သုတေသနမှာ အသက် ၂၅ နှစ်ကနေ ၆၅ နှစ်အတွင်းရှိတဲ့ဝန်ထမ်းဦးရေ ၂၀၀၀ နီးပါးရဲ့ အချက်အလက်တွေကို ဆန်းစစ်ခဲ့ရာမှာသွေးတိုးရှိသူတွေဟာလေ့လာမှုစတင်ချိန်မှာ နှလုံးသွေးကြောရောဂါ သို့မဟုတ် ဆီးချိုရောဂါမရှိခဲ့ကြပါဘူး။
မှ အချက်အလက် စစ်ဆေးထားပါသည်။ Dr. Thurein Hlaing Win
သုတေသနမှာ အသက် ၂၅ နှစ်ကနေ ၆၅ နှစ်အတွင်းရှိတဲ့ဝန်ထမ်းဦးရေ ၂၀၀၀ နီးပါးရဲ့ အချက်အလက်တွေကို ဆန်းစစ်ခဲ့ရာမှာသွေးတိုးရှိသူတွေဟာလေ့လာမှုစတင်ချိန်မှာ နှလုံးသွေးကြောရောဂါ သို့မဟုတ် ဆီးချိုရောဂါမရှိခဲ့ကြပါဘူး။
အလုပ်နဲ့သက်ဆိုင်တဲ့စိတ်ဖိစီးမှုပဲဖြစ်ဖြစ် အိပ်မပျော်တဲ့ပြဿနာရှိနေသူပဲဖြစ်ဖြစ် နှလုံးသွေးကြောရောဂါဖြစ်နိုင်ခြေပိုများတယ်ဆိုပေမယ့် ဒီနှစ်ချက်လုံးရှိနေတဲ့သူမှာတော့ အန္တရာယ်ပိုများနေပါပြီ။ ဒီသုတေသနကိုEuropean Journal of Preventive Cardiologyဂျာနယ်မှာဖော်ပြထားတာပါ။
“သတိမထားမိတဲ့ အန္တရာယ်ပါ။ တစ်ရက်နှစ်ရက်လောက် စိတ်ဖိစီးပြီး အိပ်မပျော်တာ ပြဿနာမဟုတ်ဘူး။ စိတ်ဖိစီးနေရတဲ့အလုပ်နဲ့ အိပ်ရေးမမှန်တာ နှစ်ချီနေပြီဆို ခွန်အားအရင်းအမြစ်တွေမလုံလောက်တော့ဘဲ အသက်တိုနိုင်တာပေါ့”လို့Technical University of Munich ကProf. Karl-Heinz Ladwig ကပြောပါတယ်။
သွေးဖိအားမြင့်တက်လာတဲ့အခါ နှလုံးက ခန္ဓါကိုယ်တစ်ခုလုံးကိုသွေးပို့လွှတ်ရတာ ပိုပင်ပန်းရတဲ့အတွက် နှလုံးရောဂါအန္တရာယ်ပိုများတာသေချာပါတယ်။ ဒီလိုအလုပ်ပိုလုပ်ရတဲ့အခါ နှလုံးကြွက်သားတွေပိုထူလာပြီးသွေးကြောနံရံတွေမာလာ၊ ပျက်စီးလာနိုင်ပါတယ်။နောက်ဆုံးမှာ ကိုယ်တွင်းအင်္ဂါတွေဆီအောက်ဆီဂျင်ရောက်ရှိမှုနည်းသွားပြီး အချိန်ကြာလာတာနဲ့အမျှ နှလုံးပျက်စီးလာနိုင်ပါတယ်။
ဒီသုတေသနမှာ စိတ်ဖိစီးတဲ့အလုပ်ဆိုတာ တစ်နေ့ဘယ်လောက်ပြီးရမယ်၊ လုပ်ရမယ်ဆိုတဲ့ တပါးသူရဲ့ထိန်းချုပ်မှုမပါဘဲ ကိုယ်တိုင်အတွက်ဇောတွေများစေတဲ့အလုပ်တစ်ခုခုကို ရည်ညွှန်းပါတယ်။
တချို့က အိပ်မပျော်တာ၊ အိပ်မရတာနဲ့ ဒုက္ခရောက်နေရပေမယ့် အိပ်စက်မှုပြဿနာရှိတဲ့သူ အများစုဟာ အိပ်ပျော်လျက်နဲ့ အိပ်ရေးမဝတာ၊ကောင်းကောင်းမအိပ်လိုက်ရတာတွေရှိတယ်လို့ သုတေသီတွေကပြောပါတယ်။
“အိပ်ရေးဝနေအောင် ကြိုးစားရတာ အလုပ်နဲ့ဆိုင်တဲ့စိတ်ဖိစီးမှုတွေရှိနေတဲ့သူတွေရဲ့ အဖြစ်များဆုံးပြဿနာပါပဲ။ ဥပမာ တချို့က မနက်ဆို ၄ နာရီထတယ်၊ အိမ်သာသွားတယ်၊ အိပ်ရာထဲပြန်လှဲပြီး အလုပ်ကိစ္စတွေအကြောင်း ဟိုတွေးဒီတွေးနဲ့ မပျော်တပျော်ပြန်အိပ်ကြတယ်” လို့Prof. Ladwig ကပြောပါတယ်။
သွေးတိုးရောဂါဟာ သူ့တစ်မျိုးတည်းနဲ့တင် နှလုံးရောဂါအတွက် အန္တရာယ်များနေပြီဖြစ်တာကို အိပ်မပျော်တာ၊ စိတ်ဖိစီးတာတွေထပ်ပေါင်းလိုက်ရင်ပြဿနာပိုကြီးသွားနိုင်တာပါ။
ဒါ့ကြောင့် ကိုယ့်မှာရှိနေတဲ့ဖိစီးမှုတွေကိုပြေလျော့စေမယ့်နည်းလမ်းတွေရှာကြဖို့၊ကောင်းကောင်းအိပ်ပျော်နိုင်ဖို့ကြိုးစားသင့်တယ်လို့ သုတေသီတွေက တိုက်တွန်းထားပါတယ်။ ဒီအတိုင်းဆိုသွေးတိုးဖြစ်လာနိုင်တယ်၊သွေးတိုးရှိပြီးသားဆို ပိုဆိုးနိုင်တယ်၊ အန္တရာယ်များပါတယ်နော်။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။