ဘယ်လိုလူတွေမှာ Covid-19 ဗိုင်းရပ်စ် ကူးစက်နိုင်သလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 26, 2020 . 2 mins read
Share now

တရုတ်နိုင်ငံကနေ စတင်ဖြစ်ပွားခဲ့တဲ့ COVID-19 လို့ခေါ်ဆိုတဲ့ ပြင်းထန် အဆုတ်ရောင်ရောဂါ ကူးစက်ပြန့်ပွားမှု အခြေအနေဟာ ပိုမိုဆိုးရွားလာနေတယ်လို့ WHO က ကြေညာခဲ့ပါတယ်။ ဒါကြောင့်လည်း Epidemic အခြေအနေကနေ Global Pandemic ကပ်ဘေးအခြေအနေလို့ ပြောင်းလဲ ကြေညာခဲ့တာဖြစ်ပါတယ်။

တချို့သောတိုင်းပြည်တွေမှာ ဘားတွေ၊ တက္ကသိုလ်တွေ၊ ကျောင်းတွေ၊ စားသောက်ဆိုင်တွေ၊ ရုံးတွေ၊ ဘဏ်တွေကို ပိတ်ထားတာမျိုးအထိရှိနေပါတယ်။ ကမ္ဘာကျော် စီးရီးအေ ဘောလုံးပြိုင်ပွဲကို ရပ်နားထားသလို၊ ပရီးမီးယားလိဂ်ပြိုင်ပွဲကိုလည်း ကွင်းပိတ်ကစားဖို့ စီစဉ်နေပါပြီ။

လက်ရှိမှာ ရောဂါပိုးကူးစက်ခံရသူ ၁၂၆၃၀၀ ကျော်အထိရှိနေပြီဖြစ်ပြီးတော့ သေဆုံးသူဦးရေဟာလည်း ၄၆၃၃ ဦးအထိ ရှိလာပြီဖြစ်ပါတယ်။ တစ်ဖက်မှာလည်း ရောဂါပိုးကူးစက်ခံထားရာကနေ ပြန်လည်သက်သာလာသူကလည်း ၆၈၂၈၅ ဦးအထိ တိုးတက်လာနေပါတယ်။

လက်ရှိမှာ သိပ္ပံပညာရှင်တွေနဲ့ ဆေးဝါးပညာရှင်တွေကတော့ ရောဂါကိုထိန်းချုပ်နိုင်ဖို့နဲ့ ကုသနိုင်ဖို့ကြိုးပမ်းနေကြဆဲဖြစ်ပေမယ့် အလုံးစုံအောင်မြင်မှုတော့ မရရှိကြသေးပါဘူး။ ဒါပေမယ့် တစ်ဖက်မှာလည်း ဒီကပ်ဆိုးနဲ့ ပတ်သက်ပြီး ပိုမိုသိရှိလာနေရပြီဖြစ်သလို ဘယ်လိုလူမျိုးတွေဆီမှာ ရောဂါကူးစက်နိုင်ခြေ ပိုများတယ်ဆိုတာကိုလည်း ပိုမိုသိရှိလာနေရပြီဖြစ်ပါတယ်။

ဘယ်လိုလူတွေ ကူးစက်ခံရနိုင်ချေများသလဲ

အောက်မှာ ဖော်ပြသွားမယ့် အချက်အလက်တွေဟာ Harvard T.H. Chan School of Public Health၊ Chinese Center for Disease Control and Prevention နဲ့ The Journal of the American Medical Association တို့ရဲ့ လေ့လာချက်တွေကို အခြေခံပြီး ဖော်ပြသွားမှာဖြစ်ပြီး ရောဂါရဲ့ မူရင်းဒေသဖြစ်တဲ့ တရုတ်နိုင်ငံကို အခြေခံပြီး သုတေသနပြုထားတဲ့ အချက်အလက်တွေဖြစ်ပါတယ်။

