ကလေးဖျားနာမှုကင်းဝေးစေဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 12, 2020 . 2 mins read
Share now

မိဘတိုင်းမမက်ချင်တဲ့ အိပ်မက်ဆိုးကြီးတစ်ခုရှိပါတယ်။ ဒါကတော့ ကလေးဖျားတာနာတာပါပဲ။ လူတိုင်းကဖျားနာမှုနဲ့မကင်းတာကို နားလည်ပေမယ့်ကလေးဖျားရင်ခြေမကိုင်မိလက်မကိုင်မိဖြစ်ရောလေ။ ကလေးဖျားနေတာထက် ကလေးကကျန်းကျန်းမာမာနဲ့သောင်းကျန်းနေတာကိုပဲမြင်ချင်တယ်ဟုတ်။ သူ့အစားကိုယ်တိုင်ဝင်ဖျားလိုက်ချင်တဲ့စိတ်မေမေဖေဖေတိုင်းဖြစ်ဖူးမှာပါ။ ဒီပြဿနာကနေကင်းဝေးစေမယ့်နည်းလေးတွေ ဒီဆောင်းပါးထဲမှာပြောပြပေးထားတယ်နော်။

ကလေးဖျားနာမှုကင်းစေဖို့ နည်းလမ်းကောင်းအချို့

ကလေးကို လူထူတဲ့နေရာတွေခေါ်မသွားပါနဲ့

ကလေးမွေးချိန်ကစလို့ နှစ်လကျော်ကျော်လောက်ကို အပြင်သေချာမသွားရလို့ သွားချင်နေမှာဆိုပေမယ့် ကလေးဆိုတာမျိုးက လူကြီးတွေလောက် ကိုယ်ခံအားမကောင်းကြပါဘူး။ ဒါကြောင့် ကလေးကို အပြင်သိပ်ခေါ်မသွားပါနဲ့။ အထူးသဖြင့်လူထူတဲ့နေရာတွေကိုပါ။ ကလေးကိုအပြင်မဖြစ်မနေခေါ်သွားမှဖြစ်မယ်ဆိုရင်လည်း အပေါ်ကနေထပ်ခြုံပေးသွားဖို့ခြုံထည်ခပ်ပါးပါးလေးတစ်ထည်ခြုံသွားပေးပါ။ရောဂါပိုးတွေကို အပြည့်အဝ မဟုတ်ပေမယ့် အထိုက်အလျောက်တော့ ကာကွယ်ပြီးသားဖြစ်မှာပါ။

သွားလေရာကိုရေမလိုလက်သန့်ဆေး ဒါမှမဟုတ် wet tissueတွေယူသွားပေးပါ

ရောဂါပိုးတွေကပြင်ပလေထုထဲမှာ အချိန် ၅ နာရီလောက်ရှင်သန်နေထိုင်နေနိုင်ကြပါတယ်။ ဒါကြောင့် မတော်တဆရောဂါပိုးတွေကိုထိမိနိုင်ခြေကတော်တော်လေးများနေတာပါ။ ဒါကြောင့် ကလေးကို မထိတွေ့ခင်မှာ လက်ဆေးတာကအကောင်းဆုံးဖြစ်မှာပါ။ အိမ်မှာဆိုကိစ္စမရှိပေမယ့် အပြင်မှာ လက်ဆေးနိုင်ဖို့ကသိပ်တော့မလွယ်ဘူးလေ။ ဒီလိုအခြေအနေမျိုးမှာ လက်ကရောဂါပိုးတွေကို သန့်စင်ဖို့အတွက်ရေမလိုလက်သန့်ဆေးရည် ဒါမှမဟုတ် wet tissueလေးတွေဆောင်သွားပေးပါ။

လက်ပုံမှန်ဆေးပေးပါ

လက်ချောင်းလေးတွေက တာဝန်တော်တော်များများကိုလုပ်သလို ရောဂါပိုးတွေကလည်း တော်တော်များပါတယ်။ ဒီလိုလက်တွေကို မဆေးကြောဘဲ ကလေးကို ချီမယ်၊ ကိုင်တွယ်ထိတွေ့မယ်ဆိုရင် ရောဂါပိုးတွေ ကလေးဆီ ပို့ပေးသလိုတောင်ဖြစ်ဦးမယ်။ ဒီလိုရောဂါပိုးတွေနဲ့ထိတွေ့မိတာက ကလေးတွေကိုဖျားနာစေနိုင်ပါတယ်။ ဒါကြောင့်မေမေဖေဖေတို့အနေနဲ့ ကလေးကို မကိုင်ခင်မှာ လက်ကိုအရင်ဆုံးသန့်စင်ဆေးကြောပါနော်။

ကလေးကိုအာဟာရပြည့်ဝအောင်ဂရုစိုက်ပါ

ကလေးက နို့မပြတ်သေးတဲ့အရွယ်ဆိုရင် မေမေတို့အနေနဲ့ အာဟာရဖြစ်မယ့်အစားအစာတွေကို ရွေးချယ်စားသုံးပြီး ကလေးကို အာဟာရပြည့်ဝတဲ့ နို့ချိုတိုက်ကျွေးပေးပါ။ ကလေးက အစားစစားနိုင်ပြီဆိုရင်လည်း ကလေးကို ကြက်စွပ်ပြုတ် ငါးအသား၊ ပဲ၊ဥအမျိုးမျိုးတို့လိုမျိုး အာဟာရပြည့်ဝစေမယ့် အစားအစာတွေကို သေချာဂရုစိုက်ကျွေးမွေးပေးပါ။ အာဟာရပြည့်ဝမှ ကိုယ်ခံအားကောင်းပြီးရောဂါတွေကို ကာကွယ်နိုင်မှာပါ။

ကလေးရဲ့ တစ်ကိုယ်ရေသန့်ရှင်းရေးကို ဂရုစိုက်ပါ

လူတစ်ယောက်ကျန်းမာဖို့ တစ်ကိုယ်ရေသန့်ရှင်းရေးက တော်တော်လေး အရေးပါပါတယ်။ ဒါကြောင့် ကလေးကိုနေ့စဉ် တစ်ကိုယ်ရေသန့်ရှင်းဂရုစိုက်ပေးပါ။ ရေပုံမှန်ချိုးပေးတာ၊ အဝတ်အစားတွေ သန့်သန့်ပြန့်ပြန့်ဝတ်ပေးတာ၊ ခြေသည်းလက်သည်းတွေ ညှပ်ပေးတာလိုမျိုး လိုအပ်တဲ့ တစ်ကိုယ်ရေသန့်ရှင်းရေးတွေကို ဂရုစိုက်ပါ။

ကလေးကို လူတိုင်းကို ပေးမနမ်းပါနဲ့

ကလေးဆိုတာက အပြစ်အကင်းဆုံးလူသားတွေ ဖြစ်သလို မြင်တဲ့လူတိုင်း မချစ်ဘဲမနေနိုင်တဲ့ သက်ရှိလေးတွေပေါ့။ ကလေးမြင်ရင်ချစ်လွန်းလို့ချီချင်ပွေ့ချင် နမ်းရှုံ့ချင်တဲ့သူတွေအများကြီးပါ။ ကလေးကိုချစ်ကြတာက ဝမ်းသာစရာဆိုပေမယ့်တွေ့ကရာလူကိုပေးချီမယ်။ နမ်းရှုံ့ခွင့်ပေးမယ်ဆိုရင် ကလေးကို မလိုလားအပ်ဘဲရောဂါပိုးတွေကူးစက်စေနိုင်ပါတယ်။ ဒါကြောင့်ကလေးကို မလိုအပ်ဘဲ ဖျားနာမှုတွေမဖြစ်စေချင်ဘူးဆိုရင်တွေ့ကရာလူချီတာ နမ်းတာရှုံ့တာကိုခွင့်မပြုပါနဲ့။

ပတ်ဝန်းကျင်ကို သန့်ရှင်းအောင်ထားပေးပါ

ပတ်ဝန်းကျင်မှာ မျက်စိနဲ့မမြင်နိုင်တဲ့ ရောဂါပိုးတွေက ထောင်နဲ့ချီပြီးရှိနေနိုင်ပါတယ်။ ဒါကြောင့် ကလေးနေထိုင်ရာ ပတ်ဝန်းကျင်၊ အသုံးအဆောင်တွေနဲ့ အဝတ်အစားတွေကိုသေချာသန့်စင်အောင်ထားပေးဖို့ မမေ့ပါနဲ့။ ကလေးနေထိုင်ရာကို သပ်ရပ်သန့်ရှင်းပြီး အနံ့အသက်ကင်းစင်စေဖို့ သေချာဂရုစိုက်လုပ်ဆောင်ပေးပါ။

ဒီနည်းလမ်းလေးတွေသုံးပြီး မိမိရဲ့ အဖိုးတန် ကလေးတွေကို အမြဲကျန်းမာနေအောင်လုပ်ဆောင်ပေးနိုင်ကြပါစေကြောင်း……

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်ရွံ့နေတာတွေ ကို သက်သာစေမယ့် အစားအသောက်များ

ကြောက်ရွံ့နေတာတွေ ကို သက်သာစေဖို့ အစားအစာလေးတွေ စားပေးလို့ ရတယ်ဆိုတာကို သိပြီးပြီလား...... ကြောက်ရွံ့တာကို သက်သာစေမယ့် အစားအစာတွေက ဘာတွေ ဖြစ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

သက်လုံ လို့ဆိုလိုက်ရင် အားကစားသမားတွေနဲ့ပဲ ဆိုင်တယ်လို့ ပြေးမြင်ကြပါတယ်။ သက်လုံကောင်းမှ နေ့စဉ်ဘဝမှာ လုပ်ငန်းဆောင်တာတွေကို အကောင်းဆုံးလုပ်နိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သေနတ်ထိ ပေမယ့် အသက်ရှင်အောင် လူတွေကို ဘယ်လိုကူညီနိုင်မလဲ

သေနတ်ထိ လို့ကျည်ဆန်က ဖောက်ထွက်သွားတဲ့ ဒဏ်ရာ အမျိုးအစား တစ်မျိုးပါ။ ဒီဒဏ်ရာက တတ်ကျွမ်းနားလည်သူတွေနဲ့ ကုသဖို့ လိုတယ်ဆိုပေမယ့်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အစာဓာတ်မတည့်ခြင်း

အစာဓာတ်မတည့်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read
အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read
sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read