home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ရင်သားကင်ဆာ မဖြစ်စေဖို့ အမူအကျင့်လေးတွေဂရုစိုက်ကြမယ်

ရင်သားကင်ဆာ မဖြစ်စေဖို့ အမူအကျင့်လေးတွေဂရုစိုက်ကြမယ်

ရင်သားကင်ဆာဆိုတာ မျိုးဗီဇကြောင့်ဖြစ်ရတာကလွဲလို့ ကြိုတင်ကာကွယ်လို့ရတဲ့ရောဂါဖြစ်ပါတယ်။ ကိုယ့်မိသားစုမှာ မျိုးရိုးရှိတယ်ဆိုရင်တောင် အပြုအမူ၊ နေထိုင်မှုပုံစံတွေကိုဂရုစိုက်ပြီး ဖြစ်နိုင်ခြေကိုလျှော့ချနိုင်ပါတယ်။ ခက်ခဲတဲ့အရာမဟုတ်ပါဘူးနော်၊ နေ့စဉ်လုပ်နေကျအမူအကျင့်တွေနဲ့သက်ဆိုင်ပါတယ်။ အရင်ဆုံး –

အစားအသောက်ကို ဟန်ချက်ညှိပါ

အစားအသောက်ကြောင့် ဒီရောဂါကိုဘယ်လိုသက်ရောက်မှုရှိနေလဲဆိုတာကို သုတေသနပညာရှင်တွေက လေ့လာနေဆဲဖြစ်ပေမယ့် အစားအသောက်ကိုချင့်ချိန်ဆင်ခြင်မယ်ဆို ဖြစ်နိုင်ခြေနည်းစေမှာတော့အမှန်ပါပဲ။ အသီးအရွက်၊ သစ်သီးတွေ၊ ပဲနဲ့ ပြောင်းနှံတွေကို အဓိကထားစားသုံးဖို့လိုပါတယ်။ အသား သို့မဟုတ် ငါးလည်း ထိုက်သင့်သလောက်ပါရမယ်ဆိုပေမယ့် အသီးအရွက်တွေ၊ သစ်သီးတွေနဲ့ တစ်နေ့တာကို ဝန်းရံဖို့လိုပါတယ်။ ပြင်ပအစားအစာတွေ၊ အသင့်အမြန်စားတွေကိုတတ်နိုင်သလောက်လျှော့ပါ။

အယ်လ်ကိုဟော သတိပြုပါ

လေ့လာမှုတွေအရ ဝိုင်၊ ဘီယာ ဒါမှမဟုတ် အရက်တစ်ခုခုကို တစ်နေ့ နှစ်ခွက်၊ သုံးခွက်သောက်တဲ့ အမျိုးသမီးတစ်ယောက်ဟာ အယ်လ်ကိုဟောမသောက်တဲ့သူတွေထက် ရင်သားကင်ဆာဖြစ်နိုင်ခြေ ၂၀ ရာခိုင်နှုန်းပိုများပါတယ်။ လုံးဝမရှောင်နိုင်ရင်တောင် တစ်နေ့ကို တစ်ခွက်ထက်ပိုမသောက်သင့်ပါဘူးလို့ ပညာရှင်တွေကသတိပေးပါတယ်။ မဟုတ်ရင် တဖြည်းဖြည်းနဲ့ ရင်သားကင်ဆာဖြစ်နိုင်ခြေကိုတိုးစေနိုင်ပါလိမ့်မယ်။

ကိုယ်လက်လေ့ကျင့်ခန်းလုပ်ပါ

ပုံမှန်လေ့ကျင့်ခန်းလုပ်တာက ရင်သားကင်ဆာဖြစ်နိုင်ခြေကိုလျော့နည်းစေနိုင်ပါတယ်။ သိပ်အကြမ်းမဟုတ်တဲ့ တော်တန်ရုံကိုယ်လက်လှုပ်ရှားလေ့ကျင့်ခန်းလေးတွေကို တစ်နေ့ ၁၀ မိနစ်၊ မိနစ်၂၀ လောက်နဲ့ လုပ်သင့်ပါတယ်။ ကိုယ်လက်လှုပ်ရှားမှုမရှိတဲ့သူတွေဆို ဒီရောဂါဖြစ်နိုင်ခြေပိုများပါတယ်။

ကိုယ်အလေးချိန်ကို မေ့မထားပါနဲ့

ကျန်းမာတဲ့ကိုယ်အလေးချိန်ကိုထိန်းထားမယ်ဆိုရင် ရင်သားကင်ဆာဖြစ်နိုင်ခြေနည်းစေနိုင်ပါတယ်။ ကိုယ်အလေးချိန်များတဲ့သူတွေ ဒါမှမဟုတ် အဝလွန်သူတွေမှာ ဖြစ်နိုင်တဲ့အန္တရာယ်ပိုများပါတယ်။ သွေးဆုံးထားတဲ့အမျိုးသမီးတွေအတွက် ဒီအချက်ကပိုအရေးကြီးပါလိမ့်မယ်။

အမျှင်ဓါတ်များတာပိုစားပါ

အမျင်ဓါတ်က ဂျုံကြမ်း၊ အသီးအရွက်၊ အသီးအနှံနဲ့ ပဲအမျိုးမျိုး မှာပါဝင်တတ်ပါတယ်။ အမျှင်ဓါတ်များများစားတဲ့မိန်းကလေးတွေမှာ ရင်သားကင်ဆာဖြစ်နိုင်ခြေပိုနည်းတယ်လို့ သုတေသနအများကြီးရှိပါတယ်။ အမျှင်ဓါတ်ကြွယ်ဝတဲ့အစားအစာတွေကြောင့် ဆီးချိုနဲ့နှလုံးရောတွေကိုတောင် ကာကွယ်ပြီးသားဖြစ်စေပါတယ်။

ဗီတာမင် ဒီ ရရဲ့လား

အရေပြားကို နေရောင်ခြည်ထိတွေ့တဲ့အခါ ခန္ဓါကိုယ်ထဲမှာ ဗီတာမင်ဒီဖြစ်ပေါ်လာပါတယ်။ ဗီတာမင် ဒီကို ဆယ်လ်မွန်ငါး၊ ကမာ၊ ဆာဒင်းငါးနဲ့ ဖြည့်စွက်နို့တွေကနေလည်း ရရှိနိုင်ပါတယ်။ ဒီဓါတ်ကို လုံလောက်အောင်မရနိုင်ဘူးဆိုရင် ရင်သားကင်ဆာအန္တရာယ်ကပိုများလာနိုင်ပါတယ်။

လေ့လာပါ

ရင်သားကင်ဆာနဲ့ပတ်သက်တဲ့ ဗဟုသုတတွေကို လေ့လာပါ၊ ဖတ်ရှုပါ၊ မှတ်သားပါ။ အယူအဆမှားတွေလား၊ အမှန်တကယ်သတိထားသင့်တာလားဆိုတာ ကိုယ်တိုင်ဆုံးဖြတ်ပါ။ ကိုယ့်ရင်သားကို အမြဲစစ်ဆေးစမ်းသပ်ပါ။ မသေချာရင် ကျန်းမာရေးစစ်ဆေးမှုကို ခံယူဖို့ မနှေးပါနဲ့။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 5 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။