင် ကလေးသည် နှာခေါင်းပိတ်နေသောကြောင့် ပါးစပ်နှင့် အသက်ရှုနေရချိန်တွင် နို့စို့ခြင်းနည်းနိုင်သည်။
• ကလေးများသည် ၅လ ၆လ အထိ သွားမပေါက်သေးသော်လည်း အချို့ကလေးများတွင် သွားပေါက်စောသည့် အတွက် သွားပေါက်သည့် အချိန်တွင် သွားဖုံးရောင်နေသည့်အတွက် နေမကောင်းဖြစ်နေနိုင်သည်။
• နားကိုက်နေတာဖြစ်နိုင်သည်။
• ပါးစပ်တွင် အနာပေါက်နေခြင်းဖြစ်နိုင်သည်။
• အမေက နို့ထွက်တာနည်းနေလျှင် ကလေးက နို့စို့ရတာ စိတ်မရှည်ဖြစ်တတ်သည်။
• အမေ၏ ဟော်မုန်းပြောင်းလဲမှုသည် နို့၏ အရသာကို ပြောင်းစေသောကြောင့် ကလေးကနို့စို့ ရန်ငြင်းဆန်နိုင်သည်။
• အမေက စိတ်ဖိစီးမှုများနေခြင်း။
• ကလေးကို ဖြည့်စွက်စာ စကျွေးနေခြင်း။

ထိုအချိန်တွင် အောက်ပါအချက်များသည် အထောက်အကူဖြစ်စေနိုင်သည်။
• သင့်ကလေးကို အခြားနို့များမတိုက်ပါနှင့်။
• နို့ကို ဘူးနှင့် တိုက်ပါ။
• နို့စို့ရန်ဆက်တိုက်ငြင်းဆန်သော်လည်း ထပ်၍ထပ်၍ ကြိုးစားတိုက်ပါက ကလေးနို့ပြန်စို့နိုင်သည်။
• သင့်ကလေးအတွက် ဖြည့်စွက်စာကို ဖြည်းဖြည်းချင်းကျွေးပါ။
ကလေးမှ နို့စို့ရန် ဆက်လက်ငြင်းဆန်နေလျှင် အခြားလက္ခဏာများလည်း ရှိနေလျှင် သင်၏ ဆရာဝန်နှင့် ပြသဆွေးနွေးပါ။

ကလေးသေးခံဘောင်းဘီ လဲရခက်ခြင်း

သးခံဘောင်းဘီလဲလျှင် အရင်အချိန်က ခက်ခဲလျှင် နောင်အချိန်များတွင် လည်း ထိုသို့သာဖြစ်တတ်ပါသည်။ သင့်ကလေးငယ်သည် သေးခံဘောင်းဘီဝတ်ရခြင်းကို မသက်မသာဖြစ်တတ်သဖြင့် သေးခံလဲပေးလျှင် ခက်ခဲခြင်းဖြစ်သည်။ ကလေးကို လဲလှယ်ပေးချိန်တွင် လိုအပ်သည်များကို အဆင်သင့်ပြင်ထားပါ။ ကလေးကို လဲပေးနေချိန်တွင် အာရုံပြောင်းစေရန်အသံများနှင့် စွဲဆောင်ပါ၊ စကားပြောပါ။ သီချင်းဆိုပြနေပါ။

ထို့နောက် ၁၇ ပတ်တွင် ကလေး မည်သို့ ဆက်လက်ကြီးထွားလာမည်နည်း။


HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Share now :

တည်းဖြတ်သည့်နေ့ ဇူလိုင် 20, 2017 | နောက်ဆုံးတည်းဖြတ်ခြင်း ဩဂုတ် 29, 2017

ရင်းမြစ်များ
သင်ဒါလည်း နှစ်သက်နိုင်ပါတယ်။