ရှေးဦးသူနာပြုစုခြင်း

ထိခိုက်ဒဏ်ရာက အရမ်းကြီးတဲ့အခါ ချုပ်ဖို့လိုအပ်တယ်၊ ဘယ်နှချက်လောက်တော့ချုပ်ရမယ်၊ လို့ပြောတာမျိုးကြားဖူးမှာပါ။တော်ရုံအနာလောက်ကတော့ ချုပ်ဖို့မလိုအပ်ပါဘူး။ ဘယ်လိုအခြေအနေမျိုးမှာ အနာကိုချုပ်ဖို့လိုမှာလဲဆိုတာကို သိချင်ရင် ဒီဆောင်းပါးလေးကို ဖတ်ကြည့်လိုက်ပါနော်။ အနာကိုချုပ်ရတဲ့ အကြောင်းအရင်း ထိခိုက်ဒဏ်ရာရတဲ့အခါ အနာကိုချုပ်ရတဲ့ အကြောင်းအရင်းက ၂ မျိုးရှိပါတယ်။ ပထမတစ်ချက်က အနာကျက်မြန်စေဖို့အတွက် အထောက်အကူဖြစ်စေဖို့ အနာကိုချုပ်ပေးတာဖြစ်ပြီး နောက်တစ်ချက်ကတော့ အနာပိုးဝင်တာနဲ့ အမာရွတ်ကြီးကြီးမားမားထင်ကျန်တာမျိုး မဖြစ်စေဖို့အတွက်ပါ။ အနာကိုထိခိုက်မိချိန်ကနေ ၁၂ နာရီအတွင်းချုပ်ပေးမယ်ဆိုရင် အနာပိုးဝင်ကူးစက်ခံရတာကို အထိရောက်ဆုံးကာကွယ်ပေးနိုင်မှာဖြစ်ပါတယ်။ ထိခိုက်ဒဏ်ရာရတဲ့အခါ ဒါတွေလုပ်ပေးဖို့လိုပါမယ် အသေးစားထိခိုက်ဒဏ်ရာရတဲ့အခါမျိုးမှာ အနာကိုသန့်စင်ပြီး ပလာစတာကပ်ထားပေးရင် လုံလောက်ပြီဆိုပေမယ့် အနာကပြင်းထန်မယ်ဆိုရင်တော့ အခုပြောပြမယ့်အချက်လေးတွေကို လုပ်ဆောင်စစ်ဆေးကြည့်ဖို့လိုပါမယ်။ ထိခိုက်မိတဲ့ဒဏ်ရာကိုရေနဲ့ဆပ်ပြာသုံးဆေးကြောပြီးရောဂါပိုးကူးစက်တာမျိုးမရှိအောင်ကာကွယ်ပေးပါ၊ သွေးတိတ်အောင်အနာကို ခပ်ဖွဖွလေးဖိထားပေးပါ၊ အနာအစွန်းတွေကို စစ်ဆေးကြည့်ပါ။ အစွန်းနှစ်ဖက်ကစေ့ကပ်နိုင်ပြီး ခန္ဓါကိုယ်ပုံမှန်လှုပ်ရှားတဲ့အခါတိုင်းမှာ ထိခိုက်တာမျိုးဖြစ်နိုင်လားဆိုတာပါ။ တကယ်လို့အနာကပြင်းထန်ပြီးဆေးကုသို့လည်း လိုအပ်မယ်လို့ယူဆတယ်ဆိုရင် ထိခိုက်မိပြီးချိန်ကနေစလို့ ၆ နာရီကနေ ၈နာရီ အတွင်းဆေးကုသမှုခံယူဖို့ပြောပါရစေ။ အနာကိုချုပ်ဖို့လိုအပ်လားဆိုတာကို ဒီအချက်တွေနဲ့ ဆန်းစစ်ပါတယ် အနာကဘယ်လောက်အထိနက်လဲဆိုတာ အနာဘယ်လောက်ထိနက်လဲဆိုတာက အနာချုပ်သင့်မချုပ်သင့်ဆုံးဖြတ်တဲ့နေရာမှာတော်တော်လေးအရေးပါပါတယ်။ အနာကမနက်ရင် အနာကျက်မြန်ပြီးနောက်ဆက်တွဲဝေဒနာတွေရန်ကနေရှောင်ရှားနိုင်တယ်ဆိုပေမယ့် အနာက […]

အနာကတော့ လူတိုင်းမှာဖြစ်တာပဲ မထူးဆန်းပါဘူး၊ လို့များတွေးနေလား။ အနာကဖြစ်ပြီးရင်ပျောက်သွားတယ်ဆိုတဲ့ အယူအဆက လူတိုင်းအတွက်မမှန်နိုင်ပါဘူး။ ဆီးချိုရောဂါသည်တွေက အနာဖြစ်ပြီးရင် ကျက်ဖို့မလွယ်ပါဘူး။ ဒါကြောင့်ဆီးချိုဝေဒနာသည်တွေအနေနဲ့ အနာကိုမဖြစ်ခင်က ကြိုတင် ကာကွယ်တာကအကောင်းဆုံးပါ။ အနာဖြစ်လာရင်လည်းသေချာဂရုစိုက်ဖို့လိုအပ်ပါတယ်။ ဆီးချိုဝေဒနာရှင်တွေမှာ ထိခိုက်ဒဏ်ရာရတဲ့အခါသေချာဂရုမစိုက်ဘဲထားမယ်ဆိုရင် မလိုလားအပ်တဲ့ နောက်ဆက်တွဲဝေဒနာတွေခံစားရပြီး ကိုယ်လက်အင်္ဂါအစိတ်အပိုင်းတွေ ဖြတ်တောက်ရတာမျိုးအထိဖြစ်နိုင်ပါတယ်။ ဆီးချိုရောဂါရှိနေတာကြောင့် ထိခိုက်မိတာမျိုး မဖြစ်အောင်ဂရုစိုက်နေပေမယ့်လည်း မတော်တဆထိခိုက်မိတာမျိုးဖြစ်မယ်ဆိုရင် ဘယ်လိုများဂရုစိုက်ရမလဲမသိဖြစ်နေသူတွေအတွက် အနာဂရုစိုက်နည်းလေးဝေမျှပေးပါရစေ။ ဆီးချိုဝေဒနာသည်တွေမှာ ဘာကြောင့် အနာကျက်ဖို့ခက်တာလဲ ဆီးချိုဝေဒနာရှိသူတွေအနေနဲ့ သာမန်ထိခိုက်ရှနာမျိုးကိုတောင်သေချာဂရုစိုက်ဖို့လိုပါမယ်။ ဘာကြောင့်လဲဆိုတော့ အရေပြားက လူ့ခန္ဓါကိုယ်ရဲ့ အကြီးမားဆုံးသော အရံအတားတစ်ခုမို့ပါ။ အရေပြားက ခန္ဓါကိုယ်ထဲကိုပြင်ပရောဂါတွေမဝင်ရောက်နိုင်အောင်တားဆီးပေးတဲ့ ခံတပ်တစ်ခုပါ။ ဒါကြောင့် အရေပြားပွန်းပဲ့သွားတာက ကိုယ်ခံအား ကောင်းနေတဲ့ပုံမှန်လူတွေမှာတောင် ရောဂါပိုးတွေ ကိုယ်တွင်းကိုဝင်ရောက်ပြီးထိခိုက်တာမျိုးဖြစ်နိုင်တယ်ဆိုရင် ကိုယ်ခံအားနည်းနေတဲ့ ဆီးချိုဝေဒနာရှင်တွေမှာဆိုပိုဆိုးစေမယ်ဆိုတာပြောစရာတောင်လိုမယ်မထင်ပါဘူး။ ဆီးချိုဖြစ်တဲ့အခါအာရုံကြောတွေထိခိုက်သွားတာကြောင့် ထိခိုက်မိတဲ့အခါချက်ချင်းမသိတာ၊ အပူနဲ့ကပ်မိနေတာတွေကို မသိတာကြောင့် မလိုအပ်ဘဲ အနာကကြီးသွားတာမျိုးဖြစ်နိုင်ပါတယ်။နောက်တစ်ခုက အနာကျက်ဖို့အတွက် အရေးကြီးတဲ့အချက်တစ်ချက်ဖြစ်တဲ့ သွေးလှည့်ပတ်မှုပါ။ ဆီးချိုဖြစ်တဲ့အခါသွေးလှည့်ပတ်မှုက အားနည်းသွားပြီး […]

တစ်နေ့တာလှုပ်ရှားသွားလာရင်းထိခိုက်မိတာတွေရှိနိုင်သလို အခန့်မသင့်တဲ့အခါမျိုးဆိုရင် တိရစ္ဆာန်တွေကိုက်တာမျိုးကိုတောင်ခံရနိုင်ပါတယ်။ ဒီလိုဖြစ်တဲ့အခါဆေးရုံကိုမဖြစ်မနေသွားပြီးမေးခိုင်ကာကွယ်ဆေးနဲ့ လိုအပ်တဲ့ ကာကွယ်ဆေးတွေထိုးတာမျိုးလုပ်ပေးဖို့လိုတယ်ဆိုပေမယ့်ဆေးရုံဆေးခန်းမရောက်ခင်မှာ အရင်ဆုံးအနာကိုသေချာဂရုစိုက်ဖို့လိုပါမယ်။ ဒါကြောင့် အခုတစ်ခေါက် မတော်တဆ တိရစ္ဆာန်ကိုက်ခံရတဲ့အခါ ဘယ်လိုမျိုးလုပ်ဆောင်ပေးသင့်လဲဆိုတာကိုပြောပြပေးချင်ပါတယ်။ တိရစ္ဆာန်အကိုက်ခံရရင် မတော်တဆ လမ်းမှာသွားလာရင်းခွေးတို့ကြောင်တို့အကိုက်ခံရရင်ဖြစ်ဖြစ် အိမ်မှာမွေးထားတဲ့ခွေးလေးတွေကြောင်လေးတွေနဲ့ဆော့ကစားရင်းဖြစ်ဖြစ် ထိခိုက်မိနိုင်ပါတယ်။ ဒီလိုထိခိုက်မိတဲ့အခါမျိုးမှာ - လက်ကိုသန့်စင်အောင်ဆေးကြောပေးပါ ဒါကတော့ အနာဖြစ်လာရင် မဖြစ်မနေလိုက်နာရမယ့်အခြေခံစည်းမျဉ်းတစ်ရပ်ပါ။ အနာကို မကိုင်တွယ်ခင်မှာ အနာကို ထိတွေ့မယ့်လက်ကို အရင်ဆုံးသန့်စင်အောင်ဆေးကြောပေးတာ အနာကိုပိုးဝင်တာနဲ့ အနာရင်းတာတွေဖြစ်နိုင်ခြေကိုလျော့နည်းစေနိုင်ပါတယ်။ရေအလွယ်တကူမရနိုင်ဘူးဆိုရင်လည်းရေမလိုလက်သန့်ဆေးရည်နဲ့လက်ကို သန့်စင်ပေးပါ။ သွေးတိတ်အောင်လုပ်ပါ ထိခိုက်မိတဲ့အခါ ဒဏ်ရာသွေးထွက်မှာတော့ အသေအချာပါ။ ကိုက်တဲ့အကောင်ကကြီးလေလေ အစွယ်ကကြီးပြီးသွေးထွက်နိုင်ခြေက များလေလေပါ။ ဒါကြောင့် တိရစ္ဆာန်တစ်ကောင်ကောင်းအကိုက်ခံရတဲ့အခါ ထိုက်သင့်သလောက်သွေးထွက်ပြီးသွားပြီဆိုတာနဲ့သွေးတိတ်အောင်လုပ်ရပါမယ်။ အနာပေါ်ကို ပတ်တီးစသန့်သန့်လေးနဲ့ ခပ်ဖွဖွလေးဖိပေးလိုက်ပါ။ အနာကိုအရင်သန့်စင်ပေးပါ ဘာကြောင့်ထိခိုက်မိမိ နောက်တစ်ခုမေ့ထားလို့မဖြစ်တာက အနာကို သန့်စင်ဆေးကြောဖို့ပါ။ အကောင်တစ်ကောင်ကောင်ကိုက်တာခံရတဲ့အခါမှာလည်း အနာကိုရေနွေးနွေးလေးနဲ့ဆပ်ပြာအရင်သုံးပြီး သန့်စင်လိုက်ပါ။ပြီးသွားပြီဆိုရင်တော့ ဂွမ်းစမှာအရက်ပြန်တို့ပြီး သန့်စင်ဆေးကြောပေးလိုက်ပါ။ အနာထဲမှာ ကပ်ညှိနေတဲ့ဖုန်မှုန့်တွေနဲ့ပြင်ပအရာဝတ္ထုတွေကို ဖယ်ထုတ်ပေးပါ။ တိရစ္ဆာန်တွေရဲ့ခံတွင်းက ဘက်တီးရီးယားတွေ များပြားတာကြောင့်ဖြစ်နိုင်ရင် အနာကို anti-baterial ဆပ်ပြာသုံးပြီးအနာကို သန့်စင်ပေးပါ။ […]

မိသားစုလိုက်ဖြစ်ဖြစ် လူငယ်တွေချည်းဖြစ်ဖြစ် ရေလမ်းခရီးသွားတဲ့အခါ၊ ရေကူးကြတဲ့အခါရေနစ်မယ့်အန္တရာယ်သတိထားဖို့အရေးကြီးပါတယ်။ရေမကူးတတ်တဲ့သူမှရေနစ်နိုင်တာမဟုတ်ပါဘူး။ ဘယ်သူပဲဖြစ်ဖြစ်ရေနစ်နိုင်တဲ့အန္တရာယ်ရှိနိုင်သလို ရေနစ်နိုင်တဲ့အကြောင်းရင်းတွေက အများကြီးရှိနိုင်ပါတယ်။ ဥပမာ - မတော်တဆရေထဲပြုတ်ကျတာ၊ ကမ်းစပ်မှာရေဆော့ရင်း နစ်တာ၊ လှေ သို့မဟုတ် သင်္ဘောမှောက်တာ၊ ရေကူးနေရင်းခြေထောက်ကြွက်တက်တာ၊ အရက်မူးနေချိန်ရေကူးတာ စသည်ဖြင့်ဖြစ်ပါတယ်။ ဘယ်သူပဲဖြစ်ဖြစ် ကိုယ့်မျက်စိရှေ့မှာရေနစ်နေတာ၊ အသက်အန္တရာယ်ကြုံနေတာတွေ့ရရင် မကယ်ဘဲမနေနိုင်လောက်ပါဘူး။ ဒါပေမယ့် ဘယ်လိုကယ်မလဲ။ရေထဲဆင်းပြီး ကြိုးစားပမ်းစားကယ်ဆယ်လာခဲ့ရုံနဲ့ မလုံလောက်ပါဘူး။ ဒါ့ကြောင့် ရေနစ်သူကို အရေးပေါ်ဘယ်လိုကယ်မလဲဆိုတာ သိထားသင့်ပါတယ်။ အသက်ရှူနေသေးလား အရင်စစ်ဆေးပါ အသက်ရှူတဲ့လေကို ခံစားမိလား သိရအောင် လူနာရဲ့ပါးစပ်နဲ့ နှာခေါင်းနားမှာ ကပ်နားထောင်ကြည့်ပါ။ အသက်ရှူ နေတဲ့လှုပ်ရှားမှုရှိနေသလား ကြည့်ပါ။ အသက်မရှူတော့ဘူးဆိုရင် သွေးခုန်နှုန်းကို စမ်းကြည့်ပါ လူနာရဲ့သွေးခုန်နှုန်းကို လက်ကောက်ဝတ်ကနေ ၁၀ စက္ကန့်လောက် စမ်းသပ်စစ်ဆေးပါ။ သွေးခုန်နှုန်း စမ်းမရရင် CPR နဲ့ကယ်ပါ လူနာကို အရင်ဆုံး ညီညာတဲ့ကြမ်းပြင်ပေါ် ပက်လက်ထားပါ။ လူနာရဲ့ရင်ဘတ်အလယ်တည့်တည့် လက်ဖနောင့်တစ်ဖက်ကိုထားပြီး […]

