Chest Pain (ရင်ဘတ်အောင့်ခြင်း )

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 6 mins read
Share now

အခြေခံသိသင့်သည်များကိုသိရှိခြင်း ။

ရင်ဘတ်အောင့်ခြင်းဆိုတာဘာလဲ ။

ရင်ဘတ်အောင့်ခြင်းဆိုသည်မှာ ရင်ဘတ်ကိုဖိထားသလို ၊ မီးလောင်နေသလိုခံစားရခြင်း ဖြစ်ပါသည် ။ တစ်ချို့လူများတွင် နာကျင်မှုသည် လည်ပင်းမှ အရိုးများ ၊ ကျောရိုးများ နှင့် လက်မောင်းတစ်ဖက် သို့ နှစ်ဖက်စလုံးအထိပျံနှံ့နိုင်ပါတယ် ။

ရင်ဘတ်အောင့်စေတဲ့အကြောင်းရင်းတွေအများကြီးရှိပါတယ် ။ အန္တရာယ်အများဆုံးဖြစ်စေတဲ့အကြောင်းအရာတွေကတော့ အဆုတ် သို့ နှလုံးနဲ့ဆက်စပ်နေတဲ့ရောဂါတွေပဲဖြစ်ပါတယ်။ ရင်ဘတ်အောင့်ခြင်းဟာ အရမ်းခန့်မှန်းရခက်သောကြောင့် ဆရာဝန်နဲ့သေချာပြပြီး စစ်ဆေးသင့်ပါတယ် ။

ရင်ဘတ်အောင့်ခြင်းဟာ ဘယ်လိုအဖြစ်များတာလဲ။

ရင်ဘတ်အောင့်ခြင်းဟာ အသက်အရွယ်မရွေးဖြစ်နိုင်ပါတယ်။ သို့သော် နှလုံးနဲ့ဆက်စပ်နေတာနဲ့အသက်အန္တရာယ် စိုးရိမ်ရတာကတော့ ရှားပါးပါတယ် ။ အန္တရာယ်ရှိတာတွေကိုလျှော့ချပြီး ရင်ဘတ်အောင့်ခြင်းကို ကာကွယ်နိုင်ပါတယ်။ အသေးစိတ်သိရဖို့တော့ ဆရာဝန်နဲ့ဆက်လက်တိုင်ပင်သင့်ပါတယ် ။

လက္ခဏာများကို သိရှိခြင်း ။

ရင်ဘတ်အောင့်ခြင်းရဲ့ လက္ခဏာတွေကဘာတွေလဲ။

ရဂ်ဘတ်အောင့်ခြင်းရဲ့ အဖြစ်အများဆုံးလက္ခဏာတွေကတော့

– သင့်ရဲ့ရင်ဘတ်ဟာ ဖိထားသလိုတင်းတင်းကျပ်ကျပ်ခံစားနေရခြင်း ၊

– စုတ်ဖြဲခံနေရသလို၊ ပူလောင်နေသလိုနာကျင်မှုဟာ သင့်ရဲ့ကျောကုန်း ၊ လည်ပင်း ၊ အံသွားများ ၊ ပုခုံးနှင့် လက်မောင်းများ ( အထူးသဖြင့် ဘယ်ဘက်လက်မောင်း) ဆီသို့ ကူးစက်၍ နာကျင်နေခြင်း ၊

– နာကျင်မှုဟာ မိနစ်ပိုင်းထက်ပိုမိုနာကျင်နေခြင်း ၊ အလုပ်လုပ်လျှင်ပိုမိုနာကျင်လာခြင်း ၊ နာလာလိုက် ပျောက်သွားလိုက်ဖြစ်နေခြင်း ၊

– မောနေခြင်း ၊

– ချွေးစေးများထွက်ခြင်း ၊

– မူးဝေခြင်း သို့ အားနည်းခြင်း ၊

– ပျို့အန်ချင်သလိုဖြစ်ခြင်း သို့ ပျို့အန်ခြင်း

– သင့်ရဲ့ပါးစပ်ထဲတွင် ချဉ်သောအရသာ သို့ စားပြီးသားအစာအရသာ ပြန်ရနေခြင်း ၊

– မြိုချရခက်ခဲခြင်း ၊

– သင့်ရဲ့ခန္ဓါကိုယ်အနေအထားပြောင်းလိုက်လျှင် ပိုမိုနာကျင်လာခြင်း ၊

– အသက်ပြင်းပြင်းရှူလိုက်လျှင် သို့ ချောင်းဆိုးလျှင် ပိုမိုနာကျင်လာခြင်း ၊

– သင့်ရင်ဘတ်ကို တွန်းလိုက်လျှင် တင်းတင်းကြီးဖြစ်နေခြင်း ။

ပုံမှန်ဖြစ်နေကျ သင့်ရဲ့ရင်ဘတ်အရိုးနောက်မှာ အပူလောင်သလို နာကျင်မှုသည် သင့်ရဲ့နှလုံး သို့ အစာအိမ် ပြဿနာများကြောင့် ဖြစ်နိုင်ပါတယ် ။

အထက်ဖော်ပြပါစာရင်းထဲမှာမပါတဲ့ ရောဂါလက္ခဏာတွေလည်းရှိပါသေးတယ် ။ ရောဂါလက္ခဏာတွေနဲ့ပတ်သတ်ပြီး သိချင်သေးရင်တော့ ဆရာဝန်နဲ့တိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ပြသသင့်ပြီလဲ။

အကယ်၍သင့်တွင် ရှင်းမပြနိုင်သော ရင်ဘတ်အောင့်ခြင်းမျိုး သို့ နှလုံးရောဂါရှိနေပြီလို့ ခံစားနေရလျှင် ဆရာဝန်နဲ့ပြသရပါမယ် ။ လူတစ်ယောက်နဲ့တစ်ယောက်မတူကြပါဘူး ။ သင့်ရဲ့အခြေအနေကို အကောင်းဆုံး ဆုံးဖြတ်နိုင်ဖို့ ဆရာဝန်နဲ့ဆွေးနွေးတာအကောင်းဆုံးဖြသ်ပါတယ်။

အကယ်၍သင့်တွင်နှလုံးရောဂါနှင့်သက်ဆိုင်တဲ့လက္ခဏာတွေရှိနေပြီဆိုရင်တော့ သင့်ရဲ့ကျန်းမာရေးစောင့်ရှောက်သူကို ခေါ်ရပါမယ် ။

– ရုတ်တရက် သင့်ရဲ့ရင်ဘတ်အရိုးအောက်တွင် ဖိထားသလို ၊ ညှပ်စထားသလို ၊တင်းတင်းကြီးခံစားနေရခြင်း ၊

– ရင်ဘတ်အောင့်ခြင်းဟာ သင့်ရဲ့မေးရိုး ၊ ဘယ်ဘက်လက်မောင်း သို့ ကျောရိုးအထိ ကူးစက်လာခြင်း ၊

– အချိန်ကာလအတန်ကြာသည်တိုင်အောင် မလှုပ်မရှားနေပြီးသည့်အခါ အသက်ရှူမဝခြင်းနဲ့အတူ စူးစူးရှရှခံစားရခြင်း ၊

– မူးဝေခြင်း ၊ ပျို့ချင် အန်ချင်ခြင်း ၊ နှလုံးခုန်နှုန်း သို့ အသက်ရှူနှုန်းမြန်နေခြင်း ၊ ဂယောင်ချောက်ခြားဖြစ်နေခြင်း ၊ ချွေးအလွန်ထွက်ခြင်း၊

– သွေးပေါင် သို့ နှလုံးခုန်နှုန်း အရမ်းကျနေခြင်း ။

ဖြစ်စေသောအကြောင်းအရာများကိုသိရှိခြင်း ။

ဘာတွေကရင်ဘတ်အောင့်ခြင်းကိုဖြစ်စေသလဲ။

နှလုံးကြောင့်ဖြစ်စေခြင်းများ ။

– နှလုံးသွေးကြောရုတ်တရက်ပိတ်ဆို့ခြင်း ။

နှလုံးသွေးကြောပိတ်ဆို့ခြင်းဟာ သွေးခဲလေးဟာ နှလုံးကိုစီးဆင်းနေတဲ့သွေးကြောကို ပိတ်ဆို့ရာမှာဖြစ်ပေါ်လာပါတယ် ။