လက်ရှိ ဆန်းစစ်ချက်တွေအရ အသက် ၃၅ နှစ်အောက် လူတွေမှာ သေဆုံးနိုင်ချေက သုညရာခိုင်နှုန်းနီးပါး အခြေအနေပါ။

အသက် ၄၀ – ၈၀ ကြား မှာ ရောဂါကူးစက်နိုင်ခြေအများဆုံးဖြစ်ပါတယ်။

ရောဂါကူးစက်မှုရဲ့ ၈၀ ရာခိုင်နှုန်း ဟာ ပြင်းထန်မှုမရှိပါဘူး။

လက်ကျန် ၂၀ ရာခိုင်နှုန်း ကသာ အန္တရာယ်ရှိပါတယ်။ အဆိုပါ ၂၀ရာခိုင်နှုန်း မှာတော့ အသက်ရှူကြပ်တာ၊ နမိုးနီးယားနဲ့ ကိုယ်တွင်းအင်္ဂါလုပ်ဆောင်ချက် လွဲမှားတာလိုမျိုး ပြင်းထန်တဲ့ လက္ခဏာတွေ ကြုံရနိုင်ပါတယ်။

၂.၃ ရာခိုင်နှုန်း ကသာ သေနိုင်ခြေရှိပါတယ်။ Severe acute respiratory syndrome (SARS) တုန်းက ကူးစက်ခံရသူတွေရဲ့ ၁၀ ရာခိုင်နှုန်း အထိ သေဆုံးမှုရှိခဲ့ပါတယ်။

COVID-19 ကူးစက်ခံရသူတွေထဲမှာ ၁ နှစ်နဲ့ ၉ နှစ်အကြားကလေးငယ်တွေမှာ ကူးစက်နိုင်ခြေ ၁ရာခိုင်နှုန်း သာရှိပြီးတော့ သေဆုံးမှုလည်း လုံးဝမရှိပါဘူး။

၁၀ နှစ်နဲ့ ၁၉ နှစ်အကြား အသက်အရွယ်မှာလည်း ကူးစက်နိုင်ခြေ ၁ ရာခိုင်နှုန်း သာရှိပါတယ်။

အသက် ၇၀ ကျော် သက်ကြီးရွယ်အိုတွေမှာ ရောဂါကူးစက်ခံရမယ်ဆိုရင် သေဆုံးနိုင်ခြေ ၈ ရာခိုင်နှုန်း အထိရှိပါတယ်။

အသက် ၈၀ နဲ့အထက် အရွယ်မှာဆိုရင်တော့ သေဆုံးနိုင်ခြေ ၁၅ ရာခိုင်နှုန်းအထိ မြင့်တက်လာမှာဖြစ်ပါတယ်။ အသက် ၈၀ နဲ့အထက် လူကြီးတွေအနေနဲ့ ဆေးရုံမှာပဲ ဆက်နေသင့်တယ်လို့ အကြံပြုထားပါတယ်။

နောက်ထပ် သတိထားရမယ့် အချက်တစ်ချက်ကတော့ အမျိုးသားတွေဟာ အမျိုးသမီးတွေထက် ကူးစက်နိုင်ခြေ ၂ ဆ ပိုမြင့်တယ်လို့ Chinese Center for Disease Control and Prevention က ဆိုထားပါတယ်။

ဒါ့အပြင် ဆေးလိပ်သောက်သုံးသူတွေဟာ သာမန်လူတွေထက် ရောဂါပိုပြီးဖြစ်နိုင်ချေမြင့်မားပါတယ်။ ကမ္ဘာ့ကျန်းမာရေး အဖွဲ့ကြီးရဲ့ ထုတ်ပြန်ချက်အရ တရုတ်နိုင်ငံမှာ အမျိုးသား ၄၇.၆ ရာခိုင်နှုန်း ဟာ ဆေးလိပ်သောက်ကြတယ်လို့ ဆိုထားပြီး ရောဂါအရှိန်အဟုန်နဲ့ ပြန့်နှံ့သွားရတဲ့ အကြောင်းအရင်းတွေထဲက တစ်ချက်ဖြစ်တယ်လို့ ဆိုပါတယ်။