အငြိမ်မနေလှုပ်ရှားနေရသူတွေအနေနဲ့ ထိခိုက်ရှနာ ဖြစ်တာကရှောင်လွှဲလို့မရတဲ့အရာတစ်ခုပါ။ ထိခိုက်ဒဏ်ရာတစ်ခု ရလာတာက သိပ်အရေးကြီးတဲ့ ကျန်းမာရေးထိခိုက်မှုတော့မဟုတ်ပေမယ့်သေချာမစောင့်ရှောက်ရင်တော့ပေးဆပ်ရမယ့် အရင်းအနှီးကကြီးပါတယ်။ အနာကနေတဆင့်မေးခိုင်ပိုးဝင်တာမျိုးများဖြစ်သွားရင်ဖြစ်လာမယ့်နောက်ဆက်တွဲပြဿနာကတော်တော်လေးကြီးပြီလေ။ ဒါကြောင့် အခုတစ်ခေါက်မှာတော့ အနာတစ်ခုဖြစ်လာရင် ဘာတွေကို လုပ်ဆောင်ပြီး ဘာတွေကိုရှောင်ရမလဲဆိုတာကိုပြောပြပေးချင်ပါတယ်။ အနာတစ်ခုဖြစ်လာရင်သေချာဂရုစိုက်မှနောက်ဆက်တွဲရောဂါတွေကင်းမှာဖြစ်ပါတယ်။ အနာဖြစ်တဲ့အခါ လုပ်ဆောင်ရမယ့်အချက်တွေက လက်ကိုသန့်စင်ပါ - အနာဖြစ်တဲ့အခါ အရင်ဆုံးမဖြစ်မနေလုပ်ရမှာတစ်ခုက အနာကိုကိုင်တွယ်မယ့်လက်ကို သန့်ရှင်းအောင်ဆေးကြောဖို့ပါ။ အနာကို မကိုင်တွယ်ခင်မှာ လက်ကိုသန့်ရှင်းအောင်ဆေးကြောတာက အနာရင်းတာနဲ့အနာပိုးဝင်တာတွေ ဖြစ်နိုင်ခြေနည်းသွားစေနိုင်ပါတယ်။ အနာကိုသန့်စင်ပါ -အနာဖြစ်လာတဲ့အခါနောက်ထပ်လုပ်ရမယ့်နောက်တစ်ချက်က အနာကိုသန့်စင်ပါ။ အနာဖြစ်တဲ့အခါထွက်လာတဲ့သွေးတွေကိုညှစ်ထုတ်လိုက်ပါ။ပြီးရင်တော့ အနာကိုရေသန့်သန့်နဲ့ဆပ်ပြာသုံးပြီး သန့်စင်ဆေးကြောပေးရပါမယ်။ ဆေးတစ်ခုခုလိမ်းပေးပါ - အနာကိုသန့်စင်ဆေးကြောတာတွေလုပ်ပြီးသွားပြီဆိုရင်တော့ အနာကိုရောဂါပိုးမွှားတွေ၊ ဖုန်မှုန့်တွေမဝင်ရောက်နိုင်စေဖို့အတွက် အနာပေါ်ကနေဆေးတစ်ခုခုလိမ်းပေးပါ။ ဗီတာမင် C စားသုံးပေးပါ - ဗီတာမင် C ကကိုယ်ခံအားကိုကောင်းမွန်စေသလို အနာကျက်မြန်စေပါတယ်။ ဒါကြောင့်ထိခိုက်ဒဏ်ရာတွေဖြစ်တဲ့အခါ လိမ္မော်သီး၊ရှောက်ချိုသီး၊ ဂရိတ်ဖရု နဲ့ အခြားအချဉ်ဓါတ်ပါတဲ့ အသီးတွေကို စားသုံးပေးပါ။ အာဟာရပြည့်ဝအောင်စားသုံးပေးပါ -ခန္ဓါကိုယ်ကျန်းမာဖို့က အာဟာရ ပြည့်ဝအောင်စားသုံးဖို့လိုအပ်ပါတယ်။နေ့စဉ်စားသုံးတဲ့အစားအစာတွေထဲမှာ ပရိုတင်း၊ဇင့်နဲ့ဗီတာမင် C […]

အရေပြားမှာဖြစ်လာတဲ့ ထိခိုက်ပေါက်ပြဲမှုအများစုဟာ အနာကျက်ဖို့အတွက် အစိုဓါတ်ရှိဖို့လိုအပ်ပါတယ်။ အနာကို မဖုံးမအုပ်ဘဲထားရင် အပေါ်ယံအရေပြားဆဲလ်အသစ်တွေကိုခြောက်သွေ့စေလို့ ဒဏ်ရာကိုပိုနာကျင်စေပြီး အနာကျက်နှေးစေပါတယ်။ အနာကို ပလာစတာ သို့မဟုတ် ပတ်တီးနဲ့ဖုံးအုပ်ထားတာက အရေပြားအသစ်ကိုဖြစ်ပေါ်စေပြီး ဆဲလ်တွေကို ရှင်သန်စေပါတယ်။ ဖုန်မှုန့်တွေ၊ပိုးမွှားတွေနဲ့တခြားထိခိုက်မှုတွေရန်က ကာကွယ်ပေးပါတယ်။ အနာကိုဖုံးအုပ်စရာမလိုတဲ့ ရှမိ၊ခြစ်မိတဲ့ဒဏ်ရာအသေးအဖွဲလေးတွေက လွဲလို့ပေါ့။   အနာဘယ်လိုကျက်သလဲ အနာကျက်ခြင်းဖြစ်စဉ်ဆိုတာ ထိခိုက်ဒဏ်ရာရပြီးနောက် အရေပြားနဲ့ခန္ဓါကိုယ်ဆဲလ်တွေကအရေပြားအပေါ်ယံနဲ့အတွင်းပိုင်းအလွှာကိုပြင်ပအရာဝတ္ထုတွေရန်က ကာကွယ်ပေးပြီး အလိုအလျောက်ပြန်လည်ကုသတဲ့ဖြစ်စဉ်ပါ။ အဲဒီဖြစ်စဉ်မှာ ဆဲလ်သစ်ဖြစ်ပေါ်ခြင်း၊ ပျက်စီးနေတဲ့ဆဲလ်သေတွေကိုဖယ်ရှားခြင်း၊ တစ်ရှူးအသစ်ဖွံ့ဖြိုးမှု၊အရေပြားအတွင်းပြန်လည်တည်ဆောက်ခြင်းတို့ပါဝင်ပါတယ်။ အနာကျက်ဖို့ကြာမြင့်ချိန် အနှေးအမြန်ဟာ ဒဏ်ရာရဲ့အရွယ်အစား၊အနေအထားနဲ့ ကိုယ်ခန္ဓါကျန်းမာမှုတို့ကိုမူတည်ပါတယ်။ ဆီးချိုသွေးချိုရောဂါ၊သွေးကြောကျဉ်းရောဂါ၊ရောဂါပိုးဝင်ခြင်းနဲ့ အသက်ကြီးခြင်းတို့လို အခြေအနေတွေကြောင့် အနာကျက်နှေးစေနိုင်ပါတယ်။ သန့်စင်ပေးခြင်းနဲ့ရောဂါပိုးမဝင်အောင်ကြိုတင်ကာကွယ်ခြင်းတို့ကြောင့် အနာကျက်ဖို့အထောက်အကူဖြစ်စေနိုင်ပါတယ်။ သေချာဂရုမစိုက်လို့ အနာပိုးဝင်ပြီဆိုရင်တော့ အားလုံးအစပြန်ရောက်သွားစေပြီးပျောက်ကင်းအောင်ကုသရပိုခက်၊ပိုကြာသွားစေနိုင်ပါတယ်။ အနာမှာ အစိုဓါတ်ရှိတာကောင်းသလား၊ ခြောက်သွေ့နေတာကောင်းလား အနာတစ်ခုခုဆို အရေပြား ခြောက်ပြီး ကွာတော့မယ့်အနေအထားကို အနာကျက်လာပြီလို့ပြောတတ်ကြပါတယ်။ အနာမှာခြောက်သွေ့နေတိုင်း အနာမကျက်ပါဘူး။ တစ်ခါတလေ အနာကအပေါ်ယံခြောက်ပြီးအနာကျက်သလိုမြင်ရပေမယ့် အတွင်းမှာအနာမကျက်ဘဲ တာရှည်နေတာမျိုးရှိပါတယ်။ အနာက ချပ်ချပ်ရပ်ရပ်လေးဖြစ်နေမှ အနာကျက်မြန်မှာလို့ ယူဆသူများတာကြောင့် ဘာမှမဖုံးအုပ်ဖို့၊ […]

အမှားကင်းတဲ့သူရယ်လို့မရှိသလို ထိခိုက်ဒဏ်ရာနဲ့ကင်းသူရယ်လို့လည်းမရှိပါဘူး။ လူရယ်လို့ဖြစ်လာရင် ငယ်ငယ်ကတည်းကဆော့ရင်းပြေးရင်း လွှားရင်းနဲ့ချော်လဲလို့ဖြစ်ဖြစ် ထိခိုက်ဒဏ်ရာရတာမျိုးတွေကြုံရနိုင်ပါတယ်။ ဒီလိုထိခိုက်ဒဏ်ရာတွေထဲကမှ ကိုယ်တိုင်မှာဖြစ်ဖြစ် မိသားစုဝင်တစ်ဦးဦးမှာဖြစ်ဖြစ် ပွန်းပဲ့ဒဏ်ရာရတဲ့အခါ ဘယ်လိုမျိုးသက်သာအောင်လုပ်ပေမးလဲဆိုတာကိုပြောပြပေးပါရစေ။ ပွန်းပဲ့ဒဏ်ရာ ပွန်းပဲ့ဒဏ်ရာဆိုတာကနေ့စဉ်လှုပ်ရှားသွားလာရင်း အများဆုံးဖြစ်နိုင်ခြေရှိနေတဲ့ ထိခိုက်ဒဏ်ရာအမျိုးအစားတစ်ခုပါ။ အရေပြားအောက်ဘက်မှာရှိနေတဲ့သွေးကြောလေးတွေက ထိခိုက်မိတဲ့အားကြောင့် ပျက်စီးသွားပြီး အဆိုပါသွေးကြောလေးတွေကနေပေါက်ထွက်သွားတဲ့သွေးတွေကအရေပြားအောက်ဘက်မှာ စုကျန်နေခဲ့တာပါ။ ဒီသွေးတွေကို အနာကျက်ဖြစ်စဉ်တလျှောက် ခန္ဓါကိုယ်ကသွေးတွေကို