– ရင်ဘတ်အောင့်ခြင်း ။

သွေးကြောအတွင်းနံရံများထူလာသောအခါ သင့်နှလုံးကိုစီးဆင်းတဲ့သွေးလမ်းကြောင်းဟာ ကျဉ်းသွားပြီး ရင်ဘတ်အောင့်စေပါတယ် ။

– သွေးကြောမကြီးခွဲစိတ်ခြင်း။

အသက်အန္တရာယ်စိုးရိမ်ရတဲ့ အခြေအနေတွေမှာ နှလုံးဆီကနေထွက်တဲ့သွေးကြောမကြီးလည်းပါဝင်ပါတယ်။ သွေးကြောမကြီးရဲ့အတွင်းအလွှာတွေဟာ ခြားနေသောအခါ သွေးတွေဟာ ခြားနေတဲ့နေရာတွေကိုဝင်ပြီး သွေးကြောမကြီးကိုပေါက်စေနိုင်ပါတယ် ။

– နှလုံးအပြင်လွှာရောင်ခြင်း ။

နှလုံးကိုကာရန်ထားတဲ့အပြင်လွှာ ရောင်ရမ်းတဲ့အခါ သင်လှဲနေတဲ့အခါ သို့ အသက်ရှူတဲ့အခါမှာစူးစူးရှရှနာကျင်မှုမျိုး ဖြစ်ပေါ်တတ်ပါတယ် ။

အစာချေလမ်းကြောင်းကြောင့် ဖြစ်စေခြင်းများ ။

ရင်ပူခြင်း ။

သင့်ရဲ့အစာအိမ်ကနေ အက်စစ်တွေဟာ အစာရေမြို (အစာအိမ်နဲ့ လည်ချောင်းနဲ့ဆက်ထားသောပြွန် ) ထဲကိုရောက်သွားတဲ့အခါမှာ ရင်ဘတ်ရိုးရဲ့နောက်မှာပူလောင်သလိနာကျင်မှုကို ခံစားရပါတယ်။

– အစာမြိုခြင်းနှင့်ဆိုင်သောပြဿနာများ ။

အစာရေမြိုနဲ့ဆိုင်တဲ့ပြသနာတွေဟာ မြိုရခက်ခဲခြင်းနဲ့ နာကျင်ခြင်းတွေဖြစ်ပေါ်စေနိုင်ပါတယ် ။

– သည်းခြေအိတ် သို့သရက်ရွက်ပြသနာများ ။

သည်းခြေကျောက်များ ၊ သည်းခြေအိတ် သို့ သရက်ရွက် ရောင်ရမ်းခြင်းများဟာဝမ်းဗိုက်နာကျင်မှုများ ကို ဖြစ်စေပြီး နာကျင်မှုဟာ ရင်ဘတ်အထိရောက်နိုင်ပါတယ်။

အရိုးနှင့် ကြွက်သားများကြောင့် ရင်ဘတ်အောင့်ခြင်း ။

နံရိုးရှိအရိုးနုရောင်ရမ်းခြင်း ။

သင့်ရဲ့ရင်ဘတ်အရိုးနဲ့ နံရိုးနဲ့ဆက်ထားတဲ့အရိုးနုရောင်တဲ့အခါမှာလည်းရင်ဘတ်အောင့်ခြင်းတွေဖြစ်စေပါတယ် ။

လည်ပင်းကြွက်သားများ ။

နာတာရှည်နာကျင်မှုများသည် ကြွက်သားနှင့်ဆိုင်သော ရင်ဘတ်အောင့်ခြင်းများကိုလည်း ဖြစ်စေနိုင်ပါတယ်။