နောက်ပြီး သွေးတိုး ဆီးချိုနဲ့ အဆုတ်ရောဂါဝေဒနာ အခံရှိသူတွေအနေနဲ့လည်း COVID-19 ရောဂါဖြစ်ပွားနိုင်ခြေရော သေဆုံးနိုင်ခြေပါမြင့်မားပါတယ်။

ဒီအချက်တွေကို ဖတ်ရှုပြီးရင် ရောဂါကို ရှောင်လွှဲနိုင်ဖို့ နည်းလမ်းတွေကို တွေးတောနိုင်လိမ့်မယ်လို့ ယုံကြည်ပါတယ်။ သတိထားရမယ့် အချက်က အထက်က အခြေအနေတွေနဲ့ မကိုက်ညီသူတွေမှာ လုံးဝကူးစက်နိုင်ချေမရှိဘူးလို့ ဆိုလိုတာမဟုတ်ပဲ ဖြစ်နိုင်ခြေ နည်းပါးတယ်လို့ဆိုလိုတာဖြစ်တာမို့ လူတိုင်း ဒီရောဂါကို သတိထားဖို့ လိုအပ်ပါတယ်။

ဘယ်လို ကာကွယ်ကြမလဲ

ဒီရောဂါဟာ ကူးစက်မြန်ပြီး အန္တရာယ်များတာ မှန်ပေမယ့် မြန်မာနိုင်ငံမှာ လက်ရှိအချိန်အထိ ရောဂါပိုး ကူးစက်ခံထားရသူမရှိသေးဘူးလို့ ကျန်းမာရေးနဲ့ အားကစား ဝန်ကြီးဌာနက ထုတ်ပြန်ကြေညာထားပါတယ်။ သံသယလူနာအများအပြား တွေ့ရှိခဲ့ပေမယ့် အမှန်တကယ် COVID-19 ရောဂါ ကူးစက်ခံထားရသူမျိုး ရှာဖွေ တွေ့ရှိခြင်းမရှိသေးပါဘူး။

ဒါကြောင့် ရောဂါပိုး အမှန်တကယ် ရောက်ရှိလာခြင်းမရှိသေးခင်မှာ မိမိကိုယ်ကိုယ် ဂရုတစိုက် စောင့်ရှောက်ပြီး ကာကွယ်ထားဖို့ လိုအပ်ပါတယ်။ COVID-19 ကို ကာကွယ်ဖို့အတွက် ကမ္ဘာ့ကျန်းမာရေးအဖွဲ့နဲ့ ကျန်းမာရေးဝန်ကြီးဌာနတို့က လမ်းညွှန်ချက်တွေ ထုတ်ပြန်ပေးထားပါတယ်။

အဲဒါတွေကတော့ …

၁။ လက်ကို စနစ်တကျနဲ့ မကြာခဏဆေးပါ

၂။ လူစုလူဝေးကို ရှောင်ပါ။

၃။ ပါးစပ်၊ မျက်လုံးနဲ့ နှာခေါင်း (MEN) ကို မထိပါနဲ့။

၄။ ချောင်းဆိုး၊နှာချေတဲ့အခါ လက်နဲ့အုပ်တာထက် တံတောင်ဆစ်ကို အသုံးပြုပါ။

၅။ ရောဂါလက္ခဏာတွေရှိနေရင် ဆေးကုသမှုခံယူပါ။

၆။ မဖြစ်မနေ mask တပ်စရာမလိုပါဘူး။

၇။ ယုံကြည်စိတ်ချရတဲ့ သတင်းရင်းမြစ်တွေက သတင်းနားထောင်ပါ။

COVID-19 Outbreak updates
Country: Myanmar
Data

117,946

Confirmed

97,819

Recovered

2,484

Death
Distribution Map

Hello Health Group သည် ဆေးပညာ အကြံပြုချက်များ ၊ ရောဂါရှာဖွေ အတည်ပြုချက်များ နှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

