ကိုယ်တွေပူတယ်။ ချောင်းတွေ ဆိုးတယ်၊ နှာချေတယ်ဆိုရင် လူတိုင်းက စိုးရိမ်ထိတ်လန့်တဲ့ ပုံစံနဲ့လှမ်းကြည့်တတ် ကြပါတယ်။ ခန္ဓာကိုယ် အပူချိန် မြင့်တက်တယ်ဆိုတာက ကိုယ်ခံအားက ပြင်ပက ဝင်ရောက်လာတဲ့ ရောဂါပိုးတွကို အပြင်းအထန် ခုခံတိုက်ခိုက်နေတဲ့ သဘောပါ။ ဒီတော့ ကိုယ်ပူလာတဲ့အခါ ငါများ COVID_19 ဖြစ်နေပြီလား ဆိုတဲ့ စိုးရိမ်စိတ်လေး ကင်းကြစေဖို့ ကိုယ်မှာဖြစ်တဲ့ လက္ခဏာတွေက ဘာကြောင့်လဲဆိုတာကို ဆန်းစစ်ကြည့်ရအောင်လား…………
Hello Sayarwon မှ ထွက်မည်။
ထွက်မှာ သေချာပြီလား။
ကိုယ်ပူတိုင်း COVID_19 လား………………….
ဘယ်အချိန်မှာ ကိုယ်ပူနေပြီလို့ပြောနိုင်မလဲ………..
ခန္ဓာကိုယ် အပူချိန်က လူတစ်ယောက်နဲ့တစ်ယောက်မှာ ကွာခြားနိုင်ပါတယ်။ ဒါပေမယ့် ခန္ဓာကိုယ်ရဲ့ ပုံမှန်ချိန်ကတော့ ၉၈.၆ ဒီဂရီဖာရင်ဟိုက် ရှိပါတယ်။ တစ်နေ့တာမှာ စားသောက်တာ၊ အိပ်စက်တာနဲ့ လုပ်ဆောင်တဲ့ လှုပ်ရှားမှုတွေအပေါ်လိုက်ပြီး ကိုယ် အပူချိန်က ပြောင်းလဲနိုင်ပါတယ်။
ပုံမှန်အားဖြင့် ခန္ဓာကိုယ် အပူချိန်က ညနေ ၆ နာရီ ဝန်းကျင်မှာ အမြင့်ဆုံး အခြေအနေကို ရောက်နေတတ်ပြီး မနက်ခင်း ၃ နာရီအချိန်မှာ အနိမ့်ဆုံး အခြေအနေကိုရောက်နေတတ်ပါတယ်။
ခန္ဓာကိုယ် အပူချိန်က ၉၉ ဒီဂရီဖာရင်ဟိုက်၊ ၁၀၀ ဒီဂရီဖာရင်ဟိုက် နဲ့ ၁၀၀ ဒီဂရီဖာရင်ဟိုက် အထက်ဆိုရင် ကိုယ်ပူနေပြီ၊လို့ ပြောပါရစေ။
ဘာတွေကများ ကိုယ်ပူစေနိုင်လဲ………..
ခန္ဓာကိုယ် အပူချိန်ကို မြင့်တက်စေတဲ့အချက်က တစ်ခု မကရှိပါတယ်။
- အအေးမိတာ
- တုပ်ကွေးဖြစ်တာ
- ဓာတ်မတည့်တာ
- နားပိုးဝင်တာ
- မေးခိုင်ပိုးဝင်တာ
- ပိုးဝင်ကူးစက်တာ
- ဝမ်းကိုက်ပိုး ရှိနေတာ
- လည်ချောင်း ပိုးဝင်တာ
- ဆီးလမ်းကြောင်း ပိုးဝင်တာ
- အဆုတ် ပိုးဝင်တာ
- ကျောက်ကပ် ပိုးဝင်တာ
- အပူလျှပ်တာ
- ကိုရိုနာ ဗိုင်းရပ်စ် ကူးစက်ခံရတာတွေကြောင့် ကိုယ်ပူနိုင်ပါတယ်။
ဘေဘီလေးတွေမှာဆိုရင် အခုပြောခဲ့တဲ့ အခြေအနေတွေအပြင် ကာကွယ်ဆေးထိုးပြီးချိန် နဲ့ သွားပေါက်တဲ့အခါမျိုးတွေမှာ ကိုယ်အပူချိန်ရှိနိုင်ပါတယ်။
ဘယ်လို အခြေအနေမှာ အဖျားတာရှည်နိုင်လဲ………….