အဆုတ်ရောဂါများကြောင့်ရင်ဘတ်အောင့်ခြင်း ။

– အဆုတ်သွေးကြောပိတ်ခြင်း ။

သွေးခဲလေးဟာအဆုတ်ရှိ သွေးကြောတွင်ပိတ်ဆို့နေ၍ သွေးစီးဆင်းမှုကို ဟန့်တားလိုက်သည့်အခါ ရင်ဘတ်အောင့်ခြင်းတွေကိုဖြစ်စေပါတယ်။

– အဆုတ်အမြှေးပါးရောင်ခြင်း ။

သင့်ရဲ့အဆုတ်အမြှေးပါးရောင်တဲ့အခါ ချောင်းဆိုးတဲ့အခါသိ ု့အသက်ရှူတဲ့အခါပိုဆိုးစေတဲ့ရင်ဘတ်အောင့်ခြင်းဖြစ်စေပါတယ်။

အဆုတ်သွေးတိုးခြင်း ။

အဆုတ်ဆီသို့သွေးများကိုသယ်ဆောင်တဲ့သွေးကြေုတွေမှာဖိအားတွေများလာတဲ့အခါညရင်ဘတ်အောင့်ခြင်းကို ဖြစ်ပေါ်စေပါတယ်။

အခြားဖြစ်စေသောအကြောင်းအရာများ ။

အခြားရင်ဘတ်အောင့်စေတဲ့အကြောင်းအရာတွေကတော့…

– ကြောက်လန့်ခြင်း ။

အကယ်၍ သင်ဟာ နှလုံးအောင့်ခြင်း၊ နှလုံးခုန်မြန်ခြင်း ၊ အသက်ရှူမြန်ခြင်း ၊ ချွေးထွက်ခြင်း ၊ အသက်ရှူမဝခြင်း ၊ မူးဝေခြင်း ၊ပျို့ချင်အန်ချင်ခြင်း နဲ့ သေရမှာကြောက်နေခြင်းတို့ဖြစ်နေလျှင် နှလုံးအောင့်ခြင်း ဖြစ်စေနိုင်ပါတယ် ။

– ရေယုန်ဖြစ်စေတဲ့ဗိုင်းရပ်စ်ကို ပြန်လည်နှိုးဆွခြင်းဖြင့် သင့်ရဲ့နောက်ကျောကနေ ရင်အုံပတ်လည် အထိ နာကျင်မှုများနှင့် ရေကြည်ဖုများ ဖြစ်စေကာ နာကျင်ခြင်းကိုဖြစ်ပေါ်စေပါတယ် ။

အခြားအန္တရာယ်ရှိသော နှလုံးအောင့်စေသောအချက်များ ။

ဘာတွေကရင်ဘတ်အောင့်ခြင်းကို ပိုဆိုးစေသလဲ ။

ရင်ဘတ်အောင့်ခြင်းကို ပိုဆိုးစေတဲ့အကြောင်းအရာတွေများစွာရှိပါတယ် ။ အဓိကအကြောင်းရင်း ၄ ခုကတော့ အသက်အရွယ် ၊ ဆေးလိပ်သောက်ခြင်း ၊ ကျန်းမာရေးနဲ့ မညီညွတ်သော နေထိုင်မှုပုံစံများ နဲ့ မျိုးရိုးဗီဇတို့ပဲဖြစ်ပါတယ် ။

ရောဂါရှာဖွေစစ်ဆေးမှုများနှင့် ကုသမှုများကိုနားလည်သိရှိခြင်း ။

အောက်ဖော်ပြမည့် အကြောင်းအရာသည် ကျန်းမာရေးအကြံပေးချက်မျိုးမဟုတ်ပါ ။ ဒါကြောင့်အသေးစိတ်သိရှိရဖို့အတွက်ဆရာဝန်နဲ့အမြဲတမ်းတိုင်ပင်ဆွေးနွေးသင့်ပါတယ် ။

ရင်ဘတ်အောင့်ခြင်းကို ဘယ်လိုရှာဖွေစမ်းသပ်မလဲ။

သင်အရင်ဆုံးစစ်ဆေးရမယ့်စစ်ဆေးမှုတွေကတော့..

