အခြားစိတ်ကျန်းမာရေးပြဿနာများ

လူတစ်ဦးဦးကို စိတ်ဆိုးဒေါသထွက်တဲ့အခါ ဘာလုပ်တတ်လဲ။အော်ဟစ်ပေါက်ကွဲတတ်လား။ တနုံ့နုံ့နဲ့ဒေါသထွက်နေတတ်လား။ တစ်ယောက်တည်းကြိတ်ပြီး စိတ်မကောင်းဖြစ်တတ်လား။ ဒီအဆင့်တွေကိုကျော်လွန်ပြီးရင်ကော ဘာလုပ်တတ်လား။ ခွင့်လွှတ်ပေးလိုက်လား၊ ခွင့်မလွှတ်ဘဲ အမြဲလိုလိုပိုက်ထားတတ်တာလား။ ဒါဆိုရင်တော့ အကောင်းဆုံးဖြစ်စေမယ့် နည်းလမ်းတစ်ခုပြောပြပါ့မယ်။ ဒါကတော့ ကိုယ့်အပေါ်အမှားလုပ်ထားတဲ့သူကို ခွင့်လွှတ်ပေးလိုက်ပါ။ ခွင့်လွှတ်တာက နည်းလမ်းကောင်းလား......... ပြဿနာတိုင်းကို ခွင့်လွှတ်နိုင်ဖို့က ခက်ခဲမယ်ဆိုတာအမှန်ပါ။ ဒါပေမယ့် ခွင့်လွှတ်မှုက ကိုယ့်အပေါ်အမှားကျူးလွန်တဲ့သူအတွက် ကိုယ့်ဘက်ကပေးဆပ်မှုမဟုတ်ပါဘူး။ ကိုယ့်ရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာကျန်းမာစေဖို့အတွက်လုပ်ဆောင်လိုက်တဲ့ ရင်းနှီးမြှုပ်နှံမှုပါ။ ဒီနေရာမှာ သိထားဖို့လိုမယ်အချက်တစ်ခုက ခွင့်လွှတ်ပေးတယ်ဆိုတာက သူ့ကိုနောက်ထပ်နာကျင်အောင်လုပ်ဆောင်ခွင့်ပြုလိုက်တာမဟုတ်ဘဲ ကိုယ့်ရဲ့ စိတ်ထဲက ဝန်ထုပ်ဝန်ပိုးကိုလျှော့ချလိုက်တာပါ။ ခွင့်လွှတ်ပေးမှုရဲ့နောက်မှာ အရင်ကအတိုင်းဆက်ဆံခွင့်ပြုတယ်ဆိုတဲ့ ခွင့်ပြုချက်ပါမလာတာကို သူသိအောင်တော့ လုပ်ဆောင်ရမှာပေါ့။ ခွင့်လွှတ်ပေးမှုကို စိတ်ဓါတ်ခွန်အားကောင်းသူတွေပဲ လုပ်ဆောင်နိုင်ကြတာပါနော်။ တကယ်တော့ ခွင့်လွှတ်မှုက ရုပ်ပိုင်းဆိုင်ရာအတွက်ရော စိတ်ပိုင်းဆိုင်ရာအတွက်ပါ အမှန်တကယ်ကောင်းကျိုးရှိပါတယ်။ ခွင့်လွှတ်ပေးမှုကနေရရှိမယ့် ကျန်းမာရေးအကျိုးကျေးဇူးတွေက ဘာတွေများလဲ...... လူတစ်ယောက်ကို ခွင့်လွှတ်ပေးလိုက်တဲ့အခါ အခုလိုကောင်းကျိုးတွေရရှိလာနိုင်ပါတယ်။ ကိုယ်ခံအားကောင်းလာမယ် ခွင့်လွှတ်ပေးမှုက ခန္ဓါကိုယ်ထဲမှာ ပဋိဇီဝပစ္စည်းတွေထွက်ရှိမှုကို တိုးမြှင့်ပေးနိုင်တာကြောင့် […]

ကျန်းမာတဲ့ လူတစ်ယောက်ဖြစ်ဖို့အတွက်က စိတ်ရောကိုယ်ပါကျန်းမာဖို့လိုအပ်မှာပါ။ ဒီတစ်ခေါက်တော့ စိတ်ကျန်းမာရေးပြဿနာနဲ့ ပတ်သက်လို့ ကိုယ်တိုင်တောင် မသိလိုက်ဘဲ လုပ်မိနေတဲ့ အပြုအမူလေးတွေအကြောင်းပြောပြပေးချင်ပါတယ်။ တစ်ခါတလေမှာ အမှုမဲ့အမှတ်မဲ့လုပ်မိနေတဲ့ အပြုအမူအချို့ကနောက်ပိုင်းမှာ စိတ်ရောဂါခံစားရနိုင်ခြေရှိတယ်ဆိုတာကိုဖော်ပြနေတဲ့ အစောပိုင်း လက္ခဏာတွေဖြစ်နေတတ်ပါတယ်။ ဒီဆောင်းပါးလေးကိုဖတ်ရင်း ကိုယ်တိုင်ရော လုပ်မိနေလားဆိုတာ ဆန်းစစ်ကြည့်လိုက်ပါဦး။ စိတ်ရောဂါခံစားရနိုင်ခြေရှိနေတဲ့ လက္ခဏာတွေက ဘာတွေများလဲ တစ်ခါတလေမှာ ကိုယ်တိုင်တောင်မသိလိုက်ဘဲ အသေးစားစိတ်ရောဂါလေးတွေခံစားနေရတာမျိုးရှိနိုင်ပါတယ်။ ဒါကြောင့် ဆန်းစစ်ကြည့်ရအောင်လား။ အစားတွေ အရမ်းစားမယ် အစားလုံးဝမစားသလောက်ဖြစ်မယ် တစ်ချိန်လုံးအိပ်နေမယ် လုံးဝမအိပ်သလောက်ကိုနေမယ် လုပ်နေကျအလုပ်တွေကို မလုပ်ဘဲနေမယ် ခြေကုန်လက်ပမ်းကျနေသလို အမြဲခံစားနေရမယ် လူက ထိုင်းထိုင်းမှိုင်းမှိုင်းဖြစ်နေမယ် ဆေးလိပ်တွေအရမ်းသောက်မိနေမယ် အရက်တွေအလွန်အကျွံသောက်မိနေမယ် အခြားဆေးဝါးတွေကို သုံးစွဲနေမယ် အမြဲလိုလို စိတ်ရှုပ်ထွေးနေမယ် ခန္ဓါကိုယ်က အမြဲလိုလို နာကျင်ကိုက်ခဲနေမယ် အကူအညီမဲ့သလိုခံစားနေရမယ် မျှော်လင့်ချက်မဲ့သလို ခံစားနေရမယ် အမြဲလိုလိုမေ့နေမယ် အကြောင်းမဲ့ စိုးရိမ်ပူပန်မှုများနေမယ် အကြောင်းအရင်းမရှိဘဲ အမြဲလိုလိုကြောက်နေမယ် ကိစ္စတစ်ခုခုကြုံတဲ့အခါအော်ဟစ်မိတယ် […]

လူရယ်လို့ဖြစ်လာရင်နေ့စဉ်ဘဝမှာ အကောင်းအဆိုးဒွန်တွဲမှုတွေကို အမြဲလိုလိုရင်ဆိုင်နေရမှာပါ။ တစ်နေ့တာရဲ့ အချိန်အတိုင်းအတာအတွင်းမှာ စိတ်ချမ်းမြေ့စရာတွေ ကြုံရနိုင်သလို စိတ်အနှောင့်အယှက်ဖြစ်စရာ စိတ်ထိခိုက်စရာတွေကိုလည်း ကြုံရနိုင်ပါတယ်။ စိတ်ချမ်းမြေ့စရာကိစ္စကတော့ စိတ်ပျော်ရွှင်မှုကိုတောင် ရစေသေးလို့ ကိစ္စမရှိပေမယ့် စိတ်ထိခိုက်စရာ၊ စိတ်အနှောင့်အယှက်ဖြစ်စရာကြုံတဲ့ အခါ စိတ်မထားတတ်ရင်ဖြစ်လာနိုင်တဲ့နောက်ဆက်တွဲအကျိုးဆက်တွေက အများကြီးပါ။ ဒီအခြေအနေကို