အခြေခံကျန်းမာရေး

လိုချင်တဲ့ပန်းတိုင်ကိုရောက်ဖို့ စားချင်စိတ်ကို ချိုးနှိမ်ပြီးအောင့်အည်းရတဲ့ ဝက်ကလေးတို့ရဲ့ဒုက္ခကို ကြုံဖူးမှသိမှာပါ။ သူများလိုပဲ ဆာတတ်ပေမယ့် စားလိုက်ရင် ဝိတ်ပိုတက်မှာစိုးပြီး မစားရဲ၊ ကယ်လိုရီနဲ့အဆီလည်းမများ ဗိုက်လည်းပြည့်မယ့်စားစရာကိုရွေးရ၊ စားသင့်တဲ့အချိန်ကလည်းတွက်ရသေးတယ်။ အဆီချမဟာစီမံကိန်းကြီးမှာ တဖြုတ်ဖြုတ်နဲ့ ကျရှုံးနေကြတဲ့ သူတွေအတွက် စင်ကာပူသုတေသနပညာရှင်တွေက နည်းလမ်းတစ်ခု အသစ်တီထွင်ပေးလိုက်ပါပြီနော်။ Nanyang Technological University နဲ့ National University Health System (NUHS) တို့ရဲ့သုတေသီအဖွဲ့က အဝလွန်သူတွေအတွက်ဆေးတောင့်တစ်မျိုးကို ရှေ့ပြေးပုံစံ တီထွင်ဖန်တီးခဲ့ပါတယ်။ EndoPil လို့အမည်ပေးထားတဲ့ ဒီဆေးတောင့်မှာ အစာအိမ်ထဲရောက်သွားတာနဲ့ ပြင်ပကသံလိုက်နဲ့ချိတ်ဆက်ပြီး အလိုအလျောက်ပြန့်ကားလာမယ့် ပူဖောင်းတစ်ခုပါရှိပါတယ်။ ဒီလို အစာအိမ်ထဲမှာ သူကနေရာယူထားတဲ့အတွက် သိပ်မဆာတော့ဘဲ ဗိုက်ပြည့်တင်းတိမ်နေစေပါလိမ့်မယ်။ဆေးတောင့်ထဲမှာပါတဲ့ အန္တရာယ်မရှိတဲ့အက်စစ်တစ်မျိုးနဲ့ဆားကို သံလိုက်နဲ့နှိုးဆွဓါတ်ပြုစေပြီး ပူဖောင်းထဲမှာ ကာဗွန်ဒိုင်အောက်ဆိုဒ်တွေပြည့်စေတာပါ။ လက်ရှိမှာ အဝလွန်လူနာတွေနဲ့ ခွဲစိတ်မှုလုပ်ဆောင်လို့မဖြစ်တဲ့ နာမကျန်းသူတွေအတွက် အစာအိမ်အတွင်းပူဖောင်းထည့်သွင်းတဲ့ကုသနည်းက ရှိနေပြီးသားဖြစ်ပါတယ်။ အဲဒီနည်းမှာဆို လူနာကို စိတ်ငြိမ်ဆေးပေးပြီး […]

အသားပေါ် ဓါးတင်တဲ့ခွဲစိတ်မှုတိုင်းကတော့ နာကျင်ရတာချည်းပါပဲ။ ဒါပေမယ့် ခုပြောပြမယ့် ခွဲစိတ်မှု ၇ ခုကတော့ ခွဲစိတ်မှု ပြုလုပ်ပြီး အချိန်အတော်ကြာတဲ့အထိ နာကျင်မှု ဝေဒနာမပျောက်တဲ့ ခွဲစိတ်မှုကြီး ၇ခုပါ။ ဘာတွေလဲ ဆိုတာ ဆက်ကြည့်ရအောင်။ ။ နာကျင်မှု ပြင်းထန်စွာ ခံစားရနိုင်တဲ့ခွဲစိတ်မှုများ ။ ။ ( ၁ ) သည်းခြေအိတ်ဖယ်ရှားခြင်း ။ ။ သည်းခြေအိတ်ဖယ်ရှားတဲ့ ခွဲစိတ်မှုမှာ မှန်ပြောင်းနဲ့ ခွဲစိတ်တာနဲ့ ရိုးရိုး ဗိုက်ခွဲပြီး ဖယ်ရှားတဲ့ ခွဲစိတ်မှု ဆိုပြီး ၂ မျိုးရှိပါတယ်။ မှန်ပြောင်းတဲ့ခွဲတဲ့ ခွဲစိတ်မှုက မြန်ဆန်ပြီး နာကျင်မှု လျော့ပါးတယ်ဆိုပေမယ့် ဆရာဝန်တော်တော်များများက ရိုးရိုးဗိုက်ခွဲပြီး သည်းခြေအိတ်ဖယ်တာကိုပဲ စိတ်ဝင်စားပါတယ်။ ရိုးရိုး ဗိုက်ခွဲပြီး သည်းခြေအိတ်ဖယ်တဲ့နည်းက ပိုပြီး နာကျင်မှု ခံစားရနိုင်ပြီး ခွဲစိတ်ပြီး ၁လကနေ […]

