မျက်စိကျန်းမာရေး

လူအတော်များများက ရောဂါလို့ဆိုလိုက်ရင် နှလုံးတို့၊ သွေးတိုးတို့လို တကယ့်အကြီးကြီးတွေကို အရင်ပြေးမြင်မိတတ်ကြမှာပါ။တကယ်တော့တစ်ကိုယ်လုံးမှာရောဂါမဖြစ်တဲ့အစိတ်အပိုင်းဆိုတာမရှိပါဘူး။  ဒီလိုပဲ နေ့တိုင်းမရှိမဖြစ်အသုံးပြုနေရတဲ့ မျက်လုံး၊ ပါးစပ်၊ နှာခေါင်း လိုအစိတ်အပိုင်းတွေလည်း ပြဿနာပေါ်တတ်တာမေ့နေတတ်ကြပါတယ်။ ဒါ့ကြောင့် အခုတစ်ခေါက်တော့ ကျွန်တော်တို့ အမြဲတမ်းသုံးနေရပြီး ဂရုစိုက်ဖို့မေ့နေတတ်တဲ့ မျက်လုံးတစ်စုံအတွက် ဂရုစိုက်ရမှာလေးတွေ ပြောပြပေးချင်ပါတယ်။ ၁. တစ်နှစ်တစ်ခါ မျက်လုံးမစစ်ဆေးဘူး ‘ကာကွယ်ခြင်းသည် ကုသခြင်းထက်ပိုကောင်း၏’ ဆိုတာ ဘယ်ရောဂါအတွက်မဆိုမှန်ပါတယ်။ အသက် ၄၀ ကျော်သူတိုင်း ကိုယ့်မျက်လုံးကို တစ်နှစ်တစ်ခါတော့ မှန်မှန်စစ်ဆေးသင့်ပါတယ်။ ဒါမှရေတိမ်စွဲတာလို အန္တရာယ်များတဲ့မျက်လုံး ရောဂါတချို့ကို အချိန်မီတားဆီးနိုင်မှာပေါ့။ မိသားစုမျိုးရိုးမှာ မျက်လုံးပြဿနာရှိသူတွေဆို ပိုတောင်ဂရုစိုက်စစ်ဆေးသင့်ပါသေးတယ်။ ၂. မျက်လုံးယားနေတာကို ဂရုမစိုက်ဘူး မျက်လုံးကဘာကြောင့်မှန်းမသိဘဲ ခဏခဏယားနေတာ၊ နီရဲလာတာ၊ ပူစပ်ပူလောင်ခံစားရတာတွေက မျက်လုံးပြဿနာတစ်မျိုးမျိုးရဲ့ ရှေ့ပြေးလက္ခဏာတွေဖြစ်နိုင်ပါတယ်။ နောက်ပြီး မျက်လုံးက အလင်းရောင်ဒဏ်မခံနိုင်တာ၊ မျက်တောင်ခတ်ရင် ခိုးလို့ခုလုဖြစ်နေတာ၊ မျက်ဝတ်ခဏခဏထွက်တာတွေကလည်း မျက်စိဆရာဝန်နဲ့ သေချာပြသပြီးလိုအပ်သလို ကုသမှုခံယူသင့်တဲ့အခြေအနေတွေပါ။ ၃. […]

လူတော်တော်များများ မျက်သားတွေ နီမြန်းတာ ဖြစ်ဖူးကြမှာပါ။ မျက်စိညောင်းတာ၊ မျက်လုံးခြောက်သွေ့တာ၊ ခရမ်းလွန်ရောင်ခြည် ထိတွေ့မှုများတာ၊ မျက်စိနာတာ၊ ရေတိမ် သို့မဟုတ် မျက်ကြည်လွှာပေါက်ပြဲခြင်းတို့က မျက်သားတွေ နီမြန်း စေတဲ့ အကြောင်းရင်း တွေ ဖြစ်ပါတယ်။ ဒါ့ပြင် မျက်ခွံရောင်ခြင်း၊ မျက်နက်ဆံရောင်ခြင်း၊ မျက်ကြည်လွှာအနာဖြစ်ခြင်း တို့လို ရောင်ရမ်းခြင်းနဲ့ ရောဂါပိုးဝင်ခြင်း တို့ကြောင့်လည်းဖြစ်နိုင်ပါတယ်။ နီရဲနေပြီး