အရိုးအဆစ်နဲ့ကြွက်သားကျန်းမာရေး

မင်္ဂလာပါ Hello Sayarwon စာမျက်နှာကနေ ကြိုဆိုပါတယ် ။ ဒီတစ်ခါဆွေးနွေးပေးမှာကတော့ Anterior Cruciate Ligament (ACL) လို့ခေါ်တဲ့ ဒူးအရွတ်ပြဲခြင်း အကြောင်းပါ ။ အရွတ်တွေက အရိုးဆက်တွေမှာ အရေးပါတဲ့ နေရာကနေ ပါဝင်ပါတယ် ။ ACL အရွတ်ကလည်း ဒူးခေါင်းမှာရှိတဲ့အရိုးတွေကို အတူတကွရှိနေပေးဖို့ လုပ်ဆောင်ပေးတဲ့ တာဝန်ကို ထမ်းဆောင်ပါတယ် ။ ACL အရွတ်ရှိတဲ့အတွက် ဒူးဆစ်တွေ ခိုင်မြဲနေအောင် စွမ်းဆောင်ပေးပါတယ် ။ အကြောင်းအမျိုးမျိုးကြောင့် ဒူးအရွတ်ပြဲတတ်ပါတယ် ။ ပြေးလွှားနေရင်း ဒါမှမဟုတ် ခုန်နေစဉ်မှာ ရုတ်တရက် လှုပ်ရှားလိုက်ခြင်း ၊ လှည့်လိုက်ခြင်းတွေကြောင့် အရွတ်ပြဲတတ်ပါတယ် ။ ဒူးအရွတ်ပြဲရင်တော့ နာကျင်မှုဝေဒနာခံစားရတတ်သလို လမ်းလျှောက်ရလည်း ခက်ခဲတတ်ပါတယ် ။ ဘယ်လိုဖြစ်တတ်သလဲ ပြေးနေချိန်လိုမျိုး အရှိန်ပါတဲ့ အချိန်တစ်ခုမှာ ရုတ်တရက်ရပ်ပြီးတော့ ဦးတည်ရာပြောင်းလိုက်ချိန်မှာ အရွတ်ပြဲတတ်ပါတယ် ။ […]

ရေသားသူ - မောင်မျိုးအောင် (ဆေး - ၁) ( Osteo Arthritis ) အရိုးအဆစ်ရောင်ရောဂါဆိုတာကတော့ အဆစ်ရောင်ရောဂါတွေထဲမှာ အဖြစ်အများဆုံးရောဂါတစ်ခုဖြစ်ပါတယ်။ စစ်တမ်းတွေအရ အမေရိကန်နိုင်ငံမှာဆိုရင် လူဦးရေ ၃၂၇သန်းရှိတဲ့အနက် ၂၇သန်းခန့်ဟာ အရိုးအဆစ်ရောင်ရောဂါကိုခံစားနေရပါတယ်။ အရိုးနှစ်ခုရဲ့ ဆက်သွယ်တဲ့နေရာကြားမှာ ပွတ်တိုက်မှုတွေနည်းပြီး အဆစ်တွေက ပိုချောချောမွေ့မွေ့လှုပ်ရှားနိုင်အောင် ကူညီပေးတဲ့ အရိုးနုလေးတွေ တဖြည်းဖြည်းချင်း ပျက်စီးလာတာက ဒီရောဂါရဲ့ဝိသေသတစ်ခုပဲဖြစ်ပါတယ်။ အရိုးအဆစ်ရောင်ရောဂါရဲ့ အဖြစ်များတဲ့နေရာတွေကတော့ -တင်ပါးဆုံဆစ် -လက်ဆစ် -ဒူးခေါင်းဆစ် -နောက်ကျောပြင်နဲ့ -လည်ပင်းတစ်ဝှိက်နေရာတို့ပဲဖြစ်ပါတယ်။ ဒီတော့ အရိုးအဆစ်ရောင်ရောဂါမဖြစ်အောင် ဘယ်လိုကာကွယ်ကြမလဲ ? ၁ - ကိုယ်အလေးချိန်လျော့ချခြင်း ကိုယ်အလေးချိန်လျော့ချခြင်းက အရိုးအဆစ်ရောင်ရောဂါကြောင့်ရရှိလာတဲ့ နာကျင်မှုကိုနည်းပါစေဖို့ အများကြီးအထောက်အကူဖြစ်စေပါတယ်။ Penn State College of Medicine ကနေပြုလုပ်တဲ့ လေ့လာမှုတစ်ခုမှာဆိုရင် အရိုးအဆစ်ရောင်ရောဂါအတွက် အခြားကုသမှုတွေလုံးဝမခံယူပဲ ကိုယ်အလေးချိန်လျော့ကျစေတဲ့ ကုထုံးတွေ၊ ခွဲစိတ်မှုတွေပဲပြုလုပ်ခဲ့တဲ့သူတွေဟာ အများကြီးပိုပြီး နေလို့ထိုင်လို့ကောင်းလာတယ်ဆိုတာကို တွေ့ရှိခဲ့ရပါတယ်။ သူတို့ရဲ့ နေ့စဉ်လုပ်ငန်းဆောင်တာတွေနဲ့ အားကစားပြုလုပ်ရာမှာလည်း ပိုပြီးအဆင်ပြေလာခဲ့ပါတယ်။ ဒါကြောင့် […]

အရိုးများ ဟာ သင့်ခန္ဓာကိုယ်ရဲ့ ဒေါက်တိုင်များပဲ ဖြစ်ပါတယ်။ ဒါကြောင့် အရိုးများ သန်မာစေဖို့ဟာ သင့်ဘဝတစ်သက်တာအတွက် အရေးကြီးလှပါတယ်။ သင်ကလေးဘဝကတည်းက သင့်အရိုးထဲကို ရောက်ရှိလာတဲ့ သတ္တုဓာတ်များဟာ သင့် အရိုးများ ကို တည်ဆောက်ပေးပြီး အသက် ၃၀ လောက် ရောက်လာချိန်မှာ အရိုးရဲ့ထုထည်ဟာ အမြင့်ဆုံးကို ရောက်ရှိပါတယ်။ အကယ်၍ ဒီအချိန်အတိုင်းအတာအတွင်းမှာသာ အရိုးဟာ ထုထည်အခိုင်မာဆုံးမရှိသေးဘူးဆိုရင် နောင်မှာ ကျိုးပဲ့လွယ်ထိခိုက်လွယ်ပါလိမ့်မယ်။ ကောင်းတဲ့အချက်ကတော့ အာဟာရဓာတ်အများအပြားနဲ့ နေထိုင်မှုပုံစံမျိုးစုံဟာ သင့်အရိုးတွေကို ပိုမိုကျန်းမာ ကြံ့ခိုင်စေဖို့ အထောက်အကူပြုပါလိမ့်မယ်။ အောက်ပါနည်းလမ်းများကတော့ ကျန်းမာကြံ့ခိုင်တဲ့အရိုးတွေဖြစ်အောင် ဘယ်လိုဆောင်ရွက်သင့်သလဲ ဆိုတာပါပဲ။ ကျန်းမာကြံ့ခိုင်တဲ့အရိုးတွေ ဖြစ်စေဖို့ အရိုးတွေ ကျန်းမာကြံ့ခိုင်စေဖို့ဆိုရင် ၁။ အသီးအရွက်များ စားသုံးခြင်း အသီးအရွက်များဟာ အရိုးများသန်မာစေဖို့ များစွာ အထောက်အကူပြုပါတယ်။ အသီးအရွက်များမှာ ဗီတာမင် C ကြွယ်ဝပြီး အရိုးများအသစ်ဖြစ်ပေါ်ခြင်းအတွက် လှုံ့ဆော်ပေးပါတယ်။ ဒါ့အပြင် ဗီတာမင် C […]