ပုံမှန်အားဖြင့်တော့ အဖျားက တာရှည်လေ့မရှိပါဘူး။ တကယ်လို့ အဖျားက ဗိုင်းရပ်စ် ကူးစက်ခံရတာ ဒါမှမဟုတ် ဘက်တီးရီးယား ကူးစက်ခံရတာကြောင့် ဖြစ်မယ်ဆိုရင်တော့ အဖျား တာရှည်နိုင်ပါတယ်။
COVID_ 19 ကြောင့်ဖြစ်တဲ့ ကိုယ်ပူတာနဲ့ ရိုးရိုး ကိုယ်ပူတာ ဘာကွာခြားလဲ…………….
ရုတ်တရက် ခွဲရခက်နိုင်တဲ့ အဖြစ်များတဲ့ ကိုယ်ပူရခြင်း အကြောင်းအရင်းတွေကို သတိထားလို့ရစေဖို့ ပြောပြပေးမယ်နော်။
အအေးမိတဲ့အခါ အဖြစ်များတဲ့ လက္ခဏာအနေနဲ့
- ကိုယ်ပူမယ်
- နှာစေးမယ်
- နှာချေမယ်
- နှာရည်ကျမယ်
- လည်ချောင်းနာမယ်
- ချောင်းဆိုးမယ်
- ရင်ဘတ်အောင့်မယ်
ဒါတွေအပြင် ရံဖန်ရံခါမှာ
- ခြေကုန်လက်ပန်းကျမယ်
- ခန္ဓာကိုယ် နာကျင်ကိုက်ခဲတာမျိုး ခံစားရနိုင်ပါတယ်။
- ကိုယ်ပူမယ်
- ချမ်းတုန်မယ်
- ချောင်းဆိုးမယ်
- ခေါင်းကိုက်မယ်
- ခြေကုန်လက်ပန်းကျမယ်
- ကိုယ်လက်တွေ ကိုက်ခဲမယ်။
ဒါတွေအပြင် ရံဖန်ရံခါမှာ
- နှာချေမယ်
- နှာစေးမယ်
- နှာရည်ကျမယ်
- လည်ချောင်းနာမယ်
- မအီမသာဖြစ်မယ်
- ဝမ်းသွားမယ် စတာမျိုးတွေ ခံစားရနိုင်ပါတယ်။
- နှာစေးမယ်
- မျက်လုံး၊ နှာခေါင်း၊ အရေပြားတွေ ယားယံမယ်
- နှာရည်ကျမယ်။
ဒါတွေအပြင် ရံဖန်ရံခါမှာ
- အသက်ရှူတဲ့အခါ တရွှီရွှီ မြည်မယ်
- အသက်ရှူတာ ပြတ်တောင်း ပြတ်တောင်းဖြစ်မယ်
- ခြေကုန်လက်ပန်းကျမယ် စတဲ့ လက္ခဏာတွေ ခံစားရနိုင်ပါတယ်။
- ခန္ဓာကိုယ်အပူချိန်က ၁၀၀.၃ ဒီဂရီဖာရင်ဟိုက် (သို့မဟုတ်) ၁၀၀.၃ ဒီဂရီဖာရင်ဟိုက်ထက် ပိုများနေမယ်
- နှလုံးခုန်မြန်နေမယ်
- ချွေးမထွက်ဘဲဖြစ်နေမယ်
- အသက်ရှူရခက်နေမယ်
- စိတ်ရှုပ်ထွေးနေမယ်
- ဆီးသွားနည်းမယ်
- ဆီးအရောင်ရင့်မယ်
ဒါတွေအပြင် ရံဖန်ရံခါမှာ
- အော့အန်မယ်
- ခေါင်းမူးမယ်
- သတိလစ်မယ်
- တက်မယ်
- အရေပြားတွေ ပူနေမယ်၊ခြောက်သွေ့နေမယ်၊ နီမြန်းနေမယ်။
ခန္ဓာကိုယ်ထဲကို ဗိုင်းရပ်စ်ရောက်ရှိပြီး ၂ ရက်နေ ၁၄ ရက်အတွင်းမှာ ရောဂါ လက္ခဏာတွေ ပြနိုင်ပါတယ်။
- အဖျားရှိမယ်
- ချောင်းခြောက်ဆိုးမယ်
- ခြေကုန်လက်ပန်းကျမယ်
- အသက်ရှူကျပ်မယ်
- မောမယ်
ဒါတွေအပြင် ရံဖန်ရံခါမှာ
- ဝမ်းသွားတာ
- ကြွက်သားတွေ၊ အဆစ်တွေ နာကျင်ကိုက်ခဲတာ
- နှာခေါင်းပိတ်တာ
- နှာစေးတာ
