မက်ခေါက်သီးက အမျှင်ဓာတ် ကြွယ်ဝတာကြောင့် ဝမ်းချုပ်တာ၊ ဝမ်းပျက်ဝမ်းလျှောတာတွေ မဖြစ်အောင် ကာကွယ်ပေးပါတယ်။ ဝမ်းမှန်စေပြီး အစာခြေစနစ်ကို ကျန်းမာစေသသလို အူတွေကို အာဟာရ စုပ်ယူမှုကောင်းစေဖို့လည်း အားဖြည့်ပေးပါသေးတယ်။ အစာခြေစနစ် ပြဿနာတွေကို ကာကွယ်ဖို့အတွက်လည်း မက်ခေါက်သီးကို စားပေးလို့ ရပါတယ်။
မက်ခေါက်သီးက အမြင်အာရုံ ကျန်းမာစေဖို့ အကောင်းဆုံး အားဖြည့်ပေးနိုင်တဲ့ ဗီတာမင် A ကြွယ်ဝတဲ့ အသီးတစ်မျိုးပါ။ ဗီတာမင် A က ခန္ဓာကိုယ်ကို ကင်ဆာလိုမျိုး ကြောက်စရာ ရောဂါတွေ အန္တရာယ်ကနေ ကာကွယ်ပေးနိုင်သလို ကိုယ်ခံအား ကောင်းစေဖို့လည်း အကောင်းဆုံး အားဖြည့်ပေးပါတယ်။ အမြင်အာရုံ ကျန်းမာစေပြီး မျက်စိကျန်းမာရေး ပြဿနာတွေ ကင်းစေဖို့ အကောင်းဆုံး ထောက်ပံ့ပေးပါတယ်။
သတိထားရမယ့် အချက်များ
မက်ခေါက်သီးက ဆေးဖက်ဝင်တယ်ဆိုပေမယ့် အလွန်အကျွံစားတာမျိုးကို ရှောင်သင့်ပါတယ်။ အထူးသဖြင့် ဆေးတစ်မျိုးမျိုးကို စွဲသောက်နေရသူတွေနဲ့ ရောဂါအခံရှိသူတွေမှာပါ။ ဒါ့ပြင် မက်ခေါက်သီးရဲ့ အူတိုင်နဲ့ အစေ့မှာ ဆိုင်ယာနိုက်ပါဝင်တာကြောင့် ဒီအစိတ်အပိုင်းတွေကို ရှောင်ဖို့ လိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။