သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

သက်လတ်ပိုင်းကစလို့ ကွန်ပျူတာသုံးခြင်းက ဦးနှောက်စွမ်းရည်ကျဆင်းမှုလျော့နည်းစေနိုင်

    သက်လတ်ပိုင်းကစလို့ ကွန်ပျူတာသုံးခြင်းက ဦးနှောက်စွမ်းရည်ကျဆင်းမှုလျော့နည်းစေနိုင်
    ကွန်ပျူတာအသုံးပြုတာ၊ ဂိမ်းတွေကစားတာ၊ လူမှုရေးလှုပ်ရှားမှုတွေမှာ ပါဝင်တာတွေကြောင့် ဦးနှောက်စွမ်းရည်ကျဆင်းခြင်းဖြစ်နိုင်ခြေကိုလျော့နည်းစေတယ်လို့ သုတေသီတွေကတွေ့ရှိခဲ့ပါတယ်။

    လူကအသက်ကြီးလာတာနဲ့အမျှ ဦးနှောက်ကလည်းပြောင်းလဲလာပါတယ်။ တချို့တွေမှာ မှတ်ဉာဏ်ပြဿနာ၊တွေးခေါ်နိုင်စွမ်း၊ ဆုံးဖြတ်နိုင်စွမ်းတွေမှာ ပျက်ယွင်းလာနိုင်တယ်။

    ဦးနှောက်စွမ်းရည်ကျဆင်းခြင်း(MCI) ဆိုတာ အသက်အရွယ်နဲ့ဆိုင်တဲ့ ဉာဏ်ရည်ကျဆင်းမှုနဲ့ မှတ်ဉာဏ်ချို့ယွင်းမှုရောဂါ(dementia) ရဲ့ ကြားအဆင့်ဖြစ်ပါတယ်။ ဒါပေမယ့် MCI ကနေ့စဉ်ဘဝနဲ့ လှုပ်ရှားမှုတွေကို သိသိသာသာမထိခိုက်စေပါဘူး။

    MCI ရှိတဲ့သူတွေကမေ့တတ်တယ်၊ အတွေးတွေနဲ့ပြောစကားတွေကို ထိန်းချုပ်နိုင်စွမ်းမရှိတော့ဘူး၊ ဆုံးဖြတ်ချက်ချရတော့မယ်ဆိုရင် ဘာလုပ်ရမှန်းမသိတော့ဘူး။ဒီအဆင့်ကိုဖြစ်နေသူတွေကနောက်ပိုင်းမှာdementiaဖြစ်လာနိုင်တဲ့အန္တရာယ် ပိုများပေမယ့် လူတိုင်းတော့ မဖြစ်ပါဘူး။

    ကိုယ်လက်လှုပ်ရှားမှုနဲ့ ဦးနှောက်ဉာဏ်ရည်နှိုးဆွမှု(ကစားနည်း)တွေလိုနေထိုင်မှုဘဝရွေးချယ်မှုတွေက ဦးနှောက်အတွက် အကျိုးသက်ရောက်မှုကောင်းစေနိုင်ပါတယ်။

    ဦးနှောက်ကျန်းမာရေးကို ကောင်းမွန်စေမယ့် နှိုးဆွလုပ်ဆောင်ချက်များ

    ကွန်ပျူတာသုံးခြင်း၊ ဂိမ်းကစားခြင်း၊ လက်မှုပညာတွေလုပ်ဆောင်ခြင်း၊ လူမှုရေးလှုပ်ရှားမှုတွေမှာပါဝင်ခြင်းတို့ကMCI အန္တရာယ်ကိုလျှော့ချနိုင်တယ်လို့Neurologyဂျာနယ်မှာဖော်ပြခဲ့တဲ့ သုတေသနက ဆိုပါတယ်။

    သုတေသီတွေက အသက် ၇၀ ဝန်းကျင် လူဦးရေ ၂၀၀၀ ကို စုစည်းခဲ့ပြီး သူတို့ရဲ့သက်လတ်ပိုင်းအရွယ်အတွင်း ဦးနှော်က်ကိုအလုပ်ပေးတဲ့ လှုပ်ရှားမှုအမျိုးမျိုးမှာ ဘယ်လောက်ပါဝင်ခဲ့ဖူးလဲ စစ်တမ်းကောက်ယူခဲ့ပါတယ်။

