သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

တုပ်ကွေးရာသီမှာ ကလေးဖျားနာမှုကင်းစေဖို့ ဘာတွေကျွေးမလဲ

ကလေးဖျားရင် ဗျာများရတာဖေဖေရောမေမေရောပါ။ အလုပ်တွေလည်းပျက်၊စိတ်တွေလည်းပူလို့လေ။ ငါသာဖြစ်လိုက်ချင်တယ်ဆိုတဲ့ စိတ်ကလည်း အကြိမ်ကြိမ်ဖြစ်မိတယ်ဟုတ်။ ဒီပြဿနာကို ရာသီအကူးအပြောင်းတိုင်းကြုံရမယ်ဆိုရင်မလွယ်ကူတာတော့အမှန်ပါ။ ဒီတော့ အခုလိုမျိုး မိုးလေးဖွဲဖွဲစရွာနေချိန်မှာ ကိုယ့်ရဲ့ ကလေးကို တုပ်ကွေးမဖြစ်စေဖို့ ကာကွယ်ချင်တယ်ဆိုရင်တော့ ဒီဆောင်းပါးလေးကို ဖတ်ကြည့်လိုက်ပါ။

ကိုယ်ခံအားဆိုတာ

ကိုယ်ခံအားဆိုတာက ခန္ဓါကိုယ်ထဲကိုရောဂါပိုးတွေ မဝင်လာအောင် တိုက်ထုတ်ပေးတဲ့ အရာပေါ့။ ခန္ဓါကိုယ်အတွက် ခံတပ်ကြီးဆိုလည်း မမှားပါဘူး။နေ့တိုင်းလိုလိုကျန်းမာပျော်ရွှင်စွာလှုပ်ရှားနေနိုင်တာက ကိုယ်ခံအားကအကောင်းဆုံးအလုပ်လုပ်ဆောင်နေလို့ပါ။ ကိုယ်ခံအားကကောင်းကောင်းအလုပ်မလုပ်နိုင်ဘူးဆိုရင် ခန္ဓါကိုယ်ထဲကိုရောဂါတွေက ကျူးကျော်ချင်တိုင်းကျူကျော်ပြီး ဖျားနာတာ၊ နှာစေးတာအအေးမိတာ၊ချောင်းဆိုးတာတွေ၊ အစာခြေစနစ် မကျန်းမာတာမျိုးတွေဖြစ်လာနိုင်ပါတယ်။ အနာကျက်နှေးတာမျိုးတောင်ဖြစ်လာနိုင်ပါတယ်။

တုပ်ကွေးရာသီမှာ ကလေးဖျားနာမှုကင်းစေမယ့် အစားအသောက်တွေ

ကိုယ်ခံအားစနစ်တည်ဆောက်ဆဲ ကလေးတစ်ယောက်ကို ဖျားနာမှုကင်းစေဖို့ဆိုရင် ဒီအစားအစာလေးတွေကို ပါအောင်ကျွေးမွေးသင့်ပါတယ်။

ဒိန်ချဉ် – အကျိုးပြုဘက်တီးရီးယားတွေပါဝင်နေတာကြောင့် အစာခြေစနစ်ကျန်းမာစေပြီး ခန္ဓါကိုယ်အတွက် လိုအပ်တဲ့ အာဟာရတွေကို အူတွေကပြည့်ဝစွာစုပ်ယူနိုင်စေဖို့ ကူညီပေးပါတယ်။

သစ်ကြားသီး – ကျန်းမာရေးနဲ့ညီညွတ်တဲ့omega-3 fatty acids ပါဝင်နေတာကြောင့် ခန္ဓါကိုယ်ကိုဖျားနာမှုကင်းစေဖို့ အထောက်အပံ့ပေးနိုင်ပါတယ်။ တုပ်ကွေးလိုမျိုး အသက်ရှုလမ်းကြောင်းကနေတဆင့် ကူးစက်နိုင်တဲ့ရောဂါပိုးတွေကို အထိရောက်ဆုံးကာကွယ်ပေးနိုင်ပါတယ်။

သစ်သီးတွေ – ကိုယ်ခံအားကောင်းစေဖို့ အထောက်အပံ့ပေးနိုင်ပါတယ်။ ဗီတာမင် C ကြွယ်ဝစွာပါဝင်နေတဲ့ စတော်ဘယ်ရီ၊ စပျစ်သီး၊ လိမ္မော်သီး၊ ကီဝီသီးစတာတွေစားပေးလို့ရပါတယ်။