- လည်ချောင်းနာတာတွေ ခံစားရနိုင်ပါတယ်။
အခုလို အခြေအနေဆို ဆရာဝန်နဲ့ ချက်ချင်းပြသပါ
တကယ်လို့ ကိုယ်ပူတာနဲ့အတူ
- အသက်ရှူရခက်နေမယ်
- အသက်ရှူတာ ပြတ်တောင်း ပြတ်တောင်းဖြစ်နေမယ်
- ရင်ဘတ်ထဲက အောင့်နေမယ်
- ရင်ဘတ်ထဲမှာ ကြပ်နေမယ်
- အိပ်ရာထဲက မထနိုင်ဖြစ်နေမယ်
- မျက်နှာနဲ့ နှုတ်ခမ်းတွေ ပြာနှမ်းနေမယ် ဆိုရင် နီးစပ်ရာက COVID_19 ကို ကုသမှုပေးနေတဲ့ ကုသရေးဌာနတွေကို အမြန်ဆုံးအကြောင်းကြား သွားရောက်ပါ။
ကာကွယ်ခြင်းသည် ကုသခြင်းထက် ပိုထိရောက်ပါသည်
- အိမ်ထဲမှာပဲနေပါ
- ရေများများသောက်ပါ
- အာဟာရပြည့်ဝအောင် စားပါ
- အိပ်ရေးဝဝအိပ်ပါ
- သင့်တင့်တဲ့ ကိုယ်လက်လှုပ်ရှားမှုလုပ်ပါ
- လူစူလူဝေးရှောင်ပါ
- အပြင်ထွက်ဖို့ လိုအပ်ခဲ့ရင်လည်း နှာခေါင်းစည်း တပ်ပါ။ ရေမလို လက်သန့်ဆေးရည် ဆောင်သွားပါ။ တစ်ယောက်နဲ့တစ်ယောက် အနည်းဆုံး ၃ ပေ ခွာပါ။
- နှာချေ၊ချောင်းဆိုးတိုင်း နှာခေါင်းကို တစ်ရှူးစနဲ့ အုပ်ပါ။ ပြီးရင် အမှိုက်ပုံးထဲကို သေချာ စွန့်ပစ်ပါ။ တစ်ရှူး အလွယ်တကူမရရင် တံတောင်ဆစ်မှာ နှာချေချောင်းဆိုးလုပ်ပါ။
- တစ်ကိုယ်ရေသန့်ရှင်းရေး ဂရုစိုက်ပါ။
- လက်ကို မကြာခဏဆေးကြောပါ။
- အပြင်က ပြန်လာတိုင်း အသုံးအဆောင်တွေကို ချက်ချင်းလဲပြီး ဆပ်ပြာရည်စိမ်ပစ်ပါ။ ခြေလက်ဆေးကြောပါ။
- မျက်လုံး၊ပါးစပ်၊နှာခေါင်းတို့ကို လက်နဲ့ မထိပါနဲ့။
Verifying...
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
Coronavirus (COVID-19) https://www.cdc.gov/coronavirus/2019-ncov/index.html Accessed Date 12 April 2020
Not Sure You Have COVID-19? Here Are the Symptoms for Coronavirus, Flu, and Allergies https://www.healthline.com/health-news/flu-allergies-coronavirus-different-symptoms Accessed Date 12 April 2020
Coronavirus disease (COVID-19) Pandemic https://www.who.int/emergencies/diseases/novel-coronavirus-2019 Accessed Date 12 April 2020
Fever in Adults and Children https://www.medicinenet.com/aches_pain_fever/article.htm Accessed Date 12 April 2020
Share