အကောင်းဆုံးကျော်လွှားရအောင်လား Hello ဆရာဝန်ပရိသတ်ကြီးရေ......... စိတ်အနှောင့်အယှက်ြဖစ်စေတဲ့အရာတွေကို အကောင်းဆုံးကျော်လွှားခြင်း စိတ်အနှောင့်အယှက်ဖြစ်တဲ့အခါ အရင်ဆုံးလုပ်ရမှာက ကိုယ့်ကို စိတ်အနှောင့်အယှက်ဖြစ်စေတဲ့အရာက ဘာလဲဆိုတဲ့ အကြောင်းအရင်းအတိအကျကို ရှာဖို့ပါ။ စိတ်အနှောင့်အယှက်ဖြစ်စေနေတာက လူလား၊ အခြေအနေတစ်ရပ်ရပ်လား၊ လုပ်ငန်းစဉ်တစ်ခုခုကလားဆိုတာပါ။ ဒီအဆင့်အဖြေထွက်လာပြီဆိုရင်တော့ ဘယ်လိုရင်ဆိုင်မလဲဆိုတဲ့နည်းလမ်းကို စဉ်းစားရမှာပါ။ ထိပ်တိုက်ရင်ဆိုင်မလား၊ ဒီအတိုင်း ထားလိုက်မှာလား။ ဘာကိုရွေးသင့်လဲဆိုတာကတော့ အနေအထားအလိုက်ပြောင်းလဲနိုင်ပါတယ်။ တစ်ခါတလေမှာ ထိပ်တိုက်ဖြေရှင်းလိုက်မှုကကောင်းပေမယ့် တစ်ခါတလေမှာ ဒီအတိုင်းလေးကျော်သွားလိုက်တာကလည်း အဆင်ပြေပါတယ်။ အဓိကထားစဉ်းစားရမှာက ကိုယ့်ရဲ့ စိတ်အခြေအနေကိုပါ။ ထိခိုက်မှုကကြီးမယ်၊ အကျိုးလည်းမရှိလောက်ဘူးဆိုရင်တော့နောက်တစ်ကြိမ်ထပ်ဖြစ်မလာဖို့ ကိုယ့်ကိုယ်ကို ကာကွယ်တဲ့အနေနဲ့ ထိခိုက်စေတဲ့ လူ၊ […]

စွဲလမ်းခြင်းဆိုတာ ဘာလဲ။ လူတွေတော်တော်များများက စွဲလမ်းခြင်းကို လူတစ်ယောက်ကို အမှန်တကယ်စိတ်ဝင်စားမိသွားတဲ့အခါမှာ ဖြစ်ပေါ်လာတဲ့ ခံစားချက်တစ်မျိုးဖြစ်တယ်လို့ အဓိပ္ပါယ်ဖွဲ့ထားတတ်ကြပါတယ်။ လုံးဝမှားတာမျိုးတော့မဟုတ်ဘူးပေါ့။ ချစ်ခြင်းမေတ္တာတရားရဲ့ အနောက်မှာ စွဲလမ်းမှုဆိုတဲ့ စိတ်က အလိုလိုကပ်ပါလာတတ်ပါတယ်။ ဒီလိုစွဲလမ်းမှုက သိပ်ကိုများလွန်းသွားပြီဆိုရင် လူတစ်ယောက်ကို ချစ်တယ်ဆိုတာထက် ကိုယ့်အသိစိတ်ထဲမှာ သူ့အကြောင်းတွေက အချိန်ပြည့်လွှမ်းမိုးသွားတော့တာပေါ့။ အဲ့တော့ ဘာဆက်ဖြစ်မလဲ။ ချစ်ခြင်းမေတ္တာကြောင့် ရတဲ့ ပျော်ရွှင်မှုမဟုတ်ဘဲ စွဲလမ်းစိတ်ကြောင့် ရင်ထဲမှာ သောကမီးတွေပဲ ကျန်ရစ်နေတော့တာပေါ့။ ဒီစွဲလမ်းစိတ်ကို စိတ်ကျန်းမာရေးအရ Obsessive Love Disorder – OLD ရောဂါလို့ ခေါ်ပါတယ်။ စွဲလမ်းစိတ်ကြောင့် အခြေခံလာတဲ့ ရောဂါ Obsessive Compulsive Disorder – OCD ရဲ့ ရောဂါပုံစံတစ်မျိုးပါ။ ငယ်ငယ်လေးတုန်းက ကျန်ရစ်ခဲ့တဲ့ အထီးကျန်စိတ်ေတွ၊ သိမ်ငယ်စိတ်တွေ၊ လူတွေနဲ့ သဟဇာတမဖြစ်တဲ့ နေပုံထိုင်ပုံတွေ၊ […]