    ပါဝင်သူတွေက တွေးခေါ်မှုနဲ့မှတ်ဉာဏ်စမ်းသပ်စစ်ဆေးမှုတွေကို ၁၅ လ တစ်ကြိမ် ခံယူခဲ့ကြပြီး သုတေသီတွေက သူတို့ကို ပျမ်းမျှ ငါးနှစ်တာကာလအတွင်းစောင့်ကြည့်ခဲ့ပါတယ်။ ဒီကာလအတွင်းမှာ သူတို့ထဲက ၅၃၂ ဦးကMCIဖြစ်လာခဲ့တာတွေ့ရပါတယ်။

    ပါဝင်သူတွေထဲမှာ သက်လတ်ပိုင်းအတွင်း ကွန်ပျူတာအသုံးပြုခဲ့သူက ၁၅ ဦးသာရှိပါတယ်။MCI မရှိတဲ့ ပါဝင်သူ ၁၄၆၈ ဦးအနက် ၇၇ ဦးက အသက်အပိုင်းအခြားတူကာလအတွင်း ကွန်ပျူတာအသုံးပြုခဲ့ကြပါတယ်။

    ခြုံပြောရရင်တော့ ဦးနှောက်ကိုအလုပ်ပေးတဲ့ နှိုးဆွလုပ်ဆောင်ချက်တစ်ခုချင်းစီက ဦးနှော်က်ကျန်းမာရေးအတွက် အကျိုးပြုသက်ရောက်မှုတွေရှိနေခဲ့တာပါ –

    • သက်လတ်ပိုင်းနဲ့နောက်ပိုင်းအရွယ် ကွန်ပျူတာအသုံးပြုခြင်းကMCIဖြစ်နိုင်ခြေကို ၃၇ ရာခိုင်နှုန်းအထိလျော့နည်းစေနိုင်တယ်။
    • သက်လတ်ပိုင်းနဲ့နောက်ပိုင်းအရွယ်မှာ လူမှုရေးလှုပ်ရှားမှုတွေမှာပါဝင်ခြင်း၊ စကားလုံးဆက်ပဟေဠိတွေနဲ့ ဖဲကစားခြင်းတို့ကြောင့်MCIဖြစ်နိုင်ခြေကို ၂၀ ရာခိုင်နှုန်းလျော့နည်းစေနိုင်တယ်။
    • လက်မှုပစ္စည်းတွေလုပ်တာကMCIဖြစ်နိုင်ခြေကို ၄၂ ရာခိုင်နှုန်းအထိလျော့နည်းစေနိုင်တယ်။ ဒါပေမယ့် ဒါကတော့ သက်ကြီးပိုင်းမှပဲဖြစ်နိုင်ပါတယ်။

    ဦးနှောက်သုံးလေ ပိုကောင်းလေ

    ဦးနှောက်ကိုနှိုးဆွတဲ့လှုပ်ရှားမှုတွေများများလုပ်လေMCIဖြစ်နိုင်ခြေပိုနည်းလေပဲလို့ သုတေသီတွေကပြောပါတယ်။လေ့လာမှုမှာပါဝင်ခဲ့တဲ့သူတွေထဲ ဒီလိုလုပ်ဆောင်တာပိုများတဲ့သူတွေက အကျိုးကျေးဇူးပိုများတာကိုတွေ့ရပါတယ်။

    ဒီလိုလှုပ်ရှားမှုတွေ နှစ်မျိုးကနေ သုံးမျိုး ပါဝင်ခဲ့သူတွေဟာ ၂၈ ရာခိုင်နှုန်းနဲ့ ၄၅ ရာခိုင်နှုန်းလောက်ထိMCIဖြစ်နိုင်ခြေပိုနည်းတယ်လို့ သုတေသနရလဒ်က ဖော်ပြခဲ့ပါတယ်။လေးမျိုးကနေ ငါးမျိုးဆိုရင်တော့MCIဖြစ်နိုင်ခြေ ၅၆ ရာခိုင်နှုန်းနဲ့ ၄၃ ရာခိုင်နှုန်းလောက်လျော့နည်းစေပါတယ်။

    Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: