အသက်ရှူ ကျပ်ရင်းက အသက်ဆုံးသွားတဲ့အထိပဲ။ ကိုဗစ်ကြောင့် မောတယ်၊ အသက်ရှူ ကျပ်လာတယ်၊ သွေးတွင်းအောက်ဆီဂျင်က ထိုးကျသွားတယ်ဆိုတဲ့ စကား အခုတလော တော်တော်လေး ကြားရတယ်နော်။
ဆောင်းပါးများ
ကိရိယာများ
အဖွဲ့များ
သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ
သွေးတွင်းအောက်ဆီဂျင် ကျတာက အကြောင်းမဲ့ ရုတ်တရက် ဖြစ်တာမျိုး မဟုတ်ပါဘူး။ သွေးတွင်းအောက်ဆီဂျင် ကျနေပြီဆိုတာကို သိသာတဲ့ လက္ခဏာလေးတွေ ရှိပါတယ်။
သွေးတွင်းအောက်ဆီဂျင် ဘာကြောင့် ကျရတာလဲ………
သွေးတွင်း အောက်ဆီဂျင် ကျတယ်ဆိုတာက သွေးထဲမှာ ရှိသင့်တဲ့ အောက်ဆီဂျင် ပမာဏရဲ့ အောက်ကို ရောက်နေတာပါ။ သွေးတွင်း အောက်ဆီဂျင် ပမာဏ ကျဆင်းရတာက အခုလောလောဆယ်မှာ ကိုဗစ်ကြောင့် အဖြစ်များပေမယ့် ဒီအချက်တွေကြောင့်လည်း ဖြစ်နိုင်ပါတယ်
- လေထဲမှာ အောက်ဆီဂျင် လုံလောက်မှု မရှိတာ
- အဆုတ်က လေတွေကို ရှူသွင်းတာ၊ ဆဲလ်နဲ့ တစ်ရှူးတွေဆီ အောက်ဆီဂျင် ပေးပို့တာကို မလုပ်ဆောင်နိုင်တာ
- သွေးကြောတွေက အောက်ဆီဂျင်ကို ရယူဖို့နဲ့ ဖြန့်ဖြူးပေးဖို့အတွက် မလုပ်ဆောင်နိုင်တာ
- ပန်းနာရင်ကျပ် ရှိတာ
- နှလုံးရောဂါ ရှိတာ
- အမြင့်ရောက်နေတာ
- သွေးအားနည်းရောဂါ ရှိတာ
- နာတာရှည် လေပြွန်ကျဉ်း ရောဂါ
- အဆုတ်ရောဂါ
- ပြင်းထန် အသက်ရှူလမ်းကြောင်း ရောဂါ
- အဆုတ်သွေးကြောမှာ သွေးခဲပိတ်ဆို့တာ
- အဆုတ်ရေဝင်တာ
- COVID-19 စတာတွေကြောင့် သွေးတွင်း အောက်ဆီဂျင် ကျဆင်းနိုင်ပါတယ်။
သွေးတွင်း အောက်ဆီဂျင် ကျတဲ့အခါ ဘယ်လို လက္ခဏာတွေ ရှိလဲ။
သွေးတွင်းအောက်ဆီဂျင် ကျသွားတဲ့အခါ ပုံမှန်မဟုတ်တဲ့ သွေးလည်ပတ်မှုတွေ ဖြစ်ပြီး အခုလို လက္ခဏာတွေ ခံစား ရနိုင်ပါတယ်။
- အသက်ရှူတာ ပြတ်တောင်း ပြတ်တောင်းဖြစ်တာ
- ခေါင်းကိုက်တာ
- ဂနာမငြိမ်ဖြစ်တာ
- မူးဝေတာ
- အသက်ရှူ မြန်လာတာ
- ရင်ဘတ် အောင့်တာ
- အာရုံ ရှုပ်ထွေးတာ
- သွေးပေါင်တက်တာ
- ဟန်ချက်ညီညီ လုပ်ဆောင်နိုင်စွမ်းကျတာ (စကားတွေပလုံးပထွေးပြောတာ၊ လှုပ်ရှားမှု မူမှန်တာ)
- အမြင်အာရုံ ဝေဝါးတာ
- အရမ်း စိတ်လှုပ်ရှားနေတာ
- အသာရောင် ပြာနှမ်းတာ
- အသက်ရှူရခက်လာတာ
- နှုတ်ခမ်းတွေ ပြာနှမ်းလာတာ
- နှလုံးခုန်မြန်တာမျိုးတွေ ခံစားရနိုင်ပါတယ်။
ဒီလို အခြေအနေဖြစ်နေရင် ကုသမှု အမြန်ဆုံး ခံယူပါ။
အပေါ်မှာ ပြောခဲ့တဲ့ လက္ခဏာတွေကို ခံစားနေရသလို အခုလို အခြေအနေတွေ ဖြစ်လာပြီဆိုရင် အမြန်ဆုံး ကုသမှု ခံယူပါ။
- ပြင်းထန်တဲ့ အသက်ရှူ ပြတ်တောင်း ပြတ်တောင်းဖြစ်တာကို ရုတ်တရက် ခံစားရမယ်ဆိုရင်
- အနားယူနေစဉ်မှာ အသက်ရှူရ ပြတ်တောင်းပြတ်တောင်း ဖြစ်လာရင်
- အနားယူနေပေမယ့် အသက်ရှူ မဝသလို ခံစားလာရရင်
- လေ့ကျင့်ခန်း လုပ်နေစဉ်၊ ကိုယ်လက်လှုပ်ရှားမှု လုပ်နေစဉ် အသက်ရှူ ရခက်လာရင်
- အသက်ရှူ ရကျပ်လို့ ရုတ်တရက် လန့်နိုးလာမယ်ဆိုရင်
- နင်နေသလို ခံစားရရင်
- ချောင်းဆိုးရင်း အသက်ရှူ ကျပ်လာရင်
- နှလုံးမြန်ရင်း အသက်ရှူ ကျပ်နေတာဆိုရင်
- ဖောရောင်မှုနဲ့အတူ အသက်ရှူရခက်လာရင် အမြန်ဆုံး ကုသမှု ခံယူဖို့ လိုပါမယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
advertisementadvertisementadvertisementadvertisement
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။