Text Neck Syndrome ဆိုတာက ခုနောက်ပိုင်းခေတ်တွေမှာ အဖြစ်များလာတဲ့ ဝေဒနာ အသစ်အဆန်းတစ်ခုဖြစ်ပါတယ်။ လွန်ခဲ့တဲ့ ၃ နှစ်ဝန်းကျင်တုန်းကဆိုရင် ဒီလိုရောဂါမျိုးကို ဘယ်သူမှ မကြားဖူးခဲ့ကြပါဘူး။ စမတ်ဖုန်းတွေနဲ့ ဆိုရှယ်မီဒီယာတွေ ခေတ်စားလာပြီးတဲ့နောက်ပိုင်းမှာမှ အဖြစ်များလာတဲ့ ရောဂါတစ်ခုလို့ ဆိုလို့ရပါတယ်။ မိုဘိုင်းဖုန်းအသုံးပြုသူတွေအနေနဲ့ ခန္တာကိုယ်ကို ကိုင်းညွှတ်ပြီး စမတ်ဖုန်းမျက်နှာပြင်တွေကို အချိန်ကြာညောင်းစွာ စူးစိုက်ကြည့်ရှုတာကြောင့် ဖြစ်ပေါ်လာတတ်တဲ့ လည်ပင်းရိုးနာကျင်တဲ့ ဝေဒနာတစ်မျိုးကို Text Neck Syndrome လို့ ခေါ်ဆိုတာဖြစ်ပါတယ်။ ဘာကြောင့် Text Neck Syndrome ဖြစ်တာလဲ လည်ပင်းကို ရှေ့ဘက်ကို လိုအပ်တာထက် ပိုပြီး ငိုက်လိုက်မယ်ဆိုရင် ကျောဘက်မှာရှိတဲ့ လည်ပင်းရိုးပတ်လည်က ကြွက်သားတွေတင်းကျပ်လာတတ်ပြီး နာ့ဗ်ကြောတွေလည်း ထိခိုက်ပျက်ဆီးသွားတတ်ပါတယ်။ ဒီလို လည်ပင်းရိုးကို မူမမှန်တဲ့ အနေအထားနဲ့ အချိန်ကြာမြင့်စွာ အသုံးပြုတဲ့အခါမျိုးမှာ ပြင်းထန်တဲ့ နာကျင်မှုဝေဒနာခံစားရမှာဖြစ်ပြီး ပိုမိုဆိုးရွားလာတဲ့အခြေအနေမျိုးမှာ […]

အသက်၅၀ကျော် လူကြီးတွေမှာ အဆစ်အမြစ်တွေကိုက်ခဲရောင်ရမ်းတာမျိုး တအားကို ဖြစ်လွယ်လာကြပါတယ်။ အကြောင်းအရင်း အရကတော့ အမျိုးမျိုးပေါ့လေ။ အဆစ်အမြစ်ရောင်ရမ်းခြင်း အမျိုးအစား ၁၀၀ကျော် ရှိတဲ့ထဲကမှ ဥပမာတချို့ ဖော်ပြရရင် သွေးလေးဖက်နာ (rheumatoid arthritis)၊ အရိုးအဆစ်ယိုယွင်းရောင်ရမ်းခြင်း (osteoarthritis)၊ ကလေးသူငယ် လေးဖက်နာ (juvenile arthritis) နဲ့ ရောဂါပိုးကြောင့် ဖြစ်တဲ့ အဆစ်အမြစ်ရောင်ရမ်းခြင်း (infectious arthritis)၊ ဗိုက်တာမင် ဒီ နဲ့ ထုံးဓာတ် ( calcium ) ဓာတ် ချို့တဲ့ လို့ ဖြစ်တဲ့ အရိုးပါးအရိုးပွ ( osteroporosis) ၊ အရွတ်ကအဆီတွေ ခမ်းလို့ ဖြစ်တဲ့ အဆစ်အမြစ်နာကျင်မှုမျိုးတွေ ၊ ကိုယ်နေဟန်ထားမမှန်တာ ထုံးဓာတ်များတာ ကြောင့်ဖြစ်နိုင်တဲ့ ကျီးပေါင်း (spondylosis) နဲ့ […]

