သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဗိုက်အောင့်ဗိုက်နာဖြစ်ခဲ့ရင်

ဗိုက်အောင့်ဗိုက်နာဖြစ်ခဲ့ရင်

ဗိုက်ထဲအောင့်သလိုလိုပဲ။နေလို့မကောင်းလိုက်တာလို့များဖြစ်နေလား။ ဗိုက်နာတာကတော်တော်လေးတော့ စိတ်အနှောင့်အယှက်ဖြစ်စရာနော်။ အလုပ်လုပ်ဖို့မပြောနဲ့ ထိုင်နေရတာတောင်အခက်တော်တော်တွေ့နေပြီလေ။ ဗိုက်အောင့်တဲ့အခါ နံရိုးအောက်ဘက်တွေကနေစလို့ ဆီးခုံအပေါ်ပိုင်းအထိ ဗိုက်တစ်ပြင်လုံးကအောင့်နေတတ်တာပါ။ ဗိုက်က ကိုယ်တွင်းအင်္ဂါတွေကို စုစည်းထည့်ထားတဲ့သေတ္တာကြီးပေါ့။ ဗိုက်ထဲမှာ အစာအိမ်အသည်း၊ပန်ကရိယ၊ အူသိမ်၊ အူမကြီးနဲ့သည်းခြေအိတ်တွေပါဝင်နေပါတယ်။ ဒါတွေအပြင် အမျိုးသမီးတွေမှာဆိုရင် မျိုးပွားအင်္ဂါတောင်ပါနေပါသေးတယ်။ ဒါတွေအပြင် ဝမ်းဗိုက်ပိုင်းမှာ ခန္ဓါကိုယ်အတွက်အရေးပါတဲ့သွေးကြောကြီးတွေရှိနေပါသေးတယ်။

ဒီအချက်တွေကြောင့် ဗိုက်အောင့်ဗိုက်နာဖြစ်နိုင်ပါတယ်

ဗိုက်အောင့်ဗိုက်နာဖြစ်စေတဲ့ အကြောင်းအရင်းက တစ်ခုမကရှိနေတာပါ။ ဗိုက်အောင့်ဗိုက်နာဖြစ်စေတဲ့အဓိကအကြောင်းအရင်းက ပိုးဝင်ကူးစက်တာ၊ ကိုယ်တွင်းအင်္ဂါတစ်ခုခုရောင်ရမ်းတာ၊ အစာခြေစနစ်နဲ့ အူလမ်းကြောင်းမှာပြဿနာတွေရှိနေတာကြောင့်ပါ။

လည်ချောင်း၊ အူတွေနဲ့သွေးတွင်းမှာရောဂါပိုးတွေဝင်ရောက်ကူးစက်တဲ့အခါ ဘက်တီးရီးယားတွေက အစာခြေလမ်းကြောင်းထဲကိုရောက်ရှိသွားပြီး ဗိုက်အောင့်ဗိုက်နာတာတွေဖြစ်စေနိုင်ပါတယ်။

ဗိုက်အောင့်ဗိုက်နာတာကို အများဆုံးဖြစ်စေတဲ့အကြောင်းအရင်းတွေက –

  • ဝမ်းချုပ်တာ
  • ဝမ်းပျက်ဝမ်းလျှောဖြစ်တာ
  • အထက်လန်အောက်လျှောဖြစ်တာ
  • စားချဉ့်ရည်ပြန်ဆန်တက်တာ
  • အော့အန်တာ
  • စိတ်ဖိစီးမှုများတာ နဲ့
  • အစာခြေစနစ်ကိုထိခိုက်စေနိုင်တဲ့ရောဂါတွေကြောင့်လည်း ဗိုက်အောင့်ဗိုက်နာတာတွေဖြစ်နိုင်ပါတယ်။

မခံမရပ်နိုင်အောင် ဗိုက်အောင့်နေတာဆိုရင်တော့ –

ဗိုက်အောင့်တာကို သက်သာစေမယ့်နည်းလမ်းတွေက

ဗိုက်အောင့်ဗိုက်နာဖြစ်ရတဲ့အကြောင်းအရင်းပေါ်မူတည်ပြီး ကုသစောင့်ရှောက်မှုပေးပုံချင်း ကွာခြားနိုင်ပါတယ်။ ဗိုက်အောင့်ဗိုက်နာဖြစ်တဲ့အခါ

