ကျောက်ကပ်ရောဂါများ

ကိုယ်ချစ်ရတဲ့ သူတစ်ယောက်ယောက်ရဲ့ ေကျာက်ကပ် မကောင်းတော့ဘူး။ အလုပ်မလုပ်တော့ဘူး ပျက်စီးနေပြီ စတဲ့ သတင်းဆိုး ကြားလိုက်ရတဲ့အချိန် စိတ်မကောင်းဖြစ်ကြမယ့် သူချည်းပါပဲ။ တကယ်လို့ အဲလို ကျောက်ကပ်ပျက်စီးနေတဲ့သူက ကိုယ့်မိဘတွေဖြစ်နေမယ်ဆိုရင် ပိုဆိုးတာပေါ့။ ဒါပေမယ့် အဆိုးချည်းပဲ တော့မဟုတ်ပါဘူး။ မိဘတွေဖြစ်နေတော့ သားသမီးဖြစ်တဲ့ကိုယ်တွေက ကျောက်ကပ်လှူနိုင်ဖို့ အခွင့်အရေးရှိသေးတာပေါ့။ ဒါကလည်း မိဘကျေးဇူးကို ဆပ်ခြင်းတစ်မျိုးပဲလေ။ ဒီတော့ အခြား အလှူရှင်တွေကို မရှာချင်ဘူး။ လူရင်းဖြစ်တဲ့ ကိုယ်ကပဲ ကျောက်ကပ်လှူမယ်လို့ ဆုံးဖြတ်ထားပြီးပြီဆိုရင် ပြင်ဆင်စရာရှိတာတွေ ဆင်ခြင်သင့်တာတွေက အရေးကြီးလာပါပြီ။ လှူမယ်ဆိုပြီး ကျောက်ကပ်ထုတ်ပေးလိုက်ရုံနဲ့ မပြီးသေးဘူးလေ။ ခွဲစိတ်မှုတစ်ခု လုပ်ရမှာဆိုတော့ ခုပြောမယ့် အချက်လေးတွေ သိထားဖို့လိုလာပြီပေါ့ ။ ကျောက်ကပ်လှူမယ်လို့ စဉ်းစားထားရင် ဒါလေးတွေ သိထားဖို့လိုပါတယ်။ အလှူရှင်တွေအတွက် အဓိကကတော့ ကျောက်ကပ်ရောဂါတစ်ခါမှ မဖြစ်ဖူးတဲ့သူမျိုး ဖြစ်ရပါမယ်။ နောက်ပြီး အချိန်ကြာလတာနဲ့ […]

ခန္ဓာကိုယ်က အစိတ်အပိုင်းတွေ အားလုံးကျန်းမာနေမှ နေ့ရက်တိုင်းမှာ ကျန်းမာပျော်ရွှင်စွာလှုပ်ရှားနိုင်မှာပါ။ အစိတ်အပိုင်းတိုင်းက သူ့အခန်းကဏ္ဍကို အကောင်းဆုံး ထမ်းဆောင်နေလို့သာ စိတ်သွားတိုင်း ကိုယ်ပါနေရတာပါ။ တကယ်လို့များ ခန္ဓာကိုယ် အစိတ်အပိုင်းတစ်ခုခုက အလုပ်တွေကို ကောင်းကောင်းမလုပ်နိုင်တော့တဲ့အခါ နာမကျန်းဖြစ်မှုတွေက စလာတော့မှာပါ။ ဒီတစ်ခေါက်တော့ ခန္ဓာကိုယ်ရဲ့ အဆိပ်အတောက်တွေကို ဖယ်ရှားပေးနေတဲ့ ကျောက်ကပ်လေးကျန်းမာနေစေဖို့ ဘာတွေကို ဂရုစိုက်ရမလဲဆိုတာကို ပြောပြပေးချင်ပါတယ်။ ကျောက်ကပ် ကျောက်ကပ်ဆိုတာ ကျောဘက်နံရိုးတွေရဲ့ အောက်ဘက်နားမှာရှိတဲ့ လက်သီးဆုပ်အရွယ် ကိုယ်တွင်းအင်္ဂါ အစိတ်အပိုင်းပါ။ ကျောရိုးရဲ့ တစ်ဖက်တစ်ချက်ဆီမှာရှိကြပါတယ်။ကျောက်ကပ်က