မတော်တဆထိခိုက်မိတာတွေ၊ ထိခိုက်ဒဏ်ရာတွေကြောင့် အရိုးအဆစ်တွေကို ထိခိုက်နိုင်တယ်လို့ သိထားကြပါတယ်။ ဒါပေမယ့် ဒီအချက်တွေကြောင့်လည်း အရိုးထိခိုက်နိုင်တယ်ဆိုတာ Hello ဆရာဝန် ပရိသတ်တို့ သိကြရဲ့လားနော်။ ကဲ .... အရိုးအဆစ်တွေကို ထိခိုက်စေနိုင်တဲ့ အပြုအမူ တွေကို ကြည့်လိုက်ရအောင်နော်။ အရိုးအဆစ်တွေကို ထိခိုက်စေနိုင်တဲ့ အပြုအမူ (၁၀) မျိုး အရိုးအဆစ်တွေကို ထိခိုက်စေနိုင်တဲ့ အပြုအမူတွေကတော့ ကိုယ်အလေးချိန် ဝန်ပိတာ အရိုးတွေကို ချိတ်ဆက်ပေးထားတဲ့ အဆစ်တွေဟာ လေးလံတဲ့ဝန် ထမ်းပိုးရတာကို သိပ်မခံနိုင်တတ်ကြပါဘူး။ ဝန်အပိဆုံးက ဒူးပါပဲ။ အရွတ်တွေကိုပျက်ယွင်းစေပြီး ခါး၊ တင်ပါးဆုံနဲ့ ခြေကျင်းဝတ်တို့ကိုလည်း ထိခိုက်နိုင်ပါတယ်။ ဒီလိုဖြစ်စေတဲ့အကြောင်းရင်းထဲမှာ ကိုယ်အလေးချိန်များခြင်းက ရှေ့ကပါဝင်တာမို့ ထိန်းသင့်ပါတယ်။ ဖုန်းပဲအမြဲနှိပ်နေတာ ဖုန်းလေးကိုင်ပြီး တစ်ချိန်လုံးနှိပ်နေမယ်ဆိုရင်တော့ လက်ချောင်းအဆစ်တွေ ပြဿနာတက်ပါလိမ့်မယ်။ လက်မအရွတ်တွေ ထိခိုက်နိုင်တယ်၊ ဖုန်းကိုကြည့်လွန်းလို့ လည်ပင်းဇက်ကြောနဲ့ ပခုံးအတွက်လည်း မကောင်းပါဘူး။ ဒေါက်မြင့်ဖိနပ်အမြဲစီးတာ ဒေါက်မြင့်ဖိနပ်စီးထားတာ လှပေမယ့် […]

အဆစ်အမြစ်ရောင်ရမ်းတာ ကို ဆေးပညာ ဝေါဟာရနဲ့ osteoarthritis လို့ခေါ်ပြီး အရိုးတစ်ခုနဲ့တစ်ခုကြားက အရိုးနုတွေပွတ်တိုက်ပါများပြီး ပျက်စီးကုန်တဲ့အခါ ခံစားရတဲ့ ဝေဒနာဖြစ်ပါတယ်။ အရိုးနုတွေက အရိုးတစ်ခုခုနဲ့တစ်ခုကြား မှာ အခုအခံ ကူရှင်သဘောမျိုးလုပ်ပေးထားတာကြောင့် သူတို့ပျက်စီးသွားတဲ့အခါ လှုပ်ရှားရင်အဆစ်တွေနာကျင်လာတယ်၊ ရောင်လာတယ်၊ နောက်ပြီး အချိန်ကြာလေ လှုပ်ရှားရတာလည်း မကောင်းတော့ပါဘူး။ ဒါ့ကြောင့် ဒီလိုပြဿနာတွေပေးနိုင်တဲ့ အဆစ်အမြစ်ရောင်ဝေဒနာကို ကာကွယ်နိုင်မယ့် နည်းလမ်းလေးတွေ ပြောပြပေးချင်ပါတယ်။ အဆစ်အမြစ်ရောင်ရမ်းတာ ကို လုံးဝပျောက်ကင်းအောင်ကုသလို့မရဘဲ ခံစားရတဲ့လက္ခဏာတွေသက်သာအောင်နဲ့ မဖြစ်အောင်အနေအထိုင်ဆင်ခြင်လို့ပဲရပါတယ်။ ကံကောင်းစွာပဲ ဝေဒနာဖြစ်ပွားမှုနည်းအောင် လိုက်နာနိုင်တဲ့နည်းလမ်းတချို့ရှိနေပါတယ်။ ဒါတွေကတော့ ၁.အဆစ်အမြစ်ရောင်ရမ်းတာ ကို ဂရုစိုက်ပါ ကိုယ်နေ့စဉ်လုပ်နေရတဲ့အလုပ်တွေကိုပြန်ဆန်းစစ်ကြည့်ပ။ ခဏခဏဒူးထောက်ရတာ၊ အလေးအပင်မတာ၊ လမ်းအကြာကြီးလျှောက်တာ စတာတွေကို အသက်ကြီးလာတာနဲ့ တတ်နိုင်သလောက်လျှော့လုပ်ပါ။ အဆစ်အမြစ်တွေကို အသုံးပြုမှုများလေ ပိုပျက်စီးနိုင်လေပါပဲ။ ၂. လေ့ကျင့်အားအစွမ်းကို လျှော့မတွက်ပါနဲ့ ခန္ဓာကိုယ်အတွက် အရမ်းဒဏ်ဖြစ်စေမယ့် လေ့ကျင့်ခန်းမျိုးတွေမဟုတ်ဘဲ အဆစ်အမြစ်တွေသန်စွမ်း စေမယ့် လေ့ကျင့်ခန်းတွေကို ရွေးလုပ်ကြည့်ပါ။ […]

စိတ်သွားတိုင်း ကိုယ်ပါနေတုန်းမှာတော့ ခန္ဓါကိုယ်ရဲ့ လှုပ်ရှားနိုင်မှုက တန်ဖိုးရှိတယ်ထင်မိမှာမဟုတ်ပါဘူး။ မလှုပ်ရှားနိုင်တဲ့အခါမှာ အရိုးအဆစ်တွေရဲ့ တန်ဖိုးကို ကောင်းကောင်းကြီးနားလည်လာတတ်ကြစမြဲပါ။ ဒီလိုပြောလို့ ဟုတ်ပါ့မလားလို့ မတွေးလိုက်နဲ့နော်။ ခြေထောက်လေးပဲနာကြည့်လိုက်။ သွားရလာရတော်တော်လေးခက်တာနော်။ ခန္ဓါကိုယ်ကို လှုပ်ရှားလို့အဆင်ပြေအောင် အဓိကထောက်ကန်ပေးထားတာက အရိုးအဆစ်တွေပေါ့။ ဒီတော့ ခြေလှမ်းတိုင်း၊ လှုပ်ရှားမှုတိုင်းကို စိတ်သွားတိုင်းကိုယ်ပါဖို့က အရိုးအဆစ်တွေကောင်းမှဖြစ်မှာနော်။ အရိုးအဆစ်ကောင်းအောင်ဘာလုပ်ရမလဲ.......... အရိုးအဆစ်ကောင်းအောင်ဘာလုပ်ရမလဲဆိုတော့ ဂရုစိုက်ရမှာပေါ့။ အာဟာရပြည့်ဝအောင်စားမယ် ရေလုံလောက်အောင်သောက်မယ် ဆေးလိပ်ဖြတ်မယ် သင့်တင့်တဲ့ လေ့ကျင့်ခန်းတွေလုပ်မယ် သင့်တင့်တဲ့ကိုယ်အလေးချိန်ရအောင်ထိန်းမယ် အရိုးအဆစ်တွေနာတဲ့အခါ သေချာလေး အနားယူပေးမယ် ခန္ဓါကိုယ်အနေအထားမှန်အောင်နေမယ် အယ်လ်ကိုဟော နဲ့ ကဖင်း လျှော့သောက်ပါ။ စတဲ့အချက်လေးတွေကို လိုက်နာဖို့လိုပါမယ်။ အဆစ်အစားထိုးကုသမှုခံယူတယ်ဆိုတာ အဆစ်အစားထိုးကုသမှုဆိုတာက မတော်တဆမှုတစ်ခုကြောင့်ဖြစ်ဖြစ်၊ အသက်ကြီးလာတာကြောင့်ဖြစ်ဖြစ်၊ ရောဂါအခံတစ်ခုခုကြောင့်ဖြစ်ဖြစ် ထိခိုက်သွားတဲ့ နေရာတွေကိုဖယ်ထုတ်ပြီး လူသားတွေကဖန်တီးထားတဲ့အရာတွေနဲ့ အစားထိုးကုသမှုတစ်ရပ်ပါ။ အဆစ်တွေထိခိုက်သွားတဲ့အခါ အစားထိုးကုသမှုခံယူလိုက်တာက နေ့စဉ်ဘဝရဲ့လုပ်ဆောင်မှုတွေကို အကောင်းဆုံးလုပ်ဆောင်နိုင်စေမှာပါ။တကယ်လို့များ အဆစ်တွေထိခိုက်ထားတာကြောင့် အသုံးပြုရလုံးဝအဆင်မပြေတော့တဲ့အထိ နာကျင်နေမယ်ဆိုရင်တော့ အဆစ်တွေကိုအစားထိုးကုသမှုခံယူလိုက်တာကအဆင်ပြေဆုံးဖြစ်မှာပါ။ အဆစ်တွေကို အစားထိုးကုသမှုခံယူတဲ့အခါ […]

ချော်လဲတာကြောင့်ဖြစ်ဖြစ်၊ မတော်တဆထိခိုက်မိတာတွေကြောင့်ဖြစ်ဖြစ် အရိုးကျိုးတာမျိုးတွေဖြစ်နိုင်ပါတယ်။ အရိုးကျိုးတာက သာမန်မျက်စိနဲ့ မြင်ဖို့ခက်သလို သေချာလေးဂရုစိုက်ပေးဖို့လည်း လိုပါတယ်။ အရိုးပြန်ဆက်တဲ့အချိန်မျာ အစားအသောက်၊ အနေအထိုင်ကို သေချာလေးဂရုစိုက်ပေးမှာ အရိုးက အကောင်းဆုံးပြန်ဆက်နိုင်မှာပါ။ ဒီတော့ အကြောင်းအရင်းတစ်ခုခုကြောင့် အရိုးကျိုးသွားတဲ့အခါ အရိုးမြန်မြန်ဆန်ဆန်ပြန်ဆက်စေဖို့ ဘာတွေလိုက်နာဖို့လိုမလဲဆိုတာကို ဒီဆောင်းပါးလေးကနေ မျှဝေပါရစေ။ ခန္ဓာကိုယ်ရဲ့ ငြမ်းဖြစ်တဲ့အရိုးတွေကို ဘယ်လိုဖွဲ့စည်းထားတာလဲ............ ခန္ဓာကိုယ်ရဲ့ အခြေခံကျတဲ့ ငြမ်းတွေဖြစ်တဲ့ အရိုးတွေကို ကော်လာဂျင်လို့ ခေါ်တဲ့ (ပရိုတင်း) နဲ့ဖွဲ့စည်းထားပြီး အပေါ်ကနေမှ သတ္တုဓာတ်တွေဖြစ်ကြတဲ့ ကယ်လ်ဆီယမ်နဲ့ ဖော့စဖရိတ်တို့က ကြံ့ခိုင်မှုကို အားဖြည့်ပေးထားကြပါတယ်။ ဒါကြောင့် အရိုးတွေကျန်းမာနေစေဖို့ ထိခိုက်သွားတဲ့အခါ အမြန်ဆုံးပြန်ကျန်းမာလာစေဖို့အတွက် အာဟာရတွေကို ပြည့်ဝမျှတအောင်စားသုံးပေးဖို့ လိုပါမယ်။ ကျိုးသွားတဲ့အရိုး မြန်မြန်ပြန်ဆက်စေဖို့ အရိုးတွေကျိုးသွားတဲ့အခါ ပြန်ဆက်ပြီး အမြန်ဆုံးအကောင်းပကတိပြန်ဖြစ်စေဖို့ဆိုရင် ပုံမှန်ထက် အာဟာရဓာတ်တွေကို ပိုမိုစားသုံးပေးဖို့လိုအပ်ပါမယ်။ ဒီတော့ ဘာတွေစားမလဲ......... ကယ်လ်ဆီယမ် အရိုးတွေနဲ့သွားတွေ ကြံ့ခိုင်သန်စွမ်းစေဖို့ မရှိမဖြစ်လိုအပ်မယ့်ဓာတ်တစ်မျိုးပါ။ အရိုးရဲ့ သိပ်သည်းဆကို […]

မာရသွန်အပြေးသမားတွေ၊ ပြင်းပြင်းထန်ထန် အားကစား၊ လေ့ကျင့်ခန်းလုပ်တဲ့သူတွေ ကိုယ့်ရဲ့အလုပ်ပြီးသွားတာနဲ့ ခြေထောက်က မသယ်ချင်လိုက်အောင် ထိုးပြီးကိုက်ခဲနေတာ တော်တော်များများဖြစ်ဖူးကြမှာပါ။ များသောအားဖြင့်တော့ စိုးရိမ်စရာမလိုတဲ့ လက္ခဏာပဲဆိုပေမယ့် နောက်နေ့အားကစားလုပ်ဖို့အတွက် ခြေထောက်က နာတာမသက်သာသေးတဲ့အခါကျတော့ စိတ်ညစ်ရတာပေါ့။ ဒီပြဿနာကနေ ကင်းဝေးစေဖို့ ခြေထောက်နာကျင်ကိုက်ခဲတာကို အမြန်သက်သာစေမယ့် နည်းလမ်းကောင်းတွေကို ဒီဆောင်းပါးမှာ ဖတ်ကြည့်လိုက်ကြရအောင်လား။ ခြေထောက်က ဘာလို့ ကိုက်ခဲနေရတာလဲ။ အားကစားအပြင်းအထန်လုပ်ပြီးသွားတဲ့အခါမျိုးမှာ ကိုယ်ခန္ဓာမှာ ရှိတဲ့ ကြွက်သားတွေကို အပြင်းအထန်လှုပ်ရှားအသုံးပြုလိုက်ရတဲ့အတွက် အနည်းနဲ့ အများတော့ ကိုက်ခဲတဲ့ဒဏ်ဖြစ်ပေါ်တတ်ပါတယ်။ တချို့ကျတော့လည်း ပြေးနေတဲ့အချိန်မှာ စီးထားတဲ့ အားကစားစီးဖိနပ်က ကိုယ့်ခြေထောက်ကို ကောင်းကောင်းအထောက်အပံ့မပေးနိုင်တာ၊ ကျပ်လွန်းတာ ဒါမှမဟုတ် ကိုယ်ခန္ဓာလှုပ်ရှားတဲ့ ပုံစံ၊ အနေအထား မမှန်ကန်တဲ့အခါ၊ ဒူးခေါင်းကို အလွန်အကျွံ အသုံးပြုလိုက်တဲ့အခါ ကိုယ်ခန္ဓာတစ်ခုလုံးရဲ့ အလေးချိန်က ခြေထောက်နဲ့ ခြေဖနောင့်ကို သွားပြီး အားသက်ရောက်သလိုဖြစ်တဲ့အတွက် နာကျင်ကိုက်ခဲရတာပါ။ ဒါကတော့ […]