စိတ်ညစ်စရာ မျက်လုံးအခြေအနေကြောင့် မသက်မသာ ခံရခက်နေမှာပါ။ မျက်စိနီရဲစေတဲ့ အကြောင်းရင်းတွေက အများကြီးရှိပါတယ်။ တချို့က ဆေးကုသဖို့ လိုနိုင်ပေမယ့် လုံးဝအန္တရာယ်မရှိနိုင်တာတွေလည်း ရှိပါတယ်။ ဒီ ဖြစ်နိုင်ခြေ အကြောင်းရင်းတွေကို အရင်ဖတ်၊ ကိုယ့်အခြေအနေကို မူတည်ပြီး ဆရာဝန် ပြသင့်မပြသင့် ဆုံးဖြတ်ပေါ့။ မျက်သားတွေ နီမြန်း စေတဲ့ အကြောင်းရင်း (၉) ခု မျက်သားတွေ နီမြန်း စေတဲ့ အကြောင်းရင်း တွေကတော့ - (၁) မျက်စိညောင်းညာခြင်း တစ်ခါတစ်ရံကျရင် […]

ယာယီ အမြင်အာရုံ ဆုံးရှုံးမှု (Temporary Blindness) ဆိုတဲ့ ဝေဒနာဟာ လူတိုင်းမှာဖြစ်နိုင်တဲ့ ဝေဒနာတစ်မျိုးဖြစ်ပြီးတော့ အသက်အရွယ်မရွေးမှာလည်း ဖြစ်ပွားနိုင်ပါတယ်။ ရှားပါးတဲ့ ဝေဒနာတစ်မျိုးဖြစ်ပေမယ့် ကျန်းမာရေးအခြေအနေ တစ်မျိုးမျိုးနဲ့ ဆပ်စပ်ပြီး ဖြစ်ပွားနိုင်ခြေရှိတဲ့ ဝေဒနာတစ်မျိုးဖြစ်ပါတယ်။ များသောအားဖြင့် Temporary Blindness ဟာ ခေါင်းကိုက်မှုနဲ့ ဆက်စပ်နေလေ့ရှိပါတယ်။ Temporary Blindness ဖြစ်စေနိုင်တဲ့ အကြောင်းပြချက် အများအပြားရှိပေမယ့် ခေါင်းကိုက်ဝေဒနာဟာ အဖြစ်အများဆုံး အဓိက အကြောင်းအရင်းတမျိုးပါ။ ယာယီ အမြင်အာရုံမဆုံးရှုံးခင်မှာ ခေါင်းအလွန်အကျွံကိုက်လေ့ရှိပါတယ်။ ကိုယ့်မှာရှိနေတဲ့ ရောဂါတွေကြောင့်လည်း ဖြစ်နိုင်တယ် Temporary Blindness ဝေဒနာဟာ ကိုယ့်မှာရှိနေတဲ့ ရောဂါဝေဒနာအခံတွေကြောင့်လည်း ဖြစ်ပေါ်တတ်ပါတယ်။ ဒါတွေကတော့ … ဆီးချို၊ ဆေးလိပ် အလွန်အကျွံသောက်သုံးတာ၊ Sickle cell disease၊ Acute angle-closure glaucoma၊ သွေးတိုး၊ နှလုံးရောဂါ၊ […]

အမြင်အာရုံဆုံးရှုံးနေတဲ့ လူတစ်ယောက်ရဲ့ ဘဝဟာ အရာရာ ခက်ခဲလှပါတယ်။ သာမန်လူတွေအကြားမှာ ဘဝကို လမ်းကြောင်းမှန်ပေါ်ကနေ မချော်ထွက်သွားအောင် ရပ်တည်ရှင်သန်နေထိုင်နေကြတဲ့ မျက်စိနှစ်ကွင်း အလင်းမရသူတွေဟာ အထင်ကြီးလေးစားဖွယ် ပုဂ္ဂိုလ်တွေဖြစ်ကြပါတယ်။ မျက်စိနှစ်ကွင်း အလင်းမရတဲ့ လူတစ်ယောက်ရဲ့ အတွေးတွေထဲမှာ ဘာတွေရှိနေမလဲ? ဒီလိုအတွေးမျိုး