ဆရာဝန်အား အခမဲ့မေးမြန်းလိုက်ပါ။
Hello ဆရာဝန်မှာ သင့်အတွေးများကို အသိပေးနိုင်ပါတယ်။
မကြာခင်ရက်ပိုင်းအတွင်းမှာ ကျန်းမာရေးဝန်ထမ်းတွေကို ကိုဗစ်ကာကွယ်ဆေး စထိုးပေးတော့မှာပါ။ ပြီးရင်တော့ စီစဉ်ထားတဲ့အတိုင်း ပြည်သူလူထုကိုဆက်ကာ ဆက်ကာ ထိုးပေးတော့မှာပါ။ မြန်မာနိုင်ငံမှာ ထိုးမယ့်ဆေးကတော့ အိန္ဒိယနိုင်ငံအခြေစိုက် Serum instituteက ထုတ်ထားတဲ့ Covishield ကာကွယ်ဆေး ပဲ ဖြစ်ပါတယ်။ သူက အောက်ဖို့ဒ်က ထုတ်တဲ့ AstraZenacaကာကွယ်ဆေးနဲ့ အတူတူပဲ ဖြစ်ပါတယ်။
ဒီကာကွယ်ဆေးကို ထိုးရမှာဆိုတော့ ဆေးမထိုးခင်မှာ ကာကွယ်ဆေးနဲ့ ပတ်သက်ပြီး သိထားရမယ့် အချက်တွေကို ပြောပြပေးပါ့မယ်။
ကပ်ရောဂါကာလမှာ အရေးပေါ်အသုံးပြုဖို့ ခွင့်ပြုထားတာဖြစ်ပြီး အသက် ၁၈နှစ်နဲ့အထက်တွေကို ထိုးပေးနိုင်ပါတယ်။ အရေးပေါ်အသုံးပြုခွင့် ပေးထားတယ်ဆိုပေမယ့် ကာကွယ်ဆေး ထုတ်လုပ်ရေးမှာ လူပေါင်းများစွာပါဝင်ခဲ့ပြီး အဆင့်ဆင့်ကို အောင်အောင်မြင်မြင် ဖြတ်ကျော်ပြီးမှသာ အရေးပေါ်အသုံးပြုခွင့်ရတာဖြစ်တဲ့အတွက် အထိုက်အလျောက် ဘေးကင်းမှု၊ စိတ်ချရမှုရှိပါတယ်။
ဓာတ်မတည့်ရောဂါရှိလို့ ထိုးသင့်၊ မထိုးသင့်ကို ဆရာဝန်နဲ့ တိုင်ပင်ပါ။ ဒါပေမယ့် ထိုးမယ်ဆိုရင် သူများတွေထက် ဓာတ်မတည့်နိုင်ခြေ ပိုများပါတယ်။ ဒါကြောင့် ဆရာဝန်တွေအနေနဲ့ ဆေးထိုးအပြီးမှာ အနီးကပ်စောင့်ကြည့်ဖို့လိုမယ်။ အနီးနားမှာ ဓာတ်မတည့်တာနဲ့ တန်းပြီး ဖြေဆေးထိုးနိုင်အောင် ပြင်ထားဖို့ လိုတာကြောင့် ကြိုမေးထားခြင်း ဖြစ်ပါတယ်။
ကာကွယ်ဆေးထိုးတဲ့အခါ ခုခံအားစနစ်တုံ့ပြန်မှုကြောင့် ထပ်ဖျားနိုင်လို့ပါ။ ကိုဗစ်ကလည်း ဖျားနိုင်ပြီး လက်ရှိမှာ ကိုဗစ်ရောဂါအတည်ပြုခံထားရရင် ကာကွယ်ဆေး ထိုးမပေးတာကြောင့်ပါ။
ကာကွယ်ဆေးထိုးတဲ့နေရာမှာ သွေးမတိတ်တာ၊ အညိုကွက်တွေ ထတာ ဖြစ်နိုင်ပါတယ်။ သွေးကျဲဆေးမှာ အက်စပရင်က ပြဿနာမရှိပေမယ့် wafarinသောက်နေတဲ့သူဆိုရင်တော့ သွေးတိတ်တာကြာနိုင်တဲ့အတွက် ကြိုမေးထားတာ ဖြစ်ပါတယ်။
ခုခံအားကျနေတဲ့သူမှာ ခုခံအားစနစ်တုံ့ပြန်တာ နှေးနိုင်တဲ့အတွက် ကြိုမေးထားခြင်းဖြစ်ပါတယ်။ ကာကွယ်ဆေးမှာ ကိုဗစ်ဖြစ်စေတဲ့ SAR-CoV-2 ဗိုင်းရပ်စ်မပါတဲ့အတွက် ကာကွယ်ဆေးကြောင့်တော့ ကိုဗစ်မဖြစ်နိုင်ပါဘူး။
ဒီနှစ်ခုနဲ့ ပတ်သက်ပြီး အမေရိကန် CDCက Pfizerကာကွယ်ဆေးရော၊ အောက်ဖို့ဒ် ကာကွယ်ဆေးရောက ကိုယ်ဝန်ဆောင်နဲ့ နို့တိုက်မိခင်မှာ ထိုးလို့ရတယ်လို့ ဆိုပေမယ့် Covishieldရဲ့ ညွှန်ကြားချက်မှာ မထိုးခိုင်းသေးတဲ့အတွက် မြန်မာနိုင်ငံမှာလည်း လက်ရှိအချိန်ထိတော့ ထိုးပေးဦးမှာ မဟုတ်ပါဘူး။