ခန္ဓာကိုယ်ရဲ့ အလုပ်အများဆုံး အစိတ်အပိုင်းတစ်ခုဆိုလည်း မမှားပါဘူး။ ကျောက်ကပ်ရဲ့ အဓိကတာဝန်က ခန္ဓာကိုယ်တွင်းက အညစ်အကြေးတွေကို စစ်ထုတ်ပေးတာပါ။ သွေးတွင်းက အညစ်အကြေးတွေကိုလည်း သန့်စင်ပေးပါတယ်။ စစ်ထုတ်လိုက်တဲ့ အညစ်အကြေးတွေကို ဆီးအိမ်ထဲမှာ သိမ်းထားပြီး ဆီးအဖြစ်နဲ့ ခန္ဓာကိုယ်ပြင်ပကို စွန့်ထုတ်ပေးပါတယ်။ ဒါတွေအပြင် ကျောက်ကပ်က ကိုယ်တွင်း pH ပမာဏနဲ့ […]

ပုံမှန်ကျန်းမာရေးစစ်ဆေးတဲ့လူတွေကလွဲလို့ တော်ရုံဆို ကိုယ့်မှာ ကျောက်ကပ်ရောဂါရှိနေတာကို မသိတဲ့သူများပါတယ်။ သိပြီဆိုလည်း ဆေးခန်းပြမှ လက္ခဏာတော်တော်ပြနေပြီ၊ဝေဒနာတော်တော်ဆိုးနေပြီဆိုတာချည်းပဲ။ ဘာလို့လဲဆိုတော့ရောဂါလက္ခဏာတွေဖြစ်နေလည်း လူတွေကကျောက်ကပ်လို့မထင်ဘဲ တခြားအကြောင်းရင်းတွေနဲ့ရောထွေးကြလို့ပါပဲ။နောက်ပြီး တချို့ကျောက်ကပ်ဝေဒနာရှင်တွေမှာရောဂါရင့်တဲ့အဆင့်အထိ လက္ခဏာမပြဘဲရှိတတ်တယ်၊ နာတာရှည်ကျောက်ကပ်ရောဂါရှိတဲ့သူတွေမှာ ၁၀ ရာခိုင်နှုန်းလောက်က ကိုယ့်ရောဂါကိုမသိဘဲနေကြတာတွေ့ရပါတယ်။ ကျောက်ကပ်ကောင်းမကောင်း အတိအကျသိနိုင်တဲ့နည်းလမ်းကဆေးစစ်တာပဲဆိုတော့ လူတိုင်းပုံမှန်ဆေးစစ်ဖို့ကလည်း သိပ်မဖြစ်နိုင်တဲ့ကိစ္စပါ။ ဒီတော့ဖြစ်နိုင်ခြေ လက္ခဏာတွေနဲ့ပဲအရင် ဆန်းစစ်ရပါမယ်။ ကိုယ့်မှာသွေးတိုး၊ ဆီးချို၊ ဒါမှမဟုတ် မိဘဆွေမျိုးတွေထဲမှာကျောက်ကပ်ရောဂါရှိဖူးတာ၊ ဒါမှမဟုတ် အသက် ၆၀ အထက်ရှိသူတွေဟာကျောက်ကပ်ကျန်းမာရေးကို စစ်ဆေးမှုခံယူဖို့လိုအပ်ပါတယ်။ ဆေးမစစ်ခင် ကိုယ့်မှာဒီလက္ခဏာတွေရှိနေသလား အရင်ကြည့်ပါ။ ကျောက်ကပ်မှာပြဿနာရှိကြောင်း သိနိုင်တဲ့လက္ခဏာ (၁၀) ခု (၁) အရမ်းပင်ပန်း၊ အားကုန်နေတာ ဒါမှမဟုတ် အာရုံစူးစိုက်လို့မရတာ ကျောက်ကပ်လုပ်ဆောင်ချက်ကျဆင်းမှုပြင်းထန်ရင်သွေးထဲမှာ အဆိပ်အတောက်တွေစုပုံလာစေနိုင်ပြီးသွေးညစ်စေပါတယ်။ အဲဒီအခါ လူတွေက ပင်ပန်းအားနည်းလာပြီး အာရုံစိုက်မရတာတွေဖြစ်လာနိုင်ပါတယ်။နောက်ဆက်တွဲပြဿနာနောက်တစ်ခုကတော့သွေးအားနည်းတာပဲဖြစ်ပါတယ်။ (၂) အိပ်မပျော်တာ ကျောက်ကပ်ကကောင်းကောင်းစစ်မထုတ်နိုင်တော့ ဆီးထဲကိုစွန့်ထုတ်မယ့်အစားသွေးထဲမှာ အဆိပ်အတောက်တွေကျန်နေတာပေါ့။ ဒီလိုဖြစ်လာရင် အိပ်စက်မှုပြဿနာရှိလာနိုင်ပါတယ်။ အဝလွန်ခြင်းနဲ့ နာတာရှည်ကျောက်ကပ်ရောဂါက ဆက်နွှယ်မှုလည်းရှိနေပြီး […]

ကျောက်ကပ်ရောဂါခံစားရမှုက အရင်ကသိပ်ကြားရလေ့မရှိပေမယ့် အခုနောက်ပိုင်းတော့တော်တော်လေးကြားလာရတယ်နော်။ ကမ္ဘာ့လူဦးရေရဲ့ ၁၀ ရာခိုင်နှုန်းလောက်ကကျောက်ကပ်ရောဂါခံစားနေကြရတယ်လေ။ ဒီတစ်ခေါက်တော့ Helloဆရာဝန်က စာဖတ်ပရိသတ်ကြီးအတွက်ကျောက်ကပ်ရောဂါရှိနေသူတွေ ဘယ်လိုစားသောက်နေထိုင်ရမလဲဆိုတာကိုပြောပြပေးမယ်နော်။ ကျောက်ကပ်ရဲ့ တာဝန် ကျောက်ကပ်က အရွယ်အစားသေးငယ်ပေမယ့် ခန္ဓါကိုယ်ရဲ့ အရေးပါတဲ့ လုပ်ငန်းဆောင်တာအများစုကို တာဝန်ယူထားတာပါနော်။ကျောက်ကပ်က စားသုံးလိုက်တဲ့အစားအစာတွေထဲမှာပါတဲ့ အဆိပ်အတောက်တွေနဲ့ အကျိုးမပြုတဲ့ ပစ္စည်းတွေကို စွန့်ထုတ်ပေးတယ်။ သွေးပေါင်ချိန်ထိန်းညှိဖို့ လိုအပ်တဲ့ဟော်မုန်းကို ထုတ်ပေးတယ်။ ကိုယ်တွင်းအရည်ဓါတ်ကို ထိန်းညှိပေးတယ်။ ဆီးသွားစေတယ်။ ဒါတွေအပြင် အခြားသောခန္ဓါကိုယ်အတွက်အရေးပါတဲ့ လုပ်ငန်းဆောင်တာတွေကို လုပ်ဆောင်ပေးပါသေးတယ်။ ကျောက်ကပ်ထိခိုက်စေနိုင်တဲ့ အချက်များ ကျောက်ကပ်ကိုထိခိုက်စေနိုင်တဲ့အချက်တွေကမနည်းပါဘူး။ကျောက်ကပ်ကို အများဆုံးထိခိုက်စေတဲ့အကြောင်းအရင်းတွေကတော့ ဆီးချိုရောဂါ နဲ့သွေးတိုးဝေဒနာပါ။ အဝလွန်တာ၊ဆေးလိပ်နဲ့ အရက်သောက်သုံးမှုတွေကြောင့်လည်းကျောက်ကပ်ထိခိုက်နိုင်ပါသေးတယ်။ မျိုးရိုးရှိတာ၊ အမျိုးသား၊အမျိုးသမီးကွာခြားတာ နဲ့ အသက်အရွယ်တွေကြောင့်လည်းကျောက်ကပ်ထိခိုက်စေနိုင်ပါတယ်။ သွေးချိုကိုသေချာမထိန်းတာ၊သွေးတိုးကိုသေချာထိန်းညှိမှုမရှိတာတွေကြောင့်ကျောက်ကပ်တွင်းသွေးကြောလေးတွေထိခိုက်လာပြီးကေျာက်ကပ်ပျက်စီးနိုင်ပါတယ်။ကျောက်ကပ်ကကောင်းကောင်းအလုပ်မလုပ်နိုင်တော့တဲ့အခါသွေးတွင်းမှာ အနယ်အနှစ်တွေများလာပြီး ခန္ဓါကိုယ်မှာရောဂါတွေဝင်လာနိုင်ပါတယ်။ ကျောက်ကပ်ကျန်းမာနေစေဖို့ အဓိကလိုက်နာရမယ့်အချက် ၃ ချက် နေ့စဉ်စားသုံးတဲ့အစားအစာတွေကကျောက်ကပ်ကျန်းမာရေးအပေါ်တော်တော်လေးသက်ရောက်မှုရှိနေတာပါတယ်။ ဒီတော့ကျောက်ကပ်ကျန်းမာနေစေဖို့ ဒီအချက်လေးတွေကို သတိပြုဆင်ခြင်ပေးပါနော်။ ဆိုဒီယမ် (အငန်)လျှော့ပါ - အရသာခပ်လေးလေးမှကြိုက်တတ်သူတွေ လျှာကိုအလိုမလိုက်ပါနဲ့။ အငန်ဓါတ်ကကျောက်ကပ်ပျက်စီးရခြင်းရဲ့ အဓိကအကြောင်းတရားတစ်ခုပါ။ […]

အဓိပ္ပါယ်ဖွင့်ဆိုချက်တောင်းဘရော့ခ် ဆင်ဒရုန်း ဆိုတာဘာလဲ။ တောင်းဘရော့ခ် ဆင်ဒရုန်း (TBS) ဆိုတာ စအိုပေါက်မပါခြင်း၊ နားရွက်ပုံသဏ္ဍန်မမှန်ခြင်း၊ အကြားအာရုံမကောင်းခြင်း၊ လက်မပုံသဏ္ဍန်မမှန်ခြင်းတို့ပါဝင်သော မျိုးရိုးဗီဇရောဂါတစ်မျိုးဖြစ်ပါတယ်။ တောင်းဘရော့ခ် ဆင်ဒရုန်း ဟာ ဘယ်လောက်ထိ အဖြစ်များသလဲ။ တောင်းဘရော့ခ် ဆင်ဒရုန်းရဲ့ ဖြစ်ပွားနှုန်းကို မသိရှိရသေးသော်လည်း လူအယောက်၂၅၀၀၀၀မှာ ၁ယောက်နှုန်းရှိမယ်လို့ ခန့်မှန်းရပါတယ်။ ထိုအခြေအနေက ယောက်ျားလေးနဲ့ မိန်းကလေးကို တူညီစွာသက်ရောက်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ ရောဂါလက္ခဏာများတောင်းဘရော့ခ် ဆင်ဒရုန်း ရဲ့ ရောဂါလက္ခဏာတွေက ဘာတွေလဲ။ တောင်းဘရော့ခ် ဆင်ဒရုန်း ရဲ့ အဖြစ်အများဆုံးရောဂါလက္ခဏာတွေကတော့ အောက်ပါတို့ဖြစ်ပါတယ်။ စအိုအပေါက်မပွင့်ခြင်း (၈၄ရာခိုင်နှုန်း) နားရွက်ပုံသဏ္ဍန်မမှန်ခြင်း (၈၇ရာခိုင်နှုန်း) လက်မပုံသဏ္ဍန်မမှန်ခြင်း (၈၉ရာခိုင်နှုန်း) (ဥပမာ အရိုး၃ခုပါသောလက်မ၊ လက်မ၂ချောင်း၊ အရမ်းသေးသောလက်မ) ထိုရောဂါရှိတဲ့သူအများစုမှာ အောက်ပါလက္ခဏာ၃ခုထဲမှ အနည်းဆုံး၂ခုတွေ့ရှိနိုင်ပါတယ်။ အကြားအာရုံမကောင်းခြင်း ကျောက်ကပ်မကောင်းခြင်း (ဥပမာ ဂိတ်ဆုံးရောက်နေသော ကျောက်ကပ်ရောဂါ (ESRD)၊ ထိုရောဂါမှာ ကျောက်ကပ်ပုံသဏ္ဍန်မမှန်တာမျိုးမရှိပါဘူး ဥပမာ (ပုံမှန်မလည်ခြင်း၊ အနေအထားမမှန်ခြင်း (Ectopia)၊ မြင်းခွာပုံကျောက်ကပ်၊ […]