သင်တွေးမိဖူးရဲ့လား? သူတို့ ဘယ်လိုခံစားနေကြရသလဲ? သူတို့က လုံးဝ အမြင်အာရုံ ကွယ်ပျောက်သွားတာလား? တချို့တလေသော အရာတွေကို မြင်တွေ့ရနိုင်သလား? သူတို့ရဲ့ ဘဝကို တွေးဝင်ခံစားကြည့်ကြရအောင်။ အမြင်အာရုံဆုံးရှုံးနေသူတွေဟာ ဘယ်လိုသိရှိနိုင်ကြသလဲ? ဒီကိစ္စက ယေဘုယျဆန်တဲ့ ကိစ္စတစ်ခုဖြစ်ပါတယ်။ သာမန် အမြင်အာရုံပြည့်စုံနေသူတစ်ယောက်အနေနဲ့ အမြင်အာရုံချို့တဲ့နေသူတစ်ဦးရဲ့ ရှုမြင်ပုံ၊ ခံစားပုံ၊ သိရှိနိုင်ပုံတွေကို နားလည်နိုင်ဖို့ ခက်ခဲမှာဖြစ်ပါတယ်။ အမြင်အာရုံချို့တဲ့နေသူအများစုဟာ ရောဂါအခြေအနေ အနုအရင့်နဲ့ နက်ရှိုင်းမှုအပေါ်မူတည်ပြီး အာရုံခံနိုင်စွမ်း သိရှိနိုင်စွမ်းလည်း ကွာခြားလေ့ရှိပါတယ်။ ဒါပေမယ့် သာမန်လူတွေနဲ့ တူညီတဲ့အချက်ကတော့ ဦးနှောက်ဟာ အချက်အလက်တွေကို […]

အတွင်းတိမ် ဆိုတာ မျက်လုံးမှာရှိတဲ့ မှန်ဘီလူးဝါးသွားတာပါ။ ဒါကြောင့် အတွင်းတိမ် ရှိတဲ့သူတွေက ဘယ်ကိုပဲကြည့်ကြည့် မြူကျနေသလိုပါပဲ။ ဒီလိုမြင်နေရတဲ့အတွက် စာဖတ်ရခက်တာ၊ ကားမောင်းရခက်တာ (အထူးသဖြင့်ညဘက်မှာ)၊ လူတွေကို ကောင်းကောင်းမမြင်ရတာတာတွေ ဖြစ်တတ်ပါတယ်။ အတွင်းတိမ်တော်တော်များများက တဖြည်းဖြည်းချင်းဖြစ်လာပြီး စစချင်းမှာတော့ အမြင်မဝါးသေးပါဘူး။ အချိန်ကြာလာတာနဲ့အမျှ ပိုပြီးဝါးလာမှာပါ။ ကြည့်မရအောင်ဝါးနေပြီဆိုရင်တော့ ခွဲစိတ်မှုလုပ်ဖို့လိုပါမယ်။ ဘာကြောင့် အတွင်းတိမ် ဖြစ်တာလဲ။ အသက်ကြီးလို့ပဲဖြစ်ဖြစ်၊ ထိခိုက်ဒဏ်ရာရလို့ပဲဖြစ်ဖြစ် မျက်လုံးမှန်ဘီလူးရဲ့  တစ်ရှူးတွေက ပျက်စီးလာပါတယ်။ တချို့သော မျိုးဗီဇဆိုင်ရာပြဿနာတွေကလည်း အတွင်းတိမ် ဖြစ်နိုင်ချေကို မြင့်စေပါတယ်။ အရင်က မျက်လုံးခွဲစိတ်မှုလုပ်ဖူးတာ၊ ဆီးချိုရောဂါရှိတာ၊ စတီးရွိုက်တွေကို ရေရှည်သုံးတာကလည်း အတွင်းတိမ်ကို ပိုဖြစ်စေပါတယ်။ အသက်ကြီးလာတာနဲ့အမျှ မျက်လုံးမှန်ဘီလူးက ပိုမာလာတယ်၊ ပိုထူလာတယ်၊ ပိုမှုန်လာပါတယ်။ အသက်ကြီးလာလို့ပဲဖြစ်ဖြစ်၊ တခြားရောဂါတစ်ခုခုရှိလို့ပဲဖြစ်ဖြစ် မှန်ဘီလူးမှာရှိတဲ့ တစ်ရှူးတွေပျက်စီးပြီး မှန်ဘီလူးမှာ တိမ်ထူသလိုဖြစ်ပါတယ်။ ဒီအတိုင်း ဆက်ဖြစ်မယ်ဆိုရင် တိမ်ထူသလိုဖြစ်တာက […]

ရေတိမ် ဆိုတာ မျက်လုံးထဲမှာရှိတဲ့ အာရုံကြောကို ထိခိုက်စေတဲ့ ရောဂါအခြေအနေတစ်မျိုးပါ။ မျက်လုံးထဲမှာ အကြောင်းတစ်စုံတစ်ရာကြောင့် ဖိအားများလာတဲ့အခါ အာရုံကြောကို ဖိမိပြီး ပျက်စီးတတ်ပါတယ်။ သိပ်ပြင်းထန်လွန်းရင် အမြင်အာရုံလုံးဝဆုံးရှုံးတာမျိုးလည်းဖြစ်နိုင်ပါတယ်။ ရေတိမ်ရှိတဲ့သူတော်တော်များများဟာ နာတာ၊ တခြားလက္ခဏာခံစားရတာမျိုးမရှိပါဘူး။ တဖြည်းဖြည်းချင်း ပိုဆိုးလာပြီး နောက်ဆုံးအမြင်အာရုံလုံးဝကွယ်သွားတာပါ။ ဒီလိုကွယ်သွားပြီးရင် ပြန်မကောင်းလာနိုင်တဲ့အတွက် စောစောသိ စောစောကုနိုင်ဖို့လိုပါတယ်။ ဘာလို့ ရေတိမ် ဖြစ်တာလဲ။ ရေတိမ်ဆိုတာ မျက်လုံးအာရုံကြောပျက်စီးရာကနေဖြစ်လာတာပါ။ အာရုံကြောက တဖြည်းဖြည်းပျက်စီးလာတဲ့အတွက် အမြင်အာရုံထိခိုက်လာပါတယ်။ ဘာကြောင့်လဲဆိုတာ အတိအကျမပြောနိုင်ပေမယ့် ဒီလိုအာရုံကြောပျက်စီးတာက မျက်လုံးထဲမှာ ဖိအားများလာတာနဲ့ ဆက်စပ်နေပါတယ်။ ဒီလိုဖိအားများလာရတာကတော့ မျက်လုံးထဲမှာရှိတဲ့ အရည်ကြည်တွေ များလာလို့ပါပဲ။ ပုံမှန်ဆိုရင် ဒီအရည်တွေက မျက်ကြည်လွှာနဲ့ မျက်ဆံကြားမှာရှိတဲ့ တောင့်ကနေ ထွက်သွားတာပါ။ အရည်ထုတ်တာများရင်ပဲဖြစ်ဖြစ်၊ အရည်ထွက်သွားတဲ့နေရာက ကောင်းကောင်းအလုပ်မလုပ်ရင်ပဲဖြစ်ဖြစ် အရည်တွေစုလာပြီး မျက်လုံးထဲက ဖိအားတွေများလာပါတယ်။ ရေတိမ်က မျိုးရိုးလိုက်တတ်ပါတယ်တဲ့။ တချို့မျိုးဗီဇတွေက မျက်လုံးတွင်းဖိအားများတာ၊ မျက်လုံးအာရုံကြောပျက်စီးတာနဲ့ […]

လှပတဲ့ ရှုခင်းလေးတွေ နဲ့ ချစ်ခင်ရသူတွေကို အချိန်တိုင်း ကြည်ကြည်လင်လင်နဲ့ မြင်ချင်တဲ့ ဆန္ဒရှိလား။ ဒါဆိုရင်တော့ မျက်လုံး ကျန်းမာရေးကို ဂရုစိုက်ဖို့ မဖြစ်မနေလိုမှာပါ။ မျက်လုံး တွေက ခန္ဓာကိုယ်ရဲ့ အရေးပါတဲ့အစိတ်အပိုင်းပါ။ မျက်လုံး ကျန်းမာရေးက ခန္ဓာကိုယ် ကျန်းမာရေးအပေါ်ကို အများကြီး သက်ရောက်မှုရှိနေနိုင်ပါတယ်။ ဒါကြောင့် လှပတဲ့ အခိုက်အတန့်တိုင်းကို အကောင်းဆုံး ခံစားနိုင်ဖို့ဆိုရင် မျက်လုံး ကျန်းမာရေးကို သေချာလေး ဂရုစိုက်ဖို့ လိုပါမယ်။ နေ့စဉ်လုပ်ဆောင်မှုတွေကြောင့် မျက်လုံး ကိုမထိခိုက်စေဖို့ တစ်ခါတလေ ကိုယ်တောင်မသိလိုက်ဘဲ လုပ်မိလိုက်တဲ့ အပြုအမူတွေက မျက်လုံးကို ထိခိုက်စေနိုင်ပါတယ်။ ဒါကြောင့် မျက်လုံးထိခိုက်မှု ကင်းစေဖို့ဆိုရင် ဒီအချက်လေးတွေကို သေချာလေး ဂရုစိုက်ဖို့လိုပါမယ်။ နေပူထဲသွားရင် နေကာမျက်မှန်ဝတ်ပါ နေရောင်မှာပါတဲ့ ခရမ်းလွန်ရောင်ခြည်တွေက မျက်လုံးကို ထိခိုက်စေနိုင်ပါတယ်။ နေ့စည် ခရမ်းလွန်ရောင်ခြည်တွေနဲ့ ထိတွေ့မှုက အချိန်ကြာလာတဲ့ အခါ […]

ကျန်းမာပျော်ရွှင်စွာအသက်ကြီးချင်လား.... အသက်ကြီးတဲ့အထိ မျက်လုံးကောင်းကောင်းလေးနဲ့ အလှအပတရားတွေကို ခံစားချင်တယ်ဟုတ်။ ဒါဆိုရင်တော့ အခုကတည်းက အစားကို ဂရုစိုက်လို့ အမြင်အာရုံ ကို ဂရုစိုက်ဖို့ ပြောပါရစေနော်။ ဒီလိုပြောရတဲ့အကြောင်းလေးကို ဒီဆောင်းပါးလေးထဲမှာ ဖတ်ကြည့်လိုက်ပါ။ ဆယ်စုနှစ် ၂ စုကြာလေ့လာမှု ရလဒ် ဆယ်စုနှစ် ၂ စုကြာလေ့လာမှုတစ်ရပ်ရဲ့ ရလဒ်အရသိလိုက်ရတာက ငယ်စဉ်မှာ ကျန်းမာရေးနဲ့မညီညွတ်တဲ့ စားသောက်မှုပုံစံ ကို ပိုင်ဆိုင်ထားသူတွေက အသက်ကြီးလာတဲ့အခါ အမြင်အာရုံ ဆုံးရှုံးနိုင်တယ်လို့ တွေ့ရှိခဲ့ရပါတယ်။  ဒါဆို မျက်လုံးလေး ကျန်းမာစေဖို့ဘာတွေများစားလို့ ဘာတွေများရှောင်ရမလဲလို့ မေးစရာရှိလာပြီလား...... လေ့လာမှုတော်တော်များများမှာတွေ့ရှိခဲ့ရတာက အနီရောင်အသားအစားများတာ၊ ဆီကြော်မုန့်တွေစားတာ၊ အဆီများတဲ့ နို့ထွက်ပစ္စည်းတွေစားသုံးတာ၊ သန့်စင်ထားတဲ့ ​ကောက်နှံတွေကို စားသုံးတာက နှလုံးကျန်းမာရေးကို ထိခိုက်စေနိုင်သလို ကင်ဆာဖြစ်နိုင်ခြေများစေတယ်၊ လို့ပဲ တွေ့ရှိခဲ့တာပါ။ တော်တော်များများ သတိမထားမိလိုက်တာက ကျန်းမာရေးနဲ့ မညီတဲ့ စားသုံးမှုက နှလုံးရောဂါ နဲ့ […]

မျက်စိ ဆိုတာ ခန္ဓာကိုယ်ရဲ့ အရေးကြီးဆုံးအစိတ်အပိုင်းတွေထဲမှာ ပါဝင်ပါတယ်။ အမြင်အာရုံမကောင်းရင် လူရဲ့လုပ်ဆောင်နိုင်စွမ်းကျဆင်းရသလို ထိခိုက်မှုအန္တရာယ်တွေလည်း မကာကွယ်နိုင်တော့ပါဘူး။ ဒါ့ကြောင့် အမြင်အာရုံအတွက် လိုအပ်တဲ့ဗီတာမင်တွေအလုံအလောက်ရဖို့က ဘယ်အသက်အရွယ်မှာပဲဖြစ်ဖြစ် အရေးကြီးပါတယ်။ မျက်စိနဲ့အမြင်အာရုံအတွက် အရေးကြီးတဲ့ ဗီတာမင်နဲ့အာဟာရဓာတ်တွေကတော့ - ဗီတာမင် C ဗီတာမင် C ဟာ ကျန်းမာရေးအတွက် ဘက်ပေါင်းစုံက အရေးပါတဲ့အရင်းအမြစ်တစ်ခုဖြစ်ပါတယ်။ လိမ္မော်သီး၊ ကီဝီ ၊စတော်ဘယ်ရီလို သီးနှံတွေနဲ့ ပန်းဂေါ်ဖီစိမ်း၊ ငရုတ်သီး စတဲ့ ဟင်းသီးဟင်းရွက်တွေမှာပါဝင်လေ့ရှိပါတယ်။ ဓာတ်တိုးဆန့်ကျင်ဂုဏ်သတ္တိတွေအပြင် မျက်စိအတွင်းတိမ်မဖြစ်စေဖို့ကာကွယ်ပေးနိုင်တယ်၊ အသက်အရွယ်ကြောင့် အမြင်အာရုံချို့ယွင်းမှုအတွက် လိုအပ်တဲ့ ဗီတာမင်ဓာတ်တွေကို ထောက်ပံ့ပေးနိုင်ပါတယ်။ ဗီတာမင် E ဗီတာမင် E ကလည်း ဓာတ်တိုးဆန့်ကျင်ပစ္စည်းတစ်ခုလို လုပ်ဆောင်ပေးပြီး မျက်စိအတွင်းတိမ်ဖြစ်ခြင်းနဲ့ အသက်အရွယ်ကြောင့် မျက်စိမှုန်ခြင်းကို ကာကွယ်ပေးပါတယ်။ ဗီတာမင် E ကို ဗာဒံစေ့၊ မြေပဲ၊ နေကြာစေ့ တို့လို အစေ့အဆန်တွေကနေ […]

မျက်စိ ပါဝါနဲ့ ဆလင်ဒါ ဆိုတာ မျက်စိစမ်းသပ်တဲ့အခါတိုင်း မျက်စိဆရာဝန်ဆီက ကြားရလေ့ရှိတဲ့ အသုံးအနှုန်းတွေပါ။ ပါဝါ ဘယ်လောက်ရှိတယ်၊ ဆလင်ဒါရှိတယ် ဆိုတာတွေကို မျက်မှန်လုပ်ဖို့အတွက်လောက်ပဲ သိထားကြပါတယ်။ တချို့ဆို စစ်ဆေးချက်ကိုတောင် မကြည့်ဘဲ မျက်မှန်ဆိုင်ကို စာရွက်ထိုးပြပြီး အပ်လိုက်တာပဲ။ မျက်စိပါဝါဆိုတာ အနီးမှုန်နဲ့ အဝေးမှုန်ကို တိုင်းတာတဲ့ရလဒ်ဖြစ်ပြီး မျက်စိစမ်းသပ်တဲ့အခါ Sphereလို့ဖော်ပြပါတယ်။မျက်စိပါဝါကို diopters (D) unit နဲ့တိုင်းပါတယ်။ Sphere မှာ (+) လက္ခဏာ သို့မဟုတ် ဘာလက္ခဏာမှမပါဘဲ ဆိုရင် အနီးမှုန်(farsighted) ပါဝါကိုဖော်ပြပြီး (-) နဲ့ဆိုရင် အဝေးမှုန်(nearsighted) ပါဝါဖြစ်ပါတယ်။ Hyperopia လို့ ခေါ်ကြတဲ့Farsighted (အနီးမှုန်ခြင်း) ဆိုတာ အဝေးက ပစ္စည်းတွေကို ကွဲပြားစွာ မြင်နိုင်ပေမယ့် အနီးကပစ္စည်းတွေ မမြင်နိုင်ခြင်းကို ဆိုလိုပါတယ်။ အနီးမှုန်ခြင်းက အာရုံစူးစိုက်မှုကို […]