ကိုယ်တွင်းမှာ အရည်စုပြီး ဖောရောင်လာတယ်ဆိုတဲ့ ကိစ္စမျိုးကို လူတိုင်းကြားဖူးကြမှာပါ။ ကိုယ်ပေါ်က တစ်နေရာရာ ဖောင်းလာပြီဆိုတာနဲ့ ဖောနေတာပဲ လို့သာ လွယ်လွယ်ပြောလိုက်ကြတာပါ။ ဖောရောင်ခြင်းမှာလည်း သူ့ အမျိုးအစားသူ ရှိပါတယ်။ ဖြစ်တဲ့အကြောင်းအရာနဲ့ နေရာတွေပေါ်လိုက်ပြီး ဖောရောင်ခြင်း အမျိုးအစားတွေ ကွဲပြားသွားရတာဖြစ်ပါတယ် ။ ဒီတော့ ဖောရောင်ခြင်း ဘယ်နှစ်မျိုးရှိလဲ ။ ။ ဆိုတာ လေ့လာလိုက်ရအောင်နော်။ ဖောရောင်ခြင်း ဘယ်နှစ်မျိုးရှိလဲ ။ ။ ဖောရောင်ခြင်း ဘယ်နှစ်မျိုးရှိလဲ ။ ။ ဆိုတော့ ကွဲပြားခြားနားသော ဖောရောင်ခြင်း အမျိုးအစားများ ကတော့ ( ၁ ) Peripheral edema ကိုယ်ခန္ဓါရဲ့ အပြင်ဘက်ဆုံ အပိုင်းများတွင် ဖောရောင်ခြင်း ။ ။ ကိုယ်ခန္ဓါရဲ့ အပြင်ဘက်ဆုံး အပိုင်းတွေဆိုတာ ခြေထောက်၊ ခြေဖဝါး၊ ခြေကျင်းဝတ်တို့ကို ဆိုလိုချင်တာပါ။ ဒီလိုနေရာတွေမှာ […]

ကိုယ်ခန္ဓါမှာ အရည်တွေစုပြီး ဖောရောင်တာမျိုး လူတိုင် မကြုံဖူးကြရင်တောင် ကြားဖူးကြမှာပါ။ ဒီလို ဖောရောင်တယ်ဆိုတာ ကိုယ်တွင်းက အရည်တွေ တစ်ရှူးတွေထဲ ပိတ်မိရာကနေ ဖြစ်လာရတာဖြစ်ပါတယ်။ တဖြည်းဖြည်းကြာမှ အရည်တွေ စုလာတတ်သလို ချက်ချင်း ရုတ်တရက်လည်း ကိုယ်တွင်းမှာ အရည်စုလာတတ်ပါတယ်။ ပုံမှန်ဖြစ်လေ့ရှိတဲ့ပြဿနာတစ်ခုဆိုပေမယ့် တစ်ချို့ ပြင်းထန်တဲ့ကျန်းမာရေး ပြဿနာတွေ ကြောင့် ဖောရောင်တာမျိုးလည်း ရှိတတ်ပါတယ်။ ဒါဆို ဘယ်လို အကြောင်းအရာတွေကြောင်း ဖောရောင်ခြင်းဖြစ်ရသလဲဆိုတာကို ကြည့်ရအောင် ။ ။ ဖောရောင်ခြင်းကိုဖြစ်စေတဲ့ အကြောင်းအရင်းများ ။ ဖောရောင်တယ်ဆိုမှတော့သိသာပါတယ်။ ကိုယ်ခန္ဓါ တစ်နေရာရာမှာ အရည်တွေစုပြီး အဲဒီနေရာက အခြားနေရာနဲ့ ယှဉ်ရင် ပိုကြီးနေတတ်တာ ၊ ဖောင်းနေတတ်တာကို ဆိုလိုတာပါ။ သူ့ကို ဖြစ်စေတဲ့အကြောင်းအရင်း အများကြီးရှိပါတယ်။ ( ၁ ) Albumin ပရိုတင်း ပမာဏ နည်းနေခြင်း […]

မှန်ထဲကြည့်လိုက်တဲ့အခါ ကိုယ့်နှုတ်ခမ်းမှာ မှဲ့လည်းမဟုတ် ပေနေတာလည်းမဟုတ်တဲ့ အမည်းစက်တစ်ခု တွေ့လိုက်ရတဲ့အခါ ခေါင်းထဲ အတွေးများသွားမှာတော့ ကျိန်းသေပါတယ်။ စိုးရိမ်စရာတွေရှိလား။ ဘာ့ကြောင့်များဖြစ်တာလဲ ။ ။ အများအားဖြင့် ဒီလို နှုတ်ခမ်းပေါ်မှာ မှဲ့မဟုတ်တဲ့ အမည်းစက်လေးတွေ ပေါ်လာတာ  စိတ်ပူစရာတော့မရှိပါဘူး။ ဒါပေမယ့် သူ့ကို ဖြစ်စေတဲ့ အကြောင်းအရင်းတွေ အပေါ်မှာတော့ မူတည်တာပေါ့။ နှုတ်ခမ်းပေါ်မှာ မှဲ့မဟုတ်တဲ့ အမည်းစက်လေးတွေ ပေါ်လာတာ ဘာကြောင့်လဲ ။ ။ ဗီတာမင် B12 ချို့တဲ့ခြင်း - သွေးအားကောင်းစေဖို့အတွက်သာမက အသားရောင်ညီညာစေဖို့အတွက် လိုအပ်တဲ့ ဗီတာမင် B12 ချို့တဲ့သွားတဲ့အခါ နှုတ်ခမ်းမှာ အမည်းစက်လေးတွေ ဖြစ်လာမယ့်အပြင် အသားအရေလည်း ညိုတစ်ကွက် ဖြူတစ်ကွက်နဲ့ မညီညာဘဲဖြစ်နေတတ်ပါတယ်။ ရေဓာတ်ခမ်းခြောက်ခြင်း - ရေများများ မသောက်တဲ့အခါ နှုတ်ခမ်းခြောက်သွားတာမျိုး၊ နှုတ်ခမ်းကွဲတာမျိုးတွေ အားလုံးဖြစ်ဖူးကြမှာပါ။ ဖြစ်သွားတဲ့အနာလေးတွေ ပြန်ကျက်တဲ့အခါ […]

အပြင်က ရာသီဥတုရဲ့ အပူချိန်က သက်ရောက်တဲ့အခါ ကျွန်တော်တို့ ကိုယ်ခန္ဓာက ကိုယ်တွင်းအပူတွေကို ကျစေဖို့ ချွေးတွေထွက်စေပါတယ်။ တချို့သူတွေမှာတော့ ဘယ်လောက်ပူပူ ချွေးမထွက်တာမျိုးတွေ ရှိတယ်ဗျ။ ဒါဟာ ဘာကြောင့်ဖြစ်တာလဲဆိုတော့ ချွေးထုတ်လုပ်တဲ့ ဂလင်းတွေဟာ ကောင်းစွာ အလုပ်မလုပ်တော့တာကြောင့်ပါ။ ဒီအခြေအနေကို ချွေးငုပ်ခြင်း (Hypohidrosis) လို့ခေါ်ပါတယ်။ ဒီလိုမျိုး နွေရာသီ ပူနေတဲ့ကြားက ချွေးလုံးဝမထွက်တာ စိုးရိမ်စရာပါ ။ နွေရာသီ ပူနေတဲ့ကြားက ချွေးလုံးဝမထွက်တာ စိုးရိမ်စရာပါ နွေရာသီ ပူနေတဲ့ကြားက ချွေးလုံးဝမထွက်တာ စိုးရိမ်စရာ ကောင်းပါတယ်။ ဘာကြောင့်လဲဆိုတော့ ကိုယ်ခန္ဓာတစ်ခုလုံး ချွေးငုပ်တာမျိုးလည်း ရှိသလို နေရာကွက်ကျားဖြင့် ချွေးငုပ်တဲ့ အခြေအနေတွေလည်း ရှိပါတယ်။ ဒီလိုမျိုး ချွေးက မထွက်တော့တဲ့အခါ ကိုယ်တွင်းအပူကို ငြိမ်းအောင် မလုပ်နိုင်တော့တဲ့အတွက် အပူတွေက ပိုပြီးတိုးလာမယ်။ အပူတွေ အရမ်းကြီးလာတဲ့အခါ နောက်ဆက်တွဲ အပူဒဏ်ကြောင့် […]

အခုရာသီဥတုမတရားပူတယ်။ အပြင်ထွက်ရရင် အသက်ရှူလို့တောင်မဝသလိုပဲ။ ဒီထက်ပိုပူလာမှာကို ပြင်ဆင်ထားရမယ်ထင်တယ်။ ဒီလို ပြင်ဆင်တဲ့အခါ အပူဒဏ်ကြောင့်ဖြစ်တဲ့ ပြဿနာများ အကြောင်းကိုလည်း သီထားဖို့ လိုပါမယ်။ အပူဒဏ်ကြောင့်ဖြစ်တဲ့ ပြဿနာများ အပူဒဏ်ကြောင့်ဖြစ်တဲ့ ပြဿနာများ ကို အခုလို ခွဲခြားနိုင်ပါတယ်။ ဒါကတော့  အရေးပေါ် နဲ့ အရေးပေါ်မဟုတ်တဲ့အခြေအနေများဆိုပြီး ခွဲလို့ရတယ်။ အရေးပေါ်အခြေအနေကနေ သေတဲ့အထိဖြစ်နိုင်တယ်။ အပူရှပ်တယ်လို့ ခေါ်ကြတယ်။ ဒါပေမယ့် နားလည်မှုလွဲနေတာက နေပူထဲကနေ ပြန်လာပြီး ရေချိုးလိုက်လို့ အဲကွန်းခန်းထဲဝင်လိုက်လို့စတာတွေကို အပူရှပ်တယ်လို့ ပြောနေကြတယ်။ တကယ်က အပူဒဏ်ကို အကြာကြီး ခံရတဲ့နောက် ချွေးထွက်များပြီး ခန္ဓါကိုယ်က ရေဓါတ်နဲ့ ဆားဓါတ်တွေဆုံးရှုံးတယ်။ ဆုံးရှုံးမှုတွေကို ဆက်ပြီးမဖြည့်တင်းနိုင်ဘဲ အပူကလည်း ဆက်ပြီးခံနေရတယ်ဆိုရင် ခန္ဓါကိုယ်က သူ့ရဲ့ အပူထိန်းညှိတဲ့လုပ်ငန်းစဉ်ရပ်သွားတယ်။ ဦးနှောက်ရဲ့ ပုံမှန်လုပ်ငန်းစဉ်တွေပျက်ယွင်းသွားတယ်။ အဲဒီမှာ သတိလစ်တာ၊ တက်တာ၊ ခန္ဓါကိုယ်အပူချိန် အရမ်းမြင့်တာတွေဆက်ဖြစ်တယ်။ အဲဒါကို အပူရှပ်တယ် (Heat Stroke) […]

ဒီနှစ် နွေရာသီဟာ အခြားနှစ်တွေကထက် အပူချိန်ပြင်းတယ်ဆိုသာ အားလုံးသိကြမှာပါ။ ဆောင်းကသာ မအေးပေမယ့် နွေကတော့ အမြဲသစ္စာရှိပါတယ်။ ပြီးတော့ ဒီလိုပူပြင်းတဲ့နွေရာသီဆိုတာလည်း ရက်ပိုင်းလောက်မဟုတ်ဘဲ ၃လလောက်တောင်ကြာတာဆိုတော့ ကျန်းမာရေးကို ထိခိုက်တာတွေဖြစ်လာတော့တာပေါ့။ အားလုံးထဲကမှ ပူပြင်းတဲ့ရာသီဥတုကြောင့် ကိုယ်ခန္ဓာမှာဖြစ်လာနိုင်တဲ့ အန္တရာယ် အရှိဆုံး ၃ ချက် ကို ဆက်ပြီး ပြောပြပေးတော့မှာပါ။ ပူပြင်းတဲ့ရာသီဥတုကြောင့် ကိုယ်ခန္ဓာမှာဖြစ်လာနိုင်တဲ့ အန္တရာယ် အရှိဆုံး ၃ ချက် ။ ။ ပူပြင်းတဲ့ရာသီဥတုကြောင့် ကိုယ်ခန္ဓာမှာဖြစ်လာနိုင်တဲ့ အန္တရာယ် အရှိဆုံး ၃ ချက်ကတော့ ( ၁ ) အပူလျှပ်ခြင်း (Heat stroke) အပူလျှပ်တယ်ဆိုတဲ့ စကားလုံးနဲ့ စိမ်းမယ့်သူတွေ မရှိဘူးလို့ ထင်ပါတယ်။ နွေရောက်ပြီဆိုတာနဲ့ အဖြစ်အများဆုံးနဲ့ အန္တရာယ်အရှိဆုံး ကျန်းမာရေး အခြေအနေတစ်ခုပါ။ လူတစ်ယောက်ရဲ့ သာမာန် အပူချိန်က […]