အဆီမပါတဲ့ အသား – ကလေးကို ကိုယ်ခံအားကောင်းစေဖို့ဆိုရင် အဆီမပါတဲ့ အနီရောင်အသား၊ ဒါမှမဟုတ် အရေပြားဖယ်ထားတဲ့ ကြက်သားတို့ကို ချက်ပြုတ်ပြီးကျွေးလို့ရပါတယ်။ ခန္ဓါကိုယ်အတွက် လိုအပ်တဲ့ ပရိုတင်းပြည့်ဝစွာရရှိမှုကြောင့် ကိုယ်ခံအားကောင်းစေမှာ အသေအချာပါ။ အဆီမပါတဲ့ အနီရောင်အသားတွေက ဇင့်ဓါတ်ကြွယ်ဝတာကြောင့်သွေးဖြူဥဆဲလ်တွေကိုရောဂါတွေကို တိုက်ထုတ်နိုင်ဖို့ အကောင်းဆုံးထောက်ပံ့ပေးနိုင်ပါတယ်။

ဆယ်လ်မွန်ငါး – ဆယ်လ်မွန်မှာomega-3 fatty acids ကြွယ်ဝတာကြောင့် ကိုယ်ခံအားကောင်းစေသလို ဦးနှောက်ဖွံ့ဖြိုးမှုနဲ့ အမြင်အာရုံဖွံ့ဖြိုးမှုအတွက် အကောင်းဆုံးထောက်ပံ့ပေးနိုင်ပါတယ်။ အဆုတ်တွေကိကျန်းမာစေပြီး အအေးမိ၊ဖျားနာမှုတွေကနေ အထိရောက်ဆုံးကာကွယ်ပေးနိုင်စွမ်းလည်းရှိပါတယ်။ ကိုယ်ခံအားဆဲလ်တွေကို သူတို့ရဲ့တာဝန်တွေ အကောင်းဆုံးလုပ်ဆောင်နိုင်စေဖို့ထောက်ပံ့ပေးပြီး ကိုယ်ခံအားကိုမြှင့်တင်ပေးပါတယ်။

ဥအမျိုးမျိုး – ခန္ဓါကိုယ်မှာ ဗီတာမင် D နည်းတဲ့အခါ အလွယ်တကူဖျားနာနိုင်ပါတယ်။ ဗီတာမင် D ကိုရရှိစေနိုင်တဲ့ အစားအစာက ဥအမျိုးမျိုးပါ။ ဥအမျိုးမျိုးမှာ ဗီတာမင် D အပြင် ကိုယ်ခံအားကောင်းစေတဲ့ ဗီတာမင် B နဲ့ ဆီလီနီယမ်ဓါတ်တွေပါဝင်နေပါသေးတယ်။ ဒါကြောင့်ကိုယ်ခံအားကောင်းစေဖို့ဆိုရင် ကလေးကို ကြက်ဥပြုတ်ကျွေးတာကလည်းကောင်းမွန်တဲ့ ဓါတ်စာတစ်ခုပါ။

ပန်းဂေါ်ဖီစိမ် – အာဟာရပြည့်ဝတဲ့ ဟင်းသီးဟင်းရွက်တစ်မျိုးပါ။ ဗီတာမင် C၊ ဗီတာမင် A၊ ဗီတာမင် E တို့ပါဝင်နေသလို ဓါတ်တိုးဆန့်ကျင်အာနိသင်တွေပါဝင်နေတာကြောင့် ကိုယ်ခံအားကောင်းစေဖို့ အထောက်အပံ့ပေးနိုင်ပါတယ်။

ကန်စွန်းဥ – ဘီတာကယ်လ်ရိုတင်းပါဝင်နေတာကြောင့်သွေးဖြူဥအရေအတွကို တိုးစေနိုင်ပါတယ်။ ဗီတာမင် C ကြွယ်ဝစွာပါဝင်တာကြောင့် ကိုယ်ခံအားစနစ်ကို တိုးစေမယ်ဆိုတာ အသေအချာပါ။

တုပ်ကွေးရာသီမှာ ကလေးမဖျားစေဖို့ အခုပြောခဲ့တဲ့ စားစရာလေးတွေကိုသေချာလေးဂရုစိုက်လို့ပြင်ဆင်ကျွေးပေးပါ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

health-tool-icon

ကလေးကာကွယ်ဆေးထိုး အချိန်ဇယား

ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။

ကလေးက ယောကျာ်းလေးလား၊ မိန်းကလေးလား

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Aye Thi Mon မှ ရေးသားသည်။ တစ်ပတ် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။