မြန်မာနိုင်ငံအနေနဲ့ကတော့ ဒီပြဿနာ ရှိမှာ မဟုတ်ပါဘူး။ တခြားကာကွယ်ဆေးတစ်ခုခု ထိုးထားရင် ဆေးအာနိသင်အပေါ် သက်ရောက်မှု ရှိနိုင်တာကြောင့်ပါ။
*(ဒါကြောင့် အပြင်မှာ ပြောနေတဲ့ နာတာရှည်ရောဂါအခံရှိတဲ့သူ၊ ဆီးချို၊ သွေးတိုးရှိတဲ့သူတွေ မထိုးရဘူးဆိုတာ မဟုတ်ပါဘူး။ သူတို့က ပိုးကူးလွယ်လို့ ဦးစားပေးထိုးရမယ့် သူတွေပါ။ )
အသားဆေးဖြစ်ပြီး လက်မောင်းမှာ ထိုးမှာပါ။ တစ်ခါထိုး 0.5 mlနဲ့ နှစ်ခါထိုးရမှာပါ။ ပထမတစ်ခါထိုးပြီး ၄ပတ်ကနေ ၆ပတ်အကြာ (တချို့နိုင်ငံခြားစာတမ်းတွေမှာ ၁၂ပတ်ကြာတဲ့အထိ) ဒုတိယဆေး ထပ်ထိုးရမှာပါ။
ကိုဗစ်ပိုးကို ကာကွယ်နိုင်လောက်အောင် လုံလောက်တဲ့ ခုခံအားကတော့ ဒုတိယတစ်လုံးထိုးပြီး ၄ပတ်နေရင် စရပါပြီ။
ဒါနဲ့ပတ်သက်ပြီးတော့ Serum instituteက အတိအလင်း ပြောပြထားခြင်း မရှိပါဘူး။
ကာကွယ်ဆေးရဲ့ ကာကွယ်နိုင်စွမ်းက ၆၂-၉၀ ရာခိုင်နှုန်းပါ။ ဒါကြောင့် လူ ၁၀၀မှာ ၁၀ယောက်လောက်က ဆေးမအောင်တာမျိုးဖြစ်နိုင်ပါတယ်။ ဒါပေမယ့် စံနှုန်းအရ ကာကွယ်ဆေးတစ်ခုက ၅၀ကနေ ၇၀ရာခိုင်နှုန်းအထိ ကာကွယ်မှု ပေးနိုင်တယ်ဆိုရင် လူထုကြားမှာ ထိုးပေးလို့ရတာကြောင့် အရေးပေါ်အသုံးပြုခွင့်ပေးတာဖြစ်ပါတယ်။
ဒါ့ပြင် လူတော်တော်များများထိုးပြီးသွားလို့ အများစုမှာ ခုခံအားရသွားရင် chain of infection လို့ ခေါ်တဲ့ ကူးစက်မှု ကွင်းဆက်ကို ဖြတ်နိုင်တာကြောင့် ထိုးပေးရခြင်းပဲ ဖြစ်ပါတယ်။
၁၀ယောက်မှာ ၁ယောက်ထက်ပိုပြီး ဖြစ်နိုင်တဲ့ ဘေးထွက်ဆိုးကျိုးများ
၁၀ယောက်မှာ ၁ယောက်လောက် ဖြစ်နိုင်တဲ့ ဘေးထွက်ဆိုးကျိုးများ
၁၀၀မှာ ၁ယောက်လောက်ပဲ ဖြစ်နိုင်တဲ့ ဘေးထွက်ဆိုးကျိုးများ
ဒီထဲမှာ မပါတဲ့ တခြားပြင်းထန်တဲ့ ဘေးထွက်ဆိုးကျိုးတွေလည်း ရှိနိုင်ပါတယ်။ ကာကွယ်ဆေးတွေရဲ့ သဘောတရားအရ ထုတ်လုပ်ပြီးတာတောင် လူထုထဲမှာ ဘေးကင်းရဲ့လားဆိုတာကို ဆက်လက်စစ်ဆေးနေရပါတယ်။
ခြုံပြောရမယ်ဆိုရင် Covishield ကာကွယ်ဆေးက အာနိသင်ကောင်းပြီး ဘေးကင်းတယ်လို့ ပြောလို့ရပါတယ်။ ဒါကြောင့်လည်း အရေးပေါ်အသုံးပြုခွင့်ရခဲ့တာပါ။ အနှစ်နှစ်အလလ စောင့်ခဲ့ရတဲ့ ကာကွယ်ဆေး ဖြစ်ပေမယ့် အန္တရာယ်ကင်းပြီး ရောဂါကာကွယ်နိုင်ဖို့က အဓိကဖြစ်တာကြောင့် ကာကွယ်ဆေးနဲ့ ပတ်သက်ပြီး သိသင့်သိထိုက်တာတွေကို ဖော်ပြပေးလိုက်ပါတယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။