– ECG ရိုက်ခြင်းဟာ သင့်တွင်နှလုံးသွေးကြောပိတ်ဆို့ခြင်းရှိ မရှိကို အရေပြားပေါ်တွင်တပ်ဆင်ထားသော လျှပ်ခေါင်းများမှတစ်ဆင့်သင့်နှလုံးရဲ့လျှပ်စစ်စီးဆင်းမှုကိုသိရှိနိုင်ပြီးသင့်တွင် နှလုံးသွေးကြောပိတ်ခြင်း ရှိမရှိသိနိုင်ပါတယ် ။

– သွေးစစ်ခြင်းများ။

နှလုံးမှာပုံမှန်ရှိနေကြ အင်ဇိုင်းတွေရဲ့ပမာဏကိုသိရဖို့အတွက် ဆရာဝန်ဟာ သွေးစစ်ဖို့သင့်ရဲ့သွေးနမူနာကို တောင်းပါလိမ့်မယ် ။ နှလုံးသွေးကြောပိတ်ဆို့တဲ့အခါ နှလုံးထဲက အင်ဇိုင်းတွေဟာထွက်လာပြီး သွေးထဲမှာအချိန်ကာလတစ်ခုထိရှိနေတတ်ပါတယ် ။

– ရင်ဘတ်ကို x- way ရိုက်ခြင်း ။

သင့်ရဲ့ရင်ဘတ်ကို x- way ရိုက်ခြင်းဟာ သင့်ရဲ့အဆုတ်အခြေအနေနဲ့ သွေးကြောများနဲ့ နှလုံးရဲ့အခြေအနေကိုဆရာဝန်အား သေချာလေ့လာစစ်ဆေးလို့ရစေပါတယ်။ ဒါ့အပြင် x- way ရိုက်ခြင်းဟာ သင့်တွင်အဆုတ်ရောင်ရောဂါနဲ့ အဆုတ်များကောင်းမကောင်းသိစေနိုင်ပါတယ် ။

CT scan ရိုက်ခြင်း ။

CT scan ရိုက်ခြင်းဟာ သင့်ရဲ့အဆုတ်တွင်သွေးခဲများပိတ်ဆို့နေခြင်း ရှိမရှိနဲ့သင့်ရဲ့သွေးကြောမကြီးရဲ့အတွင်းဆုံးအလွှာစုတ်ပြဲခြင်းရှိမရှိကို သိရှိစေနိုင်ပါတယ် ။

စမ်းသပ်မှုများဆက်လက်လုပ်ဆောင်ခြင်း ။

အထက်ပါ စစ်ဆေးမှုများမှရလာဒ်များအပေါ်မူတည်၍ အောက်ပါစစ်ဆေးမှုများကို ဆက်လက်ပြုလုပ်သွားရပါမည် ။

– echocardiogram ရိုက်ခြင်း ။

Echocardiogram ဟာအသံလှိုင်းများကို အသုံးပြုပြီးတော့သင့်ရဲ့နှလုံးလှုပ်ရှားနေပုံကိုထုတ်လုပ်ပြသပေးပါတယ် ။ တစ်ချို့ကိစ္စများတွင်သင့်နှလုံးရဲ့အစိတ်အပိုင်းအားလုံးကို ရှင်းရှင်းလင်းလင်းမြင်ရဖို့အတွက် လည်ချောင်းမှတစ်ဆင့် ပစ္စည်းသေးသေးလေးတစ်ခုကိုထည့်၍ စစ်ဆေးရသည်များလည်းရှိပါတယ် ။

– CT scan ရိုက်ခြင်းဖြင့် သင့်ရဲ့နှလုံးသွေးကြောများတွင်ပိတ်ဆို့မှုများစုပုံနေသောနေရာကိုပြသည့်ကယ်စီယမ်လက္ခဏာများကိုကြည့်ခြင်းဖြင့်လည်း သိရှိနိုင်ပါတယ် ။ သင့်ရဲ့နှလုံးနဲ့အဆုတ်သွေးကြောများ ပိတ်ဆို့ခြင်းရှိမရှိသိရဖို့အတွက်ဆိုးဆေးနှင့်လည်း CT scan ကိုတွဲဖက်အသုံးပြုနိုင်ပါသည် ။

ဖိအားများပေး၍စမ်းသပ်ခြင်း။

ဒီလိုစမ်းသပ်ခြင်းဟာတော့သင့်ရဲ့နာကျင်မှုဟာ နှလုံးနှင့်ဆက်စပ်နေခြင်းရှိမရှိကို သိနိုင်မည့် နှလုံးနှင့်သွေးကြောများအပေါ်ဖိအားပေးပြီး စမ်းသပ်ခြင်းဖြစ်ပါတယ် ။ သင်လုပ်ရမယ့် ဖိအားနဲ့စစ်ဆေးပုံအမျိုးမျိုးရှိပါတယ် ။ သင့်ကို ECG နဲ့ချိတ်ဆက်ထားတဲ့ စက်ဘီးပေါ်မှာစီးခိုင်းပါလိမ့်မယ်။ ဒါမှမဟုတ် လေ့ကျင့်ခန်းလုပ်ခြင်းနှင့် ပုံစံတူသည့် သင့်ရဲ့နှလုံးကိုလှုံဆော်ရန် ဆေးတစ်မျိုးသောက်ခိုင်းပါလိမ့်မယ် ။

– နှလုံးသွေးကြောထဲသို့ပြွန်ထည့်၍ စစ်ဆေးခြင်း ။

ဒီလိုစစ်ဆေးခြင်းဟာညဆရာဝန်ကို သင့်ရဲ့နှလုံးသွေးကြောတွေကျဉ်းနေတာလား သို့ ပိတ်နေတာလားဆိုတာကို ခွဲခြားသိမြင်စေပါတယ် ။ ဆိုးဆေးရည်ကို သင့်ရဲ့နှလုံးသွေးကြောများထဲသို့ ပါးပါးရှည်ရှည်ပြွန်တစ်ချောင်းဖြင့် လက်ကောက်ဝတ် သို့ ပေါင်ခြံမှတစ်ဆင့်သင့်ရဲ့နှလုံးသွေးကြောထဲသို့ရောက်အောင်ထည့်သွင်းရပါမည် ။ ဆိုးဆေးဟာ သွေးကြောတွေထဲကိုရောက်သွားတဲ့အခါမှာ x- ray နဲ့ ဗွီဒီယိုတွေမှာမြင်လာရပါတယ် ။

ရင်ဘတ်အောင့်ခြင်းကို ဘယ်လိုကုသမလဲ။

ရင်ဘတ်အောင့်ခြင်းကို ကုသရာတွင်ဘအသုံးအများဆုံးဆေးတွေကတော့….

– သွေးကြောကိုပြေလျော့စေသောဆေးများ ။

Nitroglycerine ဆေးပြားတစ်ပြားကို လျှာအောက်တွင်ထား၍ငုံထားခြင်းဟာ နှလုံးသွေးကြောများကို ပြေလျော့စေပြီး ကျဉ်းမြောင်းနေသောနေရာများကို သွေးများကိုအလွယ်တစ်ကူဖြတ်သန်းစီးဆင်းစေပါတယ် ။ အချို့သွေးပေါင်ကျဆေးများဟာလည်း သွေးကြောများကို ပြေလျော့စေ၍ ကျယ်စေပါတယ် ။

– အကယ်၍ ဆရာဝန်ဟာ သင်ရင်ဘတ်အောင့်ခြင်းဟာ နှလုံးရောဂါနဲ့သက်ဆိုင်တယ်လို့သံသယရှိရင်တော့ သင့်ကို asprin သောက်ခိုင်းပါလိမ့်မယ် ။

– သွေးခဲများကိုပျော်စေသောဆေးများ ။

အကယ်၍သင့်တွင် နှလုံးသွေးကြောကျဉ်းခြင်းရှိလျှင် သင့်ရဲ့နှလုံးကြွက်သားတွေဆီကိုသွေးမရောက်အောင်တားဆီးနေတဲ့သွေးခဲတွေကို ပျော်စေတဲ့ဆေးတွေဆရာဝန်ကပေစပါလိမ့်မယ် ။

