သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

နေလောင်ကာခရင်မ်ရဲ့ဓါတုပစ္စည်းတွေ သွေးကြောထဲရောက်ရှိမှုက ဘေးကင်းတဲ့အဆင့်ကိုကျော်လွန်နေ

    နေလောင်ကာခရင်မ်ရဲ့ဓါတုပစ္စည်းတွေ သွေးကြောထဲရောက်ရှိမှုက ဘေးကင်းတဲ့အဆင့်ကိုကျော်လွန်နေ

    နေလောင်မှာကို စိုးရိမ်ကြတာက ခရမ်းလွန်ရောင်ခြည်ကြောင့်ပါ။နေပူထဲ ထွက်ထွက် မထွက်ထွက် အတွင်းမှာနေလည်း ခရမ်းလွန်ရောင်ခြည်ထိနိုင်တာပဲဆိုပြီးနေလောင်ကာခရင်မ်တွေ လိမ်းရပါတယ်။ သူက နှစ်နာရီခြားတစ်ကြိမ် လိမ်းရမယ်/ဖျန်းရမယ်ဆိုလို့လည်းနေလောင်ကာကွယ်အောင် ထပ်ထပ်သုံးရပါတယ်။

    ဒါပေမယ့် မကြာသေးခင်က အမေရိကန်အစားအသောက်နဲ့ဆေးဝါးကွပ်ကဲရေးဌာနရဲ့ ထုတ်ပြန်ချက်အသစ်တွေအရနေလောင်ကာခရင်မ်မှာပါတဲ့ဓါတုပစ္စည်းတွေကို လူ့ခန္ဓါကိုယ်ထဲစုပ်ယူလိုက်တဲ့ပမာဏက အဆိပ်အတောက်ဖြစ်စေတဲ့အဆင့်ထိမြင့်မားနေတယ်လို့ သိရပါတယ်။

    ဖျန်းဆေး၊ လိုးရှင်း၊ ခရင်မ်တို့ကို အညွှန်းအတိုင်း လေးရက်ကြာသုံးပြီးနောက် စစ်ဆေးမှုတွေမှာ နေလောင်ကာခရင်မ်ပါ ဓါတုပစ္စည်းလေးမျိုးရဲ့သွေးကြောထဲရောက်ရှိမှုပမာဏက ပိုမြင့်တက်နေတာတွေ့ရပါတယ်။

    ဒီပမာဏကဘေးကင်းမှုရှိတယ်လို့ သတ်မှတ်ထားတဲ့အတိုင်းအတာအဆင့်ကိုကျော်လွန်နေတယ်လို့University of California၊ San Francisco School of Medicine မှဒေါက်တာKanade Shinkai ကပြောပါတယ်။

    ဒါပေမယ့် ဒီလေ့လာမှုရလဒ်ကြောင့်နေလောင်ကာခရင်မ်တွေကိုမသုံးသင့်ဘူးလို့ပြောဖို့စောသေးတယ်လို့ ပညာရှင်တွေကပြောပါတယ်။ ဘာလို့ဆိုနေရောင်ခြည်ကနေထိခိုက်မယ့်အန္တရာယ်က ဒီဓါတုပစ္စည်းကနေ ရမယ့်အန္တရာယ်ထက် ပိုဆိုးတာကြောင့်ဖြစ်ပါတယ်။

    ဒီပမာဏက များနေတာ မှန်ပေမယ့် လူ့ကျန်းမာရေးကိုဘယ်လိုသက်ရောက်မှုရှိနိုင်လဲသေချာမသိရသေးတာကြောင့် ဒီလေ့လာမှုတစ်ခုတည်းနဲ့နေလောင်ကာခရင်မ်တွေမသုံးရဲကြတော့မှာကို စိုးရိမ်တယ်လို့ သုတေသီတွေကပြောပါတယ်။