စိတ်တိုလိုက်တာနော်။ဒေါသတွေဖြစ်လာပြီဆိုရင် စိတ်လေးကိုလျှော့ပါလို့ပြောပါရစေ။ အကြောင်းကတော့ Helloဆရာဝန်ရဲ့ ချစ်ပရိသတ်ကြီးကိုဒေါသကြောင့် အလှပျက်မှာစိုးလို့ပါနော်။ဒေါသထွက်စိတ်ဆိုးလို့ ရုပ်ပိုင်းဆိုင်ရာအတွက်ရော စိတ်ပိုင်းဆိုင်ရာ အတွက်ပါ သိပ်တော့ကောင်းလှတာမရှိပါဘူး။ ဒေါသမထွက်နဲ့.....စိတ်လျှော့ပါ....................... ဒေါသထွက်တယ်ဆိုတာက တစ်ခါတလေမှာရှောင်လွှဲဖို့တော်တော်လေးခက်သားနော်။နေ့စဉ် ကြုံတွေ့နေရတဲ့ အခြေအနေတွေကလည်း အဖုံဖုံကိုး။ ဒါပေမယ့်ဖြစ်နိုင်ရင်တော့ စိတ်လျှော့ပါလို့ပြောပါရစေနော်။ အခုနောက်ပိုင်းပြောင်းလဲလာတဲ့ လူနေမှုပုံစံ ကြောင့် အဝလွန်တာတွေက အဖြစ်များပါတယ်။ အစားအသောက်နဲ့နေထိုင်မှုပုံစံကြောင့် ခန္ဓာကိုယ် အချိုးအစားကို ထိန်းသိမ်းဖို့ခက်ရတဲ့ ကြားထဲကမှဒေါသကြောင့် ထပ်ဝလာတာမျိုး မဖြစ်ပါစေနဲ့နော်။ လေ့လာချက်တွေအရကတော့ ဒေါသထွက်တာက အစားစားချင်စိတ်ကို ပိုဖြစ်စေနိုင်ပါတယ်။ ဒါကြောင့် ခဏခဏဒေါသထွက်တာက ဝလာစေဖို့ အစပျိုးတဲ့ အကြောင်းအရင်းပါ။ဒေါသထွက်တာကြောင့် အမျိုးသားတွေမှာ လက်မောင်း နဲ့ ခြေထောက်ကြွက်သားတွေ လျော့ရဲလာတာ၊ ဗိုက်မှာ အဆီတက်လာတာ၊ မေးနှစ်ထပ်ဖြစ်လာတာမျိုးတွေ ဖြစ်စေနိုင်ပါတယ်။ လေဒီလေးတွေမှာတော့ ဒေါသကြောင့် ဗိုက်အဆီတက်တာ၊ အသားအရေကြမ်းလာတာ၊ ဝက်ခြံတွေဖြစ်တာ၊ ခါးနဲ့ နောက်ကျောမှာ အဆီတက်တာတွေ ဖြစ်စေနိုင်တယ်လို့ တွေ့ရှိခဲ့ရပါတယ်။ […]

တစ်နေ့တာ အလုပ်တွေကို အကောင်းဆုံးပြီးဆုံးအောင်လုပ်နိုင်ဖို့ အရေးကြီးတဲ့အချက်တစ်ခုရှိပါတယ်။ ဒါကတော့ အာရုံစူးစိုက်မှုပါ။ စာရေးစာဖတ်တာကစလို့ လုပ်ဆောင်စရာ ကိစ္စအဝဝကို အကောင်းဆုံးပြီးစီးနိုင်ဖို့က အာရုံစူးစိုက်နိုင်စွမ်းကောင်းဖို့ မဖြစ်မနေလိုအပ်မှာပါ။ ဒီတော့ ကိုယ်ရည်ကိုယ်သွေးအတွက် အရေးပါတဲ့ အာရုံစူးစိုက်နိုင်စွမ်းကောင်းဖို့ ဘယ်လိုနေထိုင်ရမလဲဆိုတာကို သိချင်ရင် ဒီဆောင်းပါးလေးထဲမှာ ဖတ်ကြည့်စေချင်ပါတယ်။ အာရုံစူးစိုက်နိုင်စွမ်းကောင်းစေဖို့ ဒါတွေလုပ်ပါ အာရုံစူးစိုက်နိုင်စွမ်းကောင်းကောင်းနဲ့ အလုပ်တွေကို အကောင်းဆုံးလုပ်နိုင်ပြီး ကိုယ်ရည်ကိုယ်သွေးတိုးတက်စေဖို့ဆိုရင်တော့ ဒီအချက်လေးတွေကို လိုက်ဖို့ လိုပါမယ်။ အစိမ်းရောင်အချိန်လေးထားပေးပါ အစိမ်းရောင်မြင်ကွင်းလေးတွေကလည်း အာရုံစူးစိုက်နိုင်စွမ်းကောင်းစေဖို့ အကောင်းဆုံးထောက်ပံ့ပေးနိုင်မှာပါ။ တစ်နေ့ကို အနည်းဆုံး ၁ နာရီလောက် သဘာဝပတ်ဝန်းကျင်နဲ့ထိတွ့ကြည့်ပါ။ တစ်နေ့ပြီးတစ်နေ့ အာရုံစူးစိုက်နိုင်စွမ်းပိုကောင်းလာတာကိုတွေ့ရပါလိမ့်မယ်။ အလုပ်ခွင်ထဲမှာ အစိမ်းရောင်ရှိတဲ့ အပင်လေးတွေကို ထားတာကလည်း အလုပ်လုပ်ဆောင်နိုင်စွမ်းကို ၁၅ ရာခိုင်နှုန်းလောက်ထိတိုးစေနိုင်ပါတယ်။ ဒါကြောင့် ရုံးခန်းထဲမှာ အစိမ်းရောင် အပင်တွေ မထားဖြစ်ရင်တောင်မှ တစ်နေ့တာမှာ ၁ နာရီ ဒါမှမဟုတ် နာရီဝက်လောက် အစိမ်းရောင်ရှုခင်းတွေကို ကြည့်ပေးပါ။ ကိုယ့်ကိုကိုယ် […]

ကိုယ်သဘောမကျတဲ့ အမူအကျင့်တွေရှိတဲ့သူတွေကို အဆိပ်အတောက်ရှိတဲ့သူတွေအဖြစ် စိတ်ထဲက သတ်မှတ်တတ်ကြပါတယ်။ သူတို့ရဲ့အကျင့်ဆိုး တွေက ရိုးဖြောင့်မှန်ကန်မှုမရှိကြဘဲ တခြားသူတွေကိုပါ အဆိပ်ခတ်တတ်ကြတယ်လေ။ ဒါပေမယ့် ကိုယ်ကိုယ်တိုင်ရော တကယ်အဆိပ်အတောက်ကင်းစင်နေရဲ့လား၊ ကိုယ့်အမူအကျင့်တွေကရော ဘယ်လောက်မှန်ကန်နေသလဲ ဆန်းစစ်ကြည့်ကြဖူးရဲ့လား။ ကိုယ့်ဘက်ကတော့ စိတ်ကောင်းထားတယ်၊ စေတနာပဲထားခဲ့တယ်လို့တွေးမိကြမှာပါပဲ။ ဒါပေမယ့် ဆက်ပြီးဖတ်ကြည့်လိုက်ပါ၊ ဒီအချက်တွေထဲ သင်မပါဘူးဆိုရင်တော့ အဆိပ်ကင်းစင်တဲ့ဖြူစင်မှုအတွက် ဝမ်းသာလိုက်လို့ရပါတယ်။ အဆိပ်အတောက် အကျင့်ဆိုး ဆိုတာ တစ်စုံတစ်ယောက်ကို စိတ်အနှောင့်အယှက်ဖြစ်စေတဲ့ အပြုအမူတိုင်းက အဆိပ်အတောက်မဟုတ်ပါဘူး။ တချို့အပြုအမူတွေက စိတ်ထိခိုက်ရပေမယ့် လွယ်လွယ်နဲ့ပြေပျောက်သွားစေတာရှိပေမယ့် တကယ်အဆိပ်အတောက်ဖြစ်စေတဲ့အပြုအမူတွေက ညင်သာပါတယ်။ စကားချိုချိုလေးပေမယ့် တစ်ဖက်လူမှာ ကာလတာရှည်ခံစားလိုက်ရတဲ့အထိ ထိခိုက်သွားရတာမျိုးက ရန်လိုပုတ်ခတ်လိုက်တာထက် ပိုဆိုးပါတယ်။ ဒီလို စိတ်ပိုင်းဆိုင်ရာအနိုင်ကျင့်မှုက ဆက်ဆံရေးကို အဆိပ်ခတ်လိုက်တာဖြစ်ရုံမက တစ်ဖက်လူရဲ့ဖွံ့ဖြိုးမှုကိုပါ ကန့်သတ်လိုက်တာဖြစ်ပါတယ်။ အတွေ့ရများဆုံး အဆိပ်အတောက် အကျင့်ဆိုး များ ဒီလိုအပြုအမူမျိုးတွေလုပ်မိတဲ့နေသူတွေဟာ ကိုယ့်ကိုယ်ကိုသတိထားမိဖို့ သိပ်မလွယ်ပါဘူး။ ငါက ဘာများလုပ်နေမိလို့လဲ၊ သူပဲမကောင်းတာလေ၊ […]

၂၁ ရာစုမှာ လိင်တူချစ်တယ်၊ လိင်တူ၊ လိင်ကွဲ ၂မျိုးလုံးကို ချစ်တယ်ဆိုတာ သိပ်ပြီး ထူးဆန်းတဲ့အရာတော့မဟုတ်ပါဘူး။ အဲဒီလိုလူတွေကို အကြောင်းရင်းမရှိဘဲ မုန်းတီးနေတဲ့ လူတန်းစားတစ်ရပ်ဟာလည်း ယခုအချိန်ထိကို တည်ရှိနေတုန်းပါပဲ။ သဘာဝကိုဖီဆန်တယ်လို့ ဆိုကြပေမယ့် လိင်တူချစ်တယ်ဆိုတာဟာ စိတ်ရောဂါတစ်ခုလည်း မဟုတ်သလို သဘာဝဆိုတာလည်း လိင်ကွဲမှချစ်ခင်ရတယ်လို့ သတ်မှတ်ထားတာမျိုး လုံးဝမရှိပါဘူး။ ဒီနေ့ပြောပြပေးမယ့်အကြောင်းအရာကတော့ LGBT လူသားတွေအပေါ်မှာ ထားရှိတဲ့ လူတစ်ချို့ရဲ့ ကြောက်ရွံ့မှု စိတ်ဝေဒနာအကြောင်းပဲ ဖြစ်ပါတယ်။ LGBT နဲ့ပတ်သက်ပြီး ဖိုးဘီးယား ဘယ်နှစ်မျိုးရှိလဲ။ ဖိုးဘီးယား (Phobia) ဆိုတာ အရာဝတ္ထုတစ်ခု၊ အခြေအနေတစ်ခုကို သာမန်ထက်ပို၍ ကြောက်ရွံ့ခြင်း၊ ရွံရှာခြင်း၊ မနှစ်မြို့ခြင်းကို ပြောတာဖြစ်ပါတယ်။ ရာနဲ့ ချီနေတဲ့ ဖိုးဘီးယားစိတ်ဝေဒနာထဲမှာမှ LGBT နဲ့ ပတ်သက်ပြီး အတွေ့များတဲ့ ဖိုးဘီးယား ၃မျိုးကတော့ ၁။ လိင်တူချစ်ခြင်းကို မနှစ်သက်ခြင်း […]

