သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အစားလည်း မလျှော့ဘဲနဲ့ မနက်ဆို ဘာ့ကြောင့် ဗိုက်တွေဆာပြီး နိုးလာရတာလဲ ။ ။

    အစားလည်း မလျှော့ဘဲနဲ့ မနက်ဆို ဘာ့ကြောင့် ဗိုက်တွေဆာပြီး နိုးလာရတာလဲ ။ ။

    အစားလျှော့နေလို့ ညစာမစားလို့ မနက်ပိုင်း ဗိုက်တွေဆာပြီး နိုးလာတယ်ဆို ထားပါတော့။ ခုဟာက ပုံမှန်လည်းစားနေရက်သားနဲ့ မနက်မျက်လုံး ပွင့်လာတာနဲ့ ဗိုက်ကြီးက ဟာတာတာနဲ့ ဆာနေတယ်ဆိုတာ ဘာတွေကြောင့် ဖြစ်ရတာလဲ။ အစာအိမ်ရောဂါများရနေပြီလား ။ ။

    အများအားဖြင့် ပုံမှန် ဗိုက်အဆာဆုံးအချိန်က ညနေခင်းပါ။ ဗိုက်ဆာမှု အနည်းဆုံး အချိန်တွေကတော့ မနက်ခင်းနဲ့ ညပိုင်းအချိန်တွေပါ။ ဒါပေမယ့် တချို့လူတွေအတွက်တော့ ဒီ အနည်းဆုံးဖြစ်တဲ့ ညသန်းခေါင်းကျော်နဲ့ မနက်အစောပိုင်း အချိန်တွေမှာ ဗိုက်ဆာတာမျိုးဖြစ်တတ်တာက ဒါတွေ ကြောင့် ဖြစ်နိုင်ပါတယ် ။

    ( ၁ ) အိပ်ရာမဝင်ခင် အစားတွေ အများကြီးစားထားလို့ပါ။

    အိပ်ရာဝင်ခါနီး ၁ နာရီ ၂ နာရီလောက်အလိုမှာ သရေစာဖြစ်ဖြစ်၊ ဗိုက်ပြည့်အောင်ဖြစ်ဖြစ် တင်းနေအောင် စားလိုက်ရင် မနက်နိုးလာတဲ့အချိန် ဗိုက်ဆာနေတော့မှာပါ။ ဒီလိုဖြစ်ရတဲ့ အကြောင်းအရင်းက အိပ်ခါနီး အစာစားလိုက်လို့ တက်သွားတဲ့ သွေးတွင်း သကြားဓာတ် တွေ ပုံမှန်ပြန်ရောက်အောင် အင်ဆူလင်တွေ အများကြီးထွက်လာပါတယ်။ ထွက်လာတဲ့ အင်ဆူလင်တွေက သကြားဓာတ်တွေကို ဆဲလ်ထဲ အကုန်သွင်းလိုက်တာကြောင့် သွေးတွင်းမှာ သကြားဓာတ်တွေနည်းသွားပြီး မနက်ရောက်လာတဲ့အခါ ဗိုက်ဆာနေတာဖြစ်ပါတယ်။

    ( ၂ ) အိပ်ချိန်နောက်ကျပြီး အိပ်ရေးမဝတာကြော့င့် ဖြစ်နိုင်ပါတယ်။

    အိပ်ရေးမဝတဲ့အခါ ကမောက်ကမဖြစ်သွားတဲ့ သွေးတွင်းသကြားဓာတ်က တစ်ကြောင်း၊ အိပ်ချိန်နောက်ကျရင် ထွက်လာတတ်တဲ့ ghrelin ဟော်မုန်းကြောင့် ဗိုက်ဆာမှာကတစ်ကြောင်းနဲ့ မနက်ပိုင်းနိုးလာတဲ့အချိန် ဗိုက်ကြီးက ဆာနေတော့မှာပါ။

    ( ၃ ) ဓမ္မတာလာခါနီးရင် ဖြစ်တတ်တဲ့ လက္ခဏာတွေထဲကတစ်ခုပါ။

    ဓမ္မတာလာခါနီးရင် ဖြစ်တတ်တဲ့ ဟော်မုန်းအပြောင်းအလဲတွေကြော့င် ကိုယ့်တွင်း ဇီဝကမ္မဖြစ်စဉ် တွေ ပြောင်းလဲပြီး မနက်အိပ်ရာနိုးနိုးချင်း ဗိုက်ဆာတာမျိုးဖြစ်တတ်ပါတယ်။

    ( ၄ ) ရေဆာနေတာကြောင့်လဲဖြစ်တတ်ပါတယ်။

    ညဘက် အိပ်ကောင်းနေတဲ့အချိန် ဆီးထ မသွားချင်တာကြောင့် အိပ်ခါနီးရေဆာပေမယ့် ရေမသောက်လိုက်ဘဲ အိပ်ရာဝင်တဲ့အခါ မနက်နိုးလာချိန် ဗိုက်ဆာနေတတ်ပါတယ်။ ဘာ့ကြောင့်လဲဆိုတော့ ရေဆာတဲ့ခံစားမှုနဲ့ ဗိုက်ဆာတဲ့ ခံစားမှုကို မနက်နိုးတဲ့အချိန် မခွဲနိုင်သေးတာကြောင့်ပါ။ ဒါ့ကြောင့်နိုးနိုးချင်း ရေကို တစ်ဝလောက်သောက်ချလိုက်ပါ။ ရေသောက်လိုက်လို့ ဗိုက်ပြည့်သွားရင် ဒါရေဆာနေတာပါ။

    ( ၅ ) စိတ်ဖိစီးမှု

    စိတ်ဖိစီးမှုတွေ များလွန်းရင် ထွက်လာတဲ့ cortisol ဟော်မုန်းက ဆာလောင်ခြင်းကို အားပေးတာကြောင့် မနက်ပိုင်း ဗိုက်တွေဆာပြီး နိုးလာတတ်ပါတယ်။

    ( ၆ ) အိပ်ခါနီး လေ့ကျင့်ခန်း တွေ လုပ်ထားတဲ့အခါ

    ညနေပိုင်း လေ့ကျင့်ခန်းလုပ်ဖို့ မအားလို့ပဲ ဖြစ်ဖြစ်၊ ညဘက်အိပ်ကောင်းအောင် ဖြစ်ဖြစ် လေ့ကျင့်ခန်းလုပ်တဲ့အခါ သွေးတွင်း သကြားဓာတ်တွေ ကုန်သွားလို့ မနက်နိုးလာတဲ့အချိန် ဗိုက်ဆာတာမျိုး ဖြစ်တတ်ပါတယ်။

    ဒါဆို ဒါတွေကို ဘယ်လိုသက်သာအောင် လုပ်လို့ ရမလဲ ။ ။

    ကိုယ်က ညည ဗိုက်ဆာတတ်တဲ့သူဆိုရင် အစားတွေကို အရမ်းအပြည့်ကြီး မစားဘဲ အပေါ့စားသရေစာလေးတွေ လောက်ပဲ စားပေးပါ။ သကြားများတာ ကစီဓာတ်များတွေရှောင်ပြီး အသီးအရွက်များများစားပေးပါ။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 24/06/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: