အခြေခံကျန်းမာရေး

သင့်ဆံပင်အရောင်ကို မယ်လနင်လို့ခေါ်တဲ့ ရောင်ခြယ်ပစ္စည်းတစ်မျိုးက ဖန်တီးပေးတာဖြစ်ပြီး ဒီပစ္စည်းကို ဆံပင်အမြစ်ပိုင်းမှာရှိတဲ့ မယ်လနိုဆိုက်ခေါ် ဆဲလ်လေးတွေက ထုတ်လုပ်တာဖြစ်ပါတယ်။ လူတစ်ယောက်ရဲ့ ဆံပင်အရောင်ဟာ အဲဒီလူရဲ့ကိုယ်ရည်ကိုယ်သွေးနဲ့ ပတ်သက်ပြီး တစ်ခုခုပြောပြနိုင်လိမ့်မယ်လို့ လက်ခံယုံကြည်သူတွေ အများကြီးရှိပါတယ်။   အနီရောင်ဆံပင် ခရိုမိုဆုမ်းအမှတ် ၁၆မှာ သန္ဓေပြောင်းမျိုးဗီဇတစ်ခု ရှိနေတဲ့ အနီရောင်ဆံကေသာပိုင်ရှင်တွေဟာ အခြားသူတွေအမြင်မှာ အမြဲလိုလို စွဲမက်ဖွယ်ကောင်းနေတာကို တွေ့ရမှာပဲဖြစ်ပါတယ်။ ဥရောပတိုက်သားတွေဟာ အနီရောင်ဆံကေသာကို တန်ဖိုးထားမြတ်နိုးကြသလို စကော့တလန်နဲ့ အင်္ဂလန်နိုင်ငံ လူဦးရေရဲ့ ၁၀ရာခိုင်နှုန်းခန့်ဟာ ဆံပင်အနီရောင်ရှိသူတွေ ဖြစ်ပါတယ်။ ပါကစ္စတန်နိုင်ငံနဲ့ အာရှဒေသ အချို့နေရာတွေမှာလည်း ရှားရှားပါးပါးဆိုသလို အနီရောင်ကေသာပိုင်ရှင်တွေ တွေ့ရတတ်ပါတယ်။ ဒါပေမယ့် ယူကေနိုင်ငံမှာတော့ ဆံပင်အနီကို တန်ဖိုးထားစရာအဖြစ် မသတ်မှတ်ကြပါဘူး။ ဘာကြောင့်လည်းဆိုတော့ အနီရောင်ဆံပင်ကို ရမယ်ရှာပြီး အနိုင်ကျင့်ခံရ၊ စနောက်ခံရတာမျိုးတွေ ကြုံကြရလို့ ဖြစ်ပါတယ်။ ဂျာမနီနိုင်ငံမှာလည်း ထိုနည်းလည်းကောင်းပါပဲ။ နှစ်ကာလတော်တော်ကြာတဲ့အထိ အနီရောင်ဆံပင်ကို မကောင်းဆိုးဝါးရဲ့ […]

မျက်ခုံးပုံဖော်ထိုးခြင်းဟာ အနောက်နိုင်ငံတွေမှာ အကြီးအကျယ်ရေပန်းစားလာတဲ့ အလှအပရေးရာ ဖန်တီးမှုတစ်ခု ဖြစ်ပါတယ်။ မွေးရာပါ မျက်ခုံးမွှေးနဲ့မတူဘဲ ပိုထူ၊ ပိုထင်း၊ ပိုလှတဲ့ မျက်ခုံးပုံစံမျိုး ရရှိစေတဲ့အတွက် လူကြိုက်များရခြင်းဖြစ်ပါတယ်။ ဒီဆောင်းပါးမှာတော့ မျက်ခုံးပုံဖော်ထိုးခြင်းအကြောင်း သိကောင်းစရာတွေနဲ့ အားနည်းချက် အားသာချက်တွေကို ဖော်ပြသွားမှာ ဖြစ်ပါတယ်။ တကယ်တော့ မျက်ခုံးပုံဖော်ထိုးခြင်းဟာ အလှအပရေးရာ စီးပွားရေးလုပ်ငန်းတွေ အားကောင်းတဲ့ အာရှဒေသကနေ စတင်ခဲ့တာဖြစ်ပါတယ်။ ပြီးခဲ့တဲ့ဆယ်စုနှစ်အတွင်း မလေးရှားနိုင်ငံနဲ့ ဖိလစ်ပိုင်နိုင်ငံတို့ကနေ စတင်ခေတ်စားလာခဲ့ပြီး အမေရိကန်ပြည်ထောင်စုအထိ ထိုးဖောက်နိုင်ခဲ့ပါတယ်။ မျက်ခုံးပုံဖော်ထိုးခြင်းကို 3D မျက်ခုံးထိုးခြင်း၊ မျက်ခုံးအရောင်သွင်းခြင်း၊ မျက်ခုံးတက်တူးထိုးခြင်း၊ မျက်ခုံးအနုစိတ်ပုံဖော်ခြင်း စသည်ဖြင့် အမည်အမျိုးမျိုးနဲ့ ခေါ်ဝေါ်ကြပါတယ်။ ၁၉၆၀၊ ၁၉၇၀ ပြည့်နှစ်ဝန်းကျင်က ခေတ်စားခဲ့တဲ့ နက်ပြာရောင်မင်နဲ့ မျဉ်းတစ်ဖြောင့်ထဲ ထိုးရပြီး အချိန်ကြာလာတာနဲ့အမျှ အရောင်ပြယ်လာတဲ့ မျက်ခုံးတက်တူးနဲ့ မတူဘဲ ခေတ်ပေါ်မျက်ခုံးပုံဖော်ထိုးခြင်းဟာ သင့်အသားအရောင်၊ ဆံပင်အရောင်နဲ့ လိုက်ဖက်မယ့် […]

တောင်ကြီးမြို့ရှိ လူမှုကူညီရေးအသင်းများ   (၁) နမ့်ခုံး ရှမ်းများပရဟိတအသင်း Ph: 081202041 ဝေဠုဝန်ကျောင်း(ရှမ်းကျောင်း)ဝန်းအတွင်း၊ဝါးပြားရပ်၊ တောင်ကြီးမြို့ ရှမ်းပြည်နယ်   (၂) မေတ္တာရှင် နာရေးကူညီမှုအသင်း Ph: 081-205282 နဂါးပွက်ကျောင်း၊ချမ်းမြသာစည်ရပ်၊တောင်ကြီးမြို့ ရှမ်းပြည်နယ်   (၃) အဖြူရောင်ပရဟိတအသင်း ဖုန်း - ၀၉၂၅၈၂၅၄၀၀၂, ၀၉၅၂၂၈၁၀၈ မင်းကျောင်းပရိယတ္တိပရိပတ္တိစာသင်တိုက်၊ကန်အောက်ရပ် .ဗိုလ်ချုပ်အောင်ဆန်းလမ်း၊တောင်ကြီးမြို့ ရှမ်းပြည်နယ်   (၄) မင်္ဂလာ ဖုန်း -09428311924 ,09428318562,0936162657, 09254600723 ၁၆/၁၆၈ အမှတ်၄ရပ်ကွက် အောင်ချမ်းသာလမ်း အေးသာယာမြို့၊တောင်ကြီးမြို့ ရှမ်းပြည်နယ်   (၅) ပအိုဝ်းသွီး Ph: 931733416 မြေဖြူ၊တောင်ကြီးမြို့ ရှမ်းပြည်နယ်   (၆) မြတ်မနော (ပရဟိတသွေးအလှူရှင်နှင့်မိဘမဲ့ကလေးကူညီစောင့်ရှောက်ရေးအသင်း) Ph: 9250776779 တောင်ကြီးမြို့နယ်၊ ရှမ်းပြည်နယ်   (၇) သံမဏိပိုးဖလံများအဖွဲ့ Ph: 08124063 ရပ်စောက်မြို့/တောင်ကြီးခရိုင်မီးသတ်တပ်ဖွဲ့မှူ းရုံ ဈေးတန်းရပ်ကွက် လျောင်းတော်မှူ ဘုရားလမ်း၊ရပ်စောက်မြို့ ရှမ်းပြည်နယ်   ညောင်ရွှေမြို့ ပါရမီသွေးလှူရှင်အသင်း Ph: 9428310581 ညောင်ရွှေမြို့၊ ရှမ်းပြည်နယ်   ကွတ်ခိုင်မြို့ ြဗဟ္မစိုရ်နှလုံးသား Ph: 9256056400 ရပ်ကွက် ၅၊တောင်ပေါ်ကျောင်းတိုက်၊မူဆယ်ခရိုင် ၊ကွတ်ခိုင် ရှမ်းပြည်နယ်   မိုးမိတ်မြို့ (၁) ကရုဏာသုခ Ph: 8645190 မိုးမိတ်မြို့၊ ရှမ်းပြည်နယ်   (၂) ပါရမီရှင် Ph: 9256239510 မိုးမိတ်မြို့၊ ရှမ်းပြည်နယ်   နမ့်ခမ်းမြို့ ပါရမီ သွေးလှူရှင် […]

လွဲမှားနေသော ကျန်းမာရေးအယူအဆများ အယူတိမ်းရင် နတ်စိမ်းဖြစ်တယ်လို့ စာချိုးလေးကြားဖူးပါတယ်။ တခြားကိစ္စတွေမှာ မပြောတတ်ပေမယ့် ကျန်းမာရေးကိစ္စတွေနဲ့ ပတ်သက်လာရင်တော့ အယူအဆလွဲမှားခြင်းဟာ အနှေးနဲ့အမြန် နတ်စိမ်းဘဝကို ပို့ဆောင်ပေးနိုင်တဲ့ အရေးကြီးပြဿနာတွေ ဖြစ်ပါတယ်။ ဒီခေတ်မှာ အင်တာနက် ပိုမိုတွင်ကျယ်လာတာနဲ့အမျှ (ခေတ်စကားနဲ့ ပြောရရင် တရာဖိုး သုံးပုဒ်တန်တွေက) အွန်လိုင်းပေါ်မှာ ဗွက်ပေါက်သလို ပေါက်လာပြီး တချို့သော အရေးအသားတွေဟာ ပညာရှင်ရှုထောင့်က ကြည့်ရင် လွဲချော်နေတာမို့ စာဖတ်သူတွေ အမှတ်မမှား၊အယူအဆမလွဲရလေအောင် စုဆောင်းမျှဝေပေးလိုက်ပါတယ်။   ၁။ တနေ့ကို ရေရှစ်ခွက်တိတိသောက်ပါ။ တနေ့တနေ့ ရေဘယ်လောက်သောက်တယ်ရယ်လို့တော့ တာလီချိုးပြီး မှတ်ထားစရာမလိုပါဘူး။ ရေဆာတဲ့အချိန်တိုင်း၊သင့်ခန္ဓါကိုယ်က တောင့်တတဲ့အချိန်တိုင်း မပျက်မကွက်သောက်ပေးရုံနဲ့ ရေဓါတ်ကို လုံလုံလောက်လောက် ဖြည့်ဆည်းပေးနိုင်ပါတယ်။ စွပ်ပြုတ်ရည်တွေ၊ဟင်းသီးဟင်းရွက်တွေနဲ့ အရည်ရွှမ်းတဲ့ သစ်သီးတွေဟာလည်း ရေဓါတ်ပေးစွမ်းနိုင်ပါသေးတယ်။ ဒါပေမယ့် သင့်ဆီးရောင်က ဝါကျင့်ကျင့်ဖြစ်နေတယ်၊ဆီးသွားနည်းတယ်၊ချွေးအထွက်များတဲ့ အလုပ်တွေကို လုပ်နေရတယ်၊ပူအိုက်တဲ့ ရာသီဥတုမှာနေထိုင်တယ်ဆိုရင်တော့ ရေများများပိုသောက်ပေးဖို့ လိုပါလိမ့်မယ်။ […]