COVID ပိုးအသစ်နဲ့ နယူးရီးယားကြောင့် တတိယလှိုင်းဖြစ်လာနိုင်သလား

ရောဂါပိုးမျိုးစိတ်သစ်ထွက်ပေါ်လာချိန်ဟာ ပျော်ပွဲရွှင်ပွဲတွေ ကျင်းပရာ ဒီဇင်ဘာလဖြစ်နေခဲ့တာမို့ နိုင်ငံတကာမှာတော့ ထိန်းချုပ်ရခက်ခဲနေခဲ့ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

COVID-19 ကာကွယ်ဆေးတွေက မျိုးစိတ်သစ်တွေကိုရော ကာကွယ်ပေးမှာလား

လက်ရှိထိုးနှံနေတဲ့ ကာကွယ်ဆေးတွေကြောင့်ဖြစ်တာလား? ကာကွယ်ဆေးတွေက ဒီမျိုးစိတ်ကို တွန်းလှန်နိုင်ပါ့မလားဆိုတဲ့ မေးခွန်းတွေလည်း ပေါ်ထွက်လာပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဘယ် ကိုဗစ်ကာကွယ်ဆေးက အစွမ်းအထက်ဆုံးလဲ

အသုံးပြုလို့ရနေပြီဖြစ်တဲ့ဆေးဝါးတွေရော ဈေးကွက်ထဲကိုဝင်ဖို့ရှိနေတဲ့ ဆေးဝါးတွေမှာပါ ကာကွယ်နိုင်စွမ်းနဲ့ စိတ်ချရမှုအပိုင်း ကွာခြားချက်အနည်းငယ်စီရှိနေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အာဆီယံတိုင်းပြည်တွေ ဖန်တီးတဲ့ COVID-19 ကာကွယ်ဆေးထွက်ပေါ်လာတော့မလား

အာဆီယံတိုင်းပြည်တစ်ချို့ဟာ ကာကွယ်ဆေး ဝယ်ယူဖို့ စီစဉ်နေကြသလို Home-growth Vaccine ကို ကိုယ်တိုင် ဖန်တီးထုတ်လုပ်ဖို့အထိပါ ခြေလှမ်းနေကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အစားအသောက် မှီဝဲမှုနဲ့ Lupus ကို ထိမ်းချုပ်လို့တော့ ရပါတယ်။ လေ့လာချက်တွေအရဆိုရင် ချင်းဟာ Lupus ကို ထိမ်းချုပ်ကုသရာမှာ အလွန်အသုံးတည့်တယ်လို့ဆိုပါတယ်။ မစ်ချီဂန်တက္ကသိုလ်ရဲ့ လေ့လာချက်အရ ချင်းမှာပါဝင်တဲ့ 6-gingerol လို့ခေါ်တဲ့ bioactive compound တစ်မျိုးဟာ Lupus ရဲ့ ရောဂါလက္ခဏာတွေကို လျှော့ချပေးရာမှာ အလွန်ထိရောက်တယ်လို့ ဆိုပါတယ်။

Lupus ရှိရင် ချင်း (ဂျင်း) စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 16, 2021 . 2 mins read
လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
ဖွားဘက်တော်လေး ထွားဖို့ သန်ဖို့ P-Shot ဆေးထိုးသင့်သလား

ဖွားဘက်တော်လေး ထွားဖို့ သန်ဖို့ P-Shot ဆေးထိုးသင့်သလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 9, 2021 . 2 mins read
ကိုဗစ်ကပ်ဘေးအတွင်းမှာ ဘယ်သူတွေ အထီးကျန်အဆန်ဆုံးဖြစ်နေလဲ

ကိုဗစ်ကပ်ဘေးကြောင့် ပိုကြီးမားလာတဲ့ နောက်ထပ်ကပ်ဘေးတစ်ခု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 8, 2021 . 3 mins read