အရိုးအဆစ်နဲ့ကြွက်သားကျန်းမာရေး

အရိုးပွ ရောဂါဟာ အရိုးအတွင်းမှာရှိတဲ့ အပေါက်လေးတွေက ပိုကျယ်လာပြီး အရိုးက တဖြည်းဖြည်းပါးလာတဲ့ ရောဂါတစ်မျိုးဖြစ်ပါတယ်။ ဒါ့အပြင် အရိုးသိပ်သည်းဆလည်း နည်းလာပါတယ်။ အဲဒီလို ဖြစ်လာတဲ့အခါမှာ အရိုးအားနည်းလာပြီး ကျိုးလွယ်တာတွေကို ဖြစ်လာစေပါတယ်။ အရိုးပွရောဂါဟာ အသက်ကြီးတဲ့ မိန်းမတွေမှာ အဖြစ်များပြီး လက်ကောက်ဝတ်၊ ခါးဆစ်ရိုးနဲ့ ကျောမကြီးတွေမှာ အဓိက ထိခိုက်တတ်ပါတယ်။ ဒါ့ကြောင့်လည်း ဒီရောဂါ ဖြစ်လာခဲ့မယ်ဆိုရင် နေ့စဉ်လူနေမှုဘဝကိုပါ ထိခိုက်စေနိုင်ပါတယ်။ အရိုးပွရောဂါ ဖြစ်နိုင်ချေကို များစေတဲ့ အကြောင်းအရင်းတွေထဲမှာ ကြိုတင်ကာကွယ်လို့မရတဲ့၊ ပြောင်းလဲလို့မရတဲ့ အကြောင်းအရင်း တွေရှိသလို ကာကွယ်လို့ရတဲ့ အကြောင်းအရင်းလေးတွေလည်း ရှိပါတယ်။ ကြိုတင်ကာကွယ်လို့မရတဲ့ အကြောင်းအရင်းများ။  ၁။ အသက်အရွယ်ကြီးခြင်းကြောင့်။ ငယ်ရွယ်သူတွေမှာ ပုံမှန်အားဖြင့် အရိုးတွေပျက်စီး ထိခိုက်တဲ့အခါ အရိုးအသစ်လေးတွေကို အမြန်ပြန်ပြီးတည်ဆောက်နိုင်ကြပါတယ်။ အသက်ကြီးလာတဲ့အခါမှာတော့ အရိုးအသစ်တွေကို တည်ဆောက်တဲ့ နှုန်းကျဆင်းလာပြီး အရိုးအဟောင်းတွေ ပျက်စီးတဲ့နှုန်းက များလာပါတယ်။ […]

အသက်အရွယ် ကြီးရင့်လာတာနဲ့အမျှ အရိုးတွေက ပါးလာတယ်၊ ကျိုးလွယ်လာတယ်။ ကြွက်သားတွေလည်း အားနည်းလာပါတယ်။ ဒါပေမယ့် အာဟာရပြည့်ဝတဲ့ စားစရာတွေကို စားသုံးမယ်ဆိုရင်တော့ အသက်အရွယ် ရလာပေမယ့်လည်း အရိုးနဲ့ကြွက်သားတွေကို သန်မာနေစေမှာပါ။ သန်မာတဲ့ အရိုးနဲ့ ကြွက်သားတွေကို ပိုင်ဆိုင်နိုင်ဖို့ မဖြစ်မနေလိုအပ်မယ့် အာဟာရဓာတ်တွေက များများစားစား မရှိပါဘူး။ အရိုးနဲ့ကြွက်သားတွေ သန်မာစေဖို့ဆိုရင် နေ့စဉ် စားသုံးတဲ့ အစားအစာတွေ ထဲမှာ ကယ်လ်ဆီယမ်၊ ပရိုတင်းနဲ့ ကယ်လ်ဆီယမ် စုပ်ယူမှုကောင်းစေဖို့ အားဖြည့်ပေးနိုင်တဲ့ ဗီတာမင် D တို့ ပြည့်ဝစွာ ပါဝင်အောင် စားသုံးပေးဖို့လိုပါမယ်။ အရွယ်ရောက်ပြီးသူ တစ်ယောက်အနေနဲ့ တစ်နေ့ကို ကယ်လ်ဆီယမ် ၁၀၀၀ မီလီဂရမ် နဲ့ ဗီတာမင် D 200 international units (IUs) ရရှိဖို့ လိုပါမယ်။ အသက် […]

ဗီတာမင် နဲ့ သတ္တုဓာတ်တွေ ကြွယ်ဝစွာ ပါဝင်နေတဲ့ ကျန်းမာရေးနဲ့ ညီညွတ်တဲ့ အစားအသောက်တွေကို စားသုံးတာက ကိုယ်အလေးချိန်ကို ထိန်းသိမ်းရာမှာ အထောက်အကူ ပြုပါတယ်။ ကျန်းမာရေးနဲ့ ညီညွတ်ပြီး အာဟာရမျှတတဲ့ စားစရာတွေက ခန္ဓာကိုယ်ကို ကျန်းမာစေသလို အရိုးတွေ သန်မာစေဖို့လည်း အားဖြည့်ပေးပါတယ်။ အရိုးတွေက သန်မာကြံ့ခိုင်နေဖို့ဆိုရင် ကယ်လ်ဆီယမ် နဲ့ ဗီတာမင် D လိုမျိုး အာဟာရတွေကို လိုအပ်မှာပါ။ ဒီတော့ အရိုးနဲ့ကြွက်သားတွေကို ကြံခိုင်စေဖို့ အာဟာရမျှတအောင် စားသောက်ရမယ့် နည်းလမ်းလေးတွေအကြောင်း ပြောပြပေးမယ်နော်။ အရိုးနဲ့ကြွက်သားတွေ သန်မာမှ နေ့စဉ်မှာ ကောင်းမွန်စွာ လှုပ်ရှားနိုင်မှာပါ။ အရိုးနဲ့ကြွက်သားတွေ သန်မာစေဖို့ ကျန်းမာရေးနဲ့ ညီညွတ်အောင် စားသုံးနေထိုင်စို့ ကယ်လ်ဆီယမ်နဲ့ ဗီတာမင် D က သန်မာတဲ့ အရိုးတွေအတွက် အခြေခံလိုအပ်ချက်တွေပါ။ အသက် ၅၀ အထက် […]

လေ့ကျင့်ခန်းလုပ်ရင်း၊ အားကစားလုပ်ရင်း ထိခိုက်မိတာပဲဖြစ်ဖြစ်၊ ပြုတ်ကျတာမျိုးပဲ ဖြစ်ဖြစ်၊ လိမ့်ကျတာမျိုးဖြစ်ဖြစ် မတော်တဆထိခိုက်ဒဏ်ရာ အနည်းငယ်ရပြီး ရောင်ရမ်း တာတွေဖြစ်လာတဲ့အခါ သက်သာအောင် ဘာတွေလုပ်ကြမလဲဆိုတဲ့ အခြေခံနည်းလမ်းလေးတွေကို ဒီဆောင်းပါလေးမှာ ပြောပြပေးချင်ပါတယ်။ အခြခံနည်းလမ်းလေးတွေကို RICE ဆိုပြီး အတိုကောက်မှတ် နိုင်ပါတယ်။  R ( Restrict activity and Rest ) ထိခိုက်မိတဲ့ နေရာ (ဥပမာ - ထိခိုက်မိတဲ့ ခြေထောက်) ကို လှုပ်ရှားမှု မလုပ်ဘဲ အနားယူပါ။ အထူးသဖြင့် ဒဏ်ရာရပြီး နာရီအနည်းငယ်လောက်မှာ ထိခိုက်မိတဲ့ဘက်ကို ငြိမ်ငြိမ်လေးဖြစ်အောင်ထားပေးသင့်ပါတယ်။ အဲဒီအချိန်မှာ ထိခိုက်မိထားတဲ့ ကြွက်သားတွေက အားနည်းနေတဲ့ အတွက် လှုပ်ရှားမှုလုပ်လိုက်မယ်ဆိုရင် ဒဏ်ရာကို ပိုပြီး ဆိုးလာစေနိုင်ပါတယ်။ ကောင်းမွန်စွာ အနားယူခြင်းက ဒဏ်ရာတွေကို ပြန်လည်ကုသနိုင်တဲ့ အကောင်းဆုံးနည်းလမ်း တစ်ခုဖြစ်ပါတယ်။ I […]

