ထန်းသီးနုနုလေး စားပေးသင့်တဲ့အကြောင်းအရင်း

ထန်းသီးနုနုလေးစားရတာက ဂျယ်လီလေးစားရသလိုပါပဲ။ ဆိုးဆေးတွေ၊ပြုပင်ထားတဲ့ အချိုဓါတ်တွေကင်းစင်တဲ့ သဘာဝရဲ့ ဂျယ်လီလေးပေါ့။နွေရာသီမှာ ထန်းသီးနုနုချိုချိုလေးကို ပင်ပွားလေးနဲ့ရောလို့ နို့စိမ်းလေး၊ရေခဲလေးနဲ့ရာစပ်လိုက်ရင် ထန်းသီးဖော်ရည်ချိုအေးမွှေးလေးက ရင်အေးစေသလို စိတ်ကျေနပ်မငလည်းရစေတာအမှန်ပါ။ ထန်းသီး မနုမရင့်လေးတွေကိုလည်းကျောက်ကျောထိုးစားလို့ရပါသေးတယ်နော်။ ဒီလိုအမျိုးမျိုးအဖုံဖုံစားလို့ရတဲ့ ထန်းသီးနုနုလေးက စားကောင်းရုံတင်လား။ နိုးပါ။ ကျန်းမာရေးအတွက်လည်းကောင်းစေပါသေးတယ်နော်။ ကဲ …. ထန်းသီးနုနုလေး စားပေးသင့်တဲ့အကြောင်းအရင်း ကို အတူတူ ကြည့်လိုက်ရအောင်နော်။

ထန်းသီးအကြောင်း သိပြီးပြီလား

အညာဒေသတွေရဲ့ အမှတ်အသားလို့တောင်ပြောလို့ရတဲ့ ထန်းပင်လေးက သားသမီးတစ်ယောက်ထက်တောင်ပိုပြီး အသုံးကျသေးတယ်၊လို့ပြောတာကိုကြားဖူးကြလား။ ထန်းပင်ရဲ့ အရွက်က အမိုးမိုးလို့ရတယ်။ ထန်းသီးအဆံကစားလို့ရတယ်။ ထန်းသီးမှည့်သွားရင်လည်း အနှစ်တိုက်ပြီး ထန်းသီးမုန့်လုပ်စားလို့ရတယ်။ အမြစ်ကလည်း စားလို့ရပါတယ်။ ထန်းပင်ကအိုသွားလို့ ခုတ်လှဲရပြီဆိုရင်လည်း ပင်စည်ကို ကြမ်းခင်းအဖြစ်သုံးလို့ရပါသေးတယ်။ ထန်းရည်နဲ့ ထန်းလျက်ကလည်း ထန်းပင်ကနေရတဲ့ အရာတွေပါပဲ။ ကဲ ဘယ်လောက်တောင်အသုံးဝင်လိုက်သလဲနော်။

ထန်းသီးဆိုတာက အမှန်တော့ အသီးရဲ့အဆံလေးပါ။ အညိုရောင်ထန်းသီးထဲမှာပါတဲ့ အဆံလေးတွေပေါ့။ ထန်းသီးတစ်လုံးမှာ ၃ ခုဒါမှမဟုတ် ၄ ခုထိပါတတ်ပါတယ်။ အသီးရဲ့ လုံးပတ်က ၄ လက်မကနေ ၇ လက်မလောက်ရှိတတ်ပါတယ်။ ထန်းသီးဆံလေးရဲ့ အခွံက အဝါရောင်လိုလိုလေးသန်းနေတတ်ပြီး အတွင်းကအဆံက အဖြူရောင်လေးပါ။ နုရင်တော့ ခပ်ကြည်ကြည်လေးပါ။ အရမ်းနုရည် အရည်လည်းရွှမ်းပါသေးတယ်နော်။

ဘယ်လိုအာဟာရဓါတ်တွေပါလဲ

အဆီလုံးဝမပါဝင်ဘဲ ပရိုတင်းကြွယ်ဝတဲ့ အသ်းတစ်ခုပါ။ ဒါတင်မကပါဘူး။ဖော့စဖရိတ်ဓါတ်လည်းကြွယ်ဝပါသေးတယ်။ ဒီဓါတ်တွေအပြင် ထန်းသီးမှာ

• ရေဓါတ်
• ကာဗိုဟိုက်ဒရိတ်
• ကယ်လ်ဆီယမ်
• သိုင်ရာမင်
• ရိုင်ဗိုဖလာဗင်
• နီကာဆင်
• ဗီတာမင် B
• ဇင့်
• ပိုတက်ဆီယမ်
• ဗီတာမင်ဓါတ်တွေပါဝင်နေပါတယ်။ အမျှင်ဓါတ်နဲ့သံဓါတ်တော့ မပါဝင်ပါဘူး။

ထန်းသီးနုနုလေး စားပေးသင့်တဲ့အကြောင်းအရင်း

ထန်းသီးနုနုလေး စားပေးသင့်တဲ့အကြောင်းအရင်း ကတော့

ဆီးချိုသမားတွေအတွက် သင့်တော်တယ် – ထန်းသီးမှာ ဗီတာမင် B၊ ဗီတာမင် C၊ သံဓါတ်၊ ဇင့်၊ ပိုတက်ဆီယမ်၊ ကယ်လ်ဆီယမ်၊ဖော့စဖရိတ်၊ သီရာမင်း နဲ့ ရိုင်ဗိုဖလာဗင်တို့အပြင် ခန္ဓါကိုယ်အတွက်အထောက်အကူပြုတဲ့ ဗီတာမင် နဲ့ သတ္တုဓါတ်တွေပါဝင်တာကြောင့် ဆီးချိုသမားတွေအတွက် သင့်တော်တဲ့ စားစရာတစ်ခုပါ။

နာကျင်ရောင်ရမ်းမှုတွေကို သက်သာစေနိုင်တယ် – ထန်းသီးမှာ ဓါတ်တိုးဆန့်ကျင် အာနိသင်တွေကြွယ်ဝသလို နာကျင်ရောင်ရမ်းမှုကိုလည်း သက်သာစေနိုင်ပါတယ်။ အရေပြားမှာဖြစ်တဲ့ရောင်ရမ်းမှုတွေကိုလျော့ပါးသက်သာစေနိုင်ပါတယ်။ မအီမသာဖြစ်တာ၊အော့အန်နေတာတွေကို သက်သာစေဖို့အတွက်လည်း စားသုံးပေးလို့ရပါတယ်။ သန်ကျစေနိုင်သလို အသည်းကအဆိပ်အတောက်တွေကိုပါဖယ်ရှားပေးပါတယ်။

ဘာတွေ သတိထားရမလဲ!

ဆီးချို ရှိမယ်ဆိုရင်တော့ မစားခင်မှာ ဆရာဝန်နဲ့ အရင်ဆုံး တိုင်ပင်ပါ။ ကိုယ်ဝန်ဆောင် ဆီးချို ရှိမယ်ဆိုရင်လည်း သေချာလေး ဂရုစိုက်ဖို့ လိုပါမယ်။ အများကြီး စားမိရင် ဝမ်းသွားစေနိုင်တာကြောင့် အလွန်အကျွံ မစားဖို့လည်း လိုပါမယ်။