ရင်သားကင်ဆာ က သားအိမ်ခေါင်းကင်ဆာလိုမျိုး ကာကွယ်ဆေးထိုးပြီး ကာကွယ်လို့မရပါဘူး။ ဒါပေမယ့် စောစောသိအောင်တော့ စစ်ဆေးလို့ရပါတယ်။ အရွယ်ရောက်ပြီးသား အမျိုးသမီးတွေက တစ်လတစ်ခါလောက် ကိုယ့်ရင်သားကို စစ်ဆေးသင့်ပါတယ်။ ၄၀ရာခိုင်နှုန်းသော ရင်သားကင်ဆာတွေက အမျိုးသမီးတွေ ကိုယ့်ဟာကိုယ်စစ်ဆေးရာက သိလာတာပါ။ ဒါကြောင့် ရင်သားကင်ဆာ တူတူစစ်ဆေး ကြည့်ရအောင်။
ဒါဆို ရင်သားဓာတ်မှန်ကရော။ ရင်သားဓာတ်မှန်က အလုံးအကျိတ်ကိုမစမ်းမိခင်မှာဘဲ ကင်ဆာကို ရှာဖွေနိုင်ကြောင့် ပိုကောင်းပါတယ်။ ဒါပေမယ့် ရင်သားဓာတ်မှန်ကို မရိုက်ဖြစ်တဲ့သူတွေအတွက် ရင်သားကို ကိုယ်တိုင်ပုံမှန်စစ်ဆေးတာက မိမိရင်သားရဲ့ အနေအထားကိုပိုပြီးသိစေပါတယ်။ တစ်ခုခုပြောင်းလဲတာကို အချိန်မီသိနိုင်ပါတယ်။
အကျိတ်စမ်းမိရင် ဘယ်လိုလုပ်မလဲ။
မတော်တဆအကျိတ်စမ်းမိရင်လည်း မလန့်ပါနဲ့။ စမ်းမိတဲ့ အကျိတ်၁၀လုံးမှာ ၈လုံးက အန္တရာယ်မရှိတဲ့အကြိတ်ပါ။ ရာသီလာခါနီးစမ်းရင်လည်း ဟော်မုန်းကြောင့် ရင်သားတွေတင်းနေလို့ အကျိတ်လိုလိုစမ်းမိတတ်ပါတယ်။ ဒါကြောင့် ရာသီလာခါနီးနဲ့ လာနေချိန်မှာ မစမ်းပါနဲ့။
ကင်ဆာမရှိတာကို ရင်သားကို ကိုယ်တိုင်စမ်းကြည့်ရုံနဲ့ လုံလောက်ပါ့မလား။
ရင်သားဓာတ်မှန် (Mammogram)က အကျိတ်ကိုမစမ်းမိခင်မှာဘဲ ရှာဖွေပေးနိုင်ပါတယ်။ ရင်သားဓာတ်မှန်ကတော့ အကောင်းဆုံးပါ။ ပုံမှန်ရိုက်ဖို့ အကြံပြုပါတယ်။ ဒါပေမယ့် ရင်သားဓာတ်မှန်ကို ပုံမှန်မစစ်ဆေးနိုင်တဲ့သူတွေမှာ ကိုယ်တိုင်စစ်ဆေးတဲ့နည်းလမ်းကလည်း မဆိုးလှပါဘူး။ ကိုယ့်ရင်သားရဲ့ ပုံမှန်အခြေအနေကို သိထားတဲ့အတွက် တစ်ခုခုပြောင်းလဲတာရှိရင် ချက်ချင်းတန်းသိမှာပါ။
ရင်သားကင်ဆာက စောစောသိလေလေ သေချာကုသလို့ ရလေလေပါပဲ။ စောစောသိဖို့အတွက် ရင်သားဓာတ်မှန်ကို ပုံမှန်ရိုက်ဖို့လိုပါတယ်။ ဒီလိုမရိုက်နိုင်ဘူးဆိုရင်လည်း ကိုယ့်ကိုယ်ကို တစ်လတစ်ခါလောက် စမ်းသပ်ပေးဖို့လိုပါတယ်။ အကျိတ်တစ်ခုခုစမ်းမိရင်လည်း မကြောက်ပါနဲ့။ ဆရာဝန်နဲ့ပြသပြီး လိုအပ်တဲ့ကုသမှုခံယူပါ။ စောစောသိဖို့ကသာ အရေးကြီးတာပါ။