ကိုယ့်ပတ်ဝန်းကျင်မှာ တွေ့ဖူးကြမှာပါ၊ စိတ်ထဲက မကျေနပ်တာကို ပေါ်တင်မပြောဘဲ ချောက်တွန်းတာ၊ အနောက်ကနေ သွားပုပ်လေလွင့်တာ၊ ပြဿနာရှာတဲ့သူမျိုးတွေပေါ့။ တကယ်တော့ ဒီလိုလုပ်တာကို အတွင်းစိတ်ထဲကနေ လူတစ်ယောက်ကို မုန်းတီးစိတ် တစ်နည်းအားဖြင့် Passive-Aggressive Behavior လို့ ခေါ်တဲ့ အပြုအမူပိုင်းဆိုင်ရာ စိတ်ရောဂါတစ်မျိုးလို့ ခေါ်ပါတယ်။ သိသာအောင် ဥပမာ ပေးရမယ်ဆိုရင်တော့ ၁။ အလုပ်ကအစည်းအဝေးမှာ လူတစ်ယောက်က ဒီလိုလုပ်သင့်တယ်လို့ အကြံပေးတယ်။ ကိုယ့်စိတ်ထဲမှာက ဒီလိုလုပ်တာကို သဘောမတူပေမဲ့ ပါးစပ်က သဘောတူပါတယ်ပဲ ပြောတယ်။ ပြီးတော့ နောက်ကွယ်မှာ ဒီအကြံအတိုင်း လုံးဝမလုပ်ဘဲ မသိမသာ သို့မဟုတ် သိသိသာသာ ဆန့်ကျင်တယ်။ ၂။ လူတစ်ယောက်ကို မုန်းတယ်ဆိုပါစို့။ သူ့ရှေ့မှာတော့ ပုံမှန်အတိုင်း ပြုံးရွှင်နေပြီး သူ့ကွယ်ရာရောက်မှ သူ့ရဲ့ မကောင်းကြောင်းတွေလွှတ်ပြောမယ်၊ အတင်းချတယ်။ ၃။ ပြဿနာတစ်ခုဖြစ်တယ်။ ဒီပြဿနာကို တိုက်ရိုက်မဖြေရှင်းဘဲ မဆိုင်တဲ့သူတွေကို […]

ကြောက်ရွံ့ခြင်း စိတ်ဝေဒနာထဲမှာမှ Glossophobia လို့ခေါ်တဲ့ လူရှေ့မှာ စကားထွက်ပြောဖို့ ကြောက်တဲ့ စိတ်ရောဂါဟာ တော်တော်လေးအဖြစ်များပါတယ်။ စိုးရိမ်စရာ စိတ်ကျန်းမာရေးပြဿနာတော့ မဟုတ်ပေမဲ့ ဝေဒနာခံစားရသူအတွက် နေ့စဉ်လူမှုရေး၊ အလုပ်ခွင်၊ ကျောင်းပတ်ဝန်းကျင်မှာ တော်တော်လေး စိတ်ကသိကအောက်နိုင်ပြီး စိတ်ထဲ မလုံသလိုဖြစ်နေတတ်ပါတယ်။ Glossophobia ဆိုတာဘာလဲ။ လူမှုရေးပြဿနာ သို့မဟုတ် လူတွေရှေ့မှာ စကားထွက်မပြောရဲတဲ့ ကြောက်ရွံ့မှုဝေဒနာဖြစ်ပါတယ်။ များသောအားဖြင့် ကလေးဘဝမှာ အစပျိုးလာတတ်ပြီး လူကြီးအရွယ်ရောက်တဲ့အထိ ဒီကြောက်ရွံ့မှုက စွဲပါလာတတ်ပါတယ်။ Glossophobia ရဲ့ ရောဂါလက္ခဏာက ဘာတွေလဲ။ တစ်ယောက်ထက်ပိုတဲ့ လူအုပ်ရှေ့မှာ စကားပြောတဲ့အခါ ပေါ်လာတတ်တဲ့ လက္ခဏာတွေကတော့ စိတ်ထဲ နေလို့ထိုင်လို့ မကောင်းတာ စိုးရိမ်ပူပန်လာတာ တစ်ကိုယ်လုံးတုန်ရီနေတာ ချွေးစေးပြန်တာ နှလုံးခုန်မြန်တာ စကားထစ်လာတာ အသံမထွက်လာတော့တာ ခေါင်းမူးသလို ဖြစ်တာ အသက်ရှူမဝတော့တာ အော့အန်ချင်သလို ခံစားရတာ ကိုယ်စကားပြောနေတဲ့ လူရှေ့ကနေ ထွက်ပြေးချင်စိတ်ပေါက်လာမှာပါ။ လူမှုရေးဆိုင်ရာ […]