လမ်းလျှောက်လိုက်တိုင်း ဖနောင့်က နာနာနေတာ ဖနောင့်အတက် များ ထွက်နေသလား မသိဘူးလို့ သူများတွေ ပြောတာကြားဖူးပါသလား။ ဒါကို အရိုး အတက်ထွက်တယ်လို့ ခေါ်ပါတယ်။ အတက်ထွက်တယ်ဆိုပေမယ့် တကယ်တော့ အရိုးမှာ ကယ်ဆီယမ်တွေ စုပုံလာတာကို ခေါ်တာပါ။ အများအားဖြင့်တော့ ဖနောင့်နဲ့ ခြေချောင်းနား တစ်လျှောက်မှာ အတက်ထွက်လေ့ရှိပါတယ်။ အရိုးအတက်က မမြင်ရလောက်အောင် သေးတဲ့ အရွယ်ကနေ လက်မဝက်အရွယ်လောက်ထိ ရှိတတ်ပါတယ်။ ဒါကြောင့် အရိုးအတက်ထွက်တိုင်း နာချင်မှ နာမှာပါ။ ဖနောင့်အရိုးအတက်ထွက်တာနဲ့ ပတ်သတ်ပြီး ထပ်သိဖို့ လိုတာလေးတွေကို ဆက်ပြောပြပါ့မယ်။ ဖနောင့်အတက် ထွက်ခြင်းရဲ့ လက္ခဏာများ ဖနောင့်အတက် ထွက်တာက သေးသေးလေးပဲ ဆိုရင် ဘာလက္ခဏာမှ မပြတတ်ပါဘူး။ နာလည်း မနာပါဘူး။ တခြားအကြောင်းနဲ့ ပတ်သတ်ပြီး စမ်းရင်း ပြုရင်းနဲ့မှ မတော်တဆ တွေ့တတ်တာမျိုးပါ။  တစ်ခါတစ်လေတော့လည်း အတက်ထွက်တာကြောင့် […]

ပုံမှန် အားဖြင့်တော့ ဂေါက်ရောဂါ ဟာ မျိုးရိုးရှိသူတွေ၊ အမျိုးသားတွေ နဲ့ အဝလွန်သူတွေ မှာ ဖြစ်နိုင်ခြေ ပိုများပါတယ်။ ဂေါက်ရောဂါ အတွက် ဓာတ်စာက ကုသပျောက်ကင်းနိုင်တဲ့ ဆေးမဟုတ်ပေမယ့် နာကျင်ရတဲ့ လက္ခဏာတွေ ပြန်ပေါ်လာနိုင်တဲ့ အန္တရာယ် လျော့နည်းစေနိုင်ပြီး အဆစ်ထိခိုက်မှုကို နှေးကွေးစေပါတယ်။ နာကျင်မှုဝေဒနာနဲ့ ယူရစ်အက်စစ်ပမာဏ လျော့နည်းစေဖို့ ဆေးဝါးနဲ့ထိန်းဖို့ လိုအပ်ပါတယ်။ ဂေါက်ရောဂါ ရဲ့ လက္ခဏာ က ဒါတွေ သိသာပါတယ် ပြင်းထန်တဲ့ အဆစ်နာကျင်ကိုက်ခဲမှု ဂေါက်ရောဂါက ခြေမအဆစ်မှာ ဖြစ်လေ့ရှိပေမယ့် ဒူး၊လက်နဲ့ လက်ကောက်ဝတ် အဆစ်တွေ မှာ လည်း ဖြစ်လာနိုင်ပါတယ်။ လက္ခဏာ စဖြစ်လာပြီး ၄ နာရီကနေ ၁၂ နာရီအတွင်းမှာ နာကျင်မှုက အဆိုးရွားဆုံး ဖြစ်လာနိုင် ပါတယ်။ သက်တမ်းကြာ ဝေဒနာ ပြင်းပြင်းထန်ထန် နာကျင်ကိုက်ခဲရပြီးနောက်မှာ […]