ခန္ဓါကိုယ်ရဲ့ အစိတ်အပိုင်းတစ်ခုစီက သူ့နေရာနဲ့သူ အရေးပါကြတာချည်းပါပဲ။ ခန္ဓါကိုယ်တစ်ခုလုံးကကောင်းမွန်စွာလည်ပတ်လုပ်ဆောင်နေမှ ကျန်းမာပျော်ရွှင်တဲ့ ဘဝကိုပိုင်ဆိုင်နိုင်မှာပါ။ ခန္ဓါကိုယ်ရဲ့ အစိတ်အပိုင်းတွေကို ထိခိုက်စေတဲ့ အပြုအမူတွေရှိနေသလို တစ်ခါတလေမှာ အစားအသောက်တွေကြာင့် လည်းခန္ဓါကိုယ်မှာထိခိုက်တာတွေရှိနေပါတယ်။ အခုတစ်ခေါက်တော့ ဘာရယ်မဟုတ်ဘဲထင်ပြီး လုပ်မိနေတဲ့ အပြုအမူတွေကြောင့် ကျန်းမာပျော်ရွှင်တဲ့ဘဝလေးပိုင်ဆိုင်ဖို့အတွက်ရာမှာ အရေးပါတဲ့ကျောက်ကပ်ကို ထိခိုက်မိစေတဲ့ အပြုအမူလေးတွေအကြောင်းပြောပြပေးမယ်နော်။ ကျောက်ကပ်ကို ထိခိုက်စေနိုင်တဲ့ အမှတ်တမဲ့အပြုအမူတွေက ဆီးသွားချင်တာကိုအောင့်ထားတာ - ဆီးသွားချင်တဲ့အခါ အလုပ်မအားလို့။ လုပ်လက်စလေးပြီးပြတ်သွားအောင်လုပ်ချင်လို့၊ ပျင်းလို့၊ အပြင်ရောက်နေလို့ဆိုတဲ့ အကြောင်းပြချက်အမျိုးမျိုးနဲ့ ဆီးအောင့်ထားတတ်ကြမယ်ထင်ပါတယ်။ ဒီလိုအပြုအမူရှိတယ်ဆိုရင်ပြင်ဆင်လိုက်ပါ။ ဒီအပြုအမူက ဘာမှမဟုတ်ဘူးထင်ရပေမယ့် ဆီးအိမ်ထဲမှာ ဆီးတွေအကြာကြီးရှိနေတာက ဘက်တီးရီးယားတွေကို အလွယ်တကူပေါက်ဖွားစေနိုင်ပြီးကျောက်ကပ်ကို ထိခိုက်စေနိုင်ပါတယ်။ ဆားအများကြီးစားမိတာ -မြန်မာလူမျိုးတွေဆိုရင်တော့ ဆားတင်မဟုတ်ပါဘူး။ ငံပြာရည်၊ငါးပိ၊ငါးခြောက်တွေကိုပါရှောင်ဖို့လိုပါမယ်။ လူတစ်ယောက်ဟာ တစ်နေ့ကို အငန်ဓါတ် ၅.၈ ဂရမ်ပဲစားသုံးပေးသင့်တာပါ။ အစားအစာတွေထဲမှာ အငန်ဓါတ်ဓါတ်အရမ်းများတာကကျောက်ကပ်ကို ထိခိုက်စေနိုင်တာကြောင့် အငန်လျှော့စားပါ။ အသားတွေအများကြီးမစားပါနဲ့ - အသားတွေအရမ်းစားတဲ့အခါ ခန္ဓါကိုယ်မှာ […]