စုပ်ယူလိုက်ပါတယ်။ ဒါပေမယ့် ခန္ဓါကိုယ်ကသွေးတွေကို အပြည့်အဝမစုပ်ယူခင် (အနာမကျက်ခင်တလျှောက်) မှာတော့အရေပြားမှာ အညိုအမဲစွဲတဲ့ အရာတွေနဲ့ အထိမခံနိုင်အောင်နာတာမျိုးတွေဖြစ်ကျန်ခဲ့နိုင်ပါတယ်။ ဒီလိုဒဏ်ရာမျိုးမှာ ထိခိုက်မိတာက အရေပြားအောက်ကိုနက်လေလေ စိုးရိမ်ရလေလေပါ။ ထိခိုက်ပွန်းပဲ့ဒဏ်ရာတွေကိုနေအိမ်မှာပဲမြန်မြန်သက်သာအောင်လုပ်ဆောင်လို့ရပါတယ်။ ထိခိုက်ပွန်းပဲ့ဒဏ်ရာတွေကြောင့်ဖြစ်တဲ့ အညိုအမဲစွဲတာတွေကိုပြုစုစောင့်ရှောက်နည်း ပွန်းပဲ့ဒဏ်ရာတွေက သူ့အလိုလိုပျောက်သွားနိုင်ပေမယ့် နာကျင်မှုနဲ့ထိခိုက်ဒဏ်ရာတဝိုက်မှာ အညိုအမဲစွဲတာတွေတော့ရှိနိုင်ပါတယ်။ ဒီလိုမျိုး နာကျင်တာနဲ့သွေးခြည်ဥတာတွေကိုသက်သာအောင်လုပ်လို့ရတဲ့နည်းလမ်းတွေရှိနေပါတယ်။ ဘယ်လိုလုပ်မလဲ။ (၁) ထိခိုက်ဒဏ်ရာနဲ့ထိခိုက်ဒဏ်ရာတဝိုက်ကို ညင်ညင်သာသာနှိပ်နယ်ပါ ပွန်းပဲ့ဒဏ်ရာကို သတိရတိုင်း အနာပေါ်နဲ့အနာတဝိုက်ကို နှိပ်နယ်ပေးပါ။ ဒီလိုနှိပ်နယ်ပေးတာက ခန္ဓါကိုယ်ရဲ့ပြန်ရည်ကြောစနစ်ပုံမှန်ပြန်ဖြစ်လာအောင်ကူညီပေးနိုင်ပါတယ်။ အနာ နာကျင်တာမျိုးမဖြစ်စေဖို့အတွက် နှိပ်နယ်တဲ့အခါ အရမ်းအားမသုံးမိဖို့သတိထားပါ။ (၂) ရေခဲကပ်ပါ ထိခိုက်ဒဏ်ရာရသွားတဲ့အခါ အနာတဝိုက်ကိုသွေးစီးဆင်းမှုနည်းသွားစေဖို့အတွက်ရေခဲကပ်ပေးပါ။သွေးကြောတွေကိုအေးနေအောင်လုပ်ထားတာက ထိခိုက်မိတဲ့ဒဏ်ရာတဝိုက်ကတစ်သျှူးတွေဆီကိုသွေးယိုစီးမှုမှုလျော့နည်းစေပါတယ်။ ဒီလိုလုပ်တာက […]

အနာဖြစ်တဲ့အခါသေချာဂရုစိုက်ဖို့က မဖြစ်မနေလိုအပ်တဲ့အချက်တစ်ခုပါ။ ဒီလိုဂရုစိုက်တဲ့အခါမှာလည်း မှန်ကန်စွာနဲ့ ဂရုစိုက်မိဖို့ကတော်တော်လေးအရေးကြီးပါတယ်။ အနာကိုသေချာဂရုမစိုက်မိတဲ့အခါ မလိုလားအပ်တဲ့နောက်ဆက်တွြဲပဿနာတွေအများကြီးဖြစ်လာနိုင်တယ်ဆိုတာကတော့ သိပ်ပြီးပြောနေစရာတောင်မလိုအောင် ပရိသတ်တွေသိပြီးဖြစ်မှာပါ။ ဒီဆောင်းပါးလေးမှာ လူတော်တော်များများလွဲမှားစွာသိနေတဲ့ အချက်လေးတစ်ခုကိုရှင်းပြပေးချင်ပါတယ်။ ဒါကတော့ အနာကိုလေထိခံတာက အနာကျက်မြန်တယ်ဆိုတဲ့ အယူအဆပါ။ ဒီအယူအဆက အပြည့်အဝမမှန်ပါဘူး။ အနာဖြစ်တဲ့အခါ လုပ်မိတတ်တဲ့အမှားတွေက အနာဖြစ်လာတဲ့အခါ အရင်ဆုံးလုပ်သင့်တာတစ်ခုက အနာပေါက်ကနေထွက်လာတဲ့သွေးတွေကို ဖယ်ထုတ်ပစ်ဖို့ပါ။ ဒီလိုလုပ်လိုက်တာက အနာထဲကိုရောဂါပိုးတွေဝင်ရောက်နိုင်ခြေကိုလျော့ကျသွားစေနိုင်ပါတယ်။ အနာကိုသွေးတွေညှစ်ထုတ်ပြီးတဲ့အခါမှာတော့ အနာကိုရေသန့်သန့်လေးနဲ့ဆေးကြောပေးလိုက်ပါ။ သတိထားရမှာတစ်ခုနဲ့မဖြစ်မနေလုပ်သင့်တာက အနာဖြစ်သွားတဲ့အခါရေးကြီးသုတ်ပျာနဲ့ အနာကို ကိုင်တွယ်တာမျိုးမလုပ်ဖို့ပါ။ အနာကို မကိုင်တွယ်ခင်မှာ လက်ကို သန့်စင်အောင်ဆေးကြောပေးဖို့လိုပါမယ်။ပြီးရင်တော့ အနာကိုရေခြောက်အောင် ဂွမ်းစလေးနဲ့တို့သုတ်ပေးလိုက်ပါ။ပြီးရင်တော့ အနာအရွယ်အစားကိုလိုက်ပြီး ပတ်တီးစည်းတန်ရင် ပတ်တီး၊ ပလာစတာကပ်လို့အဆင်ပြေမယ့်အနေအထားဆို ပလာစတာကပ်ပေးရပါမယ်။ အနာကိုလေဝင်လေထွက်ကောင်းအောင်လုပ်ပေးရမှာဆိုပေမယ့် အနာကို ပတ်တီးစည်းတာ ၊ပလာစတာကပ်တာတွေမလုပ်ဘဲနဲ့ထားတာမျိုးတော့ မလုပ်သင့်ပါဘူး။ နောက်တစ်ခုက အနာကသေးသေးမွှားမွှားဖြစ်တာပဲ သူ့ဘာသာထားလိုက် အချိန်တန်ရင်ကျက်သွားလိမ့်မယ်ဆိုတဲ့အတွေးပါ။ ဒီအတွေးကတော့ လုံးဝမမှန်ပါဘူး။ အနာဖြစ်တဲ့အခါကြီးကြီးသေးသေးသေချာဂရုစိုက်ဖို့လိုပါလိမ့်မယ်။ အနာကသေးပေမယ့်လည်းသေချာဂရုမစိုက်မိတာကြောင့် ပိုးဝင်ကူးစက်ခံရရင် အရေပြားထိခိုက်ပျက်စီးတာ၊ […]

ထိခိုက်ရှနာဖြစ်တာကနေ့စဉ်လှုပ်ရှားနေရသူတွေအဖို့ရှောင်လွဲလို့မရတဲ့ပြဿနာပါ။ ပုံမှန်အားဖြင့်ကတော့ ထိခိုက်ရှနာဒဏ်ရာတွေက အလွယ်တကူအနာကျက်သွားကြတာများပါတယ်။ ဒါပေမယ့် ဒီဒဏ်ရာလေးတွေကနေတဆင့် ဘက်တီးရီးယားတွေဝင်ရောက်သွားတဲ့အခါမှာတော့ အနာပိုးဝင်ကူးစက်တာမျိုးတွေဖြစ်လာနိုင်ပါတယ်။ အနာပိုးဝင်ကူးစက်ခံရတဲ့အခါ အသိစောလေလေ ထိထိရောက်ရောက်ကုသနိုင်လေလေပါ။ အနာပိုးဝင်တာကိုသေချာမကုသဘဲထားမိမယ်ဆိုရင် မလိုလားအပ်တဲ့နောက်ဆက်တွဲ ကျန်းမာရေးပြဿနာတွေဖြစ်လာနိုင်ပါတယ်။ အခုဆောင်းပါးလေးမှာတော့ အနာပိုးဝင်ကူးစက်တဲ့အကြောင်းကိုပြည့်ပြည့်စုံစုံလေးပြောပြပေးချင်ပါတယ်။ အနာပိုးဝင်တာက ဘယ်ထိခိုက်ဒဏ်ရာမျိုးမှာမဆိုဖြစ်နိုင်ပါတယ်။ အရေပြားက ခန္ဓါကိုယ်ထဲကိုရောဂါပိုးတွေ မဝင်ရောက်နိုင်အောင် တားဆီးပေးထားတဲ့ ခံတပ်တစ်ခုပါ။ ထိခိုက်ဒဏ်ရာဖြစ်တဲ့အခါ အပေါ်ယံအရေပြားကပေါက်ပြဲသွားတာကြောင့်ရောဂါပိုးတွေကို ကာကွယ်ပေးနိုင်တဲ့ အတားအဆီးကျိုးပျက်သွားပြီလို့ဆိုရပါမယ်။ ဒီလိုအခြေအနေမှာ ပတ်ဝန်းကျင်မှာရှိတဲ့ ဘက်တီးရီးယားတွေက အနာပေါက်ကနေတဆင့် ကိုယ်ခန္ဓါအတွင်းထဲကိုဝင်ရောက်သွားပြီး ပိုးဝင်ကူးစက်တာတွေဖြစ်လာပါတော့တယ်။ အချို့အနာပိုးဝင်တာတွေကိုantibioticဆေးဝါးတွေနဲ့ကုသနိုင်ပေမယ့် အနာပြင်းထန်မယ်ဆိုရင်တာ့ ဆရာဝန်နဲ့သွားရောက်ပြသတာအကောင်းဆုံးဖြစ်ပါလိမ့်မယ်။ အနာပိုးဝင်ရင် ဘာတွေဖြစ်လာနိုင်လဲ အနာပိုးမဝင်အောင်ကာကွယ်နိုင်သလို အနာပိုးဝင်တာက အရမ်းမဆိုးဝါးတဲ့အခါမျိုးမှာantibioticဆေးဝါးတွေနဲ့ကုသလို့ရနိုင်ပါတယ်။ ဒါပေမယ့်ပေါ့ပေါ့ဆဆထားမယ်ဆိုရင်တော့ အနာပိုးဝင်တာက ပိုဆိုးလာပြီး အသက်အန္တရာယ်ပါစိုးရိမ်ရနိုင်ပါတယ်။ အနာပိုးဝင်တာကို ဂရုမစိုက်ဘဲထားမိရင်ဖြစ်နိုင်တဲ့အဆိုးဆုံးရလဒ်တွေထဲကတစ်ခုကသွေးဆိပ်တက်တာပါ။ ခန္ဓါကိုယ်က ကူးစက်ရောဂါပိုးကိုတိုက်ထုတ်ဖို့အတွက်သွေးကြောတွေထဲကို ဓါတုပစ္စည်းတွေထုတ်လွှတ်လိုက်တဲ့အခါ ခန္ဓါကိုယ်အနှံ့မှာရောင်ရမ်းမှုတွေဖြစ်လာပါတယ်။ ဒီအခြေအနေကိုသွေးဆိပ်တက်တယ်လို့ခေါ်တာပါ။ သွေးဆိပ်တက်တာကြောင့်ဖြစ်တဲ့ရောင်ရမ်းမှုတွေက ခန္ဓါကိုယ်တွင်းမှာပြောင်းလဲမှုတွေဖြစ်စေပြီး ကိုယ်တွင်းအင်္ဂါတွေကိုထိခိုက်ပျက်စိးစေနိုင်ပါတယ်။သွေးဆိပ်တက်တာက အနာကျက်ကိုနှေးစေတဲ့အပြင် အနာကတော်တော်နဲ့မကျက်တာကြောင့် မလိုလားအပ်တဲ့နောက်ဆက်တွဲ အန္တရာယ်တွေကိုပါဖြစ်စေနိုင်ပါသေးတယ်။ တကယ်လို့ […]

ချက်ရင်းပြုတ်ရင်းဖြစ်ဖြစ် သွားရင်းလာရင်းဖြစ်ဖြစ် မတော်တဆ အပူလောင်တာမျိုးဖြစ်နိုင်ပါတယ်။ မီးဖိုချောင်ဝင်မှ အပူလောင်နိုင်တာ မဟုတ်ပါဘူး။ မီးပူတိုက်ရင်း အပူကပ်မိနိုင်သလိုကော်ဖီသောက်ရင်းမှောက်ကျရာကနေလည်းရေနွေးပူလောင်တာမျိုးလည်းရှိနိုင်ပါတယ်။ အပူလောင်တာက အဖြစ်များတဲ့ ထိခိုက်မိမှုတစ်ခုလို့ပြောရပါမယ်။ ဒီလိုမျိုးအဖြစ်များတဲ့ အပူလောင်ဒဏ်ရာကိုနေအိမ်မှာပဲ ဘယ်လိုကုသရမလဲဆိုတာကိုပြောပြပေးချင်ပါတယ်။ အပူလောင်ဒဏ်ရာအကြောင်း တစေ့တစောင်း ထိခိုက်ဒဏ်ရာတွေကပြင်းထန်တဲ့အတိုင်းအတာကိုလိုက်ပြီး အပူလောင်ဒဏ်ရာတွေကို အမျိုးအစားခွဲခြားနိုင်ပါတယ်။ အပူလောင်နာကို First-degree burn - အရေပြားအပေါ်ယံလွှာထိခိုက်မိတာပါ။ အနည်းငယ်နာကျင်နိုင်ပြီး နီမြန်းရောင်ရမ်းတာမျိုးဖြစ်နိုင်ပါတယ်။ Second-degree burn - အရေပြားအတွင်းပိုင်းလွှာအထိရောက်တဲ့ အပူလောင်ဒဏ်ရာမျိုးပါ။ အရေကြည်ဖုလေးတွေဖြစ်နိုင်သလို အရေပြားမှာ အဖြူရောင်အကွက်မျိုးဖြစ်တာ အရေပြားအပေါ်ယံလွှာပြောင်ပြီး တင်းသွားတာမျိုးဖြစ်နိုင်ပါတယ်။ Third-degree burn - အရေပြားအလွှာတွေအားလုံးကို ထိခိုက်ပျက်စီးသွားတဲ့အနေအထားမျိုးပါ။ အရေးပေါ်ဆေးကုသမှုခံယူဖို့လိုအပ်ပါတယ်။ Fourth-degree burn - အရေပြားအလွှာအားလုံးထိခိုက်ပျက်စီးသွားတဲ့အပြင် အဆစ်တွေနဲ့ အရိုးတွေအထိပါ ထိခိုက်ပျက်စီးသွားတဲ့ အခြေအနေမျိုးပါ။ အရေးပေါ်ဆေးကုသမှုခံယူဖို့လိုအပ်ပါမယ်။ ထိခိုက်ဒဏ်ရာတွေကိုနေအိမ်မှာပဲ ဘယ်လိုကုသမလဲ အပူလောင်သွားတဲ့အခါ အရမ်းမပြင်းထန်ဘူးဆိုရင်နေအိမ်မှာပဲ ကုသစောင့်ရှောက်လို့ရပါတယ်။ အပူလောင်ဒဏ်ရာတွေထဲမှာမှ first […]