ပိုးဝင်၍ အဆစ်ရောင် ရမ်းခြင်း (septic arthritis) ဆိုတာ အရိုးအထူးကုဆရာဝန်တွေအတွက် အရေးပေါ် အခြေအနေပါ။ ချက်ချင်းကုသဖို့ သင့်တဲ့ ရောဂါပါ။ နောက်ကျသွားရင် ပိုးတွေ  ပြန့်သွားပြီး သွေးဆိပ်သင့်တာ၊ အဆစ်တွေ ပျက်စီးတာ ဖြစ်တတ်ပါတယ်။ ဒါကြောင့် စောစောသိပြီး စောစောကုနိုင်ဖို့ အရေးကြီးပါတယ်။ ပိုးဝင်တာက အဆစ်တစ်ဆစ်တည်း ဖြစ်တာများပါတယ်။ ရှားရှားပါးပါး အဆစ်တွေ အများကြီး ထိတာလဲ ရှိပါတယ်။ ဒီရောဂါ ဘာကြောင့် ဖြစ်တာလဲ။ ဘယ်လို ကုသရမလဲဆိုတာ ဒီဆောင်းပါးမှာ ပြောပြပေးသွားပါမယ်။ ဘာကြောင့် ပိုးဝင်ရတာလဲ။ ပိုးဝင်ပြီး အဆစ်ရောင်ရမ်းတာက တခြားနေရာက ဘက်တီးရီးယားပိုးတစ်ခုခုက ရောဂါပိုးက သွေးထဲကနေတစ်ဆင့် အဆစ်ကို ပျံ့လာတာကြောင့်ပါ။ တစ်ခါတစ်လေ အဆစ်ကို ထိခိုက်ဒဏ်ရာရတာဖြစ်ဖြစ်၊ ခွဲစိတ်တာဖြစ်ဖြစ် (ဥပမာ ဒူးအစားထိုး ခွဲစိတ်တာ) ပိုးဝင်တာမျိုးလည်း ရှိတတ်ပါတယ်။ အတွေ့ရများတဲ့ […]

ဂေါက်ရောဂါ အကြောင်း သင်ဘယ်လောက် သိထားလဲ။ ဂေါက်ရောဂါ ဆိုတာ အဖြစ်များတဲ့ အရိုးအဆစ်ပြဿနာ တစ်ခုပါ။ ခြေမတွေ၊ လက်ချောင်းတွေ ဖောင်းတင်းလာပြီး နာလွန်းတာကြောင့် မြင်ရတဲ့လူတောင် သက်သောင့်သက်သာ မရှိပါဘူး။ နောက်ပြီး ဂေါက်ရောဂါလို့ ပြောလိုက်ရင် လူနာက သူတော့ အစားအသောက်တွေ ရှောင်ရတော့မယ်ဆိုပြီး သိထားပါတယ်။ အကိုက်အခဲပျောက်ဆေးတွေလည်း သောက်ရပြီး လှုပ်ရှားတာတိုင်းနာတာကြောင့် ဂေါက်ဖြစ်မှာကို လူတိုင်းကြောက်ကြပါတယ်။ ဂေါက်ရောဂါ ဘာကြောင့် ဖြစ်ရတာလဲ။ ဘယ်လိုနည်းလမ်းတွေနဲ့ ကာကွယ်ကြမလဲ ဆိုတာကို ပြောပြပေးသွားပါမယ်။ ဂေါက်ရောဂါ ဘာကြောင့် ဖြစ်တာလဲ။ ဂေါက်ရောဂါဆိုတာ အဆစ်တွေမှာ ယူရိတ်တွေ စုလာပြီး ရောင်ရမ်းတာ၊ နာကျင်တာတွေ ဖြစ်လာတာပါ။ ယူရိတ်ဆိုတာ သွေးထဲမှာ ယူရစ်အက်စစ်တွေများလာလို့ ဖြစ်တာပါ။ ယူရစ်အက်စစ်ဆိုတာက "ပြူရင်း"ဓာတ်ကို ဖြိုခွဲရာက ရလာတာပါ။ ပြူရင်းက ခန္ဓာကိုယ်ထဲမှာ သဘာဝအတိုင်းလဲ ရှိသလို အပြင်  အစားအစာတွေကလည်း […]

ဒူးနာ တယ်လို့ ပြောလိုက်ရင် လူကြီးတွေမှာပဲ ဖြစ်တတ်တယ်လို့ ထင်ကြပါတယ်။ တကယ်တော့ ဒူးနာတယ် ဆိုတာ အဖြစ်များတဲ့ ရောဂါတစ်မျိုးပါပဲ။ တစ်ကိုယ်လုံးရဲ့ အလေးချိန်ကို ထမ်းထားရတာကြောင့် ဘယ်သူမဆို ဒူးနာတတ်ပါတယ်။ ဒူးနာရင် ဘာတွေကြောင့် ဖြစ်နိုင်လဲ။ ဘယ်လို သက်သာအောင် လုပ်ကြမလဲဆိုတာကို ပြောပြေပးပါ့မယ်။ ဒူးနာ စေတဲ့ အကြောင်းရင်းများ ဒူးနာတာက ထိခိုက်ဒဏ်ရာကြောင့်ပဲ ဖြစ်ဖြစ်၊ ဒူးမကောင်းလို့ပဲ ဖြစ်ဖြစ်၊ ဒူးဆစ်ရောင်ရမ်းလို့ပဲ ဖြစ်ဖြစ် ဖြစ်နိုင်ပါတယ်။ အသေးစိတ်ကို ဆက်ကြည့်ရအောင်။ ထိခိုက်ဒဏ်ရာ ထိခိုက်ဒဏ်ရာလို့ဆိုတဲ့ နေရာမှာ အရွတ်တွေ၊ အရိုးတွေ၊ အရိုးနုတွေ၊ အရည်အိတ်တွေ အားလုံးပါပါတယ်။ အတွေ့ရများတာတွေကတော့ အရွတ်ပြဲတာ - ဘတ်စကပ်ဘောဆော့တဲ့သူတွေ၊ တခြားလေ့ကျင့်ခန်း လုပ်တဲ့ သူတွေ ရုတ်တရက် ဒူးခေါင်းကို လှည့်လိုက်တဲ့အခါမှာ  အရွတ်ပြဲတတ်ပါတယ်။ အရိုးကျိုးတာ - ခုံညင်းရိုး(patella) အပါအဝင် […]

အသက်ကြီးလာတာနဲ့အမျှ ကျောရိုးမှာ ရှိတဲ့ အဆစ်လေးတွေ ပါးပြီး ပျက်စီးလာပါတယ်။ ဒါကြောင့် ဇက်ကြောတွေ တက်တာ၊ ခေါင်းကိုက်တာ၊ လက်ပြင်ကိုက်တာတွေ ဖြစ်လာလပါတယ်။ ဒါကို ကျီးပေါင်း တက်တယ်လို့ ခေါ်ပါတယ်။ အသက် "ကြီး" မှ ဖြစ်လို့ "ကျီး"ပေါင်းလို့ ခေါ်တာပေါ့။ အသက်ကြီးတဲ့ သူတွေမှာ အဖြစ်များပြီး အသက်ကြီးလာလေလေ ပိုဆိုးလေပါ။ လေ့လာချက်တွေအရ အသက်၆၀ကျော်တွေရဲ့ ၈၅ရာခိုင်နှုန်းက ဇက်ကျီးပေါင်း ဖြစ်တတ်ပါတယ်။ ဒါဖြစ်လာရင် လူက နေလို့မကောင်းဘူး။ ခေါင်းကြီးလေးနေတဲ့အတွက် လေဖြတ်တော့မှာလား ဆိုပြီး စိုးရိမ်တတ်ပါတယ်။ ဒါကြောင့် ဇက်ကျီးပေါင်း ဆိုတာ စိုးရိမ်ရလား။ ဘယ်လိုနည်းလမ်းတွေနဲ့ သက်သာအောင် လုပ်ကြမလဲ ဆိုတာ ဆက်ကြည့်ရအောင်။ ဘာလို့ ဇက် ကျီးပေါင်း တက်ရတာလဲ။ အသက်ကြီးလာတာနဲ့အမျှ တစ်သက်လုံး သုံးလာခဲ့တဲ့ လည်ပင်းဆစ်မှာ ရှိတဲ့ အရိုးတွေ၊ အရိုးနုတွေက […]