နာတာရှည် ကျောက်ကပ်ရောဂါနှင့် သတိပြုဖွယ်ရာများ “အဖေ မောလို့ညက ဆေးရုံတင်လိုက်ရတယ်။ ကျောက်ကပ်ဖြစ်နေတာလို့ပြောတယ်။ ဆီးချိုလည်းရှိနေတယ်တဲ့။” “နဂိုကတည်းကတော့မျက်နှာအမ်းအမ်းဖြစ်နေတာ ကြာပြီ။ အခုမှစစ်မိတာ” “ဆီးချိုဖြစ်နေတာကြာပြီ။ ကျောက်ကပ်ဖြစ်တာ ခုမှသိတာ။ ဆရာဝန်ကပြောတာတော့ ဆီးချိုသေချာမထိန်းလို့တဲ့။ တချို့ပြောတာ ဆီးချိုဆေးတွေကလည်း ကျောက်ကပ်ဖြစ်စေတာတဲ့။ ဘယ်ဟာမှန်လဲမသိဘူး” “ကျောက်ကပ်ဖြစ်နေတယ်ပြောတယ်။ ဘာကျွေးရမလဲ ဆရာ” ကျောက်ကပ်နှင့်ပတ်သက်ပြီး လူနာနှင့်လူနာရှင်များ ပြောနေကျ အသံများဖြစ်သည်။ နာတာရှည် ကျောက်ကပ်ရောဂါနှင့် ဖြစ်ပွားရသော အကြောင်းရင်းများ နာတာရှည်ကျောက်ကပ်ရောဂါသည်ကမ္ဘာနှင့်တစ်လွှား အဖြစ်များလာသော ရောဂါဖြစ်သည်။ ကျောက်ကပ်ရောဂါ အမျိုးမျိုးရှိသည်။ ကျောက်ကပ်ရောင်ခြင်း၊ ရုတ်တရက်ကျောက်ကပ်ထိခိုက်ခြင်း၊ကျောက်ကပ်နှင့်ဆီးလမ်းကြောင်းပိုးဝင်ခြင်း၊ ကျောက်ကပ်ကျောက်တည်ခြင်း၊ နာတာရှည်ကျောက်ကပ်ရောဂါဖြစ်ခြင်း စသဖြင့်မျိုးစုံရှိသည်။ ထိုရောဂါများအထဲတွင် နာတာရှည်ကျောက်ကပ်ရောဂါဖြစ်သွားပြီးဆိုလျှင်ကျောက်ကပ်အနေအထားကို ပုံမှန်ပြန်ရောက်ရန်မလွယ်ကူပေ။ ပိုမဆိုးလာအောင်ထိန်းခြင်း၊ ကျောက်ကပ်ထိခိုက်၍ ဖြစ်လာသော လက္ခဏာများကိုလိုက်ပြီး ကုသခြင်းများကိုလုပ်ဆောင်သင့်သည်။ နာတာရှည်ကျောက်ကပ်ရောဂါဖြစ်စေသော အကြောင်းရင်းများတွင် ဆီးချိုရောဂါ၊ သွေးတိုးရောဂါ၊ကျောက်ကပ်ရောင်ခြင်း၊ လေးဖက်နာရောဂါတချို့၊ ဆေးဝါးတချို့၊ ဆီးလမ်းကြောင်းပိုးမကြာခဏဝင်ခြင်း၊ဆီးကျောက်တည်ခြင်းနှင့်တခြားအကြောင်းများကြောင့်ဆီးလမ်းကြောင်းပိတ်ခြင်း စသည်တို့ပါဝင်ပါသည်။ နာတာရှည် ကျောက်ကပ်ရောဂါ၏ လက္ခဏာများ နာတာရှည်ကျောက်ကပ်ရောဂါသည် စဖြစ်ကာစတွင် ရောဂါလက္ခဏာ မပြတတ်သေးပေ။ ရောဂါရင့်လာချိန်မှ […]

ကမ္ဘာတစ်ဝန်းမှာ ကျောက်ကပ်ရောဂါခံစားရတဲ့သူ (၁၀%)လောက် ရှိနေပါတယ်။ ကျောက်ကပ်က သေးတယ်ဆိုပေမယ့် သူထမ်းဆောင်ရတဲ့ လုပ်ငန်းဆောင်တာတွေကတော့ များပါတယ်။ အဆိပ်အတောက်တွေ စစ်ထုတ်ပေးခြင်း၊ ဟော်မုန်းများ ထုတ်ပေးခြင်း၊ ခန္ဓာကိုယ်အတွင်းမှာရှိတဲ့ အရည် ပမာဏတွေကို ထိန်းညှိပေးရခြင်း၊ ဆီးစစ်ထုတ်ပေးရခြင်း စတဲ့တာဝန်တွေ လုပ်ဆောင်ပါတယ်။ ဆီးချိုရှိခြင်းနဲ့ သွေးဖိအားများခြင်းတွေဟာ ကျောက်ကပ်ပျက်စီး ထိခိုက်တာမျိုး ဖြစ်စေနိုင်ပါတယ်။ အဝလွန်ခြင်း၊ ဆေးလိပ်သောက်ခြင်းတွေကြောင့်လည်း ကျောက်ကပ်ပျက်စီးနိုင်ပါတယ်။ သွေးဖိအား အတက်အကျနဲ့ သွေးတွင်းသကြားဓာတ်ကို ထိန်းမထားဘူးဆိုရင်တော့ ကျောက်ကပ်ထဲမှာ သွေးကြောပျက်စီးခြင်းတွေဖြစ်ပြီး အမြင်အာရုံနဲ့ဆိုင်တဲ့ လုပ်ငန်းဆောင်တာ စွမ်းဆောင်ရည်ကို လျှော့ကျစေပါတယ်။ကျောက်ကပ်က ပုံမှန်အလုပ်မလုပ်ဘူးဆိုရင် စွန့်ပစ်ပစ္စည်းတွေ သွေးထဲမှာ ကျန်ရှိနေတာတွေ ဖြစ်တတ်ပါတယ်။ ဒါကြောင့် ကျောက်ကပ်ပြဿနာတွေ ကင်းဝေးနေစေဖို့အတွက် စားသုံးပေးရမယ့် အစားအစာတွေ ရှိပါတယ်။ ပန်းဂေါ်ဖီ ပန်းဂေါ်ဖီမှာ အာဟာရဓာတ်တွေ များစွာ ပါဝင်ပါတယ်။ အဲဒါတွေကတော့ ဗီတာမင်စီ၊ ဗီတာမင်ကေ၊ […]

သွေးတိုးခြင်းကြောင့် ကျောက်ကပ်ထဲက သွေးကြောတွေ ပျက်စီးစေပြီး သူတို့ရဲ့ လုပ်ဆောင်နိုင်စွမ်းကို ကျဆင်းစေပါတယ်။ သွေးစီးဆင်းတဲ့ ဖိအားမြင့်တက်လာရင် သွေးကြောတွေ ကျယ်လာတဲ့အခါ လွယ်ကူစွာ စီးဆင်းနိုင်ပါတယ်။ တဖြည်းဖြည်းနဲ့ သွေးကြောများ ကျယ်ပြန့်လွန်းလာရင် အမာရွတ်များဖြစ်လာပြီး အားနည်းလာပါတယ်။ ကျောက်ကပ်မှာရှိတဲ့ သွေးကြောတွေလည်း အပါအဝင်ဖြစ်ပါတယ်။ ကျောက်ကပ်သွေးကြောများ ပျက်စီးသွားရင် ကိုယ်ခန္ဓါကနေ အညစ်အကြေားများနဲ့ အရည်ပိုများကို ဖယ်ထုတ်ခြင်း ရပ်တန့်သွားနိုင်ပါတယ်။ သွေးကြောထဲမှာရှိတဲ့ အရည်ပိုတွေကြောင့် သွေးပေါင်ချိန်တဖြည်းဖြည်းမြင့်တက်လာကာ သံသရာလည်စေပါတယ်။ သွေးတိုးခြင်းနဲ့ ကျောက်ကပ်ရောဂါလက္ခဏာတွေက ဘာတွေလဲ လူအများစုမှာ သွေးတိုးခြင်းဟာ လက္ခဏာ သိပ်မပြတတ်ပါဘူး။ တခါတရံ ခေါင်းကိုက်နိုင်ပါတယ်။ ကျောက်ကပ်ရောဂါဟာလည်း စတင်ခါစမှာ လက္ခဏာ မပြတတ်ပါဘူး။ ကေျာက်ကပ်များကနေ အရည်ပိုများနဲ့ ဆားများကို စွန့်မထုတ်နိုင်ရင် ဖောရောင်ခြင်း ဖြစ်နိုင်ပါတယ်။ ခြေထောက်၊ ခြေဖမိုး၊ ခြေကျင်းဝတ်၊ တခါတရံ လက်နဲ့ မျက်နှာမှာ ဖောရောင်တတ်ပါတယ်။ ကျောက်ကပ်ရောဂါ […]