အကြောဆေး သွင်းကြဦးမလား ရပ်ကွက်ထဲက၊ရွာထဲက၊လမ်းထဲက ဆေးခန်းတွေမှာ ခေတ်စားတဲ့ အသုံးအနှုန်းတခု ရှိပါတယ်။ ကျွန်တော့်ကို/ကျွန်မကို အကြောဆေးလေးသွင်းပေးပါ၊ပုလင်းချိတ်ပေးပါ၊ဆေးရောင်စုံလေး လွှတ်ပေးပါတဲ့။ ဒါတွေဟာ လူနာပဲဖြစ်ဖြစ်၊ဆရာဝန်ပဲဖြစ်ဖြစ် ရင်းနှီးပြီးသား စကားတွေပါ။ တချို့ဆိုရင် အကြောဆေးလေးများ တလတခါလောက်မှ မ'လွှတ်'လိုက်ရရင် (မသွင်းလိုက်ရရင်) နေမထိထိုင်မသာဖြစ်ပြီး လက်က ကပ်သလိုလို၊ဇက်ကြောက တက်သလိုလို ဖြစ်လာတတ်တယ်လို့လည်း ဆိုပါသေးတယ်။ ဒီအကြောဆေးဆိုတာ ဘာလဲ၊ဘာတွေ ကောင်းကျိုးဆိုးပြစ်ရှိသလဲ၊ဘာလို့ ထိုးကြတာလဲ၊တကယ်ရော ထိုးဖို့ လိုအပ်ရဲ့လား အစရှိတဲ့ မေးခွန်းတွေရဲ့အဖြေကို ဒီဆောင်းပါးလေးမှာ လေ့လာကြည့်ကြပါစို့။   အကြောဆေးဆိုတာ ဘာလဲ။ ဆေးခန်းတွေမှာ ဆေးထိုးတဲ့အခါ အသားဆေးနဲ့ အကြောဆေးဆိုပြီး ယေဘုယျအားဖြင့် နှစ်မျိုးရှိပါတယ်(ယေဘုယျလို့ ထည့်ပြောရတာဟာ အကြောလည်းမဟုတ်၊အသားလည်းမဟုတ်တဲ့ နေရာတွေကို ထိုးရတဲ့ ဆေးတွေရှိနေသေးလို့ပါပဲ။ ဒါပေမယ့် ဆေးပညာရှင်မဟုတ်တဲ့ သာမန်ပြည်သူအတွက်တော့ နှစ်မျိုးပဲသိရင် ရပါပြီ)။ လက်မောင်း (ဥပမာ သုံးလခံဆေး)၊ပေါင် (ဥပမာ ကလေးတွေမှာ […]

နေ့စဉ်ကြုံတွေ့နေရတဲ့ပြဿနာကို ဖြေရှင်းဖို့ နည်းလမ်းကောင်း တစ်ခု ပြောပြပေးချင်ပါတယ်။ ရာသီဥတုက မိုးတွင်းစပြီဆိုတော့ ခြင်တွေ ပိုများပြီး ခြင်ကိုက်ခံလာရတာပေါ့။ ခြင်ကိုက်တဲ့အခါ အရေပြားမှာ ယားယံမှုတွေဖြစ်မယ်၊ အဖုအပိမ့်တွေ ထမယ်။ ဒါတွေတင်လားဆိုတော့ မဟုတ်သေးပါဘူး။ ခြင်တွေ ဆီကနေဇီကာ၊ ငှက်ဖျား နဲ့ သွေးလွန်တုပ်ကွေးလိုမျိုး ရောဂါတွေ ကူးစက်ခံရနိုင်ပါသေးတယ်။ နှစ်စဉ် ခြင်ကနေတဆင့် ကူးစက်တဲ့ရောဂါတွေကြောင့် ကမ္ဘာ့လူဦးရေ သန်း ၇၀၀ကျော် နီးပါး ဝေဒနာ တွေခံစားနေကြရပါတယ်။ ခြင်အန္တရာယ်က ကာကွယ်ဖို့ အကောင်းဆုံး နည်းလမ်း တစ်ခု ရှိပါတယ်။ ဒီပြဿနာကိုဖြေရှင်းဖို့အတွက် အလွယ်ကူဆုံးနဲ့ အမြန်ဆုံးဖြစ်မယ့် နည်းလမ်းက ခြင်ဆေး သုံးရမှာပေါ့။ ခြင်ဆေးသုံးပေါ့ ဆိုပေမယ့် ဘယ်လို ခြင်ဆေးမျိုးက ပိုပြီး ထိရောက်မှု ရှိမလဲဆိုတာကတော့ စဉ်းစားရခက်တယ်နော်။ ခြင်ဆေးကို ဘယ်လိုများ ရွေးရမလဲ […]