စားလိုက်ရင် စေးစေး ကျွတ်ကျွတ်လေးနဲ့ ချိုတဲ့ အရသာရှိတဲ့ မြေစာဥလေးကို စားဖူးကြမယ်ထင်ပါတယ်။ အခွံမည်းမည်းလေး ရှိပြီး အတွင်းသား ဖြူဖြူ ချိုချိုလေးကို စားရဖို့ ခွာရတာ လက်ဝင်ပေမယ့် စားလို့ တကယ်ကောင်းတဲ့ သဘာဝကပေးတဲ့ လက်ဆောင် တစ်ခုပါ။ ဒီ မြေစာဥလေးတွေကရော စားလိုက်ရင် အရသာရှိတဲ့အပြင် ဘယ်လို ကျန်းမာရေး အကျိုးကျေးဇူးတွေ ပေးလဲဆိုတာကို ဒီ ဆောင်းပါးလေးထဲမှာ ဖတ်ကြည့်စေချင်ပါတယ်။
Hello Sayarwon မှ ထွက်မည်။
ထွက်မှာ သေချာပြီလား။
မြေစာဥကပေးတဲ့ ကျန်းမာရေး
မြေစာဥမှာပါတဲ့ အာဟာရ
စေးစေးချိုချို မြေစာဥလေးမှာ
- ကယ်လ်လိုရီ
- အဆီ
- ကာဗိုဟိုက်ဒရိတ်
- အမျှင်ဓာတ်
- ပရိုတင်း
- ပိုတက်ဆီယမ်
- Manganese
- Copper
- ဗီတာမင် B6
- Riboflavin တို့ ပါဝင်ပါတယ်။
မြေစာဥကပေးတဲ့ ကျန်းမာရေး
စားလို့ကောင်းတဲ့ မြေစာဥလေးက
ဓာတ်တိုးဆန့်ကျင် အာနိသင် ကြွယ်ဝတယ်
မြေစာဥက ဓာတ်တိုးဆန့်ကျင် အာနိသင် ကြွယ်ဝတဲ့ စားစရာ တစ်ခုပါ။ ဓာတ်တိုးဆန့်ကျင် အာနိသင် ကြွယ်ဝတာကြောင့် ကိုယ်ခံအား ကောင်းစေပြီး ဓာတ်တိုးပစ္စည်းတွေကြောင့် ခန္ဓာကိုယ် မထိခိုက်စေဖို့ ကာကွယ် ပေးပါတယ်။
ဆဲလ်တွေ ပျက်စီးမှု ကင်းစေပြီး ကင်ဆာ အပါအဝင် နာတာရှည်ရောဂါတွေ ဖြစ်ကြတဲ့ ဆီးချို၊ နှလုံးရောဂါ စတာတွေ မဖြစ်စေဖို့ ကာကွယ်ပေးပါတယ်။ အရေပြားကို ဓာတ်တိုးပစ္စည်းတွေကြောင့် ထိခိုက်မှုကနေ ကာကွယ်ပေးပါတယ်။
ကင်ဆာကျိတ်တွေ ကြီးထွားမှုကို တားဆီးပေးတယ်
မြေစာဥမှာ ferulic acid လို့ ခေါ်တဲ့ ဓာတ်တိုးဆန့်ကျင် အာနိသင် ပါဝင်နေ ပါတယ်။ ဒီ ဓာတ်တိုးဆန့်ကျင် အာနိသင်က ကင်ဆာဆဲလ်တွေ ကြီးထွားမှုကို ဟန့်တားပေးပါတယ်။
လေ့လာမှုတွေအရ မြေစာဥက ကင်ဆာဆဲလ်တွေကို တိုက်ဖျက်ပေးပြီး ကင်ဆာဆဲလ်တွေ ကြီးထွားမှုကို ဟန့်တားပေးပါတယ်။
သွေးပေါင်ချိန် ထိန်းညှိပေးပါတယ်
ပိုတက်ဆီယမ် ပါဝင်နေတာကြောင့် သွေးပေါင်ချိန်ကို အကောင်းဆုံး ထိန်းညှိ ပေးပါတယ်။ သွေးတိုးကြောင့် ဖြစ်တဲ့ နောက်ဆက်တွဲ ကျန်းမာရေး ပြဿနာတွေ ဖြစ်တဲ့ လေဖြတ်တာ၊ နှလုံးရောဂါတွေ မဖြစ်စေဖို့လည်း ကာကွယ် ပေးပါတယ်။
သွေးတိုးရောဂါ ရှိသူတွေ အနေနဲ့ ပိုတက်ဆီယမ် စားသုံး ပေးတာက သွေးပေါင်ချိန်ကို အကောင်းဆုံး ထိန်းညှိ နိုင်ပါတယ်။ လေဖြတ်နိုင်ခြေကို ၂၄ ရာခိုင်နှုန်း အထိ လျှော့ချပေးပြီး နှလုံးရောဂါ ဖြစ်နိုင်ခြေ ကိုလည်း လျှော့ချ ပေးနိုင်ပါတယ်။
ဝိတ်ကျစေနိုင်တယ်
မြေစာဥက ကယ်လ်လိုရီ ပါဝင်မှု နည်းပြီး ရေဓာတ် ကြွယ်ဝတဲ့ အစားအစာ တစ်မျိုးပါ။ ရေဓာတ် ကြွယ်ဝမှုက ခန္ဓာကိုယ် ကို ရေဓာတ် ဖြည့်တင်း ပေးနိုင်သလို အဆာခံ စေနိုင်ပြီး အစား ခဏခဏ စားချင်စိတ် မဖြစ်စေဖို့ ကာကွယ်ပေးပါတယ်။
ကိုယ်အလေးချိန် ထိန်းသိမ်းချင်သူတွေနဲ့ ဝိတ်ချချင်သူတွေ အတွက် အထူး သင့်တော် ပါတယ်။
Verifying...
အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)
အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်
အမျိုးသား
အမျိုးသမီး
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
5 Surprising Benefits of Water Chestnuts (Plus How to Use Them) https://www.healthline.com/nutrition/water-chestnuts Accessed Date 14 July 2020
What are the health benefits of water chestnuts? https://www.medicalnewstoday.com/articles/324581 Accessed Date 14 July 2020
Share