    နေလောင်ကာခရင်မ်အများစုမှာရောင်ခြည်တွေဒဏ်က ကာကွယ်ပေးဖို့oxybenzone၊ avobenzone နဲ့ octocrylene တို့လို ဓါတုပစ္စည်းတွေသုံးထားပါတယ်။ အဲဒီအော်ဂင်းနစ်ဓါတုပစ္စည်းတွေက ခရမ်းလွန်ရောင်ခြည်ကိုစုပ်ယူပြိး အနည်းငယ်သောအပူပမာဏအဖြစ်ပြောင်းလဲပေးလိုက်ပါတယ်။

    ဒါပေမယ့် တိရစ္ဆာန်တွေနဲ့သုတေသနရလဒ်တွေအရ oxybenzone ဟာ လူတွေမှာရှိတဲ့ဟော်မုန်းပုံမှန်လုပ်ဆောင်ချက်တွေကို အနှောင့်အယှက်ဖြစ်စေတယ်လို့ စိုးရိမ်ခဲ့ကြပါတယ်။

    လေ့လာမှုမှာ ပါဝင်သူတွေကိုနေလောင်ကာဖျန်းဆေး၊လိုးရှင်းနဲ့ခရင်မ်တစ်ခုခုကို တစ်နေ့လေးကြိမ်နဲ့လေးရက်ကြာသုံးစေခဲ့ပြီး သူတို့ရဲ့သွေးနမူနာကို စစ်ဆေးခဲ့တာပါ။

    သွေးစစ်ချက်ရလဒ်တွေမှာ သွေးတွင်း oxybenzone၊ avobenzone ၊ octocrylene နဲ့ecamsuleတွေများနေတာကိုတွေ့ရပါတယ်။

    ဒီသုတေသနက အသေးစားလေးသာဖြစ်ပြီး နောက်ထပ်လေ့လာစမ်းသပ်မှုတွေထပ်လုပ်ရဦးမှာဖြစ်တယ်လို့ သုတေသီတွေကပြောပါတယ်။ FDA အနေနဲ့တော့နေလောင်ကာခရင်မ်တွေထဲက ဓါတုပစ္စည်းတွေရဲ့ဘေးကင်းမှုကို ဆက်လက်လေ့လာသွားမယ်လို့ ဆိုပါတယ်။

    နေလောင်ကာခရင်မ်ထုတ်လုပ်တဲ့ကုမ္ပဏီတွေအနေနဲ့လည်း ကုန်ပစ္စည်းတွေရဲ့ဘေးကင်းမှုကို စမ်းသပ်စစ်ဆေးကြည့်ကြဖို့FDA ကတိုက်တွန်းလျက်ရှိပါတယ်။

    ဓါတု စုပ်ယူမှုဆန်းစစ်ချက်၊ ဓါတုပစ္စည်းကြောင့်ကင်ဆာဖြစ်နိုင်ခြေ၊ မျိုးဆက်ပွားကျန်းမာရေးအတွက် သက်ရောက်မှု အပါအဝင်နေလောင်ကာခရင်မ်ရဲ့ဘေးကင်းစိတ်ချရမှုအချက်အလက်တွေကို ၂၀၁၉ နိုဝင်ဘာမှာနောက်ဆုံးထား တင်ပြဖို့FDA က ညွှန်ကြားထားပါတယ်။

    ခုချိန်မှာနေလောင်ကာခရင်မ်တွေကိုကြောက်ပြီးမသုံးရြဲဖစ်စရာမလိုသေးပေမယ့် mineralsunscreens အမျိုးအစားတွေကိုရွေးလို့တော့ရတယ်လို့ ဆိုပါတယ်။

    ဒီsunscreensတွေကzinc oxide နဲ့titanium dioxide တို့ကို အဓိကထားပြီး အသားအရေပေါ် စုပ်ယူစေတာမဟုတ်၊ နေရောင်ခြည်အလင်းပြန်စေတာဖြစ်ပါတယ်။

    Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: