home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ဆီးချိုဝေဒနာရှင်တွေအတွက် အန္တရာယ်ကင်းတဲ့ ပန်းကန်တစ်ချပ်

ဆီးချိုဝေဒနာရှင်တွေအတွက် အန္တရာယ်ကင်းတဲ့ ပန်းကန်တစ်ချပ်

ဆီးချိုဝေဒနာရှင်တွေအတွက် စားလိုက်တဲ့ ထမင်းလုပ်တိုင်းဟာ ကျန်းမာရေးကို အထောက်အကူ ပြုစေဖို့အတွက် ‘ပန်ကန်ပြားအချိန်အဆနည်းလမ်း’လေးကို ဝေမျှပေးချင်ပါတယ်။ ဒီနည်းလမ်းဟာ ဆီးချို တက်မလာစေဖို့ အကောင်းဆုံး ထိန်းသိမ်းပေးနိုင်တဲ့ လွယ်လွယ်ကူကူ နည်းလမ်းလေးပါပဲ။

ကျန်းမာတဲ့အစားအစာတွေကို များများပိုစားလာနိုင်ပြီး အန္တရာယ်ရှိတဲ့ အစားအစာတွေကို ရှောင်ကြဉ်မိဖို့ ဒီနည်းလမ်းက အကူအညီပေးမှာပါ။ ဒါ့အပြင် အာဟာရလည်းပြည့်ဝစေပြီး အရသာရှိတဲ့အပြင် စိတ်ကျေနပ်မှုကိုလည်း အပြည့်အဝရစေနိုင်ပါတယ်။

ဒီနည်းလမ်းဟာ ဆီးချိုကို အဓိကတက်စေနိုင်တဲ့ ကစီဓာတ်နဲ့ ကာဘိုဟိုက်ဒရိတ်ပါတဲ့ အစားအစာတွေကို အတတ်နိုင်ဆုံး မစားမိအောင် ထိန်းချုပ်ထားတာပါ။ ကစီဓာတ်မပါဝင်တဲ့ ဟင်းသီးဟင်းရွက်တွေကို ပိုမိုစားလာမိတဲ့အခါ ကယ်လိုရီနည်းသွားပြီး ဗီတာမင်၊ သတ္တုဓာတ်တွေ အမျှင်ဓာတ်တွေ ပြည့်ဝလာမှာဖြစ်ပါတယ်။ အသားဓာတ်ကိုလည်း လုံလုံလောက်လောက် ရရှိစေနိုင်ပါသေးတယ်။

ဒီလိုအချိန်အဆနည်းလမ်းဟာ ဆီးချိုသမားတွေအတွက်တင်မဟုတ်ပါဘူး ကိုယ်အလေးချိန် ကျဆင်းချင်သူတွေ၊ ထိန်းသိမ်းချင်သူတွေ၊ အာဟာရကောင်းကောင်းရရှိချင်သူတွေ၊ ကျန်းမာတဲ့ အစား အစာ Healthy Diet ကိုမှ စားချင်သူတွေနဲ့ သွေးတွင်းသကြားဓာတ်ကို ထိန်းသိမ်းချင်သူအတွက်လည်း အထောက်အကူဖြစ်စေနိုင်ပါသေးတယ်။

ဒါ့အပြင် ဆီးချိုဖြစ်ဖို့ အလားအလာရှိသူတွေအတွက်လည်း မဖြစ်မနေ ပြုလုပ်သင့်တဲ့ အစားအသောက် အစီအစဉ် နည်းလမ်းပါပဲ။

ကဲ၊ ထမင်းပန်းကန်ကို ဘယ်လိုအချိန်အဆတွေနဲ့ ပြင်ဆင်ကြမလဲ

ပန်းကန်အရွယ်အစား

ဒီနည်းလမ်းကို စတင်အသုံးပြုတဲ့အချိန်မှာ အချင်းဝက် (၉)လက်မရှိတဲ့ ပန်းကန်ပြားနဲ့ စတင်ရမှာ ဖြစ်ပါတယ်။

ပန်းကန်ပြားအရွယ်အစားကို ရွေးချယ်တဲ့အပိုင်းဟာလည်း အရေးကြီးလှပါတယ်။ အပိုင်းတိုင်း၊ အပိုင်းတိုင်းမှာ အစားအစာကို ပုံပြီး ပြွတ်သိပ်မထည့်ပါနဲ့။ ပန်းကန်အကြီးကြီးလည်း မရွေးသင့်ပါ။ ကယ်လိုရီ များသွားမှာ စိုးရိမ်ရပါတယ်။

ပန်းကန်ပြားကို စဖြည့်ပါပြီ။

ပန်းကန်ပြားတစ်ခုလုံးရဲ့ တစ်ဝက်ကို ကစီဓာတ်လုံးဝ မပါတဲ့ အသီးအနှံ၊ ဟင်းသီးဟင်းရွက် တွေနဲ့ပဲ ဖြည့်ပါ။ (ဥပမာ၊ ပန်းမုန်လာ၊ ဂေါ်ဖီထုပ်၊ မုန်လာဥနီ၊ ပန်းပွင့် (ပန်းဂေါ်ဖီ)၊ ပဲစိမ်းတောင့် နဲ့ ဆလပ ရွက်၊ ဘူးသီးစတဲ့ အသီးအနှံတွေပါ။)

ပန်းကန်ပြားရဲ့ လေးပုံတစ်ပုံ (တစ်နည်းအားဖြင့်) ကျန်ရှိနေတဲ့ တစ်ဝက်ရဲ့ တစ်ဝက်ကိုတော့ သီးနှံအစေ့ (သို့) ကစီဓာတ်ပါတဲ့ အစားအစာတွေ (ဥပမာ ဆန်လုံးညို၊ ပန်းအစိမ်းအလုံး၊ အာလူး၊ ဂျုံ ပေါင်မုန့်၊ ပဲသီး၊ နှံစားပြောင်း) စတာတွေနဲ့ ဖြည့်လိုက်ပါ။ ဒီအစားအစာတွေဟာ ကစီဓာတ်ရော အသားဓာတ်၊ အမျှင်ဓာတ်တွေရော ပါဝင်ပါတယ်။

နောက်ဆုံး ကျန်တဲ့ လေးပုံတစ်ပုံဟာတော့ အသားတွေအတွက်ပါ။ အသားဓာတ်တွေအပြည့် ပါတဲ့ ငါး၊ ကြက်သား၊ ကြက်ဥ၊ အမဲသား၊ ဝက်သားနဲ့ ပဲပိစပ်၊ တို့ဟူးစတာတွေနဲ့ ဖြည့်တင်းပါ။

အရံဟင်းလျာ (သို့မဟုတ်)အချိုတည်းစရာကိုတော့ ပန်းသီးလို အသီးမျိုးတွေ ဒါမှမဟုတ် နို့ထွက် ပစ္စည်းဖြစ်ပြီး အဆီဓာတ်အနည်းငယ်သာ ပါဝင်တဲ့ ဒိန်ချဉ်မျိုးနဲ့ ဖြည့်တင်းလို့ရပါတယ်။

ဟင်းချက်တဲ့အခါမှာ ဆီကလည်း မပါမဖြစ် ဆိုတဲ့အတွက် ကျန်းမာရေးနဲ့ ညီညွတ်တဲ့ဆီတွေကိုသာသုံးပါ။ (ဥပမာ-သံလွင်ဆီ)

ဤနည်းအားဖြင့် ကျန်းမာရေးနဲ့ ညီညွတ်ပြီး သွေးတွင်းသကြားဓာတ်ကို ထိန်းသိမ်းပေး နိုင်တဲ့ နေ့လယ်စာ (သို့) ညစာတစ်ပန်းကန်ရရှိနိုင်ပါပြီ။ သိပ်မခက်ခဲဘဲ အချိန်မရွေး ပြင်ဆင်နိုင်တဲ့ အလွန် ထိရောက်လွယ်ကူလှတဲ့ နည်းလမ်းကောင်းပါ။ ဆီးချိုသမားတွေ သုံးကြဖို့ တိုက်တွန်းလိုက်ရပါတယ်။

ရေးသားသူ-ဒေါက်တာမှူးခင်

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Thiha Phyo Myint မှ ရေးသားသည်။ 27/06/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။