– အက်ဆစ်လျော့နည်းစေသောကုသမှုများ ။

အကယ်၍သင့်ရဲ့ရင်ဘတ်အောင့်ခြင်းဟာ အစာရေမြိုမှတစ်ဆင့်တက်လာသောအစာအိမ်မှအက်ဆစ်များကြောင့်ဆိုရင်တော့ ဆရာဝန်ဟာ သင့်အစာအိမ်ထဲမှာရှိတဲ့အက်ဆစ်ပမာဏကိုလျော့နည်းစေမယ့်ဆေးများကိုပေးပါလိမ့်မယ် ။

– စိတ်ကျခြင်းကိုသက်သာစေသောဆေးများ ။

အကယ်၍သင်ဟာ ကြောက်လန့်ခြင်းများကြောင့်နှလုံးအောင့်ခြင်းခံစားနေရလျှင် ဆရာဝန်ဟာ စိတ်ကျသက်သာဆေးများကို ပေးပါလိမ့်မယ် ။ စိတ်ပိုင်းဆိုင်ရာကုသမှုများကိုလည်းလိုအပ်လျှင်ပြုလုပ်ရပါလိမ့်မည်။

ခွဲစိတ်မှုခံယူခြင်းနှင့် အခြားလုပ်ဆောင်ခြင်းများ ။

ရင်ဘတ်အောင့်ခြင်းဖြစ်စေတဲ့အသက်အန္တရာယ်ရှိသောကိစ္စများတွင် ဆရာဝန်များဟာအချို့လုပ်ဆောင်ချက်များကို လုပ်ဆောင်ရန် ညွှန်ကြားပါလိမ့်မယ် ။

– ထိုအခြေအနေမျိုးတွင် ဘောလုံး သို့ ပြွန်ထည့်ခြင်းမျိုးလုပ်ကြရပါတယ် ။ အကယ်၍သင့်ရဲ့ရင်ဘတ်အောင့်ခြင်းဟာ နှလုံးဆီကိုထောက်ပံ့တဲ့သွေးကြောပိတ်ဆို့ခြင်းကြောင့်ဆိုလျှင် သင့်ရဲ့ပေါင်ခြံကနေ ပြွန်အသေးစားတစ်ခုကို ပိတ်နေတဲ့နေရာအထိရောက်အောင်ထည့်လိုက်၍ ထိုမှတစ်ဆင့်သွေးကြောကိုပြန်ပွင့်စေရန်ဘောလုံးတစ်လုံးကိုထည့်ပါသည် ။ ကိစ္စတော်တော်များများမှာတော့ သွေးကြောကိုပွင့်နေစေရန် အသေးစားပြွန်ပိုက်တစ်ခုကိုထည့်ထားကြပါသည် ။

– လမ်းကြောင်းလွှဲ၍ခွဲစိတ်ကုသခြင်း ။

ထိုခွဲစိတ်ခြင်းတွင်ဆရာဝန်သည်ခန္ဓါကိုယ်၏ အခြားနေရာမှသွေးကြောကိုယူ၍ ပိတ်နေသောသွေးကြောပိတ်လည်တွင် သွေးစီးဆင်းမှုရစေရန် ပြုလုပ်ပါသည် ။

– သွေးကြောမကြီး၏ အတွင်းဆုံးအလွှာစုတ်ပြဲနေခြင်းကို ခွဲစိတ်ကုသခြင်း ။

ထိုအခြေအနေသည် နှလုံးမှခန္ဓါကိုယ်တစ်ခုလုံးဆီသို့သွေးများသယ်ဆောင်သော သွေးကြောမကြီး ပေါက်ပြဲခြင်းကိုဖြစ်စေပြီး အသက်အန္တရာယ်စိုးရိမ်ရသောကြောင့် အလျှင်အမြန် ခွဲစိတ်မှုခံယူရန်လိုအပ်ပါသည်။

– အကယ်၍သင့်ရဲ့အဆုတ်ဟာ အလုပ်မလုပ်နိုင်တော့လျှင် ရင်ဘတ်ထဲသို့ပြွန်တစ်ခုကိုထည့်ကာ အဆုတ်ကို ပြန်ပြီး အသက်ရှူစေအောင်ပြုလုပ်ရပါတယ် ။

