ဘေဘီလေးကို ဘယ်အရွယ်မှာ ရေခဲ စကျွေးလို့ ရမလဲ…….
ဘေဘီလေးကို အသက် ၄ နှစ် မပြည့်မချင်း ရေခဲ မကျွေးသင့်ပါဘူး။ ဘေဘီလေးကို ရေခဲကို သေချာ ဝါးစားနိုင်ပြီ ဆိုတဲ့ အရွယ်ရောက်မှသာ ရေခဲကျွေးသင့်ပါတယ်။
ဒါမှ ဘေဘီလေး မတော်တဆ ရေခဲ နင်ပြီး အသက်အန္တရာယ် ဖြစ်တာမျိုး မရှိမှာပါ။ ရေခဲ စားနိုင်ပြီဆိုတဲ့ အချိန်မှာလည်း ဘေဘီလေးကို ရေခဲ ခဏခဏ မကျွေးသင့်ပါဘူး။ ရေခဲ ဝါးစားတာက သွားတွေကို ပျက်စီး စေနိုင်တာကြောင့်ပါ။ နုနယ်သေးတဲ့ ဘေဘီလေးရဲ့ သွားတွေကိုဆိုရင် ကြွေလွှာ ပျက်စီးတာအပြင် သွားကြံ့ခိုင်ရေးကိုပါ ကျဆင်းစေနိုင်ပါတယ်။
ဘေဘီလေးကို ရေခဲ ကျွေးတဲ့အခါ
ဘေဘီလေးက အသက် ၄ နှစ် ပြည့်ပြီးလို့ ရေခဲ ကျွေးမယ် ဆိုရင်လည်း ရေခဲကို အရွယ်အစား သေးသေးလေးတွေ ဖြစ်အောင် ထုခွဲပေးပြီး ပိုက်ပါတဲ့ ဗူးလေးထဲ ထည့်လို့ သစ်သီးဖျော်ရည်လေးတွေနဲ့ တွဲပြီး တိုက်တာက အကောင်းဆုံးပါ။ ရေခဲတုံးကို အတုံးလိုက် ပေးဝါးတာက ရေခဲ နင်တာကို ဖြစ်စေနိုင်ပြီး ဘေဘီလေးရဲ့ အသက်အန္တရာယ်ကိုပါ ထိခိုက်စေနိုင်တာကြောင့်ပါ။
ကဲ……. ဘေဘီလေးကို ဘာကြောင့် ရေခဲ မကျွေးသင့်တာလဲ ဆိုတာကို သိလောက်ပြီ ထင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။