ချက်တစ်ဝိုက်က အောင့်နေတယ်။ ဘာကြောင့်များလဲ။

• အစာမကြေတဲ့အခါ 

အာမကြေတဲ့အခါ ဗိုက်ထဲက အောင့်တာ၊ နာကျင်တာ၊ ရင်ပူသလို ခံစားရတာ၊ ရင်ခေါင်းအောင့်တာ၊ ချက်တစ်ဝိုက်က အောင့်တာ၊ နာကျင်တာမျိုး ခံစားရနိုင်ပါတယ်။ အစာမကြေတဲ့အခါ ပုံမှန် အိမ်တွင်းကုထုံးတွေနဲ့ သက်သာအောင် လုပ်လို့ရသလို အစာကြေဆေး စားတာမျိုး လုပ်ပေးလို့ရပါတယ်။

အစာမကြေတဲ့အခါ ချက်အပေါ်တစ်ဝိုက်နားက အောင့်တာ၊ နာတာမျိုး ခံစားရနိုင်ပါတယ်။

• ကိုယ်ဝန်ရှိနေတာ

ချက်တစ်ဝိုက်မှာ အရမ်းမပြင်းထန်ဘဲ အောင့်တာမျိုးက စိုးရိမ်စရာမလိုပါဘူး။ တကယ်လို့ ချက်တစ်ဝိုက်ကလည်း အောင့်နေမယ်၊ အမျိုးသမီးလည်း ဖြစ်နေမယ်။ အိမ်ထောင်လည်းရှိတယ်။ အချိန်တော်တော်ကြာတဲ့အထိ မသက်သာဘဲ ဖြစ်နေမယ်ဆိုရင်တော့ ဆရာဝန်နဲ့ ပြသပြီး လိုအပ်တဲ့ ဆီးစစ်တာမျိုး လုပ်ဖို့လိုပါမယ်။ ဒီလို အောင့်နေတာက ကိုယ်ဝန်ရှိနေတာ ဖြစ်နိုင်တာကြောင့်ပါ။

ကိုယ်ဝန်ရှိနေတဲ့အခါ

• ချက်က စူစူလေးဖြစ်နေမယ်
• ချက်တစ်ဝိုက် ရောင်ရမ်းနေမယ်
• ချက်တစ်ဝိုက်၊ ချက်ထဲက နာနေမယ်
• ကိုယ်လက် မအီမသာဖြစ်မယ်
• အော့အန်မယ်ဆိုရင်တော့ ကိုယ်ဝန်ရှိနေတာဖြစ်နိုင်ပါတယ်။

• ဝမ်းချုပ်ခြင်း

ဝမ်းချုပ်တာက လူ ၃ ယောက်မှာ တစ်ယောက်လောက် ခံစားရတဲ့ ဝမ်းဗိုက် ပြဿနာပါ။ တစ်ပတ်ကို တစ်ကြိမ်လောက် ခံစားရနိုင်ပါတယ်။ ဝမ်းချုပ်တာက ခဏတဖြုတ်ဆိုရင် ပြဿနာ ကြီးကြီးမားမား မရှိပေမယ့် အချိန်ကြာလာမယ်ဆိုရင်တော့ ပြင်းထန်တဲ့ နောက်ဆက်တွဲ ကျန်းမာရေးပြဿနာတွေ ဖြစ်လာနိုင်ပါတယ်။

ဝမ်းချုပ်တာကို ၂ လနီးပါးလောက် ခံစားရမယ်ဆိုရင် ဆရာဝန်နဲ့ မဖြစ်မနေ သွားပြဖို့ လိုပါမယ်။

ချက်တစ်ဝိုက်က နာကျင်ရတဲ့ အဖြစ်အများဆုံး အကြောင်းအရင်းတစ်ခုက ခွဲစိတ်မှုရဲ့ နောက်ဆက်တွဲပြဿနာပါ။ ခွဲစိတ်ထားတဲ့ ချုပ်ရိုး အနာကျက်ဖို့ စောင့်ရတဲ့အချိန်မှာ အခုလို နာကျင်တာကို ခံစားရနိုင်ပါတယ်။ ဒါကြောင့် ခွဲစိတ်ပြီးတဲ့အခါ ဆရာဝန် ညွှန်ကြားတဲ့ အကိုက်အခဲပျောက်ဆေးကို သေချာလေး သောက်စေချင်ပါတယ်။

ဒါပေမယ့် ဒီလို နာကျင်မှုနဲ့အတူ အခုပြောတဲ့ လက္ခဏာတွေ တွေ့ရပြီဆိုရင်တော့ ဆရာဝန်နဲ့ သွားပြစေချင်ပါတယ်။

• အဖျား တက်မယ်
• မအီမသာ ဖြစ်မယ်
• အော့အန်မယ်
• ဝမ်းပျက်ဝမ်းလျှောဖြစ်မယ် ဆိုရင်တော့ ဆရာဝန်နဲ့ အမြန်ဆုံး သွားပြစေချင်ပါတယ်။

ဒါတွေအပြင် 

• ဆီးလမ်းကြောင်းပိုးဝင်တာ
• အစာအိမ် ပိုးဝင်တာ
• အူအတက်ပေါက်တာ
• အူအတက်ရောင်တာ
• သည်းခြေကျောက်တည်တာလိုမျိုးတွေကြောင့်လည်း ချက်တစ်ဝိုက်က အောင့်နိုင်ပါတယ်။