နေထိုင်မှုပုံစံပြောင်းလဲခြင်းနှင့် အိမ်တွင်းကုသမှုများ ။

ဘယ်လိုနေထိုင်မှုပုံစံတွေနဲ့အိမ်တွင်းကုသမှုတွေက ရင်ဘတ်အောင့်ခြင်းကိုသက်သာစေသလဲ။

ရောဂါလက္ခဏာတွေပြလာတာကိုစောင့်နေမည့်အစားနည်းနည်းလေးအောင့်နေပြီဆိုတာနဲ့ စမ်းသပ်စစ်ဆေးမှုတွေခံယူသင့်ပါပြီ ။

အကယ်၍သင့်တွင်မေးခွန်းတွေရှိသေးရင်တော့အကောင်းဆုံးအဖြေကိုရရှိဖို့အတွက်ဆရာဝန်နဲ့တိုင်ပင်ဆွေးနွေးသင့်ပါတယ် ။

Hello health group သည် ကျန်းမာရေးဆိုင်ရာအကြံပေးခြင်း ၊ရောဂါရှာဖွေခြင်းနှင့် ကုသခြင်းတို့ကိုမပြုလုပ်ပေးပါ ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

သတိပြုဖွယ်ရာ Heart Attack ၏ အချက်ပေးခေါင်းလောင်းသံများ

Heart attack နှလုံးထိခိုက်ခြင်း နှလုံးကြွက်သားပျက်စီး ရင်ဘတ်အောင့်ခြင်း မူးဝေသတိလစ်ခြင်း ပင်ပန်းနွမ်းနယ်ခြင်း နှလုံးခုန်မြန်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

အစာမကြေရင်ပူခြင်းနှင့် နှလုံးထိခိုက်ခြင်း ဘာကွာခြားသလဲ

အစာမကြေရင်ပူခြင်း နှလုံးထိခိုက်ခြင်း နာကျင်မှု အသက်ရှူကြပ် နှလုံးရောဂါ ချွေးထွက်ခြင်း နှလုံးကြွက်သားတွေ သွေးလည်ပတ်မှု ရင်ဘတ်အောင့်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ပျို့အန်ချင်စိတ်ကို ပယ်ဖျောက်နိုင်မယ့် နည်းလမ်းများ

ပျို့အန်ချင်စိတ် အစာအိမ်အူလမ်းကြောင်း အစာအိမ် အစာခြေရည် ပန်ကာ တရားထိုင်ပါ ရင်ဘတ်အောင့်ခြင်း အာရုံကြောလက္ခဏာ သံပုရာရည်သောက်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ကိုယ်ဝန်ဆောင်နို့တိုက်မေမေတိုင်း သိထားဖို့လိုမယ့် အချက်တွေက ဘာတွေများလဲ……..

ရင်သွေးလေး မိသားစု အစီအစဉ် ကိုယ်ဝန်ဆောင်မေမေ နို့ဆက်တိုက် ဘေဘီလေး မိခင်နို့ ဗိုက်ထဲက ဘေဘီလေး အာဟာရ ပါဝင်မှု အောက်ဆီတိုစင် ကိုယ်ဝန်ပျက်ကျနိုင်ခြေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

နှလုံးခုန်စည်းချက်မမှန်ခြင်းအကြောင်း

နှလုံးခုန်စည်းချက်မမှန်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 15, 2020 . 2 mins read
ကျောက်ကပ်ရောဂါရှိသူများ သတိပြုရမည့် ပိုတက်ဆီယမ်ပမာဏ

ကျောက်ကပ်ရောဂါရှိသူများ သတိပြုရမည့် ပိုတက်ဆီယမ်ပမာဏ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 4, 2020 . 2 mins read

အမျိုးသား တွေကို အသေအပျောက်များစေတဲ့ ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇွန် 1, 2020 . 3 mins read
နှလုံးရောဂါ ရှိသူတွေ လိင်ဆက်ဆံသင့်လား

နှလုံးရောဂါ ရှိသူတွေ လိင်ဆက်ဆံသင့်လား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 26, 2020 . 1 min read