  • သက်တောင့်သက်သာလေးနေပါ
  • အသက်မှန်မှန်ရှုပေးပါ
  • ဗိုက်အောင့်သက်သာစေတဲ့လေဆေးတစ်မျိုးမျိုးသောက်ပေးပါ
  • အရည်များများသောက်ပါ
  • ဗိုက်အောင့်မသက်သာမချင်း ဘာမှမစားဘဲနေပေးပါ
  • အစာခပ်ပျော့ပျော့လေးတစ်ခုခုစားပေးပါ
  • ကျန်းမာရေးနဲ့ညီညွတ်တဲ့အစားအသောက်တွေစားပေးပါ
  • ရေကို မကြာခဏသောက်ပေးပါ
  • အစားကို နည်းနည်းချင်းနဲ့ အကြိမ်ရေများများစားပေးပါ
  • ရေနွေးနွေးလေးနဲ့ရေချိုးပေးပါ
  • ဗိုက်ကိုရေနွေးအိတ်ကပ်ပေးပါ
  • ကော်ဖီတွေ၊ လက်ဖက်ရည်တွေလျှော့သောက်ပေးပါ
  • အရမ်းမခံမရပ်နိုင်အောင်အောင့်လာပြီဆိုရင်တော့ ဆရာဝန်နဲ့အမြန်ဆုံးသွားရောက်ပြသပေးပါ။

ဒီလိုအခြေအနေမျိုးဖြစ်နေပြီဆိုရင် ဆရာဝန်နဲ့ အမြန်ဆုံးပြပေးပါ

အခုပြောပြသလို လက္ခဏာတွေခံစားနေရပြီဆိုရင်တော့ နီးစပ်ရာဆေးခန်းကို အမြန်ဆုံးသွားရောက်ပြသပေးပါ။

  • ဗိုက်ထဲကအရမ်းအောင့်နေမယ်
  • ဗိုက်အောင့်တာက နာရီတော်တော်ကြာတဲ့အထိ မသက်သာဘဲဖြစ်နေမယ်
  • ကိုယ်ဝန်ဆောင်တွေမှာဆိုရင် ဗိုက်အောင့်တာနဲ့ အတူသွေးဆင်းလာမယ်
  • ဗိုက်အောင့်မယ်၊အန်မယ်၊ အသက်ရှုတာပြတ်တောင်းပြတ်တောင်းဖြစ်မယ်
  • ဗိုက်အောင့်ပြီး အန်ရင်သွေးပါမယ်
  • ဆီးတွေ၊ဝမ်းတွေထဲမှာသွေးပါလာမယ်
  • ဗိုက်အောင့်တာနဲ့အတူ အဖျားတက်ပြီးချွေးတွေအရမ်းထွက်လာမယ်
  • တစ်ကိုယ်လုံးဖျော့တော့ပြီးချွေးစေးတွေထွက်နေမယ်
  • ဆီးသွားရခက်နေမယ်
  • ဝမ်းချုပ်ပြီးလေမတက်ဘူးဖြစ်နေမယ်ဆိုရင်တော့ နီးစပ်ရာဆေးခန်းကို အမြန်ဆုံးသွားရောက်ပြသဖို့အကြံပြုပါရစေ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Abdominal pain in adultshttps://www.betterhealth.vic.gov.au/health/conditionsandtreatments/abdominal-pain-in-adults Accessed Date 1 November 2018

What is Abdominal Pain?https://www.everydayhealth.com/abdominal-pain/guide/ Accessed Date 1 November 2018What CausesAbdominal Pain?https://www.healthline.com/symptom/abdominal-pain Accessed Date 1 November 2018

Fifteen possible causes of abdominal painhttps://www.medicalnewstoday.com/articles/318286.php Accessed Date 1 November 2018

စာရေးသူ ဓာတ်ပုံbadge
Aye Thi Mon မှ ရေးသားသည်။ 25/01/2022 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။